Top Marathi News Today Live : ‘राज्यपाल म्हणून महाराष्ट्रातील कार्यकाळ सर्वोत्तम’; उपराष्ट्रपतींचे गौरोद्गार
Marathi Breaking news updates: गोंदियाच्या रायपूर गाव शिवारातून एक धक्कादायक घटना समोर आली आहे. यात धारदार शस्त्राने वार करून एका तरुणाची हत्या करण्यात आली आहे. ठेकेदाराला मजुरीचे पैसे मागितले म्हणून हत्या करण्यात करण्यात आल्याचे समोर आले आहे. ही घटना २ सप्टेंबर रोजी रात्री 11.30 वाजताच्या सुमारास घडली. या प्रकरणाचा उलगडा स्थानिक गुन्हे शाखा आणि दावनिवाडा पोलिसांनी केला आहे. कापूरचंद उर्फ बंटी हरिचंद ठाकरे (39) व ओमकार चेतराम नेवारे (52) दोन्ही रा. रायपूर जि. गोंदिया अशी अटक करण्यात आलेल्या आरोपींची नावे आहेत.
10 Sep 2025 07:34 PM (IST)
दीपक गायकवाड/मोखाडा: मंगळवार दिनांक 9 सप्टेंबर रोजी सकाळी 6 वाजेच्या दरम्यान गुप्त माहितीद्वारे मोखाडा चौफुलीवर नाकाबंदी केली असता, जव्हार बाजूकडून नाशिक बाजूकडे सफेद रंगाची i20 कार भरधाव वेगाने गेली. सदर कार अडवण्याचा मोखाडा पोलिसांनी आटोकाट प्रयत्न केला. परंतु पोलिसांना न जु्मानता कार चालक मुकेश परमार राहणार वापी याने कार तशीच पुढे नेली मात्र मोखाडा पोलिसांनी शर्तीचा पाठलाग करून सदरची कार निळमाती दरम्यान शिथाफिने पकडली आहे. यावेळी कार मध्ये 615990/-सहा लाख पंधरा हजार नवूशे नव्वद रुपयांचा मद्यसाठा जप्त करून चालक परमार याला मुद्देमालासह अटक करण्यात आली आहे.
10 Sep 2025 07:08 PM (IST)
Eknath Shinde On Maharashtra Politics: राज्यात लवकरच स्थानिक स्वराज्य संस्थांच्या निवडणुका होणार आहेत. या वर्षाच्या अखेरीस राज्यात स्थानिक स्वराज्य संस्थांच्या निवडणुका होण्याची शक्यता आहे. महायुतीमधील शिवसेना, राष्ट्रवादी कॉँग्रेस आणि भाजप तसेच महाविकास आघाडीतील सर्व पक्षांनी निवडणुकीची तयारी सुरू केली आहे.आता राज्याचे उपमुख्यमंत्री आणि शिवसेना नेते एकनाथ शिंदे यांनी देखील निवडणुकीची तयारी सुरू केली आहे.
10 Sep 2025 07:03 PM (IST)
HIRE Bill Marathi News: अमेरिकेने एक नवीन कायदा आणला आहे, ज्यामुळे २५० अब्ज डॉलर्सचा भारतीय आयटी उद्योग तणावात आला आहे. हॉल्टिंग इंटरनॅशनल रिलोकेशन ऑफ एम्प्लॉयमेंट (HIRE) कायदा नावाचे हे विधेयक या महिन्याच्या सुरुवातीला ओहायोचे रिपब्लिकन सिनेटर बर्नी मोरेनो यांनी अमेरिकन सिनेटमध्ये सादर केले.
10 Sep 2025 06:52 PM (IST)
कुंभमेळा नेहमीच अध्यात्म, श्रद्धा आणि गूढतेशी जोडला गेला आहे. येथे दरवेळी असे काही घडते जे लोकांना विचार करायला भाग पाडते. २०२५ मध्ये कुंभमेळ्यात सहभागी झालेल्या एका नागा साधूने जे म्हटले होते ते आता संपूर्ण देशात चर्चेचा विषय बनले आहे. त्यांनी खुल्या मंचावरून इशारा दिला होता- “पाणी असेल, पृथ्वी ओली होईल आणि लोक निवारा शोधत राहतील. येणारा काळ कठीण असेल.” त्यावेळी अनेकांनी ते धार्मिक विधान मानले होते, परंतु आज परिस्थिती बिकट होत असताना, लोकांनी त्यांचे शब्द गांभीर्याने घेण्यास सुरुवात केली आहे.
10 Sep 2025 06:39 PM (IST)
पुणे : उपराष्ट्रपती पदाची निवडणूक पार पडली असून सी पी राधाकृष्णन यांची निवड झाली आहे. या निवडणुकीत एनडीएचे उमेदवार सी. पी. राधाकृष्णन यांना 452 मते मिळाली. तर इंडिया आघाडीचे उमेदवार सुदर्शन रेड्डी यांना 300 मते मिळाली आहेत. यानंतर महाराष्ट्रामध्ये जोरदार राजकारण रंगले आहे. खासदार संजय राऊत यांनी इंडिया आघाडीच्या बी सुदर्शन रेड्डी यांच्या विजयाची अपेक्षा केली होती. यानंतर आता भाजप पक्षांच्या नेत्यांनी जोरदार हल्लाबोल केला आहे. उपराष्ट्रपतीपदाच्या निवडणुकीत संजय राऊतांचे वस्त्रहरण झाले असल्याची जहरी टीका भाजपा माध्यम विभाग प्रमुख नवनाथ बन यांनी केली आहे.
10 Sep 2025 06:23 PM (IST)
Nepal Crisis: नेपाळमध्ये हिंसाचार उफाळून आला आहे. सरकारने सोशल मिडियावर बंदी घातली आणि त्यानंतर नेपाळमध्ये मोठे आंदोलन उभे राहिले. आंदोलन एवढे मोठे झाले की सरकारने सोशल मिडियावर घातलेली बंदी मागे घेतली. मात्र या आंदोलनाचे रूपांतर हिंसाचारात झाले. नेपाळमध्ये अस्तीवत असलेले सरकार बरखास्त झाले. तिथली परिस्थिती बिकट झाली आहे. या पार्श्वभूमीवर भारत सरकारने मोठा निर्णय घेतला आहे. नेपाळमधील भारतीयांना मायदेशी परत आणले जाणार आहे.
10 Sep 2025 06:09 PM (IST)
नवी मुंबई : भारतातील आघाडीचे मल्टी-स्पेशालिटी क्वाटरनरी केअर हॉस्पिटल, अपोलो हॉस्पिटल्स नवी मुंबई (AHNM) ने आज त्यांच्या सिनियर्स फर्स्ट जेरियाट्रिक्स क्लिनिकची घोषणा केली, ही एक विशेष सेवा आहे जी रुग्णांच्या गरजा लक्षात घेऊन ज्येष्ठ नागरिकांच्या विशिष्ट आरोग्यसेवा गरजा पूर्ण करण्यासाठी डिझाइन केलेली आहे. या क्लिनिकचे नेतृत्व अपोलो हॉस्पिटल्स नवी मुंबई येथील जेरियाट्रिक्समधील कन्सल्टन्ट डॉ. सायली दामले आणि डॉ. श्वेत सबनीस करतील. प्रतिबंधात्मक, पुनर्वसन आणि दीर्घकालीन काळजी समर्थन तसेच सातत्यपूर्ण काळजी एकाच छताखाली उपलब्ध असेल, मग ते रुग्णालयात असो किंवा घरी. अपोलो नवी मुंबईने ७५-९६९६-९४९४ एक समर्पित हेल्पलाइन क्रमांक सुरू केला आहे, जो ज्येष्ठ नागरिकांना कोणत्याही आरोग्यसेवेच्या गरजांसाठी वापरता येईल.
10 Sep 2025 05:57 PM (IST)
माढा तालुक्यातील कुर्डू गाव हे मागील काही दिवसांपासून जोरदार चर्चेत आले आहे. आयपीएस अंजना कृष्णा यांचा उपमुख्यमंत्री अजित पवार यांच्यासोबत फोनवरून झालेल्या वादंगानंतर हे प्रकरण चांगलेच चर्चेत आले आहे. अंजना कृष्णा यांच्यानंतर कारवाईसाठी गेलेल्या तलाठ्यावर देखील हल्ला करण्यात आला. यामुळे कुर्डू गावातील अवैध मुरुम उपसा याबाबत जोरदार चर्चा सुरु आहे. अखेर सरपंचसह ग्रामसेवकावर कारवाईचा बडगा उगारण्यात आला आहे.
10 Sep 2025 05:43 PM (IST)
नेपाळमधील परिस्थिती अत्यंत बिकट झाली आहे. लष्कराने सूत्रे हाती घेतली आहेत, परंतु अद्यापही निदर्शने थांबलेली नाहीत. या हिंसक निरदर्शनांमध्ये आतापर्यंत २० हून अधिक लोकांचा मृत्यू झाला आहे, तर ३०० हून अधिक लोक जखमी झाले आहे. पंतप्रधानांसह अनेक नेत्यांनी राजीनामा दिला आहे. याच वेळी हिंसक निदर्शनांच्या संधीचा फायदा घेत नेपाळच्या तुरुंगातून कैदी फरार झाले आहेत. तसेच या कैद्यांनी भारत-नेपाळ सीमेवरुन देशात घुसखोरीचा प्रयत्न केला आहे. यामुळे सीमेवर हाय अलर्ट देण्यात आला आहे.
10 Sep 2025 05:19 PM (IST)
राज्याचे मुख्यमंत्री देवेंद्र फडणवीस यांचा ड्रीम प्रोजेक्ट असलेला शक्तीपीठ महामार्गाचे स्वप्न पुर्ण करण्यासाठी अनेक अडचणी समोर येत आहेत. गावकऱ्यांच्या आणि शेतकऱ्यांच्या तीव्र विरोधानंतर जमीन संपादन करण्यामध्ये मोठा अडथळा निर्माण होत आहे. यावरुन अनेकदा आंदोलन देखील झाली असून यावरुन आता दिल्लीमध्ये मागणी करण्यात आली आहे. स्वाभिमानी शेतकरी संघटनेचे राजू शेट्टी यांनी केंद्रीय रस्ते वाहतूक मंत्री नितीन गडकरी यांची भेट घेतली आहे.
10 Sep 2025 05:00 PM (IST)
Volvo कार इंडियातर्फे नवीन इलेक्ट्रिक एसयूव्ही EX30 अधिकृतपणे सादर करण्यात आली आहे. इच्छुक खरेदीदारांना मुंबईतील KIFS Volvo Cars (अंधेरी पश्चिम आणि प्रभादेवी) येथे टेस्ट ड्राइव्ह घेण्याची संधी उपलब्ध आहे. तसेच ग्राहक कारची प्री बुकिंग करून डिलिव्हरीच्या वेळी विशेष डिस्काउंट मिळवू शकतात. या बहुप्रतिक्षित इलेक्ट्रिक एसयूव्हीची अधिकृत किंमत सप्टेंबरच्या अखेरीस जाहीर केली जाणार असून, ऑक्टोबर 2025 पासून डिलिव्हरी सुरू होईल.
10 Sep 2025 04:51 PM (IST)
आशिया कप २०२५ स्पर्धेला कालपासून म्हणजेच ९ सप्टेंबर रोजी सुरवात झाली आहे. या स्पर्धेचा पहिलं सामना अफगाणिस्तान आणि हाँगकाँग यांच्यात खेळवण्यात आला. या सामन्यात अफगाणिस्तान संघाने हाँगकाँग संघाचा ९४ धावांनी पराभव करून स्पर्धेची विजयी सुरवात केली. या दरम्यान अफगाणिस्तानचा स्टार खेळाडू अजमतुल्ला उमरझाईने हाँगकाँग संघाची पुरती दशा करून ठेवली.
10 Sep 2025 04:38 PM (IST)
राहुल गांधी आजपासून दोन दिवसांच्या दौऱ्यासाठी रायबरेली येथे पोहोचले आहेत. त्यांच्या दौऱ्याच्या पहिल्याच दिवशी भाजप मंत्री दिनेश सिंह आणि त्यांच्या समर्थकांनी राहुल गांधींच्या ताफ्यासमोर जोरदार निदर्शने केली.
10 Sep 2025 04:33 PM (IST)
राहुल गांधी आजपासून दोन दिवसांच्या दौऱ्यासाठी रायबरेली येथे पोहोचले आहेत. त्यांच्या दौऱ्याच्या पहिल्याच दिवशी भाजप मंत्री दिनेश सिंह आणि त्यांच्या समर्थकांनी राहुल गांधींच्या ताफ्यासमोर जोरदार निदर्शने केली.
10 Sep 2025 04:29 PM (IST)
मुंबई : उपराष्ट्रपती पदाची निवडणूक पार पडली असून सी पी राधाकृष्णन यांची निवड झाली आहे. या निवडणुकीत एनडीएचे उमेदवार सी. पी. राधाकृष्णन यांना 452 मते मिळाली. तर इंडिया आघाडीचे उमेदवार सुदर्शन रेड्डी यांना 300 मते मिळाली आहेत.
10 Sep 2025 04:16 PM (IST)
आज आशिया कप 2025 मध्ये भारत आणि युएई (IND vs UAE) यांच्यात सामना होणार आहे. टीम इंडिया हा सामना जिंकण्यासाठी एक प्रबळ दावेदार असल्याचे दिसून येत आहे. तथापि, यूएईच्या कर्णधाराने आता गर्जना करत टीम इंडियाला कसे हरवू शकते हे सांगितले आहे.
10 Sep 2025 04:08 PM (IST)
पुणे महापालिका हद्दीत ३४ गावांचा सामावेश करण्यात आला आहे. त्यामुळे महापालिकेच्या क्षेत्रीय कार्यालयांवरील कामाचा ताण वाढला आहे. उपनगरातील क्षेत्रीय कार्यालयाच्या कार्यक्षेत्र वाढले आहे.
10 Sep 2025 03:56 PM (IST)
Maharashtra Rain Alert: गेल्या काही दिवसांपासून देशभरात पावसाचा जोर वाढलेला दिसून येत आहे. पंजाब, हिमाचल प्रदेशमध्ये आणि अन्य राज्यांमध्ये पावसाचा जोर वाढला आहे. काही राज्यात महापूर देखील आला आहे. मात्र महाराष्ट्रात पावसाने काही दिवस विश्रांती घेतल्याचे चित्र निर्माण झाले होते. पावसाचा जोर कमी झाला होता. मात्र आता पुन्हा एकदा मान्सून महाराष्ट्रात सक्रिय होणार आहे.
10 Sep 2025 03:15 PM (IST)
एमएक्स प्लेयरचा नवीन रिअॅलिटी शो ‘राईज अँड फॉल’ सध्या खूप चर्चेत आहे. यात सहभागी असलेले अनेक स्पर्धक त्यांच्या वैयक्तिक आयुष्याबद्दल उघडपणे बोलत आहेत. यापूर्वी धनश्री वर्माने चहलसोबतच्या घटस्फोटाबद्दल अनेक संकेत दिले होते, तर आता या शोमधील आणखी एका स्पर्धकाने मोठा खुलासा केला आहे. माजी भारतीय क्रिकेटपटू संजय बांगर यांची मुलगी अनया बांगर (Anaya Bangar) हिने एका प्रसिद्ध क्रिकेटपटूने तिला सोशल मीडियावर अश्लील फोटो पाठवल्याचा धक्कादायक खुलासा केला आहे.
10 Sep 2025 03:14 PM (IST)
आयआयएम मुंबईने (Indian Institute of Management Mumbai) सर्जनशीलता आणि व्यवस्थापन शिक्षणाचा संगम घडवून आणत गायक-कंपोजर पद्मश्री कैलाश खेर यांच्या कला अकॅडमीसोबत हातमिळवणी केली आहे. या सहकार्याद्वारे आर्टेप्रेन्युअर पीजीडीएम (Artepreneur PGDM) हा एक वर्षाचा पदव्युत्तर डिप्लोमा कार्यक्रम सुरू होणार आहे.
10 Sep 2025 03:10 PM (IST)
France Protest News: नेपाळमध्ये गेल्या चार दिवसांपासून सुरू असलेल्या हिंसाचारामुळे पंतप्रधान के.पी. ओली यांनी राजीनामा दिला. ज्यामुळे सरकारही कोसळले. जनतेने भ्रष्टाचाराविरुद्ध आवाज उठवत आंदोलने सुरू केली. गेल्या चार दिवसांपासून नेपाळ हिंसाचाराच्या आगीत होरपळत असताना आता दुसऱ्या देशातही असाच गोंधळ सुरू झाला आहे. नेपाळनंतर आता फ्रान्समध्येही लोक रस्त्यावर उतरले आहेत. पोलिस आणि आंदोलकांमध्ये मोठा संघर्ष सुरू झाला आहे.
10 Sep 2025 03:05 PM (IST)
आशिया कप २०२५ (Asia cup 2025) स्पर्धेला मंगळवार, ९ ऑगस्ट रोजी सुरुवात झाली. या स्पर्धेच्या सुरवातीला अफगाणिस्तान आणि हाँगकाँग आमनेसामने आले होते. या सामन्यात अफगणिस्तानने हाँगकाँगचा ९४ धावांनी धुव्वा उडवला. आज १० सप्टेंबर रोजी स्पर्धेतील दूसरा सामना भारत आणि यूएई या दोन संघात खेळवला जाणार आहे. दोन्ही संघांमधील हा सामना दुबईतील आंतरराष्ट्रीय क्रिकेट स्टेडियमवर खेळवण्यात येणार आहे. अशा परिस्थितीत, सूर्यकुमार यादवच्या नेतृत्वाखालील भारतीय संघ यूएईला हळक्यात घेण्याची चूक करणार नाही. हा सामना भारतीय वेळेनुसार रात्री आठ वाजता सुरू होणार आहे. या सामन्यापूर्वी खेळपट्टी कशी असणार आहे? ती नेमकं कुणाला साथ देणार? याबबत आपण माहिती घेऊया.
10 Sep 2025 02:46 PM (IST)
पनीरपासून बनवलेले पदार्थ खायला सगळ्यांचं खूप जास्त आवडतात. कारण पनीर खाल्यामुळे आरोग्याला पोषण मिळते. आठवड्यातून दोनदा किंवा तीनदा पनीर खावे. यामुळे शरीराला कॅल्शियम आणि प्रोटीन मिळते. घरात पनीरपासून कायमच पनीर पुलाव, पनीर पकोडा किंवा पनीर पराठा बनवला जातो. पण कायमच तेच तेच पदार्थ खाऊन कंटाळा आल्यानंतर तुम्ही सोप्या पद्धतीमध्ये पनीर चिली बनवू शकता. चायनीजचे नाव ऐकल्यानंतर सगळ्यांच्या तोंडाला पाणी सुटते. पण कायमच विकतचे चायनीज आणून खाण्यापेक्षा तुम्ही सोप्या पद्धतीमध्ये घरीसुद्धा पनीर चिली बनवू शकता. हा पदार्थ कमीत कमी साहित्यामध्ये झटपट तयार होतो. चला तर जाणून घेऊया पनीर चिली बनवण्याची सोपी रेसिपी.
10 Sep 2025 02:35 PM (IST)
आशिया कप २०२५ स्पर्धेला मंगळवार, ९ सप्टेंबर रोजी सुरू झाली आहे. या स्पर्धेतील पहिला सामना अफगाणिस्तान आणि हाँगकाँग यांच्यात खेळवण्यात आला आहे. या सामन्यात अफगाणिस्ताने हाँगकाँगचा ९४ धावांनी मोठा पराभव केला. त्याच वेळी, आज म्हणजे टीम इंडिया १० सप्टेंबर रोजी यूएईविरुद्ध आपला पहिला सामना खेळून आपल्या मोहिमेला सुरुवात करणार आहे. यादरम्यान भारतीय संघाचा कर्णधार सूर्यकुमार यादवकडून मोठी चूक झाल्याचे बोलले जात आहे. त्यामुळे त्याच्यावर भारतीय चाहते भडकले आहेत. सूर्याने नेमके काय केले याबाबत आपण जाणून घेऊया.
10 Sep 2025 02:34 PM (IST)
अकोल्यात जो कोणी आरोपीचा हात, पाय आणि लिंग कापेल त्याला 1 लाख रुपयांचे बक्षीस देण्याची घोषणा करण्यात आली आहे. ही घोषणा ठाकरे गटाचे नेता अकोला शहरप्रमुख राजेश मिश्रा यांनी केली आहे. राजेश मिश्रा यांनी ही घोषणा एका बलात्कार प्रकरणात केली आहे. एका १६ वर्षीय अल्पवयीन मुलीवर घरात घुसून चाकूच्या धाकावर बलात्कार केल्याचे समोर आले. या प्रकरणातील आरोपी अजूनही फरार आहे. या घटनेने शहरात संतापाची लाट उसळली आहे.
10 Sep 2025 02:33 PM (IST)
भारतीय स्वयंपाकात अंड्याची करी हा अतिशय लोकप्रिय आणि सर्वांना आवडणारा पदार्थ आहे. अंड्यांमध्ये प्रोटीनचे प्रमाण जास्त असल्याने ते पौष्टिक तर आहेच, पण चवीलाही अप्रतिम लागते. अंड्याची करी बनवायला सोपी असून दुपारच्या किंवा रात्रीच्या जेवणासाठी उत्तम पर्याय आहे. ही करी भात, पोळी, पराठा किंवा अगदी ब्रेडसोबतही अप्रतिम लागते. महाराष्ट्रातील घराघरांत ही करी अनेक प्रकारे बनवली जाते – कुठे साधी मसाल्याची करी, तर कुठे नारळाची चव देऊन खास कोकणी स्टाईलमध्ये.
10 Sep 2025 02:12 PM (IST)
Delhi Police Arrested ISIS Terrorist: दिल्ली पोलिसांनी देशभरात मोठी कारवाई केली आहे. देशभरातील अनेक भागात छापेमारी केली आहे. दिल्ली पोलिसांनी कारवाई करत इसिस दहशतवादी संघटनेच्या एका संशयित दहशतवाद्याला अटक केली आहे. तसेच त्याच्या 8 ते 10 जणांना ताब्यात घेतले आहे.
10 Sep 2025 02:08 PM (IST)
मानवजातीच्या इतिहासात युद्धे नेहमीच राजकारण, सत्ताकांक्षा आणि विचारसरणीच्या संघर्षातून उद्भवली आहेत. पहिले आणि दुसरे महायुद्ध मानवी सभ्यतेला घातक ठरले, पण त्यातून लोकशाही, मानवी हक्क आणि शांतीची महत्त्वाची शिकवण मिळाली. तरीसुद्धा, आज जर जग तिसऱ्या महायुद्धाच्या छायेत उभे आहे, तर त्याचा एक मोठा परिणाम म्हणजे जगभरात हुकूमशाहीचे वाढते वर्चस्व आणि नागरिकांचा आपल्या सरकारांविरुद्ध वाढता रोष.प्रश्न असा उभा राहतो हे सर्व घडत का आहे? दोष सरकारांचा आहे का? की ‘Gen Z’ सारख्या नव्या पिढीच्या दृष्टिकोनामुळे ही तणावाची परिस्थिती निर्माण झाली आहे?
10 Sep 2025 02:00 PM (IST)
नेपाळच्या काठमांडूमधील परिस्थिती बिघडताना दिसत आहे. या ठिकाणी मोठ्या प्रमाणात हिंसाचार सुरु आहे. मंगळवारी सकाळपासून नेपाळच्या संसद भवनाबाहेर मोठ्या संख्येने आंदोलनकर्ते सरकारविरोधात जोरदार घोषणाबाजी करताना दिसून आले. नेपाळमध्ये पसरलेल्या हिंसाचाराचा सामना एका भारतीय पर्यटकालाही करावा लागला आहे.नेपाळमध्ये अडकलेल्या भारतीय महिला पर्यटकाने सोशल मीडियावर तिच्या अडचणी शेअर केल्या.
10 Sep 2025 01:51 PM (IST)
महाराष्ट्राची राजधानी मुंबई ते उपराजधानी असलेल्या नागपूरमधील प्रवासाचा वेग कमी व्हावा व विकासासाठी त्याचा फायदा व्हावा, यासाठी हिंदूहृदयसम्राट बाळासाहेब ठाकरे समृद्धी महामार्ग बांधण्यात आला आहे. या महामार्गावरून रोज शेकडो वाहने प्रवास करत आहेत. मात्र सध्या या महामार्गावर शेकडो खिळे ठोकल्याचा एक व्हिडिओ प्रचंड व्हायरल होत आहे. नेमके या व्हिडिओमागचे सत्य काय आहे ते, जाणून घेऊयात.
10 Sep 2025 01:40 PM (IST)
प्रेमामध्ये असलेला व्यक्ती टोकाचं पाऊल उचलायला मागे पुढे पाहत नाही याची प्रचिती पुन्हा एकदा आली आहे. बीडमधील एका उपसरपंचाने नर्तकीच्या प्रेमामध्ये आत्महत्या केली आहे. बीडच्या गेवराई तालुक्यातील लुखामसाला गावचे माजी उपसरपंच गोविंद बर्गे (वय 34) यांनी आत्महत्या केल्याची धक्कादायक घटना घडली आहे. ते कला केंद्रातील नर्तिके प्रेमात पडले होते मात्र त्यानंतर बोलणं बंद झाल्यामुळे गोविंद बर्गे यांनी नर्तिकेच्या घरासमोर आत्महत्या केली.
10 Sep 2025 01:35 PM (IST)
योगगुरू बाबा रामदेव यांच्याशी संबंधित एफएमसीजी कंपनी पतंजली फूड्सने त्यांचे पहिले बोनस शेअर्स जारी करण्याची घोषणा केली आहे. कंपनीने बोनस शेअर्सचे प्रमाण २:१ असे ठेवण्याचा निर्णय घेतला आहे. याचा अर्थ असा की प्रत्येक विद्यमान शेअरहोल्डरला त्याच्या १ शेअरसाठी २ नवीन पूर्ण पेड-अप शेअर्स मिळतील. कंपनीच्या शेअर्सचे दर्शनी मूल्य २ रुपये आहे. कंपनी पहिल्यांदाच शेअरहोल्डर्सना बोनस शेअर्स देत आहे.
10 Sep 2025 01:20 PM (IST)
‘बिग बॉस १९’ जसजसा पुढे सरकत आहे तसतसा हा शो अधिकाधिक तापत चालला आहे. स्पर्धकांमध्ये खूप भांडणे पाहायला मिळत आहे. याचदरम्यान आता या शोचा एक नवीन प्रोमो रिलीज झाला आहे, ज्यामध्ये मृदुल तिवारी आणि शाहबाज बदेशा भांडताना दिसत आहेत. यामुळे वातावरण खूपच तणावपूर्ण दिसत आहे. आता या दोघांमध्ये नक्की असे काय झाले आहे की ते दोघे जोरदार भांडत आहे हे आपण जाणून घेणार आहोत.
10 Sep 2025 01:10 PM (IST)
गेल्या अनेक दिवसांपासून महाराष्ट्रातील राजकारण्यांमध्ये सतत चर्चेचा विषय असलेले ठाकरे बंधू आज (10 सप्टेंबर) पुन्हा एकमेकांना भेटले. उद्धव ठाकरे (Uddhav Thackeray) बुधवारी सकाळी अचानक राज ठाकरे (Raj Thackeray) यांच्या दादर येथील शिवतीर्थ निवासस्थानी दाखल झाले. उद्धव ठाकरे यांच्यासोबत संजय राऊत आणि अनिल परब यांनीही राज ठाकरे यांच्या निवासस्थानी भेट दिली. उद्धव ठाकरे हे राज ठाकरेंच्या अचानक भेटीला गेल्यामुळे सर्वत्र चर्चा सुरु आहे. गेल्या पाऊण तासापासून दोन्ही नेत्यांमध्ये चर्चा सुरु असल्याचे दिसते. या भेटवस्तूचे कारण अद्याप समोर आलेले नाही. मात्र ठाकरे बंधूंच्या या वाढत्या भेटीगाठी या मनसे आणि उबाठा गट एकत्र येण्याचे मानले जात आहे.
10 Sep 2025 01:05 PM (IST)
‘काठमांडूमधील विमानतळ बंद ठेवण्याचा कालावधी वाढवल्यानंतर, शहरात येणाऱ्या आणि जाणाऱ्या सर्व उड्डाणे १० सप्टेंबर रोजी संध्याकाळी ६ वाजेपर्यंत रद्द राहतील. आम्ही काठमांडूला जाणाऱ्या आणि येणाऱ्या प्रवासासाठी वेळापत्रक बदलण्यावर आणि रद्द करण्यावर १२ सप्टेंबरपर्यंत सूट देत आहोत, जी ९ सप्टेंबर रोजी किंवा त्यापूर्वी केलेल्या बुकिंगसाठी लागू आहे. आमचे पथक संबंधित अधिकाऱ्यांशी सक्रियपणे समन्वय साधत आहेत आणि परवानग्या मिळताच सेवा पूर्ववत करण्यासाठी पूर्णपणे तयार आहेत”, अशी माहिती इंडिगो एअरलाइन्सकडून देण्यात आली.
10 Sep 2025 01:01 PM (IST)
अमेरिकेचे राष्ट्राध्यक्ष डोनाल्ड (Donald Trump) ट्रम्प यांनी पुन्हा आपले सूर बदलेल आहे. ट्रम्प यांनी पंतप्रधान मोदींशी (Narendra Modi) चर्चेची इच्छा व्यक्त केली असताना दुसरीकडे युरोपियन युनियनला (EU) भारतावर १००% कर (Tarrif) लागू करण्याचे आवाहन केले आहे. ट्रम्प यांनी चीनवरही इतकाच कर लादण्यास सांगितले आहे. त्यांच्या या विधानेन संपूर्ण जगाला आश्चर्यचकित केले आहे.
10 Sep 2025 12:55 PM (IST)
बीड- मस्साजोग इथल्या सरपंच संतोष देशमुख हत्या प्रकरणात आज जिल्हा आणि विशेष मकोका न्यायालयात सुनावणी आहे. सरकारी वकील उज्वल निकम आज सुनावणीसाठी न्यायालयामध्ये उपस्थित राहणार आहेत. सुनावणीसाठी सरकारी वकील उज्वल निकम बीडमध्ये दाखल झाले आहेत.
10 Sep 2025 12:45 PM (IST)
अभिनेत्री करिश्मा कपूरच्या दोन्ही मुलांनी त्यांचे दिवंगत वडील संजय कपूर यांच्या ३० हजार कोटी रुपयांच्या मालमत्तेत वाटा मागण्यासाठी दाखल केलेल्या खटल्यावर दिल्ली उच्च न्यायालयाने नोटीस बजावली. न्यायालयाने संजय कपूर यांची पत्नी प्रिया सचदेवा यांना संजय कपूर यांच्या सर्व जंगम आणि स्थावर मालमत्तेची यादी सादर करण्यास सांगितलं आहे.
10 Sep 2025 12:35 PM (IST)
खासदार सुप्रिया सुळे यांच्या नेतृत्वात पुण्यातील आंबेडकर पुतळ्यासमोर राष्ट्रवादी काँग्रेस शरदचंद्र पवार जनआंदोलन सुरू करण्यात आलं आहे. जनसुरक्षा कायद्याच्या विरोधात आज राष्ट्रवादीकडून राज्यव्यापी आंदोलन केलं जाणार आहे. या कायद्याच्या आडून सरकार जनतेचा आवाज दाबत असल्याचा आरोप राष्ट्रवादी काँग्रेस शरदचंद्र पवार पक्षाने केला आहे.
10 Sep 2025 12:25 PM (IST)
गोंदियाच्या रायपूर गाव शिवारातून एक धक्कादायक घटना समोर आली आहे. यात धारदार शस्त्राने वार करून एका तरुणाची हत्या करण्यात आली आहे. ठेकेदाराला मजुरीचे पैसे मागितले म्हणून हत्या करण्यात करण्यात आल्याचे समोर आले आहे. ही घटना २ सप्टेंबर रोजी रात्री 11.30 वाजताच्या सुमारास घडली. या प्रकरणाचा उलगडा स्थानिक गुन्हे शाखा आणि दावनिवाडा पोलिसांनी केला आहे. कापूरचंद उर्फ बंटी हरिचंद ठाकरे (39) व ओमकार चेतराम नेवारे (52) दोन्ही रा. रायपूर जि. गोंदिया अशी अटक करण्यात आलेल्या आरोपींची नावे आहेत.
10 Sep 2025 12:10 PM (IST)
बीड जिल्ह्यातील गेवराई तालुक्यातील एका माजी उपसरपंचाने आत्महत्या केल्याचा धक्कदायक प्रकार समोर आला आहे. माजी उपसरपंच एका नर्तकीच्या प्रेमात वेडे होते. नर्तकीच्या घरासमोर कारमध्येच उपचारसपंचाने सोमवारी मध्यरात्री स्वत:वर गोळी झाडून आत्महत्या केली. या घटनेने खळबळ उडाली आहे. आत्महत्या करणाऱ्या माजी उपसरपंचाचे नाव गोविंद जगन्नाथ बर्गे (34 वर्षे) असे आहे. तर नर्तिकीचा नाव पूजा देविदास गायकवाड (21 वर्षे) असे आहे.
10 Sep 2025 12:07 PM (IST)
समृद्धी महामार्गावर मध्यरात्रीच्या सुमारास नागपूरकडून मुंबईकडे निघालेल्या अनेक गाड्या अचानक पंक्चर झाल्याची घटना घडली आहे. दरम्यान अनेक लोकांनी गाड्या थांबवल्यानंतर तपासणी केली असता असं लक्षात आलं की ब्रिजवर मोठ्या प्रमाणावर विशिष्ट प्रकारचे खिळे ठोकल्याचे आढळून आलं आहे.
10 Sep 2025 12:00 PM (IST)
सांगलीच्या तासगाव तालुक्यातील पाचवा मैलजवळील राष्ट्रीय महामार्गावर कार आणि दुचाकीचा भीषण अपघात झाला आहे. यामध्ये एकाच कुटुंबातील तिघांचा जागीच मृत्यू झाला तर चार जण गंभीर जखमी झाले आहे. मृत्यू झालेल्या व्यक्तीचे नाव शिवाजी बापू सुतार, आशाताई शिवाजी पवार, आणि वैष्णव ईश्वर सुतार अशी आहे. तर स्वाती अमित कोळी, पूजा राघवेंद्र कुलकर्णी, सुरज बलराम पवार आणि किशोर लक्ष्मण माळी अशी जखमींची नावे आहेत.
10 Sep 2025 11:55 AM (IST)
महाराष्ट्र राज्यातील 17 जिल्ह्यांना 13 ते 18 सप्टेंबर या कालावधीत अतिमुसळधार पावसाचा इशारा देण्यात आला आहे. हवामान खात्याने दिलेल्या या इशार्‍यानुसार मुंबई, ठाणे, पालघर, रत्नागिरी, सिंधुदुर्ग यांसह रायगड, कोल्हापूर, सांगली, सातारा, अहमदनगर, लातूर, नांदेड, बीड, परभणी, हिंगोली आणि यवतमाळ या जिल्ह्यात अतिवृष्टीचा फटका बसू शकतो असा अंदाज हवामान विभागाकडून वर्तविण्यात आलाय.
10 Sep 2025 11:45 AM (IST)
नाशिकमधून एक धक्कदायक आणि संतापजनक घटना समोर आली आहे. सतार वर्षीय अल्पवयीन मुलीवर तिच्या बापाकडूनच अत्याचार झाल्याचे समोर आले आहे. अत्याचारानंतर मुलगी गरोदर राहिली. तिच्या पोटात सतत दुखत असल्याने तिची सोनोग्राफी करण्यात आली. सोनोग्राफी रेपोर्टस्मध्ये ती गरोदर असल्याचे समोर आले.पोलिसांनी DNA तपासल्यानंतर नरडं बापानेच अत्याचार केल्याचे समोर आले आहे.
10 Sep 2025 11:45 AM (IST)
उपराष्ट्रपती पदाच्या निवडणुकीमध्ये महाराष्ट्रातील विरोधकांची मतं फुटली असल्याचा दावा शिंदे गटाच्या नेत्यानी केला. यावर टीका करताना खासदार संजय राऊत म्हणाले की, तुम्ही विकला गेलात, शरण गेलात, स्वाभिमान गहाण पडलाय आणि जे निष्ठावंत आहेत त्यांच्यार शिंतोडे उडवताय. फार शहाणपणा करू नका नाहीतर नेपाळमध्ये जे झालं ते महाराष्ट्रात तुमच्याबाबतीत व्हायला वेळ लागणार नाही, असा थेट इशारा त्यांनी दिला.
10 Sep 2025 11:35 AM (IST)
गणेशोत्सव नुकताच पार पडला असून आज संकष्टी चतुर्थी आहे. यानिमित्ताने गणेश मंदिरांमध्ये भाविकांची मोठी गर्दी झाली आहे. आज संकष्टी असून दुपारी 3 वाजून 37 मिनिटांनी हि तिथी सुरू होणार आहे तर उद्या म्हणजेच गुरूवार, 11 सप्टेंबर रोजी दुपारी 12 वाजून 45 मिनिटांनी ही तिथी समाप्त होईल.
10 Sep 2025 11:25 AM (IST)
दिल्लीतील शोरूमच्या पहिल्या मजल्यावरून थार गाडी पडली. गाडीच्या पूजेदरम्यान हा अपघात झाला. ही महिला टायरखाली लिंबू ठेवून थारखाली ते चिरडण्याचा प्रयत्न करत होती. यादरम्यान वेग वाढला आणि गाडी पहिल्या मजल्यावरून थेट रस्त्यावर पडली. या अपघातात महिला जखमी झाली आहे. याचे व्हिडिओ व्हायरल झाले आहेत.
10 Sep 2025 11:15 AM (IST)
पुण्यामध्ये राष्ट्रवादी शरद पवार गटाकडून जनसुरक्षा कायद्याविरोधात आंदोलन सुरु केले आहे. जनसुरक्षा कायदा रद्द करा अशी मागणी या आंदोलनातून केली जात आहे. खासदार सुप्रिया सुळे या देखील आंदोलनामध्ये सहभागी झाल्या आहेत.
10 Sep 2025 11:07 AM (IST)
आज, हिमाचल प्रदेश आणि पंजाब दौऱ्यावरून परतल्यानंतर, सुरक्षा मंत्रिमंडळ समितीच्या बैठकीत नेपाळमधील घडामोडींवर सविस्तर चर्चा करण्यात आली. नेपाळमधील हिंसाचार हृदयद्रावक आहे. त्यात अनेक तरुणांना आपले प्राण गमवावे लागले आहेत हे जाणून खूप वेदना होत आहेत. नेपाळची स्थिरता, शांतता आणि समृद्धी आपल्यासाठी खूप महत्त्वाची आहे. मी नेपाळमधील माझ्या सर्व बंधू आणि भगिनींना शांतता राखण्याचे नम्र आवाहन करतो.
