Top Marathi News Today Live : इराणसोबतचा नवीन करार जगात शांतता प्रस्थापित करेलm : डोनाल्ड ट्रम्प
21 Apr 2026 11:20 AM (IST)
इराण-अमेरिकेच्या दुसऱ्या फेरीच्या चर्चेची तयारी सुरू असून, इराणचे शिष्टमंडळ पाकिस्तानला येणार असल्याचा दावा अमेरिकन माध्यमांनी दिला आहे. परंतु इराणकडून अजूनही अधिकृत याबाबत घोषणा करण्यात आलेली नाही. अमेरिकेचे शिष्टमंडळ इस्लामाबाद इथं दाखल झाले आहे. पण इराणमधील शिष्टमंडळ अजून आलेले नाही.
21 Apr 2026 10:55 AM (IST)
मुंबईची जीवनवाहिनी मानल्या जाणाऱ्या लोकल ट्रेनमधील प्रवाशांच्या सुरक्षिततेसाठी सुरू करण्यात आलेली रेल्वे पोलिसांची ‘१५१२’ हेल्पलाइन प्रभावी ठरत असून, प्रवाशांसाठी ती विश्वासार्ह सुरक्षा कवच बनली आहे. वाढत्या विश्वासाचे द्योतक म्हणजे गेल्या काही वर्षांत तक्रारींच्या संख्येत तब्बल ६५ टक्क्यांहून अधिक वाढ झाली आहे. उपलब्ध आकडेवारीनुसार, २०२२ मध्ये दररोज सरासरी १०० तक्रारी येत होत्या. मात्र, २०२५ पर्यंत ही संख्या वाढून दररोज १७०० ते १८०० इतकी झाली आहे. यापैकी सुमारे २५ हजार तक्रारी प्रवासादरम्यान बॅग हरवणे किंवा विसरणे यासंदर्भातील आहेत. मुंबई रेल्वे पोलीस आयुक्तालयाच्या नियंत्रण कक्षातून ऑक्टोबर २०१७ पासून ‘१५१२ हेल्पलाइन उपनगरीय तसेच मेल-एक्सप्रेस गाड्यांतील प्रवाशांच्या मदतीसाठी सुरू करण्यात आली आहे. या हेल्पलाइनवर दररोज सरासरी १७०० ते १८०० कॉल येतात. त्यापैकी बहुतांश कॉल बॅग किंवा इतर वस्तू हरवल्याबाबत असतात. तसेच महिला, ज्येष्ठ नागरिक, दिव्यांग आणि आजारी प्रवासीही मदतीसाठी या हेल्पलाइनचा वापर करतात.
21 Apr 2026 10:45 AM (IST)
सोलापूर येथून एक धक्कादायक घटना समोर आली आहे. एक्स बॉयफ्रेंडकडून 9 महिन्यांच्या गर्भवती महिलेची हत्या करण्यात आल्याचे समोर आले आहे. साऊंड बंद करायला सांगितल्याचा राग आणि लग्नाला नकार दिल्याचा जुना राग मनात धरून हत्या केल्याचे समोर आले आहे. या घटनेने खळबळ उडाली आहे. पोलिसांनी आरोपीला अटक केली असून न्यायालयाने त्याला तीन दिवसांची पोलीस कोठडी सुनावली आहे.
21 Apr 2026 10:35 AM (IST)
अनुष्का नावाच्या एका इंस्टाग्राम यूजरने सोशल मिडियावर आपला अनुभव केला. यात तिने म्हटले की, आपल्या नियोजित ठिकाणी पोहोचल्यानंतर थोड्याच वेळात तिचा फोन वाजला. एका अनोळखी नंबरवरून आलेला व्हॉट्सॲप मेसेज पाहून तिला धक्काच बसला. तो तोच रॅपिडो रायडर होता, ज्याने तिला काही क्षणांपूर्वीच सोडले होते. तुम्हाला हे जाणून आश्चर्य वाटेल की रायडरने तिला केवळ मेसेजच केला नाही, तर एक संभाषणही सुरू केले, जे अनुष्काच्या मते अत्यंत विचित्र आणि भीतीदायक होते. त्या संभाषणाच्या व्हायरल झालेल्या स्क्रीनशॉटमध्ये, रायडरने अनुष्काला तिचे वय आणि वैयक्तिक माहिती विचारली.
21 Apr 2026 10:27 AM (IST)
गेल्या एक महिन्यापासून अमेरिका आणि इराणमध्ये तीव्र युद्ध (US Iran War) पेटले आहे. गेल्या आठवड्यात झालेल्या अयशस्वी शांतता चर्चेनंतर दोन्ही देशांत होर्मुझवरुन मोठा वाद सुरु आहे. असे असतानाच पुन्हा एकदा शांतता चर्चेचे संकेत मिळाले आहे. अमेरिकन माध्यमांनी इस्लामाबाद येथे होणाऱ्या शांतता चर्चेच्या दुसऱ्या फेरीसाठी सहमती दिली असल्याचे म्हटले आहे. यासाठी इराणने आपले प्रतिनिधीमंडळ पाठवण्यास तयार आहे, परंतु यासाठी इराणने एक अत्यंत महत्त्वाची अट ठेवली आहे.
21 Apr 2026 10:05 AM (IST)
बीडच्या अंबाजोगाई येथून एक धक्कादायक घटना समोर आली आहे. एका २८ वर्षीय महिलेवर लग्नाचे आमिष दाखवून दोन वर्षांपासून अत्याचार केल्याची धक्कादायक घटना समोर आली आहे. एवढेच नाही तर तिला धर्म स्वीकारल्याशिवाय लग्न करणार नाही अशी अट घातली. पीडित मुलीने या प्रकरणी आरोपीविरुद्ध गुन्हा दाखल केला आहे. आरोपीचे नाव सलमान अजीज पठाण असे आहे. या घटनेने खळबळ उडाली आहे.
21 Apr 2026 09:55 AM (IST)
गेल्या काही दिवसांपासून वातावरणात कमालीचा बदल जाणवत आहे. दिवसा कडक ऊन तर नंतर वातावरणात गारवा अनुभवायला मिळत आहे. त्यातच राज्यातील काही भागांत गारांचा पाऊसही झाला. त्यामुळे हवामान आणखीनच बदलल्याचे पाहिला मिळत आहे. असे असताना आता हवामान विभागाने पुढील 3 तासांत मुंबई, मुंबई उपनगर, पालघर, रायगड, ठाणे येथे येथील काही भागांमध्ये सोसाट्याच्या वाऱ्यासह हलक्या पावसाच्या सरी, मेघगर्जना आणि विजांचा कडकडाट होण्याचा अंदाज वर्तवला आहे.
21 Apr 2026 09:45 AM (IST)
लातूर जिल्ह्यातून एक हृदयद्रावक घटना समोर आली आहे. कौटुंबिक वादातून एका विवाहित महिलेने आपल्या दोन लहान मुलांसह विहिरीत उडी घेऊन आत्महत्या केल्याचे समोर आले आहे. या घटनेने परिसरात हळहळ व्यक्त होत आहे. पोलिसांनी तात्काळ घटनास्थळी धाव घेत मृतदेह बाहेर काढले. ही दुर्दैवी घटना खरोसा गावात घडली आहे.
21 Apr 2026 09:35 AM (IST)
सध्या उष्णतेचे विक्रम मोडले जात असताना महाराष्ट्राच्या घशाला अक्षरशः कोरड पडण्यास सुरु झाली आहे. अनेक भागांत कोरडीठाक परिस्थिती निर्माण होत असून, भू-गर्भजल पातळी झपाट्याने खालावत असल्याचे गंभीर चित्र समोर आले आहे. आराखड्यातील आकडेवारीनुसार, महाराष्ट्रातील ३५ जिल्ह्यांपैकी तब्बल ११ जिल्हे पाणी टंचाईच्या उंबरठ्यावर पोहोचले आहेत, तर १८ जिल्हे तीव्र पाणीटंचाईच्या गर्तेत सापडले आहेत.
Marathi Breaking News Updates : इराणवर अमेरिका आणि इस्त्रायल या दोन्ही देशांकडून वारंवार हल्ले केले जात आहेत. इराणकडूनही याला जोरदार प्रत्युत्तर देण्यात येत आहे. इराणवर हल्ल्यांमुळे जागतिक तेल संकट ओढवताना दिसत आहे. असे असतानाच आता अमेरिकेचे राष्ट्राध्यक्ष डोनाल्ड ट्रम्प यांनी मोठं विधान केले आहे. ‘इराणसोबतचा संभाव्य नवीन करार हा माजी अध्यक्ष बराक ओबामा आणि जो बायडेन यांच्या कार्यकाळात तेहरानसोबत झालेल्या करारापेक्षा चांगला असेल. इराणसोबतचा नवीन करार जगात शांतता प्रस्थापित करेल’, असे ट्रम्प यांनी म्हटले आहे.
डोनाल्ड ट्रम्प यांनी म्हटले की, अमेरिका आणि इराण यांच्यात होणारा करार हा (माजी अध्यक्ष) बराक ओबामा आणि जो बायडेन यांनी स्वाक्षरी केलेल्या जॉइंट कॉम्प्रिहेन्सिव्ह प्लॅन ऑफ ॲक्शन (JCPOA) पेक्षा खूपच चांगला असेल. त्यांनी जुन्या कराराला अमेरिकेच्या सुरक्षेसाठी अत्यंत धोकादायक आणि सर्वात वाईट करारांपैकी एक म्हटले. ट्रम्प यांनी दावा केला की, या करारामुळे इराणला अण्वस्त्रे विकसित करण्याचा मार्ग मिळू शकला असता, जो त्यांच्या प्रशासनाने रोखला. त्यांनी असाही आरोप केला की, त्यावेळी इराणला अब्जावधी डॉलर्स रोख रक्कम देण्यात आली होती आणि ही रक्कम अमेरिकन बँकांमधून काढण्यात आली होती.
