Top Marathi News Today Live: लाल रंगात होणार शेअर बाजाराची ओपनिंग, कोणत्या शेअर्समध्ये कराल गुंतवणूक?

10 Dec 2025 11:00 AM (IST)

रेड सी फिल्म फेस्टिव्हल पुरस्कार मिळताच रेखा भावुक

बॉलीवूडची सुंदर अभिनेत्री रेखा नुकतीच सौदी अरेबियातील जेद्दाह येथे झालेल्या रेड सी आंतरराष्ट्रीय चित्रपट महोत्सवात सहभागी झाली. चित्रपटसृष्टीतील त्यांच्या दीर्घकालीन योगदानाबद्दल अभिनेत्रीला मानद पुरस्काराने सन्मानित करण्यात आले. १९८१ मध्ये प्रदर्शित झालेला आणि सुपरहिट ठरलेला रेखा यांचा चित्रपट “उमराव जान” देखील या प्रसंगी प्रदर्शित करण्यात आला. हा चित्रपट रेड सी फिल्म फेस्टिव्हलच्या ट्रेझर्स स्ट्रँड विभागात दाखवण्यात आला, जिथे जुने चित्रपट पुन्हा री- रिलीज करण्यात आले.

10 Dec 2025 10:55 AM (IST)

प्रारूप मतदार यादीत फेरफार; काँग्रेसचे सरचिटणीस बालगुडेंचा आरोप

महापालिकेची प्रारूप मतदार यादी प्रसिद्ध करण्यापूर्वीच निवडणुकीच्या गोपनीयतेचा भंग करत भाजप पदाधिकारी व महापालिकेच्या क्षेत्रीय कार्यालयातील अधिकाऱ्यांनी संगनमत करून मतदारयाद्यांमध्ये बदल फेरफार व केले आहेत. या गंभीर प्रकाराचे सीसीटीव्ही चित्रीकरणही उपलब्ध आहे, असा प्रकार शहरात अन्य ठिकाणीही झाल्याचे नाकारता येत नाही.’ (Pune Election Scam) 

असा गौप्यस्फोट करत काँग्रेसचे सरचिटणीस संजय बालगुडे यांनी या प्रकरणाची सखोल चौकशी करून भाजप पदाधिकारी व महापालिकेच्या अधिकाऱ्यांवर कडक कारवाई करावी’ अशी मागणी महापालिका आयुक्त व राज्य निवडणूक आयोगाकडे केली आहे.

10 Dec 2025 10:45 AM (IST)

इंटेल आणि टाटा यांच्यात मोठी भागीदारी

अमेरिकन चिप उत्पादक इंटेलने स्थानिक बाजारपेठेसाठी भारतात सेमीकंडक्टर्सचे उत्पादन आणि असेंबल करण्यासाठी टाटा समूहासोबत करार केला आहे. या करारामुळे एआय पीसी क्रांतीला मोठा हातभार लागणार आहे. भारताला टॉप-5 पीसी बाजार बनवण्यासाठीचा हा प्रयत्न असल्याचे सांगण्यात येत आहे. या करारमुळे ‘मेक इन इंडिया’ला मोठी चालना मिळणार आहे. भारतात सेमीकंडक्टर निर्मितीला नवी गती मिळणार आहे.

10 Dec 2025 10:35 AM (IST)

स्वीडीश संशोधक, नोबेल पुरस्काराचे जनक अल्फ्रेड नोबेल यांचा स्मृतिदिन

आज स्वीडीश संशोधक अल्फ्रेड नोबेल यांचा स्मृतिदीन आहे. अल्फ्रेड नोबेल यांच्या संशोधनातील कामगिरीचा गौरव करण्यासाठी आणि त्याच्या स्मरणासाठी हा कार्यक्रम केला जातो. त्यांच्या मृत्यूच्या तब्बल पाच वर्षानंतर १९०१ मध्ये पहिल्यांदा नोबेल पुरस्कार प्रदान करण्यात आला होता. अल्फ्रेड नोबेल यांनी साहित्य, रसायनशास्त्र आणि भौतिकशास्त्र अशा क्षेत्रात उत्तम कामिगीर केली आहे. त्यांना स्विडीश, रशियन, फ्रेंच, इंग्लिश आणि जर्मन या भाषा येत होत्या. त्यांनी डायनामाईटचा शोध लावला होता. शिवाय अल्फ्रेड यांनी तब्बल २६.५ कोटी डॉलर्सची संपत्ती जागतिक पातळीवरील पुरस्कार स्थापन करण्यासाठी दान केली होती. यामुळे त्यांच्या पुण्यतिथीनिमत्त त्यांच्या कामाचा गौरव करण्यासाठी जगभरातील संशोधन क्षेत्रात उत्तम कागिरी करणाऱ्या शास्त्रज्ञांना नोबेल पुरस्कार प्रदान करण्यात येतो.

10 Dec 2025 10:25 AM (IST)

जागतिक CEOsची PM Modi सोबत ग्रेट भेट

भारताची अर्थव्यवस्था (India’s economy) आणि तंत्रज्ञान क्षेत्रासाठी एक अत्यंत महत्त्वपूर्ण आणि सकारात्मक विकास समोर आला आहे. पंतप्रधान नरेंद्र मोदी (PM Narendra Modi) यांनी मंगळवारी जगातील अनेक आघाडीच्या तंत्रज्ञान कंपन्यांच्या प्रमुख अधिकाऱ्यांची (CEOs) भेट घेतली. या भेटीत कॉग्निझंट आणि इंटेलसारख्या दिग्गज कंपन्यांचे सीईओ सहभागी झाले होते, ज्यामुळे भारताच्या तांत्रिक भविष्याला मोठी गती मिळण्याची शक्यता आहे.

10 Dec 2025 10:15 AM (IST)

पायांना पडलेल्या भेगांमधून सतत रक्त येतंय ते हे घरगुती उपाय करा

यासाठी बटाट्याचे दोन तुकडे करून त्यावर हळद, टूथपेस्ट आणि खोबरेल तेल घालून मिक्स करा. त्यानंतर पायांच्या टाचांवर हलक्या हाताने मसाज करा. काहीवेळ मसाज केल्यानंतर पाय तसेच ठेवून द्या. नंतर कोमट पाण्याने पाय स्वच्छ धुवा. हा उपाय नियमित केल्यास पायांना पडलेल्या भेगा कमी होण्यासोबतच डेड स्किन पूर्णपणे नष्ट होऊन जाईल.  त्वचेच्या फाटलेल्या भेगा भरून काढण्यासाठी गुलाब पाण्याचा वापर करावा. त्वचा हायड्रेट ठेवण्यासाठी वाटीमध्ये गुलाब पाणी घेऊन त्यात ग्लिसरीन मिक्स करा. तयार केलेले मिश्रण पायांच्या फाटलेल्या भेगांवर लावून रात्रभर तसेच ठेवावे. यामुळे त्वचा हायड्रेट राहील आणि त्वचेची खराब झालेली गुणवत्ता सुधारेल.

10 Dec 2025 10:04 AM (IST)

थायलंड-कंबोडियानंतर आता ‘या’ देशात संघर्षाची लाट

थायडंल आणि कंबोडियानंतर आता नायजेरियात (Nigeria) देखील संघर्षाची लाट उसळली आहे. नायजेरियात सुरक्षा दलांनी महिला निदर्शकांवर गोळीबार केला आहे. यामध्ये 9 महिला ठार झाल्या असून 10 जण जखमी झाल्या आहेत. यामुळ सध्या नायजेरियाच्या सुरक्षा दलांच्या कारवाईवर प्रश्न उपस्थित केले जात आहे.

10 Dec 2025 09:59 AM (IST)

सोन्याचे दर अचानक कोसळले

Gold Rate Today: भारतात 10 डिसेंबर रोजी 24 कॅरेट सोन्याच्या प्रति ग्रॅमचा दर 12,943 रुपये, 22 कॅरेट सोन्याच्या प्रति ग्रॅमचा दर 11,864 रुपये आणि 18 कॅरेट सोन्याच्या प्रति ग्रॅमचा दर 9,707 रुपये आहे. भारतात 10 डिसेंबर रोजी 22 कॅरेट सोन्याच्या प्रति 10 ग्रॅमचा दर 1,18,640 रुपये, 24 कॅरेट सोन्याच्या प्रति 10 ग्रॅमचा दर 1,29,430 रुपये आणि 18 कॅरेट सोन्याच्या प्रति 10 ग्रॅमचा दर 97,070 रुपये आहे. भारतात 10 डिसेंबर रोजी चांदीचा भाव प्रति ग्रॅम 190.10 रुपये आणि प्रति किलोग्रॅम 1,90,100 रुपये आहे.

10 Dec 2025 09:56 AM (IST)

लाल रंगात होणार शेअर बाजाराची ओपनिंग

India Share Market Update: जागतिक बाजारातील मिश्र संकेतांमुळे आज बुधवारी भारतीय शेअर बाजारातील बेंचमार्क निर्देशांक, सेन्सेक्स आणि निफ्टी ५०, लाल रंगात सुरू होण्याची शक्यता तज्ज्ञांनी वर्तवली आहे. गिफ्ट निफ्टीवरील ट्रेंड देखील भारतीय बेंचमार्क निर्देशांकासाठी नकारात्मक सुरुवात दर्शवितात. गिफ्ट निफ्टी २५,९०२ च्या आसपास व्यवहार करत होता, जो निफ्टी फ्युचर्सच्या मागील बंदपेक्षा जवळजवळ ५८ अंकांनी कमी होता. त्यामुळे आज गुंतवणूकदरांना सावध राहण्याचा इशारा देण्यात आला आहे. तसेच तज्ज्ञांनी आज गुंतवणूकदारांना खरेदी करण्यासाठी काही शेअर्सची देखील शिफारस केली आहे. त्याबाबत जाणून घेऊया.

10 Dec 2025 09:53 AM (IST)

थायलंड-कंबोडियानंतर आता ‘या’ देशात संघर्षाची लाट

Nigeria Firing News in Marathi : अबुजा : थायडंल आणि कंबोडियानंतर आता नायजेरियात (Nigeria) देखील संघर्षाची लाट उसळली आहे. नायजेरियात सुरक्षा दलांनी महिला निदर्शकांवर गोळीबार केला आहे. यामध्ये 9 महिला ठार झाल्या असून 10 जण जखमी झाल्या आहेत. यामुळ सध्या नायजेरियाच्या सुरक्षा दलांच्या कारवाईवर प्रश्न उपस्थित केले जात आहे.

10 Dec 2025 09:50 AM (IST)

गेममध्ये Wall Royale ईव्हेंटची एंट्री!

Free Fire Max Update: फ्री फायर मॅक्समध्ये पुन्हा एकदा एक नवीन ईव्हेंट सुरु झाला आहे. हा ईव्हेंट Wall Royale आहे. हा एक लक रॉयल ईव्हेंट आहे, ज्यामध्ये सहभागी होऊन प्लेअर्स ग्लू वॉल स्किन फ्री मिळवू शकतात. यामध्ये कॅनिबल नाईटमेअर ग्लू वॉल स्किन आणि विंटरलॅंड्स ट्वेंटी-ट्वेंटी ग्लू वॉल स्किनसह इतरांचा देखील समावेश आहे. फ्री फायर मॅक्स हा भारतातील एक प्रसिध्द बॅटल रॉयल गेम आहे. या गेममध्ये सतत नवीन ईव्हेंट्स आयोजित केले जातात. या ईव्हेंटमध्ये सहभागी होऊन प्लेअर्सना नवीन रिवॉर्ड्स फ्रीमध्ये जिंकण्याची संधी मिळते.

10 Dec 2025 09:45 AM (IST)

सिद्धेश्वर एक्सप्रेसमध्ये 5.5 कोटींचं सोनं चोरी; पोलिसांची तीन पथकं तपासात

सोलापूर–मुंबई मार्गावरील सिद्धेश्वर एक्सप्रेसमध्ये कोट्यवधींच्या सोन्याची चोरी झाल्याची धक्कादायक घटना समोर आली आहे. या प्रकरणाच्या तपासासाठी पोलिसांची तीन पथकं तैनात करण्यात आली आहेत. एसी ए-1 कोचमध्ये प्रवास करणाऱ्या एका प्रवाशाच्या लॉक केलेल्या ट्रॉली बॅगमधून तब्बल 5 किलो सोनं चोरीला गेलं. या सोन्याची किंमत अंदाजे 5.5 कोटी रुपये आहे. 6 डिसेंबर 2025 च्या मध्यरात्री ही चोरी झाल्याचे उघड झाले आहे.

10 Dec 2025 09:40 AM (IST)

भारताचा दक्षिण आफ्रिकेवर 101 धावांनी दणदणीत विजय; सामनावीर ठरला हार्दिक पांड्या

10 Dec 2025 09:35 AM (IST)

पुणे विमानतळावर 2.29 कोटींचा गांजा जप्त; बँकॉकवरून आलेला प्रवासी अटकेत

पुण्यातील लोअर परळ विमानतळावर मोठी कारवाई करत एअर इंटेलिजन्स युनिटने तब्बल 2.29 कोटी रुपये किमतीचा गांजा जप्त केला आहे. बँकॉकवरून इंडिगोच्या 6E-1096 या विमानाने आलेल्या एका प्रवाशाकडे तपासणीदरम्यान दोन एअरटाईट पिशव्यांमध्ये अमली पदार्थ आढळले.

गोपनीय माहितीच्या आधारे 8 डिसेंबर रोजी कडक नजर ठेवण्यात आली होती. या दरम्यान संशयित प्रवाशाला चौकशीसाठी थांबवण्यात आले. चेक-इन बॅग तपासल्यानंतर त्यात 2,299 ग्रॅम गांजा सापडला, ज्याची बाजारमूल्य अंदाजे 2.29 कोटी रुपये आहे. एअर इंटेलिजन्स युनिटने प्रवाशाला ताब्यात घेत विमानतळ पोलिस ठाण्यात गुन्हा दाखल केला असून पुढील तपास सुरू आहे.

10 Dec 2025 09:30 AM (IST)

हार्दिक पांड्या संतापला; गर्लफ्रेंड माहिका शर्माचा आक्षेपार्ह फोटो काढल्यावर पॅपाराझींवर टीका

भारतीय क्रिकेट संघाचा ऑलराउंडर हार्दिक पांड्या पॅपाराझींवर प्रचंड संतापला आहे. काही दिवसांपूर्वी जया बच्चन यांनी पॅपाराझींवर केलेल्या टिप्पणीवरून आधीच वादंग निर्माण झाला होता. अशातच आता हार्दिक पांड्यानेही या विषयावर तीव्र नाराजी व्यक्त केली आहे.

हार्दिकची गर्लफ्रेंड माहिका शर्माचा आक्षेपार्ह फोटो पॅपाराझींनी काढून सोशल मीडियावर व्हायरल केला. यामुळे त्रस्त झालेल्या हार्दिकने सोशल मीडियावर लांबलचक पोस्ट लिहून पॅपाराझींवर टीका करत, “सस्ती सनसनाटी फैलाने की कोशिश…” असा संतप्त सूर लावला.

10 Dec 2025 09:25 AM (IST)

धुरंधर’चा बॉक्स ऑफिसवर धडाका; पाच दिवसांत तुफान कमाई

अक्षय खन्ना, रणवीर सिंह आणि संजय दत्त यांची प्रमुख भूमिका असलेला ‘धुरंधर’ सिनेमा रिलीज झाल्यापासूनच बॉक्स ऑफिसवर जोरदार धुमाकूळ घालत आहे. आदित्य धर दिग्दर्शित हा सिनेमा फक्त तीन दिवसांत 100 कोटींचा टप्पा पार करत विक्रमी वाटचाल करत आहे.

रणवीर सिंह मुख्य भूमिकेत असतानाही प्रेक्षकांकडून विशेष कौतुक मिळत आहे ते अक्षय खन्नाच्या दमदार अभिनयाचे. पाचव्या दिवशीही ‘धुरंधर’ने तुफान कमाई करत वणवा पेटवल्याप्रमाणे बॉक्स ऑफिसवर आपले वर्चस्व कायम ठेवले आहे.

10 Dec 2025 09:20 AM (IST)

संदीप देशपांडे यांचा ‘कॅश बॉम्ब’ दुसरा व्हिडिओ; मुंबई पीडब्ल्यूडीमध्ये खळबळ

मुंबईतील पीडब्ल्यूडी विभागातील भ्रष्टाचाराचा मुद्दा मनसे नेते संदीप देशपांडे यांनी पुन्हा एकदा उचलला आहे. 9 डिसेंबरला त्यांनी कुर्ला विभागातील एका पीडब्ल्यूडी अधिकाऱ्याचा लाच घेतानाचा कथित व्हिडिओ सार्वजनिक केला होता. त्यानंतर आज (10 डिसेंबर) त्यांनी ‘कॅश बॉम्ब’ मालिकेतील आणखी एक व्हिडिओ समोर आणत दुसऱ्या अधिकाऱ्यावरही गंभीर आरोप केले आहेत.

नव्या व्हिडिओमध्येही लाचखोरीसंदर्भात संशय निर्माण करणारा संवाद आणि दृश्ये असल्याचा दावा देशपांडे यांनी केला. दोन दिवसांत दोन व्हिडिओ समोर आल्याने पीडब्ल्यूडी विभागात खळबळ उडाली असून, संबंधित अधिकाऱ्यांवर कठोर कारवाईची मागणी वाढली आहे. देशपांडे यांनी विभागातील भ्रष्टाचारावर तातडीने कार्यवाही करण्यासाठी सरकार आणि तपास यंत्रणांना खुले आव्हान दिले आहे.

10 Dec 2025 09:15 AM (IST)

मुंढवा जमीन घोटाळा : अमेडिया कंपनीचे भागीदार दिग्विजय पाटील आज चौकशीला हजर होण्याची शक्यता

मुंढवा जमीन घोटाळ्याप्रकरणी अमेडिया कंपनीचे भागीदार दिग्विजय पाटील आज पुणे पोलीस आयुक्तालयात चौकशीला हजर राहण्याची शक्यता व्यक्त केली जात आहे. पोलिसांनी बजावलेल्या नोटीसीनंतर त्यांनी 10 डिसेंबरला उपस्थित राहणार असल्याची माहिती दिली होती. ते बहरीनमध्ये अजित पवारांच्या पुत्र जय पवार यांच्या विवाहासाठी गेल्याने ही तारीख दिली होती. दरम्यान, या प्रकरणात गैरव्यवहार करणाऱ्या शितल तेजवाणीला पोलिसांनी अटक केली असून, सब-रजिस्ट्रार रवींद्र तारू यांनाही ताब्यात घेण्यात आले आहे.

10 Dec 2025 09:05 AM (IST)

मालेगावमध्ये तरुणाच्या त्रासाला कंटाळून नवविवाहितेची आत्महत्या

मालेगावच्या रमजानपुरा भागात एका नवविवाहितेने सततच्या मानसिक त्रासाला कंटाळून गळफास घेऊन आत्महत्या केल्याची धक्कादायक घटना उघडकीस आली आहे. दीड महिन्यांपूर्वी विवाह झालेल्या पीडितेला आसिफ नावाचा तरुण सतत फोन करून त्रास देत होता. पीडितेच्या मृत्युनंतर तिच्या वडिलांना सुसाईड नोट मिळली असून, त्यातील उल्लेखांच्या आधारावर आसिफविरुद्ध पोलिसात गुन्हा दाखल करण्यात आला आहे. पोलिसांनी आरोपीला अटक केली असून रमजानपुरा पोलिस ठाणे पुढील तपास करत आहे.

10 Dec 2025 09:00 AM (IST)

  बिबट्यांचे हल्ले रोखण्यासाठी सरकारचा मोठा निर्णय 

राज्यभरातील अनेक भागांमध्ये गेल्या काही दिवसांपासून बिबट्यांच्या हल्ल्यांची संख्या वाढत असल्याने नागरिकांची चिंता वाढली आहे. मानवी वस्तीमध्ये घुसणाऱ्या बिबट्यांवर आळा घालण्यासाठी महायुती सरकारने नवा निर्णय घेतला आहे. बिबट्यांना जंगलात पुरेसे भक्ष्य मिळावे आणि ते खाण्याच्या शोधात बाहेर येऊ नयेत, यासाठी जंगलातच शेळ्या किंवा बकऱ्या सोडण्याचा निर्णय घेण्यात आला आहे.

या प्रस्तावाला अद्याप अधिकृत मंजुरी मिळालेली नसली तरी पुण्यातील काही भागांमध्ये प्रायोगिक स्वरूपात बिबट्यांसाठी शेळ्या-बकऱ्या सोडण्यात आल्याची माहिती राज्याचे वनमंत्री गणेश नाईक यांनी दिली. ते मंगळवारी नागपूरमध्ये प्रसारमाध्यमांशी बोलत होते.