शनिवार, 24 ऑक्टोबर 2026
Today's Maharashtra Breaking News Updates in marathi 24.10.2026
पंतप्रधान नरेंद्र मोदी आज महाराष्ट्र आणि गुजरात दौऱ्यावर असून, मुंबईतील ‘ग्लोबल फिनटेक फेस्ट २०२६’ चे उद्घाटन करणार आहेत.नेपाळ आणि तिबेट सीमेवरील प्रलयंकारी महापुरात मृतांचा आकडा १,३५५ च्या पार गेला असून सुमारे ४,९९६ लोक अजूनही बेपत्ता आहेत.
ईशान्य भारत आणि उत्तर भारतातील काही नद्यांच्या पाण्याच्या पातळीत वाढ झाल्यामुळे किनारपट्टीच्या भागांना पुन्हा एकदा खबरदारीचा इशारा देण्यात आला आहे. जागतिक तणाव आणि कच्च्या तेलाच्या किमती वाढल्यामुळे आज आठवड्याच्या दुसऱ्या दिवशी निफ्टी आणि सेन्सेक्समध्ये घसरणीचा कल दिसून येत आहे.
08 Sep 2026 05:58 PM (IST)
वसई-विरार शहरातील जिल्हा परिषद शाळांच्या इमारतींची अवस्था दिवसेंदिवस बिकट होत चालली आहे. कुठे भिंतींना तडे गेले आहेत, कुठे छताला गळती लागली आहे, तर कुठे इमारतीची अवस्था विद्यार्थ्यांसाठी धोकादायक बनली आहे.
आज आम्ही तुम्हाला अशाच एका जिल्हा परिषद मराठी शाळेची कहाणी दाखवणार आहोत. ही शाळा आहे विरार पूर्वेतील कोपरी गावातील जिल्हा परिषद मराठी शाळा......२००८ साली सुरू झालेल्या या शाळेत गावातील अनेक विद्यार्थ्यांनी शिक्षण घेत आपलं भविष्य घडवलं.
काळ बदलला... गावाचं शहरीकरण झालं... ग्रामपंचायतीपासून नगरपरिषद आणि त्यानंतर २००९ मध्ये वसई-विरार महानगरपालिकेची स्थापना झाली.
08 Sep 2026 05:47 PM (IST)
कल्याणमधील चिकन घर परिसरातील रस्त्यावर मोठमोठे खड्डे पडल्याने वाहनचालक आणि नागरिक त्रस्त झाले आहेत. या परिसरात चार ते पाच शाळा असून, रस्त्याच्या दुरवस्थेमुळे विद्यार्थ्यांनाही मोठ्या त्रासाला सामोरे जावे लागत आहे.
रस्त्यावरील खड्ड्यांच्या समस्येची दखल घेत मनसे पदाधिकारी विनोद केणे यांनी केडीएमसीच्या अधिकाऱ्यांना घटनास्थळी बोलावून घेतले. अधिकाऱ्यांना प्रत्यक्ष रस्त्याची पाहणी करून परिस्थिती दाखवण्यात आली.
यावेळी मनसे पदाधिकारी विनोद केणे यांनी संतप्त सवाल उपस्थित केला. “महापौरांच्या प्रभागात रात्रभर कामे सुरू असतात; मग शहरातील इतर भागांतील रस्त्यांची कामे करण्यासाठी आता १२२ नगरसेवकांना महापौर व्हावे लागेल का?” असा सवाल त्यांनी केडीएमसी अधिकाऱ्यांना केला.
08 Sep 2026 05:37 PM (IST)
अहिल्यानगर जिल्ह्यात गेल्या अनेक दिवसांपासून दडी मारलेल्या पावसाने आज अचानक हजेरी लावली. अहिल्यानगर शहरासह करंजी, तिसगाव आणि इतर परिसरात पावसाच्या हलक्या ते मध्यम स्वरूपाच्या सरी कोसळल्या. बऱ्याच दिवसांच्या विश्रांतीनंतर आलेल्या या पावसामुळे शेतकऱ्यांनी आनंद व्यक्त केलाय...
मात्र, हा पाऊस अगदी किरकोळ स्वरूपाचा असल्याने बळीराजा अजूनही चिंतेतच आहे. गेल्या अनेक दिवसांपासून शेतकरी मोठ्या पावसाची वाट पाहत आहेत. आज झालेल्या या अल्पशा पावसामुळे पिकांना तात्पुरता आधार मिळाला असला, तरी पिकांची पाण्याची गरज भागण्यासाठी मुसळधार पावसाची अत्यंत आवश्यकता आहे.
योग्य वेळी मोठा पाऊस झाला नाही, तर उभी पिके कोमेजून शेतीचे मोठे नुकसान होण्याची भीती शेतकरीवर्गाकडून व्यक्त केली जात आहे. त्यामुळे या किरकोळ हजेरीनंतर आता तरी दमदार पाऊस बरसेल का, याकडेच संपूर्ण नगर जिल्ह्यातील शेतकऱ्यांचे डोळे लागले आहेत.
08 Sep 2026 05:26 PM (IST)
उल्हासनगर : चालिया साहेब मटकी मेळा पर्वाच्या निमित्ताने शिवसेना शहर शाखेच्या वतीने सिंधी समाजातील भाविक व भगवान झूलेलाल भक्तांसाठी मोफत बससेवा सुरू करण्यात येणार आहे. शुक्रवार, १८ सप्टेंबर रोजी सकाळी ८ वाजल्यापासून ही सेवा सुरू होणार असून, उल्हासनगर कॅम्प-१ बस स्थानक ते कॅम्प-५ येथील चालिया साहेब मंदिरापर्यंत बससेवा उपलब्ध राहणार आहे.
या बससेवेच्या नियोजनासाठी गोल मैदान येथील खासदार डॉ. श्रीकांत शिंदे यांच्या कार्यालयात बैठक घेण्यात आली. शिवसेना महानगरप्रमुख तथा नगरसेवक राजेंद्र चौधरी आणि नगरसेवक राजेंद्रसिंह भुल्लर महाराज यांच्या नेतृत्वाखाली झालेल्या बैठकीत बससेवा सुरळीतपणे चालविण्यासह अधिकाधिक भाविकांना त्याचा लाभ मिळवून देण्याबाबत चर्चा करण्यात आली.
बैठकीला शिवसेना शहरप्रमुख सचिन कदम, नगरसेवक जमनादास पुरसवानी, जयकुमार केनी, कमलेश मेगानी, कैलास तेजी, नीलेश देशमुख, प्रमोद पांडे, प्रकाश सावकारे, राजू माने, अरुण तांबे, अनिल मराठे, नंदू म्हात्रे, ज्ञानेश्वर मरसाळे, विनोद सालेकर, महेंद्र पाटील, ज्ञानेश्वर करवांदे यांच्यासह शिवसेना पदाधिकारी उपस्थित होते.
08 Sep 2026 05:20 PM (IST)
कल्याण पश्चिमेतील रामबाग चार नंबर परिसरासह नगरसेवकांच्या कार्यालयासमोरील रस्त्यांवर मोठमोठे खड्डे पडले आहेत. याबाबत अनेकदा तक्रारी करूनही पालिका प्रशासनाकडून ठोस कार्यवाही होत नसल्याचा आरोप स्थानिक नगरसेविकांनी केला आहे.याच पार्श्वभूमीवर नगरसेविका स्वप्नाली केणे आणि अपर्णा भोईर यांनी पालिकेचे उपअभियंता रजपूत यांच्या कार्यालयात जाऊन अनोख्या पद्धतीने निषेध नोंदवला. खड्डे पडलेल्या रस्त्यांचे प्रतीक असलेली शाल अधिकाऱ्यांना परिधान करून त्यांचा ‘सत्कार’ करण्यात आला.नगरसेविकांच्या म्हणण्यानुसार, दोन दिवसांपूर्वीच दुरुस्त करण्यात आलेल्या रस्त्यांवर पुन्हा खड्डे पडले आहेत. गणेशोत्सवापूर्वी नागरिकांना खड्डेमुक्त रस्ते मिळावेत, अशी मागणी त्यांनी केली. तसेच रस्ते चांगल्या दर्जाचे झाले तर चांगली शाल आणून पुन्हा सत्कार करू, असा टोला देखील त्यांनी लगावला.गणेशोत्सवापूर्वी रस्त्यांची कामे पूर्ण न झाल्यास ठाकरे गटाच्या वतीने तीव्र आंदोलन छेडण्यात येईल, असा इशाराही महिला नगरसेविकांनी प्रशासनाला दिला आहे.
08 Sep 2026 05:08 PM (IST)
कल्याणमधील एका बेकरीवर एफडीएकडून करण्यात आलेल्या कारवाईनंतर कल्याण बेकरी असोसिएशनने बेकरीतील ओव्हन हटवून सीएनजीवर आधारित व्यवस्था सुरू करण्यासाठी केडीएमसीकडे मुदतवाढीची मागणी केली आहे.
यासंदर्भात कल्याण बेकरी असोसिएशनचे अध्यक्ष मुमताज अन्सारी यांनी केडीएमसीचे उपायुक्त कोकरे यांची भेट घेत त्यांना निवेदन साद केले. ओव्हनची पर्यायी व्यवस्था करण्यासाठी बेकरी व्यावसायिकांना काही कालावधीची मुदत देण्यात यावी, अशी मागणी या निवेदनाद्वारे करण्यात आली आहे.एफडीएच्या कारवाईनंतर बेकरी व्यावसायिकांमध्ये निर्माण झालेल्या परिस्थितीच्या पार्श्वभूमीवर असोसिएशनने ही मागणी केली असून, केडीएमसी प्रशासन याबाबत काय निर्णय घेते, याकडे बेकरी व्यावसायिकांचे लक्ष लागले आहे.
08 Sep 2026 05:00 PM (IST)
उल्हासनगर : किडनीच्या आजाराने त्रस्त असलेल्या रुग्णांसाठी नियमित डायलिसिस म्हणजे जगण्याचा आधार; मात्र खासगी रुग्णालयातील महागडे उपचार सर्वसामान्यांच्या आवाक्याबाहेर जातात. अशा रुग्णांना दिलासा देण्यासाठी उल्हासनगरच्या शासकीय मध्यवर्ती रुग्णालयात १३ बेडचे नवीन डायलिसिस सेंटर सुरू करण्यात आले आहे. या सेंटरमध्ये दररोज सुमारे ४० गरजू रुग्णांना मोफत डायलिसिसची सुविधा उपलब्ध होणार आहे.
खासदार डॉ. श्रीकांत शिंदे आणि आमदार कुमार आयलानी यांच्या विशेष प्रयत्नातून आणि जिल्हा नियोजन विकास समितीच्या (डीपीडीसी) मंजुरीने हे सेंटर साकारले आहे. मध्यवर्ती रुग्णालयात यापूर्वीही डायलिसिस सेंटर सुरू होते. मात्र ते वरच्या मजल्यावर असल्याने लिफ्ट बंद पडल्यास रुग्णांना मोठ्या गैरसोयीचा सामना करावा लागत होता. त्यात काही जुन्या डायलिसिस मशीन बंद पडल्याने रुग्णांच्या अडचणीत आणखी भर पडली होती.
08 Sep 2026 04:57 PM (IST)
पादचारी पूल किंवा भुयारी मार्गाचा वापर करून काही मिनिटे अधिक चालण्यापेक्षा थेट रूळ ओलांडण्याचा शॉर्टकट घेण्याची प्रवाशांची घाई जीवघेणी ठरत आहे. मुंबई विभागात रेल्वे सुरक्षा दलाने (आरपीएफ) केलेल्या कारवाईत जानेवारी ते जुलै २०२६ या सात महिन्यांत एकूण ८,४११ रूळ ओलांडण्याची प्रकरणे नोंदविण्यात आली. धक्कादायक म्हणजे यापैकी ४,५५० प्रकरणे एकट्या जुलै महिन्यातील आहेत. ही संख्या जानेवारी ते जून या सहा महिन्यांतील ३,८६१ प्रकरणांपेक्षा तब्बल ६८९ ने अधिक आहे. वाचा सविस्तर...
08 Sep 2026 04:47 PM (IST)
भारतीय न्यायाधीशांच्या ७५ वर्षांहून अधिकच्या न्यायालयीन इतिहासात, आजपर्यंत कोणत्याही महिलेने सर्वोच्च न्यायालयाचे सरन्यायाधीश पद भूषवलेले नाही. न्यायमूर्ती बी. व्ही. नागरत्ना यांच्या नियुक्तीमुळे ही परिस्थिती बदलण्याची शक्यता आहे. सध्याच्या ज्येष्ठता क्रमानुसार, न्यायमूर्ती विक्रम नाथ यांच्यानंतर न्यायमूर्ती नागरत्ना या सरन्यायाधीश पदाच्या पुढील दावेदार असल्याचे मानले जात आहे. महत्त्वाची बाब म्हणजे त्यांचा अपेक्षित कार्यकाळ सुमारे एक महिन्याचा आहे. न्यायमूर्ती नागरत्ना यांनी सर्वोच्च न्यायालयात दिलेले अनेक महत्त्वाचे निकाल आणि असहमतीचे निर्णयांमुळे त्यांना विशेष ओळख मिळवून दिली.
08 Sep 2026 04:37 PM (IST)
जुन्नर तालुक्यातील पिंपळवंडी येथील चिमुरडीवरील लैंगिक अत्याचार आणि हत्या प्रकरणाचा तपास पूर्ण करून पुणे ग्रामीण पोलिसांनी आरोपीविरुद्ध ६३३ पानी दोषारोपपत्र न्यायालयात दाखल केले आहे. आळेफाटा पोलिस ठाण्यात दाखल असलेल्या गुन्हाप्रकरणी २ सप्टेंबर २०२६ रोजी हे दोषारोपपत्र सादर करण्यात आले अशी माहिती पोलिसांनी सोमवारी दिली. आरोपी साहिल खैरे (वय २५) याच्या विरोधात हे आरोपपत्र दाखल करण्यात आले आहे. वाचा सविस्तर...
08 Sep 2026 04:27 PM (IST)
राज्यातील खासगी शिकवणी वर्गांवर नियंत्रण आणण्यासाठी शालेय शिक्षण व क्रीडा विभागाने तयार केलेल्या ‘महाराष्ट्र खासगी शिकवणी केंद्र अधिनियम २०२६’च्या मसुद्यावर आतापर्यंत तब्बल ११ हजार ४१० हरकती आणि सूचना प्राप्त झाल्या आहेत. या मसुद्याबाबत पालक, विद्यार्थी, शिक्षक, खासगी शिकवणी चालक तसेच अन्य भागधारकांना आपली मते मांडता यावीत, यासाठी हरकती-सूचना नोंदवण्याची मुदत आता १५ सप्टेंबरपर्यंत वाढविण्यात आली आहे. माध्यमिक व उच्च माध्यमिक शिक्षण संचालक डॉ. महेश पालकर यांनी प्रसिद्धिपत्रकाद्वारे ही माहिती दिली.
08 Sep 2026 04:17 PM (IST)
केंद्रीय प्रदूषण नियंत्रण मंडळाने घोषित केलेल्या ‘स्वच्छ हवा सर्वेक्षण-२०२६’च्या निकालांमध्ये नागपूर शहराने राष्ट्रीय स्तरावर यश संपादन केले आहे. १० लाखांपेक्षा जास्त लोकसंख्या असलेल्या शहरांच्या श्रेणीत नागपूरने १८३.८ गुणांसह देशात १० वा क्रमांक पटकावला. सोबतच राष्ट्रीय सर्वेक्षणात सहभागी महाराष्ट्रातील सर्व शहरांमध्ये नागपूरने तिसरा क्रमांक मिळवला.
08 Sep 2026 04:07 PM (IST)
शिवसेनेच्या धनुष्यबाण निवडणूक चिन्हावरून सुरू असलेल्या कायदेशीर लढाईला आता उद्धव ठाकरे यांनी नवा मुद्दा समोर आणला आहे. सर्वोच्च न्यायालयातील या प्रकरणाचा निकाल लागायला आणखी वेळ लागणार असेल, तर धनुष्यबाण निवडणूक चिन्हच गोठवून टाका, अशी मागणी ठाकरे यांनी केली आहे. मुंबईत घेतलेल्या पत्रकार परिषदेत त्यांनी ही भूमिका मांडली. उद्धव ठाकरे यांनी या प्रकरणाच्या लांबलेल्या सुनावणीवर नाराजी व्यक्त केली. ते म्हणाले, “या वादात जवळपास चार वर्षे गेली आहेत. या काळात लोकसभा, विधानसभा आणि स्थानिक स्वराज्य संस्थांच्या निवडणुकाही पार पडल्या आहेत. आम्हाला आमच्या पक्षाचं नाव आणि चिन्ह मिळायला पाहिजे. खरं म्हणजे या मागणीसाठी केस व्हायलाच नको होती,” असं म्हणत ठाकरे यांनी विरोधकांवर निशाणा साधला. वाचा सविस्तर...
08 Sep 2026 03:59 PM (IST)
अलिबाग: स्मार्ट मीटरच्या नावाखाली वीज ग्राहकांवर आर्थिक बोजा टाकला जात असल्याचा आरोप करत शेकापने महावितरण आणि राज्य सरकारविरोधात आक्रमक भूमिका घेतली आहे. स्मार्ट मीटरची सक्ती थांबवावी, बसविण्यात आलेले मीटर तपासून ग्राहकांच्या संमतीने हटवावेत आणि पूर्वीची बिलिंग पद्धत कायम ठेवावी, अशी मागणी शेकापने केली आहे. स्मार्ट मीटरच्या कंत्राटाची रक्कम, मीटरचे दर, प्रीपेड पद्धत आणि ग्राहकांवरील संभाव्य आर्थिक भार यावर पक्षाने गंभीर प्रश्न उपस्थित केले आहेत.
08 Sep 2026 03:55 PM (IST)
Wardha News : लवकरच गणेशोत्सव, नवरात्र ते थेट दिवाळीपर्यंत सण उत्सवांची रेलचेल राहणार आहे. या काळात विविध खादय पदार्थ व मिठाईची भेसळ रोखण्यासाठी अन्न औषधी प्रशासन विभागाने देखील कंबर कसली आहे. वर्धा जिल्ह्यात ऑगस्ट महिन्यात ५९ आस्थापनांची तपासणी करण्यात आली आहे. ३५ जणांना नोटीस बजावण्यात आली. ५ दुकानदारांना २७ हजार रुपयांचा दंड ठोठावण्यात आला आहे. ४ दुकानांचे परवाने निलंबित करण्यात आले आहे.
08 Sep 2026 03:40 PM (IST)
RTE Fee Reimbursement: शिक्षण हक्क कायद्यांतर्गत (आरटीई) खासगी विनाअनुदानित शाळांमध्ये राखीव असलेल्या २५ टक्के जागांवर प्रवेश घेतलेल्या विद्यार्थ्यांच्या शैक्षणिक शुल्काची प्रलंबित प्रतिपूर्ती निकाली काढण्यासाठी राज्य सरकारने आढावा समिती गठित केली आहे. शालेय शिक्षण विभागाने ७ सप्टेंबर रोजी शासन निर्णय जारी करून समितीच्या कार्यकक्षाही निश्चित केल्या आहेत. त्यामुळे अनेक वर्षांपासून प्रलंबित असलेल्या शुल्क प्रतिपूर्तीचा प्रश्न मार्गी लागण्याची शक्यता आहे.
08 Sep 2026 03:25 PM (IST)
Eiffel Tower Controversy : पॅरिसच्या जगप्रसिद्ध आयफेल टॉवरवरून सध्या फ्रान्समध्ये मोठा वाद निर्माण झाला आहे . हिंदू धार्मिक शिष्टमंडळाच्या खाजगी भेटीदरम्यान महिला कर्मचाऱ्यांना त्यांच्या कामाच्या ठिकाणाहून दूर ठेवण्यात आल्याचा आरोप करण्यात आला . या घटनेनंतर आयफेल टॉवरच्या कर्मचाऱ्यांनी तीव्र नाराजी व्यक्त करत कामबंद आंदोलन केले . प्रकरण वाढल्यानंतर पॅरिस प्रशासनानेही चौकशी सुरु केली आहे .
08 Sep 2026 03:15 PM (IST)
मागील काही काळापासून स्कायडायव्हिंग हा साहसी खेळ फार ट्रेडिंगमध्ये आहे. पॅराशूटच्या मदतीने लोक हजारो फूट उंचीवरुन जमिनीकडे झेप घेतात. हा खेळ कितीही रंजक आणि साहसी असला तरी यात जीवाचा धोका असल्याचे टाळता येत नाही. अलिकडेच एका स्कायडाव्हरसोबत एक गंभीर अपघात घडला. हवेत झेप घेतल्यानंतर स्कायडायव्हरला हवेतच चक्कर आली आणि ती पॅराशूट न उघडता १०,००० फूट खाली कोसळली. जमिनीच्या दिशेने वेगाने खाली जाताना तिला इतर स्कायडाव्हर्सने पाहिले पण यात ते महिलेला काहीच मदत करु शकले नाही. हतबल होऊन तिला जमिनीच्या दिशेने वेगाने पडताना पाहण्याखेरीज त्यांच्याकडे कोणताच दुसरा पर्याय नव्हता. महिला या अपघातातून आता काय परणार नाही आणि तिचा मृत्यू होणार असेच सर्वांना वाटत असते पण तितक्यात घडतो चमत्कार…
08 Sep 2026 03:07 PM (IST)
Women’s Asia Cup 2026: महिला आशिया चषक २०२६ मधील साखळी सामने आता अंतिम टप्प्यात आले असून स्पर्धेतील थरार कमालीचा वाढला आहे. आतापर्यंत तीन संघांनी चमकदार कामगिरी करत सेमीफायनलमध्ये आपले स्थान पक्के केले आहे. मात्र, सेमीफायनलमध्ये पोहोचणारा चौथा संघ कोणता असणार, हे अद्याप समोर आलेले नाही. दरम्यान, कर्णधार हरमनप्रीत कौरच्या नेतृत्वाखाली खेळणारा भारतीय महिला संघ आधीच सेमीफायनलमध्ये दाखल झाला आहे.
08 Sep 2026 02:50 PM (IST)
मराठा समाजाच्या मागण्यांबाबत सरकार वेळकाढूपणा करत असल्याचा आरोप करत मराठा आरक्षण आंदोलक मनोज जरांगे पाटील यांनी मुंबईत धडक देण्याची तयारी चालवली आहे. येत्या १२ सप्टेंबर रोजी मुंबईतील आंदोलनाची रणनीती ठरवण्यासाठी अंतरवालीत राज्यभरातील समाज बांधवाना येण्याचे आवाहन करण्यात आले आहे. एकीकडे मुंबईतील आंदोलनाची तयारी तर दुसरीकडे सरकारच्या वतीने गावागावात ग्रामपंचायतींवर मराठा-कुणबी नोंदींच्या याद्या लावण्याचा कार्यक्रमही हाती घेण्यात येणार आहे. यासाठी १० ते १७ सप्टेंबर दरम्यान सर्व तालुक्यांमध्ये मंडळनिहाय शिबीरे आयोजित करण्यात येणार आहेत.
08 Sep 2026 02:41 PM (IST)
साखर कारखाने लवकर सुरू करण्यास स्वाभिमानी शेतकरी संघटनेचा विरोध असेल, अशी भूमिका स्वाभिमानी शेतकरी संघटनेचे नेते राजू शेट्टी यांनी घेतली आहे. शेतकऱ्यांना विश्वासात घेतल्याशिवाय उसाचा हंगाम सुरू करू देणार नाही. साखर कारखाने लवकर सुरू केल्यास उताऱ्यामध्ये एक ते दीड टक्क्याचा फरक पडू शकतो. त्यामुळे शेतकऱ्याचे प्रति टन 600 रुपये नुकसान होणार शेतकऱ्यांचे होणारे नुकसान सरकार भरून देणार आहे का? असा सवाल उपस्थित करत शेट्टी यांनी आपला विरोध दर्शवला आहे.
08 Sep 2026 02:32 PM (IST)
मराठा आरक्षणाच्या मागणीसाठी मनोज जरांगे पाटील यांच्या आंदोलनाची तीव्रता वाढत आहे. या पार्श्वभूमीवर मुख्यमंत्री देवेंद्र फडणवीस यांच्या वर्षा निवासस्थानी मध्यरात्री उच्चस्तरीय बैठक पार पडली. या बैठकीला मुख्यमंत्री देवेंद्र फडणवीस यांच्यासह उपमुख्यमंत्री एकनाथ शिंदे, चंद्रशेखर बावनकुळे, उदय सामंत, राधाकृष्ण विखे पाटील यांच्यासह अनेक नेते उपस्थित होते. मराठा आरक्षणाच्या प्रश्नावर सरकारची पुढील भूमिका काय असावी या संदर्भात बैठकीत चर्चा झाल्याची माहिती आहे.
08 Sep 2026 02:20 PM (IST)
मुंबईत काँग्रेसचं वरातीमागून घोडं असल्याचं पाहायला मिळतंय. मुंबई काँग्रेसच्या अध्यक्षा वर्षा गायकवाड यांनी 79 जणांची पक्षातून हकालपट्टी केलीय. यात 2024 मध्ये पक्ष सोडलेल्या आणि भाजपच्या वतीनं महापालिका लढवलेल्या दोघांचीही हकालपट्टी करण्यात आलीय. त्यामुळे मुंबई काँग्रेसमध्ये नवा वाद पेटण्याची शक्यता आहे. खरंतर 2024 मध्ये पक्ष सोडलेल्या पदाधिकाऱ्यांवर 26 मध्ये कारवाई केल्यानं मुंबई काँग्रेसचं हे वरातीमागून घोडं नाही का अशी चर्चा रंगलीय.
08 Sep 2026 02:10 PM (IST)
गणेशोत्सवाच्या पार्श्वभूमीवर कोकणवासियांचा प्रवास सुखकर व्हावा यासाठी मुंबई-गोवा महामार्गाची दुरुस्ती सुरू झालीय. अवघ्या 6 दिवसांवर सण आल्यानं प्रशासकीय यंत्रणा दिवस-रात्र खड्डे बुजवण्यात व्यस्त आहे. रायगडच्या नागोठणे इथल्या धोकादायक पुलाजवळील सर्व्हिस रोडवर हे काम युद्धपातळीवर सुरुय.
08 Sep 2026 02:00 PM (IST)
आदित्य बिर्ला ग्रुपने आज अल्ट्राव्होल्ट या वायर्स अँड केबल्स व्यवसायाच्या लाँचची घोषणा केली, जो ग्रुपचा तीन वर्षांतील चौथा नवीन व्यवसाय ठरला आहे. १,८०० कोटी रुपयांच्या गुंतवणुकीचे पाठबळ असणारी अल्ट्राव्होल्ट क्षमतेनुसार अल्ट्राव्होल्ट वायर्स विभागामध्ये दुसरी सर्वात मोठी कंपनी असेल. अल्ट्राटेक सिमेंट लिमिटेड अंतर्गत असलेला हा व्यवसाय पुढील ५ वर्षांत एक मोठा राष्ट्रीय ब्रँड बनून अव्वल दोन कंपन्यांमध्ये स्थान मिळवण्याचे उद्दिष्ट ठेवतो. वायर्स आणि केबल्सच्या बाजारपेठेत अल्ट्राटेकचा प्रवेश हा त्याच्या बिल्डिंग सोल्यूशन्स धोरणानुसार ग्रे सिमेंट, रेडी-मिक्स काँक्रीट, बिल्डिंग प्रॉडक्ट्स आणि व्हाईट सिमेंटच्या पwiलीकडे जाऊन बांधकाम व्हॅल्यू चेनमध्ये आपला सहभाग वाढवतो.
08 Sep 2026 01:55 PM (IST)
मल्याळम सुपरस्टार मोहनलाल यांच्या आगामी ‘ऑपरेशन गंगा’ या चित्रपटाची सध्या जोरदार चर्चा सुरू आहे. भारतीय इतिहासातील महत्त्वाच्या रेस्क्यू मिशन्सपैकी एका मोहिमेवर आधारित असलेल्या या चित्रपटाचं दिग्दर्शन राष्ट्रीय पुरस्कार विजेते दिग्दर्शक विष्णू मोहन करत आहेत. श्री गोकुलम मूव्हीजच्या बॅनरखाली गोकुलम गोपालन या चित्रपटाची निर्मिती करत आहेत. २०२२ मध्ये झालेल्या रशिया-युक्रेन युद्धाच्या पार्श्वभूमीवर या चित्रपटाची कथा बेतलेली आहे.
08 Sep 2026 01:45 PM (IST)
“गुणरत्न सदावर्ते हे गाढविणीचं दूध पितात, त्यामुळे त्यांची बुद्धीही तशीच चालते,” असा खोचक टोला शरद पवार गटाचे आमदार रोहित पवार यांनी लगावला आहे. मनोज जरांगे पाटील मराठा आरक्षणासाठी उपोषण करत आहेत. मनोज जरांगे हे शरद पवारांच्या इशाऱ्यावर काम करतात, असा आरोप अॅड. गुणरत्न सदावर्तेंनी केला होता. सदावर्तेंच्या याच आरोपांना आता रोहित पवार प्रत्युत्तर दिलं आहे.
08 Sep 2026 01:40 PM (IST)
टीव्ही सेंटर परिसरातील शॉपिंग कॉम्प्लेक्ससमोर ७५ वर्षीय दिव्यांग भिक्षेकऱ्याची हत्या झाल्याची घटना सोमवारी उघडकीस आली आहे. दारूच्या नशेवरून झालेल्या वादातून एका तरुणाने वृद्धाच्या डोक्यात त्यांच्याच वॉकरने प्रहार केल्याचे प्राथमिक तपासात समोर आले आहे. घटनास्थळ परिसरातील सीसीटीव्ही फुटेज तपासत गुन्हे शाखेने अवघ्या काही तासांत संशयिताला अटक केली आहे. अकबर ऊर्फ बंटी अजीम पठाण (२३, रा. रशीदपुरा) असे संशयित आरोपीचे नाव आहे. त्याच्याविरोधात सिडको पोलिस ठाण्यात गुन्हा दाखल करण्यात आला आहे.
08 Sep 2026 01:35 PM (IST)
गोंदिया-बालाघाट राष्ट्रीय महामार्गावर नागरा परिसरात ट्रक आणि बोलेरो प्रवासी वाहनाची समोरासमोर झालेली भीषण धडक झाली. या अपघातात बोलेरोमधील सहा प्रवाशांचा जागीच मृत्यू झाला, तर सात जण गंभीर जखमी झाले आहेत. जखमींना तातडीने रुग्णालयात दाखल करण्यात आले असून त्यांच्यावर उपचार सुरू आहेत. मृत आणि जखमी प्रवाशांपैकी बहुतांश जण मध्य प्रदेशातील बालाघाट जिल्ह्यातील असल्याची प्राथमिक माहिती समोर आली आहे.
08 Sep 2026 01:30 PM (IST)
राज्यात अनुदानित वसतिगृहांत बनावट विद्यार्थी दाखवून शासकीय निधी लाटण्याचा प्रकार भारताचे नियंत्रक आणि महालेखापरीक्षकांच्या (कॅग) लेखापरीक्षणातून समोर आला. त्यानंतर खडबडून जागे झालेल्या सामाजिक न्याय विभागाने राज्यात 2388 अनुदानित वसतिगृहांची झाडाझडती सुरू केली. तपासणीत अनियमितता आढळल्याने समाज आयुक्तालयाने 37 अनुदानित वसतिगृहांवर बंदी घालण्याचा प्रस्ताव सामाजिक न्याय विभागाकडे पाठवला असल्याचे वृत्त आहे.
08 Sep 2026 01:25 PM (IST)
दक्षिण सोलापूर तालुक्यातील धोत्री येथील गोकुळ साखर कारखान्याकडे मागील तीन वर्षांपासून थकीत असलेले ऊस बिल मिळावे, या मागणीसाठी ऊस पुरवठा शेतकरी संघटना आणि गोकुळ थकीत ऊस बिल संघर्ष समितीच्या वतीने सोमवारी आक्रमक अर्धनग्न मोर्चा काढण्यात आला. चार हुतात्मा पुतळ्यापासून सुरू झालेला हा मोर्चा जिल्हाधिकारी कार्यालयाच्या पूनम गेटवर पोहोचला. यावेळी काही शेतकरी झाडावर चढून बसल्याने आंदोलनाला नाट्यमय वळण मिळाले.
08 Sep 2026 01:20 PM (IST)
टेक कंपनी शीओमीने त्यांचा पहिला वाइड डिस्प्लेवाला फोल्डेबल स्मार्टफोन लाँच केला आहे. चीनी कंपनीचा हा पहिला वाइड डिस्प्लेवाला फोल्डेबल स्मार्टफोन Xiaomi 18 Fold या नावाने लाँच करण्यात आला आहे. शाओमीचा हा स्मार्टफोन जुलै महिन्यात लाँच करण्यात आलेल्या Galaxy Z Fold 8 ला टक्कर देणार आहे.
08 Sep 2026 01:15 PM (IST)
११ सप्टेंबर २००१ रोजी अमेरिकेत झालेल्या दहशतवादी हल्ल्यांच्या तपासातील काही जुन्या पुराव्यांनी २५ वर्षांनंतर पुन्हा खळबळ उडवली आहे. BBC Panorama आणि Radio 4 च्या तपासानुसार, ९/११ पीडितांच्या कुटुंबीयांनी सौदी अरेबियाविरुद्ध दाखल केलेल्या सुमारे १ ट्रिलियन डॉलरच्या खटल्याशी संबंधित कागदपत्रे आणि व्हिडिओंमधून ओमर अल-बायोमीच्या संपर्कांबाबत नवी माहिती समोर आली आहे.
08 Sep 2026 01:08 PM (IST)
आज गाडी घ्यायची म्हटलं की पूर्वीसारखं फक्त पेट्रोल आणि डिझेल एवढाच पर्याय नाहीतर बाजारात अनेक पर्याय उपलब्ध झाले आहेत. तुम्हाला साधं पेट्रोल हवं असेल तर आहेच, परंतू कंपनीने फिटेड CNG पण खूप चांगला पर्याय झाला आहे, चार्जिंग न करता चालणारी स्ट्रॉंग हायब्रीड गाडी सुद्धा आली आहे.आणि इलेक्ट्रिक गाड्यांचा तर रोजचा खर्च सगळ्यात कमी आहे.
08 Sep 2026 01:01 PM (IST)
जुन्या भांडणातून तरुणाला ‘आज तुला मारून टाकतो,’ अशी धमकी देत पिस्तुलातून गोळीबार करून खुनाचा प्रयत्न केल्याची घटना आंबेगाव बुद्रुक परिसरात घडली आहे. सुदैवाने गोळी तरुणाला लागली नाही. याप्रकरणी आंबेगाव पोलिसांनी तिघांना अटक केली असून, आरोपी रेकॉर्डवरील गुन्हेगार असल्याची माहिती पोलिसांनी दिली. आतिष ऊर्फ मन्या उमेश मोरे, सोन्या हरीकाका कोंढरे आणि सूरज सुभाष डबळे अशी अटक करण्यात आलेल्या आरोपींची नावे आहेत. तर श्रेयश रुपेश काटे आणि दगड्या ऊर्फ ऋतिक बेलदरे यांच्याविरुद्ध गुन्हा दाखल करण्यात आला असून, पोलिस त्यांचा शोध घेत आहेत. याबाबत पौर्णिमा रामदास माने (वय ४३) यांनी आंबेगाव पोलिस ठाण्यात तक्रार दिली आहे. ही घटना आंबेगाव बुद्रुक येथील हरणाई कॉम्प्लेक्समध्ये ५ सप्टेंबर रोजी रात्री दीडच्या सुमारास घडली आहे.
08 Sep 2026 12:48 PM (IST)
श्वानाला घेऊन पहाटे फेरफटका मारण्यास निघालेल्या तरुणावर शस्त्राने वार करण्यात आल्याची घटना वानवडी परिसरात घडली आहे. याप्रकरणी दोघांना अटक करण्यात आली आहे. राहुल बाळकृष्ण गव्हाणे (वय ३६, रा. मारुती एनक्लेव्ह, वानवडी गाव) असे जखमी झालेल्याचे नाव आहे. या प्रकरणी मोहसीन खुदबुद्दीन शेख (वय २५), अनिकेत संजय वाघमारे (वय २०, दोघे रा. बालाजीनगर, धनकवडी) यांना अटक करण्यात आली आहे. याबाबत राहुल यांचा भाऊ निखिल (वय ३८) यांनी वानवडी पोलिस ठाण्यात तक्रार दिली आहे.
08 Sep 2026 12:36 PM (IST)
पुणे ग्रामीण पोलिसांनी एक मोठी कारवाई केली आहे. महाराष्ट्रासह मध्यप्रदेशात घरफोडीचे गुन्हे करणाऱ्या एका सराईत गुन्हेगाराला पुणे ग्रामीण पोलिसांच्या स्थानिक गुन्हे शाखेने बेड्या ठोकल्या आहेत. त्याच्याकडून १६ तोळे दागिने, दुचाकी असा मिळून २४ लाख ३० हजारांचा ऐवज जप्त केला आहे. दीपक भीमराव दांडगे (वय २५ रा. घुग्री, ता. भैसदेही सध्या रा. कविठा, आचलपूर, अमरावती ) असे अटक केलेल्या सराईताचे नाव आहे. त्याच्याकडून तीन गुन्हे उघडकीस आणण्यात आले आहेत. यापुर्वी त्याच्याविरूद्ध महाराष्ट्रासह मध्यप्रदेशात तब्बल १४ घरफोडीचे गुन्हे दाखल आहेत.
08 Sep 2026 12:24 PM (IST)
दहीहंडी उत्सवात विनापरवाना कार्यक्रमाचे आयोजन केल्याप्रकरणी बिबवेवाडीत एका मंडळाच्या अध्यक्षांसह लावणी नृत्यांगना राधा पाटील यांच्यावर गुन्हा दाखल करण्यात आला आहे. दहीहंडी उत्सवातील कार्यक्रमात अश्लील नृत्य प्रकारांना बंदी घालण्यात आली होती. कार्यक्रम सादर करणाऱ्या कलाकारांनी रंगभूमी प्रयोग परिनिरीक्षण प्रमाणपत्र सादर करण्याची अट घालण्यात आली होती. ती न पाळल्याने गुन्हा नोंदवण्यात आला आहे. याप्रकरणी राधा पाटील (मुंबई), तसेच बिबवेवाडीतील एम्पायर ग्रुपचे अध्यक्ष भूषण अभिमान सोनवणे (रा. अंबामाता मंदिराजवळ, सुखसागरनगर), आयोजक अमोल काटे (रा. कात्रज) यांच्याविरुद्ध गुन्हा दाखल करण्यात आला. याबाबत पोलिस हवालदार नंदलाल भादले यांनी बिबवेवाडी पोलिस ठाण्यात तक्रार दिली आहे.
08 Sep 2026 12:12 PM (IST)
चारित्र्यावर संशय घेऊन पत्नीचा धारदार शस्त्राने गळा चिरून खून करून पसार झालेल्या पतीला बावधन पोलिसांनी कर्नाटकातून अवघ्या २४ तासांच्या आत अटक केली आहे. पत्नीचा खून केल्यानंतर आरोपी पती हा कर्नाटकातील विजापूर येथे शेतात लपून बसला होता. पळून जाण्याच्या तयारीत असतानाच पोलिसांनी त्याला बेड्या ठोकल्या आहेत. निलाबाई परशुराम हरिजन, (वय ४२, रा. तोडकर वस्ती, भुगाव, बावधन) असे खून झालेल्या पत्नीचे नाव आहे. पती परशुराम भामण्णा हरिजन, (वय ४८) याला पोलिसांनी अटक केली आहे
08 Sep 2026 11:52 AM (IST)
मराठा समाजाच्या मागण्यांबाबत सरकार वेळकाढूपणा करत असल्याचा आरोप करत मराठा आरक्षण आंदोलक मनोज जरांगे पाटील यांनी मुंबईत धडक देण्याची तयारी चालवली आहे. येत्या १२ सप्टेंबर रोजी मुंबईतील आंदोलनाची रणनीती ठरवण्यासाठी अंतरवालीत राज्यभरातील समाज बांधवाना येण्याचे आवाहन करण्यात आले आहे.
08 Sep 2026 11:45 AM (IST)
शिवसेना भवनात आज ठाकरेंच्या शिवसेनेच्या पदाधिकाऱ्यांची बैठक आयोजित करण्यात आली आहे. पक्षाचे प्रमुख उद्धव ठाकरे यांच्या नेतृत्वात ही बैठक होणार असल्याची माहिती आहे.
08 Sep 2026 11:35 AM (IST)
साखर कारखाने लवकर सुरू करण्यास स्वाभिमानी शेतकरी संघटनेचा विरोध असेल, अशी भूमिका स्वाभिमानी शेतकरी संघटनेचे नेते राजू शेट्टी यांनी घेतली आहे. शेतकऱ्यांना विश्वासात घेतल्याशिवाय उसाचा हंगाम सुरू करू देणार नाही. साखर कारखाने लवकर सुरू केल्यास उताऱ्यामध्ये एक ते दीड टक्क्याचा फरक पडू शकतो. त्यामुळे शेतकऱ्याचे प्रति टन 600 रुपये नुकसान होणार शेतकऱ्यांचे होणारे नुकसान सरकार भरून देणार आहे का? असा सवाल उपस्थित करत शेट्टी यांनी आपला विरोध दर्शवला आहे.
08 Sep 2026 11:25 AM (IST)
भारतीय क्रिकेट संघाचा एकदिवसीय आणि कसोटी कर्णधार शुभमन गिल आज २७ वर्षांचा झाला. शुभमनचा जन्म ८ सप्टेंबर १९९९ रोजी पंजाबमधील फाजिल्का येथे झाला. शुभमनच्या वडिलांना लहानपणापासूनच क्रिकेटची आवड होती आणि त्यांनी शुभमनला क्रिकेटपटू बनवण्याची इच्छा व्यक्त केली होती. स्वतःचे स्वप्न पूर्ण करू न शकल्याने, त्यांनी आपला मुलगा शुभमनला क्रिकेटपटू बनवले.
08 Sep 2026 11:16 AM (IST)
पक्षविरोधी कारवायांच्या आरोपाखाली मुंबई काँग्रेसने ७९ माजी नगरसेवक आणि पदाधिकाऱ्यांवर ६ वर्षांच्या निलंबनाची कारवाई केली आहे. मुंबई काँग्रेसच्या अध्यक्षा वर्षा गायकवाड यांनी कायदेशीर नोटीसही पाठवल्याची माहिती आहे. महत्त्वाची बाब म्हणजे, निंलबित करण्यात आलेल्या काही नेत्यांनी एक-दोन वर्षांपूर्वीच काँग्रेसचा राजीनामा दिला होता. काँग्रेसच्या या निर्णयामुळे नव्या वादाची ठिणगी पडण्याची शक्यताही वर्तवण्यात येत आहे. पण त्याचवेळी माजी नेत्यांनीही संताप व्यक्त केला आहे.
08 Sep 2026 11:11 AM (IST)
शेर-ए-पंजाब टी२० लीगमध्ये दररोज रोमांचक सामने पाहायला मिळत आहेत. असाच एक थरार स्पर्धेच्या १७ व्या सामन्यात पाहायला मिळाला, जो फाजिल्का फाल्कन्स आणि अमृतसर सुरमा संघांमध्ये खेळला गेला. या सामन्यातील सर्वात मोठा रोमांच तेव्हा आला, जेव्हा भारतीय संघाचा कर्णधार शुभमन गिल आणि शक्तिशाली फलंदाज अभिषेक शर्मा एकमेकांसमोर उभे ठाकले. या सामन्यात गिलच्या संघाने प्रथम फलंदाजी केली. यापूर्वी लुधियाना लायन्सविरुद्धच्या सामन्यातही गिलने शानदार फलंदाजी केली होती. मात्र यावेळी अभिषेक शर्माच्या गोलंदाजीसमोर शुभमन गिलची विकेट पडलेली दिसून आली.
08 Sep 2026 11:09 AM (IST)
आंतरराष्ट्रीय साक्षरता दिन दरवर्षी 8 सप्टेंबर रोजी साजरा केला जातो. हा दिवस साक्षरतेचे महत्त्व आणि शिक्षणाचे अधिकार यावर जागरूकता वाढवण्यासाठी साजरा केला जातो. साक्षरता ही व्यक्तीच्या सामाजिक, आर्थिक आणि सांस्कृतिक प्रगतीसाठी अत्यंत महत्त्वाची आहे. साक्षरतेच्या अभावामुळे व्यक्ती आणि समाज दोघेही मागे राहू शकतात.
08 Sep 2026 10:56 AM (IST)
Sher-E-Punjab T20 League: शेर-ए-पंजाब टी२० लीगमध्ये दररोज रोमांचक सामने पाहायला मिळत आहेत. असाच एक थरार स्पर्धेच्या १७ व्या सामन्यात पाहायला मिळाला, जो फाजिल्का फाल्कन्स आणि अमृतसर सुरमा संघांमध्ये खेळला गेला. या सामन्यातील सर्वात मोठा रोमांच तेव्हा आला, जेव्हा भारतीय संघाचा कर्णधार शुभमन गिल आणि शक्तिशाली फलंदाज अभिषेक शर्मा एकमेकांसमोर उभे ठाकले. या सामन्यात गिलच्या संघाने प्रथम फलंदाजी केली. यापूर्वी लुधियाना लायन्सविरुद्धच्या सामन्यातही गिलने शानदार फलंदाजी केली होती. मात्र यावेळी अभिषेक शर्माच्या गोलंदाजीसमोर शुभमन गिलची विकेट पडलेली दिसून आली.
08 Sep 2026 10:50 AM (IST)
कंपनीने या नव्या ट्राय फोल्ड फोनचे बेस व्हेरिअंट चीनमध्ये CNY 19,999 म्हणजेच सुमारे 2.81 लाख रुपयांच्या सुरुवातीच्या किंमतीत लाँच केले आहे. यामध्ये 16GB रॅम आणि 256GB स्टोरेज ऑफर केले जात आहे. तर 512GB व्हेरिअंटची किंमत CNY 21,999 म्हणजेच सुमारे 3.09 लाख रुपये आणि 1TB स्टोरेज व्हेरिअंटची किंमत CNY 23,999 म्हणजेच सुमारे 3.38 लाख रुपये ठेवण्यात आली आहे. डिव्हाईसच्या प्रायव्हसी डिस्प्ले असलेल्या 1TB स्टोरेज असलेल्या व्हेरिअंटची किंमत CNY 24,999 म्हणजेच सुमारे 3.52 लाख रुपये आहे. तर टॉप-एंड कलेक्टर एडिशन मॉडेलची किंमत CNY 29,999 म्हणजेच सुमारे 4.22 लाख रुपये आहे, ज्यामध्ये 16GB रॅम आणि 2TB स्टोरेज आहे.
08 Sep 2026 10:40 AM (IST)
उत्तर प्रदेशसह पाच राज्यांमध्ये होणाऱ्या आगामी विधानसभा निवडणुका लक्षात घेता, जनगणना वेगाने केली जात आहे. मात्र, मणिपूरमधील जनगणना सध्यापुरती पुढे ढकलण्यात आली आहे. निवडणूक आयोग फेब्रुवारी-मार्च २०२७ मध्ये या पाच राज्यांमध्ये निवडणुका घेऊ शकतो, असे मानले जात आहे.
08 Sep 2026 10:30 AM (IST)
मालिकेच्या प्रोमोवर अभिनेत्री मेघा धाडे हिनेही खास कमेंट केली आहे. मेघाने उषा नाडकर्णींसाठी प्रेमाने ‘आऊ’ अशी कमेंट केली. त्यामुळे प्रोमोमध्ये दिसणारी ज्येष्ठ अभिनेत्री उषा नाडकर्णीच असल्याच्या चर्चांना आणखी बळ मिळालं आहे. उषा नाडकर्णी ‘धाकट्या सूनबाई’ या मालिकेत महत्त्वाची भूमिका साकारणार असल्याची चर्चा गेल्या काही दिवसांपासून सोशल मीडियावर सुरू आहे. आता झी मराठीच्या नव्या प्रोमोमुळे या चर्चांना पुन्हा हवा मिळाली आहे.
