Maharashtra Breaking News Today 2026: पेरूमध्ये मोठा भूकंप; रिश्टर स्केलवर 6.7 नोंदवली गेली तीव्रता

21 Aug 2026 09:03 AM (IST)

Nagpur Crime News: 'त्रिकोणी' प्रेमसंबंधातून नागपुरात कुख्यात गुंड गौरव रगडेची कुऱ्हाडीने वार करून हत्या 

Nagpur Crime News: नागपूरच्या नरेंद्र नगर परिसरातील सुंदरबनमध्ये 'त्रिकोणी' प्रेमसंबंधातून निर्माण झालेल्या वादातून कुख्यात गुंड गौरव रगडे याची निर्घृण हत्या करण्यात आल्याची धक्कादायक घटना समोर आली आहे. या प्रकरणी त्याच्याच मित्रांनी कुऱ्हाडीने वार करून त्याचा खून केल्याचे उघडकीस आले असून, पोलिसांनी गौरव प्रभाकर राऊत आणि दीपक वासनिक या दोघांवर गुन्हा दाखल केला आहे.

मृत गौरव रगडे हा कुख्यात गुन्हेगार असून त्याच्याविरुद्ध अजनी पोलीस ठाण्यात हत्या, हत्येचा प्रयत्न आणि दरोड्यासारखे सुमारे नऊ गंभीर गुन्हे दाखल आहेत. प्रेमसंबंधातील वादातून मित्रांनीच मित्राचा गेम केल्याने परिसरात मोठी खळबळ उडाली असून पोलीस या प्रकरणाचा पुढील तपास करत आहेत.

21 Aug 2026 08:30 AM (IST)

Central African Republic Gold Mine Collapse: मध्य आफ्रिकेत सोन्याच्या खाणीत दरड कोसळून १०० हून अधिक कामगारांचा मृत्यू 

Central African Republic Gold Mine Collapse:  मध्य आफ्रिकन प्रजासत्ताकाच्या (Central African Republic - CAR) पश्चिम भागात एक अत्यंत हृदयद्रावक आणि भीषण दुर्घटना घडली आहे. येथील एका हाताने खणल्या जाणाऱ्या (Artisanal) बेकायदेशीर सोन्याच्या खाणीत अचानक मोठी दरड कोसळल्याने (Landslide) आतापर्यंत १०० हून अधिक कामगारांचा मृत्यू झाला आहे. खाणीच्या आत शेकडो कामगार काम करत असताना ही दुर्घटना घडल्यामुळे मृतांचा आकडा आणखी वाढण्याची भीती व्यक्त केली जात आहे.

21 Aug 2026 08:25 AM (IST)

 Vande Mataram Controversy : शर्मिला टागोर यांचे वक्तव्य दुर्दैवी"; 'वंदे मातरम्'वरील विधानावर कंगना राणौतचा संताप, दिला मोफत सल्ला

Vande Mataram Controversy :   बॉलिवूडच्या ज्येष्ठ अभिनेत्री शर्मिला टागोर यांनी 'वंदे मातरम्' गीतासंदर्भात केलेल्या एका वक्तव्यावरून सध्या नवा वाद पेटला आहे. "जे देवावर विश्वास ठेवत नाहीत, त्यांच्यासाठी 'वंदे मातरम्'ची उर्वरित कडवी गाणे कठीण आहे," असे विधान शर्मिला टागोर यांनी केले होते. त्यांच्या या विधानावर भाजप खासदार आणि अभिनेत्री कंगना राणौत यांनी तीव्र संताप व्यक्त केला असून सोशल मीडियाद्वारे शर्मिला टागोर यांच्यावर जोरदार निशाणा साधला आहे. कंगना राणौत यांनी आपल्या अधिकृत सोशल मीडिया हँडलवर एक भलीमोठी पोस्ट शेअर करत शर्मिला टागोर यांच्या भूमिकेवर कडक शब्दांत आक्षेप घेतला आहे

21 Aug 2026 08:20 AM (IST)

Imran Khan Shifted to Shifa Hospital Islamabad: पाकिस्तानचे माजी पंतप्रधान इम्रान खान रुग्णालयात दाखल 

Imran Khan Shifted to Shifa Hospital Islamabad: पाकिस्तानचे माजी पंतप्रधान आणि पाकिस्तान तहरीक-ए-इन्साफ (PTI) पक्षाचे प्रमुख इम्रान खान (७३) यांना अखेर अडियाला जेलमधून बाहेर काढून इस्लामाबादमधील प्रसिद्ध शिफा इंटरनॅशनल रुग्णालयात (Shifa International Hospital) उपचारासाठी दाखल करण्यात आले आहे. गुरुवारी मध्यरात्रीनंतर (शुक्रवारी पहाटे १ वाजेच्या सुमारास) अत्यंत कडक पोलीस बंदोबस्तात त्यांना रुग्णालयात शिफ्ट करण्यात आले. या पार्श्वभूमीवर रुग्णालयाभोवती सुरक्षा यंत्रणांचा मोठा वेढा तैनात करण्यात आला आहे.

21 Aug 2026 08:15 AM (IST)

Kurla Crane Collapse Accident:  कुर्ल्यात जेसीबी उचलणारी क्रेन कोसळली; ८ ते १० जण जखमी 

Kurla Crane Collapse Accident: मुंबईतील कुर्ला परिसरात शुक्रवारी पहाटेच्या सुमारास एक अत्यंत भीषण दुर्घटना घडली. एका क्रेनच्या सहाय्याने जेसीबी (JCB) मशीन उचलून शिफ्ट करण्याचे काम सुरू असताना अचानक क्रेनचा समतोल बिघडला आणि क्रेनसह ती जेसीबी मशीनही खाली कोसळली. या अनपेक्षित अपघातात सुमारे ८ ते १० जण जखमी झाले आहेत.

21 Aug 2026 08:10 AM (IST)

Pune Crime : खुनाच्या प्रयत्नातील आरोपीला ठोकल्या बेड्या

पुणे :  पुण्यासह राज्यभरात गुन्हेगारीच्या घटनांमध्ये मोठी वाढ झाली असून, दररोज खून, खुनाचा प्रयत्न यासारख्या घटना घडत आहेत. वाढत्या गुन्हेगारीमुळे नागरिकांमध्ये भिती निर्माण होत आहे. अशातच आता पुण्यातून एक मोठी बातमी समोर आली आहे. खुनाच्या प्रयत्नाच्या गुन्ह्यात फरार असलेल्या आरोपीला गुन्हे शाखेच्या युनिट दोनच्या पथकाने जेरबंद केले आहे. त्याला आंबील ओढ्याजवळ सापळा रचून पकडण्यात यश आले आहे.