Chiranjeevi Birthday: कसे पडले ‘मेगा स्टार’ चिरंजीवी हे नाव? जाणून घ्या रंजक गोष्ट, बजरंगबलीशी आहे संबंध

भारतीय चित्रपटसृष्टीतील 'मेगा स्टार' चिरंजीवी आज २२ ऑगस्ट रोजी त्यांचा ७० वा वाढदिवस साजरा करत आहेत. दाक्षिणात्य सुपरस्टारच्या या खास दिवसानिमित्त आपण अभिनेत्याशी संबंधित काही खास गोष्टी जाणून घेऊ.

(फोटो सौजन्य - इन्स्टाग्राम)

Follow Us:

Follow Us:

• मेगा स्टार’ चिरंजीवी यांचा ७० वा वाढदिवस
• अभिनेत्याने ‘या’ चित्रपटांतून केले पदार्पण
• चिरंजीवीच्या कारकिर्दीतील सुपरहिट चित्रपट

अभिनेता चिरंजीवी यांचे संपूर्ण नाव ‘कोनिडेला शिवशंकर वरप्रसाद’ आहे. चिरंजीवीचा जन्म २२ ऑगस्ट १९५५ रोजी आंध्र प्रदेशात झाला. हा अभिनेता चित्रपटसृष्टीत चिरंजीवी या नावाने प्रसिद्ध आहेत. तसेच आज अभिनेता त्याचा ७० वा वाढदिवस साजरा करत आहे. अभिनेत्याला हे नाव कसे मिळाले याची गोष्ट खूपच रंजक आहे, जी आता आपण जाणून घेणार आहोत. अभिनेत्याच्या आईने मुलाचे हे नाव ठेवण्याचा निर्णय घेतला होता. याचे कारण असे की भगवान बजरंगबली यांच्यावरील त्यांची भक्ती आहे. अभिनेत्याचे कुटुंब अंजनेय म्हणजेच भगवान हनुमानाची पूजा करतो, म्हणून त्यांच्या आईने त्यांना पडद्यावरचे नाव ‘चिरंजीवी’ ठेवण्याचा सल्ला दिला. चिरंजीवी म्हणजे अमर.

एल्विश यादवच्या घरावर गोळीबार करणाऱ्या आरोपीला अटक; पोलिसांशी झालेल्या झटापटीत जखमी

अभिनेत्याने ‘या’ चित्रपटांतून केले पदार्पण
चिरंजीवी यांनी १९७८ मध्ये आलेल्या ‘प्रणाम खरेदू’ या चित्रपटातून आपल्या कारकिर्दीची सुरुवात केली. त्यांच्याशी संबंधित एक गोष्ट अशी की ते ‘पुनधिरल्लू’ या चित्रपटातून पदार्पण करणार होते, परंतु त्याचे प्रदर्शन लांबणीवर पडले आणि त्याआधीच ‘प्रणाम खरेदू’ चित्रपट प्रदर्शित झाला होता. चिरंजीवी हा पहिला दक्षिण भारतीय अभिनेता आहे ज्यांचा ‘कोडामा सिंहम’ हा चित्रपट इंग्रजीत डब करण्यात आला होता. के मुरली मोहन राव यांनी दिग्दर्शित केलेला हा चित्रपट १९९० मध्ये प्रदर्शित झाला.

चिरंजीवीच्या कारकिर्दीतील महत्त्वाचे चित्रपट
चिरंजीवीने ‘प्रणाम खरीदू’ या चित्रपटातून पदार्पण केले, परंतु त्यांना खरी ओळख ‘मना पुरी पंडावुलू’ या चित्रपटातून मिळाली. १९८३ मध्ये प्रदर्शित झालेला ‘कैदी’ हा चित्रपट चिरंजीवीच्या कारकिर्दीतील सर्वात महत्त्वाच्या चित्रपटांपैकी एक आहे. त्यामुळे हा अभिनेता सुपरस्टार बनला. त्यानंतर १९९१ मध्ये प्रदर्शित झालेला ‘गँग लीडर’ हा त्याच्या कारकिर्दीतील सर्वात मोठ्या हिट चित्रपटांपैकी एक आहे. याच्या दोन वर्षांपूर्वी चिरंजीवीने ‘रुद्र वीणा’ या चित्रपटातून आपले वर्चस्व मिळवले. अभिनेत्याला या चित्रपटासाठी राष्ट्रीय चित्रपट पुरस्कारही मिळाला. तसेच ‘इंद्र’ हा चिरंजीवीच्या कारकिर्दीतील सर्वात मोठ्या ब्लॉकबस्टर चित्रपटांपैकी एक आहे. ‘शंकर दादा एमबीबीएस’ या ‘मुन्ना भाई एमबीबीएस’ चा तेलुगू रिमेकने त्याने प्रेक्षकांचे चांगले मनोरंजन केले. अभिनेता असण्यासोबतच तो एक उत्तम डान्सर देखील आहे.

Jaswinder Bhalla: प्रसिद्ध कॉमेडियन जसविंदर भल्ला यांचे निधन, अनेक पंजाबी चित्रपटांमधून केले प्रेक्षकांचे मनोरंजन

चिरंजीवी हे राम चरणचे वडील
अभिनेता चिरंजीवी यांनी २० फेब्रुवारी १९८० रोजी तेलुगू अभिनेता अल्लू रामलिंगय्या यांची मुलगी सुरेखा हिच्याशी लग्न केले. सुरेखा आणि चिरंजीवीला तीन मुले आहेत. दोन मुली सुष्मिता आणि श्रीजा. एक मुलगा राम चरण. राम चरण हा एक लोकप्रिय अभिनेता आहे. त्याचे लग्न उपासना कामिनेनीशी झाले आहे. राम चरण आणि उपासना एका मुलीचे पालक आहेत. तसेच, आंध्र प्रदेशचे उपमुख्यमंत्री आणि अभिनेता पवन कल्याण आणि नागेंद्र बाबू हे चिरंजीवीचे भाऊ आहेत.

Web Title: Chiranjeevi birthday know about megastar career best movies political journey and life story

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com