Marathi News
X
  • देश
  • महाराष्ट्र
  • निवडणूक
  • मुंबई
  • पुणे
  • नागपूर
  • क्रीडा
  • वर्ल्ड
  • क्राईम
  • मनोरंजन
  • व्यापार
  • लाइफ स्टाइल
  • व्हायरल
  • नवराष्ट्र विशेष
  • करिअर
  • फोटो
  • व्हिडिओ गॅलरी
  • वेबस्टोरीज़
  • ऑटोमोबाइल
  • विज्ञान तंत्रज्ञान
  • रवि, 22 नोव्हेंबर 2026 ई-पेपर
  • देश
  • शॉर्ट न्यूज़
  • महाराष्ट्र
  • राजकारण
  • मुंबई
  • पुणे
  • नागपूर
  • लाइफ स्टाइल
  • क्रीडा
  • क्राईम
  • अन्य
    • विदेश
    • नवराष्ट्र विशेष
    • मनोरंजन
    • अन्य
      • व्यापार
      • टेक
      • वेब स्टोरीज
      • व्हायरल
      • करिअर
      • धर्म
      • ऑटोमोबाइल
      • फोटो
      • व्हिडिओ
      • सिनेमा
  • देश
  • शॉर्ट न्यूज़
  • राजकारण
  • महाराष्ट्र
  • मुंबई
  • पुणे
  • नागपूर
  • क्रीडा
  • वर्ल्ड
  • क्राईम
  • मनोरंजन
  • लाइफ स्टाइल
  • धर्म
  • व्हायरल
  • व्हिडिओ
  • वेब स्टोरीज़
  • फोटो
In Trends:
  • Maharastra Politics |
  • India Vs New Zealand |
  • Under 19 Asia Cup |
  • bigg boss 20
Follow Us
  • वेब स्टोरीज
  • फोटो
  • ई-पेपर
  • विडियो
  • फटाफट खबरें

Maharashtra Today’s Live News in Marathi: मान्सूनचा परतीचा प्रवास, एशियन गेम्समधील भारतीय महिला संघाची मुसंडी

22 September 2026 Trending News: ठाणे रेल्वे स्थानक परिसरातील रिक्षांच्या रांगा, भाड्‌यावरून होणारी घासाघीस आणि प्रवासी-चालकांमधील नित्याचे वाद कायमस्वरूपी मिटवण्यासाठी एक सकारात्मक पाऊल उचलण्यात आले आहे.

  • By anuradha sagar
Updated On: Sep 22, 2026 | 06:17 PM
Maharashtra Breaking News Today 21.11.2026

Maharashtra Breaking News Today 21.11.2026

Follow Us
Follow Us:

Maharashtra to World Breaking News : 

महाराष्ट्रातील मान्सूनच्या परतीच्या काळात उपसागरातील कमी दाबाच्या पट्ट्यामुळे हवामान विभागाने (IMD) मुंबई, कोकण आणि मराठवाड्यासह राज्यातील २२ जिल्ह्यांसाठी मुसळधार पावसाचा ‘यलो अलर्ट’ जारी केला आहे. जपानमधील एशियन गेम्समध्ये भारतीय महिला क्रिकेट संघाने अंतिम फेरीत प्रवेश केला असून, भारताने नेमबाजीत सुवर्ण आणि रौप्य पदकांची कमाई करत पदकांची संख्या वाढवली आहे.

अमेरिका आणि इराण यांच्यातील वाढत्या लष्करी तणावामुळे आंतरराष्ट्रीय हवाई मार्ग विस्कळीत झाले असून, अमेरिकेने मध्यपूर्वेतील काही सागरी व हवाई मार्गांवर अतिरिक्त निर्बंध लादले आहेत.आंतरराष्ट्रीय तणाव आणि जागतिक महागाईच्या चिंतेमुळे आशियाई आणि भारतीय शेअर बाजारात (सेन्सेक्स व निफ्टी) आज सावध व्यवहार सुरू आहे

The liveblog has ended.
  • 22 Sep 2026 06:13 PM (IST)

    22 Sep 2026 06:13 PM (IST)

    Sambhajinagar Crime : आम्हाला वेळ नाही. तुम्ही उरकून घ्या… बापाच्या अत्यंसंस्काराला मुलाचे शहारे आणणारे शब्द, नेमकं प्रकरण काय?

    Sambhajinagar Crime :  ‘इतकेच मला जाताना सरणावर कळले होते, मरणाने केली सुटका जगण्याने छळले होते’ या कवी सुरेश भट यांच्या गझलेतील ओळींमध्ये आयुष्यातील दुःख, वेदना आणि शेवटी मृत्यूमुळे मिळालेल्या सुटकेचे अतीव व मर्मभेदी दर्शन घडवले आहे. माणसाला जगताना ज्या वेदना व संघर्ष सहन करावे लागतात, त्याचे वास्तव अगदी टोकाला जाऊन येथे मांडले आहे. या कवितेच्या ओळी तंतोतंत खऱ्या ठरल्याच्या छत्रपती संभाजीनगर शहरात दिसून आल्या.

  • 22 Sep 2026 06:08 PM (IST)

    22 Sep 2026 06:08 PM (IST)

    डीजेचा दणदणाट पडला महागात, नियम मोडणाऱ्या दोन गणेश मंडळांवर गुन्हे दाखल; शिरगाव-परंदवडी पोलिसांची कारवाई

    पिंपरी : गणेशोत्सवातील सातव्या दिवसाच्या विसर्जन मिरवणुकीदरम्यान ध्वनीक्षेपक यंत्रणेचा मोठ्या आवाजात वापर करून सार्वजनिक शांततेचा भंग करणाऱ्या दोन गणेश मंडळांवर शिरगाव-परंदवडी पोलिसांनी कारवाई केली आहे. चांदखेड येथील जय महाराष्ट्र मित्र मंडळ आणि ओझर्डे येथील शिवतेज मित्र मंडळाविरुद्ध गुन्हे दाखल करण्यात आले आहेत. पोलिसांनी डीजे साऊंड सिस्टिम, मिक्सर, ॲम्प्लीफायर तसेच एक वाहन असा मुद्देमाल जप्त केला आहे.

  • 22 Sep 2026 06:00 PM (IST)

    22 Sep 2026 06:00 PM (IST)

    आम्हाला वेळ नाही. तुम्ही उरकून घ्या… बापाच्या अत्यंसंस्काराला मुलाचे शहारे आणणारे शब्द, नेमकं प्रकरण काय?

    इतकेच मला जाताना सरणावर कळले होते, मरणाने केली सुटका जगण्याने छळले होते’ या कवी सुरेश भट यांच्या गझलेतील ओळींमध्ये आयुष्यातील दुःख, वेदना आणि शेवटी मृत्यूमुळे मिळालेल्या सुटकेचे अतीव व मर्मभेदी दर्शन घडवले आहे. माणसाला जगताना ज्या वेदना व संघर्ष सहन करावे लागतात, त्याचे वास्तव अगदी टोकाला जाऊन येथे मांडले आहे.सविस्तर वाचा

  • 22 Sep 2026 05:50 PM (IST)

    22 Sep 2026 05:50 PM (IST)

    नांदेड हादरलं! ५० हजारांच्या हुंड्यासाठी केला छळ; विवाहितेने गळफास घेऊन संपवलं जीवन

    राज्यासह देशभरात आत्महत्येच्या घटनांमध्ये मोठी वाढ झाली असून, दररोज वेगवेगळ्या भागात अनेकजण टोकाचा निर्णय घेत आहे. आत्महत्येच्या घटनांची आकडेवारी चिंताजनक आहे. अशातच आता माहेरहून ५० हजार रुपये आणण्यासाठी सासरच्या मंडळींकडून होत असलेल्या कथित शारीरिक व मानसिक छळाला कंटाळून विवाहितेने गळफास घेऊन आत्महत्या केल्याची घटना विष्णुनगर येथे घडली आहे. अश्विनी महेश भुसारे असे मृत विवाहितेचे नाव आहे.सविस्तर वाचा 

  • 22 Sep 2026 05:40 PM (IST)

    22 Sep 2026 05:40 PM (IST)

    आता हवेत विमान उडवून दाखवाच ;अमेरिकेचा इराणला इशारा

    तब्बल ७ महिने सुरु असलेल्या इराण अमेरिका युद्धाचा शेवट काही केल्या होईल असे दिसत नाही . इस्रायलने अमेरिकेला यात गुंतवून आपला मोर्चा आता गाझा पट्टी आणि लेबनॉन कडे वळवला आहे . आणि आता इराण युद्ध डोनाल्ड ट्रम्प यांच्या इज्जतीचा प्रश्न होऊन बसला आहे .सविस्तर वाचा 

  • 22 Sep 2026 05:31 PM (IST)

    22 Sep 2026 05:31 PM (IST)

    मराठमोळ्या यशस्विनीची चमकदार कामगिरी; महिला टेबल टेनिस संघाला मिळवून दिले क्वार्टर फायनलचे तिकिट

    मराठमोळ्या यशस्विनी घोरपडेच्या दमदार कामगिरीच्या जोरावर(Asian Games)  एशियन्स गेम्स 2026 मध्ये भारतीय महिला टेबल टेनिस टिमने मंगळवारी थायलंडचा पराभव करत क्वॉर्टर फायनलमध्ये जागा मिळवली. भारतीय संघाने 2-1 असे पिछाडीवर पडल्यानंतर जोरदार पुनरागमन करत थायलंडचा 3-2 असा पराभव केला व क्वॉर्टर फायनल गाठली. येथे भारताचा सामना नॉर्थ कोरियाशी होणार आहे.सविस्तर वाचा 

  • 22 Sep 2026 05:20 PM (IST)

    22 Sep 2026 05:20 PM (IST)

    बळीराजाला बाप्पा पावणार! राज्य सरकार शनिवारपूर्वी पहिली अधिसूचना काढणार, फडणवीसांची मोठी घोषणा

    राज्यात दुष्काळ (Maharashtra Drought) जाहीर करावा अशा शेतकरी व विरोधी पक्षाच्या वाढत्या मागणीनंतर राज्य सरकार थोडं बॅकफूटवर गेले असून येत्या शनिवारपूर्वी दुष्काळाबाबतची पहिली अधिसूचना काढण्याची मोठी घोषणा मुख्यमंत्री देवेंद्र फडणवीस यांनी केली आहे. सविस्तर वाचा

  • 22 Sep 2026 05:11 PM (IST)

    22 Sep 2026 05:11 PM (IST)

    सर्वसामान्यांसाठी ‘म्हाडा’ची गुड न्यूज! ३३३ घरांची सोडत; विजेत्या अर्जदारांचा सत्कार

    सर्वसामान्यांचे हक्काच्या घराचे स्वप्न पूर्ण करण्याच्या दिशेने म्हाडाच्या (MHADA Lottery 2026) नाशिक मंडळाने आणखी एक पाऊल टाकले आहे. नाशिक गृहनिर्माण व क्षेत्रविकास मंडळातर्फे नाशिक आणि अहिल्यानगरमधील विविध गृहप्रकल्पांतील ३३३ सदनिकांच्या विक्रीसाठी २२ सप्टेंबर २०२६ रोजी संगणकीय सोडत काढण्यात आली. नाशिक मंडळाचे सभापती रंजन ठाकरे यांच्या हस्ते ही सोडत पार पडली. सविस्तर वाचा

  • 22 Sep 2026 04:57 PM (IST)

    22 Sep 2026 04:57 PM (IST)

    कोयना धरण परिसराला भूकंपाचा धक्का! नागरिकांमध्ये भीतीचं वातावरण

    सातारा जिल्ह्यातील कोयना धरण  परिसरात आणि जवळच्या भागात मध्यरात्री एकामागोमाग एक असे एकूण पाच भूकंपाचे सौम्य धक्के जाणवले. राष्ट्रीय भूकंपशास्त्र केंद्राच्या (NCS) अधिकृत नोंदीनुसार, या भूकंपाची तीव्रता २.१ ते २.४ इवढी होती. मध्य रात्री १२ च्या सुमारास एका मागोमाग एक असे एकूण पाच भूंकपाचे धक्के जाणवले, गेल्या पाच- सहा महिन्या पूर्वी सुद्धा भूकंपाचे धक्के जाणवले होते. या या भूकंपाचा केंद्रबिंदू जमिनीखाली ०५ किलोमीटर खोलीवर होता.  वाचा सविस्तर... 

  • 22 Sep 2026 04:47 PM (IST)

    22 Sep 2026 04:47 PM (IST)

    मराठमोळ्या यशस्विनीची चमकदार कामगिरी; महिला टेबल टेनिस संघाला मिळवून दिले क्वार्टर फायनलचे तिकिट

    मराठमोळ्या यशस्विनी घोरपडेच्या दमदार कामगिरीच्या जोरावर(Asian Games)  एशियन्स गेम्स 2026 मध्ये भारतीय महिला टेबल टेनिस टिमने मंगळवारी थायलंडचा पराभव करत क्वॉर्टर फायनलमध्ये जागा मिळवली. भारतीय संघाने 2-1 असे पिछाडीवर पडल्यानंतर जोरदार पुनरागमन करत थायलंडचा 3-2 असा पराभव केला व क्वॉर्टर फायनल गाठली. येथे भारताचा सामना नॉर्थ कोरियाशी होणार आहे. वाचा सविस्तर... 

  • 22 Sep 2026 04:37 PM (IST)

    22 Sep 2026 04:37 PM (IST)

    ‘जिभेवर लगाम ठेवा, नाहीतर गाठ काँग्रेसशी आहे!’ बावनकुळेंच्या विधानावर यशोमती ठाकूरांचा घणाघात

    काँग्रेस नेते आणि लोकसभेतील विरोधी पक्षनेते राहुल गांधी यांच्यावर राज्याचे महसूल मंत्री आणि अमरावतीचे पालकमंत्री चंद्रशेखर बावनकुळे यांनी केलेल्या वक्तव्यावरून राज्यातील राजकीय वातावरण पुन्हा तापलं आहे. काँग्रेस नेत्या आणि माजी मंत्री ॲड. यशोमती ठाकूर यांनी बावनकुळेंच्या वक्तव्यावर जोरदार पलटवार केला आहे. “बावनकुळे साहेब, जरा तुमच्या जिभेवर लगाम आणा. पुन्हा अशी भाषा वापरली तर तुमची गाठ सच्च्या काँग्रेस कार्यकर्त्यांशी आहे,” असा थेट इशारा ठाकूर यांनी दिला. वाचा सविस्तर... 

  • 22 Sep 2026 04:27 PM (IST)

    22 Sep 2026 04:27 PM (IST)

    जमुई विनयभंग प्रकरणातील दोन आरोपींचे एन्कांऊटंर; पोलिसांच्या चकमकीत नेमकं काय घडलं?

    बिहारच्या जमुई जिल्ह्यातील एका अल्पवयीन विद्यार्थिनीच्या विनयभंगाचा व्हिडीओ सोशल मीडियावर चांगलाच व्हायरल झाला होता. या प्रकरणावर बिहार सरकार आणि पोलिसांवर टिकेची झोड उठली होती. अशातच या प्रकरणात मोठी अपडेट समोर आली आहे. या प्रकरणाचा कारवाईदरम्यान या दोन्ही आरोपींचा एन्काऊंटर झाल्याची माहिती आहे. मुख्य आरोपी, नंदन यादव आणि हरेराम यादव, अशी या दोन आरोपींची नावे असून दोघेही सज्ञान आहेत. वाचा सविस्तर... 

  • 22 Sep 2026 04:17 PM (IST)

    22 Sep 2026 04:17 PM (IST)

    जुन्या कुणबी नोंदी शोधण्याच्या प्रक्रियेला गती देण्यासाठी राज्य सरकारचा महत्त्वाचा निर्णय - मनोज जरांगे पाटील

    मराठा आरक्षणाच्या पार्श्वभूमीवर जुन्या कुणबी नोंदी शोधण्याच्या प्रक्रियेला गती देण्यासाठी राज्य सरकारने महत्त्वाचा निर्णय घेतल्याची माहिती मराठा आरक्षण आंदोलक मनोज जरांगे पाटील यांनी सोमवारी (22 सप्टेंबर) पत्रकार परिषदेत दिली. मोडी आणि फारसी लिपीतील जुन्या नोंदी शोधण्यासाठी या लिपींच्या अभ्यासक-वाचकांना विशेष अधिकार देण्यासंदर्भात सरकारने शासन निर्णय जारी केल्याचे जरांगे यांनी सांगितले. या माध्यमातून जुन्या दस्तऐवजांमधील नोंदी शोधण्याचे काम केले जाणार असल्याची माहितीसमोर आली आहे. वाचा सविस्तर... 

  • 22 Sep 2026 04:04 PM (IST)

    22 Sep 2026 04:04 PM (IST)

    शेतकऱ्यांसाठी मोठी बातमी! मंत्रिमंडळाचा मोठा निर्णय, बावनकुळेंच्या अध्यक्षतेखाली उपसमिती तर मंत्र्यांना बांधावर जाण्याचे आदेश

    राज्यात पावसाने दडी मारल्याने अनेक भागांमध्ये दुष्काळसदृश्य परिस्थिती निर्माण झाली आहे. पिकं धोक्यात आली असून शेतकऱ्यांचं लक्ष आता सरकारच्या मदतीकडे लागलं आहे. अशातच आज मुख्यमंत्री देवेंद्र फडणवीस यांच्या अध्यक्षतेखाली झालेल्या मंत्रिमंडळ बैठकीत शेतकरी आणि दुष्काळाच्या मुद्द्यावर महत्त्वाचे निर्णय घेण्यात आले आहेत. दुष्काळ निवारणाच्या उपाययोजनांसाठी मंत्रिमंडळ उपसमिती स्थापन करण्याचा निर्णय आजच्या बैठकीत घेण्यात आला. महसूल मंत्री चंद्रशेखर बावनकुळे या समितीचे अध्यक्ष असणार आहेत. वाचा सविस्तर... 

  • 22 Sep 2026 03:59 PM (IST)

    22 Sep 2026 03:59 PM (IST)

    Vijay Wadettiwar: काँग्रेस नेते विजय वडेट्टिवार यांचे ‘अकांऊट’ हॅक, पोस्ट आणि मेसेजशी माझा काही संबंध नाही …

    Vijay Wadettiwar:  काँग्रेसचे माजी मंत्री व विरोधी पक्ष नेते विजय वडेट्टिवार यांचे एक्स अकांऊट हॅक झाले असून अकांऊट वर होणाऱ्या पोस्ट किंवा मेसेजशी माझा काही संबंध नाही असे स्पष्ट मत काँग्रेस नेते विजय वडेट्टिवार यांनी केले आहे. एक्स अकांऊट हॅक झाल्याने कोणीही याचा गैर फायदा घेऊ शकते, एक्स अंकाऊट वर होणाऱ्या पोस्ट किंवा मेसेजवर आणि लिंक वर क्लिक करु नये. विजय वडेट्टिवार यांचे सोशल मिडिया वर असंख्या फाॅलोअर्स आहेत. काँग्रेस नेते विजय वडेट्टिवार नेहमी एक्स अकांऊटवर आपली प्रतिक्रिया नोंदवत असतात.

  • 22 Sep 2026 03:50 PM (IST)

    22 Sep 2026 03:50 PM (IST)

    Jalgaon Ganesh Visarjan 2026: विसर्जन मिरवणुकीआधी पोलिसांचा मोठा निर्णय! DJ बाबत गणेश मंडळांना दिला स्पष्ट इशारा

    विसर्जन मिरवणुकीत डीजे लावण्यास बंदी आहे. जे मंडळ डीजे लावतील, त्यांच्यावर मिरवणुकीत तात्काळ कारवाई करण्यात येणार नाही; परंतु कालांतराने नियमानुसार कारवाई करण्यात येईल, असा इशारा पोलिसांनी दिला आहे. सार्वजनिक गणेश मंडळाच्या बैठकीत ही माहिती देण्यात आली. जळगाव महापालिकेच्या दुसऱ्या मजल्यावरील सभागृहात शहरातील सार्वजनिक गणेश मंडळाची बैठक आयोजित करण्यात आली होती

  • 22 Sep 2026 03:45 PM (IST)

    22 Sep 2026 03:45 PM (IST)

    Asian Games: भारताच्या वाघिणींसमोर श्रीलंका उद्ध्वस्त; 147 रन्सने केला पराभव अन् जिंकले Gold Medal

    IND W Vs SL W/ Asian Games 2026: जपानमध्ये सध्या एशियन गेम्स स्पर्धा 2026 सुरू आहे. या स्पर्धेत नुकताच भारतीय महिला संघ आणि श्रीलंकेचा महिला संघ आमनेसामने आले होते. दरम्यान या सामन्यात भारतीय महिला संघाने (IND Vs SL) श्रीलंकेचा 147 रन्सने दारुण पराभव केला आहे. तसेच विजय प्राप्त करत ऐतिहासिक अशा सुवर्ण पदकावर आपले नाव कोरले आहे. एशियन गेम्समध्ये हे भारताचे पाहिलेच सुवर्णपदक ठरले आहे. पराभव झाल्यामुळे श्रीलंकेला रौप्यपदकावर समाधान मानावे लागले आहे.

  • 22 Sep 2026 03:40 PM (IST)

    22 Sep 2026 03:40 PM (IST)

    Amravati News: कुपोषणाचे आकडे घटले; आव्हान कायम! २२९ अंगणवाड्यांमधून १४ हजार ६०७ बालकांना पोषण आहार

    Amravati News: कुपोषणासाठी देशभरात चर्चेत राहिलेल्या मेळघाटातील सुधारणा झाली असली, तरी कुपोषणाची परिस्थितीत कालांतराने काही प्रमाणात समस्या अद्याप पूर्णपणे संपलेली नाही. चिखलदरा तालुक्यात ७ महिने ते ६ वर्षे वयोगटातील १४ हजार ६०७ बालकांना २२९ अंगणवाडी केंद्रांच्या माध्यमातून नियमित पोषण आहार दिला जात आहे.

  • 22 Sep 2026 03:35 PM (IST)

    22 Sep 2026 03:35 PM (IST)

    SBI Clerk पूर्व परीक्षेच्या तारखा अन् हॉल तिकीट जारी;’असे’ डाऊनलोड करा हॉल तिकीट

    SBI Clerk Prelims Admit Card 2026 Out: स्टेट बँक ऑफ इंडियाने (SBI) आपल्या अधिकृत संकेतस्थळावर क्लर्क प्रीलिम्स परीक्षा २०२६ चे ॲडमिट कार्ड प्रसिद्ध केले आहे. ज्युनियर असोसिएट (कस्टमर सपोर्ट अँड सेल्स) पदांसाठीच्या पूर्व परीक्षेचे आयोजन २६ आणि २७ सप्टेंबर २०२६ रोजी केले जाणार आहे. या परीक्षेत बसणारे उमेदवार एसबीआयच्या अधिकृत करिअर पोर्टलवरून आपले ॲडमिट कार्ड सहजपणे डाऊनलोड करू शकतात. बँकेने ही प्रवेशपत्रे भरती जाहिरात क्रमांक CRPD/CR/2026-27/17 अंतर्गत जारी केली आहेत.

  • 22 Sep 2026 03:30 PM (IST)

    22 Sep 2026 03:30 PM (IST)

    राज्यातील पहिली ‘प्रीपेड रिक्षा सेवा’ ठाण्यात सुरू, रिक्षा भाड्यावरून होणारी घासाघीस थांबणार!

    ठाणे रेल्वे स्थानक परिसरातील रिक्षांच्या रांगा, भाड्‌यावरून होणारी घासाघीस आणि प्रवासी-चालकांमधील नित्याचे वाद कायमस्वरूपी मिटवण्यासाठी एक सकारात्मक पाऊल उचलण्यात आले आहे. ठाणे शहरात आता रिक्षात बसण्यापूर्वीच प्रवासाचे निक्षित भाडे प्रवाशांना समजणार असून, महाराष्ट्रातील अशा प्रकारची पहिलीवहिली ‘प्रीपेड रिक्षा सेवा’ ठाणे रेल्वे स्थानक परिसरातून अधिकृतपणे सुरू करण्यात आली आहे. या नाविन्यपूर्ण सेवेमुळे ठाणेकरांचा प्रवास अधिक सुलभ, सुरक्षित आणि पारदर्शक होणार आहे.

  • 22 Sep 2026 03:25 PM (IST)

    22 Sep 2026 03:25 PM (IST)

    Nagpur News : ओसीविना ३ हजार इमारती; बिल्डरांना नोटिसांचा दणका

    Nagpur News : शहरात बांधकामाचे नियम धाब्यावर बसवून इमारती उभारल्या जात असल्याचे नगररचना विभागाच्या तपासणीत समोर आले आहे. तब्बल ३ हजार इमारतींना अद्याप भोगवटा प्रमाणपत्र (ओसी) मिळालेले नसून, मनपाच्या कागदोपत्री नोंदीनुसार या इमारती अद्याप अपूर्ण अथवा बांधकामाधीन आहेत. प्रत्यक्षात मात्र या इमारतीमध्ये हजारो कुटुंबे राहत आहेत. या प्रकाराची गंभीर दखल घेत नागपूर मनपाने पहिल्या टप्प्यात ७०० बिल्डर आणि इमारत मालकांना कायदेशीर नोटिसा बजावल्या आहेत.

  • 22 Sep 2026 03:20 PM (IST)

    22 Sep 2026 03:20 PM (IST)

    Navi Mumbai Crime : नवी मुंबईत तोतया पत्रकारांचा सुळसुळाट? वाहनांवर ‘प्रेस-पोलीस’ स्टिकर लावून सर्रास वाहतूक

    सावन वैश्य, नवी मुंबई : नवी मुंबई शहरात आणि विशेषतः कोपरखैरणे परिसरात सध्या बनावट ‘प्रेस’ (पत्रकार) आणि ‘पोलीस’ स्टिकर्सचा गैरवापर करून बेकायदेशीर कामे करणाऱ्यांचे पेव फुटले आहे. कोपरखैरणे येथील बारबालांना बारमध्ये सोडण्यासाठी आणि तिथून परत आणण्यासाठी (पिकअप-ड्रॉप सर्विस) वापरल्या जाणाऱ्या खाजगी वाहनांवर सर्रासपणे ‘प्रेस’ किंवा ‘पोलीस’ असे नाव लिहून शहरात वाहतूक केली जात असल्याचे धक्कादायक वास्तव समोर आले आहे.(Navi Mumbai Crime)

  • 22 Sep 2026 03:15 PM (IST)

    22 Sep 2026 03:15 PM (IST)

    Dubai Crane Operator Salary: दुबईत क्रेन ऑपरेटर बनून कसा कमावतोय लाखो रुपये? जाणून घ्या एका क्लिकवर..

    Dubai Crane Operator Salary: दुबईच्या गगनचुंबी इमारती आणि तिथले रस्ते आपण सर्वांनीच पाहिले आहेत. या भव्य इमारतींच्या उभारणीत क्रेन चालवणाऱ्या मजुरांचे मोलाचे योगदान असते. उत्तराखंडचे रहिवासी बलविंदर सिंग हे २००५ पासून म्हणजेच तब्बल २० वर्षांहून अधिक काळ क्रेन ऑपरेटर म्हणून काम करत आहेत. नुकतीच कंटेंट क्रिएटर जगदीश चावला यांनी त्यांच्या सोशल मीडिया हँडलवरून बलविंदर सिंग यांची मुलाखत शेअर केली असून, ती सध्या जोरदार व्हायरल होत आहे.

  • 22 Sep 2026 03:01 PM (IST)

    22 Sep 2026 03:01 PM (IST)

    बहिणीची छेड काढल्याचा राग, बेदम मारहाण करुन तरुणाचा खून; वाकडमधील घटनेनं खळबळ

    पिंपरी : राज्यासह देशभरात महिलांवरील अत्याचार आणि गुन्हेगारीमध्ये प्रचंड वाढ होत आहे. वाढत्या घटनांमुळे नागरिकांमध्ये दहशत निर्माण होत आहे. अशातच आता बहिणीची छेड काढल्याच्या कारणावरून एका तरुणाला मारहाण करून त्याचा खून करण्यात आला आहे. ही घटना शनिवारी (१९ सप्टेंबर) रात्री ११.३० वाजण्यापूर्वी वाकड येथील कावेरी नगर भाजी मंडई समोरील मोकळ्या जागेतील कचरा टाकण्याच्या ठिकाणी घडली आहे.

  • 22 Sep 2026 02:00 PM (IST)

    22 Sep 2026 02:00 PM (IST)

    गणेशोत्सवात ढोल-ताशा वाजविण्याची परंपरा कशी झाली सुरु?

    गणेशोत्सव देशभरात साजरा केला जातो, पण महाराष्ट्रात हा उत्सव काही वेगळाच असतो. इथे बाप्पाचं आगमन आणि निरोप समारंभ ढोल आणि ताशाच्या गजरात थाटामाटात साजरा होतो. जेव्हा शेकडो तरुण आणि तरूणी एकत्र ढोल आणि ताशे वाजवतात, तेव्हा संपूर्ण वातावरण उत्साह आणि ऊर्जेने भरून जाते.

  • 22 Sep 2026 01:55 PM (IST)

    22 Sep 2026 01:55 PM (IST)

    दौंड तालुक्यात परतीच्या पावसाचे दमदार कमबॅक; अनेक ठिकाणी जोरदार हजेरी

    दौंड तालुक्यातील दौंड शहरासह पाटस, कुरकुंभ, मळद, नानगाव, कानगाव यासह तालुक्याच्या पूर्व भागात परतीच्या पावसाने दमदार हजेरी लावली आहे. परतीच्या पावसाच्या या आगमनाने मान टाकलेल्या शेत पिकांना जीवदान मिळाले असून, बळीराजा सुखावला आहे.

  • 22 Sep 2026 01:50 PM (IST)

    22 Sep 2026 01:50 PM (IST)

    राज्यातील पहिली ‘प्रीपेड रिक्षा सेवा’ ठाण्यात सुरू

    ठाणे रेल्वे स्थानक परिसरातील रिक्षांच्या रांगा, भाड्‌यावरून होणारी घासाघीस आणि प्रवासी-चालकांमधील नित्याचे वाद कायमस्वरूपी मिटवण्यासाठी एक सकारात्मक पाऊल उचलण्यात आले आहे. ठाणे शहरात आता रिक्षात बसण्यापूर्वीच प्रवासाचे निक्षित भाडे प्रवाशांना समजणार असून, महाराष्ट्रातील अशा प्रकारची पहिलीवहिली ‘प्रीपेड रिक्षा सेवा’ ठाणे रेल्वे स्थानक परिसरातून अधिकृतपणे सुरू करण्यात आली आहे. या नाविन्यपूर्ण सेवेमुळे ठाणेकरांचा प्रवास अधिक सुलभ, सुरक्षित आणि पारदर्शक होणार आहे.

  • 22 Sep 2026 01:45 PM (IST)

    22 Sep 2026 01:45 PM (IST)

    नाती, प्रेम अन् माणुसकीचा नवा अध्याय; ‘धाकट्या सुनबाई’ची झी मराठीवर एंट्री

    नाती, आपलेपणा, प्रेम आणि माणुसकी यांची सुंदर गोष्ट सांगणारी ‘धाकट्या सुनबाई’ ही नवी मालिका लवकरच प्रेक्षकांच्या भेटीला येणार आहे. दोन कुटुंबं, त्यांचे वेगवेगळे विचार आणि नात्यांमधील गुंतागुंत या मालिकेत पाहायला मिळणार आहे. २८ सप्टेंबरपासून दररोज संध्याकाळी ६:३० वाजता झी मराठीवर ही मालिका प्रसारित होणार आहे.

  • 22 Sep 2026 01:40 PM (IST)

    22 Sep 2026 01:40 PM (IST)

    गणपती विसर्जन मिरवणुकीत जाण्यास वडिलांचा नकार, सहावीतील विद्यार्थ्याने संपवलं जीवन

    राज्यासह देशभरात आत्महत्येच्या घटनांमध्ये मोठी वाढ झाली असून, दररोज वेगवेगळ्या कारणावरुन अनेकजण टोकाचा निर्णय घेत आहेत. अशातच आता गणपती विसर्जन मिरवणुकीत सहभागी होण्यासाठी वडिलांनी परवानगी न दिल्याने रागाच्या भरात चोपडा तालुक्यातील घुमावल येथील इयत्ता सहावीतील १२ वर्षीय मुलाने टोकाचे पाऊल उचलल्याची हृदयद्रावक घटना घडली आहे. या घटनेने परिसरात हळहळ व्यक्त होत आहे.

  • 22 Sep 2026 01:35 PM (IST)

    22 Sep 2026 01:35 PM (IST)

    पालिकेच्या ठेकेदाराचा निष्काळजीपणा? रस्त्यावर गरम मॅस्टिक, पण बॅरिकेड्सचा पत्ता नाही

    वसईमध्ये रस्त्याच्या पॅचवर्कच्या कामादरम्यान आवश्यक सुरक्षा उपाययोजना करण्यात न आल्याने माय-लेकीला गंभीर दुखापत झाल्याची घटना समोर आली. पाले रोडवरील दर्ग्याजवळ रस्त्यावर गरम मॅस्टिकचे आवरण टाकण्यात आले होते. मात्र, वाहनचालकांना सावध करण्यासाठी या ठिकाणी बॅरिकेड्स, सूचना फलक किंवा अन्य सुरक्षा व्यवस्था नसल्याचा दावा जखमींनी केला आहे.

  • 22 Sep 2026 01:25 PM (IST)

    22 Sep 2026 01:25 PM (IST)

    दुर्वांचा बाप्पा अन् ‘गुरू ते गुगल गुरू’चा प्रवास, विक्रोळीचा मोरया यंदा हटके रूपात

    मुंबईतील गणेशोत्सवात दरवर्षी विविध आकर्षक आणि सामाजिक संदेश देणारे देखावे पाहायला मिळतात. यंदा विक्रोळी पश्चिम येथील प्रसिद्ध बाल मित्र कला मंडळ अर्थात ‘विक्रोळीचा मोरया’ एका आगळ्यावेगळ्या संकल्पनेमुळे चर्चेत आले आहे. महाराष्ट्राच्या गणेशोत्सवाच्या इतिहासात प्रथमच दुर्वांपासून घडवलेली वैशिष्ट्यपूर्ण गणेशमूर्ती मंडपात विराजमान करण्यात आली आहे.

  • 22 Sep 2026 01:15 PM (IST)

    22 Sep 2026 01:15 PM (IST)

    शेफाली-स्मृतीचा धडाका, भारताने फायनलमध्ये उभा केला धावांचा डोंगर

    २०२६ आशियाई क्रीडा स्पर्धेच्या महिला क्रिकेटच्या अंतिम सामन्यात भारतीय महिला संघाने श्रीलंकेविरुद्ध धावांचा डोंगर उभा केला. नाणेफेक जिंकून प्रथम फलंदाजी करण्याचा निर्णय घेतल्यानंतर, भारतीय संघाने निर्धारित २० षटकांत केवळ तीन गडी गमावून २१६ धावांचा डोंगर उभा केला. या ऐतिहासिक खेळीदरम्यान, स्टार सलामीवीर स्मृती मंधानाने महिला क्रिकेटच्या इतिहासात असा विक्रम रचला जो यापूर्वी कोणीही केला नव्हता.

  • 22 Sep 2026 01:05 PM (IST)

    22 Sep 2026 01:05 PM (IST)

    ‘विरोधकांना उत्तर द्यायला सह्याद्रीचे वाघ आहेत’; माजी मंत्री बाळासाहेब पाटील यांचे विधान

    सह्याद्री कारखानाच्या सर्वसाधारण सभेला चांगली परंपरा आहे. वार्षिक सभा बरोबर दोन वाजता सुरू करण्यात झाली होती. माजी उपमुख्यमंत्री अजित पवारांच्या श्रद्धांजलीचा ठराव सुरू असताना विरोधकांनी गोंधळास सुरुवात केली. सभेत प्रश्न असतात. खुलासे आपण करतो. या स्थितीत विरोधकांनी बाजार मांडला. या गोंधळात सह्याद्रीच्या सभासदांनी संयम ठेवला. विरोधकांना त्यांच्या प्रश्नांची उत्तरेच ऐकायची नव्हती तर केवळ नावाप्रमाणेच उत्तुंग चाललेल्या सह्याद्री कारखान्यावर फक्त टीका करायची होती. प्रतिसभा घेऊन प्रक्षोभीत भाषणे करता, अनेक वल्गना करता. त्याला योग्य वेळी उत्तर देऊच.

  • 22 Sep 2026 01:02 PM (IST)

    22 Sep 2026 01:02 PM (IST)

    वाकडमधील घटनेनं खळबळ

    बहिणीची छेड काढल्याच्या कारणावरून एका तरुणाला मारहाण करून त्याचा खून करण्यात आला आहे. ही घटना शनिवारी (१९ सप्टेंबर) रात्री ११.३० वाजण्यापूर्वी वाकड येथील कावेरी नगर भाजी मंडई समोरील मोकळ्या जागेतील कचरा टाकण्याच्या ठिकाणी घडली आहे. मारोती बाळासाहेब बनसोडे (वय ३५, चिंचवड, मूळ- परळी, बीड) असे खून झालेल्या तरुणाचे नाव आहे. या प्रकरणी सुग्रीव लक्ष्मण गायकवाड (वय ५४, मोशी) यांनी वाकड पोलीस ठाण्यात फिर्याद दिली आहे. त्यानुसार अमित दशरथ साळुंखे (वय २६, थेरगाव, मूळ - बारामती, पुणे), किशोर सुभाष वाघमारे (वय ३९, थेरगाव, मूळ- बीड) आणि भारत संजय पवार (वय २३, थेरगाव, मूळ बारामती, पुणे) या तिघांना पोलिसांनी अटक केली आहे.

  • 22 Sep 2026 12:48 PM (IST)

    22 Sep 2026 12:48 PM (IST)

    कार आडवी लावून वकिलासह पत्नीला बेदम मारहाण

    हॉस्पिटलसमोर चारचाकी गाडी आडवी लावून येण्याजाण्याचा रस्ता बंद का केला याचा जाब विचारला म्हणून १० ते १२ जणांच्या टोळक्याने वकिलासह त्याच्या पत्नीस बेदम मारहाण केल्याची घटना घडली आहे. ऐन वर्दळीच्या रस्त्यावर भरदिवसा प्रकार घडल्याने सासवडमधील कायदा, सुव्यवस्थेबद्दल नागरिकांनी प्रश्न उपस्थित केले आहेत. तर सासवड बार असोशिएशन कडून घटनेचा जोरदार निषेध करण्यात आला आहे. आरोपींना तातडीने अटक करून कारवाई करण्याची मागणी करण्यात आली आहे. सासवड बार असोशिएशनचे सदस्य प्रतिक महेंद्र बसाळे यांच्यासह त्यांच्या पत्नी प्रांजली प्रतिक बसाळे यांना या घटनेत मारहाण करण्यात आली आहे. याबाबत सासवड पोलिसांत या घटनेची फिर्याद दाखल करण्यात आली आहे. पोलिसांनी आरोपी प्रथमेश ज्ञानेश्वर काळे, समिर उत्तम काळे, आणि हरिश जगदाळे  (सर्वजण रा.काळेवाडी ता.पुरंदर) यांच्यासह इतर ८ ते १० अनोळखी विरोधात गुन्हा दाखल केला आहे.

  • 22 Sep 2026 12:36 PM (IST)

    22 Sep 2026 12:36 PM (IST)

    दर आठवड्याला मनपा अधिकारी उतरणार वॉर्डामध्ये

    रस्ते, स्वच्छता, कचरा, ड्रेनेज, पाणीपुरवठा यांसह नागरिकांच्या विविध समस्यांच्या निराकरणातील दिरंगाई आता पुणे महापालिका अधिकाऱ्यांना महागात पडण्याची शक्यता आहे. क्षेत्रीय कार्यालयांमध्ये तक्रारी दाखल होऊनही त्यांचे वेळेत निराकरण होत नसल्याच्या तक्रारी वाढल्यानंतर महापालिका आयुक्त नवल किशोर राम यांनी अधिकाऱ्यांची जबाबदारी निश्चित केली आहे. त्यानुसार, प्रत्येक क्षेत्रीय कार्यालयातील सहायक आयुक्त आणि कनिष्ठ अभियंत्यांना आठवड्याच्या पहिल्या कामकाजाच्या दिवशी सकाळी प्रत्यक्ष क्षेत्रात जाऊन पाहणी करावी लागणार आहे.

  • 22 Sep 2026 12:24 PM (IST)

    22 Sep 2026 12:24 PM (IST)

    शालेय पोषण आहाराच्या गुणवत्तेवर प्रश्नचिन्ह

    विद्यार्थ्यांना पौष्टिक व सुरक्षित आहार मिळावा, या उद्देशाने शासनाकडून कोट्यवधी रुपये खर्च करून राबविण्यात येणाऱ्या शालेय पोषण आहार योजनेच्या गुणवत्तेवर जुन्नर तालुक्यात पुन्हा एकदा प्रश्नचिन्ह निर्माण झाले आहे. पिंपळवंडी-चाळकवाडी येथील शिवांजली विद्यालयात भेसळयुक्त शालेय पोषण आहार आढळून आल्याच्या प्रकारामुळे एका शाळेतील व्यवस्थेबरोबरच संपूर्ण तालुक्यातील पोषण आहाराच्या पुरवठा आणि गुणवत्ता तपासणी यंत्रणेची कार्यपद्धती चर्चेत आली आहे.

  • 22 Sep 2026 12:12 PM (IST)

    22 Sep 2026 12:12 PM (IST)

    पुणे पोलिसांचा मोठा निर्णय!

    पुण्याच्या ऐतिहासिक गणेश विसर्जन मिरवणुकीला लागणारा तब्बल ३० ते ३२ तासांचा कालावधी कमी करण्यासाठी पुणे पोलिसांनी यंदा मुख्य विसर्जन मिरवणुकीत सहभागी होणाऱ्या मंडळांवर निर्बंध घालण्याचा निर्णय घेतला आहे. गेल्या दोन किंवा त्याहून अधिक वर्षांपासून मुख्य मिरवणुकीत सहभागी होणाऱ्या मंडळांनाच यंदा विशेष बाब म्हणून प्रवेश दिला जाणार आहे. मात्र, पुढील वर्षापासून मंडळांच्या सहभागाबाबत कायमस्वरूपी धोरणात्मक निर्णय घेतला जाणार असल्याची माहिती पोलिस आयुक्त अमितेश कुमार यांनी सोमवारी दिली. मुख्य विसर्जन मिरवणुकीत सहभागी होण्यास मनाई करणाऱ्या नोटिसा पोलिसांनी सुमारे १५० मंडळांना बजावल्या होत्या. नंतर या मंडळांच्या पदाधिकाऱ्यांनी सोमवारी पोलिस आयुक्तांची भेट घेत निर्णयाबाबत नाराजी व्यक्त केली. गेल्या वर्षीप्रमाणे यंदाही मुख्य मिरवणूक मार्गावर सहभागी होण्याची संधी द्यावी, अशी मागणी मंडळांच्या पदाधिकाऱ्यांनी केली. या बैठकीला सहपोलिस आयुक्त संजय दराडे, अपर पोलिस आयुक्त मनोज पाटील, संजय बन्सोडे यांच्यासह वरिष्ठ अधिकारी उपस्थित होते.

  • 22 Sep 2026 11:50 AM (IST)

    22 Sep 2026 11:50 AM (IST)

    वाळू चोरांची दहशत; म्हसवडमध्ये हवालदाराला डंपरसोबत फरपटत नेऊन चिरडून मारण्याचा प्रयत्न...

    म्हसवड येथे बेकायदेशीर वाळू वाहतूक रोखणाऱ्या पोलिस हवालदार महावीर कोकरे यांना वाळू चोरांनी डंपरच्या पायरीवरून शेकडो मीटर फरफटत नेत थेट चिरडून ठार मारण्याचा थरारक प्रयत्न केला. या हल्ल्यात गंभीर जखमी झालेल्या हवालदारावर एका खासगी रुग्णालयात हॉस्पिटलमध्ये उपचार सुरू असून, पोलिसांनी प्रितम लोखंडे आणि अवि तोरणे यांना ताब्यात घेतले आहे. मात्र, खाकी वर्दीवरील या प्राणघातक हल्ल्याचा गुन्हा दाखल करण्यास पोलिसांना तब्बल 28 तास लागल्याने पोलिसांच्या या भूमिकेवर संशय व्यक्त केला जात आहे.

  • 22 Sep 2026 11:45 AM (IST)

    22 Sep 2026 11:45 AM (IST)

    भंडाऱ्यातील सार्वजनिक गणेश मंडळात चोरी; गणपतीच्या गळ्यातील पैशांच्या हारासह मोबाईल लांबवला

    भंडारा शहरातील सिंधी कॉलनी परिसरातील एका सार्वजनिक गणेश मंडळाच्या मंडपात मध्यरात्री चोरीची घटना घडली. कार्यकर्ते गाढ झोपेत असताना चोरांनी थेट गणपती बाप्पाच्या मूर्तीवरील पैशाचा हार आणि एका कार्यकर्त्याचा मोबाईल घेऊन पळ काढला. ही संपूर्ण घटना गणेश पेंडालमध्ये लावण्यात आलेल्या सीसीटीव्ही कॅमेऱ्यात चित्रित झाली आहे. याप्रकरणी पोलिस सीसीटीव्ही फुटेजच्या आधारे चोरांचा शोध घेत आहेत.

  • 22 Sep 2026 11:35 AM (IST)

    22 Sep 2026 11:35 AM (IST)

    DSLR सारखा दमदार कॅमेरा अन् पावरफुल परफॉर्मंस… Vivo ने लाँच केले तगडे फ्लॅगशिप स्मार्टफोन्स, जाणून घ्या किंमत

     टेक कंपनी विवोने चीनमध्ये त्यांची नवीन Vivo X500 सीरीज लाँच केली आहे. विवोने त्यांच्या सिरीजमध्ये Vivo X500, Vivo X500 Pro, आणि Vivo X500 Pro Max हे तीन मॉडेल्स लाँच केले आहेत. प्रिमियिम रेंजमध्ये लाँच करण्यात आलेल्या या स्मार्टफोनचे फीचर्स, स्पेसिफिकेशन्स आणि इतर डिटेल्स सविस्तर जाणून घेऊया.

  • 22 Sep 2026 11:20 AM (IST)

    22 Sep 2026 11:20 AM (IST)

    देविका दफ्तरदार यांच्या संवेदनशील अभिनयाची पुन्हा झलक पाहायला मिळणार; ‘सहल’चा पोस्टर लॉन्च

    मराठी चित्रपटसृष्टीतील गुणी अभिनेत्री देविका दफ्तरदार लवकरच एका महत्त्वपूर्ण भूमिकेतून प्रेक्षकांच्या भेटीला येणार आहेत. आगामी मराठी चित्रपट ‘सहल’मध्ये त्या ‘आई’ची भावस्पर्शी भूमिका साकारत आहेत. नुकतंच या चित्रपटाचं पोस्टर लॉन्च करण्यात आलं असून, ९ ऑक्टोबरला ‘सहल’ चित्रपटगृहात प्रदर्शित होणार आहे.

  • 22 Sep 2026 11:15 AM (IST)

    22 Sep 2026 11:15 AM (IST)

    7 ऑक्टोबरला होणार परिषदेची बैठक, UPI MDR Charges वर लहान उद्योगांना मिळणार सुटकेचा निःश्वास?

    वस्तू आणि सेवा कर (GST) परिषदेची ५७ वी बैठक ७ ऑक्टोबर २०२६ रोजी होणार आहे. मूळतः १२ सप्टेंबर २०२६ रोजी होणारी ही बैठक ब्रिक्स शिखर परिषदेमुळे पुढे ढकलण्यात आली होती. असे मानले जाते की, या बैठकीत UPI MDR शुल्काबाबतही मोठे निर्णय घेतले जाऊ शकतात, ज्या प्रकरणामुळे सध्या व्यावसायिकांमध्ये मोठ्या प्रमाणावर संताप निर्माण झाला आहे. सरकारने १५ ऑक्टोबरपासून ₹२,००० पेक्षा जास्त रकमेच्या व्यक्ती-ते-व्यापारी यूपीआय व्यवहारांवर ०.४% एमडीआर शुल्क लागू करण्याची घोषणा केली आहे.

  • 22 Sep 2026 11:05 AM (IST)

    22 Sep 2026 11:05 AM (IST)

    महाराष्ट्रात कसा जाहीर होणार दुष्काळ? राज्य सरकारकडून निकष जारी

    राज्यात दुष्काळ निश्चितीसाठी शास्त्रीय निकष आणि तीन टण्यांची कार्यपद्धती निश्चित करण्यात आली आहे. पर्जन्यमान, वनस्पती निर्देशांक, पेरणीचे क्षेत्र, मृदा आर्द्रता आणि भूजल पातळी या निकषांच्या आधारे दुष्काळी स्थितीचे मूल्यांकन केले जाणार आहे. प्रत्यक्ष क्षेत्रीय सर्वेक्षणात पिकांचे नुकसान ३३ टक्क्यांपेक्षा अधिक आढळल्यास संबंधित गाव दुष्काळी घोषित करण्यास पात्र ठरणार आहे.

  • 22 Sep 2026 10:00 AM (IST)

    22 Sep 2026 10:00 AM (IST)

    राज्यातील तब्बल साडेपाच लाख शेतकरी कर्जमाफीच्या प्रतीक्षेत

    मुंबई : राज्य सरकारकडून जाहीर शेतकरी कर्जमाफी योजनेत २ लाख रुपयांपर्यंत थकीत कर्ज असलेल्या आणखी ५ लाख ५० हजार शेतकऱ्यांना लाभ मिळण्यास विलंब होत आहे. संबंधित शेतकऱ्यांची यादी सहकार विभागाने ४ ते ५ बँकांकडे परत पाठवली आहे. बँकांकडून सादर करण्यात आलेल्या कर्जाच्या आकडेवारीत तफावत आढळल्याने यादी परत पाठवण्यात आल्याची माहिती दिली.

  • 22 Sep 2026 09:50 AM (IST)

    22 Sep 2026 09:50 AM (IST)

    IIT Bombay Sahil Wakode Death: आयआयटी मुंबईत साहिल वाकोडे प्रकरणी विद्यार्थ्यांमध्ये दोन गट 

    IIT Bombay Sahil Wakode Death:  आयआयटी मुंबई येथील विद्यार्थी साहिल वाकोडे आत्महत्या प्रकरणानंतर पेटलेल्या आंदोलनात आता विद्यार्थ्यांमध्ये दोन गट पडले आहेत. प्रशासनाने काही मागण्या मान्य केल्याचे स्पष्ट झाल्यानंतर एका गटाने आंदोलन मागे घेतले आहे, तर दुसऱ्या गटाने कडक कारवाईची मागणी करत आंदोलन सुरूच ठेवले आहे.

    विद्यार्थ्यांच्या जनरल बॉडीने मांडलेल्या मागण्यांपैकी प्राध्यापक सूर्यनारायण डुल्ला यांना डीन पदावरून निलंबित करण्याची मागणी आयआयटी प्रशासनाने मान्य केली आहे.संचालकांच्या या निवेदनानंतर समाधान व्यक्त करत एका विद्यार्थी गटाने आपले आंदोलन मागे घेतले.

  • 22 Sep 2026 09:40 AM (IST)

    22 Sep 2026 09:40 AM (IST)

    Share Market Today: शेअर बाजारात आज काय घडणार? काय म्हणाले तज्ज्ञ? ‘

    India Share Market Update: २२ सप्टेंबर रोजी आज भारतीय शेअर बाजार सकारात्मक पातळीवर उघडण्याची शक्यता वर्तवण्यात आली आहे. निफ्टी गॅप-अप ओपनिंगचे संकेत देत आहे. त्यामुळे आज भारतीय शेअर बाजारात व्यवहार करणाऱ्या गुंतवणूकदारांसाठी कमाईची संधी असू शकते. सोमवारी प्रमुख निर्देशांक वधारले, सेन्सेक्स ५६४ अंकांनी वधारला आणि निफ्टीने सलग चौथ्या सत्रात तेजी कायम ठेवली.

  • 22 Sep 2026 09:30 AM (IST)

    22 Sep 2026 09:30 AM (IST)

    Monsoon Update: राज्यातील अनेक भागांत पावसाचा अंदाज

    पुणे : गेल्या काही दिवसांपासून वातावरणात कमालीचा बदल जाणवत आहे. दिवसाचा उन्हाचा फटका बसत आहे. मात्र, रविवारी आणि सोमवारी राज्यातील अनेक भागांत हलका ते मध्यम स्वरुपाचा पाऊस झाल्याचे पाहिला मिळाले. असे असताना आजही पावसाचा अंदाज वर्तवण्यात आला आहे. पुणे, सातारा, सांगली, कोल्हापूरसह अनेक जिल्ह्यांना सतर्कतेचा इशारा देण्यात आला आहे.

     

  • 22 Sep 2026 09:20 AM (IST)

    22 Sep 2026 09:20 AM (IST)

     Tapovan School Controversy: विद्यार्थ्याला दंड आकारल्याप्रकरणी मीरा-भाईंदरमधील तपोवन शाळेला पालिकेची नोटीस

    Tapovan School Controversy:  शालेय विद्यार्थ्यांच्या आहारावर निर्बंध घालण्याच्या आणि शिस्तीच्या नावाखाली अवाजवी नियम लादण्याच्या मुद्द्यावरून मीरा-भाईंदरमध्ये नवा वाद पेटला आहे. जेवणाच्या डब्यात मेथीची भाजी आणल्याप्रकरणी एका विद्यार्थ्याकडून तब्बल ५० रुपये दंड वसूल केल्याची घटना समोर आल्यानंतर, मीरा-भाईंदर महानगरपालिकेच्या शिक्षण विभागाने भाईंदर येथील तपोवन विद्यालयाला कारणे दाखवा नोटीस बजावली आहे.शाळेत डब्यामध्ये मेथीची भाजी आणल्याच्या कारणावरून विद्यार्थ्याला ५० रुपयांचा दंड ठोठावण्यात आल्याची तक्रार दाखल झाली आहे

  • 22 Sep 2026 09:15 AM (IST)

    22 Sep 2026 09:15 AM (IST)

    Maharashtra Drought Kharif Crop Damage: दुष्काळसदृश परिस्थितीचा आढावा, राज्य सरकार केंद्राकडे मदत मागणार

    Maharashtra Drought Kharif Crop Damage:  राज्यातील अनेक भागांत पावसाने दिलेल्या मोठ्या खंडामुळे खरीप हंगामातील पिके धोक्यात आली आहेत. विशेषतः मराठवाडा आणि विदर्भात परिस्थिती गंभीर बनली असून सोयाबीन, कापूस, मका, तूर, मूग आणि बाजरी यांसारखी पिके पाण्याअभावी सुकू लागली आहेत. या गंभीर पार्श्वभूमीवर राज्य सरकारने दुष्काळसदृश परिस्थितीचा प्राथमिक आढावा घेण्यास सुरुवात केली आहे.

    मराठवाडा आणि विदर्भात पावसाअभावी मुख्य खरीप पिकांवर विपरीत परिणाम झाला असून शेतकरी संकटात सापडले आहेत. कृषिमंत्री दत्तात्रय भरणे यांनी मराठवाड्यासह विविध बाधित भागांचा प्रत्यक्ष दौरा करून पीक परिस्थितीची पाहणी केली आहे

Web Title: 22 september 2026 breaking news asian games maharashtra rain alert crude oil updates 2

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News  only on Navarashtra.com

Published On: Sep 22, 2026 | 08:54 AM

Topics:  

  • maharashtra breaking news
  • Maharashtra Politics
  • Marathi News
  • national news

संबंधित बातम्या

Europe News : निर्वासितांच्या कुटुंबीयांच्या प्रवेशावर निर्बंध आणण्याची तयारी; ९ युरोपीय देशांची आयोगाकडे मोठी मागणी
1

Europe News : निर्वासितांच्या कुटुंबीयांच्या प्रवेशावर निर्बंध आणण्याची तयारी; ९ युरोपीय देशांची आयोगाकडे मोठी मागणी

US News : न्यायालयाच्या आदेशानंतरही अमेरिकन लष्कराचा मोठा निर्णय; आयोवामध्ये पाच टन स्फोटकांचा स्फोट करण्याची तयारी
2

US News : न्यायालयाच्या आदेशानंतरही अमेरिकन लष्कराचा मोठा निर्णय; आयोवामध्ये पाच टन स्फोटकांचा स्फोट करण्याची तयारी

Iran News : अमेरिकेची नाकेबंदी तोडण्यासाठी इराण सज्ज; १४ तेलवाहू जहाजांचा ताफा पाठवण्याची तयारी, वॉशिंग्टनला खुले आव्हान
3

Iran News : अमेरिकेची नाकेबंदी तोडण्यासाठी इराण सज्ज; १४ तेलवाहू जहाजांचा ताफा पाठवण्याची तयारी, वॉशिंग्टनला खुले आव्हान

Climate Summit : एकमत नाहीच; जीवाश्म इंधनावरून झाला वाद, संयुक्त राष्ट्रांची हवामान परिषद का फिस्कटली ?
4

Climate Summit : एकमत नाहीच; जीवाश्म इंधनावरून झाला वाद, संयुक्त राष्ट्रांची हवामान परिषद का फिस्कटली ?

Popular Sections

  • देश
  • विदेश
  • लाईफस्टाईल
  • मनोरंजन
  • क्रीडा
  • व्यापार
  • वेब स्टोरीज

Maharashtra Cities

  • मुंबई
  • पुणे
  • नागपूर
  • ठाणे
  • नाशिक
  • रत्नागिरी
  • पालघर
  • रायगड

More

  • धर्म
  • ऑटो
  • करिअर
  • व्हायरल
  • फोटो
  • नवराष्ट्र विशेष
  • टेक
  • व्हिडिओ

Follow Us On

Contact Us About Us Privacy Policy
Hindi News Epaper Marathi Epaper Hindi RSS Sitemap Author

© Copyright Navarashtra 2026 All rights reserved.