Breaking News : सौदीच्या तेल साम्राज्यावर ड्रोनचा हल्ला; अबकैक रिफायनरीला लक्ष्य, मध्य पूर्वेतील तणाव पुन्हा शिगेला

Japan Earthquake: जपान हादरला! क्युषू भागात 7.1 तीव्रतेचा भूकंप, किनारी भागांसाठी सतर्कतेचा इशारा

सौदी अरेबियाच्या संरक्षण यंत्रणेने हवाई संरक्षण प्रणालीच्या मदतीने अनेक ड्रोन हवेतच नष्ट केल्याचा दावा केला आहे. मात्र काही ठिकाणी स्फोट आणि आग लागल्याच्या घटना घडल्याने तेल उत्पादनावर तात्पुरता परिणाम झाल्याचे सांगितले जात आहे. अबकैक हे Saudi Aramco चे सर्वात महत्त्वाचे तेल प्रक्रिया केंद्र मानले जाते. येथून दररोज लाखो बॅरल कच्च्या तेलावर प्रक्रिया केली जाते. त्यामुळे या सुविधेवरील कोणताही हल्ला जागतिक ऊर्जा बाजारासाठी अत्यंत संवेदनशील मानला जातो.

या हल्ल्यानंतर सौदी प्रशासनाने इराणसमर्थित सशस्त्र गटांनी इराकच्या भूमीवरून ड्रोन हल्ला केल्याचा आरोप केला आहे. दुसरीकडे, इराणने अशा आरोपांवर अद्याप अधिकृत प्रतिक्रिया दिलेली नाही. दरम्यान, येमेनमधील हूती बंडखोरांनी सौदीच्या तेल सुविधांवर हल्ल्याचा दावा केला असला, तरी त्यांनी अबकैक केंद्रावर थेट हल्ला केल्याची स्पष्ट पुष्टी केलेली नाही.

PoK protests: सर्वत्र फक्त मृतदेह…! पाकव्याप्त काश्मीरमध्ये रक्तपात उसळला; निवडणुकीत उघडपणे गैरप्रकार

या घटनेनंतर आंतरराष्ट्रीय बाजारात कच्च्या तेलाच्या किमतीत वाढ होण्याची शक्यता व्यक्त केली जात आहे. जागतिक ऊर्जा पुरवठा, तेल निर्यात आणि मध्य पूर्वेतील सुरक्षेच्या दृष्टीने या हल्ल्याकडे अत्यंत गांभीर्याने पाहिले जात आहे. अमेरिका आणि इतर पाश्चिमात्य देशांनीही परिस्थितीवर लक्ष ठेवले असून, या घटनेमुळे प्रादेशिक तणाव आणखी वाढण्याची शक्यता वर्तवली जात आहे.

दरम्यान, हल्ल्यामुळे झालेल्या नुकसानीचे मूल्यांकन सुरू असून, तेल उत्पादन आणि निर्यात पूर्ववत करण्यासाठी Saudi Aramco कडून तातडीने उपाययोजना करण्यात येत आहेत. या घटनेमुळे मध्य पूर्वेतील सुरक्षा परिस्थिती पुन्हा एकदा जागतिक चर्चेचा विषय ठरली आहे.