शुक्रवार, 4 सप्टेंबर 2026
Maharashtra Breaking News Updates Today
नेपाळमधील भीषण प्रलय, महाराष्ट्रातील राजकीय घडामोडी आणि भारतीय शेअर बाजारातील सकारात्मक संकेत
एका ओळीत सारांश: नेपाळमधील महापुरातील मृतांचा आकडा १,२८० पार गेला असून, महाराष्ट्रात मराठा आरक्षणावरून राजकीय वाद पेटला आहे. आणि जागतिक संकेतांमुळे आज भारतीय शेअर बाजारात सकारात्मक सुरुवात पाहायला मिळाली आहे. मराठा आरक्षणाच्या मागणीसाठी मनोज जरांगे पाटील यांच्या उपोषणावरून आणि कुणबी प्रमाणपत्रांच्या पडताळणीवरून राज्यातील राजकीय वातावरण तापले आहे.
हवामान विभागाने (IMD) महाराष्ट्रातील काही जिल्ह्यांसह देशातील २० हून अधिक राज्यांमध्ये मध्यम ते मुसळधार पावसाचा इशारा दिला आहे.जागतिक बाजारातील सकारात्मक संकेतांमुळे आज आठवड्याच्या शेवटच्या दिवशी सेन्सेक्स आणि निफ्टीमध्ये वाढीसह हिरव्यात व्यवहार सुरू झाला आहे. आगामी आंतरराष्ट्रीय क्रिकेट मालिकांच्या पार्श्वभूमीवर भारतीय खेळाडूंचे सराव शिबीर सुरू असून संघ निवडीबाबत क्रीडा वर्तुळात चर्चा रंगली आहे.
04 Sep 2026 09:15 AM (IST)
ISRO EOS 05 Satellite Launch: भारतीय अंतराळ संशोधन संस्थेने (ISRO) देशाच्या सुरक्षेच्या दृष्टीने अत्यंत महत्त्वपूर्ण पाऊल उचलत EOS-05 या नव्या युगातील इमेजिंग उपग्रहाचे पहाटे यशस्वी प्रक्षेपण केले. या यशामुळे आता भारताला चीन आणि पाकिस्तानच्या सीमाभागांवर अंतराळातून २४ तास बारकाईने लक्ष ठेवणे शक्य होणार आहे.
हा उपग्रह अंतराळातून एखाद्या सीसीटीव्ही कॅमेऱ्याप्रमाणे काम करेल. पाऊस, वादळ किंवा हवामानातील कोणतेही प्रतिकूल बदल असले तरीही सीमावर्ती भागांतील शत्रूच्या प्रत्येक हालचालीची अचूक माहिती भारताला मिळणार आहे. या उपग्रहाच्या यशस्वी उड्डाणामुळे देशाची सुरक्षा व्यवस्था अधिक मजबूत झाली असून, संवेदनशील सीमांवरील पाळत ठेवण्याची भारताची क्षमता कैकपटीने वाढली आहे.
04 Sep 2026 09:06 AM (IST)
मुंबई : राज्य सरकारने 11 आयएएस अधिकाऱ्यांच्या गुरूवारी (दि.3) बदल्या केल्या आहेत. रवींद्र खेबुडकर (सीईओ, जिल्हा परिषद, सिंधुदुर्ग) यांची आयुक्त, भूजल सर्वेक्षण व विकास यंत्रणा, पुणे येथे, गजेंद्र बावणे (आयुक्त, जीएसडीए, पुणे) यांची संयुक्त व्यवस्थापकीय संचालक, महावितरण, छत्रपती संभाजीनगर येथे तर डॉ. अपूर्वा बासुर, (प्रकल्प अधिकारी, एकात्मिक आदिवासी विकास प्रकल्प, जव्हार) यांची सीईओ, जिल्हा परिषद, सिंधुदुर्ग येथे बदली करण्यात आली.
04 Sep 2026 09:05 AM (IST)
India Share Market Update: ४ सप्टेंबर रोजी, आज कृष्ण जन्माष्टमी आहे. त्यामुळे आज शेअर बाजारात व्यवहार केले जाणार की नाही असा प्रश्न गुंतवणूकदारांसमोर निर्माण झाला होता. मात्र मिळालेल्या माहितीनुसार, कृष्ण जन्माष्टमी असून देखील, बीएसई आणि एनएसई नियमित व्यवहारांसाठी खुले राहणार असल्याने, आज भारतीय शेअर बाजारात देखील नेहमीप्रमाणे व्यवहार केले जाणार आहेत. भारतीय शेअर बाजाराचे प्रमुख निर्देशांक, सेन्सेक्स आणि निफ्टी ५०, आज सकारात्मक पातळीवर उघडणार असल्याचा अंदाज वर्तवण्यात आला आहे. गिफ्ट निफ्टीच्या ट्रेंडनेही भारतीय बेंचमार्क निर्देशांकासाठी सकारात्मक सुरुवातीचे संकेत दिले. गिफ्ट निफ्टी, निफ्टी फ्युचर्सच्या मागील बंद भावापेक्षा ५०.९ अंकांनी अधिक, सुमारे २४,०५१ वर व्यवहार करत होता.
