Maharashtra Breaking News Updates Today: पुण्यासह आज ‘या’ ५ जिल्ह्यांना यलो अलर्ट

16 Jul 2026 10:50 AM (IST)

रशिया युक्रेन युद्ध चिघळले! राजधानी कीव्हवर क्षेपणास्त्र आणि ड्रोनचा भीषण प्रहार

रशिया युक्रेन युद्ध पुन्हा एकदा तीव्र झाले आहे. गेल्या आठवड्याभरापासून रशियाचे राजधानी कीव्हवर हल्ले सुरु आहे. नुकतेच गुरुवारी(१६ जुलै) पहाटे रशियाने पुन्हा कीव्हवर निशाणा साधला. क्षेपणास्त्र आणि ड्रोन कीव्हसह अनेक शहरांवर डागण्यात आली. या हल्ल्यामुळ युक्रेनमध्ये एकच गोंधळ उडाला असून देशात हाय अलर्ट जारी करण्यात आला आहे.

16 Jul 2026 10:40 AM (IST)

विनायक राऊत आणि गितेश यांना कोणत्याही क्षणी होऊ शकते अटक

शिवसेना ठाकरे गटाचे माजी खासदार विनायक राऊत यांच्या सुनेने ठाण्यातील कापूरबावडी पोलिसांत तक्रार दाखल केली होती. तेव्हा सून गिरीजा राऊत यांनी लग्नापूर्वी खोटी माहिती देणे, नपुंसकत्व लपवण्याचा प्रयत्न, शिवाय शारीरिक, आर्थिक व मानसिक छळाचा आरोपही केला. यानंतर आता विनायक राऊत यांच्यासह त्यांचा मुलगा गितेश यांच्या अडचणीत वाढ झाली आहे. कारण ठाणे न्यायालयाने दोघा पिता-पुत्राचा जामीन अर्ज फेटाळून लावला आहे.

16 Jul 2026 10:30 AM (IST)

हाॅटेलमध्ये प्रियकरासोबत रंगेहात पकडली गेली पत्नी, Video Viral

सदर घटना ही गाझियाबादच्या बाजरिया परिसरात घडून आल्याची माहिती आहे. मिळालेल्या माहितीनुसार, पतीला आपल्या पत्नीवर संशय होता ज्यामुळे सत्य जाणून घेण्यासाठी तो ‘होटल क्विज’ आणि ‘होटल फार्म इन’जवळ पोहचला. इथे त्याने आपल्या पत्नीला एका दुसऱ्या पुरुषासोबत रंगेहात पकडलं. पत्नीला दुसऱ्या पुरुषासोबत पकडताच पतीला राग अनावर झाला आणि त्याने प्रियकराची धुलाई करायला सुरुवात केली. सोशल मिडियावर या घटनेचा व्हिडिओ शेअर करण्यात आला आहे ज्यात पती प्रियकराला पकडून हाॅटेल रुमच्या बाहेर घेऊन जाताना दिसतो. पती इतका संतापलेला असतो की, रागाच्या भरात तो प्रियकराला बेदम मारहाण करायला सुरुवात करतो. ही घटना सध्या इंटरनेटवर चांगलीच चर्चेत असून प्रियकराला मार दिला ते बरोबर केलंत अशा प्रतिक्रिया यूजर्स व्हिडिओला देत आहेत.

16 Jul 2026 10:20 AM (IST)

School Admission Scam: ‘या’ चुकीमुळे विद्यार्थी चौकशीच्या भोवऱ्यात सापडले

गुजरातमधील राजकोट जिल्ह्यातून शिक्षण व्यवस्थेला हादरवून टाकणारी एक धक्कादायक घटना समोर आली आहे. यामुळे सरकारी शिक्षण व्यवस्था, खासगी शाळा आणि कोचिंग क्लासेसच्या कामकाजावर गंभीर प्रश्नचिन्ह निर्माण झाले आहे. देशातील प्रतिष्ठित निवासी शाळा, जसे की नवोदय विद्यालय आणि सैनिक स्कूलमधील प्रवेशासाठी घेतल्या जाणाऱ्या प्रवेश परीक्षांमध्ये मोठा घोटाळा झाल्याचा दावा केला जात आहे. या संदर्भात काँग्रेसने आरोप केला आहे की, केवळ कोचिंग क्लासेसच नव्हे, तर काही खासगी, सरकारी आणि अनुदानित शाळाही विद्यार्थ्यांना प्रवेश परीक्षेत पास करण्यासाठी एका सुनियोजित नेटवर्कचा भाग बनल्या आहेत.

16 Jul 2026 10:10 AM (IST)

सोनम वांगचुक यांच्यासाठी अतुल कुलकर्णी करणार एकदिवसीय उपोषण

अतुल कुलकर्णी यांनी इन्स्टाग्रामवर व्हिडिओ शेअर करत आपल्या उपोषणामागील भूमिका स्पष्ट केली. ते म्हणाले, “आज १६ जुलै रोजी मी माझ्या घरातून एक दिवसाचे उपोषण करणार आहे. सोनम वांगचुक आणि त्यांच्या सहकाऱ्यांना होत असलेल्या वेदनांशी एकरूप होण्यासाठी आणि सरकारने संवेदनशीलता दाखवत त्यांच्याशी संवाद सुरू करावा, यासाठी मी हा निर्णय घेतला आहे.”

16 Jul 2026 10:00 AM (IST)

बॉलिवूडची ग्लॅमरस अभिनेत्री कतरिना कैफचा ४३ वा वाढदिवस

आज १६ जुलै, बॉलीवडूची लोकप्रिय अभिनेत्री कतरिना कैफ आपला ४३ वा वाढदिवस साजरा करत आहे. मॉडेलिंगपासून अभिनयापर्यंतचा तिचा प्रवास अनेकांसाठी प्रेरणादायी आहे. नमस्ते लंडन, जिंदगी ना मिलेगी दोबारा, वेलकम, एक था टायगर आणि टायगर जिंदा है यांसारखे अनेक सुपहिट चित्रपटांत तिने भूमिका साकारल्या आहेत.  कतरिनाने अभिनयासोबतच यशस्वी उद्योजिका म्हणूनही स्वतःची वेगळी ओळख निर्माण केली आहे. आज तिच्या वाढदिवसानिमित्त चाहत्यांसह अनेक सेलिब्रिंटकडून तिच्यावर शुभेच्छांचा वर्षाव होत आहे.

16 Jul 2026 09:08 AM (IST)

E20 Petrol Case: E20 पेट्रोलमुळे गाडीचे नुकसान; देशातील पहिल्याच प्रकरणात ग्राहक न्यायालयाचा ऐतिहासिक निकाल 

रायपूर: भारतात गेल्या काही काळापासून ई२० (२० टक्के इथेनॉल मिश्रित) इंधनाच्या वापरावरून आणि त्यामुळे गाड्यांच्या इंजिनवर होणाऱ्या परिणामांवरून वाद सुरू आहे. याच पार्श्वभूमीवर छत्तीसगडमधील रायपूर जिल्हा ग्राहक न्यायालयाने एका अत्यंत महत्त्वपूर्ण आणि देशातील पहिल्याच प्रकरणात गाडी मालकाच्या बाजूने ऐतिहासिक निकाल दिला आहे. ई२० पेट्रोलमुळे गाडीचे इंजिन निकामी झाल्याचा आरोप ग्राहकाने केला होता, ज्याची दखल घेत न्यायालयाने संबंधित वाहन उत्पादक कंपनीला ग्राहकाला नवीन गाडी देण्याचे आदेश दिले आहेत.

ई२० पेट्रोल भरल्यानंतर इंजिनमध्ये बिघाड

तक्रारदार गाडी मालकाच्या दाव्यानुसार, त्यांनी गाडीत ई२० पेट्रोल भरल्यानंतर काही दिवसांतच गाडीच्या इंजिनमध्ये गंभीर तांत्रिक समस्या निर्माण होण्यास सुरुवात झाली. इंजिनची कार्यक्षमता प्रचंड खालावली, गाडी चालवताना मिसफायरिंग (Misfiring) होऊ लागले आणि गाडीचे मायलेज कमालीचे घटले. या समस्येमुळे गाडी वारंवार रस्त्यात बंद पडू लागली होती.

16 Jul 2026 08:55 AM (IST)

'मी मरणार नाही..'; Video प्रसिद्ध करून सोनम वांगचूक यांचे जनतेला आवाहन

वैज्ञानिक, पर्यावरणवादी आणि सामाजिक कार्यकर्ते सोनम वांगचुक यांच्या उपोषणाला आज १९ वा दिवस आहे. दरम्यान, त्यांची  प्रकृती सातत्याने ढासळत चालल्याने चिंता वाढू लागली आहे.  देशभरातील लोक, नेते आणि अभिनेते त्यांना भेटायला येत आहेत आणि त्यांची खालावलेली प्रकृती पाहून त्यांना उपोषण मागे घेण्याचा आग्रह करत आहेत. दरम्यान, सोनम वांगचुक यांनी एक व्हिडिओ प्रसिद्ध केला आहे, ज्यामध्ये त्यांनी जनतेला एक विशेष आवाहन केले आहे.

I’m Not in good shape but not so bad either...
Rather than asking me to break my fast please join me on 20th July... Peaceful March to the Parliament.#cockroachjanataparty #jantarmantar #cjpprotest #chalosansad pic.twitter.com/QZ6VyxVMAR

— Sonam Wangchuk (@Wangchuk66) July 15, 2026

16 Jul 2026 08:50 AM (IST)

डोंबिवली हादरली! डॉक्टर मारहाण प्रकरण ताजे असतानाच शिंदे सेनेचे २ मोठे नेते अटकेत

डोंबिवली: डोंबिवलीमध्ये शिवसेना (शिंदे गट) नगरसेवकाकडून डॉक्टरांना झालेल्या मारहाणीचे प्रकरण ताजे असतानाच, आता शिंदे सेनेच्या दोन बड्या पदाधिकाऱ्यांसह चौघांना पोलिसांनी अटक केल्याने कल्याण-डोंबिवलीच्या राजकीय आणि बांधकाम क्षेत्रात प्रचंड खळबळ उडाली आहे. सागाव येथील एका बेकायदा इमारतीमधील सदनिका विक्रीच्या व्यवहारात सामान्य नागरिकांची आणि शासनाची फसवणूक केल्याचा गंभीर आरोप या नेत्यांवर आहे. या प्रकरणी मानपाडा पोलिसांनी शिंदे सेनेचे कल्याण ग्रामीण उपतालुकाप्रमुख रामचंद्र गणपत माने आणि महाराष्ट्र जनरल मजदूर संघटनेचे अध्यक्ष लक्ष्मण मिसाळ यांच्यासह चार जणांना बेड्या ठोकल्या आहेत.

16 Jul 2026 08:45 AM (IST)

Iran-US War : युद्धाचा भडका आणखी उडणार? अमेरिकेने इराणच्या लष्करी तळांना केले लक्ष्य

वॉशिंग्टन : गेल्या काही दिवसांपासून आंतरराष्ट्रीय स्तरावर अनेक घडामोडी घडत आहेत. इराणवर अमेरिका आणि इस्त्रायल या दोन्ही देशांकडून हल्ले करण्यात आले आहेत. त्यात अमेरिकेकडून अद्यापही हल्ले सुरुच आहेत. जागतिक व्यापारासाठी सर्वात संवेदनशील सागरी मार्ग असलेल्या होर्मुझच्या सामुद्रधुनीवरील तणावाच्या पार्श्वभूमीवर, अमेरिकेच्या लष्कराने इराणविरुद्ध आणखी एक मोठी लष्करी कारवाई केली आहे. अमेरिकेच्या लष्कराने इराणवर हवाई हल्ल्यांचे दुसरे सत्र सुरू केल्याचे दिसून येत आहे. ही कारवाई अमेरिकेचे राष्ट्राध्यक्ष आणि सशस्त्र दलांच्या सरसेनापतींच्या थेट निर्देशांनुसार करण्यात आली. दरम्यान, अमेरिकेच्या या हल्ल्यात इराणच्या अनेक भागांमध्ये स्फोटांचे आवाज ऐकू आले.