Maharashtra Breaking News Today 2026: होर्मुझ सामुद्रधुनीत अमेरिकेचा ‘गुप्त मार्ग’, तेलाची बाजारात निर्यात

20 Aug 2026 04:57 PM (IST)

डॉ. दाभोलकरांच्या हत्येचा सूत्रधार शोधा; अंनिसचा सरकारला इशारा

सातारा : शहीद डॉ. नरेंद्र दाभोलकर यांच्या १३व्या स्मृतिदिनानिमित्त साताऱ्यात महाराष्ट्र अंधश्रद्धा निर्मूलन समितीच्या वतीने वैज्ञानिक दृष्टिकोन आणि विवेकवादी विचारांचा जागर करण्यात आला. यावेळी जिल्हाधिकारी कार्यालयात निवासी उपजिल्हाधिकारी नागेश पाटील यांना निवेदन देऊन डॉ. दाभोलकर यांच्या हत्येच्या तपासातील प्रलंबित मुद्द्यांकडे शासनाचे लक्ष वेधण्यात आले. डॉ. दाभोलकर यांच्या हत्येप्रकरणी न्यायालयाने आरोपींना शिक्षा सुनावली असली, तरी या हत्येमागील सूत्रधारांचा शोध अद्याप लागलेला नसल्याचा दावा अंनिसच्या कार्यकर्त्यांनी केला. त्यामुळे तपास यंत्रणांनी तपासाला अधिक गती देऊन सूत्रधारांपर्यंत पोहोचावे आणि त्यांच्यावर कायदेशीर कारवाई करावी, अशी मागणी निवेदनातून करण्यात आली.

20 Aug 2026 04:47 PM (IST)

'नीट आंदोलनातील विद्यार्थ्यांविरुद्ध दाखल केलेले FIR मागे घ्या,' आंदोलक तरुणांच्या प्रश्नी मुंबई युवक काँग्रेसच्या शिष्टमंडळाने घेतली पोलीस सह आयुक्त यांची भेट

मुंबई युवक काँग्रेसच्या अध्यक्ष झीनत शबरीन यांच्यासह राष्ट्रीय सरचिटणीस सुरभी द्विवेदी, ॲड. ऋषभ रंजन, हरगुन सिंग यांच्या शिष्टमंडळाने आज पोलीस सहआयुक्तांची भेट घेतली. "नीट' (NEET) परीक्षेची प्रश्नपत्रिका फुटल्याच्या विरोधात मुंबईत झालेल्या आंदोलनादरम्यान पोलिसांची गाडी अडवणाऱ्या रिया अहिर या तरुणीला सोशल मीडियावर सतत धमक्या मिळत आहेत. पोलिसांकडे तक्रार करूनही धमक्या कमी झालेल्या नाहीत. सरकारविरोधात आवाज उठल्यामुळे रियाला प्रचंड त्रास दिला जात आहे. रियाला धमकी देणाऱ्यांना अटक करावी व आंदोलनात सहभागी झालेल्या तरुणांवरील गुन्हे गुन्हे रद्द करावेत," अशी मागणी मुंबई युवक काँग्रेसने केली आहे.

20 Aug 2026 04:37 PM (IST)

केनियामध्ये भीषण हेलिकॉप्टर अपघात; इक्वेडोरच्या गुप्तचर प्रमुखांसह 5 अमेरिकन नागरिकांचा मृत्यू

पूर्व आफ्रिकेतील (african country) केनिया देशात एका भीषण हेलिकॉप्टर अपघातामुळे आंतरराष्ट्रीय स्तरावर खळबळ उडाली आहे. राजधानी नैरोबीच्या उत्तरेस असलेल्या सांबुरू काउंटीमधील प्रसिद्ध ‘ओलोलोकवे’ पर्वताच्या (Mount Ololokwe) पायथ्याशी एक पर्यटक हेलिकॉप्टर कोसळले. या दुर्दैवी दुर्घटनेत हेलिकॉप्टरमधील पायलटसह सर्व सात जणांचा जागीच मृत्यू झाला. मृतांमध्ये लॅटिन अमेरिकन देश इक्वेडोरचे गुप्तचर प्रमुख मिशेल सेन्सी-कॉन्टुगी (Michele Sensi-Contugi), त्यांची पत्नी आणि पाच अमेरिकन नागरिकांचा समावेश असल्याचे अधिकृत सूत्रांनी स्पष्ट केले आहे.

20 Aug 2026 04:27 PM (IST)

छात्रों की गुंज! फडणवीसांचा वार सतेज पाटलांचा पलटवार; पुण्यात राजकारण तापणार

देवेंद्र फडणवीस यांनी या कार्यक्रमामागील राहुल गांधींच्या हेतूवर प्रश्नचिन्ह उपस्थित करत म्हटल आहे की, “हा खरोखरच ‘छात्रोंची गुंज’ कार्यक्रम आहे की राहुल गांधी केवळ स्वतःसाठी एक नवीन राजकीय व्यासपीठ शोधतायेत, हे मला माहीत नाही. पण राहुल गांधींनी सरसकट तरुणांशी संवाद साधला असता तर आनंद झाला असता. पण माझ्याकडील माहितीनुसार, काँग्रेसशी संलग्न असलेल्या शैक्षणिक संस्थांमधील विद्यार्थ्यांनाच सहभागी होण्याची परवानगी दिली जात आहे.” असा दावा केला आहे. फडणवीस यांच्या या आरोपांवर आता काँग्रेस नेते सतेज पाटील यांनी प्रत्युत्तर दिले आहे. “मुख्यमंत्री फडणवीसांनी राहुल गांधींच्या या कार्यक्रमाची धास्ती घेतल्याचे त्यांच्या वक्तव्यावरून स्पष्ट होत आहे. छात्रो की गुंज कार्यक्रमाच्या माध्यामातून लाखो युवक-युवतींना राहुल गांधींमध्ये एक आशेचा किरण दिसत आहे. हे कार्यक्रमातून सिद्ध झालं आहे. पण आता सत्ताधाऱ्यांकडून या कार्यक्रमाला वेगळी दिशा देण्याचा प्रयत्न सुरू आहे."

20 Aug 2026 04:17 PM (IST)

काश्मीरबाबत अमेरिकेची मोठी घोषणा; ‘जम्मू-काश्मीर भारताचाच भाग’ सर्जिओ गोर यांच्या विधानाने पाकिस्तानात खळबळ

आंतरराष्ट्रीय मुत्सद्देगिरीच्या आणि राजनैतिक संबंधांच्या पटावर भारताच्या भूमिकेला एक अत्यंत महत्त्वपूर्ण आणि ऐतिहासिक पाठबळ मिळाले आहे. अमेरिकेचे अध्यक्ष डोनाल्ड ट्रम्प यांचे अत्यंत निकटवर्ती मानले जाणारे आणि भारतातील अमेरिकेचे राजदूत सर्जिओ गोर यांनी आपल्या पहिल्याच श्रीनगर दौऱ्यादरम्यान जम्मू आणि काश्मीरचा ( Jammu and Kashmir) उल्लेख “भारताचा अत्यंत महत्त्वाचा भाग” असा केला आहे. कलम ३७० रद्दीकरणानंतर आणि जम्मू-काश्मीरचा विशेष दर्जा संपुष्टात आल्यानंतर आंतरराष्ट्रीय स्तरावर जागतिक महासत्तांनी जमिनीवरील वास्तव स्वीकारल्याचे हे स्पष्ट चिन्ह मानले जात आहे. गोर यांच्या या थेट आणि स्पष्ट विधानामुळे पाकिस्तानच्या परराष्ट्र धोरणाला आणि त्यांच्या वर्षांनुवर्षांच्या अपप्रचाराला मोठा तडाखा बसला आहे.

20 Aug 2026 04:07 PM (IST)

अरुणाचल प्रदेशात तब्बल 60 किलोमीटरपर्यंत चीनची घुसखोरी? केंद्रीय मंत्री किरेन रिजिजू यांचा मोठा खुलासा

अरुणाचल प्रदेशातील भारत-चीन सीमेवरून पुन्हा एकदा राजकीय आणि सामरिक चर्चा सुरू झाली आहे. गेल्या काही दिवसांपासून चीनने अरुणाचल प्रदेशात तब्बल 60 किलोमीटरपर्यंत घुसखोरी केल्याचा दावा केला जात आहे. मात्र, केंद्रीय मंत्री किरेन रिजिजू यांनी हा दावा फेटाळून लावत महत्त्वाचे स्पष्टीकरण दिले आहे. रिजिजू यांच्या म्हणण्यानुसार, "सीमावर्ती भागातील गावांमधील नागरिकांच्या समस्या आणि चिंता वास्तविक आहेत. मात्र, त्याचा अर्थ चीनने भारतीय गावांवर किंवा भारतीय भूभागावर 60 किलोमीटरपर्यंत कब्जा केला असा होत नाही. भारत आणि चीनमधील सीमेचे अनेक भाग अद्याप जमिनीवर स्पष्टपणे सीमांकित झालेले नसल्यामुळे स्थानिक पातळीवर वाद आणि तणाव निर्माण होतो."

20 Aug 2026 03:55 PM (IST)

Wardha News : सिंचनासाठी २४ तास वीजपुरवठ्याची मागणी, माजी आमदार तिमांडे यांचे उपमुख्यमंत्री सुनेत्रा पवार यांना साकडे

हिंगणघाट : खरीप हंगामात पावसाने दिलेल्या लांब खंडामुळे पिके मरणासन्न अवस्थेत आहे. शेतकऱ्यांना उपलब्ध सिंचनाच्या पाण्याचा उपयोग करून पिके वाचविता यावीत, यासाठी शासनाने सिंचनासाठी २४ तास अखंडित वीजपुरवठा उपलब्ध करून द्यावा, अशी मागणी माजी आमदार प्रा. राजू तिमांडे यांनी केली. याबाबत त्यांनी मुंबई येथे उपमुख्यमंत्री सुनेत्रा पवार यांची भेट घेत शेतकऱ्यांच्या विविध समस्यांचे निवेदन सादर केले.

20 Aug 2026 03:45 PM (IST)

Rajapur News: श्री देव धूतपापेश्वर मंदिराकडे जाणारा रस्ता दुर्लक्षित; प्रशासनाच्या कारभारावर प्रश्नचिन्ह

Rajapur News: राजापूरवासीयांचे श्रद्धास्थान असलेल्या श्री देव धुतपापेश्वर येथील रस्त्याची सध्या अत्यंत वाईट अवस्था झाली आहे. संपूर्ण महाराष्ट्राचे आराध्य दैवत आणि राजापूरवासीयांचे श्रद्धास्थान असलेल्या श्री देव धूतपापेश्वर देवस्थानाकडे जाणाऱ्या रस्त्याची दुरवस्था झाली असून, या समस्येकडे प्रशासनाचे दुर्लक्ष होत असल्याचा आरोप नागरिकांकडून केला जात आहे.

20 Aug 2026 03:15 PM (IST)

IIT Madras : इंजिनिअरिंगसाठी प्रसिद्ध असलेली IIT मद्रास आता ‘या’ क्षेत्रात टाकणार पाऊल; जाणून घेण्यासाठी वाचा सविस्तर..

IIT Madras : गेल्या ७ दशकं केवळ अभियांत्रिकी (इंजिनिअरिंग), तंत्रज्ञान आणि संशोधन यासाठी ओळखल्या जाणाऱ्या प्रतिष्ठित ‘IIT मद्रास’च्या प्रतिमेत आता मोठा बदल होत आहे. आजवर इंजिनिअरिंगसाठी ओळखली जाणारी ही संस्था आता डॉक्टर तयार करण्याची तयारी करत आहे. वैद्यकीय शिक्षणाच्या क्षेत्रात पाऊल ठेवण्यासाठी आयआयटी मद्रास सज्ज झाले असून, यासाठी ‘स्कूल ऑफ मेडिकल सायन्सेस’ ची सुरुवात केली जाणार आहे. येथे विद्यार्थी वैद्यकीय शिक्षण घेऊ शकतील. एका एक्सक्लुझिव्ह मुलाखतीत प्रो. कामकोटी त्यांनी सांगितले की, आयआयटी मद्रास ‘स्कूल ऑफ मेडिकल सायन्सेस’ सुरू करेल आणि येथून विद्यार्थ्यांना वैद्यकीय पदव्या मिळवता येतील.

20 Aug 2026 03:01 PM (IST)

Wardha News : वर्ध्यात जलसंकटाची टांगती तलवार; गतवर्षीच्या तुलनेत कमी पाणीसाठा, दमदार पावसाची प्रतीक्षा

यंदा वरुणराजा वर्धा जिल्ह्यावर काहीसा नाराज असल्याचे चित्र बघावयास मिळत आहे. आतापर्यंत दमदार पाऊस न झाल्याने सर्वत्र चिंता व्यक्त केली जात आहे. गतवर्षी जुलैच्या सुरुवातीच्या दिवसातच जिल्ह्यातील छोटे-मोठे सर्व जलाशय तुडुंब भरले होते. पण, यंदा अर्धा ऑगस्ट महिना संपला तरी जलाशयात केवळ ६९ टक्के पाणीसाठा आहे. पावसाअभावी वाढीच्या आणि फुलधारणेच्या अवस्थेत असलेली पिके माना टाकत आहे. येत्या काही दिवसात जिल्ह्यात मुरळधार पाऊस न झाल्यास आगामी काळात जिल्ह्यातील नागरिकांना भीषण पाणी टंचाईच्या समस्येला तोंड द्यावे लागणार आहे.

20 Aug 2026 03:00 PM (IST)

Strait Of Hormuz: होर्मुझ सामुद्रधुनीत अमेरिकेचा ‘गुप्त मार्ग’; इराणी सैन्याला चकवून दररोज लाखो बॅरल तेलाची जागतिक बाजारात निर्यात

जागतिक ऊर्जा बाजारातील महासंग्राम आणि इराणसोबतच्या तणावाच्या पार्श्वभूमीवर अमेरिकन लष्कराने एक अतिशय धक्कादायक आणि अभूतपूर्व मोहीम फत्ते केली आहे. मध्य पूर्वेतील युद्धाच्या सावटाखाली होर्मुझच्या सामुद्रधुनीतून (Strait of Hormuz) तेलाची वाहतूक पूर्णपणे ठप्प झाल्याचा दावा इराणकडून केला जात असतानाच, अमेरिकेच्या ‘ॲक्सिऑस’ (Axios) या प्रसिद्ध प्रसारमाध्यमाने एक खळबळजनक खुलासा केला आहे. अमेरिकन लष्कराने होर्मुझच्या सामुद्रधुनीत ओमानच्या किनाऱ्यालगत एक अत्यंत गुप्त सागरी मार्ग (Stealth Corridor) तयार केला असून, तिथून दररोज लाखो बॅरल तेल सुरक्षितपणे जागतिक बाजारपेठेत पाठवले जात आहे.

20 Aug 2026 02:55 PM (IST)

Cricket News: वनडे क्रिकेटचा महासंग्राम! इंग्लंड, पाकिस्तान अन् श्रीलंका भिडणार; ट्राय-सिरीजचे पूर्ण शेड्यूल एका क्लिकवर

पाकिस्तान क्रिकेट बोर्डाने (PCB) १९ ऑगस्ट रोजी पाकिस्तान एकदिवसीय ट्राय सीरीजचे वेळापत्रक जाहीर केले. ही ट्राय सीरीज १८ ते ३१ ऑक्टोबर दरम्यान खेळवली जाईल. यामध्ये पाकिस्तान, इंग्लंड आणि श्रीलंका हे संघ सहभागी होतील. ही ट्राय सीरीज रावलपिंडी क्रिकेट स्टेडियम आणि लाहोरच्या गद्दाफी स्टेडियमवर खेळवली जाईल. या मालिकेची सुरुवात १८ ऑक्टोबर रोजी रावलपिंडी येथे पाकिस्तान आणि श्रीलंका यांच्यातील सामन्याने होईल.स्पर्धेचा अंतिम सामना ३१ ऑक्टोबर रोजी लाहोरमध्ये खेळला जाईल. सध्या तीन सामन्यांच्या कसोटी मालिकेसाठी पाकिस्तानी संघ इंग्लंड दौऱ्यावर आहे. त्यानंतर पाकिस्तान संघ ९ ऑक्टोबरपासून मायदेशात श्रीलंकेविरुद्ध तीन सामन्यांची टी-२० आंतरराष्ट्रीय मालिका खेळेल.

20 Aug 2026 02:50 PM (IST)

Wardha News : वर्ध्यात जलसंकटाची टांगती तलवार; गतवर्षीच्या तुलनेत कमी पाणीसाठा, दमदार पावसाची प्रतीक्षा

वर्धा, ब्युरो : यंदा वरुणराजा वर्धा जिल्ह्यावर काहीसा नाराज असल्याचे चित्र बघावयास मिळत आहे. आतापर्यंत दमदार पाऊस न झाल्याने सर्वत्र चिंता व्यक्त केली जात आहे. गतवर्षी जुलैच्या सुरुवातीच्या दिवसातच जिल्ह्यातील छोटे-मोठे सर्व जलाशय तुडुंब भरले होते. पण, यंदा अर्धा ऑगस्ट महिना संपला तरी जलाशयात केवळ ६९ टक्के पाणीसाठा आहे. पावसाअभावी वाढीच्या आणि फुलधारणेच्या अवस्थेत असलेली पिके माना टाकत आहे. येत्या काही दिवसात जिल्ह्यात मुरळधार पाऊस न झाल्यास आगामी काळात जिल्ह्यातील नागरिकांना भीषण पाणी टंचाईच्या समस्येला तोंड द्यावे लागणार आहे.

20 Aug 2026 02:45 PM (IST)

Sindhudurg DCC Bank : सिंधुदुर्ग जिल्हा मध्यवर्ती बँकेत ‘या’ पदांची भरती; आजपासूनच ऑनलाईन अर्ज सुरू!

Sindhudurg DCC Bank : सिंधुदुर्ग जिल्हा मध्यवर्ती सहकारी बँक लिमिटेड (Sindhudurg District Central Co-op. Bank Ltd) अंतर्गत ‘शिपाई’ या संवर्गातील एकूण ३२ रिक्त जागा भरण्यासाठी अधिकृत जाहिरात प्रसिद्ध करण्यात आली आहे. ही भरती प्रक्रिया कोल्हापूर जिल्हा नागरी बँक्स सहकारी असोसिएशन लिमिटेड, कोल्हापूर या भरती एजन्सीमार्फत पार पाडली जाणार असून, पात्र उमेदवारांकडून विहित नमुन्यात केवळ ऑनलाईन पद्धतीने अर्ज मागविण्यात येत आहेत.

20 Aug 2026 02:40 PM (IST)

‘देश का नमक’ मागचा चेहरा कोण? टाटांच्या १४ कंपन्यांची धुरा सांभाळणाऱ्या ‘या’ व्यक्तीची कहाणी थक्क करणारी

Who was Darbari Seth: भारतामध्ये असे काही ब्रँड आहेत. त्यांची आपल्याला ओळख करुन देण्याची गरज भासत नाही. त्या वस्तूचे नाव घेतले की, दुकानदार त्याच ब्रँड वस्तू आपल्याला आणून देतो.त्यापैंकी एक म्हणजे टाटा सॉल्ट. दुकानात मीठ मागितले की आपल्या डोळांसमोर येत देत म्हणजे टाटा सॉल्ड. रोज जेवणात वापरले जाणारे मीठ आजचे इतके सामान्य वाटते, त्यामागे एका दूरदृष्टी असलेल्या व्यक्तीचे नाव ते म्हणजे दरबारी सेठ. ते टाटा समूहातील एक अत्यंत प्रभावी व्यक्ती मानले जाते. त्यांचे नाव केवळ मीठापुरते मर्यादित नव्हते. रसायन उद्योगापासून चहाच्या व्यवसायापर्यंत टाटा समूहाला पुढे नेण्यात त्यांचा मोठा वाटा होता. म्हणूनच त्यांना ‘केमिकल किंग’ आणि ‘टी किंग’ अशी ओळखही मिळाली.

20 Aug 2026 02:30 PM (IST)

व्हॉट्सअ‍ॅप स्टेटसवरून कोथरुडमधील अल्पवयीन मुलाचा खून; पार्टीसाठी बोलावले अन्…

पुणे : राज्यासह देशभरात गुन्हेगारी वाढली असून, वाढत्या गुन्हेगारीमुळे नागरिकांमध्ये भिती निर्माण होत आहे. अशातच आता एक मोठी बातमी समोर आली आहे. व्हॉट्सअप स्टेट्स ठेवल्यावरून तसेच जुन्या वादातून एका अल्पवयीन मुलाचा विद्या महाविद्यालयाच्या टेकडीवर दोन अल्पवयीन मुलांनी लोखंडी हातोड्याने डोक्यात वार करून निघृण खून केल्याचा धक्कादायक प्रकार उघडकीस आला आहे. मुलांना पोलिसांनी ताब्यात घेतले आहे. नील नाईक (वय १४, रा. श्रावनाधारा, कोथरूड) असे खून झालेल्या मुलाचे नाव आहे. याप्रकरणी कोथरूड पोलिस ठाण्यात गुन्हा दाखल करण्यात आला आहे. मध्यरात्री ही घटना घडली असून, बुधवारी सकाळी मुलाचा मृतदेह रक्ताच्या थारोळ्यात पडल्याचे दिसून आले.

20 Aug 2026 02:25 PM (IST)

3.3 कोटींची नोकरी सोडून घेतला मोठा निर्णय! Googleचा माजी कर्मचारी आता नेमकं काय करतोय?

Kevin Naughton Jr’s Inspiring Career Journey: गुगलमध्ये काम करण्याची प्रत्येक व्यक्तींचे स्वप्न असते. कित्येक जण या कंपनीमध्ये काम करायला मिळावे म्हणून खूप प्रयत्न करतात. चांगली नोकरी, कामांच्या ठिकाणी मनमोकळे वातावरण अशातच कोणी नोकरी सोडण्याचा विचार करु शकेल, असा विचारही मनात येणार नाही. मात्र स्वप्न माणासांला असा विचार करण्यासाठी भाग पाडू शकतात याचे खरे उदाहरण आहेत, गुगलचे माजी सॉफ्टवेअर इंजिनिअर केविन नॉटन ज्युनिअर आहेत.

20 Aug 2026 02:20 PM (IST)

Evergrande: चीनमधील सर्वात मोठ्या रिअल इस्टेट घोटाळ्यात ऐतिहासिक निकाल; एव्हरग्रांडे कंपनीवर 24,000 कोटींचा दंड; फाउंडरना जन्मठेप

चीनच्या (China) आर्थिक आणि स्थावर मालमत्ता (Real Estate) क्षेत्राला हादरवून सोडणाऱ्या सर्वात मोठ्या घोटाळ्यात गुरुवारी, २० ऑगस्ट २०२६ रोजी तेथील न्यायव्यवस्थेने ऐतिहासिक आणि कठोर निकाल दिला आहे. चीनमधील एकेकाळची अव्वल रिअल इस्टेट कंपनी असलेल्या ‘एव्हरग्रांडे ग्रुप’चे (China Evergrande Group) संस्थापक आणि माजी अब्जाधीश हुई का यान (Hui Ka Yan) यांना आर्थिक फसवणूक, वित्तीय गैरव्यवहार आणि लाचखोरीच्या आरोपांखाली शेन्झेन इंटरमीडिएट पीपल्स कोर्टाने जन्मठेपेची (Life Imprisonment) शिक्षा सुनावली आहे. या निकालामुळे आशियातील एकेकाळच्या सर्वात श्रीमंत व्यक्तीचा संपूर्ण डोलारा पार कोलमडून पडला आहे.

20 Aug 2026 02:15 PM (IST)

Lalit Prabhakar-Prajakta Mali: १३ वर्षांनी पुन्हा जुळणार ललित-प्राजक्ताची ‘रेशीमगाठ’; ‘शुभ मंगलम जोडी दंगलम’चा टीझर रिलीज

maramaratLalit Prabhakar-Prajakta Mali: मराठी मनोरंजनसृष्टीतील लोकप्रिय जोडी ललित प्रभाकर आणि प्राजक्ता माळी पुन्हा एकदा प्रेक्षकांच्या भेटीला येणार आहे. ‘जुळून येती रेशीमगाठी’ या मालिकेतून प्रेक्षकांच्या मनात घर केलेली ही जोडी तब्बल १३ वर्षांनंतर पुन्हा एकत्र दिसणार आहे. ‘शुभ मंगलम जोडी दंगलम’ या आगामी चित्रपटातून दोघेही मोठ्या पडद्यावर एकत्र झळकणार आहेत. नुकताच या चित्रपटाचा टीझर समोर आला असून, त्याने प्रेक्षकांची उत्सुकता वाढवली आहे.

20 Aug 2026 02:10 PM (IST)

कुकरच्या शिट्टीत लपवलं १ कोटींचं सोनं; दिल्ली विमानतळावर प्रवाशाचा भांडाफोड; Video Viral

परदेशातून सोन्याची तस्करी करण्यासाठी आरोपी अनेक वेगवेगळ्या युक्त्या शोधून आणत असतो. एअरपोर्टवर अशा घटना नेहमीच घडताना दिसून येतात. अशातच अलिकडे सोशल मिडियावर सोने तस्करीसाठी वापरलेल्या या अनोख्या युक्तीचा व्हिडिओ शेअर करण्यात आला आहे. व्हिडिओमध्ये आरोपीने १ कोटी किंमतीचे सोने चक्क एका कुकरच्या शिट्टीत दडवून ठेवल्याचे दिसले. नव्या कोऱ्या कुकुरच्या शिट्टीत सोन लपवून सोन्याची सहज तस्करी करता येईल असा आरोपीचा विचार होता पण अधिकाऱ्यांच्या सूक्ष्म नजरांपासून ही गोष्ट लपू शकली नाही आणि रंगेहात चोरी पकडली गेली. ही घटना दिल्ली एअरपोर्टवर घडून आली असून याचा व्हिडिओ सोशल मिडियावर शेअर करण्यात आला आहे. चला सविस्तर माहिती जाणून घेऊया.

Customs officials at Delhi’s IGI Airport intercepted a passenger travelling from Riyadh to Mumbai and then Delhi after an X ray scan flagged suspicious images in his checked in baggage.

A detailed examination revealed 15 pieces of 24 carat gold weighing 523 grams, cleverly… pic.twitter.com/3zj7AMpaYe

— Fact Pilgrim (@FactPilgrim) August 20, 2026

credit - social media and Twitter

20 Aug 2026 02:05 PM (IST)

नितीन नबीन यांच्या टीममध्ये पियूष गोयल; आता केंद्रीय मंत्रिपदाचा द्यावा लागणार राजीनामा?

नवी दिल्ली : केंद्रीय वाणिज्य मंत्री पियुष गोयल यांची भाजपचे राष्ट्रीय अध्यक्ष नितीन नवीन यांच्या टीममध्ये राष्ट्रीय खजिनदार म्हणून नियुक्ती करण्यात आली आहे. मात्र, भाजपमध्ये ‘एक व्यक्ती, एक पद’ अशी परंपरा आहे. त्यामुळे पियूष गोयल सरकारमधून राजीनामा देणार की नाही, याबद्दल चर्चा आणि शक्यता वर्तवल्या आहे.

राष्ट्रीय अध्यक्षांच्या टीममध्ये जात स्थान मिळवणारे ते सरकारमधील एकमेव मंत्री आहेत. असे म्हटले जात आहे की, आगामी पाच राज्यांच्या विधानसभा निवडणुका आणि पुढील सार्वत्रिक निवडणुका लक्षात घेता, पियूष गोयल यांना पक्षाच्या कामासाठी पूर्णपणे मोकळे करण्याबाबत चर्चा सुरू आहे. याचे कारण म्हणजे ते पक्षाप्रती समर्पित नेते आहेत, जे कोणतेही काम एक ध्येय मानून करतात. त्यांची कार्यशैली त्यांना इतर नेत्यांपेक्षा वेगळे ठरवते. ते हाती घेतलेल्या प्रत्येक कामात १०० टक्के यश सुनिश्चित करतात. त्यामुळे, पक्षाला त्यांच्या व्यापक आणि अनुभवाचा कार्यक्षम स्वभावाचा फायदा घ्यायचा आहे.

20 Aug 2026 02:00 PM (IST)

3.3 कोटींची नोकरी सोडून घेतला मोठा निर्णय! Googleचा माजी कर्मचारी आता नेमकं काय करतोय?

गुगलमध्ये काम करण्याची प्रत्येक व्यक्तींचे स्वप्न असते. कित्येक जण या कंपनीमध्ये काम करायला मिळावे म्हणून खूप प्रयत्न करतात. चांगली नोकरी, कामांच्या ठिकाणी मनमोकळे वातावरण अशातच कोणी नोकरी सोडण्याचा विचार करु शकेल, असा विचारही मनात येणार नाही. मात्र स्वप्न माणासांला असा विचार करण्यासाठी भाग पाडू शकतात याचे खरे उदाहरण आहेत, गुगलचे माजी सॉफ्टवेअर इंजिनिअर केविन नॉटन ज्युनिअर आहेत.

20 Aug 2026 01:55 PM (IST)

श्रीलंकेचा पुन्हा धुव्वा उडणार? Team India व्हाईटवॉशच्या तयारीत!

भारत आणि श्रीलंका यांच्यातील पहिला कसोटी सामना १५ ते १९ ऑगस्ट दरम्यान खेळला गेला. भारताने हा सामना १६५ धावांनी जिंकत शानदार विजय नोंदवला. या विजयासह टीम इंडियाने दोन सामन्यांच्या कसोटी मालिकेत १- ० ने आघाडी घेतली. भारतासाठी वर्ल्ड टेस्ट चॅम्पियनश गुणतालिकेच्या दृष्टीने ही मालिका अत्यंत महत्वाची आहे. आता दुसऱ्या कसोटी सामन्यासाठी जास्त वेळ शिल्लक नाही. मालिकेतील दुसरा सामना कधी आणि कुठे खेळला जाईल, जाणून घेऊयात.

20 Aug 2026 01:50 PM (IST)

दिल्ली विमानतळावर ६८ लाख रुपयांची रोकड जप्त

केंद्रीय औद्योगिक सुरक्षा दलाने (CISF) बुधवारी, १९ ऑगस्ट २०२६ रोजी दिल्ली विमानतळावर दोन भारतीय प्रवाशांकडून ६८.५३ लाख रुपयांची रोकड जप्त केली आहे. त्यानंतर, पुढील कार्यवाहीसाठी ही रक्कम प्राप्तिकर विभागाच्या अधिकाऱ्यांकडे सोपवण्यात आली आहे. हे प्रवासी इंडिगोच्या विमानाने गुवाहाटीला जाणार होते आणि त्यानंतर ते आगरतळाला जाणार होते.  वर्तणुकीचे निरीक्षण आणि सीसीटीव्ही फुटेजच्या विश्लेषणावरून सीआयएसएफ (CISF) जवानांनी ही बाब ओळखून कारवाई केली आहे.

20 Aug 2026 01:45 PM (IST)

बांधकामाला आयुक्तांचा दणका! शहरातील रस्ते बांधकामाबाबत पीडब्ल्यूडीला ‘एनओसी’ सक्तीची

जळगाव शहरातील रस्त्याची कामे सार्वजनिक बांधकाम विभागाकडे आहे. मात्र त्यांनी महापालिकेची परवानगी न घेता परस्पर कामे केली आहेत. त्याबाबत तक्रारीही आल्या आहेत. आता रस्त्याची कामे करण्यासाठी सार्वजनिक बांधकाम वभागाला महापालिकेची ‘एसओसी ‘घ्यावी लागणार आहे. त्याबाबत आयुक्तांनी पत्र लिहून या विभागाला कळविले आहे. जळगाव शहरातील रस्त्याची अवस्था अत्यंत दयनीय झाली आहे. रस्ते दुरूस्तीसाठी विरोधकांनी आंदोलने केली. त्यानंतर सत्ताधाऱ्यांनीही मुख्यमंत्र्याकडे हा प्रश्न उपस्थित केला होता. त्यानंतर त्यांनी जळगावच्या रस्त्यासाठी अगोदर शंभर कोटी रूपये मंजूर केले होते.

20 Aug 2026 01:45 PM (IST)

भाजपा सरकारने राहुल गांधींना अडवण्याचा प्रयत्न करू नये, कोणतीही शक्ती…; काँग्रेसचा इशारा

पुण्यात ‘छात्रो की गुंज’ कार्यक्रमात राहुल गांधी विशेषतः मुलींशी संवाद साधणार आहेत. या कार्यक्रमाला सुमारे 8 ते 10 हजार मुली उपस्थित राहण्याची शक्यता आहे. पुणे हे मुलींच्या पहिल्या शाळेचे शहर आहे. त्यामुळे या ऐतिहासिक शहरात राहुल गांधी मुलींशी थेट संवाद साधणार आहेत. पुण्यातील ‘छात्रो की गुंज’ कार्यक्रमात भाजपकडून खोडा घालण्याचा प्रयत्न केला जात आहे, असा आरोप अल्पसंख्याक विभागाचे अध्यक्ष, खासदार इम्रान प्रतापगडी यांनी केला आहे. तसेच इम्रान प्रतापगडी यांनी भाजप सरकारला इशाराही दिला आहे.

20 Aug 2026 01:35 PM (IST)

तुकाराम मुंढे जोमात हॉटेल मालक कोमात!

महाराष्ट्र अन्न व औषध प्रशासनाने (FDA) ‘ॲनालॉग पनीर’ वापरल्याबद्दल वांद्रे येथील ऑटर्स क्लबसह मुंबईतील अनेक रेस्टॉरंटचे अन्न परवाने निलंबित केल्याची माहिती समोर आली आहे. एफडीएचे आयुक्त तुकाराम मुंढे यांच्या नेतृत्त्वात करण्यात आलेल्या  कारवायांमध्ये महाराष्ट्रातील इतर अनेक आस्थापनांचे परवानेही निलंबित करण्यात आले.

20 Aug 2026 01:25 PM (IST)

जशास तसे! पाकिस्तानच्या कपटनीतीला भारताचे सडेतोड उत्तर

भारत आणि पाकिस्तान (India-Pakistan Conflict) यांच्यातील राजनैतिक तणाव आता एका अत्यंत नाजूक व गंभीर वळणावर येऊन पोहोचला आहे. इस्लामाबादमध्ये पाकिस्तानच्या प्रशासनाने भारतीय उच्चायुक्तालयाबाबत दाखवलेल्या खोडसाळपणाला आणि चालीरीतींना भारताने तात्काळ आणि कडक शब्दांत प्रत्युत्तर दिले आहे. नवी दिल्लीतील चाणक्यपुरीस्थित पाकिस्तान उच्चायुक्तालयाबाहेर (Pakistan High Commission) प्रशासनाने मोठी कारवाई करत बाह्य सुरक्षा परिघातील बॅरिकेड्स, ट्रॅफिक बोलार्ड्स आणि शेडचे अनधिकृत बांधकाम बुलडोझरच्या साहाय्याने हटवून टाकले आहे.

20 Aug 2026 01:15 PM (IST)

१३ वर्षांनी पुन्हा जुळणार ललित-प्राजक्ताची ‘रेशीमगाठ’

मराठी मनोरंजनसृष्टीतील लोकप्रिय जोडी ललित प्रभाकर आणि प्राजक्ता माळी पुन्हा एकदा प्रेक्षकांच्या भेटीला येणार आहे. ‘जुळून येती रेशीमगाठी’ या मालिकेतून प्रेक्षकांच्या मनात घर केलेली ही जोडी तब्बल १३ वर्षांनंतर पुन्हा एकत्र दिसणार आहे. ‘शुभ मंगलम जोडी दंगलम’ या आगामी चित्रपटातून दोघेही मोठ्या पडद्यावर एकत्र झळकणार आहेत. नुकताच या चित्रपटाचा टीझर समोर आला असून, त्याने प्रेक्षकांची उत्सुकता वाढवली आहे.

20 Aug 2026 01:09 PM (IST)

वेताळवाडी ग्रामपंचायतीची ग्रामसभा संपन्न; डिजिटल शाळा

पाटण तालुक्यातील वेताळवाडी ग्रामपंचायतीची ग्रामसभा विविध विषयांवर सविस्तर चर्चा करीत खेळीमेळीच्या वातावरणात संपन्न झाली. ग्रामसभेच्या अध्यक्षस्थानी सरपंच लक्ष्मीबाई पुजारी होत्या. विशेष मार्गदर्शकअतिथी म्हणून लोकनेते बाळासाहेब देसाई सहकारी साखर कारखान्याचे व्हा.चेअरमन पांडुरंग नलवडे उपस्थित होते.

20 Aug 2026 01:02 PM (IST)

नांदेड जिल्ह्यातील 13 हजार शेतकरी कर्जमुक्त

मुख्यमंत्री देवेंद्र फडणवीस यांच्या नेतृत्वाखाली राज्य शासनाने जाहीर केलेल्या ‘पुण्यश्लोक अहिल्यादेवी होळकर शेतकरी कर्जमुक्ती योजना-२०२६’ची नांदेड जिल्ह्यात प्रभावी अंमलबजावणी सुरू आहे. योजनेच्या पहिल्या टप्प्यात जिल्ह्यातील जवळपास १३ हजार शेतकऱ्यांना कर्जमुक्तीचा लाभ मिळाला असून, सुमारे १०६ कोटी २५ लाख रुपये त्यांच्या बँक खात्यावर जमा करण्यात आले आहेत. जिल्हाधिकारी कार्यालयात आयोजित कार्यक्रमात पालकमंत्री अतुल सावे यांच्या हस्ते सात लाभार्थी शेतकऱ्यांना प्रातिनिधिक स्वरूपात कर्जमुक्ती (बेबाक) प्रमाणपत्रांचे वितरण करण्यात आले. यावेळी सावे यांनी पात्र शेतकऱ्यांनी योजनेचा लाभ घेण्यासाठी अॅग्रीस्टॅक नोंदणी आणि आधार प्रमाणीकरणाची प्रक्रिया पूर्ण करून घ्यावी, असे आवाहन केले. या निमित्ताने जिल्ह्यातील सर्व तहसील कार्यालयांमध्येही कर्जमुक्ती प्रमाणपत्र वितरणाचे कार्यक्रम घेण्यात आले.

20 Aug 2026 12:48 PM (IST)

पुण्यात काँग्रेसच्या कार्यकर्त्याची सपकाळांकडे मागणी

येत्या ऑगस्ट 22तारखेला पुणे येथे आयोजित राहुल गांधी यांच्या ‘छात्रों की गूंज’ या कार्यक्रमाच्या निमित्ताने महाराष्ट्र प्रदेश काँग्रेस कमिटीचे प्रदेशाध्यक्ष हर्षवर्धन सपकाळ हे खडकवासला विधानसभा मतदारसंघात आले होते. या दौऱ्यादरम्यान खडकवासला विधानसभा मतदारसंघ काँग्रेसचे अध्यक्ष उमेश भीमराव कोकरे यांनी कार्यकर्त्यांच्या भावना मांडत, यापुढे शरद पवार गटासोबत कोणत्याही प्रकारची युती करू नये, अशी आग्रही मागणी प्रदेशाध्यक्षांकडे केली आहे. यावेळी पुणे शहर काँग्रेस कमिटीच्या शहराध्यक्षा दीप्ती चौधरी, ऑल इंडिया काँग्रेस कमिटीच्या सदस्या रेहाना चिस्ती, महिला नेत्या अर्चना शहा, ज्येष्ठ नेते लहू निवगुणे यांच्यासह खडकवासला मतदारसंघातील काँग्रेसचे पदाधिकारी आणि कार्यकर्ते मोठ्या संख्येने उपस्थित होते.

20 Aug 2026 12:36 PM (IST)

खुनाच्या प्रयत्नातील फरार आरोपीला ठोकल्या बेड्या

पुण्यातून एक मोठी बातमी समोर आली आहे. खुनाचा प्रयत्न केल्याप्रकरणी गेल्या पाच महिन्यांपासून फरार असलेल्या आरोपीला गुन्हे शाखेच्या युनिट दोनच्या पथकाने जेरबंद केले आहे. कात्रज परिसरात ही कारवाई करण्यात आली असून, त्याला पुढील कारवाईसाठी सहकारनगर पोलिसांच्या ताब्यात देण्यात आले आहे. सोहम ऊर्फ सोन्या मनोहर थोरात (वय २१, रा. वडगाव बुद्रुक, जाधवनगर, भैरवनाथ मंदिराजवळ, सिंहगड रोड, पुणे) असे अटक करण्यात आलेल्या आरोपीचे नाव आहे. सहकारनगर पोलिस ठाण्यात गुन्हा रजिस्टर क्रमांक ७१/२०२६ दाखल असून भारतीय न्याय संहितेतील कलम १०९, १८९(२), १९१(३), ३५१(२), ३५२, ३(५), आर्म्स ॲक्ट कलम ४(२५) आणि महाराष्ट्र पोलिस कायद्यातील कलम ३७(१)(३) सह १३५ अंतर्गत गुन्हा दाखल आहे. या गुन्ह्यात सोहम थोरात याचा सहभाग असल्याचे तपासात समोर आले आहे. ही कारवाई वरिष्ठ निरीक्षक राहुल खिलारे यांच्या मार्गदर्शनाखाली उपनिरीक्षक ज्ञानेश्वर दळवी तसेच कुंदन शिंदे, उज्वल मोकाशी, शंकर नेवसे, विजय पवार आदींच्या पथकाने केली आहे.

20 Aug 2026 12:24 PM (IST)

जुन्नर तालुक्यात ९ वर्षांच्या चिमुकलीवर उसाच्या शेतात अत्याचार करून हत्या

पुण्यातील जुन्नर तालुक्यातील पिंपळवंडी गावातून एक धक्कादायक प्रकार उघडकीस आला आहे. एका तरुणाने एका ९ वर्षांच्या मुलीला सायकलवरून उसाच्या शेतात नेत तिच्यावर लैंगिक अत्याचार तिच्यावर लैंगिक अत्याचार करून तिची गळा दाबून हत्या केल्याचा प्रकार समोर आला आहे. मंगळवार (१८ ऑगस्ट)च्या दुपारी साडेतीन ते चार वाजण्याच्या दरम्यान हा प्रकार उघडकीस आल्यानंतर पोलिसांनी तातडीने तपासाची सुत्रे फिरवत एका संशयित तरूणाला ताब्यात घेतले आहे.

20 Aug 2026 12:12 PM (IST)

हिंगोलीतील संतापजनक घटना

एका तेरा वर्षीय मतीमंद भोळसर चिमुकलीवर गावातील चार जणांकडून अत्याचार झाल्याची संतापजनक घटना हिंगोलीच्या वसमत तालुक्यातील एका गावामध्ये घडली आहे. अल्पवयीन चिमुकलीचे कुटुंबीय घरी नसताना चिमुकलीच्या मतीमंदपणाचा गैरफायदा घेत तिला बिस्किटे व पन्नास रुपये देण्याचे आमिष दाखवत तिघा जणांकडून दुचाकीवर बसून नेत तिच्यावर अत्याचार करण्यात आला आहे. याप्रकरणी चार आरोपींविरुद्ध हट्टा पोलीस ठाण्यात पॉक्सो कायद्यांतर्गत गुन्हा दाखल करण्यात आला आहे. या चार नराधमापैकी तिघा जणांना पोलिसांनी बेड्या देखील ठोकल्या आहेत.

20 Aug 2026 11:50 AM (IST)

सिंधुदुर्ग जिल्ह्याच्या शाश्वत आर्थिक विकासाला मिळणार गती, ‘गाव तिथे उद्योजक’ अभियानाचा भव्य शुभारंभ

सिंधुदुर्ग जिल्ह्याच्या शाश्वत आर्थिक विकासाला गती देण्यासाठी आणि ग्रामीण भागातील तरुणांना उद्योजकतेची नवी दिशा दाखवण्यासाठी महाराष्ट्र चेंबर ऑफ कॉमर्स, इंडस्ट्री अँड ॲग्रिकल्चर (एमएसीसीआयए) च्या वतीने आपल्या संघटनात्मक विस्ताराचा भाग म्हणून कुडाळ येथे नवीन कार्यालयाचे उद्घाटन करण्यात आले. याच सोहळ्यात ‘गाव तिथे उद्योजक’ या महत्त्वाकांक्षी अभियानाचा भव्य शुभारंभ करण्यात आला. ​हा सोहळा महाराष्ट्र राज्याचे मत्स्यव्यवसाय व बंदरे मंत्री तसेच सिंधुदुर्गचे पालकमंत्री नितेश राणे आणि आमदार निलेश राणे यांच्या प्रमुख उपस्थितीत मोठ्या उत्साहात पार पडला.

20 Aug 2026 11:45 AM (IST)

अमेरिकेचे कर्ज 40 ट्रिलियन डॉलर्स पार, प्रत्येक माणसाच्या डोक्यावर किती ओझं?

अर्थव्यवस्थेच्या बाबतीत सर्वात शक्तिशाली समजल्या जाणाऱ्या अमेरिकेचे दिवाळे निघाले आहे. इतिहासात पहिल्यांदाच अमेरिकेने कर्जाच्या बाबतीत ४० ट्रिलियन डॉलर्सचा टप्पा पार केला आहे.  २०२० पासून त्यात १७ ट्रिलियन डॉलर्स आणि २००८ पासून ३० ट्रिलियन डॉलर्सची वाढ झाली असल्याचे आता समोर आले आहे. केवळ व्याजापोटीच दररोज ३.८ अब्ज डॉलर्सचा खर्च येत आहे. तज्ज्ञांच्या मते, याचे परिणाम भविष्यात व्यक्ती, कंपन्या आणि सरकारला भोगावे लागतील. देशातील प्रत्येक व्यक्तीवर सध्या तब्बल १,१९,६९९ डॉलर्सचे कर्ज आहे.

20 Aug 2026 11:30 AM (IST)

१० वर्षांच्या चिमुरडीवर अत्याचार करून हत्या, आरोपी शोधण्याचा करत होता बनाव, संतप्त ग्रामस्थांनी केली फाशीची मागणी

काळ बदलत चालला आहे आणि यासोबतच लोकांच्या विकृतीतही वाढ होत आहे. नरसापूर प्रकरणातील आरोपीला फाशीची शिक्षा दिल्यानंतर आरोपींच्या मनात भिती बसेल आणि बलात्काराचे प्रमाण कमी होईल अशी आशा होती, परंतु कायद्याला वेशीवर टांगून सामान्य माणूसही आता वाईटाची वाट पकडू लागला आहे. पुण्याच्या पिंपळवंडी परिसरातून बलात्कार आणि हत्येची नवीन घटना समोर येत आहे.

20 Aug 2026 11:20 AM (IST)

भाजपचे छुपे चाणक्य..! विनोद तावडे कसे बनले भाजपचे प्रमुख निवडणूक रणनीतीकार

भारतीय जनता पक्षाचे राष्ट्रीय सरचिटणीस असलेले विनोद तावडे हे पक्षाच्या प्रमुख निवडणूक रणनीतीकारांपैकी एक मानले जातात.  संघटनात्मक आणि निवडणूक व्यवस्थापनातील त्यांच्या व्यापक अनुभवामुळे, त्यांच्यावर विविध राज्यांमध्ये महत्त्वाच्या जबाबदाऱ्या सोपवण्यात आल्या आहेत. २०२२ च्या राष्ट्रपती निवडणुकीत एनडीएच्या उमेदवार द्रौपदी मुर्मू यांची जबाबदारी तावडे यांच्यावर होती. त्यांनी विविध राज्यांमधील मित्रपक्ष आणि समर्थक पक्षांशी समन्वय साधण्यात महत्त्वाची भूमिका बजावली. त्यानंतर २०२५ च्या उपराष्ट्रपती निवडणुकीत एनडीएचे उमेदवार सी. पी. राधाकृष्णन यांच्यासाठी निवडणूक प्रभारी म्हणून त्यांची नियुक्ती करण्यात आली.

20 Aug 2026 11:10 AM (IST)

‘तुम्बाड’च्या आठवणी पुन्हा ताज्या! रेकीदरम्यान सापडले ‘आटे की गुडिया’चे मूळ साचे

तुम्बाड’ या कल्ट चित्रपटाच्या चाहत्यांसाठी एक रंजक बातमी समोर आली आहे. ‘तुम्बाड 2’च्या लोकेशन रेकीदरम्यान टीमला पहिल्या भागाशी संबंधित काही मूळ वस्तू सापडल्या आहेत. वाड्याची रेकी करताना टीमच्या हाती ‘आटे की गुडिया’चे मूळ साचे आणि वाड्याचं कुलूप उघडण्यासाठी वापरण्यात आलेलं साधन लागलं. वर्षानुवर्षे याच ठिकाणी जतन करून ठेवलेल्या या वस्तू पाहून टीमच्या जुन्या आठवणींना उजाळा मिळाला.

20 Aug 2026 11:05 AM (IST)

यूपीएससीची मोठी भरती! EPFO मध्ये ८० पदांसाठी भरती; ‘या’ तारखेपासून अर्ज प्रक्रिया सुरू!

सरकारी नोकरीची तयारी करणाऱ्या तरुणांसाठी संघ लोक सेवा आयोग (UPSC) एक सुवर्णसंधी घेऊन आले आहे. आयोगाने कर्मचारी भविष्य निर्वाह निधी संघटनेत (EPFO) ‘असिस्टंट प्रॉव्हिडंट फंड कमिशनर’ (APFC) या पदांच्या भरतीसाठी अधिसूचना जारी केली आहे. या भरती प्रक्रियेद्वारे एकूण ८० पदे भरली जाणार आहेत. ज्या तरुणांचे सरकारी अधिकारी बनण्याचे स्वप्न आहे आणि ज्यांनी मान्यताप्राप्त विद्यापीठातून पदवी पूर्ण केली आहे, त्यांच्यासाठी ही एक उत्तम संधी आहे.

20 Aug 2026 10:59 AM (IST)

BCCI ने दलिप ट्रॉफी फायनलची जागा बदलली, आता बंगळुरू नाही तर ‘इथे’ रंगणार सामना

भारतीय क्रिकेट टीम सध्या श्रीलंकेत झेंडे रोवत आहे तर २०२६-२७ चा भारतीय देशांतर्गत क्रिकेट हंगाम २३ ऑगस्ट रोजी सुरू होणाऱ्या दुलीप ट्रॉफीने सुरू होईल, तर अंतिम सामना ६ सप्टेंबर रोजी होणार आहे. गेल्या काही दिवसांपासून दलीप ट्रॉफीबाबत सगळीकडेच चर्चा आहे. दरम्यान बीसीसीआयने यापूर्वी वेळापत्रक जाहीर केले होते, ज्यानुसार अंतिम सामन्यासह सर्व सामने बंगळूरु येथील सेंटर ऑफ एक्सलन्समध्ये होणार होते.

20 Aug 2026 10:51 AM (IST)

आज डॉ. नरेंद्र दाभोळकर यांचा स्मृतीदिन; जाणून घ्या २० ऑगस्टचा इतिहास..

आज डॉ. नरेंद्र दाभोळकर यांचा स्मृतीदिन आहे. ते एक प्रख्यात भारतीय डॉक्टर, समाजवादी कार्यकर्ते आणि पुरोगामी विचारवंत होते. अंधश्रद्धा निर्मूलन आणि वैज्ञानिक दृष्टिकोन रुजवण्यासाठी त्यांनी आपले संपूर्ण आयुष्य समर्पित केले.

20 Aug 2026 10:41 AM (IST)

खारघर इस्कॉन मंदिरात जन्माष्टमीची जय्यत तयारी; कीर्तन, अभिषेक अन् महाआरतीचे आयोजन

श्री कृष्ण जन्माष्टमीनिमित्त खारघर येथील इस्कॉन श्री श्री राधा मदनमोहनजी मंदिरात एका भव्य आध्यात्मिक आणि सांस्कृतिक सोहळ्याचे आयोजन करण्यात आले आहे. मंदिराचे अध्यक्ष डॉ. सूरदास यांच्या नेतृत्वाखाली २३ ऑगस्ट ते ७ सप्टेंबर दरम्यान विविध धार्मिक, सांस्कृतिक, शैक्षणिक आणि सामाजिक कार्यक्रमांचे आयोजन करण्यात येणार आहे. उद्घाटनानंतर अल्पावधीतच, हे खारघर मंदिर नवी मुंबईतील एक प्रमुख आध्यात्मिक आणि सांस्कृतिक केंद्र बनले आहे.

20 Aug 2026 10:31 AM (IST)

ऐश्वर्या नारकरांनी खरेदी केली नवी कोरी गाडी; किंमत ऐकून व्हाल थक्क

मराठी मनोरंजनसृष्टीतील लोकप्रिय अभिनेत्री ऐश्वर्या नारकर सध्या त्यांच्या नव्या मालिकेमुळे चर्चेत आहेत. मालिका सुरू होताच अभिनेत्रीने चाहत्यांना एक आनंदाची बातमी दिली आहे. ऐश्वर्या नारकरांनी नवी कोरी Toyota Urban Cruiser Hyryder खरेदी केली असून, या गाडीचे फोटो त्यांनी सोशल मीडियावर शेअर केले आहेत.

20 Aug 2026 10:21 AM (IST)

ऑटो-टॅक्सी चालकांसाठी मराठी आजपासून बंधनकारक; नियम न पाळल्यास परमिटच होणार रद्द

महाराष्ट्रात मराठी भाषेचा आदर राहावा यासाठी अनेक राजकीय पक्ष असो वा संघटना यांच्याकडून प्रयत्न केले जात आहेत. त्यातच महाराष्ट्र सरकारनेही मराठी भाषेवर भर दिला आहे. त्यानुसार, महाराष्ट्रात आता ऑटो-टॅक्सी चालवण्यासाठी व्यावहारिक मराठीचे ज्ञान अनिवार्य करण्यात आले आहे. मराठी बोलता येत नसलेल्या चालकांना आजपासून नोटिसा बजावण्याची कारवाई सुरू करण्यात येणार आहे. पण, यादरम्यान मराठी शिकण्यासाठी कालावधी दिला जाणार आहे. जर तरीही मराठी नाही आली तर परमिटच रद्द केले जाणार आहे.

20 Aug 2026 10:11 AM (IST)

धर्मांतरविरोधी कायद्याचा लागू होण्याआधीच वापर; पुणे पोलिसांची गफलत उघड

महाराष्ट्रात नवीन धर्मांतरविरोधी कायदा लागू होण्यापूर्वीच त्यातील कलमांनुसार कारवाई केल्याचे प्रकरण समोर आले आहे. धर्मांतराच्या वेगवेगळ्या प्रकरणांत तपासाला सामोरे जाणाऱ्या ब्रिटिश भारतीय मिशनरीसह उत्तर प्रदेशातील एका व्यक्तीवर महाराष्ट्र धर्मस्वातंत्र्य अधिनियम, २०२६ मधील कलमे घाईघाईने लावल्याचे पुणे पोलिसांनी मान्य केले आहे. आरोपींच्या वकिलांनी कायदेशीर विसंगती निदर्शनास आणून दिल्यानंतर पोलिसांनी ही चूक मान्य केली.

20 Aug 2026 10:02 AM (IST)

एसआरएमुळे पालिकेचा कोट्यवधींचा महसूल बुडाला; अश्विनी भिडेंच्या पत्राने मंत्रालयात खळबळ

मुंबई महानगरपालिकेच्या (बीएमसी) आयुक्त अश्विनी भिडे यांनी नगर विकास विभागाला पत्र पाठवून झोपडपट्टी पुनर्वसन प्राधिकरणाच्या (एसआरए) सुमारे ३०० योजनांवर गंभीर आक्षेप नोंदवला आहे. विशेष म्हणजे नगरविकास विभाग हा राज्याचे उपमुख्यमंत्री एकनाथ शिंदे यांच्याकडे आहे. त्यामुळे बीएमसी आयुक्तांच्या या पत्रामुळे मंत्रालयातील प्रशासकीय आणि राजकीय वर्तुळात उलट-सुलट चर्चांना उधाण आले आहे.

20 Aug 2026 09:36 AM (IST)

 Monsoon Rain Deficit: नागपुरात दोन आठवड्यांपासून पावसाची दडी;  पिकांवर कीड, शेतकरी चिंतातुर

 Monsoon Rain Deficit: गेल्या दोन आठवड्यांपासून पावसाने दडी मारल्यामुळे नागपूर जिल्ह्यात पावसाची तब्बल ३१ टक्के तूट निर्माण झाली आहे. ऐन वाढीच्या काळात पावसाने उसंत घेतल्याने शेती पिकांचे मोठे नुकसान होण्याची भीती व्यक्त केली जात आहे. पावसाअभावी शेतातील पिके सुकू लागली असून बळीराजा पावसाची आतुरतेने प्रतीक्षा करत आहे.

पावसाच्या या प्रदीर्घ खंडामुळे सोयाबीन, कापूस, तूर आणि धान यांसारख्या मुख्य पिकांवर विपरीत परिणाम झाला आहे. पिकांवर किडींचा मोठा प्रादुर्भाव झाला असून पाने खाल्ली जात आहेत. वेळेवर पाऊस न आल्यास पिकांचे अतोनात नुकसान होऊन उत्पादनात मोठी घट येण्याची भीती वर्तवली जात आहे.

20 Aug 2026 09:25 AM (IST)

Gen Z Campus Outreach:  'जेन झेड'शी थेट संवादासाठी केंद्र सरकारची नवी योजना 

Gen Z Campus Outreach:   केंद्र सरकारकडून  जेन झेड शी थेट संवाद वाढवण्यासाठी विशेष प्रयत्न सुरू करण्यात आले आहेत. याचाच एक भाग म्हणून केंद्र सरकारने एक नवी योजना आखली असून, या अंतर्गत दररोज एका केंद्रीय मंत्र्याने एका विद्यापीठाला भेट देण्याचे नियोजन केले जात आहे. तरुणांच्या समस्या जाणून घेणे आणि विविध राष्ट्रीय मुद्द्यांवर त्यांचे विचार समजून घेणे हा या उपक्रमाचा मुख्य उद्देश असल्याची माहिती सूत्रांकडून मिळत आहे.

NEET परीक्षेचा पेपर फुटल्यानंतर देशभरातील तरुणांमध्ये तीव्र संतापाचे वातावरण निर्माण झाले होते. या पार्श्वभूमीवर दिल्लीतील जंतर-मंतरवर शिक्षणमंत्र्यांच्या राजीनाम्यासाठी झालेल्या आंदोलनात तरुण पिढी मोठ्या संख्येने सहभागी झाली होती. या सर्व घडामोडींनंतर तरुणांमधील असंतोष दूर करण्यासाठी आणि त्यांच्याशी थेट संपर्क प्रस्थापित करण्यासाठी मोदी सरकार हा महत्त्वपूर्ण उपक्रम सुरू करणार असल्याचे समजते.