Missi Roti Recipe : गहू आणि बेसनापासून तयार केली जाणारी खमंग आणि पाैष्टीक चपाती, तुम्ही कधी मेस्सी रोटी खाल्ली आहे का?

Recipe : गहू, बेसन आणि काही मसाल्यांचा वापर करुन खमंग चपाती तयार केली जाते ज्याचा मिस्सी रोटी असं म्हटलं जातं. शेतात कामाला जाताना अनेक शेतकरी या पदार्थांचा आस्वाद घ्यायचे. चला याची रेसिपी जाणून घेऊया.

(फोटो सौजन्य: Pinterest)

Follow Us:

Follow Us:

• मिस्सी रोटीचा उगम उत्तर भारतातील ग्रामीण भागातील स्वयंपाकघरांमध्ये आढळून येतो.
  ही रोटी फक्त चवीलाच स्वादिष्ट लागत नाही तर आरोग्यासाठीही ती फायद्याची ठरते.
  चला या मिस्सी रोटीची रेसिपी नोट करुन घेऊयात.

साध्या मॅगीला द्या हटके ट्विस्ट! सकाळच्या नाश्त्यासाठी १५ मिनिटांमध्ये बनवा चिली गार्लिक टोमॅटो मॅगी, नोट करा रेसिपी

साहित्य

• १ कप गव्हाचे पीठ
• १ कप बेसन
• १ बारीक चिरलेला कांदा
• २ हिरव्या मिरच्या (बारीक चिरलेल्या)
• २ टेबलस्पून चिरलेली कोथिंबीर
• १ टीस्पून ओवा
• ½ टीस्पून हळद
• १ टीस्पून लाल तिखट
• ½ टीस्पून धने-जिरे पूड
• चिमूटभर हिंग
• चवीनुसार मीठ
• १ टेबलस्पून तेल किंवा तूप
• आवश्यकतेनुसार पाणी
• भाजण्यासाठी तूप किंवा तेल

कृती

• एका मोठ्या भांड्यात गव्हाचे पीठ, बेसन, हळद, लाल तिखट, धने-जिरे पूड, ओवा, हिंग आणि मीठ एकत्र करून व्यवस्थित मिसळा.
•  त्यात बारीक चिरलेला कांदा, हिरवी मिरची आणि कोथिंबीर घालून पुन्हा एकजीव करा.
• आता तेल घालून मिश्रण हाताने चोळा. त्यानंतर थोडे थोडे पाणी घालत मऊसर पण घट्टसर पीठ मळून १५–२० मिनिटे झाकून ठेवा.
• पीठाचे समान आकाराचे गोळे करून गव्हाच्या पिठाचा हलका वापर करत मध्यम जाडीच्या रोट्या लाटा.
• गरम तव्यावर रोटी दोन्ही बाजूंनी हलकी भाजून घ्या. नंतर तूप किंवा तेल लावून दोन्ही बाजूंनी सोनेरी डाग येईपर्यंत भाजा.
• सर्व रोट्या याच पद्धतीने तयार करा. भाजताना मध्यम आचेचा वापर केल्यास रोटी आतूनही छान शिजते.
• गरमागरम मिस्सी रोटीवर थोडे लोणी किंवा तूप लावून दही, पनीरची भाजी, डाळ किंवा लोणच्यासोबत सर्व्ह करा. पौष्टिक आणि स्वादिष्ट जेवणाचा आनंद घ्या.

Web Title: Have you ever eat missi roti note down the recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com