Marathi News
X
  • देश
  • महाराष्ट्र
  • निवडणूक
  • मुंबई
  • पुणे
  • नागपूर
  • क्रीडा
  • वर्ल्ड
  • क्राईम
  • मनोरंजन
  • व्यापार
  • लाइफ स्टाइल
  • व्हायरल
  • नवराष्ट्र विशेष
  • करिअर
  • फोटो
  • व्हिडिओ गॅलरी
  • वेबस्टोरीज़
  • ऑटोमोबाइल
  • विज्ञान तंत्रज्ञान
  • सोम, 23 नोव्हेंबर 2026 ई-पेपर
  • देश
  • शॉर्ट न्यूज़
  • महाराष्ट्र
  • राजकारण
  • मुंबई
  • पुणे
  • नागपूर
  • लाइफ स्टाइल
  • क्रीडा
  • क्राईम
  • अन्य
    • विदेश
    • नवराष्ट्र विशेष
    • मनोरंजन
    • अन्य
      • व्यापार
      • टेक
      • वेब स्टोरीज
      • व्हायरल
      • करिअर
      • धर्म
      • ऑटोमोबाइल
      • फोटो
      • व्हिडिओ
      • सिनेमा
  • देश
  • शॉर्ट न्यूज़
  • राजकारण
  • महाराष्ट्र
  • मुंबई
  • पुणे
  • नागपूर
  • क्रीडा
  • वर्ल्ड
  • क्राईम
  • मनोरंजन
  • लाइफ स्टाइल
  • धर्म
  • व्हायरल
  • व्हिडिओ
  • वेब स्टोरीज़
  • फोटो
In Trends:
  • Maharastra Politics |
  • India Vs New Zealand |
  • Under 19 Asia Cup |
  • bigg boss 20
Follow Us
  • वेब स्टोरीज
  • फोटो
  • ई-पेपर
  • विडियो
  • फटाफट खबरें

Maharashtra Breaking News Today 2026: वर्षभराच्या लढाईनंतर माधुरी हत्तीण कोल्हापुरात दाखल

BRICS Summit 2026 New Delhi: महाराष्ट्रात मराठा आरक्षणाच्या मागणीवर ठाम राहत मनोज जरांगे पाटील यांनी समर्थकांसह मुंबईकडे कूच करण्याची तयारी दर्शवल्याने राज्यातील राजकीय वातावरण अधिक तापले आहे

  • By anuradha sagar
Updated On: Sep 12, 2026 | 05:57 PM
Maharashtra Breaking News Today 21.11.2026

Maharashtra Breaking News Today 21.11.2026

Follow Us
Follow Us:

Maharashtra to National And International Breaking News: 

आज १२ सप्टेंबर रोजी नवी दिल्लीत १८ व्या ब्रिक्स शिखर परिषदेचे दिमाखात उद्घाटन, महाराष्ट्रात मनोज जरांगे पाटील यांचे उपोषणानंतर मुंबईकडे कूच आणि आशियाई बाजारातील संमिश्र संकेतांमुळे शेअर बाजारातील व्यवहार  याकडे देशाचे लक्ष लागले आहे.

नवी दिल्लीतील भारत मंडपम येथे आजपासून २ दिवसीय १८ व्या ब्रिक्स (BRICS) शिखर परिषदेचे आयोजन करण्यात आले असून दिल्लीत विशेष सुरक्षा व वाहतूक मार्ग बदल लागू करण्यात आले आहेत.

मराठा आरक्षणाच्या तीव्र मागणीसाठी मनोज जरांगे पाटील यांनी अंतरवाली सराटी येथे बैठकीनंतर मुंबईकडे जाण्याची घोषणा केल्याने प्रशासनाची धावपळ उडाली आहे.

मुंबईतील गुरु तेग बहादुर नगर मोनोरेल स्टेशनवर रात्री लागलेल्या आगीवर अग्निशामक दलाने नियंत्रण मिळवले असून राज्यातील काही भागात ढगाळ हवामानासह पावसाची शक्यता वर्तवण्यात आली आहे.

 

 

The liveblog has ended.
  • 12 Sep 2026 05:59 PM (IST)

    12 Sep 2026 05:59 PM (IST)

    भारत-पाकिस्तान महामुकाबल्याची तारीख ठरली; ‘या’ दिवशी रंगणार हाय-व्होल्टेज सामना

    माजी क्रिकेट दिग्गजांची लीग असलेल्या वर्ल्ड चॅम्पियनशिप ऑफ लेजेंड्स (WCL 2026) च्या तिसऱ्या हंगामाचे वेळापत्रक जाहीर करण्यात आले आहे. डब्ल्यूसीएलचा तिसरा हंगाम संयुक्त अरब अमिराती (UAE) मध्ये ३ ते १८ ऑक्टोबर दरम्यान आयोजित केला जाणार आहे. या स्पर्धेतील सर्व सामने दुबई आणि शारजाह येथे खेळले जातील. या स्पर्धेत भारत आणि पाकिस्तान यांच्यात एक हाय-व्होल्टेज सामनाही होणार आहे. या स्पर्धेत कधी भिडणार भारत आणि पाकिस्तान जाणून घेऊयात.

  • 12 Sep 2026 05:45 PM (IST)

    12 Sep 2026 05:45 PM (IST)

    गणेशोत्सवासाठी ‘रत्नागिरी नगरी’ सज्ज; बाप्पाच्या स्वागतासाठी पालिका प्रशासनाची जय्यत तयारी

    आगामी गणेशोत्सवासाठी रत्नागिरी नगरी पूर्णपणे सज्ज झाली असून गणरायाच्या स्वागतासाठी नगर परिषद प्रशासनाने जय्यत तयारी केली आहे. सणाच्या काळात शहरात कुठेही वाहतूक कोंडी होऊ नये म्हणून रत्नागिरी नगर परिषद प्रशासनाला स्पष्ट सूचना देण्यात आल्या आहेत. शहरातील रस्त्यांवरील सुमारे ६० टक्के खड्डे बुजवण्याचे काम पूर्ण झाले असून उर्वरित कामे येत्या दोन दिवसांत युद्धपातळीवर पूर्ण केली जातील.

  • 12 Sep 2026 05:30 PM (IST)

    12 Sep 2026 05:30 PM (IST)

    जामखेड तालुक्यात भरदिवसा रक्तरंजित थरार! दूध वाहतूक करणाऱ्या चालकाला कोयत्याने वार करुन संपवलं

    खर्डा येथील जातेगाव फाट्‌याजवळ शुक्रवारी (दि. ११) सकाळी सव्वानऊच्या सुमारास दूध वाहतूक करणाऱ्या चालकावर कोयत्याने प्राणघातक हल्ला करण्यात आल्याचा प्रकार समोर आला आहे. यात गंभीर जखमी झालेल्या चालकाचा उपचारासाठी नेत असताना मृत्यू झाला आहे. भरदिवसा घडलेल्या खुनामुळे परिसरात खळबळ उडाली आहे. तानाजी भास्कर बोराटे (वय ४०, रा. माळेवाडी, ता. भूम) असे मृत व्यक्तीचे नाव आहे.

  • 12 Sep 2026 05:15 PM (IST)

    12 Sep 2026 05:15 PM (IST)

    ऐन गणेशोत्सवात मराठा आंदोलन तापणार! जरांगे पाटलांकडून मुंबई आंदोलनाची घोषणा

    मराठा आरक्षणाच्या मुद्द्यावरून मनोज जरांगे पाटील यांनी पुन्हा एकदा मुंबईकडे कूच करण्याचा निर्णय घेतला आहे. अंतरवाली सराटी येथे झालेल्या बैठकीत जरांगे पाटील यांनी मुंबईत आझाद मैदानावर आंदोलन करण्याची घोषणा केली. राज्य सरकारने ठोस निर्णय न घेतल्याने आता मुंबईत जाऊन आंदोलन करण्याचा निर्धार त्यांनी व्यक्त केला आहे. १५ सप्टेंबरपासून मुंबईकडे प्रवास सुरू करणार असल्याचे जरांगे यांनी जाहीर केले.

  • 12 Sep 2026 04:37 PM (IST)

    12 Sep 2026 04:37 PM (IST)

    हुथी जोमात, AI कोमात! एआय वापरून पहिले बनवली मिसाइल

    मध्यपूर्वेतील येमेन देशात सुरू असलेल्या संघर्षात कृत्रिम बुद्धिमत्तेच्या (Houthi AI ) वापराचा एक अत्यंत धोकादायक आणि चिंताजनक प्रकार समोर आला आहे. येमेनमधील इराण-समर्थित हुथी बंडखोरांवर (Houthi Fighters) असा आरोप करण्यात आला आहे की त्यांनी येमेनी लष्कराच्या नॅशनल रेझिस्टन्स फोर्सेसचे प्रमुख आणि वरिष्ठ लष्करी कमांडर लेफ्टनंट जनरल तारिक सालेह यांच्या आवाजाची नक्कल (Voice Cloning) करण्यासाठी प्रगत AI तंत्रज्ञानाचा वापर केला. वाचा सविस्तर...

  • 12 Sep 2026 04:27 PM (IST)

    12 Sep 2026 04:27 PM (IST)

    बाप्पासाठी कोकणाकडे निघालात? मुंबई-गोवा महामार्गावर महाकोंडी; माणगावात वाहनांच्या लांबच लांब रांगा

    लाडक्या गणरायाच्या आगमनासाठी अवघे दोन दिवस शिल्लक असताना मुंबई आणि परिसरातून कोकणाकडे जाणाऱ्या चाकरमान्यांची मोठी गर्दी सुरू झाली आहे. हजारो गणेशभक्त खासगी वाहनांनी गावाकडे निघाल्याने मुंबई-गोवा राष्ट्रीय महामार्गावरील वाहतुकीवर मोठा ताण आला आहे. विशेषतः खारपाडा, इंदापूर आणि माणगाव परिसरात वाहनांच्या लांबच लांब रांगा पाहायला मिळत आहेत.

  • 12 Sep 2026 04:22 PM (IST)

    12 Sep 2026 04:22 PM (IST)

    मनोज जरांगेंपेक्षा दुष्काळाचा मुद्दा महत्त्वाचा; बावनकुळेंचं मोठं वक्तव्य, मुंबईत आंदोलन न करण्याचं आवाहन

    राज्यात एकीकडे मराठा आरक्षणाच्या मुद्द्यावरून राजकीय वातावरण तापलेलं असतानाच दुसरीकडे अनेक जिल्ह्यांमध्ये पावसाने ओढ दिल्याने शेतकऱ्यांची चिंता वाढली आहे. या पार्श्वभूमीवर महसूलमंत्री चंद्रशेखर बावनकुळे यांनी मोठं वक्तव्य केलं आहे. सध्याच्या घडीला मनोज जरांगे पाटील काय करत आहेत किंवा त्यांची भूमिका काय आहे, यापेक्षा राज्यातील दुष्काळाची परिस्थिती आणि शेतकऱ्यांचा प्रश्न अधिक महत्त्वाचा असल्याचं बावनकुळे यांनी स्पष्ट केलं.

  • 12 Sep 2026 04:15 PM (IST)

    12 Sep 2026 04:15 PM (IST)

    ऑक्टोबर महिन्यात रेड बॉलचा थरार! India A अन् AUS A भिडणार; Devdutt Padikkal करणार नेतृत्व

    लवकरच इंडिया ए विरुद्ध ऑस्ट्रेलिया ए य या दोन संघांमध्ये रेड बॉल सिरिज खेळवली जाणार आहे. दरम्यान इंडिया ए संघाचा कर्णधार देवदत्त पडीकल असणार आहे. देवदत्त पडीकलला इंडिया ए संघाची नेतृत्व सांभाळण्याची जबाबदारी देण्यात आली आहे. श्रीलंकेविरुद्ध देवदत्त पडीकलने अत्यंत शानदार आणि मोठी धावसंख्या उभी केली होती. त्याचे यश महाणून ही जबाबदारी त्याला देण्यात आल्याचे म्हटले जात आहे. वाचा सविस्तर...

  • 12 Sep 2026 03:59 PM (IST)

    12 Sep 2026 03:59 PM (IST)

    परदेशी वैद्यकीय पदवीधारकांसाठी मोठी बातमी! FMGE Exam २०२६ चे वेळापत्रक जाहीर, ‘या’ तारखेपर्यंत करा अर्ज..

    FMGE Exam Date 2026: नॅशनल बोर्ड ऑफ एक्झामिनेशन इन मेडिकल सायन्सेस (NBEMS) कडून FMGE ऑक्टोबर २०२६ सत्राची नोंदणी प्रक्रिया आजपासून सुरू झाली आहे. इच्छुक उमेदवार संध्याकाळी ५ वाजेपासून अधिकृत वेबसाइटवर जाऊन अर्ज करू शकतील. या परीक्षेच्या माध्यमातून परदेशातून वैद्यकीय पदवी घेतलेले पात्र भारतीय नागरिक आणि ओव्हरसीज इंडियन सिटीझन्स भारतात मेडिकल प्रॅक्टिस करण्यासाठी आवश्यक असलेली स्क्रीनिंग टेस्ट देऊ शकतात. NBEMS ने जारी केलेल्या वेळापत्रकानुसार अर्जाची प्रक्रिया आजपासून सुरू झाली असून २५ सप्टेंबरपर्यंत चालणार आहे. FMGE ऑक्टोबर सत्राची परीक्षा ३१ ऑक्टोबर २०२६ रोजी संगणक आधारित चाचणी पद्धतीने देशभरातील निर्धारित परीक्षा केंद्रांवर आयोजित केली जाईल.

  • 12 Sep 2026 03:58 PM (IST)

    12 Sep 2026 03:58 PM (IST)

    Hamza Bin Laden: अल-कायदाने 9/11च्या स्मृतिदिनानिमित्त अमेरिकेला दिली नवी वॉर्निंग? लादेनच्या मुलाचा 50 मिनिटांचा VIDEO VIRAL

    ११ सप्टेंबर २००१ या दिवशी अमेरिकेत झालेल्या भीषण दहशतवादी हल्ल्याला २५ वर्षे पूर्ण झाली आहेत. न्यू यॉर्कमधील ट्विन टॉवर्स, पेंटागॉन आणि पेनसिल्व्हेनिया येथे झालेल्या या हल्ल्यांमध्ये २,९७७ निष्पाप नागरिकांनी आपला जीव गमावला होता. या काळ्या दिवसाची २५ वी वर्षपूर्ती साजरी होत असतानाच, दहशतवादी संघटना ‘अल-कायदा’च्या (Al Qaeda) अधिकृत माध्यम शाखेने (अस-सहाब) एक ५० मिनिटांचा विशेष व्हिडिओ जारी केला आहे. “११ सप्टेंबरच्या हल्ल्यांची पंचवीस वर्षे” या शीर्षकाखाली प्रसिद्ध करण्यात आलेल्या या व्हिडिओमध्ये ओसामा बिन लादेनचा मुलगा आणि संभाव्य उत्तराधिकारी मानला जाणारा हमजा बिन लादेन (Hamza Bin Laden) प्रत्यक्ष दिसल्याने आंतरराष्ट्रीय गुप्तचर यंत्रणांचे धाबे दणाणले आहेत.

  • 12 Sep 2026 03:54 PM (IST)

    12 Sep 2026 03:54 PM (IST)

    सातारा बांधकाम विभागातील अजय देशपांडे, निलेश कोहाळे यांना ‘उत्कृष्ट अभियंता’ पुरस्कार

    मेढा / दत्तात्रय पवार : सार्वजनिक बांधकाम विभागामार्फत रस्ते, पूल, शासकीय इमारती तसेच विविध महत्त्वाची सार्वजनिक बांधकामे आणि विकास प्रकल्प राबवले जातात. या प्रकल्पांची गुणवत्ता, सुरक्षितता आणि दर्जा राखण्यासाठी बांधकाम क्षेत्रातील अभियंत्यांची भूमिका अत्यंत महत्त्वाची असते. आपल्या तांत्रिक कौशल्याचा आणि प्रशासकीय अनुभवाचा प्रभावी वापर करून उल्लेखनीय कामगिरी करणाऱ्या अभियंत्यांचा राज्य शासनामार्फत दरवर्षी वैयक्तिक पुरस्कार देऊन गौरव केला जातो. यावर्षी सातारा सार्वजनिक बांधकाम विभागातील अजय देशपांडे आणि निलेश कोहाळे यांची उत्कृष्ट अभियंता पुरस्कारासाठी निवड झाली आहे.

  • 12 Sep 2026 03:52 PM (IST)

    12 Sep 2026 03:52 PM (IST)

    Mumbai News: मुंबईकरांसाठी गुड न्यूज! दीड तासांचा प्रवास अवघ्या काही मिनिटांत, मढ-वर्सोवा केबल-स्टेड पुलाचा मार्ग मोकळा

    Mumbai News: मुंबईच्या पश्चिम उपनगरातील मढ आयलंड आणि वर्सोवा यांना थेट जोडणाऱ्या महत्त्वाकांक्षी केबल-स्टेड पुलाच्या उभारणीतील मोठा अडथळा दूर झाला आहे. मुंबई उच्च न्यायालयाने या प्रकल्पाच्या मार्गात येणारी १,२३७ खारफुटीची झाडे तोडण्यास सशर्त परवानगी दिली आहे. त्यामुळे सुमारे २,३९५ कोटी रुपये खर्चाच्या या प्रकल्पाचा मार्ग मोकळा झाला आहे.

  • 12 Sep 2026 03:49 PM (IST)

    12 Sep 2026 03:49 PM (IST)

    What is BRICS Country Group: ‘ब्रिक्स’ म्हणजे काय आणि त्याचा विस्तार कसा झाला? नेमका उद्देश काय?

    What is BRICS Country Group:  भारताच्या अध्यक्षतेखाली १२ आणि १३ सप्टेंबर रोजी नवी दिल्लीत १८ वी ब्रिक्स शिखर परिषद आयोजित केली जात आहे. या परिषदेत सहभागी होण्यासाठी रशियाचे राष्ट्राध्यक्ष व्लादिमीर पुतिन भारतात दाखल झाले असून, चीनचे अध्यक्ष शी जिनपिंग आज (12 सप्टेंबर) दाखल होत आहेत.

  • 12 Sep 2026 03:40 PM (IST)

    12 Sep 2026 03:40 PM (IST)

    फरशीवर सांडलेला द्रव ठरला घातक; घरात खेळत होते जुळे भाऊ, अचानक प्रकृती बिघडली अन् रुग्णालयात नेण्यापूर्वीच दोघांचा मृत्यू

    केरळ (इडुक्की): घरात खेळत असलेल्या अवघ्या एक वर्षांच्या जुळ्या भावांचा दुर्दैवी मृत्यू झाल्याची हृदयद्रावक घटना केरळमधील इडुक्की जिल्ह्यात घडली. आदिमाली येथील वलाराकारा परिसरात शुक्रवारी रात्री ही घटना घडली. स्वयंपाकघरातील फरशीवर सांडलेले रसायन चाखल्यामुळे दोन्ही चिमुकल्यांची प्रकृती बिघडल्याचा प्राथमिक संशय आहे. मात्र, त्यांच्या मृत्यूचे नेमके कारण अद्याप स्पष्ट झालेले नाही.

  • 12 Sep 2026 03:40 PM (IST)

    12 Sep 2026 03:40 PM (IST)

    S. Sreesanth: बापाचे छत्र हरपले! माजी भारतीय वेगवान गोलंदाज एस. श्रीसंतच्या वडिलांचे दुःखद निधन

    S. Sreesanth Father Passed Away: भारतीय क्रिकेट संघाचा माजी वेगवान गोलंदाज एस. श्रीशांतच्या कुटुंबातून एक दु:खाची बातमी समोर आली आहे. एस. श्रीशांतच्या वडिलांचे निधन झाले आहे. वयाच्या 89 व्या वर्षी कोची येथील खासगी रूग्णालयात त्यांची प्राणज्योत मालवली. हृदयविकाराचा झटका आल्याने त्यांचे निधन झाल्याचे समोर आले आहे. या घटनेमुळे एस. श्रीशांतच्या कुटुंबावर दुःखाचा डोंगर कोसळला आहे.

  • 12 Sep 2026 02:50 PM (IST)

    12 Sep 2026 02:50 PM (IST)

    अनुसूचित जाती व तृतीयपंथी नागरिकांनी एसआयआर अंतर्गत मतदार नोंदणी करण्याचे आवाहन

    लोकशाही व्यवस्थेत मतदानाचा अधिकार हा प्रत्येक पात्र नागरिकाचा अत्यंत महत्त्वाचा घटनात्मक अधिकार आहे. अनुसूचित जाती तसेच तृतीयपंथी समाजातील पात्र नागरिकांनी विशेष सखोल व पुनरिक्षण प्रक्रियेअंतर्गत मतदार यादीत नाव नोंदणी करावी, असे आवाहन समाज कल्याण विभागाचे सहाय्यक आयुक्त विशाल लोंढे यांनी केले आहे.

  • 12 Sep 2026 02:40 PM (IST)

    12 Sep 2026 02:40 PM (IST)

    कोरड्या दुष्काळाचा पहिला बळी गेलेल्या महिला शेतकरी कमलबाई कांदे यांच्या घरी अंबादास दानवे जाणार

    कोरड्या दुष्काळामुळे शेतातील पीक सुकून जात असल्याने नैराश्यात येऊन आत्महत्या केलेल्या हिंगोलीच्या औंढा तालुक्यातील गोजेगावच्या महिला शेतकरी कमलबाई कांदे यांच्या घरी थोड्याच वेळात शिवसेना उद्धव बाळासाहेब ठाकरे सेना पक्षाचे नेते व राज्याचे माजी विरोधी पक्ष नेते अंबादास दानवे भेटीला जाणार आहेत. आत्महत्येच्या घटनेला दोन दिवसाचा कालावधी उलटून गेला असताना देखील सरकारचा सक्षम अधिकारी या महिलेच्या दारापर्यंत पोहोचलेला नाही.

  • 12 Sep 2026 02:30 PM (IST)

    12 Sep 2026 02:30 PM (IST)

    वाशिममध्ये सुकलेल्या पिकांची स्मशान भूमीत होळी; स्वाभिमानी शेतकरी संघटना आक्रमक

    वाशिम तालुक्यातील घोटा गावात स्वाभिमानी शेतकरी संघटनेचे कार्यकर्ते आणि शेतकऱ्यांनी पावसा अभावी सुकलेलं सोयाबीनचं पीक स्मशानभूमीत जमा करून त्याची होळी केली आहे. या परिसरात गेल्या 40 दिवसांपासून पाऊस नसल्यानं खरिपाची पिकं पूर्णतः सुकून गेली आहेत. त्यामुळे सरकारनं पंचनामे करून शेतकऱ्यांना तात्काळ भरीव मदत जाहीर करावी, अशी मागणी शेतकऱ्यांकडून केली जात आहे. मदत लवकर जाहीर न केल्यास तीव्र आंदोलन करण्याचा इशाराही स्वाभिमानी शेतकरी संघटने कडून सरकारला देण्यात आला.

  • 12 Sep 2026 02:21 PM (IST)

    12 Sep 2026 02:21 PM (IST)

    मुंबईत जाईपर्यंत आणि तेथून येईपर्यंत शांततेच आंदोलन झाले पाहिजे; जरांगे पाटील यांचे मराठ्यांना आवाहन

    मुंबईत जाईपर्यंत आणि तेथून येईपर्यंत शांततेच आंदोलन झाले पाहिजे. दंगा नको, दगडफेक करायची नाही, जाळपोळ झाली नाही पाहिजे. काल न्यायालयाने देखील आपल्या बाजूने कौल दिला आहे. सरकार आपल्या बाजूने नसले तरी न्यायालय आपल्या बाजून आहे.

  • 12 Sep 2026 02:10 PM (IST)

    12 Sep 2026 02:10 PM (IST)

    ही शेवटची अन् निर्णायक लढाई; जरांगे पाटील यांचे मराठ्यांना आंदोलनात सहभागी होण्याचे आवाहन

    ही शेवटची आणि निर्णायक लढाई आहे. ही लढाई सुवर्ण अक्षराने लिहिली जाणार आहे. घरात झोपून राहू नका. या लढाईचे साक्षीदार व्हा, असे आवाहन करत मराठ्यांना आंदोलन मार्गावर एकत्र येण्याचे आवाहन मनोज जरांगे पाटील यांनी केले.

  • 12 Sep 2026 02:00 PM (IST)

    12 Sep 2026 02:00 PM (IST)

    मनोज जरांगेंच्या आंदोलनावर संजय राऊत यांनी केलं मोठं विधान; म्हणाले…

    मराठा समाजाला आरक्षण मिळावे यासाठी मनोज जरांगे-पाटील हे सातत्याने आंदोलन करताना दिसत आहेत. यावरूनच आता शिवसेना (ठाकरे गट) संजय राऊत यांनी भाष्य केले आहे. कोर्टाचा निर्णय काय आहे हे मला कळले नाही. कोर्टाने आंदोलन करण्यापासून रोखले नाही. पण परवानगीशिवाय आंदोलन करू नका. परवानगी कोणाची तर सरकारची. मग आंदोलनाचा हक्क आणि अधिकार राहिला कुठं?

  • 12 Sep 2026 01:55 PM (IST)

    12 Sep 2026 01:55 PM (IST)

    लक्ष्मण हाकेंवर हल्ल्याचा प्रयत्न;जरांगें पाठलावर गंभीर आरोप

    सोलापूर: ओबीसी समाजाचे नेते लक्ष्मण हाके यांच्यावर सोलापुरात हल्ल्याचा प्रयत्न झाल्याची घटना समोर आली आहे. उत्तर सोलापूर तालुक्यातील पाकणी फाटा येथील हॉटेल निसर्गमध्ये हाके हे आपल्या सहकाऱ्यांसह भोजनासाठी थांबले असताना काही तरुणांनी त्यांच्याशी हुज्जत घातल्याचे सांगण्यात येत आहे. या घटनेनंतर हॉटेल परिसरात काही काळ तणावाचे वातावरण निर्माण झाले. पोलिसांनी या प्रकरणी तीन तरुणांना ताब्यात घेतले आहे.

  • 12 Sep 2026 01:50 PM (IST)

    12 Sep 2026 01:50 PM (IST)

    भारत मंडपममधील 18 व्या ब्रिक्स परिषदेत नव्या पेमेंट सिस्टीमवर ‘हा’ मोठा निर्णय

    सध्याच्या जागतिक पटलावर अमेरिकन आणि इराणमधील तणाव, मध्य पूर्वेतील युद्धजन्य परिस्थिती आणि अमेरिकेचे राष्ट्राध्यक्ष ट्रम्प यांच्याकडून विविध देशांवर लावल्या जाणाऱ्या जाचक शुल्कवाढीच्या धमक्यांमुळे आंतरराष्ट्रीय व्यापारात मोठी अनिश्चितता निर्माण झाली आहे. या सगळ्या घडामोडींच्या पार्श्वभूमीवर जगभरातील प्रमुख अर्थव्यवस्था असणारे ब्रिक्स (BRICS) देश आता डॉलरला एक सक्षम पर्याय शोधण्यासाठी वेगाने हालचाली करत आहेत.

  • 12 Sep 2026 01:45 PM (IST)

    12 Sep 2026 01:45 PM (IST)

    बिबवेवाडीतील भोंदू महिला मोनाली विधातेविरुद्ध गुन्हा दाखल

    कौटुंबिक अडचणी दूर करण्याच्या आमिषाने एकाची ४५ हजार रुपयांची फसवणूक केल्याप्रकरणी बिबवेवाडी परिसरातील भोंदू महिला मोनाली विधाते हिच्यासह साथीदारांवर गुन्हा दाखल करण्यात आला आहे. फसवणूक, तसेच जादूटोणा प्रतिबंधक कायद्यान्वये गुन्हा दाखल करण्यात आला आहे. भोंदू महिलेने अशा पद्धतीने अनेकांची फसवणूक केल्याचा संशय व्यक्त करण्यात आला आहे. याबाबत ४७ वर्षीय बिबवेवाडी पोलिस ठाण्यात तक्रार दिली आहे. तक्रारीनुसार, मोनाली विधाते, कृष्णा विधाते (दोघे रा. सुखसागरनगर, कात्रज), तसेच मोनालीचा भाऊ मयूर, अशोक बनकर, मंजू कौर यांच्याविरुद्ध गुन्हा दाखल करण्यात आला आहे.

  • 12 Sep 2026 01:40 PM (IST)

    12 Sep 2026 01:40 PM (IST)

    ‘त्या’ अपघातग्रस्त कुटुंबांना मदत, जखमींना 50 हजार देण्यासाठी पाठपुरावा; पालकमंत्री सावे यांचे निर्देश

    भोकर-बारड राष्ट्रीय महामार्गावरील सीताखंडी घाटात गुरुवारी (दि. १०) सायंकाळी ट्रक आणि पिकअप वाहनाची समोरासमोर धडक होऊन झालेल्या भीषण अपघातात आठ जणांचा मृत्यू झाला असून सात जण गंभीर जखमी झाले आहेत. जखमींवर नांदेड येथील शासकीय वैद्यकीय महाविद्यालय व रुग्णालयात उपचार सुरू आहेत. या दुर्दैवी घटनेची माहिती मिळताच नांदेड जिल्ह्याचे पालकमंत्री अतुल सावे यांनी जिल्हाधिकारी राहुल कर्डिले यांच्याशी दूरध्वनीवरून संपर्क साधून घटनेची माहिती घेतली. अपघातातील मृतांच्या कुटुंबीयांना आवश्यक ती शासकीय मदत तातडीने उपलब्ध करून देण्याचे निर्देश त्यांनी जिल्हाधिकाऱ्यांना दिले.

  • 12 Sep 2026 01:35 PM (IST)

    12 Sep 2026 01:35 PM (IST)

    वर्गखोल्यांची दुरुस्ती, पिण्याचे पाणी अन्… जाणून घ्या १५ व्या वित्त आयोगातून शाळांना कसा मिळणार निधी!

    राज्यातील शाळेत गेल्यानंतर विद्यार्थ्यांना स्वच्छ शौचालय मिळावे, पिण्यासाठी स्वच्छ पाणी असावे, वर्गखोली सुरक्षित असावी आणि शाळेच्या परिसरातही सुरक्षित वातावरण असावे, या मूलभूत गरजा पूर्ण करण्यासाठी आता १५ व्या केंद्रीय वित्त आयोगाच्या निधीचा वापर करण्यात येणार आहे. जिल्हा परिषद, पंचायत समिती आणि ग्रामपंचायतींना शाळांच्या गरजांनुसार प्राधान्याने ही कामे करण्याच्या सूचना ग्रामविकास व पंचायतराज विभागाचे सचिव डॉ. चंद्रकांत पुलकुंडवार यांनी दिल्या आहेत.

  • 12 Sep 2026 01:25 PM (IST)

    12 Sep 2026 01:25 PM (IST)

    तथाकथित G7 ची पिछेहाट! दिल्लीत पुतिन यांनी पाश्चात्त्य देशांना दाखवला आरसा

    नवी दिल्ली येथील भारत मंडपममध्ये आयोजित ब्रिक्स व्यावसायिक शिखर परिषद (BRICS Summit 2026) दरम्यान जागतिक अर्थव्यवस्थेची एक नवीन आणि वास्तववादी प्रतिमा जगासमोर आली आहे. या परिषदेला संबोधित करताना रशियाचे राष्ट्राध्यक्ष व्लादिमीर पुतिन यांनी पाश्चात्त्य देशांच्या तथाकथित ‘जी७’ (G7) या श्रीमंत देशांच्या गटावर तीव्र शब्दांत टीका केली. त्यांनी मांडलेली आकडेवारी केवळ पाश्चात्त्य देशांच्या घटत्या प्रभावावर बोट ठेवणारी नव्हती, तर जागतिक अर्थव्यवस्थेची धुरा आता पूर्वेकडील आणि विकसनशील देशांच्या हाती जात असल्याचे स्पष्ट संकेत देणारी ठरली.

  • 12 Sep 2026 01:15 PM (IST)

    12 Sep 2026 01:15 PM (IST)

    घर असावं तर असं! प्रिया-उमेशच्या घराची खास झलक सोशल मीडियावर

    मराठीतली सगळ्यात जास्त आवडणारी जोडी कोणती असेल तर ती प्रिया बापट आणि उमेश कामत आहे. दोघंही भारी कलाकार तसेच ते खऱ्या आयुष्यात मस्त कपल आहेत. आता या दोघांच्या नवीन घराची सगळीकडे चर्चा चालू आहे. फोटो बघून लोक म्हणतायत, काय घर बनवलंय!

  • 12 Sep 2026 01:05 PM (IST)

    12 Sep 2026 01:05 PM (IST)

    लाचखोर पोलिस एसीबीच्या जाळ्यात; कारवाईनंतर काही तासांतच दिली उपनगराध्यक्षांना धमकी

    अटक वॉरंटची कारवाई न करता मदत करण्यासाठी पाच हजार रुपयांची लाच मागून, तडजोडीनंतर तीन हजार रुपये स्वीकारताना लाचलुचपत प्रतिबंधक विभागाच्या सापळ्यात रंगेहाथ पकडण्यात आलेल्या गंगापूर पोलिस ठाण्यातील पोलिस हेडकॉन्स्टेबलने काही तासांतच गंगापूर नगर परिषदेचे उपनगराध्यक्ष अमोल जगताप यांना पोलिस ठाण्याच्या परिसरातच जीवे मारण्याची धमकी दिल्याचा प्रकार समोर आला आहे. शकील सत्तार शेख, असे संबंधित पोलिस हेडकॉन्स्टेबलचे नाव असून, त्याच्याविरुद्ध धमकीप्रकरणी गंगापूर पोलिस ठाण्यात स्वतंत्र गुन्हा दाखल करण्यात आला आहे.

  • 12 Sep 2026 12:32 PM (IST)

    12 Sep 2026 12:32 PM (IST)

    बिबवेवाडीतील भोंदू महिलेवर गुन्हा

    कौटुंबिक अडचणी दूर करण्याच्या आमिषाने एकाची ४५ हजार रुपयांची फसवणूक केल्याप्रकरणी बिबवेवाडी परिसरातील भोंदू महिला मोनाली विधाते हिच्यासह साथीदारांवर गुन्हा दाखल करण्यात आला. फसवणूक, तसेच जादूटोणा प्रतिबंधक कायद्यान्वये गुन्हा दाखल करण्यात आला आहे. भोंदू महिलेने अशा पद्धतीने अनेकांची फसवणूक केल्याचा संशय व्यक्त करण्यात आला आहे. याबाबत ४७ वर्षीय बिबवेवाडी पोलिस ठाण्यात तक्रार दिली आहे.

  • 12 Sep 2026 12:26 PM (IST)

    12 Sep 2026 12:26 PM (IST)

    अनुसूचित जाती व तृतीयपंथी नागरिकांनी एसआयआर अंतर्गत मतदार नोंदणी करण्याचे आवाहन

    लोकशाही व्यवस्थेत मतदानाचा अधिकार हा प्रत्येक पात्र नागरिकाचा अत्यंत महत्त्वाचा घटनात्मक अधिकार आहे. अनुसूचित जाती तसेच तृतीयपंथी समाजातील पात्र नागरिकांनी विशेष सखोल व पुनरिक्षण प्रक्रियेअंतर्गत मतदार यादीत नाव नोंदणी करावी, असे आवाहन समाज कल्याण विभागाचे सहाय्यक आयुक्त विशाल लोंढे यांनी केले आहे.

  • 12 Sep 2026 12:11 PM (IST)

    12 Sep 2026 12:11 PM (IST)

    ऑटोरिक्षा परवान्यांना मुदतवाढ; वाहन बदलासाठीही दिलासा

    परवाना बंदीमुळे पूर्वी जारी करण्यात आलेल्या इरादापत्रांना नवीन ऑटोरिक्षा वाहन नोंदणीसाठी मुदतवाढ देण्यात आली आहे. ज्या इरादापत्रांची १८० दिवसांची मुदत १ जानेवारी २०२६ रोजी किंवा त्यानंतर संपली आहे, तसेच ज्या अर्जदारांनी ३० सप्टेंबर २०२६ पूर्वी मुदतवाढीसाठी अर्ज केला आहे, अशा इरादापत्रांना एकदाच १८० दिवसांची मुदतवाढ देण्याचा निर्णय घेण्यात आला आहे.

    तसेच, ९ मार्च २०२६ पर्यंत नवीन ऑटोरिक्षा नोंदणीसाठी अर्ज सादर केलेल्या, मात्र नोंदणी क्रमांक अद्याप जारी न झालेल्या इरादापत्रांनाही १८० दिवसांची मुदतवाढ देऊन वाहन नोंदणीसाठी सादर करण्याची मुभा देण्यात आली आहे.

  • 12 Sep 2026 11:59 AM (IST)

    12 Sep 2026 11:59 AM (IST)

    महायुती सरकार आपला कार्यकाळ पूर्ण करणार नाही, संजय राऊतांचा दावा

    सध्याची देशातील आणि महाराष्ट्रातील राजकीय परिस्थिती पाहता महायुती सरकार आपला कार्यकाळ पूर्ण करणार नाही. हे सरकार २०२९ पूर्वीच जाईल, असा दावा शिवसेना उद्धव बाळासाहेब ठाकरे पक्षाचे नेते खासदार संजय राऊत यांनी केला. ते नांदेड येथील 'मराठवाड्याचा विकास तुमसे ना हो पायेगा' या जनआंदोलनादरम्यान बोलत होते.

  • 12 Sep 2026 11:45 AM (IST)

    12 Sep 2026 11:45 AM (IST)

    ठाणे, नवी मुंबईसह मुंबई-गोवा महामार्गावर मोठी वाहतूक कोंडी

    गणेशोत्सवानिमित्त एसटी बसगाड्या आणि गणेशोत्सवाच्या खरेदीसाठी घराबाहेर पडलेल्या नागरिकांच्या वाहनांमुळे शुक्रवारी रात्री ठाणे आणि नवी मुंबईतील प्रमुख रस्त्यांवर मोठ्या प्रमाणात वाहतूक कोंडी झाली. या कोंडींचा फटका प्रवाशांना बसला आहे.

  • 12 Sep 2026 11:37 AM (IST)

    12 Sep 2026 11:37 AM (IST)

    जालन्यातील पाचशे ZP शाळांचे भाग्य उजळणार; पंकजा मुंडेंनी घेतला महत्त्वाचा निर्णय

    जिल्हा परिषदेच्या शाळांची दयनीय अवस्था, सुविधांचा अभाव यावरून नेहमीच ओरड होत असते. अशातच जालन्याच्या पालकमंत्री पंकजा मुंडे यांनी जिल्हा परिषदेच्या जिल्ह्यातील पाचशे शाळांचा दर्जेदार विकास करण्याचा निर्णय घेतला आहे. पुढील दोन वर्षांत जालना जिल्ह्यातील पाचशे जिल्हा परिषद शाळांचा दर्जेदार विकास करण्याचे निर्देश पंकजा मुंडे यांनी मंत्रालयातील आढावा बैठकीत संबंधित विभागाला दिले. 'नवीन वर्षात नवी शाळा’ या संकल्पनेसह राज्याने जालन्याचा आदर्श घ्यावा, असे काम करा, अशा सूचनाही त्यांनी बैठकीत केल्या.

  • 12 Sep 2026 11:23 AM (IST)

    12 Sep 2026 11:23 AM (IST)

    आंदोलनाची पुढची दिशा ठरवण्यासाठी आज दुपारी जरांगेंची बैठक

    आज १२ सप्टेंबर रोजी दुपारी १२ वाजता या मराठी समर्थकांची अंतरवाली सराटीत बैठक होणार आहे. मुंबईतील आझाद मैदानात आंदोलनास परवानगी मागितली असून सरकार ती देईल, असे जरांगे यांनी म्हटले आहे.

  • 12 Sep 2026 11:15 AM (IST)

    12 Sep 2026 11:15 AM (IST)

    मुंबईत लोकशाही मार्गाने आंदोलन करू - जरांगे पाटील

    मनोज जरांगे पाटील मुंबईत जाण्यावर ठाम असून तिथे आम्ही लोकशाही मार्गाने आंदोलन करू, असं त्यांनी स्पष्ट केलं आहे.

  • 12 Sep 2026 11:15 AM (IST)

    12 Sep 2026 11:15 AM (IST)

    आक्रमक मराठा युवकांचा नाशिकला रास्ता रोको; मराठा वादळ मुंबईत धडकणार!

    मनोज जरांगे-पाटील यांच्या अन्नत्याग आंदोलनाला नाशिकच्या युवकांनी सक्रिय पाठिंबा दिला आहे. सरकारने आणि सत्ताधारी आमदारांनी समाजाचा अंत पाहू नये. अन्यथा आक्रमक आंदोलक मुंबईत शिरतील असा इशारा देण्यात आला. नाशिक जिल्ह्यात चांदवड, मनमाड, येवला, देवळा यांसह विविध ठिकाणी रास्ता रोको करण्यात आला. शुक्रवारी नाशिक शहरात महिला वनी येथे नाशिक त्रंबक रास्ता अडविण्यात आला. युवा आंदोलकांनी यावेळी मनोज रांगे पाटील यांना समर्थन जाहीर केले.

  • 12 Sep 2026 10:59 AM (IST)

    12 Sep 2026 10:59 AM (IST)

    कास पुष्प पठारावर शनिवार-रविवारी एकेरी वाहतूक; 31 ऑक्टोबरपर्यंत वाहतुकीत बदल

    कास पुष्प पठारावरील फुलांचा बहर पाहण्यासाठी पर्यटकांची वाढती गर्दी लक्षात घेऊन वाहतूक कोंडी टाळण्यासाठी सातारा पोलिसांनी कास परिसरातील वाहतूक व्यवस्थेत मोठा बदल केला आहे. शनिवार, रविवार तसेच शासकीय सुट्टीच्या दिवशी कास पुष्प पठार परिसरात एकेरी वाहतूक व्यवस्था लागू करण्यात आली आहे.

  • 12 Sep 2026 10:50 AM (IST)

    12 Sep 2026 10:50 AM (IST)

    नाशिकरोडच्या आर्टिलरी सेंटरमध्ये अग्निवीर प्रशिक्षणार्थीचा बॅरेकमध्ये मृत्यू

    नाशिकरोड येथील आर्टिलरी सेंटरमध्ये अग्निवीर प्रशिक्षण घेत असलेल्या २० वर्षीय प्रशिक्षणार्थीचा बॅरेकमध्ये मृत्यू झाल्याची घटना गुरुवारी सकाळी समोर आली. अश्विन एम. असे मृत प्रशिक्षणार्थीचे नाव असल्याची माहिती आहे. बॅरेकमध्ये तो गंभीर अवस्थेत आढळल्यानंतर त्याला तातडीने देवळाली कॅम्प येथील मिलिटरी हॉस्पिटलमध्ये नेण्यात आले. मात्र, डॉक्टरांनी त्याला मृत घोषित केले.

  • 12 Sep 2026 10:40 AM (IST)

    12 Sep 2026 10:40 AM (IST)

    ती पुन्हा आली…! 13 महिन्यांच्या लढ्यानंतर माधुरी हत्तीणीचे नांदणीत पुनरागमन

    कोल्हापूर जिल्ह्यातील शिरोळ येथील प्रसिद्ध नांदणी मठातील महादेवी आणि  माधुरी नावाने ओळखली जाणारी हत्तीणीचे अखेर  कोल्हापुरात पुनरागमन झाले.  १३ महिन्यांच्या न्यायालयीन लढाईनंतर तिला कोल्हापुरात आणण्यात यश आले.  गुजरात येथील ‘वनतारा’ पुनर्वसन केंद्रात असलेली माधुरी हत्ती न्यायालयीन प्रक्रिया आणि हाय पॉवर कमिटीच्या आदेशानंतर पुन्हा कोल्हापुरात परतली आहे. माधुरी कोल्हापुरात दाखल होत असताना संपूर्ण नांदणी गाव तिच्या स्वागतासाठी सज्ज झाले होते. नांदणीसह सर्व ग्रामस्थानी तिचे जल्लोषात स्वागत केले.

  • 12 Sep 2026 10:30 AM (IST)

    12 Sep 2026 10:30 AM (IST)

    रुग्णभाराशी मेळ घालण्याचे आव्हान! राज्यातील रुग्णालयांत ओपीडी तिप्पट; डॉक्टर, मनुष्यबळही तिप्पट झाल्याबाबत सवाल

    राज्यातील सरकारी रुग्णालयांमध्ये बाह्यरुग्णांची संख्या झपाट्याने वाढत असताना आरोग्यसेवेचा विस्तारही त्याच वेगाने झाला आहे का, असा महत्त्वाचा प्रश्न आता उपस्थित होत आहे. सरकारी रुग्णालयांतील ओपीडी तिप्पट वाढणे ही एका बाजूला नागरिकांचा सार्वजनिक आरोग्य व्यवस्थेवरील वाढता विश्वास दर्शविणारी बाब असली, तरी दुसऱ्या बाजूला उपलब्ध डॉक्टर, परिचारिका, इतर आरोग्य कर्मचारी, खाटा आणि पायाभूत सुविधांवरील वाढता ताणही यातून स्पष्ट होतो. सार्वजनिक आरोग्य विभागाच्या आकडेवारीनुसार राज्यात आरोग्य सेवा संचालनालयाच्या अखत्यारित जिल्हा रुग्णालये, संदर्भ सेवा रुग्णालये, सामान्य रुग्णालये, स्त्री रुग्णालये, उपजिल्हा रुग्णालये, ग्रामीण रुग्णालये आणि ट्रॉमा केअर सेंटर अशी एकूण ६११ रुग्णालये व केंद्रे असून, त्यामध्ये एकूण २९ हजार ५३४ खाटा उपलब्ध आहेत.

  • 12 Sep 2026 10:20 AM (IST)

    12 Sep 2026 10:20 AM (IST)

    पावसाबाबत महत्त्वाची अपडेट ! राज्यात पुढील दोन दिवस वादळी वाऱ्यासह

    सप्टेंबर महिना सुरु झाल्यापासून पावसाची कोणतीही चिन्हे दिसत नाहीत. ऑगस्ट महिन्यातही पुरेसा पाऊस पडलेला नाही. त्यानंतर आता पुन्हा एकदा महत्त्वाची अपडेट समोर आली आहे. बंगालच्या उपसागरातील कमी दाब क्षेत्र पूरक ठरल्याने पुढील दोन दिवस राज्यात जोरदार वारे, मेघगर्जना, विजांसह पाऊस पडण्याची शक्यता आहे. राज्यात शनिवारी (दि.12) वादळी वाऱ्यासह पावसाची शक्यता असल्याने सतर्कतेचा इशारा हवामान विभागाने दिला आहे.

  • 12 Sep 2026 10:10 AM (IST)

    12 Sep 2026 10:10 AM (IST)

    डोंबिवली, कल्याण, दिव्यातून गावाकडे जाण्यासाठी मोफत एसटी; ५० हजार भाविकांना लाभ

    गणेशोत्सवासाठी कोकणासह महाराष्ट्रातील विविध जिल्ह्यांमध्ये आपल्या गावाकडे जाणाऱ्या गणेशभक्तांसाठी शिवसेना खासदार डॉ. श्रीकांत शिंदे यांच्या पुढाकाराने कल्याण लोकसभा मतदारसंघातून यंदाही मोठ्या प्रमाणावर मोफत एसटी बससेवेचे आयोजन करण्यात आले आहे. कल्याण लोकसभेतून यंदा तब्बल ११०० हून अधिक एसटी बसेस विविध जिल्ह्यांकडे रवाना होणार असून, सुमारे ४५ ते ५० हजार गणेशभक्तांना मोफत प्रवासाचा लाभ मिळणार आहे. गुरुवारपासून कल्याण-शीळ रोडवरील प्रीमियर कंपनी मैदान, संदप येथे आमदार राजेश मोरे यांच्या नेतृत्वाखाली या उपक्रमाचे शिस्तबद्ध नियोजन  करण्यात आले आहे. डोंबिवली, कल्याण पूर्व, दिवा यासह अंबरनाथ, उल्हासनगर आणि कळवा परिसरातून बसेस रवाना होणार आहेत. यामध्ये डोंबिवलीतून सुमारे ३५०, कल्याण पूर्वेतून २१०, तर दिव्यातून १५० हून अधिक बसेस जाणार असल्याचे सांगण्यात आले आहे.

  • 12 Sep 2026 09:55 AM (IST)

    12 Sep 2026 09:55 AM (IST)

    Kokan GaneshotsavSpecial Trains: मुंबई-सावंतवाडीदरम्यान चार अनारक्षित विशेष गाड्या धावणार

    Kokan GaneshotsavSpecial Trains:  कोकणात जाणाऱ्या प्रवाशांचा प्रवास सुकर व आरामदायी व्हावा, यासाठी मध्य आणि कोकण रेल्वेने चार अनारक्षित विशेष गाड्या चालवण्याचा निर्णय घेतला आहे. मुंबई ते सावंतवाडी रोड दरम्यान १२ ते १४ सप्टेंबर या कालावधीत या विशेष गाड्या धावणार आहेत.

    सीएसएमटी-सावंतवाडी रोड (गाडी क्र. ०१००९) ही अनारक्षित विशेष गाडी १२ आणि १३ सप्टेंबरला दुपारी १.४५ वाजता सीएसएमटीहून सुटून दुसऱ्या दिवशी पहाटे ३ वाजता सावंतवाडीला पोहोचेल. सावंतवाडी रोड-सीएसएमटी (गाडी क्र. ०१०१०) ही गाडी १३ आणि १४ सप्टेंबरला पहाटे ४.०५ वाजता सावंतवाडीहून सुटून त्याच दिवशी सायंकाळी ६.१५ वाजता सीएसएमटीला पोहोचेल.

  • 12 Sep 2026 09:45 AM (IST)

    12 Sep 2026 09:45 AM (IST)

    Baramati Missing Girl Safe Return:बेपत्ता तरुणीचा बारामती पोलिसांकडून सुरक्षित शोध 

    Baramati  Missing Girl Safe Return: घरगुती कारणांमुळे आई-वडिलांसोबत न राहता मैत्रिणीकडे जात असल्याचे सांगून घराबाहेर पडलेली तरुणी अखेर सुरक्षितपणे घरी परतली आहे. बारामती शहर पोलिसांच्या विशेष मिसिंग पथकाने तातडीने तपास करत तिचा शोध घेतला.

    १० सप्टेंबर रोजी तरुणी बेपत्ता झाल्याची तक्रार नोंदवल्यानंतर बारामती शहर पोलिसांच्या विशेष पथकाने तांत्रिक आणि मानवी माहितीच्या आधारे तिचा शोध घेतला.महिला पोलिसांनी तरुणीला विश्वासात घेऊन तिचे संवेदनशील समुपदेशन केले असता, तिला कुटुंबापासून दूर ठेवण्याचा प्रयत्न आणि तिच्या वैयक्तिक छायाचित्रांचा (फोटो) गैरवापर करण्याची धमकी दिल्याची गंभीर बाब समोर आली.

  • 12 Sep 2026 09:35 AM (IST)

    12 Sep 2026 09:35 AM (IST)

    Manoj Jarange Patil Hunger Strike: आंतरवाली सराटीत आज मराठा समाजाची निर्णायक बैठक, मुंबई कूचबाबत सस्पेन्स कायम

    Manoj Jarange Patil Hunger Strike:   मराठा आरक्षणातील कुणबी प्रमाणपत्र रद्द झाल्यानंतर मनोज जरांगे पाटील यांनी सरकारविरोधात पुन्हा एकदा तीव्र एल्गार पुकारला आहे. त्यांच्या आमरण उपोषणाचा आज १५ वा दिवस असून सरकारच्या शिष्टमंडळाने अद्याप त्यांच्याकडे पाठ फिरवली आहे.

    कुणबी प्रमाणपत्र रद्द झाल्याच्या विरोधात मनोज जरांगे पाटील यांचे आमरण उपोषण १५ व्या दिवशीही सुरूच आहे. मुंबईत परवानगीशिवाय आंदोलन न करण्याचे आदेश उच्च न्यायालयाने दिले आहेत, तर मुख्यमंत्री देवेंद्र फडणवीस यांनी हिंदू सणांचे औचित्य साधून आंदोलकांना भावनिक साद घातली आहे. लोकशाही मार्गाने आंदोलन करण्याचा अधिकार आपल्याला असल्याचे ठणकावत जरांगे पाटील आपल्या मागण्यांवर ठाम आहेत.

  • 12 Sep 2026 09:25 AM (IST)

    12 Sep 2026 09:25 AM (IST)

    Baba Ramdev Ayurvedic Hookah E-Cigarette: बाबा रामदेव यांचा 'आयुर्वेदिक हुक्का' चर्चेत

    Baba Ramdev Ayurvedic Hookah E-Cigarette:  आजकाल तरुणांमध्ये ई-सिगारेट आणि फ्लेवर्ड हुक्काची मोठी क्रेझ पाहायला मिळत आहे. मात्र, आरोग्य तज्ज्ञांच्या मते हे प्रकार आरोग्यासाठी अत्यंत हानिकारक आहेत.  ई-सिगारेट आणि हुक्क्यामुळे फुफ्फुसांचे विकार व कर्करोगाचा धोका वाढतो, असा आरोग्य तज्ज्ञांचा इशारा आहे. या धोकादायक ट्रेंडदरम्यान योगगुरू बाबा रामदेव यांचा एक व्हिडिओ सोशल मीडियावर समोर आला आहे, ज्यामध्ये ते 'आयुर्वेदिक हुक्क्या'बाबत सांगताना दिसत आहेत.  हा आयुर्वेदिक हुक्का आरोग्यासाठी घातक नसून फायदेशीर ठरू शकतो, असा दावा बाबा रामदेव यांनी या व्हिडिओमध्ये केला आहे.

  • 12 Sep 2026 09:15 AM (IST)

    12 Sep 2026 09:15 AM (IST)

    Madhuri Elephant Returns: १३ महिन्यांनंतर 'माधुरी' हत्तीण नांदणी मठात, मध्यरात्री नागरिकांची गर्दी

    Madhuri Elephant Returns: कोल्हापूर जिल्ह्यातील शिरोळ येथील प्रसिद्ध नांदणी मठात अखेर १३ महिन्यांनंतर 'माधुरी' हत्तीचे पुनरागमन झाले आहे. मागील काही महिन्यांपासून गुजरात येथील 'वनतारा' पुनर्वसन केंद्रात असलेली माधुरी हत्ती न्यायालयीन प्रक्रिया आणि हाय पॉवर कमिटीच्या आदेशानंतर पुन्हा कोल्हापुरात परतली आहे.

    वनताराचे सीईओ विवान कर्णिक व त्यांच्या टीमने माधुरीला नांदणी मठात आणल्यानंतर तिच्यावर फुलांचा वर्षाव करण्यात आला आणि स्वागतासाठी सुंदर रांगोळी काढण्यात आली होती. रात्री दीड वाजण्याच्या सुमारास माधुरी मठात पोहोचली, तरी तिच्या स्वागतासाठी नागरिकांनी नांदणी मठाजवळ प्रचंड गर्दी केली होती.

  • 12 Sep 2026 09:05 AM (IST)

    12 Sep 2026 09:05 AM (IST)

    BRICS SUMMIT : इंडोनेशिया, फिलीपिन्ससह अनेक देशांतील सर्वोच्च नेते भारतात दाखल

    नवी दिल्ली : भारताने आयोजित केलेल्या ब्रिक्स शिखर परिषदेसाठी चीनचे राष्ट्राध्यक्ष शी जिनपिंग शनिवारी (दि.12) दुपारी दिल्लीत दाखल होणार आहेत. या दौऱ्यादरम्यान, शी जिनपिंग हे पंतप्रधान नरेंद्र मोदींसोबत द्विपक्षीय चर्चाही करणार आहे. यापूर्वी, इंडोनेशिया, फिलीपिन्स आणि आफ्रिकन देश नायजेरिया येथील इतर अनेक पाहुणेही भारतात दाखल झाले आहेत. दक्षिण आफ्रिकेचे राष्ट्राध्यक्ष सिरिल रामाफोसा म्हणाले की, जागतिक अर्थव्यवस्थेतील मोठे बदल, बदलत्या व्यापार पद्धती, जलद तांत्रिक प्रगती आणि हवामान संकटाच्या पार्श्वभूमीवर ब्रिक्स गट आज एका निर्णायक टप्प्यावर उभा आहे.

Web Title: Maharashtra national to international political breaking live news in marathi 12 september 2026

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News  only on Navarashtra.com

Published On: Sep 12, 2026 | 08:55 AM

Topics:  

  • India news
  • Maharashtra Politics
  • Mumbai News
  • pune news

संबंधित बातम्या

BMC News : मुंबई महापालिकेत नेमकं चाललंय काय? किशोरी पेडणेकरांनी मंडपेश्वर भूखंडापासून टँकरपर्यंत सगळेच मुद्दे काढले!
1

BMC News : मुंबई महापालिकेत नेमकं चाललंय काय? किशोरी पेडणेकरांनी मंडपेश्वर भूखंडापासून टँकरपर्यंत सगळेच मुद्दे काढले!

कॉलेज सुटलं अन् तरुणी लिफ्टमध्ये अडकली! 14 तास अन्न-पाण्याविना काढली रात्र
2

कॉलेज सुटलं अन् तरुणी लिफ्टमध्ये अडकली! 14 तास अन्न-पाण्याविना काढली रात्र

Free MBA Scholarship: ग्रामीण व वंचित विद्यार्थ्यांना मोफत एमबीएची संधी; ऑलकार्गो समूहाचे १५ कोटींचे योगदान
3

Free MBA Scholarship: ग्रामीण व वंचित विद्यार्थ्यांना मोफत एमबीएची संधी; ऑलकार्गो समूहाचे १५ कोटींचे योगदान

Mumbai CNG Price: CNG दरवाढीने मुंबईकरांच्या खिशाला कात्री! आता रिक्षाने प्रवास करणंही महागणार?
4

Mumbai CNG Price: CNG दरवाढीने मुंबईकरांच्या खिशाला कात्री! आता रिक्षाने प्रवास करणंही महागणार?

Popular Sections

  • देश
  • विदेश
  • लाईफस्टाईल
  • मनोरंजन
  • क्रीडा
  • व्यापार
  • वेब स्टोरीज

Maharashtra Cities

  • मुंबई
  • पुणे
  • नागपूर
  • ठाणे
  • नाशिक
  • रत्नागिरी
  • पालघर
  • रायगड

More

  • धर्म
  • ऑटो
  • करिअर
  • व्हायरल
  • फोटो
  • नवराष्ट्र विशेष
  • टेक
  • व्हिडिओ

Follow Us On

Contact Us About Us Privacy Policy
Hindi News Epaper Marathi Epaper Hindi RSS Sitemap Author

© Copyright Navarashtra 2026 All rights reserved.