Maharashtra Breaking News Updates Today: महाराष्ट्रातील ताज्या घडामोडींचे लाईव्ह अपडेट्स एका क्लिकवर

20 Feb 2026 11:40 AM (IST)

खडकवासला धरणातून दिले जाणार शेतीसाठी पाणी; दोन टप्प्यांमध्ये होणार पुरवठा

खडकवासला धरण साखळी प्रकल्पातून शेतीसाठी उन्हाळी हंगामासाठीच्या आवर्तनाला सुरुवात करण्यात आली असून, धरणातील पाणीसाठ्यापैकी नऊ अब्ज घनफूट (टीएमसी) एवढे पाणी दोन टप्प्यांमध्ये शेतीसाठी दिले जाणार आहे. शहराच्या पाण्याबाबतचा निर्णय जलसंपदा विभागाकडून राखीव ठेवण्यात आला आहे.

20 Feb 2026 11:30 AM (IST)

यशचा खतरनाक अवतार; ‘राया’च्या दमदार अ‍ॅक्शनसमोर KGF ही मागे, टीझरने वेधले लक्ष

यश, कियारा अडवाणी आणि मोठ्या स्टारकास्ट अभिनीत “टॉक्सिक” हा चित्रपट त्याच्या शक्तिशाली शीर्षक परिचय व्हिडिओपासूनच चर्चेत आहे. टीझर प्रदर्शित झाला आहे आणि चाहते चित्रपटाच्या प्रदर्शनाची आतुरतेने वाट पाहत आहेत. दिग्दर्शक गीतू मोहनदास यांनी २० फेब्रुवारी रोजी टीझर प्रदर्शित होण्याची घोषणा आधीच केली होती आणि तेव्हापासून चाहते उत्सुकतेने भरलेले आहेत. या टीझरमुळे चित्रपटासाठी उत्सुकता निर्माण झाली आहे. हा चित्रपट रणवीर सिंगच्या “धुरंधर २” हा सिनेमागृहात टक्कर देणार आहेत.

20 Feb 2026 11:20 AM (IST)

भारत T20 World Cup 2026 च्या उपांत्य फेरीत पोहोचणार नाही

टी-२० विश्वचषकाचा उत्साह वाढणार आहे. गट टप्प्यानंतर आता सुपर-८ फेरी सुरू होणार आहे. भारत, पाकिस्तान, वेस्ट इंडिज, इंग्लंड, श्रीलंका, झिम्बाब्वे, दक्षिण आफ्रिका आणि न्यूझीलंड यांनी सुपर-८ साठी पात्रता मिळवली आहे. या ८ संघांना प्रत्येकी ४-४ च्या दोन गटात विभागण्यात आले आहे. यापैकी ४ संघ आता ४ आणि ५ मार्च रोजी खेळवल्या जाणाऱ्या सेमीफायनलसाठी पात्र ठरतील. सुपर-८ सामने सुरू होण्यापूर्वी क्रिकेट पंडितांकडून भाकिते करण्याचा ट्रेंड पुन्हा एकदा सुरू झाला आहे. अशा परिस्थितीत, माजी पाकिस्तानी वेगवान गोलंदाज मोहम्मद आमिरने टीम इंडियाबद्दल मोठी भविष्यवाणी केली आहे.

20 Feb 2026 11:10 AM (IST)

AI होणार अधिक शक्तिशाली? मानव मागे पडणार? Dario Amodei यांचा धक्कादायक दावा

इंडिया एआय इम्पॅक्ट समिटमध्ये, अँथ्रोपिकचे सीईओ डारियो अमोदेई यांनी एआयच्या भविष्याबद्दल एक महत्त्वपूर्ण विधान केले, त्यांनी सांगितले की काही वर्षांत, एआय मानवी विचारसरणी आणि समजुतील मागे टाकू शकते, विशेषतः ज्या कामांना आपण आता संज्ञानात्मक कार्ये म्हणतो. डारियो म्हणाले की एआयची प्रगती इतकी जलद आहे की ती एक प्रकारची ‘बुद्धिमत्तेसाठी मूरचा नियम’ बनली आहे, म्हणजेच संगणकाची शक्ती वेगाने वाढते.

20 Feb 2026 10:59 AM (IST)

छत्रपतींच्या इतिहासाला साजेसं भव्य शीर्षक गीत रिलीज

छत्रपती शिवाजी महाराजांच्या जन्मोत्सवाच्या औचित्याने डोंबिवलीत एका भव्य आणि ऐतिहासिक संकल्पनेचा शुभारंभ करण्यात आला आहे. भगवती ग्रुप आणि हावरे प्रॉपर्टीज यांनी संयुक्तपणे छत्रपती शिवाजी महाराजांच्या इतिहासावर आधारित ‘स्वराज्य’ या भव्य गृहनिर्माण योजनेची घोषणा केली आहे. इतिहासाचा अभिमान आणि आधुनिक जीवनशैली यांचा संगम घडवणारी ही योजना महाराष्ट्राच्या सांस्कृतिक अस्मितेला साजेशी ठरणार आहे. विशेष म्हणजे या योजनेच्या संकल्पनेला अधिक प्रभावी रूप देण्यासाठी ‘स्वराज्य’ हे शीर्षक गीतही प्रदर्शित करण्यात आले आहे.

20 Feb 2026 10:50 AM (IST)

राज सिंह आमेराला कोटामधून अटक

लोकसभेचे विरोधी पक्षनेते आणि काँग्रेस खासदार राहुल गांधी (Rahul Gandhi) यांच्यासह २५ खासदारांना जीवे मारण्याची धमकी देण्याऱ्याला पोलिसांनी राजस्थानमधील कोटा येथून अटक केली आहे. राज सिंह आमेरा असे या आरोपीचे नाव असून, कोटा शहर पोलिसांनी ही कारवाई केल्याची माहिती आहे.

20 Feb 2026 10:42 AM (IST)

शैक्षणिक संस्थांच्या अल्पसंख्याक दर्जानंतर मंत्री भोयर ‘अ‍ॅक्शन मोड’वर

अल्पसंख्याक दर्जा मिळाल्यानंतर संबंधित संस्था किंवा शाळा गैरकृत्य करताना आढळल्यास कठोर कारवाई केली जाईल, असा इशारा गृहराज्यमंत्री पंकज भोयर यांनी पत्रकारांशी बोलताना दिला. अजित पवार यांच्या निधनानंतर काही तासांतच अल्पसंख्याक व्यवहार मंत्रालयाने ७५ शैक्षणिक संस्थांना अल्पसंख्याक दर्जा दिल्याची बाब समोर आली आहे.

20 Feb 2026 10:33 AM (IST)

एआय भीती नाही तर भविष्य आणि नशीब बदलण्याची संधी…

इंडिया एआय इम्पॅक्ट समिटचे गुरुवारी औपचारिक उद्घाटन करताना पंतप्रधान नरेंद्र मोदी यांनी कृत्रिम बुद्धिमत्तेच्या (एआय) भविष्यासाठी भारताचा व्यापक आणि मानव-केंद्रित दृष्टिकोन असल्याचे सांगितले. भारत एआयकडे भीती म्हणून नाही तर भविष्य आणि नशीब बदलण्याची संधी म्हणून पाहत असल्याचे त्यांनी स्पष्टपणे सांगितले. जीपीएसचे उदाहरण देत ते म्हणाले की, जीपीएस आपल्याला कोणता मार्ग निवडायचा हे सांगते, परंतु शेवटी त्याने सुचविलेल्या विविध मार्गातून कोणता निवडायचा हे आपल्याला ठरवायचे असते. आर्टिफिशियल इंटेलिजेंसलाही हाच नियम लागू होता. आपण त्याचा कसा वापर करायचा हे आपण ठरवायचे आहे.

20 Feb 2026 10:24 AM (IST)

Kerala Story 2 च्या प्रमाणपत्रावर उच्च न्यायालयाची नोटीस

कामाख्या नारायण सिंह आणि विपुल अमृतलाल शाह यांचा आगामी चित्रपट “द केरळ स्टोरी २” कायदेशीर अडचणीत सापडला आहे. चित्रपटाचे प्रदर्शन थांबवण्यासाठी आणि त्याचे सेन्सॉर प्रमाणपत्र रद्द करण्यासाठी केरळ उच्च न्यायालयात कायदेशीर नोटीस दाखल करण्यात आली आहे. कन्नूर येथील रहिवासी कामाख्या नारायण सिंह यांनी याचिका दाखल केली आहे आणि उच्च न्यायालयाने या संदर्भात केंद्रीय चित्रपट प्रमाणन मंडळ (सीबीएफसी) ला नोटीस बजावली आहे. गुरुवारी (१९ फेब्रुवारी) केरळ उच्च न्यायालयाने “केरळ स्टोरी २” या हिंदी चित्रपटाच्या निर्मात्यांनाही नोटीस बजावली आहे.

20 Feb 2026 10:15 AM (IST)

अफगाणिस्तानच्या दिग्गज कोचने केला संघाला अलविदा!

काल झालेल्या सामन्यानंतर अफगाणिस्तानच्या संघासाठी भावूक काही क्षण होते. या विजयासोबत अफगाणिस्तानने मुख्य प्रशिक्षक जोनाथन ट्रॉट यांनाही निरोप दिला. सामन्यानंतर कर्णधार रशीद खान म्हणाले की, ट्रॉटने अफगाणिस्तान क्रिकेटसाठी खूप काही केले आहे आणि संघातून त्यांची निघून जाणे हा खूप भावनिक क्षण होता. कॅनडाविरुद्धच्या विजयानंतर रशीदने प्रशिक्षकाचे कौतुक केले. तो म्हणाला, “जोनाथन ट्रॉटसोबतची गेल्या चार-साडेचार वर्षांची कारकीर्द अद्भुत होती. त्याने अफगाणिस्तान क्रिकेटसाठी खूप काही केले आहे. संघाला या टप्प्यावर आणण्यात त्याने महत्त्वाची भूमिका बजावली.

20 Feb 2026 10:09 AM (IST)

गेममध्ये सुरु झाला Romance Top-up ईव्हेंट

फ्री फायर मॅक्समध्ये पुन्हा एकदा एक नवीन टॉप अप इव्हेंट सुरू झाला आहे. हा इव्हेंट म्हणजे रोमान्स टॉप-अप इव्हेंट आहे. या इव्हेंटमध्ये सहभागी होऊन प्लेयर् G36 थॉर्न्ड रोमान्स फ्री मिळवू शकणार आहेत. हा इव्हेंट विशेषतः अशा प्लेअर्ससाठी सुरू करण्यात आला आहे, जे वारंवार गेममध्ये डायमंड्स खरेदी करतात. डायमंड्स फ्री फायर मॅक्स या गेममधील इन गेम करन्सी आहे. प्लेयर्सना गेममध्ये कोणतेही गेमिंग आयटम्स खरेदी करायचे असतील तर त्यांना डायमंड्स खर्च करावे लागतात.

20 Feb 2026 09:50 AM (IST)

'भारत-पाकिस्तानसह जगातील ७ युद्धे मीच रोखली';   डोनाल्ड ट्रम्प यांचा खळबळजनक दावा

वॉशिंग्टन: अमेरिकेचे अध्यक्ष डोनाल्ड ट्रम्प आपल्या अनपेक्षित निर्णयांनी आणि विधानांनी नेहमीच चर्चेत असतात. सध्या त्यांनी जागतिक राजकारणात नवा दावा करून सर्वांचे लक्ष वेधून घेतले आहे. "मी जगातील तब्बल ७ मोठी युद्धे होण्यापासून रोखली आहेत," असे ट्रम्प यांनी म्हटले असून, यामध्ये त्यांनी भारत आणि पाकिस्तानमधील संभाव्य युद्धाचा आवर्जून उल्लेख केला आहे.

पहलगाम हल्ल्यानंतरच्या युद्धाचा उल्लेख डोनाल्ड ट्रम्प यांनी आपल्या दाव्यामध्ये भारत आणि पाकिस्तानमधील तणावाचा संदर्भ दिला आहे. पहलगाम येथे झालेल्या भीषण दहशतवादी हल्ल्यानंतर दोन्ही देशांत युद्धाची स्थिती निर्माण झाली होती. या हल्ल्यात निष्पाप भारतीयांना जीव गमवावा लागल्याने भारतात संतापाची लाट होती आणि भारत प्रतिशोधासाठी सज्ज झाला होता. मात्र, आपल्या मध्यस्थीमुळे आणि मुत्सद्देगिरीमुळे हे मोठे युद्ध टळले, असा दावा ट्रम्प यांनी वारंवार केला आहे.

20 Feb 2026 09:45 AM (IST)

धुळ्यात हळदीच्या कार्यक्रमात रक्ताचा सडा! व्हॉट्सअ‍ॅप स्टेटसवरून राडा

धुळे: साक्री तालुक्यातील पिंपळनेर येथे लग्नाच्या आनंदावर विरजण पडणारी एक अत्यंत भीषण घटना घडली आहे. हळदीचा कार्यक्रम सुरू असताना दोन गटांत झालेल्या रक्तरंजित हाणामारीत तिघांची चाकूने भोसकून हत्या करण्यात आली. व्हॉट्सअ‍ॅप स्टेटसवरून (WhatsApp Status) झालेल्या किरकोळ वादाचे रूपांतर मोठ्या संघर्षात झाल्याने या लग्नाचे रूपांतर शोकांतिकेत झाले आहे.

नेमकी घटना काय? पिंपळनेर येथील नीळकंठ नगरात गोसावी समाजातील एका विवाह समारंभाची तयारी सुरू होती. दुसऱ्या दिवशी लग्न आणि आदल्या दिवशी साखरपुडा व हळदीचा कार्यक्रम सुरू होता. या कार्यक्रमासाठी साक्री आणि गुजरातच्या सोनगड येथून नातेवाईक आले होते. या नातेवाईकांमध्ये जुन्या कारणावरून काहीसे वाद आधीपासूनच होते.

20 Feb 2026 09:40 AM (IST)

राहुल गांधी धमकी  प्रकरणातील आरोपी राज सिंह आमेराला कोटामधून अटक

कोटा: लोकसभेचे विरोधी पक्षनेते आणि काँग्रेस खासदार राहुल गांधी यांच्यासह २५ खासदारांना गोळी मारण्याची धमकी देणाऱ्या आरोपीला पोलिसांनी तातडीने बेड्या ठोकल्या आहेत. राज सिंह आमेरा असे या आरोपीचे नाव असून, कोटा शहर पोलिसांनी ही मोठी कारवाई केली आहे.

सोशल मीडियावरील व्हिडिओ पडला महागात राज सिंह आमेरा याने सोशल मीडियावर एक व्हिडिओ व्हायरल केला होता. या व्हिडिओमध्ये त्याने राहुल गांधी आणि इतर २५ खासदारांना गोळी मारण्याची प्रत्यक्ष धमकी दिली होती. हा व्हिडिओ व्हायरल झाल्यानंतर राजकीय वर्तुळात मोठी खळबळ उडाली होती. पोलिसांनी या व्हिडिओची गांभीर्याने दखल घेत तांत्रिक तपासाद्वारे आरोपीचा शोध घेतला आणि त्याला ताब्यात घेतले.

20 Feb 2026 09:35 AM (IST)

T20 वर्ल्ड कप २०२६: सुपर-८ चा थरार उद्यापासून!

दुबई: आयसीसी टी-२० विश्वचषक २०२६ आता आपल्या सर्वात रोमांचक टप्प्यावर पोहोचला आहे. स्पर्धेतील 'सुपर-८' (Super-8) फेरीची सुरुवात उद्यापासून, म्हणजेच २१ फेब्रुवारीपासून होत असून, उपांत्य फेरीत (Semi-finals) जागा मिळवण्यासाठी जगातील सर्वोत्तम आठ संघांमध्ये चुरस पाहायला मिळणार आहे. मात्र, या लढती सुरू होण्यापूर्वीच पाकिस्तानचा माजी वेगवान गोलंदाज मोहम्मद आमीर याने एक धक्कादायक दावा केल्याने खळबळ उडाली आहे.

20 Feb 2026 09:30 AM (IST)

 रोहित पवारांच्या जीवाला धोका कुणाकडून?

बारामती: २८ जानेवारी २०२६ रोजी बारामती विमानतळावर झालेल्या भीषण विमान अपघातात उपमुख्यमंत्री अजित पवार यांचे निधन झाले. या घटनेला आता काही आठवडे उलटले असले, तरी हा केवळ अपघात नसून एक नियोजित 'घातपात' असल्याचा संशय आमदार रोहित पवार यांनी व्यक्त केल्याने राज्याच्या राजकारणात मोठी खळबळ उडाली आहे. रोहित पवार यांनी पुराव्यांची मालिका आणि घटनाक्रम सादर करत थेट वैमानिकाच्या भूमिकेवर प्रश्नचिन्ह उपस्थित केले आहे.

पवार कुटुंबाकडून संशय व्यक्त अजित पवार यांच्या अकाली निधनानंतर केवळ रोहित पवारच नव्हे, तर खासदार सुप्रिया सुळे आणि अजितदादांचे चिरंजीव जय पवार यांनीही या प्रकरणातील संशयास्पद बाबींकडे लक्ष वेधले आहे. रोहित पवार यांनी या प्रकरणात काही उच्चपदस्थ व्यक्तींचा समावेश असण्याची शक्यता वर्तवली असून, या संदर्भातील अनेक गुपिते त्यांच्याकडे असल्याचे संकेत दिले आहेत.

20 Feb 2026 09:25 AM (IST)

काँग्रेस आमदार रामदास मसराम यांच्यासह ६ जणांवर गुन्हा दाखल 

गडचिरोली: मुरूम उत्खननाच्या वादातून एका मजुराला बेदम मारहाण केल्याप्रकरणी आरमोरी विधानसभेचे काँग्रेस आमदार रामदास मसराम यांच्यासह सहा जणांविरुद्ध देसाईगंज पोलीस ठाण्यात गुन्हा दाखल करण्यात आला आहे. या घटनेत कुणाल विकास राजगडे हा मजूर गंभीर जखमी झाला असून, त्याच्यावर गडचिरोली जिल्हा सामान्य रुग्णालयात उपचार सुरू आहेत.

नेमकी घटना काय? गडचिरोली जिल्ह्यातील कोंढाळा येथे सध्या रेल्वेचे काम युद्धपातळीवर सुरू आहे. मंगळवारी मध्यरात्री या कामासाठी मुरुमाचा उपसा सुरू होता. यावेळी आमदार मसराम आपल्या पाच सहकाऱ्यांसह त्या ठिकाणी पोहोचले. मुरुमाचे उत्खनन कोणत्या आधारावर सुरू आहे, अशी विचारणा करत त्यांनी तेथील मजुरांशी हुज्जत घातली.

20 Feb 2026 09:20 AM (IST)

बीड जिल्ह्यात शेतकरी आत्महत्येचे सत्र सुरूच; नवीन वर्षाच्या पहिल्या दोन महिन्यांत ३९ बळी

Beed : बीड जिल्ह्यात शेतकरी आत्महत्येची आकडेवारी पुन्हा एकदा चिंताजनक रित्या समोर आली आहे. २०२६ या नवीन वर्षाच्या सुरुवातीलाच, म्हणजेच जानेवारी आणि फेब्रुवारी या दोन महिन्यांत तब्बल ३९ शेतकऱ्यांनी आपली जीवनयात्रा संपवली आहे. वाढत्या शेतकरी आत्महत्यांमुळे जिल्ह्यात चिंतेचे वातावरण पसरले आहे.

आकडेवारीवर एक नजर:

• जानेवारी २०२६: २४ शेतकऱ्यांच्या आत्महत्येची नोंद.

• फेब्रुवारी २०२६: १५ शेतकऱ्यांच्या आत्महत्येची नोंद (२० फेब्रुवारीपर्यंत).

• तुलनात्मक वाढ: गेल्या वर्षी (२०२५) जानेवारी महिन्यात १९ आत्महत्या झाल्या होत्या, ज्याच्या तुलनेत यंदा ही संख्या ५ ने वाढली आहे.

20 Feb 2026 09:16 AM (IST)

भिगवण अपहरण प्रकरणाला मोठे वळण; 'ती' तरुणी मध्यरात्री बारामती पोलीस ठाण्यात हजर

इंदापूर/भिगवण: इंदापूर तालुक्यातील भिगवण येथे भरदिवसा झालेल्या २१ वर्षीय तरुणीच्या अपहरण प्रकरणाचा सस्पेन्स अखेर संपला आहे. मंगळवारपासून बेपत्ता असलेली ही तरुणी गुरुवारी (दि. १९) मध्यरात्री दीडच्या सुमारास स्वतःहून बारामती शहर पोलीस ठाण्यात हजर झाली. पोलिसांनी तिचा जबाब नोंदवला असून, या प्रकरणातील गुंतागुंत आता समोर येत आहे.

काय आहे नेमकी घटना? मंगळवारी (दि. १७) दुपारी चारच्या सुमारास ही तरुणी आपल्या आई आणि भावासोबत लग्नासाठी सोन्याची खरेदी करून दुचाकीवरून घरी परतत होती. यावेळी दोन सख्ख्या भावांनी आई आणि भावाच्या डोळ्यात मिरचीपूड टाकून, त्यांना मारहाण करत तरुणीला जबरदस्तीने टेम्पोमध्ये बसवून नेल्याची तक्रार मुलीच्या नातेवाईकांनी दिली होती. या घटनेमुळे संपूर्ण पुणे जिल्ह्यात मोठी खळबळ उडाली होती.

20 Feb 2026 09:11 AM (IST)

सुनेत्रा पवार होणार राष्ट्रवादी काँग्रेसच्या अध्यक्षा

मुंबई : राष्ट्रवादी काँग्रेस पक्षाच्या (अजित पवार) पदाधिकारी व कार्यकर्त्यांची २६ फेब्रुवारी रोजी महत्त्वाची बैठक होणार आहे. या बैठकीत उपमुख्यमंत्री सुनेत्रा पवार यांची पक्षाच्या राष्ट्रीय अध्यक्षपदी निवड करण्यात येणार आहे. अजित पवार यांच्या निधनानंतर पक्षाचे नेतृत्व सुनेत्रा पवार सांभाळतील, असे पक्षाचे नेते खासदार प्रफुल्ल पटेल यांनी भंडाऱ्यातील संवादात सांगितले.पटेल यांनी चांदपूर देवस्थानाचे दर्शन घेतल्यानंतर भंडारा विश्रामगृह येथे पदाधिकारी व कार्यकर्त्यांशी संवाद साधला. त्यांनी अजित पवार यांच्या विमान अपघाताबाबत केंद्रीय तपासाची मागणी केली असल्याचे सांगितले. अपघाताच्या दिवशी बारामतीत आलेल्या केंद्रीय मंत्र्यांकडे आणि मुख्यमंत्र्यांकडे सखोल चौकशीसाठी विनंती करण्यात आली होती.

20 Feb 2026 09:10 AM (IST)

सलमान खान लीलावती रुग्णालयाच्या हेल्थ बुलेटिनवर नाराज?

प्रसिद्ध लघुकथाकार सलीम खान यांच्या कुटुंबाने त्यांच्या आरोग्याच्या स्थितीच्या खुलाशावर ठाम भूमिका घेतली आहे आणि स्पष्ट केले आहे की त्यांच्या आरोग्याशी संबंधित कोणतीही माहिती सार्वजनिकरित्या शेअर केली जाणार नाही. त्यांच्या उपचार करणाऱ्या डॉक्टरांनी दिलेल्या निवेदनाने माध्यमांमध्ये व्यापक लक्ष वेधल्यानंतर हा निर्णय घेण्यात आला आहे. सलीम खान यांना मेंदूतील रक्तस्त्राव झाल्यानंतर मुंबईच्या लीलावती रुग्णालयात दाखल करण्यात आले. त्यांच्या प्रकृतीबद्दल सुरुवातीच्या बातम्या पसरू लागल्या, परंतु त्यांच्या उपचारांवर देखरेख करणारे डॉ. जलील पारकर यांनी माध्यमांना पुष्टी दिली की लघुकथाकारांची प्रकृती स्थिर आहे, परंतु ते व्हेंटिलेटरवर आहेत. ही माहिती समीर येताच त्यांचे चाहते चिंता व्यक्त करत आहेत.