जपान हादरलं! उत्तर नागानोमध्ये ५.० रिश्टर स्केलचा भूकंप, पंतप्रधान ताकाइची यांनी जारी केला हाय अर्लट (फोटो सौजन्य: iStock)
दुपारी १.२० च्या सुमारास झालेल्या भूकंपामुळे (Earthquake)लोकांमध्ये घबराट पसरली आहे. या भूकंपाची तीव्रता लक्षात घेता पंतप्रधान साने ताकाइची यांनी तातडीने आपत्कालीन बैठक बोलावली आहे. त्यांनी जनतेला सतर्क राहण्याचे आवाहन केले आहे. परिस्थितीवर लक्ष ठेवण्यास आणि मदतकार्यात समन्वय साधण्यासाठी त्यांनी एक विशेष संकट व्यवस्थापन केंद्र नियुक्त केले आहे. तसेच अफवा पसवणाऱ्याचे काम रोखण्याचा आणि नुकसानीचा आढावा घेण्याचा आदेश जारी करण्यात आला आहे.
या भूकंपाचा सर्वाधिक फटका ओमाची शहराला बसला आहे. भूकंपाचा केंद्रबिंदू अवघ्या १० किलोमीटर खोलीवर होता. यामुळे धक्के अत्यंत जोरदार होते. ओमाची आणि नागानोमध्ये ५.० तीव्रता नोंदवली आहे. या धक्क्यानंतर आफ्टरशॉकही जाणवला आहे, ज्याची तीव्रता ३.० रिश्टर स्केल होती.
जपानमध्ये भूकंपानंतर त्सुनामीचा सर्वात मोठा धोका असतो. परंतु हवामान खात्याने दिलेल्या माहितीनुसार, सध्या त्सुनामीचा कोणताही धोका नाही. परंतु खबरदारी म्हणून सध्या अणुउर्जा प्रकल्पांचा तपास सुरु करण्यात आला आहे. याच पार्श्वभूमीवर पंतप्रधान साने ताकाइची यांनी येत्या काही दिवसात नागरिकांना सतर्क राहण्याचे आवाहन केले आहे. तसेच स्थानिक आपत्कालीन सेवांना आपत्कालीन कीट तयार ठेवण्याचे आदेश देण्यात आले आहेत.
जपान हा पॅसिफिक रिंग ऑफ फायरवर स्थित आहे. येथे पॅसिफिक, युरेशियन, फिलीपिन्स आणि उत्तर अमेरिकन या टेक्टॉनिक प्लेट्स असून या सतत एकमेकांवर आदळत असतात. यातून घर्षण तयार होते आणि यामुळे भूकंपीय क्रियाकलाप होतात. यामुळे जपानमध्ये सतत भूकंप होत असतात. यामुळे त्सुनामीचा आणि ज्वालामुखीचा देखील मोठा धोका असतो. हा देश सर्वात जास्त भूकंपप्रवण क्षेत्रांपैकी एक आहे.
