जुन्नर वनविभाग ‘बिबट्यांचे आशियाई केंद्र’! मनुष्यवस्तीत मुक्त वावर, संघर्षामुळे ग्रामीण भागात दहशतीचे वातवरण

जुन्नर वनविभाग बनला बिबट्यांचे आशियाई केंद्र! जुन्नर, आंबेगाव, खेड, शिरूर तालुक्यात १००० हून अधिक बिबटे असल्याचा धक्कादायक दावा. मानव-बिबट संघर्ष वाढल्याने ग्रामीण भागातील जनतेत दहशत; वनविभागावर टीका.

जुन्नर वनविभाग 'बिबट्यांचे आशियाई केंद्र'! (Photo Credit - X)

Follow Us:

Follow Us:

• धक्कादायक खुलासा
• जुन्नर वनविभागात तब्बल १ हजार प्रौढ बिबटे आणि शेकडो बछडे
• राज्यासह देशभरात चिंता व्यक्त

‘कुत्र्याप्रमाणे’ सामान्य झाल्या बिबट्यांच्या हालचाली

गेल्या काही महिन्यांपासून या भागात बिबट्यांच्या हल्ल्यांमध्ये सातत्याने वाढ झाली आहे. चिमुरड्या मुलांपासून ते वृद्ध महिलांपर्यंत अनेकांचा बळी गेला आहे. बिबटे आता जंगलापुरते मर्यादित न राहता गावागावातील वाड्या, शिवार आणि रस्त्यांवर मुक्तपणे फिरताना दिसत आहेत. काही ठिकाणी तर बिबट्यांच्या हालचाली कुत्र्याप्रमाणे सामान्य झाल्याचे ग्रामस्थ सांगत आहेत.

शेतात काम करणारे शेतकरी, शाळा-कॉलेजला जाणारी मुले आणि रात्री प्रवास करणारे नागरिक प्रचंड भयभीत झाले आहेत. परिणामी, ग्रामीण भागामधील जनजीवनावर विपरीत परिणाम झाला असून, अनेक गावांमध्ये रात्री वावर बंदी लागू करण्याची वेळ आली आहे.

Purandar Airport: विमानतळ परिसरात ‘PMRDA’चे सर्वेक्षण सुरु; १५ गावांत बेकायदा प्लॉटिंगचा सुळसुळाट

नागरिकांच्या संतप्त प्रतिक्रिया

स्थानिक नागरिक आणि प्रतिनिधींनी या परिस्थितीवर तीव्र टीका केली आहे:

• धनंजय फलके, उपसरपंच, अमोंडी: “जंगल नाहीस होतंय आणि बिबटे गावात येतायत. आता माणूस सुरक्षित नाही, शेतात काम करणंसुद्धा भीतीचं झालं आहे.”
• मोहन थोरात, उद्योजक: “प्रत्येक गावात पिंजरे लावले तरी उपयोग नाही. बिबट्यांची संख्या एवढी वाढली की आता संघर्ष टाळणे अशक्य झाले आहे.”

संख्या वाढण्यामागे कारणे

बिबट्यांचे संरक्षण महत्त्वाचे असले तरी माणसांचे रक्षण कोण करणार? हा प्रश्न स्थानिक नागरिकांना भेडसावत आहे. या गंभीर स्थितीवर सरकारकडे योग्य नियोजन आणि ठोस उपाययोजनांची मागणी जोर धरू लागली असून, वनविभागावर तीव्र टीका होत आहे. वनविभागाकडून पिंजरे लावणे, जनजागृती करणे, आणि अधिवास सुधारणा यांसारखे प्रयत्न सुरू असले तरी समस्या सुटण्याचे नाव घेत नाही.

शेतकऱ्यांसाठी मोठी बातमी! राज्य सरकारच्या ‘या’ योजनेतंर्गत ९ हजार लाभार्थ्यांना मिळणार शेततळी

Web Title: Junnar forest department asian center of leopards free movement in human settlements

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com