Maharashtra Breaking News Today 2026: आंतरराष्ट्रीय बाजारात कच्च्या तेलाचे दर प्रति बॅरल ९५ डॉलरच्या पार

10 Sep 2026 09:45 AM (IST)

Sangli Wrestling Competition: वर्ल्ड चॅम्पियन सोनम मलिकने ३० सेकंदात जिंकली ३ लाखांची कुस्ती

Sangli Wrestling Competition:  खानापूर तालुक्यातील बलवडी येथे भवानी देवीच्या यात्रेनिमित्त भवानी स्पोर्ट्स क्लबच्या वतीने महिलांच्या खास कुस्ती मैदानाचे आयोजन करण्यात आले होते. या मैदानात आंतरराष्ट्रीय स्तरावरील अनेक दिग्गज महिला कुस्तीपटूंनी हजेरी लावली होती.

या मैदानातील प्रथम क्रमांकाची ३ लाख रुपयांची मुख्य कुस्ती हरियाणाची वर्ल्ड चॅम्पियन पैलवान सोनम मलिक आणि दिल्लीची राष्ट्रीय पदक विजेती पैलवान वेदिका सासणे यांच्यात पार पडली. डोळ्याची पापणी लवते न लवते तोवर, म्हणजे अवघ्या ३० सेकंदांत सोनम मलिकने दुहेरी पटातून एकेरी पट काढत वेदिका सासणेला चितपट केले आणि विजय मिळवला.

10 Sep 2026 09:20 AM (IST)

Maharashtra Rain Forecast: गणरायाच्या आगमनाला पाऊस पुनरागमनाची शक्यता 

Maharashtra Rain Forecast:  गणेशोत्सव अगदी काही दिवसांवर येऊन ठेपलेला असताना, गेल्या अनेक दिवसांपासून दडी मारलेला पाऊस पुन्हा एकदा सक्रिय होण्याचे संकेत मिळत आहेत. बाप्पाच्या आगमनाच्या काळातच राज्यात पावसाचे पुनरागमन होण्याची शक्यता हवामान विभागाने वर्तवली आहे.

गेल्या काही दिवसांपासून राज्यातील अनेक भागांत तापमानाचा पारा वाढल्यामुळे नागरिक उन्हाचा चटका आणि तीव्र उकाड्याने त्रस्त झाले होते. मात्र, आता राज्यात पावसासाठी पुन्हा एकदा पोषक वातावरण तयार होत असल्याने नागरिकांना उकाड्यापासून मोठा दिलासा मिळण्याची शक्यता आहे

10 Sep 2026 09:15 AM (IST)

Vidyanand Bapat Legal Notice:  विद्यानंद बापट यांनी 48 तासांत बिनशर्त माफी मागावी 

Vidyanand Bapat Legal Notice:   धार्मिक श्रद्धेविषयी कथित आक्षेपार्ह आणि अवमानकारक वक्तव्य केल्याप्रकरणी विद्यानंद बापट यांच्या अडचणीत वाढ झाली आहे. मुंबई उच्च न्यायालयातील वकील प्रदीप नाईक यांनी या वक्तव्याची गंभीर दखल घेत बापट यांना कायदेशीर नोटीस बजावली आहे. नोटीस मिळाल्यापासून ४८ तासांच्या आत लेखी स्पष्टीकरण देऊन हिंदू भाविकांची बिनशर्त माफी मागावी, अशी ठाम मागणी या नोटीसमधून करण्यात आली आहे.

10 Sep 2026 09:05 AM (IST)

Pune Metro Ganeshotsav Special: गणेशोत्सवात पुणे मेट्रोच्या फेऱ्या आणि वेळेत मोठी वाढ

Pune Metro Ganeshotsav Special: गणेशोत्सवाच्या काळात पुणे शहरातील मध्यवर्ती भागात भाविकांची होणारी प्रचंड गर्दी लक्षात घेता पुणे मेट्रो प्रशासनाने मोठा आणि महत्त्वपूर्ण निर्णय घेतला आहे. उत्सवाच्या दिवसांत नागरिकांना वाहतूक कोंडीचा सामना करावा लागू नये आणि त्यांचा प्रवास जलद, सुरक्षित व विनासायास व्हावा, यासाठी मेट्रोच्या फेऱ्यांमध्ये वाढ करण्यासोबतच सेवेची वेळही वाढवण्यात आली आहे.