Maharashtra Breaking News Today 05.10.2026
05 Oct 2026 09:52 AM (IST)
Brazil Election 2026 Runoff: ब्राझीलमधील राष्ट्रपती पदाच्या निवडणुकीत रंगतदार वळण आले असून पहिल्या फेरीत कोणत्याही उमेदवाराला ५० टक्क्यांहून अधिक मतांचे स्पष्ट बहुमत न मिळाल्याने आता २५ ऑक्टोबर रोजी दुसऱ्या फेरीचे (Run-off) निर्णायक मतदान होणार आहे. ९९.९% मतांची मोजणी पूर्ण झाली असता, वादग्रस्त ठरलेल्या माजी अध्यक्षांचे ४५ वर्षीय पुत्र आणि अति-उजव्या विचारसरणीचे उमेदवार फ्लाव्हिओ बोल्सोनारो यांनी ४७% मते (५ कोटी ६१ लाख) मिळवत आघाडी घेतली आहे, तर विद्यमान ८० वर्षीय अध्यक्ष लुईझ इनासिओ लुला दा सिल्वा यांना ४५.१% मते (५ कोटी ३८ लाख) मिळाली आहेत. पहिल्या फेरीत मिळालेल्या या अनपेक्षित कौलामुळे डाव्या विचारसरणीचे लुला दा सिल्वा यांच्या सत्ता राखण्याच्या प्रयत्नांना मोठा धक्का बसला असून, २५ ऑक्टोबरच्या अंतिम लढतीत संपूर्ण जगाचे लक्ष लागून राहिले आहे.
05 Oct 2026 09:42 AM (IST)
दिल्ली ची परिस्थिती हाताबाहेर गेली आहे ; मोदी शहा वैगरेंची दहशत या पोरानी नष्ट केली
नेहा बोरा यांना ज्या गाडीत बंदिस्त केलं होतं, त्याच गाडीला पोरांनो खेळणं बनवून टाकलं! 😂
दिल्ली पोलीस पूर्णपणे हतबल झालेत. विद्यार्थ्यांनी गाडी उलट्या दिशेनं पळवून नेली, पोलीस काहीच करू शकले नाहीत.
किमान चार वेळा गाडी १०० मीटर पुढे आणि १०० मीटर मागे धावत राहिली.
अमीत शहा भूमिगत आहेत;
थांबा ; आणखी बरच काही बघायचं आहे!
महाराष्ट्रत आज ट्रेलर दिसला आहे!
जय महाराष्ट्र!
https://t.co/rgQ6YanV8B— Sanjay Raut (@rautsanjay61) October 4, 2026
05 Oct 2026 09:32 AM (IST)
बेंगळुरूमध्ये सुवर्णपदक विजेत्या भारतीय महिला हॉकी संघाचे शानदार स्वागत
Amazing welcome for Gold winning Indian Women’s Hockey Team in Bengaluru 😍🫶 https://t.co/qIc2R5FlkZ
— The Khel India (@TheKhelIndia) October 4, 2026
05 Oct 2026 09:32 AM (IST)
फडणवीस, मध्यरात्री नेमकी कशाची भीती वाटत आहे?
आदिवासी विकास मंत्री आणि आदिवासी विभागाच्या आयुक्तांच्या राजीनाम्याच्या मागणीसाठी आझाद मैदानावर आंदोलन करण्यासाठी आदिवासी विद्यार्थी मुंबईत दाखल झाले आहेत.
मात्र, मध्यरात्री ३ वाजता, मुंबई पोलिसांकडून या विद्यार्थ्यांना मध्येच अडवण्यात आले. विद्यार्थ्यांचे फोटो काढण्यात आले, त्यांची धरपकड करण्यात आलीय.
इतकेच नाही, तर विद्यार्थ्यांवर दडपशाही करत त्यांना धमकावले जात असून, “केसेस करू” अशी धमकी दिली जात आहे. विद्यार्थ्यांना घेऊन आलेली एक बसदेखील पोलिसांनी ताब्यात घेतली असून, विद्यार्थ्यांना डांबून ठेवण्यात आले आहे.आपल्या न्याय्य मागण्यांसाठी लोकशाही मार्गाने आंदोलन करण्यासाठी आलेल्या निष्पाप विद्यार्थ्यांवर आंदोलन सुरू होण्याआधीच अशा प्रकारे दडपशाही करणाऱ्या प्रशासनाचा जाहीर निषेध!
सुलतान फडणवीस,
विद्यार्थ्यांच्या मागण्या समजून घेऊन त्यांच्या प्रश्नांकडे गांभीर्याने लक्ष देण्याऐवजी पोलिसी बळाचा वापर करून त्यांना धमकावणे म्हणजे लोकशाही मूल्यांची गळचेपी आहे.विद्यार्थ्यांना धमकावून त्यांचा आवाज दाबता येणार नाही!
आदिवासी विद्यार्थ्यांच्या न्याय्य हक्कांच्या या लढ्यात काँग्रेस पक्ष पूर्ण ताकदीने त्यांच्या पाठीशी उभा आहे!
@MahaPolice @Dev_Fadnavis @drashokuike_mla
— Maharashtra Congress (@INCMaharashtra) October 4, 2026
05 Oct 2026 09:22 AM (IST)
Majhi Ladki Bahin Yojana September Installment: 'मुख्यमंत्री माझी लाडकी बहीण' योजनेतील ऑगस्ट महिन्याचा १५०० रुपयांचा हप्ता नुकताच लाभार्थी महिलांच्या बँक खात्यात जमा झाल्यानंतर आता सप्टेंबर महिन्याच्या सन्मान निधीकडे सर्वांचे लक्ष लागले आहे. नवरात्रोत्सव आणि आगामी दसऱ्याच्या पार्श्वभूमीवर राज्य सरकारकडून या हप्त्याचे वितरण करण्याची जोरदार तयारी सुरू असल्याची माहिती समोर येत आहे. प्राप्त माहितीनुसार, सप्टेंबर महिन्याचा १५०० रुपयांचा हप्ता २५ ऑक्टोबरनंतर थेट महिलांच्या डीबीटी (DBT) लिंक असलेल्या बँक खात्यांमध्ये जमा होण्याची शक्यता वर्तवली जात आहे; त्यामुळे सणासुदीच्या काळात पात्र महिलांना मोठा दिलासा मिळणार आहे.
05 Oct 2026 09:12 AM (IST)
India vs West Indies 3rd ODI Result: भारताने वेस्ट इंडिजविरुद्धची तीन सामन्यांची एकदिवसीय मालिका २-१ अशा फरकाने आपल्या खिशात घातली आहे. मालिकेतील सुरुवातीचे दोन्ही सामने जिंकून भारताने आधीच मालिकेत विजयी आघाडी मिळवली होती; मात्र न्यू चंदीगड येथे खेळल्या गेलेल्या तिसऱ्या आणि अंतिम सामन्यात वेस्ट इंडिजने पुनरागमन करत भारतीय संघाचा ५ गडी राखून पराभव केला. या सामन्यात भारतीय संघ व्यवस्थापनाने राखीव खेळाडूंना संधी देत बेंच स्ट्रेंथ अजमावण्यावर भर दिला होता. अंतिम सामन्यात पराभवाचा सामना करावा लागला असला, तरी संपूर्ण मालिकेत चमकदार कामगिरी करत भारतीय संघाने मालिकेच्या चषकावर आपले नाव कोरले आहे.
05 Oct 2026 09:05 AM (IST)
Eknath Shinde Delhi Visit Pune MLC Seat: उपमुख्यमंत्री एकनाथ शिंदे हे आज दुपारी काही महत्त्वाच्या राजकीय बैठकांसाठी अचानक दिल्ली दौऱ्यावर जाणार असल्याने महाराष्ट्राच्या राजकीय वर्तुळात मोठ्या घडामोडींना वेग आला आहे. विधानपरिषद निवडणुकीत पुणे शिक्षक-पदवीर मतदारसंघाच्या जागेवरून महायुतीमध्ये आणि विशेषतः शिवसेना शिंदे गटात अंतर्गत नाराजी व ताणतणावाचे चित्र निर्माण झाल्याच्या पार्श्वभूमीवर हा दिल्ली दौरा होत असल्याचा दावा केला जात आहे.
Maharashtra to World Breaking News :
जपानमध्ये संपन्न झालेल्या आशियाई खेळ २०२६ च्या अंतिम तक्त्यात भारताने २१ सुवर्ण, २७ रौप्य आणि ३७ कांस्य पदकांसह एकूण ८५ पदके जिंकून चौथे स्थान पटकावले.आगामी विधानसभा निवडणुकांच्या पार्श्वभूमीवर काँग्रेस नेते राहुल गांधी यांनी नागरिकांचे प्रश्न मांडण्यासाठी ‘सत्याग्रह’ नावाचे नवीन डिजिटल व्यासपीठ सुरू केले.
राज्यात मान्सूनने बहुतांश भागांतून माघार घेतली असली तरी मुंबई, ठाणे आणि कोकणातील किनारपट्टीच्या भागांत उकाडा वाढल्याने हवामान विभागाने यलो अलर्ट जारी केला आहे. जीएसटी (GST) कायद्यांतर्गत किरकोळ कर गुन्ह्यांसाठी होणाऱ्या थेट अटकेचे अधिकार शिथिल करण्याबाबत केंद्र सरकार विचार करत असून ७ ऑक्टोबरच्या बैठकीत यावर निर्णय होण्याची शक्यता आहे.
मध्य-पूर्वेतील तणाव वाढल्याच्या पार्श्वभूमीवर अमेरिकेने तिसरी विमानवाहू युद्धनौका तैनात करण्याची घोषणा केली असून इराणी संसदेच्या वक्तव्यानुसार होर्मुझची सामुद्रधुनी बंद राहण्याचा धोका निर्माण झाला आहे.नागपुरात एनसीबीने (NCB) मोठी कारवाई करत ५०० किलो गांजा जप्त केला असून आंतरराज्यीय तस्करी टोळीतील ३ जणांना अटक केली आहे.
.png "Videos"){kind=small}
