Top Marathi News Today: भारतात खळबळ, कोलकता भूकंपाने हादरलं! 5.5 रिश्टर स्केलचे ढाकाजवळ धक्के

21 Nov 2025 06:57 PM (IST)

Syed Mushtaq Ali Trophy : सय्यद मुश्ताक अली ट्रॉफीसाठी महाराष्ट्र संघ जाहीर! ऋतुराज गायकवाड करणार नेतृत्व..

Maharashtra team announced for Syed Mushtaq Ali Trophy : भारत आणि दक्षिण आफ्रिका यांच्यात दोन सामन्यांची कसोटी मालिका खेळली जात आहे. या मालिकेतील पाहिला सामना भारताने गमावला असून दूसरा सामना २२ नोव्हेंबरपासून गुवाहाटी येथे खेळला जाणार आहे. यादरम्यान, महाराष्ट्र क्रिकेट असोसिएशन (एमसीए) सचिव अ‍ॅड. कमलेश पिसाळ यांनी २६ नोव्हेंबर २०२५ पासून सुरू होणाऱ्या बीसीसीआय सय्यद मुश्ताक अली ट्रॉफी २०२५-२६ च्या पहिल्या तीन लीग सामन्यांसाठी महाराष्ट्र वरिष्ठ पुरुष संघाची घोषणा केली आहे. अनुभवी फलंदाज रुतुराज गायकवाडकडे संघाची धुरा सोपवण्यात आली आहे. तर संघात पृथ्वी शॉ, राहुल त्रिपाठी आणि युवा अष्टपैलू राजवर्धन हंगेरगेकर सारखे प्रमुख खेळाडूंची वर्णी लागली आहे.

21 Nov 2025 06:43 PM (IST)

Maharashtra Politics: “उपाध्ये, भंडारी या निष्ठावंतांच्या दुःखात…”; बिनविरोध निवडणुकीवरून रोहित पवारांचा घणाघात

Maharashtra Local Body Election: राज्यात स्थानिक स्वराज्य संस्थांच्या निवडणुकांचे बिगुल वाजले आहे. उमेदवारी अर्ज मागे घेण्यासाठी आजचा शेवटचा दिवस आहे. डिसेंबर महिन्यात 2 तारखेला मतदान आणि 3 तारखेला निकाल जाहीर होणार आहे. दरम्यान काही नगरपरिषद, नगरपंचायतीमध्ये निवडणूक बिनविरोध झाली आहे. त्यामध्ये भाजपचे उमेदवार निवडून आले आहेत. त्यावरून आता रोहित पवार यांनी भाजपवर निशाणा साधला आहे.

21 Nov 2025 06:33 PM (IST)

नितीश कुमार आहेत फॉर्मूला मास्टर! बिहारचे 10 व्यांदा मुख्यमंत्री होऊन बनले किंगमेकर

Nitish Kumar 10th time CM: नितीश कुमार यांना सर्वात जास्त काळ मुख्यमंत्रीपद मिळाले आहे हे केवळ त्यांच्या लोकप्रियतेमुळे नाही तर ते राजकीय फॉर्मूला मास्टर आहेत. सध्या, भारताच्या निवडणूक राजकारणाचे सूत्र एका नवीन संक्रमणातून जात असल्याचे दिसते. भारतीय लोकशाहीच्या निवडणूक प्रवासात नवीन ट्रेंड उदयास येत आहेत. पूर्वी, पक्ष मागास जाती, दलित, उच्च जाती आणि अल्पसंख्याक मुस्लिमांवर आधारित मतदारांचे नकाशे तयार करत असत; आता, त्या वर्गीकरणात तफावत येऊ लागली आहे.

21 Nov 2025 06:20 PM (IST)

‘राइड टू एमपॉवर’ सायक्लोथॉनसाठी मुंबई सज्ज; Salman Khanचा प्रेरणादायी संदेश

‘राइड टू एमपॉवर मुंबई सायक्लोथॉन २०२५’ हा उपक्रम यावर्षी मोठ्या प्रमाणात आयोजित केला जात असून, मुंबईकरांना फिटनेस, मानसिक आरोग्य आणि पर्यावरण या तिन्ही विषयांबद्दल जागरूक करण्याचे उद्दिष्ट ठेवण्यात आले आहे. या निमित्ताने सलमान खानने खास संदेश देत मुंबईकरांना सहभागी होण्याचे आवाहन केले आहे.

21 Nov 2025 05:58 PM (IST)

सारीका साबळेंच्या पाठिंब्यामुळे डॉ. प्रणिता भालकेंंच्या नगराध्यक्षा पदाचा मार्ग मोकळा

नगरपालिकेची निवडणूक 2025 या निवडणुकीच्या रणधुमाळी मध्ये पंढरपूर नगरपालिकेचा नगराध्यक्ष पदासाठी उमेदवारी अर्ज अनेक महिला भगिनींनी भरलेला होता. त्यापैकी सारीका साबळे यांनी आज डॉ. प्रणिता भालके यांना बिनशर्त पाठिंबा दिलेला आहे.

सविस्तर माहितीसाठी येथे क्लिक करा

21 Nov 2025 05:34 PM (IST)

जीवे मारण्याची धमकी मिळताच मंत्री लोढा आक्रमक

राज्याचे मंत्री मंगल प्रभात लोढा सातत्याने मुंबईच्या सुरक्षेबाबत भाष्य करत असतात. तसेच ते सातत्याने रोहिंगे आणि घुसखोर बांग्लादेशींचा मुद्दा उचलून धरताना आपल्याला पाहायला मिळते. दरम्यान याच कारणावरून मुंबईमधील कॉँग्रेसचे आमदार अस्लम शेख यांनी मंत्री मंगल प्रभात लोढा यांना संपवण्याची धमकी दिली आहे. त्यामुळे एकच खळबळ उडाली आहे.

21 Nov 2025 05:12 PM (IST)

आता बिबट्यांची खैर नाही!Forest Department ॲक्शन मोडमध्ये

दौंड तालुक्यात बिबट्याचा मुक्त संचार वाढल्याने शेतकरी, महिला आणि लहान मुलांच्या सुरक्षेचा प्रश्न गंभीर बनला आहे. पाळीव जनावरांवर तसेच मानवावर होणारे हल्ले रोखण्यासाठी दौंड तालुका वनविभाग सतर्क झाला असून वनविभागाने व्यापक उपाययोजना हाती घेतल्या आहेत. तालुक्यातील बिबट-प्रवण नऊ ठिकाणी पिंजरे लावण्यात आले आहेत, अशी माहिती तालुका वनपरिक्षेत्राधिकारी राहुल काळे यांनी दिली.

21 Nov 2025 05:00 PM (IST)

जामिनावरील आरोपीला उमेदवारी देऊन भाजपचे गुन्हेगारीला पाठबळ

धाराशिव - नगराध्यक्ष हे पद मोठे पद आहे. मात्र या पदासाठी जामिनावर जेलबाहेर असलेल्या आरोपीला भाजपाने उमेदवारी देऊन गुन्हेगारीला पाठबळ दिले आहे. अशी घणाघाती टीका करुणा मुंडे यांनी तुळजापूर येथे केली आहे. तुळजाभवानी मातेचे दर्शन करून मंदिराबाहेर आल्यानंतर त्यांनी माध्यमांशी संवाद साधला. यावेळी त्यांच्या सोबत तुळजापूर नगरपालिकेच्या प्रभाग क्रमांक येथून स्वराज शक्ती सेनेच्या वतीने एक उमेदवारी दाखल केलेले उमेदवार आणि अन्य उपस्थित होते. मोठमोठे भ्रष्टाचार केलेल्यांनाही मंत्री बनविण्यात आले आहे. आता नगराध्यक्षपदासाठीही भाजपाने गुन्हेगारी पार्श्वभूमी असलेल्यास उमेदवारी दिली आहे. भाजपा घराणेशाही विरोधी असल्याचा गवगवा ते करतात. मात्र भाजपाने तुळजापूरमध्ये एकाच घराण्यातील सहा - सहा लोकांना उमेदवारी दिली आहे. हे कसली घराणेशाही मोडतात. अशी टीका त्यांनी यावेळी केली. तुळजाभवानी मातेने तेंव्हा छत्रपती शिवाजी महाराजांना जशी तालावर दिली होती. त्याच पद्धतीने मलाही आशीर्वाद द्यावा की, राज्यातील भ्रष्टाचाराचा डोंगर मी उलथवून टाकू शकेन. असे मागणे आपण मातेच्या चरणी मागितले असल्याचे त्यांनी यावेळी सांगितले.

21 Nov 2025 04:50 PM (IST)

रवींद्र चव्हाण यांच्यामुळे युती तुटली नाही; निलेश राणेंचा आरोप फोडला - प्रभाकर सावंत

सिंधुदुर्गातील युती तुटल्याच्या आरोपावर भाजप जिल्हाध्यक्ष प्रभाकर सावंत यांनी निलेश राणेंच्या वक्तव्याचे खंडन केले आहे. सावंत यांच्या म्हणण्यानुसार, रवींद्र चव्हाण यांचा युती सुदृढ करण्यासाठी उपक्रम होता, मात्र शिवसेनेची नगराध्यक्ष पदाची उमेदवार घोषणा आणि फॉर्मुला भाजप कर्मचाऱ्यांसाठी अन्यायकारक असल्यामुळे युती तुटली. यामध्ये रवींद्र चव्हाण यांचा कुठलाही हात नाही, तर युती तुटल्यास महाविकास आघाडीचा फायदा होणार होता, असा दावा त्यांनी केला.

21 Nov 2025 04:40 PM (IST)

रोजगारासाठी पालघरच्या बाहेर जाण्याची गरज लागणार नाही

पालघर मध्ये नगर परिषद निवडणुकांची रणधुमाळी सुरू झाली आहे भाजपने जनसंपर्क कार्यालय सुरू करत आपल्या प्रचाराला सुरुवात केली आहे. पालघर मध्ये रोजगार आणि विविध प्रकल्पांचा मुद्दा मोठा आहे. तर या समस्या लवकरात लवकर सुटणे गरजेचे आहे. यासाठी भाजपने आपले व्हिजन ठरवले आहे. पालघरचे जिल्हाध्यक्ष भरत राजपूत हे ह्या वेळी उपस्थित होते. रोजगारासाठी पालघरच्या बाहेर जाण्याची गरज लागणार नाही तर वाढवण माध्यमातून रोजगार निर्माण करणे हे प्राधान्य असणार आहे. असे भरत राजपूत यांनी म्हटले आहे

21 Nov 2025 04:30 PM (IST)

तुळजापुरात जोरदार शक्तिप्रदर्शन करत राणा पाटलांचा विरोधकांवर हल्लाबोल

जिल्ह्यातील तुळजापूर नगरपालिका निवडणूकच्या पार्श्वभूमीवर भाजपाचे नगराध्यक्षपदाचे उमेदवार विनोद गंगणे यांच्या समर्थनार्थ मंगळवारी (२० नोव्हेंबर) तुळजापूर शहरात जनसमर्थन रॅली काढण्यात आली. हजारो नागरिकांच्या उपस्थितीत झालेल्या या शक्तीप्रदर्शनात तुळजापूरचे आमदार राणाजगजितसिंह पाटील यांनी विरोधकांवर जोरदार टीका केली. यावेळी झालेल्या सभेत आमदार राणा पाटील म्हणाले की, विरोधकांकडून खोटेनाटे आरोप केले जात आहेत. भाजपाचे उमेदवार विनोद गंगणे यांच्यावर आरोप करणाऱ्यांनी पुढे येऊन आपल्या आरोपांचे पुरावे सादर करावेत. जर कोणाकडे काही आरोप असतील, तर त्याचे ठोस पुरावेही दाखवावेत. तुळजापूरच्या विकासाचे दावे करणाऱ्यांनी त्यांच्या कार्यकाळातील कामांची यादी दाखवावी. ज्यांच्या कारभारात तुळजापूरचा विकास ठप्प झाला, तेच आज आमच्या कामांवर प्रश्नचिन्ह उभे करत आहेत.

21 Nov 2025 04:17 PM (IST)

दुबईत एअर-शोदरम्यान लढाऊ विमान तेजस कोसळलं

दुबईत एअर-शोदरम्यान लढाऊ विमान तेजस कोसळलं

21 Nov 2025 04:10 PM (IST)

युतीधर्म न पाळल्याचा सपकाळ यांचा माजी आमदार चंद्रकांत दानवे यांच्यावर आरोप

जालना जिल्ह्यातील भोकरदन नगरपरिषद निवडणूक प्रचाराला काँग्रेस प्रदेशाध्यक्ष हर्षवर्धन सपकाळ यांच्या हस्ते सुरुवात झाली. यावेळी त्यांनी विरोधकांवर जोरदार टीका करत युतीधर्म न पाळल्याचा आरोप माजी आमदार चंद्रकांत पाटील दानवे यांच्यावर केला. आगामी निवडणुकांमध्ये काँग्रेस व पवार गट कुठलीही युती करणार नसल्याचेही संकेत दिले. काँग्रेसकडून प्रियंका प्रतीक देशमुख या नगराध्यक्षपदाच्या उमेदवार असून, त्यांच्या विरोधात आशा माळी व समरीन नाज मिर्जा या आहेत.

21 Nov 2025 03:57 PM (IST)

रवींद्र चव्हाणांमुळे रत्नागिरीत महायुतीत फूट? निलेश राणेंच्या आरोपावर भाजपचे स्पष्टीकरण

प्रदेशाध्यक्ष रवींद्र चव्हाण यांच्यामुळे सिंधुदुर्गातील युती तुटली असा आरोप आमदार निलेश राणे यांनी केला होता. भाजपचे जिल्हाध्यक्ष प्रभाकर सावंत यांनी या या आरोपाचे खंडन केले आहे. रवींद्र चव्हाण हे रत्नागिरी आणि सिंधुदुर्गमध्ये युती व्हावी यासाठी आग्रही होते परंतु शिवसेनेनेच आपला नगराध्यक्ष पदाचा उमेदवार जाहीर केला असा दावा त्यांनी केला आहे.

21 Nov 2025 03:53 PM (IST)

भाजपच्या माजी नगरसेवकाची शिंदे गटाच्या पदाधिकाऱ्यांना मारहाण

मुंबईत भाजपाचे प्रदेशाध्यक्ष रवींद्र चव्हाण (Ravindra Chavan) विरुद्ध उमुख्यमंत्री एकनाथ शिंदे (Eknath Shinde) यांच्यात संघर्ष आणि नाराजीनाट्याचा आता स्थानिक पातळवरही परिणाम दिसू लागला आहे. ठाण्यात फोडाफोडीचे राजकारण सुरू असतानाच शिंदे गट आणि भाजपच्या पदाधिकाऱ्यांमध्ये जोरदार राडा झाल्याची माहिती समोर आली आहे.

21 Nov 2025 03:40 PM (IST)

माळेगाव निवडणुकीत राष्ट्रवादी जनमत आघाडी माघार घेणार? इच्छुकांनी थेट…

माळेगाव नगरपंचायत निवडणुकीचा तापलेल्या वातावरणात राष्ट्रवादी जनमत आघाडीने जोरदार प्रचाराला सुरुवात केली असून गावात निवडणुकीची रणधुमाळी चांगलीच रंगू लागली आहे. आज उमेदवारी अर्ज माघारीचा शेवटचा दिवस असल्याने या आघाडीतील उमेदवार उमेदवारी अर्ज माघारी घेणार का? याकडे सर्वांचे लक्ष लागले आहे.

21 Nov 2025 03:29 PM (IST)

इराण नव्हे तर रशियाने ‘या’ दोन मुस्लिम देशांना युद्धसज्जतेसाठी बनवले महत्त्वाचे प्यादे

मध्य पूर्वेत सत्ता संतुलन वेगाने बदलत आहे आणि या संपूर्ण समीकरणात रशिया (Russia) पुन्हा एकदा मजबूत खेळाडू म्हणून उभरत आहे. विशेष म्हणजे, ही मोहीम आता केवळ इराणपर्यंत मर्यादित नसून मॉस्कोने इजिप्त (Egypt ) आणि ओमान (Oman) यांना आपल्या नवीन रणनीतीतील महत्त्वाचे भागीदार म्हणून पुढे केले आहे.

21 Nov 2025 03:17 PM (IST)

दिल्ली बॉम्बस्फोटाचा आरोपी डॉ. उमरचे आंतरराष्ट्रीय कनेक्शन आले समोर

दिल्लीतील लाल किल्ला परिसरामध्ये 10 नोव्हेंबर रोजी झालेल्या बॉम्बस्फोटामध्ये 13 जणांचा दुर्दैवी मृत्यू झाला. तर 24 जण गंभीर झाले. लाल किल्ला या गजबजलेल्या परिसरामध्ये हा बॉम्बस्फोट झाल्याने संपूर्ण देशभरातून हळहळ व्यक्त करण्यात आला

21 Nov 2025 03:04 PM (IST)

Anil Ambani गोत्यात! ईडीची धडक कारवाई

Anil Ambani vs ED: अनिल अंबानींच्या अडचणीत आणखी वाढ होत आहे. अवघ्या दोन दिवसांपूर्वीच सर्वोच्च न्यायालयाने नोटीस बजावली. आता, अंमलबजावणी संचालनालयाने (ईडी) एका नवीन तात्पुरत्या जप्तीअंतर्गत अनिल अंबानी समूहाच्या कंपन्यांच्या १४०० कोटी रुपयांची मालमत्ता जप्त केली आहे.

21 Nov 2025 02:55 PM (IST)

चांदोली राष्ट्रीय उद्यानात व्याघ्र संवर्धनाचा नवा टप्पा

सह्याद्री व्याघ्र प्रकल्पात व्याघ्रवाढीसाठी महत्त्वाचा टप्पा गुरुवारी (दि. 20) साध्य झाला. नियंत्रित पिंजऱ्यातून अनुकूलन प्रक्रियेनंतर ठेवण्यात आलेली वाघीण (एसटीआर टी-०४) ‘तारा’ हिला अखेर चांदोली राष्ट्रीय उद्यानातील नैसर्गिक जंगलात यशस्वीरीत्या मुक्त करण्यात आल्याने चांदोली राष्ट्रीय उद्यानात ‘तारा’चे पहिले मुक्त पाऊल पडले.

21 Nov 2025 02:50 PM (IST)

पत्नीवर अ‍ॅसिड अटॅक नंतर छतावरून ढकललं आणि…,

हिमाचल प्रदेश: हिमाचल प्रदेश येथून एक धक्कादायक घटना समोर आली आहे. पत्नीवर आधी अ‍ॅसिड टाकलं त्यानंतर छतावरून खाली ढकलून हत्या केली. या घटनेने संपूर्ण परिसर हादरून गेला आहे. ही घटना १५ नोव्हेंबरला दुपारच्या सुमारास घडली. आरोपी पतीचा नाव नंद लाल असे आहे. तर मृतकाचे नाव ममता ठाकूर असे आहे.

21 Nov 2025 02:45 PM (IST)

‘या’ नगरपरिषदेत बंडखोरांचे काय होणार?

जिल्ह्यातील नगरपरिषदा आणि ३ नगरपंचायतींमध्ये मोठ्या प्रमाणात झालेली बंडखोरी आ अपक्षानी मोठ्या संख्येने भरलेले उमेदव अर्ज यामुळे राजकारणच ढवळून निघाले आहे. बंडखोरीमुळे पक्षाच्या अधिन उमेदवारांचे नुकसान होण्याची शक्य लक्षात घेऊन त्यांची मनधरणी सम पक्षांकडून सुरू झाली आहे. त्यामुळे नोव्हेंबर रोजी उमेदवारी अर्ज घेण्याच्या शेवटच्या दिवशी हे बंडखोर उमेदवार आपले उमेदवारी अर्ज मागे घेणार का?, याबाबत गूढ कायम असून बंडखोरांना समजावण्यात राजकीय पक्ष नेते कमी पडले तर मात्र सर्वच राजक पक्षांना येत्या दोन डिसेंबरला होणाऱ्या निवडणुकीत त्याबाबत राजकीय किंमत मोजावी लागण्याची शक्यताही व्यक्त आहे.

21 Nov 2025 02:39 PM (IST)

‘120 बहादुर’ आणि ‘मस्‍ती 4’ ची संथ सुरुवात

शुक्रवारी, २१ नोव्हेंबर रोजी दोन नवीन चित्रपट थिएटरमध्ये प्रदर्शित झाले आहेत. फरहान अख्तरचा “१२० बहादूर” आणि विवेक ओबेरॉय, आफताब शिवदासानी आणि रितेश देशमुख यांचा “मस्ती ४” या चित्रपटांची सुरुवात मंदावली आहे. ऍडव्हान्स बुकिंग देखील मंदावली आहे. सध्या या दोन चित्रपटाना थिएटरमध्ये अजय देवगणचा “दे दे प्यार दे २” वगळता कोणत्याही चित्रपटाचा सामना करावा लागत नाही, जो रिलीजच्या आठव्या दिवशीही मंद कमाई करत आहे.

21 Nov 2025 02:34 PM (IST)

"धर्माच्या नावाखाली एखाद्याची हत्या करणे..." ए.आर. रहमानने चे विधान चर्चेत, हिंदू, ख्रिश्चन आणि इस्लाम धर्मावर केले भाष्य

प्रसिद्ध हिंदी चित्रपट गायक आणि संगीतकार ए.आर. रहमान यांनी अलीकडेच एका पॉडकास्टवर धर्म आणि सूफीवादावर चर्चा केली. रहमान यांनी खुलासा केला की त्यांनी इस्लाम, हिंदू आणि ख्रिश्चन धर्माचा अभ्यास केला आहे. त्यांना आढळले की कोणताही धर्म हिंसाचार शिकवत नाही आणि प्रत्येक धर्म हिंसाचाराला नकार देतो. त्यांनी स्पष्ट केले की धर्माच्या नावाखाली जीव घेणे अस्वीकार्य आहे. गायकाचे हे विधान आता चर्चेत आले आहे. त्याने असे का म्हटले हे आपण आता जाणून घेणार आहोत.

21 Nov 2025 02:30 PM (IST)

Google Gemini 3 मध्ये अनेक नवीन फिचर्सचा समावेश! सर्चमध्ये दिसणार इंटरॅक्टिव रिझल्ट

Google ने अलीकडेच नवीन AI मॉडेल Gemini 3 लाँच केले आहे. कंपनीने सांगितलं आहे की, हे आतापर्यंतचे सर्वात इंटेलीजेंट मॉडेल आहे आणि यामध्ये जेमिनी अ‍ॅप आणि सर्चसह गुगलच्या सर्व प्लॅटफॉर्मवर रोलआऊट केले जात आहे. गूगलचे सीईओ सुंदर पिचाई यांनी सांगितलं आहे की, हे मॉडेल रीजनिंगमध्ये उत्तम आहे आणि माणसांप्रमाणे बोलण्याची खोली आणि सूक्ष्म बारकावे जाणू शकतो. या मॉडेलमध्ये अनेक नवीन फीचर्सचा समावेश करण्यात आला आहे. यातीलच काही फीचर्सबाबत आता आम्ही तुम्हाला सांगणार आहोत.

21 Nov 2025 02:25 PM (IST)

Palash Muchhal ने Smriti Mandhana ला दिले मोठे सरप्राईज

नुकताच विश्वचषक जिंकणाऱ्या भारतीय महिला क्रिकेट संघातील एक महत्त्वाची सदस्य स्मृती मानधना लवकरच लग्न बंधनात अडकणार आहे. तिने गायक पलाश मुच्छलशी लग्न करण्याचा निर्णय घेतला आहे. दोघेही बऱ्याच काळापासून डेटिंग करत आहेत. विश्वचषकापूर्वीच मानधना नोव्हेंबरमध्ये लग्न करणार असल्याचे निश्चित झाले होते. पंतप्रधान नरेंद्र मोदी यांनी यावेळी तिचे अभिनंदन केले. भारतीय महिला संघाची उपकर्णधार स्मृती मानधना लवकरच संगीतकार पलाश मुच्छलसोबत लग्न करणार आहे.

21 Nov 2025 02:20 PM (IST)

महामार्गाची अतिक्रमित जमिनीचा मिळाला मावेजा शेतकऱ्याच्या संघर्षाला यश, पेढे वाटून आनंद

बीडच्या तांदळा गावात 154 शेतकऱ्याच्या लढ्याला तब्बल दहा वर्षाच्या न्यायालयीन लढ्यानंतर यश आले आहे. न्यायालयाने मावेजा देण्याचे आदेश शासनाला दिले आहेत. या शेतकऱ्यांच्या जमिनीच्या मावेजापोटी तब्बल 100 कोटी रुपये मिळणार आहेत.यामुळे शेतकऱ्यांनी पेढे वाटून आनंद उत्सव साजरा केला.कल्याण- विशाखापट्टणम राष्ट्रीय महामार्ग क्र.222 बनवताना शेतकऱ्याच्या जमिनीवर अतिक्रमण करून मोबदला न देता हा महामार्ग बनवला होता.यामध्ये जमिनी गेलेल्या शेतकऱ्यांना अनेक वर्ष संघर्ष करावा लागला. यात 36 जणांचा पाठपुरावा करताना मृत्यू झाला.शासनाने आता तरी विलंब न लावता मावेजा द्यावा अशी मागणी शेतकऱ्यांनी केली आहे. शासनाने अतिक्रमण केलेल्या जमिनीचा 63 वर्षाचा लढा त्याला यश आले आहे. शासकीय कार्यालयाच्या शेकडो चक्रा, न्यायालयातील लढा, शासन दरबारी पाठपुरावा यातून आता यश मिळाल्याने शेतकऱ्यांना आनंदाश्रू अनावर झाले.

21 Nov 2025 02:18 PM (IST)

नेपाळ मार्गे प्रदेशात पळून जाणाऱ्या आरोपीला नवी मुंबई पोलिसांनी केली अटक

हायड्रो गांजाची तस्करी करणारा मुख्य आरोपी नवीन चिचकर, याच्या साखळीतील २५ आरोपींना आत्तापर्यंत नवी मुंबई पोलिसांनी अटक केली होती. मात्र यातील २६ वा आरोपी नॉर्मन शहजाद मिस्त्री उर्फ नॉडी, याला नेपाळ मार्गे भारताबाहेर पळून जात असताना उत्तर प्रदेशातील इमिग्रेशन शाखेने अटक केली आहे.

21 Nov 2025 02:08 PM (IST)

ग्रहांच्या बदलत्या हालचालींमुळे 2026 चे वर्ष काही राशीच्या लोकांसाठी असणार आव्हानात्मक

2026 वर्ष ग्रह आणि नक्षत्रांच्या दृष्टिकोनातून विशेष असणार आहे. या वर्षी अनेक प्रमुख ग्रह संक्रमण आणि त्यांच्या हालचालींमध्ये बदल होताना दिसून येणार आहे. या बदलांचा आणि हालचालींचा सर्व राशीच्या लोकांवर परिणाम होणार आहे. ज्योतिषशास्त्रानुसार शनि वर्षभर मीन राशीतून संक्रमण करणार आहे. राहू कुंभ राशीत राहील आणि 2026 च्या शेवटी मकर राशीत प्रवेश करेल. शुक्र, सूर्य आणि मंगळ हे वेळोवेळी राशी बदलणार आहे. यावेळी गुरू मिथुन, कर्क आणि सिंह राशीतून संक्रमण करणार आहे. हे संक्रमण 2026 मध्ये काही राशीच्या लोकांना आव्हानात्मक राहणार आहे. कोणत्या आहेत त्या राशी जाणून घ्या.

21 Nov 2025 02:01 PM (IST)

'आम्हाला दोन जुळं बाळ झालं तर...', भारती सिंग होणार जुळ्या बाळांची आई? हर्षने वाढवली उत्सुकता

कॉमेडियन अभिनेत्री भारती सिंग तिच्या दुसऱ्या गरोदरपणामुळे सध्या सतत चर्चेत असताना दिसली आहे. ती लवकरच पुन्हा एकदा आई होणार आहे. काही दिवसांपूर्वी तिच्या मैत्रिणींनी तिच्यासाठी एक सुंदर बेबी शॉवर आयोजित केले होते, ज्यामध्ये भारती खूप भावुक होताना दिसली. तिच्या जवळच्या मैत्रिणी या कार्यक्रमात उपस्थित होत्या आणि सर्वजण तिच्यावर प्रेमाचा वर्षाव करताना दिसले. कुटुंब, मित्र आणि चाहते या लहान पाहुण्याच्या आगमनाची आतुरतेने वाट पाहत आहेत. दरम्यान, भारतीने तिच्या यूट्यूब चॅनेलवर एक नवीन व्हीलॉग शेअर केला आहे, ज्यामध्ये ती तिच्या येणाऱ्या बाळाबद्दल विस्तृतपणे बोलते आणि जुळ्या मुलांबद्दल देखील चर्चा करते.

21 Nov 2025 01:50 PM (IST)

वडील आणि पती नसलेल्या लाडक्या बहिणींचा E-KYC चा मार्ग झाला मोकळा

महायुती सरकारकडून जाहीर करण्यात आलेली लाडकी बहीण योजना ही नेहमीच चर्चेत असते. लाडकी बहीण योजनेच्या सर्व लाभार्थी महिलांना ई-केवायसी करणे बंधनकारक करण्यात आले आहे. मात्र हे ई-केवायसी करताना वडिलांचे किंवा पतीचे आधार कार्ड देणे आवश्यक करण्यात आले होते. मात्र अशा अनेक महिला आहेत ज्यांचे पती आणि वडील दोन्ही नसल्यामुळे अशा महिलांना ई-केवायसी करताना मोठ्या अडचणी येत होत्या. यावर आता राज्य सरकारकडून तोडगा काढण्यात आला आहे. याबाबत महिला व बालकल्याण मंत्री आदिती तटकरे यांनी मार्ग सांगितला आहे.

21 Nov 2025 01:40 PM (IST)

पुण्यात चुलत भावाकडून तरुणाची हत्या, मृतदेह पोत्यात भरला

  पुणे शहरातील कात्रज- गुजरवाडी परिसरात चुलत भावाकडून तरुणाची हत्या केल्याचे समोर आले आहे. मृत व्यक्तीचे नाव अजय पंडित असे आहे. तर आरोपीचे नाव अशोक पंडित असे आहे. आरोपीला पुणे पोलिसांनी पिंपरी चिंचवड येथून अटक केली आहे.  दोघेही झारखंडचे रहिवासी असून काही वर्षांपासून पुण्यात वास्तव्यास होते. आरोपी अशोक पंडितला पुणेपोलीस पुढील तपास करत आहे.

21 Nov 2025 01:30 PM (IST)

‘पाकिस्तानी सैन्याने बलुचिस्तानात फॉस्फरस बॉम्ब…’, मीर यार बलोच यांचा लक्षवेधी दावा

पाकिस्तानच्या सैन्यावर (Pakistani army) बलुचिस्तान (Balochistan) आणि खैबर पख्तूनख्वा प्रदेशात मानवाधिकारांचे उल्लंघन, हवाई हल्ले आणि धोकादायक शस्त्रांचा वापर केल्याचे आरोप नवीन नाहीत. मात्र, आता या आरोपांना आणखी एक गंभीर वळण मिळाले आहे. बलुचिस्तानचे फुटीरतावादी नेते मीर यार बलोच (Mir Yar Baloch) यांनी पाकिस्तानी सैन्यप्रमुख जनरल असीम मुनीर यांच्यावर रासायनिक व फॉस्फरस शस्त्रांचा नागरिकांवर वापर केल्याचा धक्कादायक दावा केला आहे. मीर यांच्या मते, या हल्ल्यांमुळे बलुच नागरी लोकसंख्या गंभीर धोक्यात आली आहे, आणि हल्ल्यांच्या ठिकाणी रासायनिक अवशेष, जळून गेलेले खडक आणि राखेसारखी धूळ आढळली आहे. हे तांत्रिकदृष्ट्या फॉस्फरस किंवा इतर रासायनिक घटकांचे चिन्ह असू शकते.

21 Nov 2025 01:20 PM (IST)

गुवाहाटी कसोटी भारताला होणार फायदा… का म्हणाला असं आकाश चोप्रा?

भारत आणि दक्षिण आफ्रिका यांच्यामध्ये दोन सामन्यांची मालिका खेळवली जात आहे. भारत आणि दक्षिण आफ्रिका दोन्ही संघांना गुवाहाटीच्या खेळपट्टीची माहिती नाही, परंतु माजी सलामीवीर आकाश चोप्राला असा विश्वास आहे की, अशा खेळपट्टीवर खेळण्याचा त्यांचा पूर्वीचा अनुभव असल्याने यजमान संघाला अजूनही थोडासा फायदा आहे. चोप्रा म्हणाला की, जर कर्णधार शुभमन गिल मानेच्या दुखापतीमुळे खेळू शकत नसेल तर साई सुदर्शनला तिसऱ्या क्रमांकाच्या महत्त्वाच्या स्थानावर फलंदाजीसाठी निवडले पाहिजे.

21 Nov 2025 01:12 PM (IST)

मॅनेजरने उशीरा आल्याचा पुरावा मागताच कर्मचाऱ्याने टेबलावर फेकून मारला पंक्चर टायर

इंटरनेटवर व्हायरल होत असलेल्या या व्हिडिओमध्ये एका मिटिंगमधील दृष्य दाखवण्यात आले. मॅनेजरने उशीर आल्याचा कर्मचाऱ्यांकडे पुरावा मागितला ज्याच्या उत्तरात कर्मचाऱ्याने रागात असं काही केलं की पाहून सर्वच थबकले. व्हिडिओमध्ये, कर्मचारी रागात येऊन मॅनेजरसमोर ठेवलेल्या टेबलावर टायर ठेवताना दिसून येतो. त्याचे हे कृत्य सर्वांनाच धक्का देणारे होते. कर्मचाऱ्याची ही कृती केवळ अनपेक्षित नव्हती तर बैठकीचे संपूर्ण वातावरणच बदलून टाकणारी ठरली. व्हिडिओमध्ये इतर कर्मचारी एकमेकांकडे पाहत असल्याचे स्पष्टपणे दिसून येते.

21 Nov 2025 12:55 PM (IST)

पतीने मध्यरात्री पत्नीचा जीव घेतला; सकाळी पोलीस ठाण्यात जाऊन कबुली

मुंबईच्या मालाड-मालवणी परिसरात वैवाहिक वादातून उद्भवलेली एक धक्कादायक हत्या समोर आली आहे. पत्नीच्या चारित्र्यावर संशय घेत पतीने मध्यरात्री दगडाने ठेचून तिची निर्घृण हत्या केली. ही धक्कादायक घटना मालवणी कच्च्या रोड आडवा पट्टा परिसरात घडली. आरोपी पतीचे नाव सिराज नाईक (वय 56) तर मृत महिलेचे नाव मुमताज असून दोघेही याच परिसरात वास्तव्यास होते.

21 Nov 2025 12:45 PM (IST)

लग्नाचे आमिष दाखवून तरूणीवर वारंवार अत्याचार

फोटो व्हायरल करण्याची धमकी देत, गर्भपात घडवून आणला. आरोपीची बहिण व वडिलांना याची कल्पना दिल्यानंतर त्यांनीही पीडितेला शिवीगाळ केली. या प्रकरणात क्रांतीचौक पोलिस ठाण्यात गुन्हा दाखल करण्यात आला आहे.

21 Nov 2025 12:35 PM (IST)

Uttarpradesh Crime: पुजाऱ्याची गळा दाबून हत्या

उत्तरप्रदेश येथून एक धक्कादायक प्रकार उघडकीस आली आहे. सर्वेश्वर साई मंदिरात पुजारी असलेले मनोज शंखधरची हत्या करण्यात आल्याचे समोर आले आहे. केवळ ४८ तासांत या प्रकरणाचा उलगडा करण्यात आला आहे. त्यांची हत्या त्यांच्या मोठ्या भावाच्या मेहुण्यांनी अवैध प्रेमसंबंधाच्या कारणावरून केल्याचे समोर आले आहे.

21 Nov 2025 12:25 PM (IST)

55 वर्षीय आईने पोटच्या मुलीवर कुऱ्हाडीने केला जीवघेणा हल्ला

बंगळुरूतील एका मंदिरात धक्कादायक घटना घडली आहे. एका महिलेने मंदिरात आईने आपल्याच पोटच्या मुलीवर कुऱ्हाडीने हल्ला केल्याची बातमी समोर आली आहे. पोलिसांच्या माहितीनुसार, ही घटना बुधवारी (19 नोव्हेंबर) दुपारच्या सुमारास घडली.

21 Nov 2025 12:15 PM (IST)

किनारपट्टीवर गस्त घालण्यासाठी आवश्यक असलेल्या २३ बोटी नादुरुस्त

मुंबईवर झालेल्या २६/११ च्या हल्ल्याला २६ नोव्हेंबरला १७ वर्षे पूर्ण होत आहेत. अशातच मुंबईसह राज्याच्या पश्चिम किनारपट्टीवरील सुरक्षेबाबत अद्यापही फारशी सजगता बाळगली जात नसल्याचे दिसून येत आहे. किनारपट्टीवर गस्त घालण्यासाठी आवश्यक असलेल्या ६९ बोटींपैकी २३ बोटी नादुरुस्त असल्याची बाब समोर आली आहे. दुसरीकडे किनार्यावरील लॅन्डींग पॉईंट्सवर सीसीटीव्ही यंत्रणेचा अभाव आहे. समुद्र किनारी रात्रीच्या वेळी सुरक्षारक्षक कार्यरत नसतात. या शिवाय सागरी किनारपट्टीवर नोंदणी न केलेल्या अनधिकृत मासेमारी बोटींची संख्याही मोठी असल्याचे नुकतेच समोर आहे.

21 Nov 2025 12:00 PM (IST)

बोपोडी जमीन गैरव्यवहार प्रकरणातील शीतल तेजवानीची कसून चौकशी

बोपोडी परिसरातील एका जमीन व्यवहारात झालेल्या कथित अनियमिततेबद्दल पुणे शहर पोलिसांच्या आर्थिक गुन्हे शाखेने (EOW) सुमारे सहा तास चौकशी केल्यानंतर आरोपी बांधकाम व्यावसायिक शीतल तेजवानी निघून गेली. अमेडिया एंटरप्रायझेसमधील भागीदार दिग्विजय सिंह पाटील यांच्यासोबत तेजवानी जमीन व्यवहारात सहभागी आहे. अजित पवार यांचा मुलगा पार्थ पवार देखील त्याच फर्ममध्ये भागीदार आहे.

#WATCH | Pune Land Scam | Pune, Maharashtra: Accused builder Sheetal Tejwani left after nearly six hours of questioning by the Economic Offences Wing (EOW) of Pune City Police regarding alleged irregularities in a land deal in the Bopodi area.

Tejwani is involved in the land… pic.twitter.com/L3SLywR735

— ANI (@ANI) November 20, 2025

21 Nov 2025 11:52 AM (IST)

नितीश कुमार यांनी धरले पंतप्रधान मोदींचे पाय, व्हिडिओ व्हायरल

बिहारच्या मुख्यमंत्री पदी नितीश कुमार हे तब्बल 10 व्यांदा विराजमान झाले आहे. दरम्यान, सोशल मीडियावर व्हिडिओ व्हायरल  होत आहे. यामध्ये नितीश कुमार यांनी पंतप्रधान मोदी यांचे स्वागत केल्यानंतर त्यांच्या पाया पडले. यावरुन आता जोरदार टीका केली जात आहे.

Nitish Kumar: 74 years old
Narendra Modi: 75 years old

Nitish Kumar wants to touch Modi’s feet. Even Narendra Modi looks uncomfortable.

Is Nitish Kumar mentally fit to run a state?

pic.twitter.com/sEp052J6eO

— Mohit Chauhan (@mohitlaws) November 20, 2025

21 Nov 2025 11:45 AM (IST)

राज ठाकरेंना महाविकास आघाडीत घेण्याबाबत शरद पवार सकारात्मक

मुंबई महानगरपालिकेच्या निवडणुकीवर काँग्रेसच्या नेत्यांनी शरद पवारांच्या निवासस्थानी जाऊन भेट घेतली होती. यावेळी महाविकास आघाडीबाबत चर्चा झाली. मतदार यादीच्या घोळाच्या संदर्भात आणि मतचोरीच्या संदर्भात एकत्रित येत सत्याचा मोर्चा काढता आणि मग निवडणूक का वेगळी लढवता?, असं शरद पवार यांचं मत आहे.

21 Nov 2025 11:35 AM (IST)

70 नाही 72 तास काम कर - नारायण मूर्ती

इन्फोसिसचे संस्थापक एन. आर. नारायण मूर्ती यांनी भारतात चीनमधील कामाच्या वेळांचा फॉर्म्युला अंमलात आणण्याचा सल्ला दिला आहे. या फॉर्म्युल्यानुसार कर्मचाऱ्यांनी कंपन्यांमध्ये आठवड्याचे ७२ तास काम करण्याची अपेक्षा नारायण मूर्तीनी व्यक्त केली आहे.

21 Nov 2025 11:25 AM (IST)

मेक्सिकोची फातिमा बोश बनली मिस युनिवर्स 2025

मिस युनिव्हर्स २०२५ चा ग्रँड फिनाले ग्लॅमर, हाय-व्होल्टेज भावना आणि रोमांचक क्षणांनी भरलेला होता. मेक्सिकोच्या फातिमा बॉश फर्नांडिसने ९० हून अधिक देशांतील स्पर्धकांना हरवून या वर्षीचा मुकुट जिंकला. फातिमाचा विजय हा केवळ एक विजय नाही तर सॅश समारंभात तिला "मूक" म्हटले जाण्याभोवती असलेल्या वादाविरुद्ध एक प्रतीकात्मक संदेश देखील आहे. फिनाले दरम्यान तिची आत्मविश्वासपूर्ण उपस्थिती आणि शक्तिशाली उत्तरांमुळे तिला हा सन्मान मिळाला.

21 Nov 2025 11:15 AM (IST)

मी बौद्ध धर्माचे पालन करतो - सरन्यायाधीश भूषण गवई

भारताचे सरन्यायाधीश भूषण गवई यांनी ते वैयक्तिक जीवनात बौद्ध धर्माचे पालन करत असल्याचे सांगितले आहे. पण खरंतर ते एक धर्मनिरपेक्ष व्यक्ती आहेत. ते सर्व धर्मांमध्ये विश्वास ठेवतात. सुप्रीम कोर्ट ॲडव्होकेट्स ऑन रेकॉर्ड असोसिएशनकडून (SCSARA) आयोजित निरोप समारंभात भूषण गवई यांनी याबाबत मत मांडले. देशातील न्यायपालिकेने आपल्याला बरंच काही दिल्याचे सांगत त्यांनी आभार व्यक्त केले.

21 Nov 2025 11:05 AM (IST)

नोबेल पारितोषिक विजेते, भारतरत्न सी.व्ही. रमण यांची पुण्यतिथी

सर चंद्रशेखर वेंकटरमन अर्थात सी.व्ही. रमण हे एक भारतीय भौतिकशास्त्रज्ञ होते. त्यांनी १९२८ मध्ये ‘रमण प्रभाव’ (Raman Effect) चा शोध लावला. या शोधासाठी त्यांना १९३० मध्ये भौतिकशास्त्रातील नोबेल पारितोषिक मिळाले. त्यांनी प्रकाशाच्या विकिरणावर केलेल्या कामातून पदार्थ आणि प्रकाशातील संबंध उलगडला. नी वयाच्या १२ व्या वर्षी मॅट्रिक उत्तीर्ण केले आणि मद्रास विद्यापीठातून शिक्षण घेतले. १९३० मध्ये भौतिकशास्त्रातील नोबेल पारितोषिक मिळाले, ज्यामुळे ते नोबेल पुरस्कार जिंकणारे पहिले भारतीय ठरले. त्यांच्या रमण प्रभावाच्या शोधाच्या निमित्ताने, भारतात २८ फेब्रुवारी हा दिवस ‘राष्ट्रीय विज्ञान दिन’ म्हणून साजरा केला जातो. १९५४ मध्ये त्यांना भारतरत्न या सर्वोच्च भारतीय पुरस्काराने सन्मानित करण्यात आले. आजच्या दिवशी 1970 साली सी व्ही रमण यांनी जगाचा निरोप घेतला.

21 Nov 2025 10:59 AM (IST)

मिचेल स्टार्कच्या वेगाने इंग्लंडचे फलंदाज कोसळले

२०२५-२६ च्या अ‍ॅशेसच्या सुरुवातीला मिचेल स्टार्कने चांगलीच धुमाकूळ घातला. त्याने त्याच्या पहिल्याच षटकात एक शानदार चेंडू टाकला, ज्यामुळे जॅक क्रॉलीला अडचणी येत होत्या. षटकाच्या शेवटच्या चेंडूवर स्टार्कने चेंडूला धार दिली आणि उस्मान ख्वाजाने तो पहिल्या स्लिपमध्ये झेल घेतला. स्टार्कने त्याची पहिली विकेट स्टाईलमध्ये साजरी केली. मिचेलने कसोटी क्रिकेटमध्ये त्याच्या पहिल्याच षटकात विकेट घेण्याची ही २४ वी वेळ होती. ही स्वतःच एक महत्त्वाची कामगिरी आहे.

21 Nov 2025 10:52 AM (IST)

लेटेस्ट स्नॅपड्रॅगन प्रोसेसर आणि 7000mAh बॅटरी

टेक कंपनी Realme ने भारतात त्यांचा नवीन स्मार्टफोन लाँच केला आहे. हा स्मार्टफोन कंपनीने Realme GT 8 Pro या नावाने लाँच केला आहे. Realme GT 8 Pro सोबतच कंपनीने त्यांच्या ग्राहकांसाठी एक स्पेशल सरप्राईज देखील आणले आहे. हे खास सरप्राईज म्हणजे Realme GT 8 Pro Dream Edition आहे. कंपनीने Realme GT 8 Pro Dream Edition आणि Realme GT 8 Pro असे दोन स्मार्टफोन भारतात लाँच केले आहेत.

21 Nov 2025 10:46 AM (IST)

Kolkata मध्ये भूकंपाचे धक्के

शुक्रवारी बांगलादेशची राजधानी ढाकाजवळ ५.५ तीव्रतेचा भूकंप झाला, तर कोलकाता आणि ईशान्य भारतातील अनेक भागात भूकंपाचे धक्के जाणवले, असे यूएस जिओलॉजिकल सर्व्हे (यूएसजीएस) ने म्हटले आहे. भूकंपाचे केंद्र ढाकापासून सुमारे ५० किमी अंतरावर असलेल्या नरसिंगडी येथे होते आणि भूकंपाची खोली १० किमी होती, असे यूएसजीएसने म्हटले आहे.