फोटो सौजन्य - X
सुरेश रैना : आज राॅयल चॅलेंजर्स बंगळुरू आणि कोलकता नाइट राइडर्स आमनेसामने असणार आहेत. कोलकता या सिझनमधील प्रवास हा चढउताराता राहिला आहे. तर त्याउलट राॅयल चॅलेंजर्स बंगळुरूच्या संघाने या सिझनमध्ये कमालीची कामगिरी केली आहे. राॅयल चॅलेंजर्स बंगळुरूच्या संघाने बंगळुरूच्या मैदानावर सोडुन सर्व सामन्यावर विजय या सिझनमध्ये मिळवला आहे. त्याचबरोबर या नव्या सिझनमध्ये रजत पाटीदारकडे संघाची कमान देण्यात आली आहे. भारत आणि पाकिस्तानमधील तणावामुळे, IPL 2025 चा कारवां मध्येच थांबवण्यात आला.
आज आयपीएलच्या पुनरागमनानंतर पहिला सामना आरसीबीशी होणार आहे. आरसीबीने हा सामना जिंकला तर तो चालू हंगामात प्लेऑफमध्ये स्थान मिळवणारा पहिला संघ बनेल. या संघाला माजी भारतीय क्रिकेटपटू सुरेश रैनाचा पाठिंबा मिळाला आहे. तो म्हणाला की, आरसीबी यावर्षी जेतेपद जिंकण्याचा दीर्घ दुष्काळ संपवू शकेल. हा संघ सध्या आयपीएल पॉइंट टेबलमध्ये दुसऱ्या स्थानावर आहे. संघाने आतापर्यंत ११ पैकी आठ सामने जिंकले आहेत, तर फक्त तीन सामन्यांमध्ये त्यांना पराभवाचा सामना करावा लागला आहे. रैनाला वाटते की आरसीबी या वर्षी त्यांची दीर्घ प्रतीक्षा संपवेल.
IPL 2025 च्या प्लेऑफमध्ये कोणत्या चार संघाचा लागणार नंबर! वाचा गुणतालिकेचे गणित
‘स्टार स्पोर्ट्स’शी बोलताना रैना म्हणाला की, ‘या वर्षी आरसीबी वेगळ्या लीगमध्ये खेळत असल्याने याची दाट शक्यता आहे.’ त्यांनी चिन्नास्वामी येथे १५० आणि १३६ सारख्या धावांचा बचाव केला आहे आणि त्यांच्या गोलंदाजी युनिटने चांगली कामगिरी केली आहे. नवीन कर्णधाराने चेन्नई सुपर किंग्जला दोनदा हरवले आहे. एकदा चेन्नईमध्ये आणि नंतर घरी, जे बरेच काही सांगून जाते. संघाचा ड्रेसिंग रूम खूप सकारात्मक दिसत आहे आणि हे अशा संघाचे लक्षण आहे जो खूप पुढे जाऊ शकतो. हो, मुंबई इंडियन्स, गुजरात टायटन्स आणि पंजाब किंग्ज देखील चांगली कामगिरी करत आहेत, पण १८ वर्षांनंतर विराटचे हे वर्ष ट्रॉफी उंचावण्याचे असू शकते.
आयपीएल २०२५ मध्ये आरसीबीच्या यशात विराटने मोठी भूमिका बजावली आहे. ११ सामन्यांमध्ये ५०५ धावा करून तो स्पर्धेत सर्वाधिक धावा करणाऱ्या खेळाडूंच्या यादीत चौथ्या स्थानावर आहे. तो अव्वल क्रमांकावर असलेल्या सूर्यकुमार यादवपेक्षा फक्त पाच धावांनी मागे आहे, ज्याच्या नावावर ५१० धावा आहेत. कोहली संपूर्ण स्पर्धेत सातत्याने चांगली कामगिरी करत आहे, जिथे त्याच्या बॅटने सात अर्धशतके झळकावली आहेत.
