Today's Maharashtra Breaking News Updates in marathi 21.11.2026
Maharashtra to World Breaking News :
महाराष्ट्र विधानसभेच्या पार्श्वभूमीवर पायाभूत प्रकल्पांचा आढावा आणि महायुतीच्या जागावाटपाच्या मुद्द्यांवर मुंबईत उच्चस्तरीय राजकीय बैठकांचा धडाका सुरू झाला आहे. भारत आणि वेस्ट इंडिज यांच्यातील T20 मालिकेतील पहिला सामना आज रंगणार असून, दुसरीकडे भारत ‘अ’ संघ पुदुचेरी येथे ऑस्ट्रेलिया ‘अ’ संघाविरुद्ध एकदिवसीय मालिकेत मैदानात उतरणार आहे.
प्रसिद्ध टेक ब्रँड व्हिवोचे (Vivo) कॅमेरा आणि मोठ्या बॅटरी क्षमतेसह नवीन स्मार्टफोन्स आज भारतीय बाजारात लाँच होणार आहे. मुंबईतील सायन परिसरातील आणिक बस आगारात भीषण आग लागून काही बेस्ट बसेस जळून खाक झाल्याची दुर्घटना घडली.
महाराष्ट्रातून मान्सूनची माघार पूर्ण होत असतानाच ऑक्टोबर हीटचा तडाखा वाढला असून मध्य महाराष्ट्र आणि कोकणात हवामानातील बदलांमुळे उष्णतेचा पारा चढला. ठाण्यातील प्रदिप पुर्णेकर प्रकरणातील आरोपींवर पोलीस कारवाई तीव्र झाली असून कोर्टात महत्त्वाचे पुरावे सादर करण्यात आले.
06 Oct 2026 06:00 PM (IST)
येमेनमधील हुती बंडखोर आणि सौदी अरेबियामधील संघर्ष आता नव्या टप्प्यावर पोहचला आहे . या आधी दोघांनीही एकमेकांवर जोरदार आणि महत्वपूर्ण हल्ले आणि प्रतिहल्ले केले आहेत . त्यातच येमेन मधील सौदी समर्थक सरकाने हुतीं विरोधात मोर्चा अजूनच मजबूत करायला सुरवात केली आहे . सौदी अरेबियावर हुथींकडून सातत्याने हल्ले होत असताना पाकिस्तान आणि तुर्कीयेसोबतचा मक्का संयुक्त करार सक्रिय करण्यात आला आहे . सविस्तर वाचा
06 Oct 2026 05:50 PM (IST)
राज्यात MPSC विद्यार्थ्यांच्या आंदोलनावरून राजकारण चांगलंच तापलं आहे. तसेच दिल्लीतदेखील INDIA आघाडीच्या आंदोलनामुळेदेखील देशभर चर्चा रंगू लागल्या आहेत. या पार्श्वभूमीवर मुख्यमंत्री देवेंद्र फडणवीस यांनी विरोधकांवर जोरदार निशाणा साधला आहे. सविस्तर वाचा
06 Oct 2026 05:40 PM (IST)
पिंपरी चिंचवड महानगरपालिकेच्या पदव्युत्तर संस्था आणि यशवंतराव चव्हाण स्मृती (वायसीएम) रुग्णालयातील अस्थायी आस्थापनेवर करार किंवा एकत्रित ठोक मानधनावरील हंगामी स्वरूपाच्या पदांसाठी जाहिरात क्रमांक १५३/२०२६ प्रसिद्ध करण्यात आली होती. या पदांसाठी मंजूर पदसंख्येपेक्षा अधिक अर्ज प्राप्त झाल्यामुळे, उमेदवारांनी अर्जात भरलेल्या शैक्षणिक आणि अनुभवाच्या माहितीची खातरजमा करण्यासाठी कागदपत्रे सादर करण्याचे निर्देश देण्यात आले आहेत.सविस्तर वाचा
06 Oct 2026 05:30 PM (IST)
दारूच्या नशेत एकमेकांकडे पाहण्यावरून झालेल्या किरकोळ वादाचे पर्यवसान थेट हल्ल्यात झाले. दोघांनी मिळून डिलिव्हरी बॉय तरुणाला शिवीगाळ करत मारहाण केली आणि त्याच्या डोक्यात कोयत्याने वार करून जीवे मारण्याचा प्रयत्न केला आहे. ही घटना रविवारी (४ ऑक्टोबर) रात्री उत्तमनगर परिसरात घडली आहे. याप्रकरणी उत्तमनगर पोलिसांनी एका तरुणाला अटक केली असून, त्याच्या अल्पवयीन साथीदाराविरुद्धही गुन्हा दाखल करण्यात आला आहे. सविस्तर वाचा
06 Oct 2026 05:20 PM (IST)
महाराष्ट्र राज्य कबड्डी असोसिएशन, पालघर जिल्हा कबड्डी असोसिएशन आणि वसई-विरार शहर महानगरपालिका यांच्या संयुक्त विद्यमाने वसई-विरारमध्ये भव्य ‘राज्यस्तरीय कुमार-कुमारी कबड्डी स्पर्धे’चे आयोजन करण्यात आले आहे. महाराष्ट्रातील सर्वोत्तम कबड्डीपटूंचा कस पाहणारी ही स्पर्धा राष्ट्रीय स्तरावर राज्याचे प्रतिनिधित्व करणाऱ्या संघाच्या निवडीसाठी अत्यंत महत्त्वाची ठरणार आहे.सविस्तर वाचा
06 Oct 2026 05:10 PM (IST)
देशभरात नवरात्रोत्सवाची तयारी सुरू झाली आहे. यावर्षी ११ ऑक्टोबर, रविवारपासून शारदीय नवरात्राला सुरुवात होणार आहे. या काळात देवीच्या विविध रूपांची पूजा केली जाते. तसेच भाविक शक्तिपीठांना भेट देऊन देवीचे दर्शन घेतात. देशातील ५१ शक्तिपीठांपैकी आणि महाराष्ट्रातील ‘साडेतीन शक्तिपीठां’पैकी एक असलेल्या अत्यंत पवित्र सप्तशृंगी शक्तिपीठातही मोठ्या संख्येने भाविक येतात.सविस्तर वाचा
06 Oct 2026 05:00 PM (IST)
उत्तर प्रदेशातील मैनपुरी जिल्ह्यात मंगळवारी पहाटे भीषण आणि काळजाचा ठोका चुकवणारा अपघात झाला. बेवर परिसरातून जाणाऱ्या राष्ट्रीय महामार्गावर भरधाव कंटेनरने पुढे चाललेल्या दुचाकीला मागून जोरदार धडक दिली. धडकेनंतर दुचाकी कंटेनरच्या मागील चाकात अडकली आणि ती तब्बल तीन किलोमीटरपर्यंत फरफटत गेली. या भीषण दुर्घटनेत दुचाकीवरील महिला आणि तिच्या दोन चिमुकल्या मुलींचा जागीच मृत्यू झाला, तर दुचाकी चालवणारे वडील गंभीर जखमी झाले. सविस्तर वाचा
06 Oct 2026 04:57 PM (IST)
अहिल्यानगर जिल्ह्यात दुष्काळाच्या झळा आता तीव्र होऊ लागल्या असून पाथर्डी तालुक्यात ऑक्टोबर महिन्यातच पाण्यासाठी टाहो फोडण्याची दुर्दैवी वेळ आली आहे. अवघ्या १५ ते २० दिवसांचा पाणीसाठा शिल्लक राहिल्याने ६५ एकरांवरील हजारो फळझाडांचे भवितव्य टांगणीला लागले आहे. पाणी न मिळाल्यास शेतकऱ्यांचे तब्बल १४ वर्षांचे कष्ट आणि कोट्यवधींचे नुकसान मातीत मिळण्याची भीती निर्माण झाली आहे. वाचा सविस्तर...
06 Oct 2026 04:47 PM (IST)
सातारा: साताऱ्यात १७ वर्षीय मुलगी आर्या पुरुषोत्तम कदम हिच्या हत्येप्रकरणाने जिल्ह्यात खळबळ उडाली आहे. घरातील वादानंतर संतापाच्या भरात वडील पुरुषोत्तम कदम यांनी मुलीच्या डोक्यात क्रिकेट बॅटने प्रहार केल्याचा आरोप असून, पोलिसांनी त्यांना अटक केली आहे. सुरुवातीला प्रकरणाच्या घटनाक्रमाबाबत वेगवेगळे दावे समोर आल्यानंतर आता वडिलांनी पोलिसांना दिलेल्या जबाबातील कारणांवरूनही प्रश्न उपस्थित होत आहेत. वाचा सविस्तर...
06 Oct 2026 04:37 PM (IST)
NEET PG 2026 Result: अलीकडेच नीट पीजी २०२६ चा निकाल जाहीर करण्यात आला आहे. निकाल जाहीर झाल्यानंतर पात्रता पर्सेंटाईलबाबत पुन्हा एकदा चर्चा सुरू झाली आहे. नॅशनल बोर्ड ऑफ एक्झामिनेशन इन मेडिकल सायन्सेस (NBEMS) द्वारे जारी केलेल्या निकालानुसार, या वेळी २,६३,५३५ उमेदवार पात्र ठरले आहेत. तर परीक्षा देणाऱ्या २५८ उमेदवारांचे गुण शून्य किंवा त्याहूनही कमी आले आहेत. सर्वात कमी गुण मिळवलेल्या उमेदवारांचे गुण -५९ असल्याचे आणि पर्सेंटाईल शून्य असल्याचे सांगण्यात आले आहे. त्यामुळे गेल्या काही वर्षाप्रमाणे या वेळीही ० पर्सेंटाईल किंवा निगेटिव्ह गुण मिळवलेल्या उमेदवारांना काउन्सिलिंगमध्ये सहभागी होण्याची संधी मिळणार का, असा सवाल उपस्थित होत आहे. वाचा सविस्तर...
06 Oct 2026 04:27 PM (IST)
जळगाव: मेहरूण परिसरातील छत्रपती शिवाजी महाराज उद्यान भागात रस्त्याच्या मधोमध असलेल्या उघड्या गटारीत दुचाकी कोसळून ३७ वर्षीय तरुणाचा दुर्दैवी मृत्यू झाला. नवल अर्जुन सोनवणे असे मृत तरुणाचे नाव आहे. गटारीचे काम अपूर्ण असताना घटनास्थळी कोणताही इशारा फलक किंवा सुरक्षेची उपाययोजना नसल्याने हा अपघात झाल्याचा आरोप करण्यात येत आहे. या घटनेनंतर संबंधित मक्तेदारावर कठोर कारवाई करण्याची मागणी होत आहे. वाचा सविस्तर...
06 Oct 2026 04:17 PM (IST)
केंद्रीय निवडणूक आयु्क्त ज्ञानेश कुमार यांच्याविरोधात इंडिया आघाडीच चांगलीच आक्रमक झाल्याचे दिसत आहे. काँग्रेस खासदार राहुल गांधी, खासदार प्रियांका गांधी यांच्या नेतृत्त्वात निवडणूक आयोगावर आज मोर्चा काढण्यात आला. काँग्रेस सह इंडिया आघाडी आणि इतर घटक पक्षांचे जवळपास ३०० हून अधिक खासदारांनी निवडणूक आयोगावर मोर्चा काढला. पण राहुल गांधी आणि प्रियांका गांधींना पोलिसांनी ताब्यात घेतले. यावेळी आंदोलक आणि पोलिसांमध्येय मोठी झटापट झाल्याचे पाहायला मिळाले. वाचा सविस्तर...
06 Oct 2026 04:07 PM (IST)
Cabinet Meeting : मुख्यमंत्री देवेंद्र फडणवीस यांच्या अध्यक्षतेखाली आज (मंगळवार, 6 ऑकटोबर) राज्य मंत्रिमंडळाची महत्त्वाची बैठक पार पडली. या बैठकीत दुष्काळाच्या परिस्थितीसह विविध मुद्द्यांवर चर्चा झाली. त्याचबरोबर राज्यातील वेगवेगळ्या घटकांना दिलासा देणारे एकूण सात महत्त्वाचे निर्णय घेण्यात आले आहेत. पोलिसांच्या शौर्याचा सन्मान करण्यापासून ते विद्यार्थ्यांच्या भत्त्यात वाढ करण्यापर्यंत अनेक निर्णयांचा यात समावेश आहे. वाचा सविस्तर...
06 Oct 2026 03:59 PM (IST)
Transport & EV Sales September 2026 : सप्टेंबरमधील सणासुदीच्या काळात भारतातील परिवहन क्षेत्र बळकट झाले असून, बहुतेक श्रेणींमध्ये वाहनांच्या किरकोळ विक्रीत वाढ झाली आहे. या एकत्रित कलानुसार अर्थव्यवस्थेची गती मजबूत असल्याचे दिसून येते; मालवाहतुकीच्या स्थिर हालचालींमुळे प्रमुख मार्गांवर ट्रक भाडेदर स्थिर राहिले आणि ट्रॅक केलेल्या प्रत्येक मार्गावर ते गेल्या वर्षीच्या पातळीपेक्षा वर राहिले. ( Transport & EV Sales September 2026 )
06 Oct 2026 03:55 PM (IST)
देहू: जिल्हा क्रीडा परिषद व जिल्हाधिकारी कार्यालय, पुणे यांच्या विद्यमाने आणि संत जिजाबाई कन्या विद्यालय, देहू यांच्या सहकार्याने आयोजित हवेली तालुकास्तरीय शालेय खो-खो स्पर्धेत संत जिजाबाई कन्या विद्यालय, देहूच्या मुलींनी उल्लेखनीय कामगिरी करत १४ व १७ वर्षांखालील दोन्ही गटांत विजेतेपद पटकावले. या दोन्ही विजेत्या संघांची जिल्हास्तरीय स्पर्धेसाठी निवड झाली आहे. ही स्पर्धा देहू येथील संत तुकाराम महाराज क्रीडांगणावर उत्साहपूर्ण वातावरणात पार पडली.
06 Oct 2026 03:50 PM (IST)
फैजपूर (वा) शहरातील आठवडे बाजारपेठ, रामदेवबाबा नगर तसेच मुक्तीधाम परिसराजवळील देशी दारूचे दुकान कायमस्वरूपी बंद करण्यात यावे किंवा अन्यत्र स्थलांतरित करावे, अशी मागणी स्थानिक नागरिकांकडून करण्यात येत आहे. या मागणीची दखल घेत दारूबंदी विभागाच्या अधिकाऱ्यांनी संबंधित दुकानाची प्रत्यक्ष पाहणी केली.
06 Oct 2026 03:45 PM (IST)
Nagpur Crime: कळमना मार्केट परिसरात वाहनांची जप्ती टाळण्यासाठी करण्यात आलेल्या बनावट नंबरप्लेटच्या धक्कादायक प्रकाराचा गुन्हे शाखेने पर्दाफाश केला आहे. एका ट्रकचा अधिकृत क्रमांक अन्य तीन ट्रकवर टाकून चारही वाहने एकाच क्रमांकावर रस्त्यावर धावत असल्याचे समोर आले.
वाहन चोरीविरोधी पथकाने कारवाई करत चारही ट्रक जप्त केले असून, या प्रकरणात दोन आरोपींना अटक करण्यात आली आहे. कारवाईत पारले जी बिस्किटे, तांदळाची २१० पोती आणि चार ट्रक असा एकूण ५५ लाख १० हजार १७२ रुपयांचा मुद्देमाल जप्त करण्यात आला आहे.
06 Oct 2026 03:40 PM (IST)
Vivo Smartphone Launched:टेक आणि स्मार्टफोन कंपनी विवोने त्यांच्या व्हि-सिरीज अंतर्गत नवा Vivo V80 स्मार्टफोन भारतात लाँच केला आहे. कॅमेरा, डिस्प्ले आणि बॅटरीच्या मोठ्या अपग्रेडसह हा स्मार्टफोन भारतात लाँच करण्यात आला आहे. प्रिमियम रेंजमध्ये लाँच करण्यात आलेल्या या स्मार्टफोनची किंमत आणि फीचर्स जाणून घेऊया.
06 Oct 2026 03:35 PM (IST)
मुजफ्फरनगर: उत्तर प्रदेशातील मुजफ्फरनगर जिल्ह्यात पुरकाजी पोलीस ठाण्याच्या हद्दीत सोमवारी रात्री भरधाव कारला समोरून येणाऱ्या डंपरने जोरदार धडक दिल्याने भीषण अपघात झाला. लक्सर रस्त्यावर झालेल्या या दुर्घटनेत कारमधील चार प्रवाशांचा मृत्यू झाला असून, तिघे जण गंभीर जखमी झाले आहेत. धडकेनंतर कारचा अक्षरशः चक्काचूर झाला. अपघातानंतर घटनास्थळी एकच गोंधळ उडाला.
06 Oct 2026 03:30 PM (IST)
मिरा-भाईंदर : मिरा-भाईंदर महानगरपालिकेच्या घनकचरा व्यवस्थापन क्षेत्रातील महत्त्वाकांक्षी सौरनियंत्रित विंड्रो कंपोस्टिंग (SCWC) प्रकल्पाला राष्ट्रीय पातळीवरील प्रतिष्ठित ‘स्कॉच’ पुरस्कार मिळाल्यानंतर आता या पुरस्काराच्या श्रेयावरून राजकीय व प्रशासकीय वर्तुळात वादाची ठिणगी पडली आहे. प्रकल्पासाठी निधी उपलब्ध करून देण्यासाठी आपण पाठपुरावा केला, संकल्पना पुढे नेली आणि प्रकल्प उभारणीला चालना दिली. मात्र पुरस्कार स्वीकारताना आपल्या योगदानाचा साधा उल्लेखही करण्यात आला नाही, असा आक्षेप परिवहन मंत्री तथा मिरा-भाईंदरचे लोकप्रतिनिधी प्रताप सरनाईक यांच्या समर्थकांकडून उपस्थित करण्यात आला आहे. (Pratap Sarnaik)
06 Oct 2026 03:25 PM (IST)
Rohit Pawar MPSC Protest Pune : पुण्यात सुरू असलेल्या MPSC विद्यार्थ्यांच्या आंदोलनावरून राष्ट्रवादी काँग्रेसचे आमदार रोहित पवार आणि भाजप आमदार विक्रम पाचपुते यांच्यात चांगलीच जुंपली आहे. गेल्या पाच दिवसांपासून रोहित पवार हे MPSC विद्यार्थ्यांसोबत आंदोलनात बसले आहेत. याच आंदोलनावरून पाचपुते यांनी केलेल्या टीकेला रोहित पवारांनी जोरदार प्रत्युत्तर दिलं आहे. इतकंच नाही, तर 2029 च्या विधानसभा निवडणुकीत विक्रम पाचपुते निवडून येणार नाहीत, असं थेट चॅलेंजच त्यांनी दिलं आहे.
06 Oct 2026 03:20 PM (IST)
Nagpur News:विधानपरिषदेच्या नागपूर विभाग पदवीधर मतदारसंघाच्या निवडणुकीसाठी काँग्रेसचे अभिजित वंजारी, भाजपचे सुधाकर कोहळे, भाजप बंडखोरद्वय अनिल सोले व अॅड. रमण सेनाड, राष्ट्रवादी शरद पवार गटाचे बंडखोर कराळे यांच्यासह अन्य काही उमेदवारांनी शक्तिप्रदर्शन करत अर्ज दाखल केले.
06 Oct 2026 03:15 PM (IST)
अकोला : असुरक्षित पद्धतीने अकोल्यात आणला जात असलेला मावा, खवा, हलवा यासह सुमारे 1900 किलो खाद्यपदार्थ अन्न व औषध प्रशासनाने सोमवारी मोठी कारवाई करत जप्त केले. या कारवाईत सुमारे ५ लाख रुपयांचा मुद्देमाल ताब्यात घेण्यात आला. अन्न व औषध प्रशासनाचे सहाय्यक आयुक्त देवेंद्र वीर यांना मिळालेल्या गोपनीय माहितीच्या आधारे ही कारवाई करण्यात आली.
06 Oct 2026 03:10 PM (IST)
IND Vs WI T20 Series: सध्या वेस्ट इंडिजचा संघ भारत दौऱ्यावर आहे. भारत आणि वेस्ट इंडिज यांच्यातील टी-२० मालिकेला आजपासून सुरुवात होत असून मालिकेतील पहिला सामना लखनऊ येथे खेळवला जाणार आहे. तर दुसरा सामना 9 ऑक्टोबर रोजी रांची येथे होणार आहे. मात्र तिथे एक धक्कादायक प्रकार समोर आला आहे. या ठिकाणी तिकीटाची काळाबाजारी सुरू असल्याचे म्हटले जात आहे. त्याचा एक व्हिडिओ समोर आला आहे. मात्र यामागचे सत्य नक्की काय आहे ते समजू शकलेले नाही.
06 Oct 2026 03:00 PM (IST)
बेळगाव: वर्षभरापूर्वी झालेल्या जुन्या वादाचा बदला घेण्यासाठी एका तरुणाने महिला मित्राच्या मदतीने तरुणाला प्रेमाच्या जाळ्यात ओढून त्याची निर्घृण हत्या केल्याची धक्कादायक घटना उघडकीस आली आहे. इंस्टाग्रामवर मैत्री केल्यानंतर भेटीगाठी वाढवून संबंधित तरुणाला निर्जनस्थळी नेण्यात आले. तेथे आरोपींनी त्याचे अपहरण करून धारदार शस्त्रांनी हत्या केल्याचा आरोप आहे. सर्वेश कांगरालाकर असे हत्या झालेल्या तरुणाचे नाव आहे.
06 Oct 2026 02:50 PM (IST)
मुंबई पोलिसांवर प्रंचड ताण येत असून कागदोपत्री ८ तास काम दाखवले जात असताना प्रत्यक्षात मात्र वरिष्ठांच्या आदेशानुसार त्यांच्याकडून १२ तासांहून अधिक काळ काम करवून घेतले जाते. त्याचा परिणाम त्यांच्या आरोग्यावर होत आहे. त्यामुळे मुख्यमंत्री व गृहमंत्री देवेंद्र फडणवीस यांनी यात स्वतः लक्ष घालून मुंबई पोलिसांच्या ८ तास कामाच्या नियमाची अंमलबजावणी करण्याचे आदेश द्यावेत, अशी मागणी खासदार संजय राऊत यांनी केली आहे.
06 Oct 2026 02:40 PM (IST)
बोरीवली पोलीस ठाण्यातील PSI ज्ञानेश्वर पराडेला लाच घेताना रंगेहाथ अटक करण्यात आली आहे. 1 लाख 30 हजारांची लाच स्वीकारताना ACB ने ही कारवाई केली. अटक न करण्यासाठी ज्ञानेश्वर पराडेने लाचेची मागणी केली होती. आरोपीचा मोबाईल जप्त करण्यात आला असून त्याच्या घराची झडती सुरु करण्यात आली आहे.
06 Oct 2026 02:30 PM (IST)
मुंबई महानगरपालिकेवर आता थकबाकीचा डोंगर झालाय. पाणीपट्टीची थकबाकी आता तब्बल 4 हजार कोटींच्या घरात पोहोचलीय. नियमित पाणीपुरवटा होऊनही बिलांची वसुली करण्यात BMCला अपेक्षित यश आलेलं नाही. म्हाडा, रेल्वे, सरकारी विभाग आणि खाजगी ग्राहकांकडे मोठी रक्कम थकीत आहे.. मुदतीत बिल न भरल्यास अतिरिक्त दंड आकारला तरी थकबाकीचा हा डोंगर सातत्यानं वाढत चालल्यानं चिंता व्यक्त केली जातेय...
06 Oct 2026 02:21 PM (IST)
मुंबईत आदिवासी विद्यार्थ्यांनी विविध मागण्यांसाठी मोर्चा काढला आहे. नाशिकहून आलेल्या या विद्यार्थ्यांना पोलिसांकडून ताब्यात घेतले जात आहे. त्यामुळे आदिवासी विद्यार्थी आक्रमक झाले आहेत.
06 Oct 2026 02:11 PM (IST)
दिल्लीतील काँग्रेसच्या आंदोलनावर भाजपने टीका केली आहे. राहुल गांधी यांनी आकाशवानी भवनात घुसण्याचा प्रयत्न केला. काँग्रेसने लोकशाहीचा गळा घोटल्याची टीका भाजपचे प्रवक्ते सुधांशू त्रिवेदी यांनी केली आहे.
06 Oct 2026 02:00 PM (IST)
अभिनेत्री शीबा चड्ढा आपल्या दमदार अभिनयासाठी ओळखल्या जातात. त्या सध्या ‘Bakaiti’च्या दुसऱ्या सीझनमुळे चर्चेत आहेत. या सीझनमध्ये त्या सुश्मा ही व्यक्तिरेखा साकारत आहेत. सुश्मा आपल्या पतीचा अहंकार आणि असुरक्षितता शांतपणे हाताळताना दिसते. या व्यक्तिरेखेच्या माध्यमातून विवाह, नातेसंबंध, स्त्रीची स्वतःची ओळख आणि पितृसत्ताक मानसिकता यांसारख्या विषयांवरही भाष्य करण्यात आलं आहे.
06 Oct 2026 01:55 PM (IST)
उत्तराखंड निवडणुकीच्या पार्श्वभूमीवर काँग्रेस पक्षात मोठी गटबाजी निर्माण होत असल्याचे दिसत आहे. माजी मुख्यमंत्री आणि माजी प्रदेशाध्यक्ष हरीश रावत आणि काँग्रेस नेतृत्व यांच्यात थेट संघर्ष निर्माण होत आहे. त्यांनी अलीकडेच राज्य काँग्रेस कार्यकारिणी तसेच केंद्रीय काँग्रेस कार्यकारिणी समितीच्या स्थायी सदस्यत्वाचा राजीनामा देण्याची तयारी दर्शवली आहे. यानंतर, त्यांनी अलीकडेच राज्यभरात जाहीर संवाद आणि आभार प्रदर्शन रॅली सुरू केली आहे.
06 Oct 2026 01:50 PM (IST)
काँग्रेससह संपूर्ण इंडिया आघाडीतील घटक पक्षांचे खासदार,नेतेमंडळी आणि कार्यकर्ते निवडणूक आयोगाच्या विरोधात आंदोलन करण्यासाठी दिल्लीच्या रस्त्यावर उतरले आहेत. लोकसभेचे विरोधी पक्षनेते राहुल गांधी, खासदार प्रियांका गांधी आणि सपाचे अखिलेश यादव यांच्यासह इंडिया आघाडीचे अनेक नेतेमंडळींचा निवडणूक आयोगाच्या विरोधात आक्रमक झाल्याचे पाहायला मिळाले. इंडिया आघाडीचे शेकडो खासदार मुख्य निवडणूक आयुक्त ज्ञानेश कुमार यांच्या राजीनाम्याच्या मागणीसाठी निवडणूक आयोगाच्या कार्यालयाकडे मोर्चा निघाला, परंतु पोलिसांनी त्यांना सुमारे ४०० मीटर अंतरावर बॅरिकेड्स लावून अडवले.
06 Oct 2026 01:45 PM (IST)
अमेरिकेचे राष्ट्राध्यक्ष डोनाल्ड ट्रम्प यांनी 2009 मधील टेक्सासच्या फोर्ट हूड गोळीबार प्रकरणातील दोषी माजी आर्मी मेजर निदाल मलिक हसनच्या मृत्युदंडाच्या शिक्षेला अखेर मंजुरी दिली आहे. अमेरिकन लष्कराने 1961 नंतर मृत्युदंडाची अंमलबजावणी केलेली नसल्याने या निर्णयाची विशेष चर्चा होत आहे. पेंटागनचे प्रवक्ते सीन पार्नेल यांनी सोशल मीडिया प्लॅटफॉर्म ‘X’वर यासंदर्भात माहिती दिली.
06 Oct 2026 01:40 PM (IST)
अनिल अग्रवाल यांच्या वेदांताने आपल्या गुंतवणूकदारांना एक महत्त्वपूर्ण बातमी दिली आहे. या बातमीसह शेअर मार्कटमध्ये कंपनीच्या शेअर्समध्ये जवळपास ३% मोठी उसळी पाहायला मिळाली. खरं तर या वाढीचे मुख्य कारण डिमर्जर असल्याचे सांगितले जात आहे. कंपनीने आपलं विधाजन झाल्यानंतर म्हणजे स्प्लिटनंतरच्या पहिल्या अंतरिम वेदांता डिव्हिडंडची रेकॉर्ड डेट जाहीर केली आहे. येत्या काळात गुंतवणूकदारांना याकडे कशा पद्धतीने पाहिलं पाहिजे? नेमका काय परिणाम होणार आहे?
06 Oct 2026 01:35 PM (IST)
यंदा पावसाने ओढ दिल्याने अनेक भागांत कोरड्या दुष्काळाची झळ सोसत शेतकऱ्यांनी सोयाबीनचे पीक उभे केले. पाण्याची कमतरता, वाढता लागवड खर्च आणि प्रतिकूल परिस्थितीत पीक वाचविण्यासाठी केलेली धडपड यानंतर आता काढणीच्या ऐन हंगामात मजूरटंचाईचे नवे संकट शेतकऱ्यांसमोर उभे ठाकले आहे. मजूर मिळत नसल्याने बळीराजाची चिंता वाढली आहे. अल्पदरात हार्वेस्टर उपलब्ध करून देण्याची मागणी शेतकरी करीत आहे. सोयाबीनच्या उत्पादनावर दुष्काळी परिस्थितीमुळे यंदा आधीच परिणाम होण्याची शक्यता आहे.
06 Oct 2026 01:35 PM (IST)
काही वर्षांपूर्वीपर्यंत मोठ्या गाड्या खरेदीमध्ये विदेशी कंपनीचा डंका होता. जपान, जर्मनी हे देश गाड्या बनवण्याच्या शर्यतीमध्ये पुढच्या स्थानी होत्या.मात्र आता चित्र बदलेले आहे. भारतामधल्या टाटा, महिंद्रा, मारुतीच्या गाड्यांनी चित्र बदल आहे. आता या गाड्या फक्त पुणे-मुंबईत नाहीतर थेट आफ्रिका आणि लॅटिन अमेरिकेच्या रस्त्यावर पळत आहेत. Indian Vehicle Exports Surge:
06 Oct 2026 01:25 PM (IST)
आक्रमक फलंदाजी, मैदानावरील जिद्द आणि दबावाच्या क्षणी संघाच्या पाठीशी उभी राहणारी भारतीय महिला क्रिकेट संघाची अनुभवी खेळाडू हरमनप्रीत कौर हिने टिम इंडियाला मोठा धक्का दिला आहे. भारतीय महिला क्रिकेट संघाची अनुभवी खेळाडू हरमनप्रीत कौरने मोठा निर्णय घेत तिन्ही फॉरमॅटच्या कर्णधारपदाचा राजीनामा जाहीर केला आहे. नुकत्याच झालेल्या आशियाई क्रीडा स्पर्धा 2026 मध्ये तिच्या नेतृत्वाखाली भारतीय महिला संघाने सुवर्णपदक पटकावले होते. त्यानंतर हरमनप्रीतने कर्णधारपद सोडण्याचा निर्णय जाहीर केल्याने चाहत्यांना धक्का बसला आहे.
06 Oct 2026 01:15 PM (IST)
सरकारी नोकरीची तयारी करणाऱ्या बहुतांश तरुणांच्या मनात मुलाखतीबद्दल (इंटरव्ह्यूबद्दल) भीती असते. बऱ्याच वेळा उत्तम तयारी करूनही केवळ मुलाखतीच्या भीतीमुळे किंवा तेथील अवघड प्रश्नांमुळे उमेदवार घाबरून जातात. तरुणांचा हा ताण कमी करण्यासाठी केंद्र आणि राज्य सरकारतर्फे अशा अनेक भरती प्रक्रिया राबवल्या जातात, ज्यामध्ये मुलाखतीचा कोणताही झंझट नसतो. या सरकारी नोकऱ्यांमध्ये संपूर्ण लक्ष केवळ लेखी परीक्षा किंवा शैक्षणिक पात्रतेवर असते.
06 Oct 2026 01:05 PM (IST)
एसटी महामंडळाच्या प्रवासाला डिजीटल स्वरूप देण्यासाठी सुरू करण्यात आलेल्या एनसीएमसी स्मार्ट कार्ड योजनेला चंद्रपूर जिल्ह्यातच प्रशासकीय अडथळ्यांचा सामना करावा लागत आहे. जिल्ह्यात २ लाख ७ हजार ८०७ प्रवाशांनी कार्डसाठी नोंदणी केली असली, तरी त्यापैकी ३८ हजार ३५२ कार्ड अद्याप सक्रिय झालेले नाहीत. त्यामुळे नोंदणी करूनही अनेक प्रवाशांना अपेक्षित सवलतीपासून वंचित राहावे लागत आहे.
06 Oct 2026 12:48 PM (IST)
सत्ताधाऱ्यांकडून उद्धव ठाकरे आणि उद्धव ठाकरेंच्या शिवसेना पक्षावर टीका झाल्यानंतर त्यांना आक्रमक भाषेत उत्तर देणारा नेता म्हणून ओळखला जाणारा, ठाकरेंच्या शिवसेनेचा उपनेता शरद विठ्ठल कोळी (वय ३७ . अर्धनारी, ता. मोहोळ, जि. सोलापूर) याच्यावर सोलापूर ग्रामीण पोलिसांनी अत्यंत कठोर कारवाई केली आहे. शरद कोळी याच्यावर महाराष्ट्र झोपडपट्टीदादा प्रतिबंधक आणि इतर विघातक कृत्यांना आळा घालणाऱ्या ‘एमपीडीए’ (MPDA) कायद्यानुसार कारवाई करण्यात आली आहे. त्यानुसार शरद कोळीला एका वर्षाकरिता पुण्यातील येरवडा मध्यवर्ती कारागृहात स्थानबद्ध करण्यात आले आहे.
06 Oct 2026 12:41 PM (IST)
इंडिया ब्लॉकच्या खासदारांच्या विरोधादरम्यान, लोकसभेतील विरोधी पक्षनेते राहुल गांधी आणि काँग्रेस खासदार प्रियंका गांधी वाड्रा आकाशवाणी भवनाच्या प्रवेशद्वारावर दाखल झाले. ते निवडणूक आयोगाच्या कार्यालयात पोहोचण्याचा प्रयत्न करत असताना पोलिसांनी त्यांना घेराव घातला. पण काही वेळात ते पोलिसांच्या हातून निसटले.
06 Oct 2026 12:36 PM (IST)
पुण्यातून एक मोठी बातमी समोर आली आहे. कोणतीही मान्यताप्राप्त वैद्यकीय पदवी नसताना तसेच रुग्णांवर उपचार करण्यासाठी आवश्यक प्रशिक्षण घेतलेले नसतानाही डॉक्टर असल्याचे भासवून उपचार करणाऱ्या व्यक्तीविरुद्ध फुरसुंगी पोलिसांनी गुन्हा दाखल केला आहे. भेकराईनगर परिसरात हा प्रकार समोर आला आहे. शहजाद इक्बाल मोहम्मद खान ऊर्फ राज पटेल (रा. खटीक मोहल्ला, सांगोद, कोटा, राजस्थान) असे गुन्हा दाखल झालेल्या व्यक्तीचे नाव आहे. याप्रकरणी डॉ. राजेश महादेव पाखरे (वय ४९, रा. मांजरी, पुणे-सोलापूर महामार्ग) यांनी फुरसुंगी पोलिसांकडे तक्रार दिली आहे.
06 Oct 2026 12:24 PM (IST)
प्रेमाच्या जाळ्यात ओढून एका डॉक्टरकडून तब्बल १४ लाख ३० हजार रुपये उकळल्याचा प्रकार धानोरी परिसरातून समोर आला आहे. पैसे न दिल्यास पोलिसांकडे तक्रार करून गुन्हा दाखल करण्याची धमकी देत ही रक्कम उकळल्याचा आरोप आहे. याप्रकरणी विश्रांतवाडी पोलिसांनी एका ३२ वर्षीय महिलेविरुद्ध गुन्हा दाखल केला आहे. रोहिणी सुकुमार खेमाणे (वय ३२, रा. सुघोष अपार्टमेंट, गोकुळनगर, धानोरी, विश्रांतवाडी) असे गुन्हा दाखल झालेल्या महिलेचे नाव आहे. याबाबत ४७ वर्षीय डॉक्टरांनी विश्रांतवाडी पोलीस ठाण्यात तक्रार दिली आहे.
06 Oct 2026 12:12 PM (IST)
कायदा व सुव्यवस्था राखण्यासाठी आलेल्या पोलिसालाच ८ जणांच्या टोळक्याने घेरून मारहाण केल्याचा प्रकार उघडकीस आला आहे. एवढ्यावर न थांबता एका आरोपीने रस्त्यावर पडलेला दगड उचलून त्याच्या डोक्यात घातला. डोक्यातून रक्त वाहू लागल्यानंतर जीव वाचविण्यासाठी धाव घेतलेल्या या अंमलदाराचा पाठलाग करून पुन्हा लाथाबुक्क्यांनी मारहाण करण्यात आली आहे. ही घटना ४ ऑक्टोबर रोजी रात्री ११.४५ वाजेच्या सुमारास छावणीतील नेहरु चौकात घडली आहे. कर्तव्यावर असलेल्या पोलिसालाच लक्ष्य करून झालेल्या या गंभीर हल्ल्याने छावणी परिसरात खळबळ उडाली आहे. या प्रकरणात पाच आरोपींना अटक करण्यात आली असून न्यायालयाने त्यांना दोन दिवसांची पोलीस कोठडी सुनावली आहे. नितीन चौधरी, ऋषभ यादव, ओमकार भंडारी, व्यंकटेश यादव आणि लखन यादव ऊर्फ बाबा अशी अटक आरोपींची नावे आहेत. तर आरोपी धिरज साकल, सागर केसरे आणि जगदीश यादव अशी पसार आरोपींची नावे असून पोलिस त्यांचा कसुन शोध घेत आहेत. छावणी ठाण्याचे अंमलदार दिपक भागवत सोनवणे यांनी फिर्याद दिली आहे.
06 Oct 2026 11:50 AM (IST)
बोरीवली पोलीस ठाण्यातील PSI ज्ञानेश्वर पराडेला लाच घेताना रंगेहाथ अटक करण्यात आली आहे. 1 लाख 30 हजारांची लाच स्वीकारताना ACB ने ही कारवाई केली. अटक न करण्यासाठी ज्ञानेश्वर पराडेने लाचेची मागणी केली होती. आरोपीचा मोबाईल जप्त करण्यात आला असून त्याच्या घराची झडती सुरु करण्यात आली आहे.
06 Oct 2026 11:45 AM (IST)
अभिनेत्री सोनाली बेंद्रेने बॉलिवूडमध्ये आपल्या अभिनयाची वेगळी ओळख निर्माण केली आहे. आता सोनाली बेंद्रे मराठी सिनेसृष्टीशी जोडली गेली असून, तिच्या प्रस्तुत ‘सोहळा’ या बहुप्रतिक्षित चित्रपटाचा ट्रेलर नुकताच प्रदर्शित झाला आहे. हळुवार नातेसंबंध, बालपण आणि ग्रामीण जीवनातील भावविश्वाची झलक दाखवणाऱ्या या ट्रेलरने प्रेक्षकांचे लक्ष वेधून घेतले आहे. ‘सोहळा’ हा चित्रपट १६ ऑक्टोबरला चित्रपटगृहात प्रदर्शित होणार आहे.
06 Oct 2026 11:35 AM (IST)
पावसातील दीर्घ खंडाचा फटका जिल्ह्यातील खरीप हंगामाला बसला असून, भोर, वेल्हा, खेड, शिरूर, दौंड, पुरंदर, बारामती आणि इंदापूर या आठ तालुक्यांमध्ये पीकनुकसानीचे पंचनामे सुरू करण्यात आले आहेत. संकटग्रस्त क्षेत्राचे अचूक मूल्यांकन करून पात्र शेतकऱ्यांपर्यंत मदत वेळेत पोहोचवण्याचे आव्हान प्रशासनासमोर आहे.
06 Oct 2026 11:25 AM (IST)
सरकारी नोकरीची इच्छा असणाऱ्या खेळाडूंसाठी केंद्रीय राखीव पोलीस दलातर्फे (CRPF) भरती काढण्यात आली आहे. सीआरपीएफने स्पोर्ट्स कोटा अंतर्गत हेड कॉन्स्टेबल आणि कॉन्स्टेबलच्या एकूण ५२१ पदांसाठी भरतीची अधिसूचना जारी केली आहे. या भरतीसाठी पुरुष आणि महिला दोन्ही उमेदवार अर्ज करू शकतात. अर्जाची प्रक्रिया १२ ऑक्टोबर २०२६ पासून सुरू होईल आणि उमेदवार ११ नोव्हेंबर २०२६ पर्यंत ऑनलाइन फॉर्म भरू शकतील. या भरतीसाठी अर्ज सीआरपीएफच्या अधिकृत वेबसाइट rect.crpf.gov.in द्वारे करता येईल. तसेच अर्ज जमा केल्यानंतर १२ ते १४ नोव्हेंबर २०२६ दरम्यान त्यात बदलही करता येणार आहेत.
06 Oct 2026 11:11 AM (IST)
सांगलीमध्ये इंजिनिअरिंगच्या 20 वर्षीय विद्यार्थिनीवर सामूहिक बलात्कार करण्यात आल्याची धक्कादायक घटना घडली. या घटनेमुळे सांगली हादरले. विद्यार्थिनीच्या दोन मित्रांनीच हे भयंकर कृत्य केल्याने एकच खळबळ उडाली आहे. विद्यार्थिनीला लॉजवर नेऊन तिच्यावर आरोपींनी आळीपाळीने बलात्कार केला. एवढ्यावर न थांबता आरोपींनी पीडित विद्यार्थिनीला जीवे मारण्याची धमकी दिली. तिने न घाबरता पोलिस ठाण्यात धाव घेत तक्रार दाखल केल्यानंतर हे प्रकरण समोर आले.






