Maharashtra Breaking News Updates Today: सोन्या - चांदीच्या दरात चढउतार सुरुच! भारतात किंचीत घसरले दर
09 Feb 2026 11:01 AM (IST)
व्हॅलेंटाईन वीक सुरु झाला आहे. या दिवसांमध्ये आपल्या पार्टनरला एक खास सरप्राईज द्यावं, त्याला गिफ्ट द्यावं, अशी अनेकांची इच्छा असते. पण आपल्या पार्टनरसाठी नक्की कोणतं गिफ्ट योग्य ठरेल, यामध्ये बरेच लोकं गोंधळलेले असतात. या व्हॅलेंटाईन वीकला तुम्ही तुमच्या पार्टनरला स्मार्टफोन गिफ्ट करू शकता. रोजच्या जीवनात फायदेशीर ठरणारं आणि सर्वच कामांसाठी उपयोगी असणारं गॅझेट म्हणजे स्मार्टफोन.
09 Feb 2026 10:52 AM (IST)
माढ्यामध्ये जिल्हा परिषद भोसरे गटात राष्ट्रवादी काँग्रेस पक्षाच्या अश्विनी दळवी विजयी झाल्या आहेत. अजित पवार यांच्या राष्ट्रवादी काँग्रेस पक्षाकडून दळवी यांनी ही निवडणूक लढवली होती.
09 Feb 2026 10:41 AM (IST)
बिग बॉस मराठी फेम आणि स्टार प्रवाह वाहिनीवरील ‘येड लागलं प्रेमाचं’ या लोकप्रिय मालिकेमुळे घराघरात पोहोचलेला अभिनेता विशाल निकम सध्या पुन्हा एकदा चर्चेत आला आहे. आपल्या अभिनयासोबतच वैयक्तिक आयुष्यामुळेही विशाल नेहमीच चाहत्यांचे लक्ष वेधून घेत असतो. सोशल मीडियावर प्रचंड सक्रिय असणारा विशाल गेल्या अनेक महिन्यांपासून एका मराठी अभिनेत्रीसोबतचे फोटो आणि व्हिडिओ शेअर करत होता. त्यामुळे तो त्या अभिनेत्रीसोबत रिलेशनशिपमध्ये असल्याच्या चर्चा रंगल्या होत्या. मात्र या चर्चांवर विशाल किंवा संबंधित अभिनेत्रीने कधीही अधिकृत भाष्य केले नव्हते.
09 Feb 2026 10:33 AM (IST)
अमेरिकेतील कुख्यात लैंगिक गुन्हेगार जेफ्री एपस्टीन (Jeffrey Epstein) संबंधित फाइल्सने जगभरात खळबळ माजवली आहे. आता जेफ्री बाबत आणखी एक धक्कादायक माहिती समोर आली आहे. या नव्या खुलाशानुसार, जेफ्री न्यू मेक्सिको येथील एका मोठ्या फार्म हाऊसमध्ये बेबी रँच बनवण्याच्या तयारीत होता. यासाठी त्याने एकाच वेळी २२ महिलांना गरदोर बनवण्याची योजना आखली होती. सध्या या खुलाशाने जगाला पुन्हा हादरवून सोडले आहे.
09 Feb 2026 10:24 AM (IST)
पिंपरी चिंचवड शहराच्या झपाट्याने वाढणाऱ्या लोकसंख्येच्या पार्श्वभूमीवर पाणीपुरवठा यंत्रणा अधिक सक्षम व सुरळीत ठेवण्याच्या दृष्टीने महापौर रवि लांडगे यांनी आज निगडी व चिखली येथील जलशुद्धीकरण केंद्रांना भेट देऊन प्रत्यक्ष पाहणी केली. या पाहणीदरम्यान शहराला लागणारी एकूण पाण्याची गरज, महापालिकेच्या वतीने सध्या करण्यात येणारा पाणीपुरवठा, तसेच भविष्यातील वाढती मागणी लक्षात घेता राबविण्यात येत असलेल्या व प्रस्तावित उपाययोजनांबाबत त्यांनी सविस्तर माहिती घेतली.
09 Feb 2026 10:16 AM (IST)
ज्येष्ठ अभिनेत्री नीना गुप्ता नेहमीच त्यांच्या उत्कृष्ट अभिनयासाठी ओळखल्या जातात. अभिनेत्रीचा नुकताच ‘वध २’ हा चित्रपट प्रदर्शित झाला आणि प्रेक्षक त्यांच्या या चित्रपटाला चांगला प्रतिसाद देत आहेत. नीना गुप्ता यांनी तिच्या कारकिर्दीतील एका काळाची आठवण करून दिली जेव्हा तिला न आवडणाऱ्या गोष्टी करायला भाग पाडले जात होते. तिने उघडपणे सांगितले की सेटवर तिला छळ सहन करावा लागला आणि आर्थिक अडचणींमुळे तिला आज पश्चात्ताप होत असलेल्या भूमिका करायला भाग पाडले.
09 Feb 2026 10:08 AM (IST)
जेव्हा एलन मस्कने अवकाशात १० लाख उपग्रहांचे एआय डेटा सेंटर नेटवर्क बांधण्याची योजना जाहीर केली तेव्हा अनेकांना वाटले की, ही त्यांची आणखी एक वेडी कल्पना आहे. आता, एका आठवड्याच्या कॉर्पोरेट वादविवाद, नियामक फाइलिंग आणि पॉडकास्ट खुलाशांनंतर, हे स्पष्ट झाले आहे की, मस्क थट्टा करत नाही. ते खरोखर कृत्रिम बुद्धिमत्ता पृथ्वीच्या पलीकडे नेऊ इच्छितात. यूएस फेडरल कम्युनिकेशन्स कमिशनकडे (एफसीसी) दाखल केलेल्या स्पेसएक्स योजनेत सौरऊर्जेवर चालणाऱ्या ऑर्बिटल एआय संगणकीय नेटवर्कचा प्रस्ताव आहे.
09 Feb 2026 09:40 AM (IST)
सोमवारी 9 फेब्रुवारी रोजी जागतिक बाजारात उत्साहवर्धक संकेत पाहायला मिळत आहेत. याचा परिणाम भारतीय शेअर बाजारावर देखील होणार आहे. आज ९ फेब्रुवारी रोजी भारतीय शेअर बाजारातील बेंचमार्क निर्देशांक, सेन्सेक्स आणि निफ्टी ५० सकारात्मक पातळीवर उघडणार असल्याची शक्यता वर्तवण्यात आली आहे. गिफ्ट निफ्टीवरील ट्रेंड देखील भारतीय बेंचमार्क निर्देशांकासाठी गॅप-अप सुरुवात दर्शवितात. गिफ्ट निफ्टी २५,९२६ च्या आसपास व्यवहार करत होता, जो निफ्टी फ्युचर्सच्या मागील बंदपेक्षा जवळजवळ १९१ अंकांचा प्रीमियम होता.
09 Feb 2026 09:30 AM (IST)
कधीकधी आपल्या निष्काळजीपणामुळे आपला जीवही जाऊ शकतो. त्यासाठी कोणतीही गोष्ट करताना आधी लक्षपूर्वक त्या गोष्टीचा विचार करायला हवा. आपल्या निष्काळजीपणाची अशीच एक मोठी किंमत एका तरुणाला मोजावी लागली आहे आणि या घटनेचा व्हिडिओ सध्या सोशल मिडियावर चांगलाच शेअर केला जात आहे. व्हिडिओमध्ये एक तरुण दुकानात उभा राहून फोनची बॅटरी तोंडात चावताना दिसतो आणि इथेच त्याची मोठी चूक होते. फोनची बॅटरी तोंडात घालणं एक धोकादायक कृती ठरते. परिणामी ती बॅटरी तरुणाच्या तोंडातच फुटली आणि त्याचे तोंड जळून निघाले. या घटनेचे सीसीटीव्ही फुटेज सोशल मिडियावर शेअर करण्यात आले असून घटनेचा व्हिडिओ चांगलाच व्हायरल होत आहे. चला व्हिडिओत नक्की काय घडलं ते जाणून घेऊया.
09 Feb 2026 09:20 AM (IST)
चेहऱ्यावर आलेल्या सुरकुत्या घालवण्यासाठी लवंगचा वापर करावा. यासाठी काचेच्या बरणीमध्ये लवंग, ३ टेबलस्पून बेबी ऑइल घालून त्यात कोरफड जेल, गुलाब पाणी, ग्लिसरीन, विटामिन बी कँप्सूल घालून एकत्र मिक्स करा. सर्व साहित्य व्यवस्थित मिक्स करून झाल्यानंतर तयार केलेले तेल संपूर्ण चेहऱ्यावर रात्री झोपण्याआधी लावावे. हातांवर तेल घेऊन हलक्या हाताने चेहऱ्यावर मसाज करावा. त्वचेवर मसाज केल्यामुळे रक्तभिसरण सुधारण्यास मदत होते आणि त्वचा अतिशय उठावदार दिसते. हा उपाय काही दिवस नियमित केल्यास त्वचेच्या बऱ्याच समस्यांपासून सुटका मिळेल आणि चेहऱ्यावर ग्लो येईल.
09 Feb 2026 09:09 AM (IST)
फहादने एका इव्हेंटमध्ये ‘अवेशम 2’ ची घोषणा केली आहे, या कार्यक्रमादरम्यान, दाक्षिणात्य अभिनेता फहाद फासिलच्या ‘आवेशम २’ चित्रपटाची घोषणा अभिनेत्याने स्वतः केली. पहिल्या चित्रपटाच्या यशानंतर, चाहते त्याच्या सिक्वेलची आतुरतेने वाट पाहत होते. आणि आता हा अॅक्शन-कॉमेडी चित्रपटाची रिलीज डेट स्वतः फहादने जाहीर केली आहे. २०२७ किंवा २०२८ मध्ये हा चित्रपट प्रदर्शित होण्याची शक्यता आहे.
09 Feb 2026 08:57 AM (IST)
Gold Rate Today: भारतात 9 फेब्रुवारी रोजी 24 कॅरेट सोन्याच्या प्रति ग्रॅमचा दर 15,659 रुपये, 22 कॅरेट सोन्याच्या प्रति ग्रॅमचा दर 14,354 रुपये आणि 18 कॅरेट सोन्याच्या प्रति ग्रॅमचा दर 11,744 रुपये आहे. भारतात 9 फेब्रुवारी रोजी 22 कॅरेट सोन्याच्या प्रति 10 ग्रॅमचा दर 1,43,540 रुपये, 24 कॅरेट सोन्याच्या प्रति 10 ग्रॅमचा दर 1,56,590 रुपये आणि 18 कॅरेट सोन्याच्या प्रति 10 ग्रॅमचा दर 1,17,440 रुपये आहे. भारतात 9 फेब्रुवारी रोजी चांदीचा भाव प्रति ग्रॅम 284.90 रुपये आणि प्रति किलोग्रॅम 2,84,900 रुपये आहे.
09 Feb 2026 08:47 AM (IST)
पाकिस्तान क्रिकेट बोर्डाचे प्रमुख मोहसीन नक्वी यांनी रविवारी लाहोरमध्ये बांगलादेश क्रिकेट बोर्डाचे अध्यक्ष अमिनुल इस्लाम आणि आयसीसीचे उपाध्यक्ष इम्रान ख्वाजा यांची भेट घेतली. भारताविरुद्धच्या टी-२० विश्वचषक सामन्यावर पाकिस्तानने बहिष्कार टाकण्याच्या प्रस्तावावर निर्माण झालेला पेच सोडवण्यासाठी प्रयत्न तीव्र झाले आहेत. ही बैठक गद्दाफी स्टेडियमवर झाली, ज्याचे फोटो पीसीबीने प्रसिद्ध केले आहेत. ख्वाजा पीसीबी अधिकाऱ्यांशी चर्चेसाठी लाहोरमध्ये पोहोचले आहेत आणि १५ फेब्रुवारी रोजी कोलंबो येथे होणाऱ्या भारत-पाकिस्तान सामन्यावरील पेच सोडवला जाऊ शकतो, ज्यामुळे सामना होण्याची आशा निर्माण झाली आहे.
09 Feb 2026 08:42 AM (IST)
Nigeriac Truck Crash : अबुजा : नायजेरियामध्ये एक थरकाप उडवणारी घटना घडली आहे. प्रवाशांनी भरलेला ट्रक पलटी झाला असून यामध्ये ३० जण जागीच ठार झाले आहे. नायजेरियाच्या कानो राज्यात ही घटना घडली आहे. बचाव आणि मदत पथक घटनास्थळी दाखल झाले असून जखमींना रुग्णालयात दाखल करण्यात येत आहे. या घटनेने संपूर्ण कानो राज्य हादरले आहे. कानोच्या गव्हर्नर कार्यलयाने या अपघाताची पुष्टी केली आहे.
09 Feb 2026 08:37 AM (IST)
छत्रपती संभाजीनगर: छत्रपती संभाजीनगर जिल्ह्यातील वाळूज परिसरात क्षणभराच्या निष्काळजीपणातून घडलेली एक धक्कादायक घटना समोर आली आहे. बेकायदेशीर पिस्तूल हाताळताना चुकून सुटलेल्या गोळीमुळे एका तरुणाला गंभीर दुखापत झाली असून या प्रकरणाने परिसरात मोठी खळबळ उडाली आहे. सुरुवातीला अज्ञात व्यक्तीकडून गोळीबार झाल्याची बनावट कथा सांगून पोलिसांची दिशाभूल करण्याचा प्रयत्न करण्यात आला होता, मात्र पोलिसांच्या सखोल चौकशीनंतर संपूर्ण सत्य उघडकीस आले.
Maharashtra to World Breaking News: टी-20 वश्वचषक सामना सुरु झाला आहे. काल झालेल्या श्रीलंका विरुद्ध आयर्लंड या सामन्यात श्रीलंकेने २०२६ च्या टी२० विश्वचषक स्पर्धेत आयर्लंडचा २० धावांनी पराभव करून पहिला विजय मिळवला. तर लोकप्रिय रिअॅलिटी शो बिग बॉस सिझन 6 मध्ये एंटरटेनमेंटची राणी राखी सावंतने एंट्री होणार आहे. राखी सावंत या सिझनमधील पहिली वाईल्ड कार्ड स्पर्धक आहे. तर भारतात सोन्याच्या आणि चांदीच्या दरात आज घसरण झाली असल्याचे पाहायला मिळत आहे.
.png "Videos"){kind=small}
