Maharashtra Breaking News
29 Nov 2025 10:59 AM (IST)
अमेरिकेचे राष्ट्राध्यक्ष डोनाल्ड ट्रम्प ( Donald Trump) यांनी पुन्हा एकदा राजकीय वादाचा ज्वालामुखी पेटवला आहे. माजी राष्ट्राध्यक्ष जो बायडेन (Joe biden) यांच्या कार्यकाळात जारी केलेल्या कागदपत्रांवर ‘ऑटोपेन’ मशीनद्वारे स्वाक्षरी केल्याचा गंभीर आरोप करत ट्रम्प यांनी या सर्व दस्तऐवजांना अवैध घोषित करण्याची घोषणा केली. ट्रम्प यांच्या म्हणण्यानुसार बायडेन यांच्या अंदाजे ९२% आदेश आणि अधिकृत दस्तऐवजांवर त्यांनी स्वतःच्या स्वाक्षरीऐवजी मशीन-जनरेटेड स्वाक्षरीचा वापर केला, ज्यामुळे राष्ट्राध्यक्षीय अधिकाराचा गैरवापर झाला आणि प्रशासनिक पारदर्शकतेवर गंभीर गोंधळ निर्माण झाला.
29 Nov 2025 10:51 AM (IST)
भारताच्या अंडर 19 युवा संघ आता आशिया कप 2025 खेळणार आहे, या संघाचे कर्णधारपद हे आयुष म्हात्रेकडे सोपवण्यात आले आहे. त्याआधी भारतीय संघाचा कर्णधार आयुष म्हात्रे याने नवा विक्रम त्याच्या नावावर केला आहे. मुंबईच्या आयुष म्हात्रेने सय्यद मुश्ताक अली ट्रॉफीमध्ये विदर्भाविरुद्ध ४९ चेंडूत धमाकेदार शतक ठोकून इतिहास रचला. टी-२० क्रिकेटमधील हे त्याचे पहिले शतक होते. यासह आयुष म्हात्रे व्यावसायिक क्रिकेटच्या तिन्ही स्वरूपात – प्रथम श्रेणी, लिस्ट ए आणि टी-२० – शतक ठोकणारा सर्वात तरुण खेळाडू ठरला.
29 Nov 2025 10:43 AM (IST)
पंजाब नॅशनल बँक घोटाळा प्रकरणातील आरोपी हिरे व्यापारी मेहुल चोक्सीला मोठा धक्का बसला आहे. मुंबईतील एका विशेष न्यायालयाने चोक्सीला फरार आर्थिक गुन्हेगार (FEO) घोषित करण्याची कार्यवाही रद्द करण्याची याचिका फेटाळून लावली आहे. चोक्सीने त्याच्या वकिलांद्वारे सांगितले की तो बेल्जियममध्ये कोठडीत आहे आणि भारताच्या विनंतीवरून त्याला अटक करण्यात आली आहे. म्हणून, बेल्जियममधील त्याची कोठडी “रचनात्मक कोठडी” मानली पाहिजे.
29 Nov 2025 10:36 AM (IST)
दिल्ली येथून एक धक्कदायक घटना समोर आली आहे. एका नराधमाने आधी ६५ वर्षीय वृद्ध महिलेची अत्यंत क्रूरपणे हत्या केली नंतर तिच्यावर लैंगिक अत्याचार केल्याचे समोर आले आहे. पोलिसांनी आरोपीला अटक केली आहे. आरोपीने याआधीही एका अल्पवयीन मुलीवर आत्यार केल्याचे समोर आले आहे. १६ नोव्हेंबरला जीआरपी जवानाला झुडपांमध्ये रक्ताने माखलेला एका ६५ वर्षीय वृद्ध महिलेचा मृतदेह सापडला. तेव्हा या क्रूर घटनेचा उलगडा झाला.
29 Nov 2025 10:28 AM (IST)
महाराष्ट्र राज्याचे सध्याचे मुख्य सचिव राजेशकुमार मीना हे ३० नोव्हेंबर रोजी सेवानिवृत्त होणार आहेत. आता त्यांच्याजागी राजेश अग्रवाल हे असणार आहेत. अग्रवाल हे राज्याच्या मुख्य सचिवपदाची जबाबदारी मीना यांच्याकडून स्वीकारणार आहेत. १ डिसेंबरपासून राजेश अग्रवाल यांची नियुक्ती करण्यात आली आहे. अग्रवाल यांचा कार्यकाळ १५ महिन्यांचा असणार आहे.
29 Nov 2025 10:19 AM (IST)
काही तासांमध्ये भारत आणि दक्षिण आफ्रिका यांच्यामध्ये तीन सामन्यांच्या एकदिवसीय मालिकेला सुरुवात होणार आहे. या मालिकेमध्ये केएल राहुल भारतीय संघाचे नेतृत्व करताना दिसणार आहे. दक्षिण आफ्रिकेविरुद्ध कसोटी मालिकेमध्ये भारताचा कर्णधार शुभमन गिल या जखमी झाला होता. त्यामुळे तो आता एकदिवसीय मालिकेमधून बाहेर पडला आहे. भारतीय क्रिकेट संघाचे गोलंदाजी प्रशिक्षक मोर्ने मॉर्केल यांनी एकदिवसीय कर्णधार शुभमन गिल आणि श्रेयस अय्यर यांच्या दुखापतीतून पुनरागमनाबद्दल सकारात्मक अपडेट्स दिले.
29 Nov 2025 10:11 AM (IST)
देशातील अनेक राज्यांत महिलांसाठी विविध योजना राबवल्या जात आहेत. त्यात अनेक राज्य सरकारांनी पुन्हा विधानसभा निवडणुका जिंकण्यासाठी महिला मतदारांना आर्थिक लाभ देण्याच्या योजना कार्यान्वित केल्या आहेत. या योजनांमुळे पुन्हा अनेक सरकारे सतारूढ झालीत. या योजना ‘गेम चेंजर’ ठरत असल्या तरी, त्यांचा मोठा भार राज्यांच्या तिजोरीवर पडत आहे.
29 Nov 2025 10:03 AM (IST)
Meta प्लॅटफॉर्म्स इंस्टाग्राम, फेसबुक आणि एडिट अॅपसाठी नवीन भारतीय भाषांचा सपोर्ट रोल जारी करणार आहे. शुक्रवारी मुंबईत आयोजित करण्यात आलेल्या House of Instagram मध्ये याबाबत घोषणा करण्यात आली आहे. मेनलो-पार्क-बेस्ड कंपनीने दिलेल्या माहितीनुसार, हे अपडेट क्रिएटर्सची रिच वाढवण्यासाठी आणि नवीन ऑडियन्ससोबत इंटरॅक्ट करण्यासाठी मदत करणार आहे. कंपनीने सांगितलं आहे की, Meta AI ट्रांसलेशन्समध्ये बंगाली, मराठी, तेलुगु आणि इतर भाषांचा समावेश केला जाणार आहे.
29 Nov 2025 09:51 AM (IST)
चीनी स्मार्टफोन कंपनी Realme ने भारतातील स्मार्टफोन मार्केटमध्ये मोठा धमाका केला आहे भारतातील स्मार्टफोन मार्केटमध्ये Realme C85 5G हा नवीन स्मार्टफोन लाँच करण्यात आला आहे. हा स्मार्टफोन बजेट सेंगमेंटमध्ये लाँच करण्यात आला आहे. डिसेंबरच्या सुरुवातीला देशातील ई कॉमर्स प्लॅटफॉर्म आणि कंपनीच्या वेबसाईटवर या स्मार्टफोनची विक्री सुरु होणार आहे. कंपनीने या नुकत्याच लाँच केलेल्या स्मार्टफोनमध्ये MediaTek Dimensity 6300 चिपसेट दिला आहे. ज्याला 4GB रॅम आणि 128GB ऑनबोर्ड स्टोरेजसह जोडण्यात आलं आहे. हे डिव्हाईस दोन रंगात उपलब्ध आहे.
29 Nov 2025 09:43 AM (IST)
नवी दिल्ली : कफ सिरप घेतल्याने अनेक बालकांचा मृत्यू झाल्याचे प्रकरण काही दिवसांपूर्वीच समोर आले होते. त्यानंतर कफ सिपरचा मुद्दा चर्चेत आला होता. असे असताना आता अनेक बालमृत्यू आणि कफ सिरपमुळे होणाऱ्या दुष्परिणामांच्या पार्श्वभूमीवर केंद्र सरकारने महत्त्वाचा निर्णय घेतला आहे. डॉक्टरांच्या प्रिस्क्रिप्शनशिवाय आता कफ सिरप मिळणार नाही. कफ सिरपच्या मनमानी विक्रीला आळा घालण्यासाठी कठोर उपाययोजना करण्यात आल्या आहेत.
29 Nov 2025 09:37 AM (IST)
दक्षिण आफ्रिकेविरुद्धच्या कसोटी मालिकेत टीम इंडियाला २-० असा पराभव पत्करावा लागला. त्यानंतर आता भारताचा संघ हा एकदिवसीय मालिकेची तयारी करत आहे. मुख्य प्रशिक्षक गौतम गंभीरच्या नेतृत्वाखाली टीम इंडियाची कसोटी क्रिकेटमधील कामगिरी अत्यंत निराशाजनक ठरली आहे. यापूर्वी न्यूझीलंडनेही भारतात भारतीय संघाला ३-० असा पराभव पत्करला होता. त्यामुळे चाहते आता गौतम गंभीरवर राग व्यक्त करत आहेत. रांची वनडे सामन्यापूर्वी, एक व्हिडिओ व्हायरल होत आहे ज्यामध्ये एक चाहता भारतीय मुख्य प्रशिक्षकाची सार्वजनिकपणे खिल्ली उडवत आहे.
29 Nov 2025 09:32 AM (IST)
गरेनाच्या फ्री फायर मॅक्स गेमप्रमाणेच यामधील गेमिंग इव्हेंट देखील अत्यंत लोकप्रिय आहे. यामधील एक लोकप्रिय ईव्हेंट म्हणजे Faded Wheel ईव्हेंट आहे. यामध्ये प्लेअर्सना अल्ट्रा-प्रीमियम आइटम जिंकण्याची संधी मिळते, हे रिवॉर्ड्स प्लेअर्स मोफत क्लेम करू शकतात. गेम मेकर गरेनाचं असं म्हणणं आहे की, गेममधील या ईव्हेंटमुळे प्लेअर्सना एक्सक्लूसिव आयटम्स जिंकण्याची संधी मिळते. ज्यामुळे गेममधील अनुभव अधिक दमदार होतो. आता आम्ही तुम्हाला यामधील Target Practice ईव्हेंटबद्दल सांगणार आहोत. यामुळे प्लेअर्स रेयर इमोटसोबतच स्पेशल बॅकपॅक, सुपर लॅग पॉकेट आणि स्काय बोर्ड स्किन रिवॉर्ड्स जिंकू शकणार आहेत.
29 Nov 2025 09:27 AM (IST)
India vs South Africa Ranchi Pitch Report 1st ODI – दक्षिण आफ्रिकेविरुद्ध कसोटी मालिका गमावल्यानंतर टीम इंडिया आता एकदिवसीय मालिकेसाठी सराव करत आहे. भारत विरुद्ध दक्षिण आफ्रिका तीन सामन्यांच्या एकदिवसीय मालिकेला रविवार, ३० नोव्हेंबर रोजी सुरुवात होणार आहे. भारत विरुद्ध दक्षिण आफ्रिका एकदिवसीय मालिकेचा पहिला सामना रांची येथील जेएससीए आंतरराष्ट्रीय स्टेडियमवर खेळवला जाणार आहे. शुभमन गिल दुखापतीमुळे मालिकेतून बाहेर आहे, तर उपकर्णधार श्रेयस अय्यर देखील बरा होण्याच्या मार्गावर आहे.
29 Nov 2025 09:22 AM (IST)
Meta प्लॅटफॉर्म्स इंस्टाग्राम, फेसबुक आणि एडिट अॅपसाठी नवीन भारतीय भाषांचा सपोर्ट रोल जारी करणार आहे. शुक्रवारी मुंबईत आयोजित करण्यात आलेल्या House of Instagram मध्ये याबाबत घोषणा करण्यात आली आहे. मेनलो-पार्क-बेस्ड कंपनीने दिलेल्या माहितीनुसार, हे अपडेट क्रिएटर्सची रिच वाढवण्यासाठी आणि नवीन ऑडियन्ससोबत इंटरॅक्ट करण्यासाठी मदत करणार आहे. कंपनीने सांगितलं आहे की, Meta AI ट्रांसलेशन्समध्ये बंगाली, मराठी, तेलुगु आणि इतर भाषांचा समावेश केला जाणार आहे.
29 Nov 2025 09:15 AM (IST)
India vs South Africa Ranchi Pitch Report 1st ODI – दक्षिण आफ्रिकेविरुद्ध कसोटी मालिका गमावल्यानंतर टीम इंडिया आता एकदिवसीय मालिकेसाठी सराव करत आहे. भारत विरुद्ध दक्षिण आफ्रिका तीन सामन्यांच्या एकदिवसीय मालिकेला रविवार, ३० नोव्हेंबर रोजी सुरुवात होणार आहे. भारत विरुद्ध दक्षिण आफ्रिका एकदिवसीय मालिकेचा पहिला सामना रांची येथील जेएससीए आंतरराष्ट्रीय स्टेडियमवर खेळवला जाणार आहे. शुभमन गिल दुखापतीमुळे मालिकेतून बाहेर आहे, तर उपकर्णधार श्रेयस अय्यर देखील बरा होण्याच्या मार्गावर आहे.
29 Nov 2025 09:14 AM (IST)
भारत आणि दक्षिण आफ्रिका यांच्यातील वनडे मालिका 30 नोव्हेंबरपासून सुरू होत असून पहिला सामना रांची येथे खेळवला जाणार आहे. मात्र टीम इंडियाला कर्णधार शुभमन गिल आणि उपकर्णधार श्रेयस अय्यर यांच्या अनुपस्थितीचा फटका बसणार आहे. दुखापतीमुळे या दोघांची मालिकेसाठी निवड करण्यात आलेली नाही. त्यामुळे आगामी मालिकेत केएल राहुल भारतीय संघाचे नेतृत्व करणार आहे.
मॉर्केल यांनी दिला दुखापतीचा अपडेट
भारताचे गोलंदाजी प्रशिक्षक मोर्ने मॉर्केल यांनी दोघांच्या प्रकृतीबाबत महत्त्वाची माहिती दिली. “दोन दिवसांपूर्वी माझी शुभमन गिलशी चर्चा झाली. तो जलद गतीने सावरत आहे, ही सकारात्मक बाब आहे,” असे ते म्हणाले. श्रेयस अय्यरबाबत बोलताना मॉर्केल म्हणाले, “श्रेयसनं रिहॅबिलिटेशन सुरू केले आहे. दोघेही लवकरच संघात पुनरागमन करतील अशी अपेक्षा आहे.”
29 Nov 2025 09:11 AM (IST)
शिवसेना शिंदे गटाचे आमदार निलेश राणे यांनी 26 नोव्हेंबर रोजी मालवणमधील भाजप पदाधिकारी विजय किनवडेकर यांच्या राहत्या घरी अचानक धाड टाकून मोठी कारवाई केली. या छाप्यात हिरव्या पिशवीत ठेवलेली बेहिशोबी अशी तब्बल 25 लाख रुपये रोख रक्कम आढळून आली. घटनास्थळीच राणेंनी भाजप नेते रवींद्र चव्हाण यांच्यावर थेट आरोप करत, “रवींद्र चव्हाण मालवणला येऊन गेले आणि लगेचच पैशांचे वाटप सुरू झाल्याचे दिसते,” असे म्हटले. या घडामोडींमुळे कोकणात भाजप आणि शिवसेना शिंदे गटातील तणाव उफाळून आला असून स्थानिक राजकारणात चांगलीच खळबळ उडाली आहे.
29 Nov 2025 09:05 AM (IST)
महात्मा फुले जनआरोग्य योजनेचे अनेक प्रस्ताव महिन्यांपासून प्रलंबित ठेवणे आणि बनावट दिव्यांग प्रमाणपत्र प्रकरणामुळे “गरिबांचा दवाखाना” म्हणून ओळखल्या जाणाऱ्या कोल्हापूर सीपीआर रुग्णालयाचा कारभार पुन्हा एकदा चर्चेत आला आहे. या पार्श्वभूमीवर राज्याचे आरोग्यमंत्री प्रकाश आबिटकर यांनी गुरुवारी (28 नोव्हेंबर) दुपारी अचानक सीपीआर रुग्णालयात धडक देत अधिकाऱ्यांची जोरदार कानउघडणी केली.
29 Nov 2025 08:59 AM (IST)
नाशिकमध्ये होणाऱ्या कुंभमेळ्यासाठी तपोवन परिसरातील तब्बल 17 हजार झाडे तोडण्याच्या निर्णयाला स्थानिक नागरिकांनी जोरदार विरोध केला आहे. अनेक वर्षांपासून उभ्या असलेल्या या झाडांचे काही दिवसांच्या कुंभमेळ्यासाठी बलिदान देणे योग्य नसल्याची भावना व्यक्त केली जात आहे.
या पार्श्वभूमीवर नाशिकचे पालकमंत्री गिरीश महाजन यांनी सरकारची भूमिका स्पष्ट केली. “आम्हीही वृक्षप्रेमी आहोत. साधुग्रामासाठी तपोवनातील जागा शेकडो वर्षांपासून आरक्षित आहे. मोठ्या झाडांना हात लावला जाणार नाही. गेल्या पाच–सात वर्षांत उगवलेल्या रोपांवरच कारवाई होईल,” असे महाजन म्हणाले.
29 Nov 2025 08:57 AM (IST)
जगात असे अनेक देश आहेत ज्यांची नावे ऐतिहासिक, भौगोलिक किंवा सांस्कृतिक कारणांवरून पडलेली आहेत. परंतु सेंट लुसिया (Travel News) हा जगातील एकमेव असा देश आहे ज्याचे नाव थेट एका महिलेच्या नावावर ठेवण्यात आले आहे. कॅरिबियनच्या पूर्व भागात वसलेले हे बेट राष्ट्र केवळ आपल्या सौदर्यासाठीच नव्हे, तर अनोख्या इतिहासासाठी जगभरात ओळखले जाते. सिराक्यूजच्या संत लुसी या तिसऱ्या शतकातील ख्रिश्चन महिलेच्या सन्मानार्थ या बेटाला “सेंट लुसिया” असे नाव देण्यात आले. फ्रेंच खलाशांनी तिच्या सणाच्या दिवशी येथे प्रवेश केल्याने हे नाव अधिकृत झाले.
वाचा सविस्तर- Saint Lucia : कॅरिबियनचा स्वर्ग! जगातील एकमेव ‘देश’ ज्याचे नाव एका महिलेच्या नावावर आहे; सौंदर्य आणि इतिहासाचा संगम
29 Nov 2025 08:56 AM (IST)
भारतात 29 नोव्हेंबर रोजी 24 कॅरेट सोन्याच्या प्रति ग्रॅमचा दर 12,847 रुपये, 22 कॅरेट सोन्याच्या प्रति ग्रॅमचा दर 11,776 रुपये आणि 18 कॅरेट सोन्याच्या प्रति ग्रॅमचा दर 9,635 रुपये आहे. भारतात 29 नोव्हेंबर रोजी 22 कॅरेट सोन्याच्या प्रति 10 ग्रॅमचा दर 1,17,760 रुपये, 24 कॅरेट सोन्याच्या प्रति 10 ग्रॅमचा दर 1,28,470 रुपये आणि 18 कॅरेट सोन्याच्या प्रति 10 ग्रॅमचा दर 96,350 रुपये आहे. भारतात 29 नोव्हेंबर रोजी चांदीचा भाव प्रति ग्रॅम 176.10 रुपये आणि प्रति किलोग्रॅम 1,76,100 रुपये आहे.
Marathi breaking live marathi – कफ सिरप घेतल्याने अनेक बालकांचा मृत्यू झाल्याचे प्रकरण काही दिवसांपूर्वीच समोर आले होते. त्यानंतर कफ सिपरचा मुद्दा चर्चेत आला होता. असे असताना आता अनेक बालमृत्यू आणि कफ सिरपमुळे होणाऱ्या दुष्परिणामांच्या पार्श्वभूमीवर केंद्र सरकारने महत्त्वाचा निर्णय घेतला आहे. डॉक्टरांच्या प्रिस्क्रिप्शनशिवाय आता कफ सिरप मिळणार नाही. कफ सिरपच्या मनमानी विक्रीला आळा घालण्यासाठी कठोर उपाययोजना करण्यात आल्या आहेत.






