अन्यायाविरुद्ध बंड पुकारणारे निर्भड नेते डॉ. बाबासाहेब आंबेडकर यांची जयंती; जाणून घ्या 14 एप्रिलचा इतिहास

Babasaheb Ambedkar Jayanti 2025 : डॉ. बाबासाहेब आंबेडकर यांची देशात नाही तर जगामध्ये जयंती साजरी केली जात आहे. समाजातील सोशित घटकाला त्यांनी संविधानाच्या माध्यमातून हक्क प्राप्त करुन दिले.

भारतरत्न डॉक्टर बाबासाहेब आंबेडकर यांची जयंती उत्साहामध्ये साजरी केली जात आहे (फोटो - सोशल मीडिया)

Follow Us:

Follow Us:

भारताच्या स्वातंत्र्यलढ्यासह समाजनिर्मितीमध्ये ज्यांनी मोलाचे योगदान दिले ते म्हणजे भारतरत्न डॉक्टर बाबासाहेब आंबेडकर. ज्या काळामध्ये काही समाजातील माणसांचे जीवन हे प्राणीमात्रांपेक्षाही काडीमोल ठरवण्यात आले होते. अशा सर्व बांधवांसाठी डॉ. बाबासाहेब आंबेडकर यांनी लढा दिला. फक्त लढा दिला नाही तर संविधान निर्मितीमध्ये त्यांनी अशा सर्व बांधवांना त्यांचे हक्क दिले. बाबासाहेब आंबेडकर शिका आणि संघटित व्हा असा संदेश दिला. शिक्षणाला आद्य महत्त्व देणार डॉ. आंबेडकर हे एक थोर समाजसुधारक, तज्ज्ञ राजकारणी, सुजाण पत्रकार होते आणि अन्यायाविरुद्ध बंड पुकारणारे निर्भड नेते होते. आज देशभरामध्ये डॉक्टर बाबासाहेब आंबेडकर यांची जयंती मोठ्या उत्साहामध्ये साजरी केली जात आहे.

14 एप्रिल रोजी देशाच्या आणि जगाच्या पाठीवर घडलेल्या महत्त्वपूर्ण घडामोडी

• 1661 : प्रिन्स सेसी या शास्त्रज्ञाने दुर्बिणीसाठी टेलिस्कोप हा शब्द प्रथम वापरला.
• 1665 : पुरंदरच्या प्रसिद्ध वेढादरम्यान दिलरखान पठाणने वज्रमल किल्ला ताब्यात घेतला.
• 1736 : चिमाजीअप्पा यांनी जंजिऱ्याच्या सिद्धीसाताचा पराभव केला.
• 1865 : जॉन विल्क्स बूथने अब्राहम लिंकनवर गोळी झाडली. दुसऱ्या दिवशी लिंकनचा मृत्यू झाला.
• 1912 : आर.एम.एस. टायटॅनिक रात्री 11:40 वाजता (स्थानिक वेळेनुसार) उत्तर अटलांटिक महासागरातील एका हिमखंडाला धडकले.
• 1944 : दुपारी 4:50 वाजता, बॉम्बे डॉक्सवर फोर्ट स्टिकिन या मालवाहू जहाजावर मोठा स्फोट झाला, 300 लोक ठार झाले आणि सुमारे 2 कोटी पौंडचे आर्थिक नुकसान झाले.
• 1995 : टेबल टेनिसमधे सलग 6670 रॅलीज करण्याचा जागतिक विक्रम डॉ. रमेश बाबू यांनी पुण्यात नोंदवला.

राजकीय बातम्या वाचण्यासाठी क्लिक करा

14 एप्रिल रोजी जन्म दिनविशेष

• 1629 : डच गणितज्ञ, खगोलविज्ञानिक आणि पदार्थवैज्ञानिक, लंबकाच्या घड्याळाचा शोध लावणारे क्रिस्टियन हायगेन्स यांचा जन्म. (मृत्यू: 8 जुलै 1695)
• 1891 : भारतीय राज्यघटनेचे शिल्पकार डॉ. बाबासाहेब आंबेडकर यांचा जन्म. (मृत्यू: 6 डिसेंबर 1956)
• 1914 : अभिनेत्री शांता हुबळीकर यांचा जन्म. (मृत्यू: 17 जुलै 1992)
• 1919 : ‘पार्श्वगायिका शमशाद बेगम यांचा जन्म. (मृत्यू: 23 एप्रिल 2013)
• 1919 : भारतीय लेखक आणि नाटककार के. सरस्वती अम्मा यांचा जन्म. (मृत्यू: 26 डिसेंबर 1975)
• 1922 : मैहर घराण्याचे जागतिक कीर्तीचे सरोदवादक उस्ताद अली अकबर खाँ तथा खाँसाहेब यांचा जन्म. (मृत्यू: 18 जून 2009)
• 1927 : विनोदी लेखक द. मा. मिरासदार यांचा जन्म.
• 1942 : केंद्रीय मंत्री व राजस्थानचे राज्यपाल मार्गारेट अल्वा यांचा जन्म.
• 1943 : वात्रटिकाकार रामदास फुटाणे यांचा जन्म.

महाराष्ट्रसंबंधित बातम्या वाचण्यासाठी क्लिक करा

14 एप्रिल मृत्यू दिनविशेष

1950 : भारतीय तत्त्ववेत्ते  योगी रमण महर्षी तथा वेंकटरमण अय्यर समाधिस्थ झाले. (जन्म: 30 डिसेंबर 1879)
1962 : भारतरत्न पुरस्कृत सर मोक्षमुंडम विश्वेश्वरैया यांचा मृत्यु झाला. (जन्म: 15 सप्टेंबर 1860)
1963 : इतिहासकार केदारनाथ पांडे तथा राहूल सांकृतायन यांचे निधन. (जन्म: 9 एप्रिल 1893)
1997 :  चित्रपट आणि नाट्य अभिनेते चंदू पारखी यांचे निधन.
2013 : उद्योगपती राम प्रसाद गोएंका यांचे निधन. (जन्म: 1 मार्च 1930)

Web Title: 14 april dinvishesh bharatratna dr babasaheb ambedkar jayanti 2025

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com