Maharashtra Today’s Live News in Marathi: एशियन गेम्समध्ये भारताला दोन रौप्य पदके

21 Sep 2026 09:30 AM (IST)

Nashik News Tree Felling:  नाशिकमध्ये जहिरातीच्या फलकांसाठी ५० झाडांची कत्तल  

Nashik News Tree Felling: नाशिक शहरातील जाहिरात व्यवसायाशी संबंधित विविध प्रलंबित प्रश्नांवरून महापालिका प्रशासन आणि स्थानिक जाहिरात व्यावसायिक यांच्यातील वाद अधिकच उफाळून आला आहे. एका बाजूला जाहिरात फलक (होर्डिंग) स्पष्ट दिसण्यासाठी ५० झाडांची बेकायदेशीर कत्तल केल्याप्रकरणी ६ जणांना अटक करण्यात आली आहे, तर दुसऱ्या बाजूला थकबाकीदार ठेकेदारांवर कारवाई न करता त्यांना पुन्हा परवानग्या दिल्याचा आरोप करत व्यावसायिक आक्रमक झाले आहेत.  गंगापूर रोड परिसरात होर्डिंग स्पष्ट दिसावे या उद्देशाने ५० झाडांची कत्तल करण्यात आली. या बेकायदेशीर कृत्याप्रकरणी पोलिसांनी सहा जणांना अटक केली आहे.

21 Sep 2026 09:20 AM (IST)

Tukaram Mundhe Transfer: बदलीच्या चर्चांवर अखेर तुकाराम मुंढेंनी सोडले मौन 

Tukaram Mundhe Transfer:   गेल्या काही महिन्यांपासून अन्न व औषध प्रशासन (FDA) विभागातील धडाकेबाज कारवायांमुळे चर्चेत असलेले वरिष्ठ आयएएस अधिकारी तुकाराम मुंढे यांच्या बदलीच्या चर्चांना उधाण आले आहे. या सुरू असलेल्या सर्व चर्चांवर अखेर तुकाराम मुंढे यांनी आपली भूमिका स्पष्ट करत मौन सोडले आहे.

एका मराठी वृत्तवाहिनीला दिलेल्या विशेष मुलाखतीत, एफडीएमधून बदली झाल्यानंतर पुढील काळात कोणत्या विभागात काम करायला आवडेल, असा प्रश्न त्यांना विचारण्यात आला होता. त्यावर बोलताना मुंढे म्हणाले, "पुढची बदली कोणत्या विभागात होईल, हे माझ्या हातात नाही. शासन जो विभाग देईल आणि जी जबाबदारी सोपवेल, तिथे मी निष्ठेने काम करेन

21 Sep 2026 09:10 AM (IST)

Maharashtra Rain Alert: राज्याला वाढत्या उकाड्यापासून दिलासा, तब्बल २४ जिल्ह्यांना पावसाचा इशारा

 Maharashtra Rain Alert:  गेल्या काही दिवसांच्या विश्रांतीनंतर राज्यात पावसाने पुन्हा एकदा पुनरागमन केले आहे. वाढत्या उकाड्याने आणि उन्हाच्या चटक्यांनी हैराण झालेल्या नागरिकांना या पावसामुळे मोठा दिलासा मिळाला आहे. हवामान खात्याने दिलेल्या अंदाजानुसार, आज राज्यभरात वादळी वाऱ्यासह मुसळधार पावसासाठी पोषक वातावरण तयार झाले असून २४ जिल्ह्यांमध्ये पावसाची शक्यता वर्तवण्यात आली आहे.

पावसाच्या पुनरागमनामुळे दुष्काळी स्थितीने चिंताग्रस्त असलेल्या बळीराजाला मोठा दिलासा मिळाला आहे.  गेल्या काही दिवसांपासून तीव्र ऊन आणि उकाड्यामुळे नागरिक त्रस्त झाले होते, मात्र पावसामुळे वातावरणात गारवा निर्माण होणार आहे.

21 Sep 2026 09:00 AM (IST)

Ganesh Visarjan Drowning:  नांदेड आणि नंदुरबारमध्ये ३ तरुणांचा बुडून मृत्यू

Ganesh Visarjan Drowning: लाडक्या गणरायाला निरोप देताना महाराष्ट्रातील दोन वेगवेगळ्या जिल्ह्यांत अत्यंत दुर्दैवी घटना घडल्या आहेत. गणेश विसर्जनादरम्यान पाण्यात बुडून ३ तरुणांचा मृत्यू झाला आहे. या घटनेमुळे मृत तरुणांच्या कुटुंबांवर दुःखाचा डोंगर कोसळला असून सर्वत्र हळहळ व्यक्त केली जात आहे.

नांदेडमध्ये गणपती विसर्जन करताना इंजिनिअरिंग शिक्षण घेणाऱ्या दोन विद्यार्थ्यांचा पाण्यात बुडून मृत्यू झाला.नंदुरबार येथे विसर्जन करत असताना एका २६ वर्षीय तरुणाचा धरणातील साचलेल्या पाण्यात बुडून मृत्यू झाला. तिन्ही मृतदेह पाण्यातून बाहेर काढण्यात आले असून ते शवविच्छेदनासाठी शासकीय रुग्णालयात पाठवण्यात आले आहेत.