Maharashtra Breaking News Today 2026: महाराष्ट्रातील अनेक भागांत मुसळधार पावसाचा इशारा

29 Aug 2026 04:40 PM (IST)

ब्राझीलच्या अध्यक्षीय निवडणुकीत टीव्ही-रेडिओची सुरु लढाई; लुला आणि फ्लाविओ बोल्सोनारो यांच्यात चुरशीची लढत

दक्षिण अमेरिकेतील सर्वात मोठा आणि महत्त्वाचा देश असलेल्या ब्राझीलमध्ये (Brazil Elections) अध्यक्षीय निवडणुकीचे बिगुल वाजले आहे. ४ ऑक्टोबर रोजी होणाऱ्या पहिल्या टप्प्यातील मतदानासाठी आता प्रचार मोहीम अत्यंत तीव्र आणि आक्रमक वळणावर पोहोचली आहे. डिजिटल आणि सोशल मीडियाचा प्रभाव जगभरात प्रचंड वाढलेला असला, तरी ब्राझीलमध्ये आजही टीव्ही आणि रेडिओ हेच सर्वसामान्यांपर्यंत पोहोचण्याचे सर्वात मोठे आणि प्रभावी माध्यम मानले जाते. या पार्श्वभूमीवर, टीव्ही आणि रेडिओवरून प्रसारित होणाऱ्या मोफत राजकीय जाहिरातींना सुरुवात झाली असून, सर्वच राजकीय पक्षांनी आपली ताकद पणाला लावली आहे. वाचा सविस्तर... 

29 Aug 2026 04:39 PM (IST)

खेळाडूंना नवी ओळख देणार स्पोर्ट्स हब ;मानकापूरमध्ये ६८४ कोटींच्या खर्चातून बांधकाम

महाराष्ट्र शासनाच्या क्रीडा धोरणांतर्गत मानकापूर येथील विभागीय क्रीडा संकुलाचा कायापालट होत आहे. सार्वजनिक बांधकाम विभागाच्या (पीडब्ल्यूडी) माध्यमातून ‘नागपूर स्पोर्टस हब’ आणि क्रीडा विद्यापीठाकडून उभारणी सुरू आहे. आंतरराष्ट्रीय दर्जाच्या क्रीडा सुविधा उपलब्ध करून देणारा हा महत्त्वाकांक्षी प्रकल्प ऑगस्ट २०२७ पर्यंत पूर्ण करण्याचे उद्दिष्ट आहे. प्रकल्प पूर्ण झाल्यानंतर नागपूर देशातील प्रमुख क्रीडा केंद्रांपैकी एक म्हणून विकसित होण्याची अपेक्षा आहे. वाचा सविस्तर... 

29 Aug 2026 04:37 PM (IST)

Maharashtra Security Force: पालिकेत पुन्हा खासगी सुरक्षारक्षकांचा ‘प्रवेश’; MSF चे 333 जवान हटवण्याच्या हालचाली

मिरा-भाईंदर महापालिकेच्या सुरक्षा व्यवस्थेचा पुन्हा एकदा ‘कंत्राटी’ मार्गाने फेरबदल करण्याचा निर्णय घेण्यात आला आहे. राज्य सुरक्षा महामंडळाचे (एमएसएफ) सुरक्षारक्षक अपेक्षेप्रमाणे काम करत नसल्याचा दावा करत त्यांच्या ४४२ जवानांपैकी तब्बल ३३३ जवान कमी करून त्यांच्या जागी खासगी सुरक्षारक्षक नियुक्त करण्याचा ठराव महासभेत सर्वानुमते मंजूर करण्यात आला आहे. विशेष म्हणजे, यापूर्वी खासगी सुरक्षारक्षकांविरोधात गंभीर तक्रारी प्राप्त झाल्यानंतर त्यांची नियुक्ती कमी करून एमएसएफकडून सुरक्षा व्यवस्था मजबूत करण्यात आली होती. त्यामुळे आता पुन्हा खासगी सुरक्षारक्षकांना संधी देण्याच्या निर्णयावर जागरूक नागरिकांकडून प्रश्नचिन्ह उपस्थित केले जात आहे.

29 Aug 2026 04:27 PM (IST)

FASTag Rules in Mumbai: 1 एप्रिलपासून FASTagचे नवे नियम! ‘या’ वाहनांना मिळणार टोलमधून खास सूट

मुंबईत गाडी चालवणाऱ्या वाहनधारकांसाठी फास्टॅग आता अधिक महत्त्वाचा ठरणार आहे. टोल नाक्यावर पैसे भरण्यासाठी लागणारा वेळ कमी व्हावा आणि वाहनांच्या लांबच लांब रांगा टाळता याव्यात, यासाठी फास्टॅगचा वापर वाढवण्यावर भर दिला जात आहे. महाराष्ट्र राज्य रस्ते विकास महामंडळाकडून याबाबत महत्त्वाची माहिती देण्यात आली होती. १ एप्रिल २०२५ पासून मुंबईतील टोल नाक्यांवर फास्टॅगला प्राधान्य देण्यात येत आहे. त्यामुळे मुंबईतून किंवा मुंबईकडे प्रवास करणाऱ्या वाहनचालकांनी आपल्या गाडीला फास्टॅग लावलेला आहे की नाही, तसेच त्यामध्ये पुरेशी रक्कम आहे की नाही, हे आधीच तपासून घेणे गरजेचे आहे.

29 Aug 2026 04:15 PM (IST)

Pune Tribal Students Protest : मुंबई उच्च न्यायालयाने घेतली आंदोलनाची दाखल, आंदोलनावर फडणवीसांची मोठी घोषणा

आदिवासी विद्यार्थ्यांच्या विविध मागण्यांसाठी पुण्यात सुरू असलेल्या आमरण उपोषणाला (Pune Tribal Students Protest) आता महत्त्वाचे वळण मिळाले आहे. आंदोलनाचा सतरावा दिवस असताना आदिवासी विद्यार्थी प्रतिनिधींच्या शिष्टमंडळाने मुख्यमंत्री देवेंद्र फडणवीस यांची भेट घेऊन विविध मागण्यांवर सविस्तर चर्चा केली. या बैठकीनंतर काही मागण्यांवर तातडीने कार्यवाही सुरू करण्याचे आश्वासन शासनाकडून देण्यात आल्याची माहिती विद्यार्थ्यांनी दिली. वाचा सविस्तर... 

29 Aug 2026 04:00 PM (IST)

मलकापूर आगारात मध्यरात्री भीषण आग; अनेक कार्यालयीन वस्तू जळून खाक, 10 लाखांचं नुकसान

शाहूवाडी : शाहूवाडी तालुक्यातील मलकापूर एसटी आगारात गुरुवारी मध्यरात्री सुमारे दोन वाजण्याच्या सुमारास शॉर्टसर्किट होऊन अचानक भीषण आग लागल्याची घटना घडली. या आगीत आगारातील संगणक कक्षासह विविध इलेक्ट्रॉनिक साहित्य, कार्यालयीन यंत्रसामग्री तसेच महत्त्वाची कागदपत्रे जळून खाक झाली. या दुर्घटनेत प्राथमिक अंदाजानुसार सुमारे १० लाख रुपयांचे नुकसान झाल्याची माहिती आहे.

29 Aug 2026 03:55 PM (IST)

मध्यरात्रीपर्यंत पाहणी अन् अधिकाऱ्यांची शाळा! Gadchiroli च्या विकासासाठी मंत्र्यांचा धडक दौरा; पाहा काय घडलं?

Gadchiroli: गडचिरोली जिल्ह्याच्या विकासाला गती देण्यासाठी आणि पायाभूत सुविधांचा दर्जा उंचावण्यासाठी सार्वजनिक बांधकाम मंत्री शिवेंद्रसिंहराजे भोसले यांनी प्रत्यक्ष मैदानावर उतरून ‘ॲक्शन मोड’मध्ये पाहणी दौरा केला. दिवस-रात्र जिल्ह्याचा दौरा करत, मध्यरात्री उशिरापर्यंत रस्त्यांची पाहणी आणि अधिकाऱ्यांशी थेट संवाद साधत त्यांनी विकासकामांचा सविस्तर आढावा घेतला.

29 Aug 2026 03:50 PM (IST)

Ghee Sale Ban : पनीरनंतर आता तूप ‘टार्गेट’वर, झाली कठोर कारवाई, ‘या’ राज्यात थेट 1 वर्षाची बंदी

Ghee Sale Ban : बनावट आणि भेसळयुक्त अन्नपदार्थांचं मार्केटमध्ये प्रमाण वाढलं आहे. त्यामुळे अन्नपदार्थांविरोधात अन्न सुरक्षा विभागाने मोहीम तीव्र केली आहे. देशभरात पनीरवर कडक कारवाई झाल्यानंतर आता पुढचं टार्गेट तूप असणार आहे. बाजारात भेसळयुक्त तुपाची विक्री होत असल्याचं समोर आल्यानंतर आता सरकारची नजर तुपावर पडली आहे. त्यामुळे विक्रीवर राज्य सरकारने 1 वर्षाची थेट बंदी घातली आहे. नागरिकांच्या आरोग्याशी होणार खेळ रोखण्यासाठी आणि पडत चाललेली गुणवत्ता परत आणण्यासाठी कठोर निर्णय घेतले जात आहे. हा निर्णय नेमका कोणत्या राज्याने घेतला? त्याचा इतर राज्यांवर काय परिणाम होणार? ( Ghee Sale Ban ) 

29 Aug 2026 03:40 PM (IST)

Raigad News: आश्वासनं नको, ठोस निर्णय हवा! रिलायन्स पाताळगंगा कामगारांचा ७ सप्टेंबरला निर्णायक लढा, आंदोलनाचा इशारा

रसायनी: रिलायन्स इंडस्ट्रीज लिमिटेडच्या पाताळगंगा प्रकल्पातील कामगारांच्या गेल्या दशकभराच्या संघर्षांनंतरही प्रलंबित विविध मागण्यांबाबत कंपनी प्रशासनाने कोणाताही निर्णय न घेतल्याने कामगार संतप्त झाले असून रिलायन्स कंपनीच्या गेटवर धडक देण्याचा निर्धार त्यांनी केला आहे. त्यामुळे कामगारांच्या या संघर्ष अथवा लढ्याला आता निर्णायक वळण मिळाल्याचे स्पष्ट होत आहे. २०१५ पासून न्यायाच्या प्रतीक्षेत असलेल्या सुमारे १,८३४ कामगारांनी ७सप्टेंबर २०२६ रोजी मोहोपाडा येथील अचानक मैदानावर सहपरिवार एकत्र येत आंदोलन करण्याचा निर्धार केला आहे. त्यानंतर रिलायन्स कंपनीच्या गेटवर जाऊन आपल्या मागण्या प्रशासन व्यवस्थापनासमोर मांडण्याची भूमिका कर्मचारी संघटनेने जाहीर केली आहे.

29 Aug 2026 03:20 PM (IST)

Marathi Language: ‘यूपी-बिहारच्या मतांसाठी मराठीचा अपमान खपवून घेणार नाही’; अविनाश जाधवांचा भाजप-शिंदे गटावर हल्लाबोल

विजय काते, भाईंदर : मराठी रिक्षा-टॅक्सीचालकांना मराठी भाषा (Marathi Language) शिकण्यासाठी राज्य सरकारने आणखी वर्षभराची मुदत दिल्याच्या निर्णयावरून महाराष्ट्र नवनिर्माण सेनेने सत्ताधाऱ्यांवर जोरदार हल्लाबोल केला आहे. गोरेगाव-कुर्ला परिसरात मराठी भाषेच्या मुद्द्यावर झालेल्या जल्लोषाचा व्हिडिओ सोशल मीडियावर व्हायरल झाल्यानंतर मनसे नेते अविनाश जाधव यांनी भाजप, शिवसेना तसेच मुख्यमंत्री यांच्यावर आक्रमक शब्दांत टीका केली.

29 Aug 2026 03:10 PM (IST)

Jalgaon News: जळगाव हादरले!!! नर्मदा नदी पात्रात बाप- लेक बुडाले, बापाचा मृत्यू तर मुलगा बेपत्ता

जळगावमधून एक धक्कादायक घटना समोर आली आहे. जिल्ह्यमधील एरंडोल तालुक्यातील खडके गावातील एका कुटुंबावर मोठे संकट ओढवले आहे. जबलपूर परिसरात नर्मदा नदीत घडलेल्या दुर्दैवी घटनेत पिता-पुत्र वाहून गेले. यामध्ये वडील गणेश शांताराम पाटील (३६) यांचा मृतदेह बचाव पथकाला सापडला आहे. मात्र त्यांचा ११ वर्षांचा मुलगा लकी गणेश पाटील याचा अजूनही ठावठिकाणा लागलेला नाही. मुलाचा शोध घेण्यासाठी नदीपात्रात मोहीम सुरू आहे. Jalgaon News:

29 Aug 2026 03:02 PM (IST)

Kasturba Hospital Recruitment : बृहन्मुंबई महानगरपालिकेच्या रुग्णालयात ‘या’ पदांसाठी भरती जाहीर; ९ सप्टेंबरपर्यंत करा अर्ज!

BMC Kasturba Hospital Recruitment 2026: बृहन्मुंबई महानगरपालिकेच्या (BMC) सार्वजनिक आरोग्य खात्यांतर्गत कस्तुरबा रुग्णालयात मानसेवी संवर्गातील विविध पदे कंत्राटी तत्त्वावर भरण्यासाठी नवीन जाहिरात जाहीर करण्यात आली आहे. या भरती प्रक्रियेद्वारे एकूण ६ रिक्त पदांची भरती केली जाणार असून, इच्छुक व पात्र उमेदवारांकडून विहित अटींनुसार अर्ज मागविण्यात आले आहेत.

या पदांचा कार्यकाल १५ सप्टेंबर २०२६ ते ३१ मार्च २०२७ पर्यंत असणार असून कंत्राटी तत्त्वावर दर १७९ दिवसांनी १ दिवसाचा तांत्रिक खंड दिला जाईल. मानसेवी सहाय्यक क्ष-किरण शास्त्रज्ञ १ पद, मानसेवी भिषक ३ पदे, मानसेवी शल्यचिकित्सक १ पद आणि मानसेवी बालरोग चिकित्सक १ पद अशा एकूण ६ जागांसाठी ही भरती आहे.

29 Aug 2026 02:59 PM (IST)

दीर्घ आजारपणानंतर डॉ. विजयकुमार गावित पुन्हा सक्रिय; SIR आढावा बैठकीत कार्यकर्त्यांना मार्गदर्शन

दीर्घ आजारपणानंतर भाजपाचे आमदार तथा माजी आदिवासी विकासमंत्री डॉ. विजयकुमार गावित पुन्हा राजकीयदृष्ट्या सक्रिय झाले आहेत. नंदुरबारमध्ये SIR अर्थात मतदार यादी विशेष सखोल पुनरीक्षणाच्या आढावा बैठकीला त्यांनी प्रत्यक्ष उपस्थित राहून कार्यकर्त्यांना मार्गदर्शन केले. यावेळी मतदानापासून एकही मतदार वंचित राहू नये, तसेच दुबार नोंदणी टाळण्यासाठी दक्षता घेण्याच्या सूचना त्यांनी दिल्या. डॉ. गावित पुन्हा सक्रियपणे कार्यकर्त्यांशी संवाद साधताना दिसल्याने उपस्थित कार्यकर्त्यांमध्येही उत्साहाचे वातावरण पाहायला मिळाले.

29 Aug 2026 02:50 PM (IST)

शेवटचा लढा, OBC आरक्षण 'गाडा' जरांगेंचा डाव - लक्ष्मण हाकेंचा आरोप

लक्ष्मण हाके यांनी मनोज जरांगे पाटील यांच्या मराठा आरक्षणाच्या आंदोलनावर जोरदार टीका केली आहे. "शेवटचा लढा, ओबीसी आरक्षण गाडा हा जरांगेंचा डाव," असा आरोप करत हाके यांनी मराठा आरक्षणाच्या मागणीमुळे ओबीसी आरक्षणाला धोका निर्माण होऊ शकतो, अशी भूमिका मांडली आहे.

29 Aug 2026 02:40 PM (IST)

'समृद्धी महामार्गावर'वर तरुणाची सोन्याची चेन लुटली

समृद्धी महामार्गावर तरुणाची सोन्याची चेन लुटल्याची धक्कादायक घटना समोर आली आहे. प्रवासादरम्यान तरुणाला लक्ष्य करत चोरट्यांनी सोन्याची चेन लंपास केल्याची माहिती आहे. या घटनेमुळे समृद्धी महामार्गावरील प्रवाशांच्या सुरक्षेचा प्रश्न पुन्हा ऐरणीवर आला आहे.

29 Aug 2026 02:30 PM (IST)

बिल थकल्याने लातूरमध्ये कंत्राटदाराचं टोकाचं पाऊल

लातूरच्या उदगीर तालुक्यात एका कंत्राटदारानं टोकाचं पाऊल उचललं आहे... दयानंद हुले असं वायगावमध्ये आत्महत्या केलेल्या कंत्राटदाराचं नाव आहे. त्यांनी हे टोकाचं पाऊल का उचललं याचं नेमकं कारण अद्याप समजू शकलेलं नाही... या घटनेची माहिती मिळताच उदगीर ग्रामीण पोलिसांनी घटनास्थळी धाव घेतली असून, या प्रकरणाचा अधिक तपास सुरू आहे...

29 Aug 2026 02:21 PM (IST)

नाशिक-पुणे रेल्वच्या शिर्डी मार्गाला मान्यता

नाशिक-पुणे रेल्वे प्रकल्पाच्या बदललेल्या मार्गाला आता शिर्डी जोडण्याच्या पर्यायाला वेग आला आहे. नाशिक रोड ते साईनगर शिर्डी या मार्गासाठी भूसंपादनाची प्रक्रिया सुरू करण्यात आली असून, ९५ किलोमीटरच्या दुहेरी रेल्वेमार्गाची तयारी सुरू आहे. या मार्गामुळे नाशिक आणि शिर्डीला रेल्वे कनेक्टिव्हिटी मिळणार असून, पुढील टप्प्यात पुण्याशी जोडणीचा पर्यायही चर्चेत आहे.

29 Aug 2026 02:10 PM (IST)

दलितांना पिण्याच्या पाण्याचीही अडचण : राहुल गांधी

राहुल गांधी यांनी देशातील दलित समाजाला भेडसावणाऱ्या सामाजिक भेदभावाच्या मुद्द्यावरून भाष्य केलं आहे. "दलितांना पिण्याच्या पाण्याचीही अडचण," असा उल्लेख करत त्यांनी दलित समाजाला मूलभूत सुविधा आणि समान हक्क मिळत नसल्याचा मुद्दा उपस्थित केला आहे.

29 Aug 2026 02:00 PM (IST)

BPCL च्या प्रस्तावावर स्थायी समितीचे श्रीनाथ भिमाले म्हणाले…

एकही रुपया महापालिकेचा खर्च होणार नसतानाही स्थायी समितीने भारत पेट्रोलियम कॉर्पोरेशन लिमिटेड (बीपीसीएल) चा कचरा प्रक्रियेचा प्रकल्पाचा प्रस्ताव प्रलंबित ठेवला आहे. या प्रस्तावावर खास सभेत निर्णय घेतला जाईल, असे समितीचे अध्यक्ष श्रीनाथ भिमाले यांनी स्पष्ट केले. शहरातील वाढत्या ओल्या कचऱ्याच्या समस्येच्या पार्श्वभूमीवर, महापालिका प्रशासनाने स्थायी समितीला असा प्रस्ताव दिला होता. भारत पेट्रोलियम कॉर्पोरेशन लिमिटेड (बीपीसीएल) ने उरुळी देवची येथील कचरा डेपोच्या आवारात स्वतःच्या खर्चाने दररोज ३०० टन क्षमतेचा बायो-सीएनजी प्रकल्प उभारण्याची तयारी दाखवली आहे.

29 Aug 2026 01:55 PM (IST)

रविवारी प्रवाशांचा खोळंबा! मेगाब्लॉकमुळे ट्रान्स-हार्बरला फटका

मुंबई लोकल प्रवाशांसाठी महत्त्वाची बातमी समोर येत असून तुम्ही जर लोकलने प्रवास करत असाल तर एकदा रविवारचे वेळापत्रक बघूनच बाहेर पडा… रविवारी (३० ऑगस्ट २०२६ ) मध्य रेल्वेकडून अभियांत्रिकी आणि देखभालीची कामे करण्यासाठी विद्याविहार-ठाणे दरम्यानच्या पाचव्या आणि सहाव्या मार्गिकेवर तसेच ठाणे-वाशी/नेरुळ दरम्यान अप आणि डाऊन ट्रान्स-हार्बर मार्गावर मेगाब्लॉक घेण्यात येणार आहे.

29 Aug 2026 01:50 PM (IST)

त्रास द्यावा पण किती? World Cup जिंकून दिल्यानंतर डच्चू कसा?

सूर्यकुमार यादव हा 2026 मध्ये भारतीय संघाचा टी 20 कर्णधार होता. सूर्यकुमार यादवच्या नेतृत्वात भारतीय संघाने टी 2 वर्ल्डकप जिंकला आहे. सलग दुसऱ्यांदा भारताने टी 20 वर्ल्डकप जिंकला आहे. मात्र आयपीएलमधील फॉर्म आणि टी 20 मधला फॉर्म यामुळे सूर्यकुमार यादवची कर्णधारपदावरून हकालपट्टी करण्यात आली होती.भारतीय टी-२० संघाला वर्ल्डकप जिंकवून दिल्यानंतरही कर्णधार पदावरून हटवून थेट संघातूनच वगळण्यात आल्याच्या धक्कादायक निर्णयावर अखेर सूर्यकुमार यादवने आपले मौन सोडले आहे.

29 Aug 2026 01:45 PM (IST)

सोनिया गांधींचे पुस्तक छापण्यास प्रकाशकांवर कोणाचा दबाव

काँग्रेसच्या माजी राष्ट्रीय अध्यक्षा सोनिया गांधी यांच्या आत्मचरित्रपर ‘बिलॉन्गिंग’ पुस्तक भारतात प्रकाशित करण्यावरून नवा वाद निर्माण झाला आहे. लेखिका सोनिया गांधी आणि पेंग्विन रँडम हाऊस इंडिया (PRHI) यांच्यात पुस्तकातील काही परिच्छेदांवरून मतभेद झाल्यानंतर पेग्विनने पुस्तक प्रकाशित करण्यास नकार दिला. या वादात आता राजस्थानचे माजी मुख्यमंत्री अशोक गेहलोत यांनी निशाणा साधला आहे.

29 Aug 2026 01:40 PM (IST)

‘नागरिकांच्या जीवाशी खेळ खपवून घेणार नाही!’, आ. स्नेहा दुबेंच्या इशाऱ्यानंतर महापालिकेची धडक कारवाई

संत नगरी ते वसई पूर्व-पश्चिमेला जोडणाऱ्या पुलाच्या पूर्व बाजूकडील मुख्य रस्त्याच्या जीवघेण्या दुरवस्थेप्रकरणी आमदार स्नेहा दुबे यांनी दिलेल्या आक्रमक आंदोलनाच्या इशाऱ्याला अखेर यश आले आहे. नागरिकांच्या सुरक्षेशी खेळ करणारे निकृष्ट रस्ते खपवून घेतले जाणार नाहीत, असा स्पष्ट इशारा देत आमदार दुबे यांनी प्रशासनाला धारेवर धरल्यानंतर महापालिकेने संबंधित कंत्राटदार मे. जैन कन्स्ट्रक्शनकडून रस्ते दुरुस्तीचा संपूर्ण खर्च रिस्क अँड कॉस्ट तत्त्वावर वसूल करण्याची प्रक्रिया सुरू केली आहे. कंपनीला यापूर्वीच एक वर्षासाठी प्रतिबंधित करण्यात आल्याची माहिती प्रशासनाने दिली आहे.

29 Aug 2026 01:35 PM (IST)

‘मेजर ध्यानचंद यांची खेळाप्रती असलेली प्रतिभा अन्…’; PM Modi यांचा Video व्हायरल

राष्ट्रीय क्रीडा दिन दरवर्षी २९ ऑगस्ट रोजी भारतात साजरा केला जातो. हा दिवस हॉकीच्या महान खेळाडू ध्यानचंद यांच्या जयंतीनिमित्त साजरा केला जातो. ध्यानचंद हे भारतीय हॉकीचे महानायक म्हणून ओळखले जातात आणि त्यांचे योगदान भारतीय क्रीडा क्षेत्राला अमूल्य आहे. देशभरात राष्ट्रीय क्रीडा दिन मोठ्या उत्साहात साजरा केला जात आहे. दरम्यान या प्रसंगी देशाचे उपराष्ट्रपती सी.पी. राधाकृष्णन आणि पंतप्रधान नरेंद्र मोदी आणि केंद्रीय क्रीडा मंत्री मनसुख मांडविया यांनी देशातील नागरिकांना, खेळाडूंना राष्ट्रीय क्रीडा दिनाच्या खूप शुभेच्छा दिल्या आहेत.

29 Aug 2026 01:30 PM (IST)

Ram Kapoor-श्रेया यांच्या किसिंग सीनवरून वाद

टीव्ही आणि मनोरंजन विश्वातील लोकप्रिय अभिनेता राम कपूर सध्या एका वेगळ्याच कारणामुळे चर्चेत आला आहे. काही दिवसांपूर्वी त्याने ‘लॉक अप’ या रिअॅलिटी शोमध्ये हजेरी लावली होती. आपल्या मोकळ्या स्वभावामुळे आणि आत्मविश्वासपूर्ण अंदाजामुळे तो प्रेक्षकांच्या लक्षात राहिला. मात्र, शोमधील एका प्रसंगानंतर राम कपूरला सोशलमीडियावर चांगलेच ट्रोल करण्यात आले आहे.

29 Aug 2026 01:25 PM (IST)

22 ऑगस्ट ते 30 ऑगस्ट दरम्यान देशभरात ‘राष्ट्रीय क्रीडा दिनाचा’ उत्साह

भारतात दरवर्षी २९ ऑगस्ट हा दिवस ‘राष्ट्रीय क्रीडा दिन’ (National Sports Day) म्हणून अत्यंत आदराने आणि अभिमानाने साजरा केला जातो. हा दिवस केवळ एका सणासारखा साजरा केला जात नाही, तर भारतीय क्रीडा जगतातील सर्वात दीप्यमान नक्षत्र आणि ‘हॉकीचे जादूगार’ म्हणून जगभरात प्रसिद्ध असलेले महान खेळाडू मेजर ध्यानचंद यांच्या जयंतीनिमित्त त्यांना समर्पित केला जातो. मेजर ध्यानचंद यांनी आपल्या अद्भुत हॉकी कौशल्याच्या जोरावर भारताला तीन वेळा सुवर्णपदक मिळवून दिले आणि जागतिक क्रीडा नकाशावर भारताचा तिरंगा उंच फडकावला. त्यांच्या याच अतुलनीय योगदानाची आठवण ठेवण्यासाठी आणि देशातील तरुणांमध्ये खेळाची आवड निर्माण करण्यासाठी हा विशेष दिवस साजरा केला जातो.

29 Aug 2026 01:15 PM (IST)

एनटीएच्या बळकटीकरणासाठी ‘या’ दोन अधिकाऱ्यांची नियुक्ती!

केंद्र सरकारने नॅशनल टेस्टिंग एजन्सीला (NTA) मजबूत आणि पुनर्गठित करण्याच्या प्रयत्नांतर्गत दोन डायरेक्टर आणि एका जॉइंट डायरेक्टरची नियुक्ती केली आहे. एनटीएमध्ये सातत्याने सुरू असलेली चौकशी आणि स्पर्धा परीक्षांशी संबंधित विवादानंतर एजन्सीमध्ये सुधारणा घडवून आणण्याच्या सरकारच्या प्रयत्नांचा हा एक भाग आहे.

29 Aug 2026 01:02 PM (IST)

हॉटेलबाहेर तरुणावर धारदार शस्त्राने हल्ला

हॉटेलबाहेर थांबलेल्या तरुणाला शिवीगाळ करत धारदार शस्त्राने मारहाण करून गंभीर जखमी करण्यात आले. ही घटना गुरुवारी (२७ ऑगस्ट) रात्री साडेदहा वाजण्याच्या सुमारास तळवडे येथील रुपीनगर मधील पीनकोड किचन हॉटेलजवळ घडली. या प्रकरणात यासिन इद्रिस शेख (२३, तळवडे, पुणे) यांनी चिखली पोलीस ठाण्यात फिर्याद दिली आहे. त्यानुसार प्रतीक काळे (रुपीनगर) आणि ओम्या उर्फ ओमकार सोनावणे (रुपीनगर) या दोघांना ताब्यात घेण्यात आले आहे. फिर्यादी आणि त्यांचे मित्र हनुमान मंदिराच्या पाठीमागे असलेल्या एका पार्सल हॉटेलजवळ थांबले होते. त्यावेळी आरोपी तेथे आले आणि त्यांनी फिर्यादीच्या मित्राला शिवीगाळ करत मारहाण केली. फिर्यादी मध्यस्थी करण्यासाठी गेले असता आरोपींनी त्यांच्याजवळील धारदार शस्त्राने फिर्यादीच्या उजव्या कानावर आणि डोळ्याच्या बाजूला वार करून त्यांना गंभीर जखमी केले. चिखली पोलीस तपास करीत आहेत.

29 Aug 2026 12:48 PM (IST)

सीबीआय अधिकारी असल्याचे भासवून ज्येष्ठाची ११.९० लाखांची फसवणूक

डिजिटल अरेस्ट आणि मनी लाँड्रिंगच्या केसची भीती दाखवून एका ज्येष्ठाची ११ लाख ९० हजार रुपयांची आर्थिक फसवणूक करण्यात आल्याची घटना उघडकीस आली आहे. ही घटना ११ ऑगस्ट ते २१ ऑगस्ट दरम्यान निगडी प्राधिकरणातील सिंधुनगर येथे घडली. याबाबत दीपक काशिनाथ पंडित (५९, निगडी प्राधिकरण, पुणे) यांनी निगडी पोलीस ठाण्यात फिर्याद दिली आहे. त्यानुसार शुक्ला, संदीप रावत, स्वतःला सीबीआय अधिकारी सांगणारा करण शर्मा आणि संबंधित बँक खातेदारांच्या विरोधात गुन्हा दाखल करण्यात आला आहे. आरोपींनी फिर्यादींना फोन करून स्वतः पोलीस अधिकारी असल्याचे भासवले. फिर्यादीच्या मोबाईलवरून महिलांना त्रास देणारे मेसेज पाठवले असल्याचे तसेच मनी लाँड्रिंग केसमध्ये नाव आल्याचे सांगून त्यांना अटकेची भीती घातली. वरिष्ठ पोलीस अधिकाऱ्यांच्या नावाचे बनावट पीडीएफ पाठवून विश्वास संपादन केला. त्यानंतर बँक खात्यातील रक्कम पडताळणी करून परत देण्याचे आमिष दाखवून फिर्यादीकडून एकूण ११ लाख ९० हजार रुपये वेगवेगळ्या खात्यांवर भरण्यास भाग पाडून फसवणूक केली. निगडी पोलीस तपास करीत आहेत.

29 Aug 2026 12:36 PM (IST)

मारहाण करून बापाने मुलाला संपवलं

दारूच्या आहारी गेलेला मुलगा दररोज वाद घालत असल्याच्या रागातून वडिलांनी मुलाचा गळा आवळून तसेच मारहाण करून खून केल्याची धक्कादायक घटना उघडकीस आली आहे. वारजे माळवाडी परिसरात ही घटना घडली असून, याप्रकरणी वडिल तसेच आईला पोलिसांनी अटक केली आहे. महेश भागवत गायकवाड (वय ३०) असे खून झालेल्या तरुणाचे नाव आहे. याप्रकरणी भाऊ गणेश भागवत गायकवाड (वय ३४) यांनी पोलिसांकडे तक्रार दिली आहे. त्यानुसार भागवत सूर्यभान गायकवाड (वय ६४), पार्वती भागवत गायकवाड (वय ६०) आणि आणखी एका व्यक्तीविरोधात गुन्हा दाखल करण्यात आला आहे. वडिल भागवत व आई पार्वती यांना अटक केली आहे.

29 Aug 2026 12:24 PM (IST)

भाजप नगरसेविकेच्या नणंदेची आत्महत्या

माहेरहून पैसे आणण्यासाठी तसेच वडीलोपार्जित मालमत्तेत हिस्सा मिळवण्यासाठी सासरच्या मंडळींकडून होणाऱ्या सततच्या शारीरिक व मानसिक छळाला कंटाळून एका ४२ वर्षीय विवाहितेने गळफास घेऊन आत्महत्या केली आहे. ही घटना वाकड गुरुवारी (२७ ऑगस्ट) मध्यरात्री एक वाजताच्या सुमारास ईशान सोसायटी येथील प्रथम बंगल्यात उघडकीस आली आहे. मयत विवाहिता वाकड येथील भाजपा नगरसेविकेच्या नणंद होत्या. शिल्पा सचिन गवारे (वय ४२) असे आत्महत्या केलेल्या महिलेचे नाव आहे. या प्रकरणी मृत महिलेचे भाऊ संतोष गुलाब कलाटे (वय ४७, रा. दत्तमंदिर रोड, वाकड) यांनी वाकड पोलीस ठाण्यात फिर्याद दिली आहे. त्यांच्या तक्रारीवरून पती सचिन उत्तम गवारे, सासरा उत्तम शिवराम गवारे, सासू संजीवनी उत्तम गवारे आणि दीर संदीप उत्तम गवारे (सर्व रा. ईशान सोसायटी, वाकड) यांच्या विरोधात गुन्हा दाखल करण्यात आला आहे.

29 Aug 2026 12:12 PM (IST)

जुन्या किरकोळ कारणावरून तरुणाचा खून

भाग्यनगर पोलीस ठाण्याच्या हद्दीत जुन्या किरकोळ कारणावरून झालेल्या वादाचे पर्यवसान तरुणाच्या खुनात झाले आहे. आकाश दवणे याच्यावर बुधवारी रात्री उशिरा बुद्ध विहाराजवळ काही जणांनी हल्ला केला. या हल्ल्यात गंभीर जखमी झालेल्या आकाशचा मृत्यू झाला आहे. दरम्यान, हल्ला सोडविण्यासाठी गेलेल्या त्याच्या आई व भावालाही मारहाणीत दुखापत झाली आहे. पोलिसांनी दिलेल्या माहितीनुसार, आकाश दवणे हा रात्री घराकडे जात असताना जुन्या किरकोळ कारणावरून त्याला शिवीगाळ करण्यात आली. घरी आल्यानंतर त्याने हा प्रकार आई व भावाला सांगितला. त्यानंतर पुन्हा सावते यांचा फोन आल्याचे सांगण्यात येते. यावेळी आकाशने आपण येथे थांबलो असल्याचे सांगितल्यानंतर त्याला बुद्ध विहाराजवळ थांबण्यास सांगण्यात आले. यानंतर आकाश हा बुद्ध विहाराजवळ गेला. त्याच्या मागोमाग आईही तेथे पोहोचली. त्यावेळी काही जणांनी आकाशवर हल्ला केल्याचे तक्रारीत नमूद आहे.

29 Aug 2026 11:55 AM (IST)

भारतीय डाक विभागात २५,००० हून अधिक जागांवर मेगा भरती

India Post GDS Bharti 2026: भारतीय टपाल विभागाने ग्रामीण टपाल सेवक (GDS) भरती २०२६ साठी नोटिफिकेशन जाहीर केले आहे. या भरतीद्वारे देशभरातील वेगवेगळ्या डाक सर्कल आणि डिव्हिजनमध्ये २५ हजारहून अधिक पदांवर नियुक्ती केली जाणार आहे. यामध्ये ब्रांच पोस्टमास्टर, असिस्टंट ब्रांच पोस्टमास्टर आणि डाक सेवक या पदांचा समावेश आहे. विशेष म्हणजे या पदांसाठी कोणतीही लेखी परीक्षा घेतली जाणार नाही, तर दहावीच्या गुणांच्या आधारावर मेरिट लिस्ट तयार करून उमेदवारांची निवड केली जाईल.

29 Aug 2026 11:45 AM (IST)

देश नक्की चाललाय कुठे? पेपर लीक, बेरोजगारीवरून मुरली मनोहर जोशींचा केंद्राला घरचा आहेर

माजी केंद्रीय मंत्री आणि भाजपचे ज्येष्ठ नेते मुरली मनोहर जोशी यांनी शिक्षण व्यवस्थेवरून मोदी सरकारच्या धोरणांवर गंभीर प्रश्न उपस्थित केले आहेत. त्यांनी शिक्षण बजेटमधील कपात, सरकारी शाळा बंद होणे, खासगीकरण, पेपर लीक आणि भ्रष्टाचारावरून सरकारच्या प्राधान्यक्रमांवर सवाल उपस्थित केले. एका मुलाखतीत जोशी यांनी मोदी सरकारच्या शिक्षण धोरणावर टीका केली. त्यांनी पेपर लीकच्या समस्येला केवळ परीक्षा व्यवस्थेतील त्रुटी न मानता, समाज आणि प्रशासनात वाढणाऱ्या भ्रष्टाचाराशी जोडले. ते म्हणाले की, जेव्हा लोकांना सर्वत्र पैसा आणि भ्रष्टाचाराचा बोलबाला दिसतो, तेव्हा तेही चुकीचा मार्ग अवलंबतात आणि यासाठी मूळतः सरकार आणि व्यवस्थेलाच जबाबदार धरले पाहिजे.

29 Aug 2026 11:35 AM (IST)

हृतिक रोशनच्या लेकाची म्युझिक इंडस्ट्रीत दमदार एन्ट्री

ह्रतितक रोशन नेहमीच कोणत्या कोणत्या गोष्टीमुळे चर्चेत राहतो. देखणा, तसेच त्याने त्याच्या अभिनयामुळे प्रेक्षकांच्या मनावर भुरळ पाडली आहे. अनेक वर्षांपासून त्याने आपल्या अभिनयाने प्रेक्षकांच्या मनात वेगळी जागा निर्माण केली आहे. मात्र आता हृतिकपेक्षा त्याचा मुलगा रेहान रोशन एका वेगळ्या कारणामुळे चर्चेत आला आहे. रेहानने मनोरंजन क्षेत्रात नव्हे, तर थेट संगीत क्षेत्रात आपली स्वत:ची ओळख बनवण्याच्या दिशेने पहिलं पाऊल टाकलं आहे.

29 Aug 2026 11:25 AM (IST)

51 वर्षांचे स्वप्न चक्काचूर; शेवटच्या सामन्यात बेल्जियमने केला भारताचा पराभव

नेदरलँड्समध्ये सध्या एफआयएच हॉकी वर्ल्ड कप स्पर्धा 2026 सुरू आहे. या स्पर्धेतून भारतीय संघ आधीच बाहेर पडला आहे. दरम्यान नुकताच भारत आणि बेल्जियम या दोन संघांध्ये शेवटच्या स्थानासाठी सामना झाला आहे. या सामन्यात भारतीय पुरुष हॉकी संघाला बेल्जियमविरुद्ध पराभवाचा सामना करावा लागला आहे. पेनल्टी शूटआउटमध्ये झालेल्या या पराभवाने भारत शेवटच्या स्थानी राहिला आहे.

बेल्जियमने भारतीय पुरुष हॉकी संघाचा एफआयएच हॉकी वर्ल्डकपमध्ये 4-3 अशा फरकाने पराभूत केले आहे. शेवटच्या सामन्यात देखील झालेल्या पराभवामुळे भारतीय संघाने ही वर्ल्ड कप स्पर्धा 8 व्या स्थानावर राहून संपवली आहे. भारतीय संघासाठी कर्णधार हरमनप्रीत सिंगने दोन तर अभिषेकने एक गोल केला. बेल्जियमच्या चांगल्या बचावामुळे भारताला पराभव स्वीकारावा लागला.

29 Aug 2026 11:15 AM (IST)

देशात तरुणांची संख्या वाढली पण नोकरी का मिळेना?

भारतातील तरुणांसाठी रोजगाराची समस्या ही केवळ आपल्या पसंतीची नोकरी मिळवण्यापुरती मर्यादित नाही, तर मोठ्या संख्येने तरुणांमध्ये पुरेशा नोकऱ्या उपलब्ध नसणे ही आहे. अलीकडेच समोर आलेल्या ऑगस्ट २०२६ मधील एका सर्व्हेच्या अहवालात ३२ टक्के लोकांनी असे म्हटले आहे की, तरुणांसमोर रोजगाराची सर्वात मोठी समस्या म्हणजे पुरेशा नोकऱ्या उपलब्ध नसणे. यानंतर १८ टक्के लोकांनी कमी वेतनाला मोठी अडचण असल्याचे सांगितले.

सर्व्हेमध्ये प्रत्येकी १७ टक्के लोकांनी असे सांगितले की, नोकऱ्या त्यांच्या पात्रतेनुसार नाहीत आणि सरकारी भरती खूप गतीने होते. तर ७ टक्के लोकांच्या मते शिक्षणामुळे तरुणांना नियोक्त्यांच्या गरजेनुसार कौशल्य मिळत नाही. केवळ चार टक्के लोकांच्या मते सुरक्षित नोकरी आणि सुविधांचा अभाव ही सर्वात मोठी समस्या आहे.

29 Aug 2026 11:06 AM (IST)

पुण्यात अनैतिक संबंधाचा थरार! भरचौकात तरुणावर चाकूने सपासप वार

पुण्यातील भोर तालुक्यात दिवसाढवळा भररस्त्यात व्यक्तीच्या मृत्यूचा रक्तरंजित थरार दिसला. बायको आणि मुलासोबत रस्ता ओलांडताना व्यक्तीवर मागून हल्ला करण्यात आला. आरोपीने चाकूने सपासप वार करुन बायको-मुलाच्या समक्षच व्यक्तीचा खून केला. मुख्य म्हणजे घटनेवेळी एक बाईक तिथून जात होती. बाईक थांबली, बाईकस्वाराने व्यक्ती जखमी असल्याचेही पाहिले पण तरीही मदतीसाठी तो पुढे आला नाही. या घटनेचा व्हिडिओ सोशल मिडियावर शेअर करण्यात आला असून यात हत्येचे संपूर्ण फुटेज दिसून येते.

29 Aug 2026 10:55 AM (IST)

‘मागण्या मान्य होईपर्यंत आंदोलन सुरूच राहणार’,अन्यथा… मनोज जरांगे

 मराठा आरक्षणाच्या (Maratha Reservation) मुद्द्यावर मनोज जरांगे-पाटील यांनी पुन्हा एकदा आक्रमक भूमिका घेतली आहे. अंतरवाली सराटी येथून आंदोलनाला आजपासून (२९ ऑगस्ट) सुरुवात करत त्यांनी आरक्षणासंबंधी मागण्यांची संपूर्ण अंमलबजावणी झाल्याशिवाय उपोषण सोडणार नसल्याचे स्पष्ट केले आहे. सरकारने मागण्या मान्य न केल्यास मुंबईत जाऊन ‘वर्षा’ या मुख्यमंत्र्यांच्या शासकीय निवासस्थानावर धडक देण्याचाही इशारा यावेळी त्यांनी दिला आहे.

जरांगे-पाटील यांनी सरकारवर मराठा समाजाच्या प्रश्नांकडे दुर्लक्ष केल्याचा आरोप केला. आता मागण्या प्रत्यक्षात मान्य होईपर्यंत आंदोलन सुरूच राहणार असल्याचे त्यांनी म्हटले आहे. आज संघर्ष केला तर त्याचा फायदा मराठा समाजाच्या पुढच्या पिढ्यांना होईल, अशी भूमिकाही त्यांनी मांडली.

29 Aug 2026 10:45 AM (IST)

आमदार शेखर निकम यांचा पुढाकार; चिपळूणच्या प्रभाग ८ मधील रखडलेल्या विकासकामांना मिळणार गती

शहरातील प्रभाग क्रमांक ८ मध्ये गेल्या अनेक वर्षांपासून प्रलंबित असलेल्या विविध नागरी सुविधांच्या कामांना आता गती मिळण्याची शक्यता निर्माण झाली आहे. राष्ट्रवादी काँग्रेसचे नगरसेवक तथा गटनेते योगेश पवार यांच्या मागणीनुसार आमदार शेखर निकम यांनी या कामांसाठी निधी उपलब्ध करून देण्याचे मान्य केले असून, नगरपरिषद प्रशासनानेही अंदाजपत्रके तयार करण्यासह आवश्यक कार्यालयीन प्रक्रिया सुरू केली आहे. त्यामुळे निधी प्रत्यक्ष प्राप्त झाल्यानंतर प्रभागातील रस्ते, गटारे, संरक्षक भिंती, घाट आणि क्रीडांगण अशा विविध पायाभूत सुविधांच्या कामांना सुरुवात होण्याचा मार्ग मोकळा झाला आहे.

29 Aug 2026 10:35 AM (IST)

आज राष्ट्रीय क्रीडा दिन; जाणून घ्या २९ ऑगस्टचा इतिहास..

राष्ट्रीय क्रीडा दिन दरवर्षी २९ ऑगस्ट रोजी भारतात साजरा केला जातो. हा दिवस हॉकीच्या महान खेळाडू ध्यानचंद यांच्या जयंतीनिमित्त साजरा केला जातो. ध्यानचंद हे भारतीय हॉकीचे महानायक म्हणून ओळखले जातात आणि त्यांचे योगदान भारतीय क्रीडा क्षेत्राला अमूल्य आहे. त्यांच्या सन्मानार्थ हा दिवस राष्ट्रीय क्रीडा दिन म्हणून साजरा केला जातो.

29 Aug 2026 10:25 AM (IST)

 Lecturer Neha Murder Case: जालंधरमधील लेक्चरर नेहा हत्याकांडात धक्कादायक खुलासा 

 Lecturer Neha Murder Case: पंजाबमधील जालंधर येथे गाजलेल्या लेक्चरर नेहा हत्याकांड प्रकरणी पोलिसांच्या तपासात अत्यंत धक्कादायक माहिती समोर आली आहे. या प्रकरणाचा कसून तपास करत असताना पोलिसांच्या हाती मुख्य आरोपी (नेहाचा पती) उमंग बस्सी आणि त्याची मैत्रीण सतपाल यांच्यातील खासगी व्हॉट्सॲप संवाद लागला आहे.

तब्बल २०६ पानांच्या या व्हॉट्सॲप चॅटमधून केवळ त्यांच्या विवाहबाह्य संबंधांचीच माहिती समोर आलेली नाही, तर त्यांच्या गुप्त योजना, बैठका आणि लग्नाबद्दलचे धक्कादायक सत्य उघड झाले आहे. उमंग याची पत्नी आणि सतपाल हिचा नवरा हे दोघेही त्यांच्या नात्यातील मुख्य अडथळा ठरत असल्याने, त्या दोघांनाही संपवण्याचा निर्णय त्यांनी घेतला असल्याचे तपासात निष्पन्न झाले आहे.

29 Aug 2026 10:23 AM (IST)

स्मार्टफोन खरेदीचा ट्रेंड बदलला! फोन घेताना आता कॅमेरा-रॅम नाही

स्मार्टफोन बाजारात ग्राहकांच्या पसंती झपाट्याने बदलत आहेत. लोक आता केवळ मेगापिक्सेल किंवा रॅमच्या आधारावर फोन खरेदी करत नाहीत. ॲमेझॉन इंडियाच्या ‘बेस्ट इन टेक सर्व्हे’ मधून एक महत्त्वपूर्ण निष्कर्ष समोर आला आहे. या सर्वेक्षणानुसार, ८२% ग्राहक आता आर्टिफिशियल इंटेलिजन्सच्या वैशिष्ट्यांच्या आधारावर नवीन फोन घेण्याचा निर्णय घेत आहेत. जुलै २०२६ मध्ये घेण्यात आलेल्या या सर्वेक्षणात ४० हजारांहून अधिक लोकांनी सहभाग घेतला. हे सर्वेक्षण स्पष्टपणे दर्शवते की एआय मोबाईल बाजारात गेम चेंजर ठरले आहेत. तथापि, लोक केवळ नावापुरते एआय नको, तर त्यांच्या दैनंदिन जीवनात उपयुक्त असलेल्या वैशिष्ट्यांची मागणी करत आहेत

29 Aug 2026 10:17 AM (IST)

प्रीमियम फीचर्स, तगडी बॉडी अन् मोठी बॅटरी! Honor 600S 5G ने वेधलं सर्वांच लक्ष

टेक कंपनी हॉनरने हाँगकाँगमध्ये एक नवीन स्मार्टफोन लाँच केला आहे. कंपनीचा हा नवीन स्मार्टफोन Honor 600S 5G या नावाने लाँच करण्यात आला आहे. कंपनीच्या या नवीन स्मार्टफोनमध्ये मोठी बॅटरी, ड्यूरेबल बिल्ड आणि अनेक दमदार एआय फीचर्स देण्यात आले आहेत. हा स्मार्टफोन अँड्रॉईड 16 सह लाँच करण्यात आला आहे. कंपनीने हा स्मार्टफोन बजेट फ्रेंडली रेंजमध्ये लाँच केला आहे.

29 Aug 2026 10:15 AM (IST)

Manoj Jarange Patil  Maratha Agitation: मनोज जरांगे पाटलांचे आजपासून अंतरवाली सराटीत निर्णायक आमरण उपोषण 

Manoj Jarange Patil  Maratha Agitation:  मराठा आरक्षण आंदोलनाचे नेते मनोज जरांगे पाटील यांचे आजपासून जालन्यातील अंतरवाली सराटी येथे शेवटचे आणि निर्णायक आमरण उपोषण सुरू होत आहे. सकाळी १० वाजता ते उपोषण स्थळावर आंदोलनाला बसणार आहेत. ५८ लाख नोंदींची कुणबी प्रमाणपत्रे वाटप करणे आणि त्यांची पडताळणी तातडीने करणे, ही त्यांची मुख्य मागणी आहे. या उपोषणाला पाठिंबा देण्यासाठी राज्यभरातून मराठा समाज बांधव अंतरवाली सराटीमध्ये दाखल झाले आहेत.

29 Aug 2026 10:05 AM (IST)

Mumbai Milk Price Hike:मुंबईत १ सप्टेंबरपासून दूध महागणार; घाऊक दरात प्रतिलिटर ९ रुपयांची वाढ

Mumbai Milk Price Hike: साखर, कांदा आणि लसणाच्या वाढत्या दरांनंतर आता मुंबईकरांना दूध दरवाढीचा मोठा फटका बसणार आहे. मुंबई दुग्ध उत्पादक संघाने दुधाच्या घाऊक दरात वाढ करण्याचा निर्णय घेतला असून १ सप्टेंबर २०२६ पासून नवीन दर लागू होणार आहेत. या निर्णयानुसार, सध्या मुंबईत प्रतिलिटर ९३ रुपये असलेला दुधाचा घाऊक दर आता १०२ रुपये प्रतिलिटर होणार आहे. ही सुधारित दरवाढ १ सप्टेंबर २०२६ ते २८ फेब्रुवारी २०२७ या सहा महिन्यांच्या कालावधीसाठी लागू राहील. मुंबईत सध्या पेट्रोलचा दर १११.२१ रुपये प्रतिलिटर असताना आता दुधाचा दर १०२ रुपये झाल्याने पेट्रोल आणि दुधाचे दर जवळपास एकाच पातळीवर आले आहेत.

29 Aug 2026 09:50 AM (IST)

‘मला वाचवा…’ सरकारी रुग्णालयात गर्भवतीचा आक्रोश

मध्य प्रदेशच्या रीवा शहरातील मेमोरीअल रुग्णालयात आई आणि बाळाचा मृत्यू झाल्याने एकच खळबळ उडाली आहे. मुख्य म्हणजे, प्रसूतीआधी महिलेचा आधीच रुग्णालयात आक्रोश सुरु होता. मृत्यूनंतर संतापलेल्या कुटुंबाने रुग्णालयाबाहेर धरणे आंदोलन केले आणि वैद्यकीय निष्काळजीपणाचा आरोप लावत संबंधितांवर कारवाई करण्याची मागणी केली. प्रकरणाची गंभीरता पाहता रुग्णालयाने दोन नर्सिंग अधिकाऱ्यांना निलंबित केलं असून या प्रकरणात चाैकशीचे आदेश देण्यात आले आहेत.

29 Aug 2026 09:45 AM (IST)

सातारा, सांगलीसह राज्यातील अनेक जिल्ह्यात मेघगर्जनेसह मुसळधार पावसाचा इशारा

मुंबई : महाराष्ट्रातील मान्सूनची सक्रियता काहीशी कमी झाली असली तरी पावसाचा जोर पूर्णपणे ओसरलेला नाही. हवामान विभागाने मध्य महाराष्ट्र आणि मराठवाड्यातील १६ जिल्ह्यांत मेघगर्जनेसह पावसाचा इशारा दिला आहे. काही ठिकाणी हलका ते मध्यम स्वरूपाचा पाऊस, तर काही भागांत विजांच्या कडकडाटासह जोरदार सरी कोसळण्याची शक्यता आहे. राज्याच्या इतर भागांत ढगाळ वातावरण राहण्याचा अंदाज आहे.

नंदुरबार, धुळे, जळगाव, नाशिक, सातारा, सांगली, कोल्हापूर, सोलापूर, छत्रपती संभाजीनगर, जालना, बीड, परभणी, हिंगोली, धाराशिव, लातूर आणि नांदेड या जिल्ह्यांत काही ठिकाणी मेघगर्जनेसह पावसाच्या सरी पडू शकतात. मात्र, संपूर्ण जिल्ह्यात पाऊस पडेलच असे नाही. स्थानिक हवामान परिस्थितीनुसार, काही भागांतच पावसाची शक्यता आहे. गेल्या २४ तासांत राज्यातील काही भागांत जोरदार पाऊस झाला. चंद्रपूरच्या सिंदेवाही आणि जळगावच्या भडगाव येथे प्रत्येकी ५० मिलिमीटर पावसाची नोंद झाली. त्यामुळे राज्यात पावसाचे वितरण अद्याप असमान असल्याचे दिसून येते. अनेक भागांत पावसाने विश्रांती घेतली असताना काही ठिकाणी अल्पावधीत जोरदार सरी कोसळत आहेत.

29 Aug 2026 09:40 AM (IST)

देशात सर्वाधिक जमीन सरकारी मालकीची; संरक्षण मंत्रालय आणि रेल्वे देखील प्रमुख जमीनदार

नवी दिल्ली : भारतातील सर्वांत श्रीमंत व्यक्तींची चर्चा होते, तेव्हा मुकेश अंबानी, गौतम अदानी आणि टाटा ग्रुप यांची नावे अनेकदा समोर येतात. मात्र, जमिनीचा विषय येतो तेव्हा चित्र वेगळे दिसते. एका अहवालानुसार, भारत सरकारची विविध मंत्रालये, विभाग आणि सार्वजनिक क्षेत्रातील उपक्रम यांच्याकडे एकूण १५५३१ चौरस किलोमीटर जमीन आहे. हे क्षेत्र दिल्लीच्या एकूण क्षेत्राच्या जवळपास १० पट आहे.सरकारी संस्थांमध्ये, संरक्षण मंत्रालय सर्वांत मोठ्या जमीनदारांपैकी एक आहे.