Top Marathi News Today Live : अकोला ठरले जगातील दुसरे सर्वात उष्ण शहर
15 Apr 2026 12:45 PM (IST)
पुण्यातील पबमध्ये तरुणीचा विनयभंग झाल्याची माहिती समोर आली असून याबाबत कोरेगाव पार्क पोलीस स्टेशनमध्ये गुन्हा दाखल करण्यात आला आहे.
15 Apr 2026 12:34 PM (IST)
महाराष्ट्राच्या भूमी अभिलेख विभागाने शेतकऱ्यांसह सर्वसामान्य नागरिकांच्या सोयीसाठी एक महत्त्वपूर्ण आणि नाविन्यपूर्ण पाऊल उचलले आहे. आता सातबारा (७/१२), ८-अ उतारा, मिळकत पत्रिका (प्रॉपर्टी कार्ड), फेरफार नोंदी आणि ई-रेकॉर्डमधील विविध आवश्यक दाखले थेट व्हॉट्सअॅपच्या माध्यमातून उपलब्ध होणार आहेत. ही सुविधा महाभूमी संकेतस्थळावरून थेट मोबाईलवर पोहोचवण्यात येणार असून, यासाठी फक्त माफक शुल्कात म्हणजे केवळ १५ रुपयांत नोंदणी करता येईल. सध्या राज्यात गेल्या काही वर्षांपासून सातबारा व इतर उतारे ऑनलाइन उपलब्ध आहेत. मात्र त्यासाठी शेतकऱ्यांना किंवा नागरिकांना जवळच्या सेतू केंद्र किंवा महा ई-सेवा केंद्रावर जावे लागते.
15 Apr 2026 12:23 PM (IST)
बारामतीच्या पोटनिवडणुकीसाठी राष्ट्रवादी काँग्रेसच्या नेत्या उपमुख्यमंत्री सुनेत्रा पवार नेत्या मैदानात आहेत. तर आपल्या काकींच्या प्रचारासाठी राष्ट्रवादी काँग्रेस शरद पवार गटाचे आमदार रोहित पवार यांनी घोंगडी बैठका घ्यायला सुरुवात केली आहे.
15 Apr 2026 12:12 PM (IST)
कैसे हराया फेम एमआयएमच्या उमेदवार सहर शेख यांच्याकडून शासकीय यंत्रणांची दिशाभूल झाल्याचं समोर आलं आहे. त्यांनी अधिकाऱ्यांची दिशाभूल करून महाराष्ट्रातील बनावट जातीचा दाखला मिळविल्याची तक्रार करण्यात आली आहे. त्यामुळे त्यांचं नगरसेवक पद धोक्यात येण्याची शक्यता आहे.
15 Apr 2026 12:00 PM (IST)
हिमाचलच्या मंडी जिल्ह्यात कॉलेजला जाणाऱ्या 19 वर्षीय तरुणीची एकतर्फी प्रेमातून भररस्त्यात धारदार शस्त्राने हत्या करण्यात आली. आरोपीला स्थानिकांच्या मदतीने अटक करण्यात आली असून पोलिस तपास सुरू आहे.
15 Apr 2026 11:50 AM (IST)
सह्याद्रीच्या डोंगररांगांमध्ये वसलेल्या बालेघर या आदिवासीबहुल गावातील नागरिकांच्या मूलभूत व घटनात्मक हक्कांसाठी सामाजिक कार्यकर्ते सुशांत मोरे, कायदेशीर सल्लागार अॅड. तृणाल टोणपे व अॅड. निकिता आनंद यांनी आवाज उठवला. आदिवासींच्या हक्कासाठी त्यांनी मंगळवारी (दि.14) डॉ. बाबासाहेब आंबेडकर (Dr. Babasaheb Ambedkar) यांच्या १३५ व्या जयंतीनिमित्त गावात शांततापूर्ण धरणे आंदोलनाचे करण्यात आले.
15 Apr 2026 11:50 AM (IST)
उपमुख्यमंत्री एकनाथ शिंदे यांनी त्यांच्या मूळ गावी दरे तर्फ तांब, ता. महाबळेश्वर येथे राहण्यासाठी आले होते. उपमुख्यमंत्री एकनाथ शिंदे यांनी त्यांच्या मुक्कामी दौऱ्यादरम्यान देखील आराम न करता स्थानिक समस्या जाणून घेतल्या. या दौऱ्यावेळी एकनाथ शिंदे यांनी साताऱ्यातील समस्या जाणून घेतल्या आहेत. दरम्यान, एकनाथ शिंदेंनी कोयना धरण परिसराची पाहणी केली असून जनतेच्या हिताच्या कामांचा आढावा घेतला आहे.
15 Apr 2026 11:50 AM (IST)
बलुचिस्तानमधील संघर्षाने आता एक अत्यंत धोकादायक आणि ऐतिहासिक वळण घेतले आहे. जमिनीवर पाकिस्तानी सैन्याला सळो की पळो करून सोडल्यानंतर, आता बलुच लिबरेशन आर्मीने आपला मोर्चा अरबी समुद्राकडे वळवला आहे. रविवारी सकाळी पाकिस्तान-इराण सागरी सीमेजवळील जिवानी शहरात बीएलएने पाकिस्तानी तटरक्षक दलावर आपला पहिला सागरी हल्ला केला. या अचानक झालेल्या हल्ल्यात पाकिस्तानचे तीन जवान जागीच ठार झाले असून, यामुळे पाकिस्तानच्या सागरी सुरक्षेच्या चिंधड्या उडाल्या आहेत.
15 Apr 2026 11:45 AM (IST)
जागतिक हिमोफिलिया दिन २०२६ ची संकल्पना ‘निदानः उपचाराची पहिली पायरी’ ही आहे. ही संकल्पना हिमोफिलिया व्यवस्थापनातील सर्वात गंभीर आव्हानांपैकी एकावर प्रकाश टाकतेः ते म्हणजे निदान न झालेल्या लोकांची प्रचंड संख्या. डब्ल्यूएफएचच्या अंदाजानुसार, जगभरातील हिमोफिलियाने ग्रस्त असलेल्या ७५% पेक्षा जास्त लोकांचे कधीही औपचारिक निदान झालेले नाही.
15 Apr 2026 11:40 AM (IST)
२०२६ च्या इंडियन प्रीमियर लीगमध्ये कोलकाता नाईट रायडर्सची कामगिरी अत्यंत निराशाजनक राहिली आहे. सलग चौथ्या पराभवानंतर BCCI ने संघाचा कर्णधार अजिंक्य रहाणेवर कारवाई केली आहे. चेन्नई सुपर किंग्सविरुद्धच्या सामन्यात कोलकाता संघ निर्धारित वेळेत आपल्या षटकांचा कोटा पूर्ण करू शकला नाही. या गुन्ह्यासाठी रहाणेला १.२ दशलक्ष अर्थात १२ लाख रुपयांचा दंड ठोठावण्यात आला आहे. एम.ए. चिदंबरम स्टेडियमवर खेळल्या गेलेल्या सामन्यादरम्यान षटकांचा वेग कमी ठेवल्याबद्दल तो दोषी आढळला.
15 Apr 2026 11:35 AM (IST)
कोल्हापुरातील दानोळी गावात भाजीपाला व्यावसायिकाचे 25 लाखांच्या खंडणीसाठी अपहरण करून काही तासांतच करंट देऊन निर्घृण हत्या करण्यात आली. पोलिसांनी दोन आरोपींना अटक केली असून तपास सुरू आहे.
15 Apr 2026 11:30 AM (IST)
देशात लोकांची धार्मिक श्रद्धा इतकी जास्त आहे की कधी श्रद्धेचे रुपांतर अंधश्रद्धेत होतं हे त्यांना समजत नाही. श्रद्धेच्या नावाखाली लोक अनेकदा वाटेल ते करु पाहतात. अशीच एक घटना सोशल मिडियावर शेअर करण्यात आली आहे ज्यात ट्रेनच्या डब्यालाच लोकांनी मंदिर बनवल्याचं दिसून आलं. व्हिडिओमध्ये जर आपण पाहिलं तर यात आपल्याला दिसते की, ट्रेनच्या डब्याचील वरच्या बर्थवर लोकांनी देवी-देवतांच्या मूर्त्या ठेवल्या आहेत. फुलांना त्या जागेला सजवलेले आहे आणि हातात आरतीचं ताट घेऊन महिला आरती करत देवाची पूजा करत आहेत. प्रवासासाठी ओळखली जाणारी ही ट्रेन रेल्वे कमी आणि एक मंदिरंच जास्त वाटतं होती. या घटनेचा व्हिडिओ आता इंटरनेटवर चर्चेचा विषय ठरत असून सार्वजनिक वाहतुकीत असे उपक्रम योग्य नाही अशी प्रतिक्रिया यूजर्सने दिली आहे.
15 Apr 2026 11:00 AM (IST)
जागतिक राजकारणात अनेकदा अशक्य वाटणाऱ्या गोष्टी सत्यात उतरतात. असाच एक चमत्कार वॉशिंग्टनमध्ये घडला आहे. अनेक दशकांपासून एकमेकांचे कट्टर शत्रू राहिलेले इस्रायल (Israel )आणि लेबनॉन यांनी सर्व मतभेद बाजूला सारून थेट चर्चेचे पाऊल उचलले आहे. अमेरिकेचे परराष्ट्र सचिव मार्को रुबियो यांच्या मध्यस्थीने पार पडलेली ही बैठक मध्य-पूर्वेतील रक्तपाताला पूर्णविराम देणारी ठरू शकते. दोन तासांहून अधिक काळ चाललेल्या या चर्चेने दोन्ही देशांमधील राजनैतिक संबंधांच्या नव्या पर्वाची सुरुवात केली आहे.
15 Apr 2026 10:50 AM (IST)
आजकाल संवेदनशील माहिती अनेकदा ईमेलद्वारे पाठवली जाते. अशा परिस्थितीत केवळ इनबॉक्स सुरक्षेवर अवलंबून राहणे पुरेसे नाही. ईमेलद्वारे शेअर केलेले ओळखपत्र पुरावा, करार आणि खात्याची माहिती चुकीच्या हातात पडल्यास मोठे नुकसान होऊ शकते. त्यामुळे, ती माहिती दीर्घ काळासाठी कोणालाही उपलब्ध नसावी, असं तज्ज्ञांचं मत आहे. ईमेल संदेश फॉरवर्ड करण्याचा किंवा दीर्घकाळ उपलब्ध राहण्याचा धोका कमी केला जाऊ शकतो. यासाठी तुम्ही जीमेलचा कॉन्फिडेन्शियल मोड वापरू शकता. यामुळे तुम्हाला मुदतची तारीख असलेले ईमेल पाठवता येतात. शिवाय, गरज भासल्यास एसएमएस पासकोड देखील सेट केला जाऊ शकतो
15 Apr 2026 10:40 AM (IST)
जगातील सर्वात प्रसिद्ध आणि लोकप्रिय गेम सीरीज ग्रँड थेफ्ट ऑटो (GTA 6) चे डेवलपर Rockstar Games, वर पुन्हा एकदा सायबर अटॅक झाला आहे. रॉकस्टार गेम्स पुन्हा एकदा डेटा ब्रीच (डेटा चोरी) चे शिकार झाले आहे. मिळालेल्या माहितीनुसार, एका हॅकर ग्रुपने कंपनीच्या काही डेटामध्ये अनधिकृत प्रवेश केला आहे. तसेच सायबर गुन्हेगारांनी रॉकस्टार गेम्सला धमकी दिली आहे की, जर त्यांच्या मागण्या पूर्ण झाल्या नाहीत तर कंपनीचा डेटा सार्वजनिक केला जाईल. GTA 6 लाँचिंगमुळे ही कंपनी गेल्या बऱ्याच दिवसांपासून चर्चेत आहे आणि अशाचवेळी सायबर अटॅकची घटना समोर आली आहे.
15 Apr 2026 10:30 AM (IST)
बॉलिवूड अभिनेता संजय दत्त यांचा आखिरी सवाल हा चित्रपट सध्या 2026 मधील सर्वाधिक प्रतिक्षेत असलेल्या चित्रपटांपैकी एक आहे. चित्रपटाची घोषणा झाल्यापासूनच त्याबद्दल मोठी चर्चा सुरू असून, नुकत्याच प्रदर्शित झालेल्या टीझरमुळे प्रेक्षकांची उत्सुकता आणखी वाढली आहे. या चित्रपटाची झलक पाहता तो सत्य घटनांवर आधारित असल्याचे दिसते आणि भारताच्या इतिहासातील काही वादग्रस्त मुद्द्यांना स्पर्श करताना दिसतो. विशेषतः राष्ट्रीय स्वयंसेवक संघ (RSS) वर घालण्यात आलेल्या बंदीपासून ते बाबरी मशीद पाड प्रकरण यांसारख्या संवेदनशील घटनांचा उल्लेख यात असल्याचे दिसून येते. त्यामुळे हा चित्रपट केवळ मनोरंजनापुरता मर्यादित न राहता इतिहासातील काही महत्त्वाच्या आणि कमी चर्चेत असलेल्या पैलूंवर प्रकाश टाकणार असल्याची चर्चा रंगली आहे.
15 Apr 2026 10:20 AM (IST)
गेल्या काही दिवसांपासून उकाड्याचा भयाण त्रास नागरिकांना सहन करावा लागत आहे. विशेषतः विदर्भात तर सूर्य चांगलाच कोपला असून, विदर्भातील सर्वच जिल्ह्यांचे तापमान ४० अंशांच्या पार पोहोचले आहे. सोमवारी राज्यात सर्वाधिक अकोल्यामध्ये तापमानची नोंद झाली होती. त्यानंतर सलग दुसऱ्या दिवशीही अकोला तापले होते. विशेष म्हणजे, जगातील दुसऱ्या क्रमांकाचे उष्ण शहर ठरले आहे. तर देशात सर्वाधिक तापमानाची नोंद अकोल्यात झाली आहे.
15 Apr 2026 10:10 AM (IST)
पश्चिम आशियातील वाढत्या संघर्षाच्या पार्श्वभूमीवर चीनने आपली राजनैतिक सक्रियता कमालीची वाढवली आहे. राष्ट्राध्यक्ष शी जिनपिंग यांनी या क्षेत्रातील तणाव कमी करण्यासाठी आणि स्थिरता प्रस्थापित करण्यासाठी एक विशेष ‘चार कलमी शांतता आराखडा’ मांडला आहे. अमेरिका आणि इराण यांच्यातील संवाद खुंटल्याने निर्माण झालेल्या संवेदनशील परिस्थितीत चीनने घेतलेला हा पुढाकार जागतिक राजकारणाच्या दृष्टीने अत्यंत महत्त्वाचा मानला जात आहे.
15 Apr 2026 10:00 AM (IST)
अमेरिका-इराण चर्चा पुन्हा सुरू होण्याची शक्यता असून मध्य पूर्वेतील संघर्षात तणाव कमी होण्याची सुरुवातीची चिन्हे दिसत आहेत. यामुळे जागतिक बाजारातील सकारात्मक संकेतांचा भारतीय शेअर बाजारावर देखील परिणाम होत आहे. जागतिक बाजारातील सकारात्मक संकेतांच्या पार्श्वभूमीवर, भारतीय शेअर बाजाराचे प्रमुख निर्देशांक, सेन्सेक्स आणि निफ्टी ५०, बुधवारी तेजीने उघडण्याची शक्यता आहे. गिफ्ट निफ्टीमधील ट्रेंड्स देखील भारतीय बेंचमार्क निर्देशांकासाठी गॅप-अप सुरुवातीचे संकेत देत आहेत. गिफ्ट निफ्टी, निफ्टी फ्युचर्सच्या मागील क्लोजपेक्षा जवळपास ३७० पॉइंट्सच्या प्रीमियमवर, २४,२२९ च्या पातळीवर ट्रेड करत होता.
15 Apr 2026 09:50 AM (IST)
पुण्यातील सातत्याने खुनाच्या घटना वाढत आहेत. त्यातच एक पुण्याला हादरवणारी घटना घडली आहे. पुण्यातील अनेक सोसायट्यामध्ये वॉचमन मोठ्या प्रमाणावर काम करतात आणि अनेक एजेंसी या पुरवण्याचं काम पण करतात. दोन वॉचमनमध्ये झोपण्यावरून वाद निर्माण झाला आणि भांडणाचे रूपांतर थेट खुनामध्ये झाल आणि एका वॉचमानने एकाचा गळा आवळला आणि झोपेतच खून केल्याची घटना घडली आहे. पांडुरंग हरवणे याचा यात मृत्य झाला आहे. सुदर्शन काळे याने गळा आवळून पांडुरंगचा खून केला आहे. हे दोघे ही एकाच सोसायटीत कामाला होते आणि त्यांच्यात वाद निर्माण झाला आणि त्याच रूपांतर यामध्ये झाल.
15 Apr 2026 09:40 AM (IST)
औंध जिल्हा रुग्णालयातील आयसीयू वॉर्डचा दरवाजा बंद केल्याच्या रागातून एका पेशंटने वृद्ध महिला पेशंटवर काचेने वार करून तिला जखमी केले. ही घटना सोमवारी (दि.१३) दुपारी १२ वाजण्याच्या सुमारास औंध जिल्हा रुग्णालय, पुणे येथे घडली.
15 Apr 2026 09:30 AM (IST)
इराण-अमेरिका, इस्त्रायल या देशांत 40 दिवसांपेक्षा अधिक दिवस संघर्ष सुरु आहे. पाकिस्तानात अमेरिका आणि इराण यांच्या शिष्टमंडळात चर्चा झाली. मात्र, ही चर्चा फिस्टकल्याने युद्धावर तोडगा निघाला नाही. त्यानंतर आता पश्चिम आशियात युद्ध सुरु असतानाच अमेरिकेचे राष्ट्राध्यक्ष डोनाल्ड ट्रम्प यांचा पंतप्रधान नरेंद्र मोदींना फोन आला. या दोन्ही नेत्यांमध्ये सुमारे 40 मिनिटांची चर्चा झाल्याची माहिती दिली जात आहे.
15 Apr 2026 09:20 AM (IST)
स्टोन क्रशर सुरू ठेवण्यासाठी अपर जिल्हाधिकारी प्रमोद गायकवाड यांनी १५ हजारांच्या लाचेची मागणी केल्याचा आरोप करण्यात आला. या आरोपावरूनच येथील अपर जिल्हाधिकाऱ्यावर एमआयडीसी पोलिस ठाण्यात मंगळवारी गुन्हा दाखल करण्यात आला. याप्रकरणी जिल्हा खाण व क्रशर उद्योजक संघाने तक्रार केली होती.
Marathi Breaking News Updates : गेल्या काही दिवसांपासून उकाड्याचा भयाण त्रास नागरिकांना सहन करावा लागत आहे. विशेषतः विदर्भात तर सूर्य चांगलाच कोपला असून, विदर्भातील सर्वच जिल्ह्यांचे तापमान ४० अंशांच्या पार पोहोचले आहे. सोमवारी राज्यात सर्वाधिक अकोल्यामध्ये तापमानची नोंद झाली होती. त्यानंतर सलग दुसऱ्या दिवशीही अकोला तापले होते. विशेष म्हणजे, जगातील दुसऱ्या क्रमांकाचे उष्ण शहर ठरले आहे. तर देशात सर्वाधिक तापमानाची नोंद अकोल्यात झाली आहे.
अकोल्यात मंगळवारी 44 अंश सेल्सिअस तापमान होते. एल डोराडो हे संकेतस्थळ जागतिक तापमानाची नोंद ठेवते आणि या संकेतस्थळावर अकोल्याची जगातील दुसरे ‘उष्ण’ शहर म्हणून नोंद करण्यात आली. विदर्भातील उन्हाळा तापू लागला आहे. दरम्यान, मंगळवारी राज्यातील २३ जिल्ह्यांमध्ये ४० अंश सेल्सिअसपेक्षा जास्त तापमानाची नोंद झाली आहे.
.png "Videos"){kind=small}
