Maharashtra breaking News Marathi
11 Feb 2026 12:13 PM (IST)
माणुसकीला काळिमा फासणारी घटना. अल्पवयीन मुलीला घरी बोलावून ३ जणांनी केला सामूहिक बलात्कार. पोलिसांनी ३ जणांना अटक केली असून पोलीस त्यांचा तपास करत आहे.
11 Feb 2026 12:00 PM (IST)
जानेवारीमध्ये इक्विटी म्युच्युअल फंडांमध्ये गुंतवणुकीचा दर कमी झाला. तर उद्योग संघटना एएमएफआयने मंगळवारी जाहीर केलेल्या आकडेवारीनुसार, जानेवारीमध्ये इक्विटी म्युच्युअल फंड (Mutual Fund) योजनांमध्ये निव्वळ गुंतवणूक २४.०२८ कोटी रुपये होती. मागील महिन्यापेक्षा ही गुंतवणूक १४ टक्क्यांनी कमी आहे. मागच्या काही महिन्यापासून आकडेवारीनुसार, इक्विटी फंडातील गुंतवणूक नोव्हेंबरमध्ये २९.९११ कोटी रुपये आणि डिसेंबरमध्ये २८.०५४ कोटी रुपये होती, जी जानेवारीमध्ये कमी झाली. ऑक्टोबरमध्ये २४, ६९० कोटी रुपयांनी अधिक आहे. म्हणजेच अशाप्रकारे गुंतवणूक वाढत होती.
11 Feb 2026 11:50 AM (IST)
टेक कंपनी मेटा एक मोठं प्लॅनिंग करत आहे. कंपनी सध्या एका नव्या स्टँडअलोन अॅपवर काम करत आहे. हे अॅप शॉर्ट-टर्म कम्युनिकेशनच्या बाबतीत स्नॅपचॅटला टक्कर देणार असल्याचे सांगितलं जात आहे. कंपनी त्यांचं नवं अॅप Instants नावाने लाँच करू शकते. कारण एका रिपोर्टनुसार, कंपनीने कन्फर्म केलं आहे की, अॅपच्या नावाचे इंटरनल प्रोटोटाइप, डेव्हलप केले जात आहे. हे यूजर्सना डिसअपीयरिंग फोटो आणि व्हिडीओ सेंड आणि रिसिव्ह करण्याची परवानगी देणार आहे. असं देखील सांगितलं जात आहे की, मेटा त्यांच्या मालकीचे सोशल मीडिया प्लॅटफॉर्म इंस्टाग्रामसाठी देखील त्याच नावाचे आणि समान फंक्शनॅलिटीसह एक नवीन फीचर विकसित करत असल्याचे वृत्त आहे.
11 Feb 2026 11:40 AM (IST)
बारावीच्या बोर्डाच्या परीक्षेच्या दिवशी एका विद्यार्थ्यांचा मुंबई लोकलमधून पडून मृत्यू झाल्याचे समोर आले आहे. बारावीचे बोर्डाचे पेपर १० फेब्रुवारीपासून सुरु झाले आहे. वेगवेगळ्या केंद्रावर होत आहे. हीच परीक्षा देण्यासाठी मृत विध्यार्थी जात होता. मात्र लोकलमध्ये प्रवास करतांना पडून त्याचा मृत्यू झाला.
11 Feb 2026 11:30 AM (IST)
अभिनेता गोविंदा नेहमीच कोणत्या ना कोणत्या बातमीमुळे चर्चेत असतो. अभिनेता कोणत्याच अफवांवर प्रतिक्रिया देत नाही. पण जेव्हा तो प्रतिक्रिया देतो तेव्हा तो समोरची व्यक्ती मित्र आहे की शत्रू हे पाहत नाही. अभिनेत्याकडे बरोबर आणि चूक यांच्यावर वाद निर्माण करण्याची क्षमता आहे. त्याच्या ताज्या मुलाखतीत त्याने करण जोहरला एका चर्चेत असलेल्या बातमीवर प्रतिक्रिया दिली आहे. विकी कौशल आणि सारा अली खान स्टारर “गोविंदा मेरा नाम” या चित्रपटासाठी त्याने चित्रपट निर्मात्यावर राग व्यक्त केला आणि दावा केला की हा चित्रपट त्याच्यावर आधारित आहे.
11 Feb 2026 11:20 AM (IST)
भारताच्या अर्थमंत्री निर्मला सीतारामन (Nirmala Sitharaman) यांनी १ फेब्रुवारीला संसदेत आर्थिक वर्ष २०२६-२७ चा अर्थसंकल्प सादर केला. आता याच पार्श्वभूमीवर आरबीआयशी अर्थसंकल्पातील मुद्द्यांवर चर्चा करण्यासाठी अर्थमंत्री निर्मला सीतारामन २३ फेब्रुवारी रोजी रिझर्व्ह बँक ऑफ इंडिया (Reserve Bank of India) च्या केंद्रीय मंडळाला संबोधित करतील, या काळात, त्या २०२६-२७ आर्थिक वर्षाच्या अर्थसंकल्पातील मुख्य मुद्द्यांवर चर्चा करणार आहेत. ज्यात उत्पादनाला चालना देण्यासाठी उपाययोजना आणि शेती आणि पर्यटनाला पाठिंबा देणे, आदी बाबींचा समावेश राहणार आहे. जागतिक अनिश्चिततेमध्ये मुख्य धोरण दर अर्थात रेपो रेट ५.२५ टक्के स्थिर ठेवण्यासंदर्भात आरबीआयच्या निर्णयानंतर काही दिवसांनी ही बैठक होणार आहे.
11 Feb 2026 11:10 AM (IST)
बुलढाणा जिल्ह्यातून एक धक्कादायक घटना समोर आली आहे. सततची नापिकी आणि डोक्यावर असलेल्या कर्जाच्या ओझ्यामुळे एका तरुण शेतकरी दाम्पत्याने विषारी औषध पियुन टोकाचा पाऊल उचलल्याचे समोर आले. या घटनेत ३४ वर्षीय शेतकऱ्याचा मृत्यू झाली तर पत्नी थोडक्यात बचावली असून तिच्यावर हॉस्पिटलमध्ये औषधोपचार सुरु आहेत.
11 Feb 2026 11:00 AM (IST)
मध्य प्रदेशातील सतना जिल्ह्यातील रहिवासी संजय विश्वकर्मा हे एका चमत्कारापेक्षा कमी नाहीत. वयाच्या १२ व्या वर्षी पान खाताना त्यांनी दातांमध्ये अडकलेली सुपारी काढण्यासाठी पिन वापरण्यास सुरुवात केली आणि हळूहळू ती सवय झाली. वर्षानुवर्षे पिनची संख्या वाढतच गेली. गेल्या ४५ वर्षांपासून ते तोंडात धारदार लोखंडी आणि पितळी पिना घेऊन फिरत आहेत. सामान्य माणसाच्या तोंडात एक छोटीशी पिन अडकली तरी त्याचा जीव कासावीस होईल पण इथे तर संजय खाताना, पिताना एवढंच काय तर झोपतानाही आपल्या तोंडात दोकदार पिना ठेवत एक आरामदायी आयुष्य जगत आहे. आश्चर्याची गोष्ट म्हणजे, पिन असूनही, त्याच्या तोंडात कोणतेही व्रण किंवा दुखापत नाही.
11 Feb 2026 10:55 AM (IST)
boAt क्रोम आयरिस स्मार्टवॉचची किंमत 3,499 रुपये आहे. हे डिव्हाईस ग्राहक हे स्मार्टवॉच अॅमेझॉन, फ्लिपकार्ट, बोट इंडिया वेबसाईट आणि देशभरातील निवडक रिटेल स्टोअर्सवर विक्रीसाठी उपलब्ध आहे. हे स्मार्टवॉच अॅमेझॉन, फ्लिपकार्ट, बोट इंडिया वेबसाइट आणि देशभरातील निवडक रिटेल स्टोअर्सवर विक्रीसाठी उपलब्ध आहे. boAt क्रोम आयरिस स्मार्टवॉच मेटल गोल्ड, रोज पिंक, वेलवेट वाइन, सिल्क स्किन आणि फ्रॉस्टेड स्काई कलर ऑप्शनमध्ये खरेदीसाठी उपलब्ध आहे.
11 Feb 2026 10:45 AM (IST)
झी स्टुडिओज आणि भन्साळी प्रॉडक्शन्स यांच्या आगामी ‘दो दीवाने शहर में’ या चित्रपटाने आपल्या वेगळ्या आणि ताज्या प्रेमकथेमुळे प्रेक्षकांची मने जिंकायला सुरुवात केली आहे. मृणाल ठाकूर आणि सिद्धांत चतुर्वेदी यांच्या प्रमुख भूमिका असलेल्या या चित्रपटाचा नुकताच प्रदर्शित झालेला ट्रेलर प्रेक्षकांना एका अनोख्या, भावनिक प्रेमप्रवासाची झलक दाखवतो. ट्रेलरमध्ये दोघांमधील सहजसुंदर केमिस्ट्री आणि कोमल क्षण ठळकपणे दिसून येत आहेत. व्हॅलेंटाईन सीझनसाठी खास ठरणारा हा चित्रपट प्रेमाच्या खऱ्या, गुंतागुंतीच्या पण अत्यंत वास्तव रूपाचा उत्सव साजरा करणारा ठरला आहे.
11 Feb 2026 10:40 AM (IST)
उत्तरप्रदेश येथून एक धक्कदायक घटना समोर आली आहे. एखाद्या चित्रपटाला शोभेल अशी घटना समोर आली आहे. एक तरुणी नागीण बनल्याची घटना समोर आली आहे. ती झोपायला गेली आणि दुसऱ्या दिवशी सकाळी तिच्या बेडवर सापाची कात आणि बांगड्या-सिंदूर सापडले. या घटनेने संपूर्ण गावात दहशत माजली आहे. मात्र पोलिसांनी या घटनेचा संपूर्ण सत्य समोर आणलं आहे. नेमकं प्रकरण काय आहे? जाणून घ्या.
11 Feb 2026 10:30 AM (IST)
भारत आणि चीनमधील सीमावादानंतर दोन्ही देशातील संबंध निवळताना दिसत आहेत. गेल्या काही काळापासून दोन्ही देशांनी या संबंधांना अधिक बळकट करण्यासाठी अनेक महत्वपूर्ण निर्णय घेतले आहेत. नुकतेच भारताला संयुक्त राष्ट्रात कायमस्वरुपी सदस्यत्व मिळवून देण्यासाठी चीनने (China) पाठिंबा दिला आहे. सध्या चीनचे कार्यवाहक उप-राष्ट्रमंत्री मा झाओक्सू भारताच्या दौऱ्यावर असून त्यांनी नवी दिल्ली येथे परराष्ट्र सचिव विक्रम मिस्री यांची मंगळवारी(१० फेब्रुवारी २०२६) भेट घेतली. यावेळी झालेल्या रणनीतिक चर्चेमुळे भारताचे जागतिक राजकारणातील महत्व वाढणार आहे.
11 Feb 2026 10:20 AM (IST)
छत्रपती संभाजीनगर जिल्ह्यातील जिल्हा परिषद, पंचायत समितीच्या निवडणुकीचे निकाल जाहिर झाले आहेत. या निवडणुकीसाठी जिल्हयात जिल्हा परिषदेचे एकूण ६३ गट असून त्यातील ३१ गटांतून महिला विजयी झाल्या आहेत. म्हणजेच जिल्हा परिषदेवर निम्म्या महिलांची सत्ता राहणार आहे. या निवडणुकीत भाजप १२ तर शिंदेसेनेच्या १० महिला विजयी झाल्या असून त्या खालोखाल उद्धवसेना ४, राष्ट्रवादी अजित पवार आणि राष्ट्रवादी शरद पवार गटाला प्रत्येकी एक, तसेच काँग्रेस, प्रहारला प्रत्येकी एक तर अपक्षाला दोन जागांवर विजय मिळाला आहे.
11 Feb 2026 09:20 AM (IST)
सुनयना सोनवणे : कुतूहल, जिद्द आणि नवकल्पनांची ओढ यांच्या जोरावर महिलांनी विज्ञानाच्या क्षेत्रात स्वतःचे वेगळे स्थान निर्माण केले आहे. एकेकाळी पुरुषप्रधान मानल्या जाणाऱ्या या क्षेत्रात आज महिला संशोधक, अभियंते आणि शास्त्रज्ञ महत्त्वपूर्ण शोध लावत मानवजातीच्या प्रगतीला नवे आयाम देत आहेत. या योगदानाचा सन्मान आणि अधिकाधिक मुलींना विज्ञानाकडे प्रेरित करण्यासाठी दरवर्षी ११ फेब्रुवारीला ‘विज्ञानातील महिला आणि मुलींचा आंतरराष्ट्रीय दिवस’ साजरा केला जातो.
11 Feb 2026 09:10 AM (IST)
मुंबई: भारतीय क्रिकेट नियामक मंडळाने (BCCI) आगामी हंगामासाठी भारतीय खेळाडूंच्या केंद्रीय कराराची (Central Contract) घोषणा केली आहे. या नवीन करारामध्ये बीसीसीआयने काही धक्कादायक निर्णय घेतले असून, अनेक दिग्गज खेळाडूंच्या श्रेणीत मोठे फेरबदल करण्यात आले आहेत.
या नव्या करारात टीम इंडियाचा युवा फलंदाज शुभमन गिल याचे प्रमोशन झाले असून, त्याची श्रेणी उंचावली आहे. मात्र, स्टार फलंदाज विराट कोहली आणि कर्णधार रोहित शर्मा यांच्या श्रेणीत कपात (डिमोशन) करण्यात आली आहे. अष्टपैलू रवींद्र जडेजा आणि वेगवान गोलंदाज जसप्रीत बुमराह यांनी 'अ' ग्रेडमधील आपले स्थान कायम राखले आहे.
11 Feb 2026 09:05 AM (IST)
सातारा: जिल्हा परिषद निवडणुकीच्या निकालानंतर सातारा जिल्ह्याच्या राजकारणात मोठ्या घडामोडींना वेग आला आहे. जिल्ह्यात २७ जागांसह भारतीय जनता पक्ष सर्वात मोठा पक्ष ठरला असला तरी, त्यांना सत्तेपासून दूर ठेवण्यासाठी आता राष्ट्रवादी काँग्रेस आणि शिवसेना (शिंदे गट) यांनी एकत्र येण्यासाठी हालचाली सुरू केल्या आहेत. यामुळे जिल्ह्याच्या 'मिनी मंत्रालयात' सत्तास्थापनेचे नवे गणित पाहायला मिळण्याची दाट शक्यता आहे.
11 Feb 2026 09:00 AM (IST)
म्हाडाच्या पुणे गृहनिर्माण व क्षेत्र विकास मंडळातर्फे घरांच्या प्रतीक्षेत असलेल्या नागरिकांसाठी मोठी खुशखबर समोर आली आहे. येत्या मार्च महिन्यात पुणे मंडळातर्फे सुमारे ३००० परवडणाऱ्या घरांच्या विक्रीसाठी नवीन सोडत काढण्यात येणार असल्याची घोषणा पुणे मंडळाचे सभापती शिवाजीराव आढळराव पाटील यांनी आज केली.
गेल्या अडीच वर्षांत म्हाडाने २० टक्के सर्वसमावेशक योजनेतून तब्बल २५ हजार घरे विक्रीसाठी उपलब्ध करून दिली आहेत. म्हाडाच्या पारदर्शक कार्यपद्धतीमुळे आणि घरांच्या दर्जेदार बांधकामामुळे सर्वसामान्यांचा म्हाडावरील विश्वास कमालीचा वाढला आहे. नुकत्याच पार पडलेल्या ४,१८६ घरांच्या सोडतीसाठी २ लाख १५ हजार ९६५ अर्ज प्राप्त होणे, हे या वाढत्या विश्वासाचेच प्रतीक असल्याचे आढळराव पाटील यांनी नमूद केले.
11 Feb 2026 08:59 AM (IST)
मिरा-भाईंदरमधील ओल्ड पेट्रोल पंपाजवळ एका भरधाव कारचा भीषण अपघात झाल्याची धक्कादायक घटना समोर आली आहे. मद्यधुंद अवस्थेत असलेल्या चालकाचे कारवरील नियंत्रण सुटले आणि कार थेट उड्डाणपुलाच्या कामासाठी असलेल्या डिव्हायडरला धडकून पलटी झाली.
सुदैवाने, या भीषण अपघातात कोणतीही जीवितहानी झालेली नाही. अपघात होताच परिसरातील नागरिकांनी तातडीने मदतीसाठी धाव घेतली आणि नशेत धुंद असलेल्या चालकाला कारमधून सुखरूप बाहेर काढले. उड्डाणपुलाच्या कामामुळे आधीच अरुंद झालेल्या रस्त्यावर अशा बेजबाबदार चालकांमुळे मोठा धोका निर्माण होत असल्याने स्थानिक नागरिकांनी संताप व्यक्त केला आहे.
11 Feb 2026 08:55 AM (IST)
पूर्व उपनगरातील गोवंडी येथील शिवाजीनगर परिसरात मंगळवारी दुपारी एका १९ वर्षीय तरुणीची गोळ्या झाडून निर्घृण हत्या करण्यात आली. शिफा शेख असे मृत तरुणीचे नाव असून, भरवस्तीत झालेल्या या गोळीबारामुळे परिसरात प्रचंड भीतीचे वातावरण पसरले आहे. पोलिसांनी या प्रकरणी एका महिलेसह दोघांना ताब्यात घेतले असून, प्राथमिक तपासात ही हत्या प्रेमत्रिकोणातून झाल्याचा संशय व्यक्त केला जात आहे.
मिळालेली माहिती अशी की, शिफा शेख ही कमला रमण नगर परिसरात आपल्या कुटुंबासह राहत होती. मंगळवारी दुपारी ती नाश्ता करण्यासाठी घराबाहेर पडली असता, अज्ञात हल्लेखोराने तिच्यावर जवळून गोळ्या झाडल्या. गोळी शिफाच्या मानेला आणि गालाला लागल्याने ती रक्ताच्या थारोळ्यात कोसळली. स्थानिक नागरिकांनी तिला तातडीने शताब्दी रुग्णालयात नेले, मात्र उपचारापूर्वीच तिचा मृत्यू झाल्याचे डॉक्टरांनी घोषित केले.
पुणे: राज्याच्या नवनियुक्त उपमुख्यमंत्री आणि पुण्याच्या पालकमंत्री सुनेत्रा पवार यांच्या अध्यक्षतेखाली उद्या पुणे जिल्हा नियोजन समितीची (DPC) महत्त्वाची बैठक पार पडणार आहे. पालकमंत्री म्हणून पदभार स्वीकारल्यानंतर सुनेत्रा पवार यांची ही पहिलीच नियोजन बैठक असून, यामध्ये आगामी २०२६-२७ या आर्थिक वर्षाच्या जिल्ह्याच्या प्रारूप विकास आराखड्याला मंजुरी दिली जाणार आहे.
माजी उपमुख्यमंत्री अजित पवार यांच्या अपघाती निधनानंतर होत असलेल्या या पहिल्याच बैठकीकडे सर्वांचे लक्ष लागले आहे. चालू वर्षाच्या सुरुवातीलाच दिवंगत नेते अजित पवार यांनी जिल्हा नियोजन आराखडा तयार करण्याच्या सूचना जिल्हा प्रशासनाला दिल्या होत्या. त्यानुसार जिल्हा नियोजन अधिकारी, जिल्हा परिषद आणि विविध शासकीय विभागांनी विकास कामांचा प्राधान्यक्रम निश्चित करून हा आराखडा तयार केला आहे.
.png "Videos"){kind=small}
