#BMCelection #MumbaiPolitics #ShivSena #MNS #GoldPrices #महापालिकानिवडणूक #पुणेमहापालिकानिवडणूक, #महाराष्ट्रस्थानिकस्वराज्यसंस्थानिवडणूक
30 Dec 2025 12:50 PM (IST)
नागपूर–वर्धा रोडवरील जुनापाणी गावाजवळ पहाटे ट्रॅव्हल्सने ट्रकला पाठीमागून जोरदार धडक दिली. भीषण अपघातात 3 जणांचा जागीच मृत्यू झाला, तर 25 प्रवासी गंभीर ते किरकोळ जखमी झाले. जखमींवर नागपूरमधील रुग्णालयात उपचार सुरू आहेत.
30 Dec 2025 12:45 PM (IST)
बुलढाण्याच्या मेहकरमध्ये पत्नीच्या चारित्र्यावर संशय घेत पतीने झोपेत असलेल्या पत्नी रूपाली आणि 4 वर्षीय मुलगा रियांश यांची कुऱ्हाडीने निर्घृण हत्या केली. या घटनेने संपूर्ण परिसरात खळबळ उडाली आहे.
30 Dec 2025 12:41 PM (IST)
नंदुरबारच्या अक्कलकुवा तालुक्यातील सोरापाडा–वरखेडी नदीपात्रात 6–7 महिन्यांच्या पुरुष अर्भकाचा मृतदेह आढळला. अज्ञात पालकांनी मृतदेहाची विल्हेवाट लावल्याचा संशय असून पोलिसांनी गुन्हा दाखल करून शोध सुरू केला आहे.
30 Dec 2025 12:05 PM (IST)
कोल्हापूर महानगरपालिकेत काँग्रेसचे 69 उमेदवार अर्ज दाखल करणार आहेत. तर याआधी काँग्रेसने पहिली आणि दुसरी यादी जाहीर केली आहे. मात्र आता काँग्रेस तिसरी यादी जाहीर न करता उमेदवारांना थेट एबी फॉर्म देणार असून यात आणखी नव्या 12 उमेदवारांना संधी मिळणार आहे. 81 जागांपैकी काँग्रेस 69 जागांवर तर शिवसेना 11 जागांवर निवडणूक लढवणार आहे.
30 Dec 2025 11:55 AM (IST)
शिंदेंच्या सेनेचे चार नगरसेवक लढणार राष्ट्रवादी अजित पवार पक्षातून..
राजन किने अनिता किने मोरेश्वर किने या सर्वच माजी नगरसेवकांनी राष्ट्रवादी अजित पवार पक्षाचा एबी फॉर्म स्वीकारला असून येणाऱ्या महानगरपालिकेच्या निवडणुकींना शिंदेंची साथ सोडत राष्ट्रवादी अजित पवार पक्षातून निवडणुकीला सामोरे जाणार आहेत..
मुंब्रा शिवसेना शाखेचा वादामध्ये राजन किने यांचा मोठा सहभाग होता मुंब्रा मध्ये शिवसेनेला वाढवण्यामध्ये त्यांचे मोठे योगदान ठरले आहे.. त्यांच्या या निर्णयामुळे मुंब्रातील राजकीय खेळी बदलण्याची शक्यता..
30 Dec 2025 11:45 AM (IST)
बांगलादेशच्या पहिल्या महिला पंतप्रधान खालिदा झिया यांचं वयाच्या 80 व्या वर्षी निधन झालं. त्यांच्या निधनाची बातमी बीएनपी पक्षानं दिली. मागील अनेक दिवसांपासून त्यांची प्रकृती चिंताजनक होती. ढाका येथील एव्हरकेअर रुग्णालयात उपचार सुरू असतानाच त्यांची प्राणज्योत मालवली. खालिदा झिया यांचे पती झियाउर रहमान बांगलादेशच्या स्वातंत्र्यलढ्यातील महत्त्वाचे आणि अग्रगण्य व्यक्ती होते. ते 1977 मध्ये बांगलादेशचे राष्ट्राध्यक्ष होते.
30 Dec 2025 11:43 AM (IST)
PMC Election 2026: पुणे महानगरपालिका निवडणुकीसाठी भाजप आणि एकनाथ शिंदे यांच्या शिवसेनेत युती होणार, अशी चर्चा गेल्या काही दिवसांपासून सुरू होती. युतीच्या पार्श्वभूमीवर दोन्ही पक्षांमध्ये बैठका, जागावाटप आणि उमेदवारांबाबत चर्चा देखील पार पडल्या होत्या. मात्र अपेक्षित जागा न मिळाल्याने पुण्यात भाजप–शिवसेना युती फिस्कटल्याची माहिती समोर आली आहे.
विश्वसनीय सूत्रांनुसार, पुण्यात भाजप आणि शिंदेंच्या शिवसेनेची युती होणार नसून शिवसेना ही महापालिकेची निवडणूक स्वतंत्रपणे लढवणार आहे. भाजपकडून केवळ 16 जागांची ऑफर देण्यात आल्याने स्वतंत्रपणे निवडणूक लढवण्याचा निर्णय घेण्यात आल्याची माहिती शिवसेना नेते नाना भानगिरे यांनी दिली आहे.
30 Dec 2025 11:41 AM (IST)
प्रभाग 9 : सुस बाणेर पाषाण
अमोल बालवडकर, गणेश कळमकर, मयुरी राहुल कोकाटे, रोहिणी चिमटे
प्रभाग 10 : बावधन- भुसारी
किरण दगडे, दिलीप वेडे, अल्पना गणेश वर्पे, रूपाली सचिन पवार
प्रभाग 11 : रामबाग कॉलनी- शिवतीर्थनगर
अजय मारणे, शर्मिला नितीन शिंदे, अभिजित राऊत
प्रभाग 29 : डेक्कन जिमखाना- हॅप्पी कॉलनी
मिताली कुलदीप साळवेकर, पुनीत जोशी, सुनील पांडे, मंजुश्री खर्डेकर
प्रभाग 30: कर्वेनगर -हिंगणे होम कॉलनी
राजाभाऊ बराटे, सुशील मेंगडे, तेजश्री महेश पवळे, रेश्मा संतोष बराटे
प्रभाग 31 : मयुर कॉलनी- कोथरूड
अधिक वाचा पवारांना सोडताच प्रशांत जगतापांचा पक्ष अन् 2029 चे मोठे लक्ष्य ठरल; मुंबईत यांच्या उपस्थितीत होणार प्रवेश?
पृथ्वीराज सुतार, निलेश कोंढाळकर, वासंती जाधव, हर्षाली माथवड
प्रभाग 32 : वारजे – पॉप्युलरनगर
भारतभूषण बराटे, सायली वांजळे, सचिन दोडके, हर्षदा शंतनु भोसले
30 Dec 2025 11:40 AM (IST)
उपमुख्यमंत्री अजित पवार यांच्या निवासस्थानी एबी फॉर्मचं वाटप सुरू असून अजितदादांच्या भेटीसाठी जिजाऊ निवासस्थानी कार्यकर्ते पदाधिकाऱ्यांनी मोठी गर्दी केली आहे. रुपाली ठोंबरे, माजी आमदार सुनील टिंगरे यांच्यासह अनेक नेते देखील जिजाऊवर अजित पवारांच्या भेटीसाठी आले आहेत.
30 Dec 2025 11:30 AM (IST)
अहिल्यानगरमध्ये ऐन महापालिका निवडणुकीच्या तोंडावर ठाकरेंच्या शिवसेनेचे महाराष्ट्र प्रदेश सहसचिव विक्रम राठोड यांनी राजीनामा दिला आहे. पक्षामध्ये सन्मानजनक वागणूक मिळत नसल्याचा आरोप करत त्यांनी राजीनामा दिला असून ते लवकरच शिंदेंच्या शिवसेनेमध्ये करणार प्रवेश करणार असल्याची माहिती समोर आली आहे.
30 Dec 2025 11:20 AM (IST)
नागपूरात महाविकास आघाडीमध्ये फूट पडण्याची शक्यता आहे. ठाकरे सेना वबळावर लढण्याची शक्यता व्यक्त केली आहे. जागा वाटपावरून काँग्रेस उबाठा मध्ये रस्सीखेच सुरू आहे, 4 ते 5 जागांसाठी आघाडी तुटण्याची शक्यता आहे. आजच्या बैठकीत तोडगा न निघणार का? हे लवकरच समजेल.
30 Dec 2025 11:15 AM (IST)
शिवसेनेतून राष्ट्रवादीत प्रवेश करणाऱ्या सुरज लोखंडे यांना उमेदवारी न मिळाल्याने पुन्हा शिवसेनेत घर वापसी केली आहे. दोन दिवसांपूर्वी सुरज लोखंडे यांनी अजित पवार यांच्या राष्ट्रदादांच्या राष्ट्रवादीत प्रवेश केला होता.
30 Dec 2025 10:59 AM (IST)
सातारा जिल्ह्यातून एक धक्कदायक घटना समोर आली आहे. एका तरुणाला बेदम मारहाण करण्यात आल्याचे समोर आले आहे. या मारहाणीत तरुणाचा दुर्दैवी मृत्यू झाला. ही घटना खंडाळा तालुक्यातील शिरवळ येथे शनिवारी मध्यरात्री २ वाजताच्या सुमारास घडली. संशयित आरोपी हे खंडाळा तालुक्यातील पळशीतील असल्याची माहिती समोर आली आहे. पोलिसांनी आरोपीला अटक केली आहे. या घटनेने ग्रामस्थ संतापले असून ग्रामस्थांनी शिरवळ बंदची हाक दिली आहे. या घटनेत मृत्यू झालेल्या तरुणाचे नाव अतिश अशोक राऊत (वय 23) असे आहे.
30 Dec 2025 10:54 AM (IST)
रिअॅलिटी टीव्ही जज आणि डान्सर मलायका अरोरा यांनी तिचा मुलगा अरहान खानसह “स्कार्लेट हाऊस” हे आलिशान रेस्टॉरंट सुरू केले आहे. मुंबईतील वांद्रे येथील पाली व्हिलेजमधील ९० वर्षे जुन्या इंडो-पोर्तुगीज बंगल्यात असलेले हे रेस्टॉरंट शहरातील सेलिब्रिटींसाठी एक आवडते जेवणाचे ठिकाण बनले आहे. स्कारलेट हाऊस शाकाहारी आणि मांसाहारी दोन्ही प्रकारचे जेवण इथे उपलब्ध आहे. ज्याच्या किमती प्रभावी आहेत, जसे की मसाला खिचडी ₹५५० ला, शॅम्पेन ₹२०,९०० ला आणि ‘एंटी एजेंट’ पाणी ₹३५० ला अन्नपदार्थांच्या किमती चकीत करणाऱ्या आहेत.
30 Dec 2025 10:49 AM (IST)
बांगलादेशच्या (Bangladesh) माजी महिला पंतप्रधान आणि BNP अध्यक्षा खालिदा जिया (Khaleda Zia) यांचे निधन झाले आहे. वयाच्या ८० व्या वर्षी त्यांनी अखेरचा श्वास घेतला. गेल्या अनेक दिवसांपासून त्या आजारी होत्या. लंडनच्या रुग्णालयात त्या उपचार घेतल होते. त्यांना गेल्या २० दिवसांपासून व्हेंटिलेटरवर ठेवण्यात आले होते. मंगळवारी (३० डिसेंबर २०२५) पहाटे ६ वाजता त्यांनी अखेरचा श्वास घेतला.
30 Dec 2025 10:41 AM (IST)
मुंबई महानगरपालिकेच्या निवडणुकीसाठी भारतीय जनता पक्षाकडून पहिली 86 उमेदवारांची यादी जाहीर करण्यात आली आहे. या यादीत तेजस्वी घोसाळकर, गणेश खणकर, मनिषा यादव, मिलिंद शिंदे, नवनाथ बन, आकाश पुरोहित यांच्यासह अनेक प्रमुख नावांचा समावेश आहे.
30 Dec 2025 10:33 AM (IST)
फ्री फायर मॅक्समध्ये स्टेप अप इमोट्स इव्हेंट आता लाईव्ह झाला आहे. या इव्हेंटमध्ये सहभागी होणाऱ्या प्लेअर्सना अनेक नवीन ईमोट्स जिंकण्याची संधी मिळणार आहे. या ईमोट्समध्ये गॅदर अराऊंड ईमोट, स्प्रिंग रॉकर ईमोट आणि गिडी अप ईमोट इत्यादींचा समावेश आहे. फ्री फायर मॅक्स भारतातील प्रसिद्ध बॅटल रॉयल गेम आहे. या गेममध्ये विविध प्रकारचे गेमिंग आयटम्स समाविष्ट आहेत. ज्यांच्या मदतीने तुम्ही तुमचा गेमिंगचा अनुभव अधिक चांगला करू शकता. तसेच तुमच्या शत्रूंवर विजय देखील मिळवू शकता.
30 Dec 2025 10:26 AM (IST)
२०२६ च्या महिला प्रीमियर लीग हंगामापूर्वी मुंबई इंडियन्सने त्यांच्या प्रशिक्षकांना बळकटी दिली आहे, त्यांनी माजी ऑस्ट्रेलियन लेग-स्पिनर क्रिस्टन बीम्सची फिरकी गोलंदाजी प्रशिक्षक म्हणून नियुक्ती केली आहे. बीम्सने २०१४ ते २०१७ दरम्यान कांगारूंसाठी सर्व फॉरमॅटमध्ये खेळले. तिच्याकडून संघात आंतरराष्ट्रीय अनुभव आणण्याची अपेक्षा आहे, संघ आपले जेतेपद राखण्याची तयारी करत आहे.
30 Dec 2025 10:17 AM (IST)
धडगाव तालुक्यातील तलई येथील शासकीय आदिवासी आश्रमशाळेत इयत्ता आठवीत शिक्षण घेणाऱ्या विद्यार्थिनीवर झालेल्या अत्याचार प्रकरणाने संपूर्ण जिल्ह्यात खळबळ उडाली. अत्यंत गंभीर स्वरूपाच्या या घटनेची दखल घेत प्रशासनाने कठोर कारवाई करत संबंधित मुख्याध्यापक आणि महिला अधीक्षिका या दोघांनाही तात्काळ निलंबित केले आहे. या प्रकरणामुळे आश्रमशाळांमधील विद्यार्थ्यांच्या विशेषतः विद्यार्थिनींच्या सुरक्षेबाबत पुन्हा एकदा प्रश्नचिन्ह निर्माण झाले आहे.
30 Dec 2025 10:09 AM (IST)
नुकत्याच समोर आलेल्या धक्कादायक वृत्तानुसार, हेमलता बाणे पाटकर (३९) ही मराठी अभिनेत्री दहा कोटी रुपयांच्या खंडणी प्रकरणात मुंबई पोलिसांनी तिला अटक केली आहे. तसेच अभिनेत्रीसोबत अमरीना मॅथ्यू फर्नांडिस अश्या आणखी एक महिलेला अटक करण्यात आली आहे. गोरेगाव इथल्या एका बांधकाम व्यावसायिकाकडून दहा कोटी रुपयांची खंडणी मागितल्याचा आरोप या दोघींवर करण्यात आला आहे. हेमलताच्या अटकेनंतर याबद्दलही चर्चा झाली आहे, ती ‘आई कुठे काय करते’मध्ये झळकलेल्या ज्येष्ठ अभिनेत्री अर्चना पाटकर यांची सून आहे. याप्रकरणी आता स्वत: अर्चना यांनी पोस्ट शेअर करत आपले मत मांडले आहे.
30 Dec 2025 09:59 AM (IST)
Gold Rate Today: भारतात 30 डिसेंबर रोजी 24 कॅरेट सोन्याच्या प्रति ग्रॅमचा दर 13,924 रुपये, 22 कॅरेट सोन्याच्या प्रति ग्रॅमचा दर 12,764 रुपये आणि 18 कॅरेट सोन्याच्या प्रति ग्रॅमचा दर 10,443 रुपये आहे. भारतात 30 डिसेंबर रोजी 22 कॅरेट सोन्याच्या प्रति 10 ग्रॅमचा दर 1,27,640 रुपये, 24 कॅरेट सोन्याच्या प्रति 10 ग्रॅमचा दर 1,39,240 रुपये आणि 18 कॅरेट सोन्याच्या प्रति 10 ग्रॅमचा दर 1,04,430 रुपये आहे. भारतात 30 डिसेंबर रोजी चांदीचा भाव प्रति ग्रॅम 257.90 रुपये आणि प्रति किलोग्रॅम 2,57,900 रुपये आहे.
30 Dec 2025 09:56 AM (IST)
Who is Kristen Beams? : महिला प्रीमियर लीग 2026 सुरू व्हायला काही दिवस शिल्लक राहिले आहेत. भारतीय संघ सध्या श्रीलंकेविरुद्ध मालिका खेळण्यात व्यस्त आहे. भारताच्या संघाने श्रीलंकेविरुद्ध मालिकेमध्ये कमालीची कामगिरी केली आहे, ही मालिका झाल्यानंतर सर्व खेळाडू हे महिला प्रिमियर लीगच्या नव्या सिझनची सुरुवात नव्या वर्षात करणार आहे. अनेक खेळाडूंचे या नव्या सिझनमध्ये संघ बदलेले पाहायला मिळणार आहेत.
30 Dec 2025 09:53 AM (IST)
भारत विरुद्ध न्यूझीलंड यांच्यामध्ये तीन सामन्यांची एकदिवसीय मालिका त्याचबरोबर विश्वचषकाआधी भारतीय संघाची न्यूझीलंडविरुद्ध टी20 मालिका खेळवली जाणार आहे. यासाठी अजूनपर्यत एकदिवसीय संघाची घोषणा केलेली नाही. सोशल मिडियावर सध्या जसप्रीत बुमराह न्यूझीलंडविरुद्ध एकदिवसीय मालिका खेळणार की नाही याकडे सर्वाचे लक्ष लागले आहे. भारतीय क्रिकेट संघाचा स्टार वेगवान गोलंदाज जसप्रीत बुमराहने सोमवारी त्याच्या चाहत्यांना आणि क्रिकेटपटूंनाही आश्चर्यचकित केले.
30 Dec 2025 09:50 AM (IST)
पुणे : गेल्या काही दिवसांपासून राजकारणात विविध घडामोडी घडत आहेत. महापालिका निवडणुका जाहीर झाल्यापासून सर्वच पक्षांकडून जोरदार तयारी केली जात आहे. महापालिका निवडणुकांसाठी उमेदवारी अर्ज भरण्यासाठी अवघे दोन दिवस उरले असतानाही अद्याप उमेदवाऱ्या निश्चित न झाल्याने इच्छुकांची चांगलीच घालमेल होतानाचे चित्र दिसून येते. त्यातच, मुंबई आणि पुण्यातील महापालिका निवडणुकांकडे राज्याचे लक्ष लागले आहे.
30 Dec 2025 09:46 AM (IST)
रायगड: रायगडच्या खोपोलीतून एक धक्कदायक घटना समोर आली आहे. ऐन महानगरपालिका निवडणुकीच्या तोंडावर मंगेश काळोखे यांची हत्या करण्यात आली. मंगेश काळोखे हे खोपोलीच्या शिवसेना शिंदे गटाच्या नगरसेविका मानसी काळोखे यांचे पती होते. या हत्या प्रकरणामुळे राजकीय वातावरण चांगलाच तापलं असून संपूर्ण राज्यात खळबळ उडाली आहे. २६ डिसेंबरला मंगेश काळोखे यांची हत्या करण्यात आली होती. या हत्येचा सीसीटीव्ही व्हिडीओ देखील समोर आला आहे. पोलिसांनी ९ आरोपीला अटक केली आहे. आता कर्जत- खालापूर शिवसेनेचे आमदार महेंद्र थोरवे यांनी खळबळजनक प्रतिक्रिया दिली आहे. मंगेश काळोखे यांच्या हत्येचं बीड कनेक्शन असल्याचा थेट आरोप थोरवे यांनी केला आहे.
30 Dec 2025 09:43 AM (IST)
Attack on Vladimir Putins’ House : मॉस्को : एक मोठे वृत्त समोर आले आहे. रशियाचे राष्ट्राध्यक्ष व्लादिमिर पुतिन (Vladimir Putin) यांच्या रहिवाशी घरावर हल्ला झाला आहे. रशियाचे परराष्ट्र मंत्री सर्गेई लाव्हरोव्ह यांनी युक्रेनने नोवगोरोड प्रांतातील पुतिन यांच्या सरकारी निवासस्थानावर हल्ला केला असल्याचे म्हटले आहे. यामुळे मोठी खळबळ उडाली आहे.
30 Dec 2025 09:17 AM (IST)
मुंबई : भारतीय क्रिकेट संघाचे मुख्य प्रशिक्षक गौतम गंभीर यांच्याबाबत सध्या मोठ्या प्रमाणावर चर्चा सुरू आहे. भारतीय क्रिकेट नियामक मंडळ (BCCI) त्यांना कसोटी संघाच्या प्रशिक्षकपदावरून हटवू शकते, अशा बातम्यांमुळे क्रिकेट वर्तुळात खळबळ उडाली आहे. या पार्श्वभूमीवर इंग्लंडचे माजी क्रिकेटपटू माँटी पानेसर यांनी गौतम गंभीर यांना रणजी ट्रॉफीमध्ये प्रशिक्षकपद स्वीकारण्याचा सल्ला दिला आहे.
30 Dec 2025 09:15 AM (IST)
Reserve Bank Of INDIA : रिझर्व्ह बँक ऑफ इंडिया (RBI) ही देशातील बँका आणि वित्तीय संस्थांची नियामक संस्था म्हणून काम करते. बँकिंग नियमन कायद्याचे पालन होत आहे की नाही, याची तपासणी आरबीआयकडून वेळोवेळी केली जाते. या पार्श्वभूमीवर आरबीआयनं 29 डिसेंबर रोजी जारी केलेल्या प्रसिद्धीपत्रकानुसार तीन बँका आणि एका वित्तीय कंपनीवर आर्थिक दंड ठोठावण्यात आला आहे. यामध्ये महाराष्ट्रातील कोल्हापूर जिल्हा मध्यवर्ती सहकारी बँक लिमिटेड, कोल्हापूर यांचा समावेश आहे.
30 Dec 2025 09:11 AM (IST)
BMC Election 2026 : मुंबई महानगरपालिकेच्या निवडणुकीसाठी भाजपाकडून पहिली 86 उमेदवारांची यादी जाहीर करण्यात आली आहे. या यादीत तेजस्वी घोसाळकर, गणेश खणकर, मनिषा यादव, मिलिंद शिंदे, नवनाथ बन, आकाश पुरोहित यांच्यासह अनेक उमेदवारांचा समावेश आहे.
या यादीत काँग्रेसमधून भाजपात प्रवेश केलेले माजी विरोधी पक्षनेते रवी राजा यांनाही उमेदवारी देण्यात आली आहे. रवी राजा धारावीतील वॉर्ड क्रमांक 185 मधून निवडणूक लढवणार आहेत. मुंबई महापालिकेतील माजी विरोधी पक्षनेते म्हणून त्यांनी काम पाहिले असून, अलीकडेच त्यांनी काँग्रेसला सोडचिठ्ठी देत भाजपात प्रवेश केला होता.
30 Dec 2025 09:07 AM (IST)
PMC Election 2026 Live : पुणे महानगरपालिका निवडणुकीत शरद पवार यांच्या राष्ट्रवादी काँग्रेसने 40 प्रभागांमध्ये प्रत्येकी एक उमेदवार देण्याचा निर्णय घेतला आहे. दोन्ही राष्ट्रवादी काँग्रेस एकत्रितपणे निवडणूक लढवत असल्याने, अजित पवारांच्या राष्ट्रवादीकडून 125 तर शरद पवारांच्या राष्ट्रवादीकडून 40 जागांवर उमेदवार दिले जाणार आहेत.
पॅनल पद्धतीने निवडून येणे सुलभ व्हावे, यासाठी प्रत्येक प्रभागात अजित पवारांच्या राष्ट्रवादीचे तीन उमेदवार आणि शरद पवारांच्या राष्ट्रवादीचा एक उमेदवार अशी रचना ठेवण्यात आली आहे. या माध्यमातून मतांचे विभाजन टाळणे आणि संयुक्त ताकद दाखवणे, हा प्रमुख उद्देश असल्याचे सांगितले जात आहे.
30 Dec 2025 09:06 AM (IST)
PMC Election 2026: पुणे महानगरपालिका निवडणुकीच्या पार्श्वभूमीवर उपमुख्यमंत्री अजित पवार यांच्या निवासस्थानी एबी फॉर्मचे वाटप सुरू झाल्याची माहिती मिळत आहे. या पार्श्वभूमीवर राष्ट्रवादी काँग्रेस तसेच मित्रपक्षांच्या नेत्यांची आणि कार्यकर्त्यांची मोठी गर्दी पाहायला मिळत आहे.
राष्ट्रवादी काँग्रेस (शरद पवार गट) पक्षाच नगरसेवक नितीन कदम हे अजित पवारांच्या भेटीसाठी दाखल झाले आहेत. रुपाली ठोंबरे यांच्यासह माजी आमदार सुनील टिंगरे हेही अजित पवारांच्या भेटीसाठी निवासस्थानी पोहोचले आहेत. एबी फॉर्म वाटप सुरू झाल्याने उमेदवारीच्या अंतिम टप्प्यातील हालचालींना वेग आला असून, पुण्यातील राजकीय वातावरण तापले आहे.
BMC Election 2026 : मनसेकडून 37 उमेदवारांची यादी जाहीर
मुंबई महापालिका 2026 च्या निवडणुकीसाठी राज ठाकरे यांच्या नेतृत्वाखालील महाराष्ट्र नवनिर्माण सेनेकडून आतापर्यंत 37 उमेदवारांचे अर्ज सादर करण्यात आले आहेत. या उमेदवारांना पक्षप्रमुख राज ठाकरे यांनी संधी दिली असून, यामध्ये यशवंत किल्लेदार, कस्तुरी रोहेकर, शैलेंद्र मोरे, बबन महाडिक, मुकेश भालेराव यांच्यासह इतरांचा समावेश आहे.
मुंबईसह राज्यातील सर्व महापालिकांसाठी 15 जानेवारी 2026 रोजी मतदान होणार आहे. तर 16 जानेवारी 2026 रोजी मतमोजणी होऊन निकाल जाहीर केले जाणार आहेत. महापालिका निवडणुकीच्या पार्श्वभूमीवर मनसेने उमेदवारांची घोषणा केल्याने मुंबईतील राजकीय हालचालींना वेग आला आहे.
.png "Videos"){kind=small}
