Marathi Serial – Marathi News | Live News in Marathi | मराठी बातम्या | US-Israel-Iran War

Kon Honaar Crorepati: ‘हम आपके है कौन’च्या आठवणींना उजाळा; माधुरी दीक्षित, रेणुका शहाणे आणि प्रिया बेर्डे यांची रंगणार मैफल

अमृता यादव — Sun, 18 Oct 2026 13:33:02 +05:30

Kon Honaar Crorepati: मराठी रिअॅलिटी शो ‘कोण होणार करोडपती’ सध्या प्रेक्षकांमध्ये चर्चेचा विषय ठरत आहे. लोकप्रिय अभिनेत्री माधुरी दीक्षित या शोचं सूत्रसंचालन करत असून, आतापर्यंत अनेक कलाकारांनी या कार्यक्रमात हजेरी लावली आहे. काही दिवसांपूर्वी अभिनेत्री सोनाली बेंद्रे, यामी गौतम आणि अभिनेता आदिनाथ कोठारे यांनी या शोमध्ये सहभाग घेतला होता. यावेळी माधुरीने त्यांच्यासोबत मनमोकळ्या गप्पा मारत जुन्या आठवणींना उजाळा दिला होता. आता या मंचावर आणखी दोन लोकप्रिय अभिनेत्रींची एन्ट्री होणार आहे. अभिनेत्री रेणुका शहाणे आणि प्रिया बेर्डे ‘कोण होणार करोडपती’मध्ये सहभागी होणार असून, त्यांचा प्रोमो सध्या लक्ष वेधून घेत आहे.

माधुरी दीक्षितसोबत रंगणार जुन्या आठवणींचा सिलसिला

सोनी मराठीने नुकताच ‘कोण होणार करोडपती’चा एक खास प्रोमो सोशल मीडियावर शेअर केला आहे. या प्रोमोमध्ये रेणुका शहाणे आणि प्रिया बेर्डे यांची शोमध्ये एन्ट्री होताना दिसते. माधुरी दीक्षित दोघींचं स्वागत करते. त्यानंतर तिघींची भेट होते आणि जुन्या आठवणींना उजाळा मिळतो. विशेष म्हणजे, ‘हम आपके है कौन’ या गाजलेल्या चित्रपटातील माधुरीच्या अंदाजाची नक्कल करताना रेणुका आणि प्रिया दिसतात. त्यामुळे या भागात धमाल पाहायला मिळणार असल्याची झलक प्रोमोमधून मिळते.

‘रेणुका एकदा हसायला लागली की…’

प्रोमोमध्ये माधुरी दीक्षित रेणुका शहाणे यांच्या स्वभावाबद्दल एक मजेशीर किस्सा सांगताना दिसते. माधुरी म्हणते, “रेणुका एकदा हसायला लागली की मग काय बघायला नको. तिला थांबवणं खूप कठीण आहे.” माधुरीच्या या वक्तव्याला प्रिया बेर्डेही सहमती दर्शवताना दिसतात. तिघींमधील ही मजेशीर केमिस्ट्री प्रेक्षकांचं लक्ष वेधून घेत आहे. त्यामुळे या भागात जुन्या आठवणींसोबतच हास्याचे फवारेही उडणार आहेत.

Jailer 2 Box Office Collection: ‘जेलर २’चा जगभरात डंका! अवघ्या ३ दिवसांत कमाई ३०० कोटींच्या पार, रजनीकांत यांचा पुन्हा जलवा

‘हम आपके है कौन’च्या आठवणींना उजाळा

माधुरी दीक्षित, रेणुका शहाणे आणि प्रिया बेर्डे यांनी १९९४ मध्ये प्रदर्शित झालेल्या ‘हम आपके है कौन’ या लोकप्रिय हिंदी चित्रपटात एकत्र काम केलं होतं. या चित्रपटाला प्रेक्षकांकडून भरभरून प्रतिसाद मिळाला होता. आता अनेक वर्षांनंतर या तिन्ही अभिनेत्री एकाच मंचावर एकत्र दिसणार असल्याने चाहत्यांमध्ये उत्सुकता वाढली आहे.

‘कोण होणार करोडपती’च्या या खास भागात तिघी कोणते मजेशीर किस्से सांगणार, चित्रपटाच्या सेटवरील कोणत्या आठवणी उलगडणार आणि त्यांच्या गप्पांमधून कोणते नवे खुलासे होणार, हे पाहणं रंजक ठरणार आहे. या भागाची प्रेक्षक आतुरतेने वाट पाहत आहेत.

Sidhu moose Wala: सिद्धू मूसेवालाच्या अडीच वर्षांच्या भावाला कोणापासून धोका? तक्रार दाखल, नेमकं प्रकरण काय?

Kon Yashwant Pansare: शिवानी रांगोळे वेगळ्या भूमिकेत, सिरीजबाबत केला खुलासा

दिपाली नाफडे — Sat, 17 Oct 2026 17:35:11 +05:30

कोण आहे पानसरे मराठी ZEE5 वर प्रदर्शित

शिवानी रांगोळेची प्रमुख भूमिका

भूमिकेविषयी केला खुलासा

Kon Yashwant Pansare: शुक्रवारी मराठी झी५ वर ‘कोण यशवंत पानसरे’ ही सिरीज प्रदर्शित झाली. गेल्या अनेक दिवसांपासून या सिरीजची चर्चा होती. भरत जाधव एका वेगळ्या भूमिकेतून यातून प्रेक्षकांसमोर येत आहे आणि त्यांच्याबरोबर अभिनेत्री शिवानी रांगोळेदेखील दिसणार आहे. तिच्या नव्या भूमिकेबद्दल तिने खास गोष्टी सांगितल्या आहेत.

पानसरे आणि जान्हवी या दोन वेगवेगळ्या पिढ्यांचं प्रतिनिधित्व करतात. या प्रवासात ते एकमेकांकडून काय शिकतात"font-weight: 400;"> असं विचारल्यावर शिवानी म्हणाली की, ‘मी जान्हवी ही भूमिका साकारत आहे. जान्हवी यंग असल्यामुळे तिच्या आयुष्यात अजून वाईट अनुभव आलेले नाहीत, त्यामुळे ती थोडी नाईव्ह असली तरी अभ्यासात प्रचंड हुशार आहे. कॉलेजपासून ती यशवंत पानसरेंना आदर्श मानत आल्यामुळे तिच्या मनात त्यांच्याबद्दल प्रचंड विश्वास आहे. पण जर एखादी गोष्ट बरोबर नसेल, तर तिथे लगेच बोललंच पाहिजे असा तिचा आग्रह असतो. जिथे यशवंत सर त्यांच्या मॅच्युरिटीमुळे संयम ठेवण्याचा किंवा विचार करून बोलण्याचा सल्ला देतात, तिथे जान्हवीच्या मनात जे येतं ते ती थेट बोलून दाखवते. तिच्यातला हाच ‘फायर’ आणि हा वैचारिक विरोधाभास सिरीज पाहताना खूप रंजक वाटतो’

Kon Yashwant Pansare Review: न्यायासाठी पुन्हा मैदानात उतरतो यशवंत पानसरे! भरत जाधवांची नवी वेबसिरीज किती प्रभावी? वाचा सविस्तर

ही कथा व्यवस्था आणि संस्थांच्या अपयशावर भाष्य करते. या प्रकरणाचा तपास करताना जान्हवीला सत्ता आणि व्यवस्थेविषयी काय नव्याने समजतं"font-weight: 400;">यावर शिवानी स्पष्टपणाने म्हणाली की, ‘शिक्षणामधून मिळणारे ज्ञान आणि प्रत्यक्ष आयुष्य आपल्याला काय शिकवतं, या दोन्ही गोष्टींचा समतोल साधणं खूप महत्त्वाचं असतं. जान्हवी जरी तिचे मत स्पष्टपणे मांडणारी असली, तरी या सिरीजच्या प्रवासात ती यशवंत पानसरेंकडून संयमाचं महत्त्व शिकते. बोलायच्या आधी विचार करणं आणि वेळेला तिचं काम करू देणं हेच सर्वात मोठं औषध असतं, हे तिला समजून येतं.’

जाताजाता जेव्हा शिवानीला विचारण्यात आलं की, आज इतक्या विविध प्रकारच्या कंटेंटमध्ये प्रेक्षकांनी ही मालिका का निवडावी"font-weight: 400;">त्यावर जराही न थांबता तिने पटकन उत्तर दिलं, ‘ही एक अत्यंत प्रेरणादायी मालिका आहे. अन्यायी जगात स्वतःचा आवाज शोधू पाहणाऱ्या आणि स्वतःची मूल्यं जपत काम पूर्ण करू इच्छिणाऱ्या प्रत्येकासाठी ही गोष्ट आहे. प्रेक्षकांना यशवंत पानसरेंकडून प्रामाणिकपणा आणि जान्हवीकडून कल्पक उत्सुकता शिकायला मिळेल’. ही सिरीज सध्या प्रदर्शित झाली असून प्रेक्षकांचा चांगला प्रतिसाद मिळताना दिसत आहे.

Marathi Web Series: ‘कोण यशवंत पानसरे?’मध्ये भरत जाधव यांची दमदार भूमिका; न्याय, सत्ता आणि सत्याचा उलगडा होणार!

Exclusive: ‘कधीही हरून जाऊन आत्मविश्वास गमावू नका’, शैला काणेकर यांचा महिलांना मोलाचा सल्ला

दिपाली नाफडे — Sat, 17 Oct 2026 07:15:23 +05:30

Exclusive: सन मराठीवरील ‘सखा माझा पांडुरंग’ या मालिकेतून मनोरमा या भूमिकेतून अभिनेत्री शैला काणेकर सर्व प्रेक्षकांच्या मनावर राज्य करत आहे. आतापर्यंत २५-२७ वर्ष इंडस्ट्रीत काम केल्यानंतर पहिल्यांदाच नकारात्मक भूमिका साकारतानाचा अनुभव आणि स्त्री शक्ती, आई असताना करावा लागणारा संघर्ष याबाबत अगदी मनापासून ‘माझ्यातली दुर्गा’ या सिरीजमधून त्यांनी आपलं मन मोकळं केलं आहे.

‘सखा माझा पांडुरंग’ मधील मनोरमा साकारतानाचा अनुभव कसा आहे सांग असं विचारल्यावर शैला यांनी सांगितलं की, ‘ही भूमिका करताना मला खूपच मजा येत आहे. आतापर्यंत नकारात्मक भूमिका मला मिळाली नव्हती. जेव्हा भूमिकेसाठी मला विचारण्यात आलं तेव्हा मला आश्चर्य वाटलं की, नक्की काय विचार करून मला ही भूमिका देण्याचं ठरवलं आहे. पण मी ती भूमिका स्वीकारली आणि भूमिका ऐकताना जितकं मनोरमाबाबत ऐकलं त्यापेक्षा पलीकडे ही व्यक्तिरेखा असल्याचं लक्षात आलं.

मी भूमिका करायला लागले तेव्हा मी ही भूमिका चांगली करू शकेन असा विश्वास लेखक, दिग्दर्शकांना होता आणि आता प्रेक्षकांच्या प्रतिक्रिया बघताना तो विश्वास सार्थ ठरला असं मला वाटतं. कारण मनोरमा माझ्या अंगवळणी पडली. सुरूवातीला मला खूप त्रास व्हायचा कारण या भूमिकेसाठी माझी खूप एनर्जी लागायची. कोणतीही भूमिका असली ती माझ्यामध्ये सीन करताना भिनते आणि मग एनर्जी टिकवून ठेवताना त्रास व्हायचा. पण आता मी अत्यंत सहजपणे ते साकायराला शिकले आहे.’

Exclusive: ‘प्रत्येक अडचण ही आव्हान म्हणून घेते, त्यातूनच स्त्रीशक्ती कळते’, दीप्ती केतकरचा दुर्गाशक्तीवर पूर्ण विश्वास

तुम्ही मराठी सिनेसृष्टीला अनेक वर्षं दिली आहेत. इतक्या वर्षांच्या प्रवासात जेव्हा भूमिका बदलत गेल्या, तेव्हा स्वतःला इंडस्ट्रीत टिकवून ठेवण्यासाठी लागणारा आत्मविश्वास तुम्ही कसा जपला"font-weight: 400;">यावर शैला यांनी सांगितलं की, ‘करिअरची सुरूवात अनपेक्षित होती. माझ्या घरात कलेचं वातावरणच नव्हतं. पण या क्षेत्रात आले तेव्हा घरातल्यांना नक्कीच धक्का होता. विनय आपटे यांनी माझं काम एकांकिकेत पाहिलं आणि मालिकेत भूमिकेसाठी विचारलं. एकावेळी मी तीन मालिकांमध्ये काम करत होते. तो काळ खूपच आनंददायी होता. ५-६ वर्ष सलग काम केलं. पण त्यानंतरचा दोन वर्षाचा काळ मात्र खूपच संघर्षदायी गेला.

आई अभिनय करण्याच्या विरोधात होती आणि तरीही मी हे नोकरी सोडून हे करिअर करायचं ठरवलं होतं. पण त्या काळात खचले नाही, मी स्वतःवर मी खूपच काम केलं. खूप पुस्तकं वाचली, खूप नाटकं, चित्रपट पाहिले. पण त्यात मी हरले नाही. तेव्हाही मी नोकरी नाही शोधली. मी नव्याने स्ट्रगल केलं. ऑडिशन पाठवल्या, फोटो दिले, पण आत्मविश्वास नाही हरवला आणि त्यानंतर पुन्हा नव्याने उभी राहिले. गेले २६-२७ वर्ष मी काम करते आहे हीच त्याची पोचपावती आहे.’

महिलांना स्वतःला सिद्ध करण्यासाठी कोणता सल्ला द्याल"font-weight: 400;">यावर अगदी हळवेपणाने शैला यांनी सांगितलं की, ‘या काळात कधीही पराभव मानू नका, हरू नका. आत्मविश्वास डगमगू देऊ नका. अशा काळात मानसिकरित्या व्यस्त रहायला हवं. आपल्याला स्वतःला कसं अधिक चांगलं घडवता येईल याचा विचार करायला हवा. तो काळ तुम्हाला शिकण्याचा असतो. या काळात स्वतःला मानसिकरित्या अधिक मजबूत ठेवणं गरजेचे आहे.’

जेव्हा कामं मिळाली नाहीत तेव्हा इंडस्ट्रीचा राग आला का"font-weight: 400;"> या प्रश्नावर स्वतःकडेच शैला काणेकर यांनी दोष घेतला, ‘मला नाही आला राग. माझंच चुकलं असेल असं मला वाटतं. प्रोजेक्ट चालू असताना तितक्या पुरतीच कनेक्टेड असते हा माझा ड्रॉबॅक आहे. माझीच चूक असणार ती, मला कुणाचाच राग नाही. मंदार देवस्थळी, संगीत कुलकर्णी यांच्यासह खूप काम केलं. वाईट वाटतं की इतकं काम केल्यानंतरही कोणाला माझं नाव का बरं सुचलं नसेल पण पुन्हा यातही दोष माझाच आहे असं मला वाटतं.’

पूर्वीच्या आणि आताच्या कास्टिंगनुसार जुन्या अनुभवी कलाकारांवर अन्याय होतो असं वाटतं का"font-weight: 400;">यावर शैला काणेकर यांनी अगदी स्पष्ट मत मांडलं, ‘पूर्वीचा काळ हा तेव्हाचे दिग्दर्शक किंवा निर्माते, हा कलाकार हवाच असं म्हणायचे. पण आता फॉलोअर्स किती आहे यावर कामासाठी घेतलं जातं. पण त्यावर कोणाचं टॅलेंट ठरवू नका. मला सोशल मीडियामध्ये अजिबात इंटरेस्ट नाही. पण अशा व्यक्तींना घेतल्यानंतर बरोबरीच्या कलाकरांना काम करताना त्रास होतो. या दरम्यान निर्माता, आर्टिस्ट थकतात याचा विचार व्हायला पाहिजे. त्यांचे फॉलोअर्स जास्त आहेत म्हणून मालिका पाहिली जाते का? तर असं अजिबात नाही. मालिकेची गोष्ट ही दणदणीत असायला हवी आणि मग काम करणारे कलाकार. फॉलोअर्स पाहून कलाकार निवडण्याच्या मी पूर्ण विरोधात आहे’

स्त्री कलाकारांना संघर्षाला तोंड द्यावं लागतंय असं वाटतं का"font-weight: 400;">यावर शैला यांनी ठामपणे सांगितलं की, ‘बरेचदा मिळणाऱ्या मानधनाच्या बाबतीत अजूनही संघर्ष आहे असं मला वाटतं. काही नावं फायनल होतात पण महत्त्वाचा मुद्दा मानधन हा येतो. जेव्हा बजेट हा मुद्दा येतो तेव्हा चॅनेलपर्यंत एखादं नाव जाताना ते बारगळतं. वरपर्यंत नाव गेलंच नाही तर कास्टिंग होत नाही. कलाकार नेगोशिएट करत असतात. पण निदान बोलायला पाहिजे असं वाटतं. त्यामुळे अजूनही हा संघर्ष आहे असं मला वाटतं’

‘सखा माझा पांडुरंग’मध्ये सखुबाईंच्या जीवनकथेचा नवा टप्पा; प्रेक्षकांना मिळणार भावनिक अनुभव

अनेक महिलांना Mumma Guilt जाणवतो, तुम्हाला कधी जाणवलं का आणि यातून कशा बाहेर पडलात"font-weight: 400;">या प्रश्नावर शैला काणेकर प्रचंड भावूक झाल्या आणि म्हणाल्या की, ‘हो मलाही यातून जावं लागलं आहे. २०२३ हा माझ्या आयुष्यातील सर्वात मोठा संघर्षाचा काळ होता आणि मला मुलापासून दूर राहून काम करावं लागलं होतं. पण मला प्रत्येक आईला हेच सांगायचं आहे की, असा सल घेऊन राहू नका, कारण आपण आपल्या कुटुंबसाठी हे करत असतो. आपण अनेकदा मनाविरुद्ध करत असतो पण ते कुटुंबासाठी असतं त्यामुळे मानसिकरित्या मजबूत राहणं गरजेचे आहे. तुम्ही खूप वेळा हरता, खचून जाता, संपलं असं खूप वेळा वाटतं. पण ती एक शिकवण असते. ज्यातून आपण शिकतो की, यातून कसं बाहेर यायचं. रडा पण त्यातून शिका आणि पुढे जात रहा.’

कधी तुम्हाला कोणत्या अन्यायाला सामोरं जावं लागलं आहे का"font-weight: 400;">यावर शैला यांनी सांगितलं की, ‘२८ वर्षात मला कधीच चुकीचे अनुभव आले नाहीत. कोणी मला त्रास दिलाय किंवा नको तिथे स्पर्श किंवा बोलणं असं काहीच झालं नाही. पण आयुष्यात एकदा सीएसटीवर एक माणसाने मुद्दाम चुकीचा स्पर्श केला होता आणि त्याला खूप धोपटलं होतं. फार अन्याय मी नाही सहन करू शकत. अन्यायाला वाचा फोडणं खूपच गरजेचे आहे. कुठल्याच बाईने हे सहन नाही केलं पाहिजे. कारण बोललात तर मार्ग सुचवू शकतो.’

दुर्गेचं रुप कसं बदलत आहे असं तुम्हाला वाटतं"font-weight: 400;">यावर अगदी सहजपणाने शैला यांनी सांगितलं की, ‘मला या पिढीतली दुर्गा मला आवडते.कारण ती सहन न कऱणारी आहे. बिनधास्त आहे, स्पष्ट बोलणारी आहे. पुढची पिढी बोलून, गोष्टी करून मोकळी होत आहे. आजमध्ये जगणारी ही पिढी आहे आणि तसंच असायला हवं.

सरतेशेवटी प्रत्येकाला आपल्या नशिबाचं जे असतं ते मिळतं आणि ते कोणीच हिरावून घेऊ शकत नाही असा विश्वास दर्शवत शैला यांनी मनापासून निरोप घेतला.

Ketaki Kulkarni: ‘कठीण काळात स्वतःवरचा विश्वासच माझी शक्ती ठरला’; ‘कमळी’ फेम केतकी कुलकर्णीचा प्रेरणादायी खुलासा

अमृता यादव — Fri, 16 Oct 2026 14:06:17 +05:30

Ketaki Kulkarni:नवरात्री म्हणजे केवळ देवीची पूजा आणि आराधना नव्हे, तर प्रत्येक स्त्रीमध्ये असलेल्या सामर्थ्याचा आणि आत्मविश्वासाचा उत्सव आहे. आयुष्यात कितीही आव्हानं आली, तरी त्यांचा धैर्याने सामना करत स्वतःच्या पायावर खंबीरपणे उभं राहणाऱ्या स्त्रियांमध्येही देवीचं रूप पाहायला मिळतं. झी मराठीवरील ‘कमळी’ मालिकेत अनिकाची भूमिका साकारणारी अभिनेत्री केतकी कुलकर्णी हिने आपल्या आयुष्यातील अनुभवांतून स्त्रीशक्तीचा असाच अर्थ उलगडला आहे. त्वचेच्या समस्येचा सामना करतानाही स्वतःवरचा विश्वास कायम ठेवणाऱ्या केतकीसाठी तिच्यातील आत्मविश्वास आणि जिद्द हीच तिची खरी शक्ती आहे.

‘स्वतःवरचा विश्वास हीच माझी खरी शक्ती’

स्त्रीशक्तीबद्दल बोलताना केतकी कुलकर्णी म्हणाली, “माझ्यासाठी स्त्रीशक्ती म्हणजे स्वतःसाठी उभं राहण्याची धमक आणि स्वतःच्या निर्णयांवर ठाम राहण्याची हिंमत, कुठल्याही परिस्थितीत स्वतःला हरवू न देण्याची ताकद. माझ्यासाठी स्त्रीशक्ती म्हणजे फक्त स्ट्राँग असणं नाही, तर गरज पडली तर स्वतःसाठी आणि आपल्या कुटुंबासाठी खंबीरपणे उभं राहणं आहे.”

ती पुढे म्हणाली की, आजच्या काळात प्रत्येक मुलीने आणि स्त्रीने स्वतःवर विश्वास ठेवायला हवा. लोक काय म्हणतात याकडे लक्ष न देता, न घाबरता पुढे जात राहणं गरजेचं आहे. सध्या केतकीच्या त्वचेची समस्या सुरू असून, ती त्यातून सावरण्याच्या प्रक्रियेत आहे. मात्र, या कठीण काळातही तिने स्वतःवरील विश्वास आणि आपल्यातील शक्ती कायम जपली आहे.

त्वचेच्या समस्येचा सामना करत महिलांना दिला प्रेरणादायी संदेश

आपल्या अनुभवांबद्दल बोलताना केतकीने महिलांना स्वतःची काळजी घेण्याचा आणि अडचणींमध्ये खचून न जाण्याचा संदेश दिला. ती म्हणाली, “नवरात्रीच्या निमित्ताने आजच्या मुलींना आणि महिलांना मला हाच संदेश द्यायला आवडेल की, आपण अनेकदा शारीरिक वेदना आणि पीसीओडी, थायरॉईड यांसारख्या आरोग्याच्या समस्यांना सामोरं जात असतो. अशा वेळी खचून न जाता स्वतःसाठी प्रयत्न करा, स्वतःसाठी लढा आणि स्वतःची काळजी घ्या.”

ती पुढे म्हणाली, “जवळचे लोक आपल्याला सहकार्य करतात, पण शेवटी स्वतःसाठी आपल्यालाच उभं राहावं लागतं. त्यामुळे खंबीर राहा आणि मनमोकळेपणाने आयुष्य जगा. आयुष्य खूप सुंदर आहे.”

अभिनयाच्या प्रवासात अनेक चढ-उतारांचा केला सामना

केतकी कुलकर्णी लहानपणापासून अभिनय क्षेत्रात काम करत आहे. या प्रवासात तिने अनेक चढ-उतार अनुभवले. प्रत्येक वेळी स्वतःला सावरून पुन्हा उभं राहणं आणि पुढे जाणं तिने शिकल्याचं सांगितलं. अनेक गोष्टी कठीण वाटल्या, तरी स्वतःवर विश्वास ठेवून तिने त्यांचा सामना केला.

“मला असं वाटतं की, स्त्रीने जर काही ठरवलं, तर ती काहीही करू शकते. तिच्यासाठी काहीच अशक्य नाही. माझ्या करिअरमध्ये स्वतःवर विश्वास ठेवून आजपर्यंत मी पुढे येत राहिले आणि यापुढेही अशीच वाटचाल करत राहीन,” असं केतकी म्हणाली.

Mahesh Tinaikar Death: भारतीय रॉक संगीतविश्वाला मोठा धक्का; महेश तिनैकर यांचं वयाच्या ६३व्या वर्षी निधन

‘देवी आई आणि माझे बाप्पा कायम माझ्या पाठीशी आहेत’

आपल्या श्रद्धेबद्दल बोलताना केतकीने देवीशक्ती आणि स्त्रीशक्ती यांच्यातील नातंही अधोरेखित केलं. “या प्रवासात मला देवीशक्ती आणि स्त्रीशक्ती जाणवते. देवी आई आणि माझे बाप्पा कायम माझ्या पाठीशी आहेत, याची मला जाणीव आहे. प्रत्येक स्त्रीमध्ये एक दैवी शक्ती असते आणि त्या शक्तीच्या जोरावर ती आयुष्यात सतत पुढे जाऊ शकते, असा माझा विश्वास आहे,” असं तिने सांगितलं.

केतकी कुलकर्णीचे विचार या नवरात्रीत प्रत्येक स्त्रीला स्वतःमधील शक्ती ओळखण्याची आणि स्वतःवरचा विश्वास अधिक दृढ करण्याची प्रेरणा देतात. स्त्रीशक्ती ही केवळ संकटांचा सामना करण्यापुरती मर्यादित नसून, स्वतःच्या आयुष्याला आत्मविश्वासाने दिशा देण्याची ताकदही आहे.

Jailer 2 Box Office Collection: रजनीकांतच्या ‘जेलर 2’चा बॉक्स ऑफिसवर धमाका; ‘धुरंधर 2’चा रेकॉर्ड मोडला, ‘ॲनिमल’लाही टाकलं मागे!

Kon Yashwant Pansare Review: न्यायासाठी पुन्हा मैदानात उतरतो यशवंत पानसरे! भरत जाधवांची नवी वेबसिरीज किती प्रभावी? वाचा सविस्तर

अमृता यादव — Fri, 16 Oct 2026 08:41:38 +05:30

भरत जाधवांसह मराठी कलाकारांची दमदार फळी

काय आहे ‘कोण यशवंत पानसरे?’चं कथानक?

जाणून घ्या सिरीजचा रिव्ह्यू

Kon Yashwant Pansare Review: कोर्टरूम ड्रामा म्हटलं की न्यायालयातील युक्तिवाद, सत्याचा शोध आणि सत्तेच्या संघर्षातून उलगडणारं नाट्य पाहण्याची उत्सुकता निर्माण होते. असाच एक कोर्टरूम ड्रामा प्रेक्षकांच्या भेटीला आला आहे. आनंद दिलीप गोखले लिखित आणि कान्हाज् मॅजिकची निर्मिती असलेली ‘कोण यशवंत पानसरे"">नवराष्ट्रने या चित्रपटाला ३.५ स्टार्सची रेटिंग दिली आहे. नक्की कोणत्या कारणांमुळे या चित्रपटाला ही रेटिंग मिळाली आहे आणि कलाकारांची कामगिरी कशी राहिली आहे, हे सविस्तरपणे जाणून घ्या
काय आहे ‘कोण यशवंत पानसरे?’चं कथानक?

यशवंत पानसरे हे एकेकाळी प्रबळ वकील असतात. मात्र, आयुष्यात घडलेल्या एका घटनेमुळे त्यांचं आयुष्य बदलून जातं. स्वतःवरील विश्वास गमावलेले पानसरे वकिलीपासून दूर जात नोटरी म्हणून काम करू लागतात. अपराधीपणा आणि आत्मसंशयाच्या गर्तेत अडकलेल्या यशवंत यांच्यासमोर एक दिवस सदाशिव मापारी येतात. बेपत्ता झालेल्या आपल्या मुलीचा, अलकाचा शोध घेण्यासाठी ते यशवंत यांची मदत मागतात. मात्र, सुरुवातीला यशवंत त्यांना नकार देतात.

यानंतर कथेला अनपेक्षित वळण मिळतं. न्यायालयाबाहेर सदाशिव स्वतःला पेटवून घेतात. या घटनेचा यशवंत यांच्या आयुष्यावर मोठा परिणाम होतो. स्वतःवरील विश्वास हरवलेला हा माणूस पुन्हा न्यायासाठी उभा राहण्याचा निर्णय घेतो. यशवंत जनहित याचिका दाखल करतात आणि या लढाईत त्यांना जान्हवी या निर्भय तरुण वकिलाची साथ मिळते. इथून सुरू होतो सत्याचा शोध आणि व्यवस्थेविरुद्धचा संघर्ष.

Music Launch : ’दिगंबरा दिगंबरा’च्या सुरांनी रंगली मैफल! अशोक सराफ यांची तबल्यावर साथ, राहुल देशपांडे यांचे सुरेल सादरीकरण

सत्याच्या शोधात राजकीय शक्तींशी संघर्ष

अलका बेपत्ता होण्यामागील रहस्य उलगडत असताना कथानक न्यायालयापुरतं मर्यादित राहत नाही. पुरावे गोळा करणं, वेगवेगळे धागे जोडणं आणि या प्रकरणामागील शक्तींचा शोध घेणं, या सगळ्यांतून यशवंत यांचा संघर्ष अधिक गुंतागुंतीचा बनतो.

राजकीय शक्तींचा प्रभाव आणि न्यायासाठी लढणाऱ्या व्यक्तीची हतबलता यांच्यातील संघर्ष सीरिजमध्ये पाहायला मिळतो. काही वेळा सत्य समोर आणण्यापेक्षा ते दडपण्याचे प्रयत्न अधिक प्रभावी ठरत असल्याचं चित्र उभं राहतं. या प्रकरणाची जबाबदारी यशवंत यांच्या माथी मारण्याचाही प्रयत्न होतो. मात्र, ते या गुंतागुंतीच्या प्रकरणाचा पाठपुरावा सोडत नाहीत.

अलकाचा शोध घेताना यशवंत यांना केवळ एका बेपत्ता मुलीचं रहस्य उलगडायचं नसतं, तर स्वतःची वकील म्हणून हरवलेली ओळखही पुन्हा मिळवायची असते. त्यांच्या या प्रवासात जान्हवीची साथ महत्त्वाची ठरते. अखेर अलकाबाबतचा एक महत्त्वाचा धागा सापडतो; मात्र पुढे नेमकं काय घडतं, हे जाणून घेण्यासाठी सीरिज पाहावी लागेल.

कलाकारांचा अभिनय चांगला; पण कथानक किती खिळवून ठेवतं?

सीरिजमधील कलाकारांनी आपापल्या भूमिका चोख बजावल्या आहेत. भरत जाधव यांच्या व्यक्तिरेखेतील अंतर्गत संघर्ष आणि पुन्हा उभं राहण्याची धडपड कथेला भावनिक बाजू देतात. पुष्कर श्रोत्री यांची व्यक्तिरेखाही कथानकातील संघर्षाला वेगळा आयाम देते. इतर कलाकारांची उपस्थिती कथेला आवश्यक आधार देते.

मात्र, कलाकारांचा अभिनय चांगला असूनही कथानक प्रेक्षकांना सातत्याने खिळवून ठेवण्यात काही ठिकाणी कमी पडतं. काही प्रसंगांमध्ये सीरिज एखाद्या दैनंदिन मालिकेसारखी वाटते. तपासाच्या प्रक्रियेतून थरार निर्माण करण्याचा प्रयत्न दिसतो, तर काही वेळा कोर्टरूम ड्रामावर अधिक भर दिला जातो. त्यामुळे तपासाधारित थरार आणि न्यायालयीन नाट्य यांचा मेळ काही ठिकाणी विस्कळीत वाटतो.

भूतकाळातील अपराधीपणा आणि वर्तमानातील न्यायालयीन युक्तिवाद यांमध्ये सतत होणाऱ्या बदलांमुळे कथानकाला वेगवेगळे स्तर मिळतात; मात्र प्रेक्षकांना शेवटपर्यंत उत्सुक ठेवण्यासाठी आवश्यक असलेला ताण प्रत्येक प्रसंगात टिकून राहत नाही.

Premayan Web Series: प्रेम, प्रतिष्ठा अन् सूडाचा खेळ! भिमराव मुडे यांची ‘प्रेमायण’ वेबसिरीज येतेय STAGE OTT वर

भरत जाधवांसह मराठी कलाकारांची दमदार फळी

या कोर्टरूम ड्रामामध्ये अभिनेता भरत जाधव यशवंत पानसरे यांच्या प्रमुख भूमिकेत दिसत आहेत. त्यांच्यासोबत पुष्कर श्रोत्री, शिवानी रांगोळे, शर्वरी जमेनीस, उज्ज्वला जोग, विद्याधर जोशी आणि मिलिंद फाटक यांसारख्या कलाकारांची फळी पाहायला मिळते. प्रत्येक पात्राभोवती कथानकाचे वेगवेगळे धागे गुंफले गेले आहेत.

पुष्कर श्रोत्री यांनी सारडा या वकिलाची भूमिका साकारली आहे. व्यवस्थेची कार्यपद्धती आणि तिच्यामागे असलेल्या शक्तींची जाणीव असलेल्या या व्यक्तिरेखेचा यशवंत पानसरे यांच्याशी होणारा संघर्ष कथेला वेगळं वळण देतो. तर शर्वरी जमेनीस यशवंत यांच्या पत्नीच्या भूमिकेत दिसतात. उज्ज्वला जोग यांनी त्यांच्या सासूची, तर मिलिंद फाटक यांनी सदाशिव मापारी यांची भूमिका साकारली आहे.

पाहावी की नाही?

‘कोण यशवंत पानसरे?’ ही वेबसिरीज न्याय, सत्ता, राजकीय प्रभाव आणि स्वतःवरील विश्वास पुन्हा मिळवण्याच्या संघर्षावर भाष्य करते. भरत जाधव आणि इतर मराठी कलाकारांचा अभिनय ही सीरिजची जमेची बाजू आहे. मात्र, कोर्टरूम ड्रामा आणि इन्व्हेस्टिगेटिव्ह थ्रिलर यांचा अधिक प्रभावी मेळ साधता आला असता, असं वाटतं.

न्यायालयीन संघर्ष आणि तपासाधारित कथानक पाहायला आवडणाऱ्या प्रेक्षकांना ही सीरिज एकदा पाहता येईल. मात्र, सुरुवातीपासून शेवटपर्यंत वेगवान आणि उत्कंठावर्धक थराराची अपेक्षा असेल, तर काही भाग अपेक्षेइतके प्रभावी वाटणार नाहीत.

Exclusive: ‘मासिक पाळी हे महिलेचं दुबळेपण नाही’ आजची दुर्गा जान्हवी तांबटचे परखड मत

दिपाली नाफडे — Fri, 16 Oct 2026 07:39:22 +05:30

Exclusive: कलर्स मराठीवरील ‘मी जिंकून घेईन सारं’ या मालिकेतून मुख्य भूमिकेतून छवी म्हणून घराघरात पोहचलेली अभिनेत्री जान्हवी तांबटने ‘माझ्यातील दुर्गा’ या सिरीजमध्ये आपल्या स्वतःच्या अनुभवांपासून ते आयुष्यातील दुर्गेपर्यंत अगदी मनसोक्त गप्पा मारल्या आहेत. नेहमी सकारात्मकतेचा झरा कसा वाहता राहिला पाहिजे याचं मूर्तीमंत उदाहरण म्हणजे जान्हवी. तिच्या मनमोकळ्या गप्पांनी नवराष्ट्रचा स्टुडिओ भारावून गेला.

एका सीनसाठी तू सलग ६-७ तास बर्फावर अनवाणी उभी होतीस; शारीरिक वेदना विसरून पूर्णपणे कॅरेक्टरमध्ये झोकून देण्याची ती ‘दुर्गा ऊर्जा’ तुझ्यामध्ये कशी जागी झाली"font-weight: 400;">यावर जान्हवीने अगदी उत्साहाने सांगितलं की, ‘मी जिंकून घेईन सारं’ च्या सेटवर जेव्हा बर्फाची लादी पाहिली तेव्हा पहिले तर पोटात गोळा आला. मला वाटलं होतं की, थोडाच वेळ असेल. पण मी सर्व गोष्टींसाठी स्वतःच्या मनाला तयार केलं आणि मला काही होणार नाही आणि सर्व छान करायचं आहे सांगत राहिले. बर्फावर पहिलं पाऊल ठेवलं आणि प्रचंड डोक्यात सणक गेली होती. पण खरं सांगू का? सीन करताना काहीही लक्षात नाही राहत. रंगदेवता, बाप्पा, स्वामी माझ्यासोबत होते त्यामुळे सर्व छान झालं असं मला वाटतं. एका पॉईंटला पाय सुन्न पडू लागले आणि पाय नॉर्मल हलवता येत नव्हता. पण आपल्यालतील दुर्गा आणि शक्तीच आपल्याला तारते असं मला वाटतं’

तू म्हणालीस तसं हा ‘नेव्हर गिव्ह अप’ माइंडसेट तू कसा तयार केलास"font-weight: 400;">जान्हवीचा सकारात्मक स्वभाव यातून दिसून आला आणि त्याच सहजपणाने ती म्हणाली की, ‘खूप अशा परिस्थिती निर्माण झाल्या होत्या की, यातून काहीच होऊ शकत नाही असं वाटलं होतं. पण सकारात्मकता अशी गोष्ट आहे ना ती खूपच महत्त्वाची आहे. मी आधी खूपच विचित्र विचार करायचे. पण आता नकारात्मक अजिबात बोलायचं नाही. हा विचार घेऊनच मी पुढे जाते.

शिक्षण पूर्ण केल्यानंतर NSD मध्ये जायचं होतं. पण दुर्दैवाने वडील गेल्यानंतर सर्व काही पालटलं. मग ते तिथेच ड्रॉप झालं. पण लॉकडाऊन माझ्यासाठी काळ पालटणारा ठरला. त्याकाळात मी कामही केलं आणि तेव्हाच मी अभिनयात पदार्पणाचा निर्णय घेतला. काही वेळा बॅकफूटवर आले पण पाहिलेलं स्वप्नं पूर्ण करायचंच आहे हा निर्णय घेतला आणि प्रयत्न चालू ठेवले आणि अखेर अभिनय क्षेत्रात आले. कधीही गोष्ट सोडून द्यायची नाही हे कायम लक्षात असल्यामुळेच हे घडू शकलं आणि यातूनच कसं जगायचं हे कळत गेलं’

Exclusive: ‘आताची स्त्री ही स्वतःसह कुटुंबाला पुढे घेऊन जाणारी आहे…’, अनघा ठाकूरचं परखड मत

संघर्ष सुरु असेल आणि दोन पर्याय असतील तर महिलांना कोणता सल्ला देशील"font-weight: 400;">यावर जान्हवी पटकन म्हणाली की, ‘स्वप्नं पूर्ण होतात, ती बघा आणि त्या दिशेने वाटचाल सुरु करा. मध्ये खूप चढउतार येतील. पण अजिबात हार मानू नका. कोणताही निर्णय घेताना जो पहिला विचार येतो तोच योग्य असतो. कधीही स्वतःची स्वप्नं अर्धवट सोडू नका आणि स्वतःला नेहमी सकारात्मकच ठेवा. कारण वास्तू तथास्तु कधीही म्हणू शकते असं मला वाटतं. सकारात्मक विचार केला तर सर्व काही चांगलं आहे.’

या आभासी जगात स्वतःचं ‘अस्सल’ रूप जपताना कधी मानसिक थकवा येतो का"font-weight: 400;"> यावर अगदी मनापासून जान्हवीने सांगितलं की, ‘थकायला तर होतंच. कारण १२-१३ तास काम करत असतो. शरीर इतकं थकतं की, कधी कधी शेवटी आठवणंही बंद होतं. मोठे सीन्स असतात, पण तरीही एनर्जी असते. तुम्ही कितीही आजारी असाल तरीही रंगदेवतेचा एक आशीर्वाद असतो की, कलाकार म्हणून तुम्ही त्याच एनर्जीने काम करता. आपली विचार करण्याची पद्धत सकारात्मक ठेवली तर थकवा असला तरीही व्यवस्थित काम करता येतं.’

या सगळ्यात नातं जपताना दमछाक होते तर कशी जपतेस"font-weight: 400;">जान्हवी पटकन म्हणाली की, ‘मला ना माझी माणसं लागतात कारण मी कुटुंबवत्सल आहे. दुसरी मालिका सुरू झाल्यानंतर आई-आजीला घेऊन आले. लहानसहान गोष्टींनी घरातील सर्वांना सरप्राईज द्यायला खूप आवडतं. अजूनही आईला थँक्स म्हणायला अगदी सहज काहीतरी पाठव. बहिणीसाठी काहीतरी कर असं माझं चालू असतं. त्यामुळे आपल्या माणसांना जपणं महत्त्वाचं आहे आणि ते कामातूनही मी करते.’

दुर्गेची विविध रुपं तुझ्या आयुष्यात आहेत, आई-आजी-बहीण, भारती आचरेकर यांच्याकडून काय शिकतेस"font-weight: 400;"> जान्हवी यावर कुठेही न थांबता म्हणाली की, ‘भारती मॅम म्हणजे दुर्गेचं रुपच आहे आणि मला कायम तिच्यासारखं रहायचं आहे. तिच्यासोबत काम कऱण्याचा अनुभव कमाल आहे. इतकं काम करूनही ती इतकी साधी आणि जमिनीवर पाय टेकलेली सेलिब्रिटी आहे. कामाशी प्रामाणिक कसं रहायचं हे मी तिच्याकडून शिकले.

आणि आई-आजी-बहीण या तर माझ्या पिलर्स आहेत. माझी ७६ वर्षांची आजी जे साध्य करायचं आहे ते कर हे अगदी ठामपणे मला कायम सांगत आली आहे आणि माझी मुलगी कशी आहे, तुम्ही कोणीही सांगू नका हा स्टँड कायम माझ्या आईने घेतला आणि तिच्यातली दुर्गा मला दिसली होती. मला असं वाटतं की, आई-आजी-बहीण या सगळ्यांमध्येच दुर्गा आहे.’

तुझ्यासाठी आजची दुर्गा काय आहे"font-weight: 400;">जान्हवीने अगदी पटकन म्हटलं की, ‘प्रचंड महत्त्वाचं आहे. कारण यातून उर्जा मिळते. मला फक्त स्वतःसाठी काही करायचं नाही तर माझ्या स्वप्नासह माझ्या आयुष्यातील स्त्रीसाठीही करायचं आहे. वाईट विचार काढून टाका, चांगलंच होईल.

आता पूर्वीसारख्या गोष्टी राहिल्या नाहीत. महिला आता सगळ्या पातळीवर पुढे असून दोन्ही घरातील माणसं सांभाळून सर्व प्रॉब्लेम सॉल्व्ह करत असतो. मासिक पाळीत प्रचंड त्रास असतो, पण त्यातूनही काम करत असतो हे कारण न देता करत असतो. मासिक पाळी हे महिलेचं दुबळेपण नाहीये हे सर्वांनी लक्षात घ्यायला पाहिजे. आजच्या दुर्गेचा अनोखा विचार आहे. आजची दुर्गा म्हणजे जे तुम्हाला मिळवायचं आहे ते मिळवा, एनर्जी ओळखायला शिका.’

Marathi Serial: ‘मी जिंकून घेईन सारं’ वेगळ्याच वळणावर, छवीसमोर उभं ठाकणार ‘शांभवी’ नावाचं मोठं आव्हान!

सचिन पिळगावर यांच्यासह लवकरच कापूसकोंडा चित्रपट येतो आहे, तर अनुभव कसा आहे"font-weight: 400;">जान्हवीने आपले अनुभव सांगत म्हटले की, ‘सचिन पिळगावकर यांच्यासह काम करण्याचा अनुभव कमाल आहे. कारण त्यांना लहानपणापासून पाहिलंय. अजूनही सर्व स्वप्नवत वाटतंय. त्यांच्याबाजूला बसल्यावर वाटतं की, मी स्वप्नं पाहतेय. त्यांच्याविषयी शब्द नाहीत माझ्याकडे. मधुराणी गोखलेला पाहून वाटलं की, मी कसं काम करेन पण तिने आपलंसं करून घेतलं. चित्रपट विठ्ठलभक्तीवर असून ही घटना सत्यकथेवर आहे. हा चित्रपट माझ्यासाठी फार स्पेशल आहे.’

मालिकेतून भेटणारी छवी ही खऱ्या आयुष्यातही तितकीच सकारात्मक आणि परखड मत मांडणारी आहे. जाता जाता जान्वही म्हणाली की, सध्या मानवता-माणुसकी हरवत चालली आहे. विकृतपणा वाढला आहे आणि जर मला दुर्गेची तलवार मिळाली तर ही गोष्ट संपवायला मला नक्की आवडेल.

Chinmayi More: ‘धाकट्या सुनबाई’ फेम चिन्मयी मोरेने उलगडला यशाचा प्रवास; आईविषयी बोलताना झाली भावुक

अमृता यादव — Thu, 15 Oct 2026 14:35:36 +05:30

Chinmayi More: नवरात्रीचा सण म्हणजे शक्ती, धैर्य आणि स्त्रीत्वाचा उत्सव. या नऊ दिवसांत देवीच्या विविध रूपांची पूजा केली जाते. मात्र, देवीची शक्ती केवळ मंदिरातील मूर्तीपुरती मर्यादित नसून आपल्या आजूबाजूच्या प्रत्येक स्त्रीमध्येही असते. आईच्या मायेपासून ते स्वतःची स्वप्नं पूर्ण करण्यासाठी संघर्ष करणाऱ्या स्त्रीच्या जिद्दीपर्यंत, अनेक रूपांत स्त्रीशक्तीचं दर्शन घडतं. याच स्त्रीशक्तीविषयी झी मराठीवरील ‘धाकट्या सुनबाई’ या मालिकेत राधिकाची प्रमुख भूमिका साकारणारी अभिनेत्री चिन्मयी मोरे हिने आपले विचार मांडले आहेत. यावेळी तिने आपल्या यशामागे आईचा असलेला मोलाचा वाटा भावनिक शब्दांत व्यक्त केला.

स्त्रीशक्ती म्हणजे स्वतःवरचा विश्वास

नवरात्रीच्या निमित्ताने स्त्रीशक्तीविषयी बोलताना चिन्मयी मोरे म्हणाली की, शक्ती केवळ देवीच्या मूर्तीत नसते, तर ती प्रत्येक स्त्रीच्या मनात, विचारांत आणि कर्तृत्वातही असते. स्त्री आपल्या आयुष्यात मुलगी, पत्नी, आई, बहीण अशा अनेक भूमिका समर्थपणे निभावत असते. परिस्थिती कितीही कठीण असली, तरी स्वतःसह आपल्या कुटुंबाला पुढे घेऊन जाण्याची ताकद म्हणजे खरी स्त्रीशक्ती, असं तिला वाटतं.

आजच्या काळात प्रत्येक स्त्रीने सर्वप्रथम स्वतःवरचा विश्वास जपायला हवा, असंही चिन्मयीने सांगितलं. स्वप्नांना पंख देणारा आत्मविश्वास, निर्णयांना बळ देणारा आत्मसन्मान आणि संकटांचा सामना करण्याचं धैर्य हीच स्त्रीची खरी ताकद आहे. इतरांच्या सावलीत उभं राहण्यापेक्षा प्रत्येक स्त्रीने स्वतःच्या कर्तृत्वातून आपली वेगळी ओळख निर्माण करावी, असा संदेशही तिने दिला.

“स्वप्नांना ध्येय बनवा आणि जिद्दीने पुढे चला”

आपल्या मनात एखादं स्वप्न असेल, तर ते केवळ मनातच ठेवू नका, तर त्याला ध्येय बनवून ते पूर्ण करण्यासाठी जिद्दीने पुढे जा, असं आवाहन चिन्मयीने मुली आणि महिलांना केलं. तिच्या मते, स्वतःवर विश्वास ठेवणं हीच आपल्यातील देवीशक्तीची पहिली पायरी आहे.

स्वतःच्या प्रवासाविषयी बोलताना चिन्मयी म्हणाली की, स्वप्न पाहण्यापासून ते आज पडद्यावर प्रमुख भूमिका साकारण्यापर्यंतचा तिचा प्रवास मेहनत, विश्वास आणि अनेक छोट्या-छोट्या प्रयत्नांतून घडला आहे. अपयश आलं तरी थांबू नये आणि यश मिळालं तरी जमिनीशी जोडलेलं राहावं, असंही तिने सांगितलं.

Abhijeet Sawant: २० वर्षांनंतर अभिजीत सावंत पुन्हा गाजवणार ‘इंडियन आयडॉल’चा मंच; ‘इंडियन आयडॉल लिजेंड्स रिटर्न’ कधी सुरू होणार?

“माझ्या यशामागे आईची जिद्द आणि संस्कार”

चिन्मयीच्या या प्रवासात तिच्या आईचा मोठा वाटा आहे. लहानपणापासून आईनेच तिला वाढवलं आणि प्रत्येक सुख-दुःखात खंबीरपणे साथ दिली. तिच्या आईने चिन्मयीच्या स्वप्नांना स्वतःच्या स्वप्नांसारखं जपलं. त्यामुळे आज ती ज्या ठिकाणी आहे, तिथे पोहोचण्यामागे आईची जिद्द, त्याग आणि संस्कार असल्याची भावना तिने व्यक्त केली.

आईने तिला घडवताना अनेकदा स्वतःच्या इच्छा बाजूला ठेवल्या; मात्र तिच्या स्वप्नांसाठी कधीही कमतरता भासू दिली नाही. त्यामुळे आपल्या यशाकडे पाहताना आईच्या संघर्षाची जाणीव अधिक तीव्रतेने होते, असं चिन्मयीने सांगितलं.

आपल्या भावना व्यक्त करताना ती म्हणाली, “माझ्या यशाच्या प्रकाशामागे आईने जपलेली एक छोटीशी ज्योत आहे!” तिच्या या शब्दांतून आईविषयीचं प्रेम, कृतज्ञता आणि तिच्या संघर्षाची जाणीव स्पष्टपणे दिसून येते.

Arjun Bijlani: अर्जुन बिजलानीची पत्नी नेहा स्वामीच्या टी-शर्टवरून का झाला वाद? माफी मागत दिलं स्पष्टीकरण

नवरात्रीच्या निमित्ताने स्त्रीशक्तीला सलाम

चिन्मयी मोरेच्या विचारांतून स्त्रीशक्तीचा खरा अर्थ अधोरेखित होतो. स्वतःच्या स्वप्नांसाठी संघर्ष करणारी स्त्री असो किंवा आपल्या मुलांच्या भविष्यासाठी स्वतःच्या इच्छा बाजूला ठेवणारी आई, प्रत्येक स्त्रीमध्ये एक वेगळी शक्ती असते. नवरात्रीच्या या पवित्र पर्वावर देवीच्या शक्तीला वंदन करतानाच आपल्या आयुष्यात प्रेम, धैर्य आणि जिद्दीने प्रकाश फुलवणाऱ्या प्रत्येक स्त्रीलाही सलाम करण्याचा संदेश चिन्मयीने दिला आहे.

Janhavi Killekar: जान्हवी किल्लेकरने जिंकली मनं! वाढदिवसाची पार्टी रद्द करून SMAग्रस्त चिमुकली गार्गीच्या उपचारांसाठी केली मदत

अमृता यादव — Thu, 15 Oct 2026 14:06:51 +05:30

Janhavi Killekar: अभिनेत्री जान्हवी किल्लेकर नेहमीच विविध कारणांमुळे चर्चेत असते. अनेकदा तिला सोशल मीडियावर ट्रोलिंगचा सामना करावा लागतो, तर तीही टीकाकारांना रोखठोक उत्तर देताना दिसते. मात्र, यावेळी जान्हवीने केलेल्या एका कौतुकास्पद कृतीमुळे तिच्यावर कौतुकाचा वर्षाव होत आहे. स्वतःच्या वाढदिवसाची पार्टी न देण्याचा निर्णय घेत तिने त्या पैशांतून SMA या गंभीर आजाराशी झुंज देणाऱ्या चिमुकल्या गार्गीच्या उपचारांसाठी मदतीचा हात पुढे केला आहे. विशेष म्हणजे, जान्हवीने आपला वाढदिवस सिंधुताई सपकाळ यांच्या आश्रमातील १०० अनाथ मुलांसोबतही साजरा केला.

वाढदिवसाच्या पार्टीऐवजी गार्गीच्या उपचारांसाठी मदत

जान्हवी किल्लेकरने सोशल मीडियावर एक व्हिडीओ शेअर केला आहे. या व्हिडीओमध्ये ती सिंधुताई सपकाळ यांच्या आश्रमातील चिमुकल्यांसोबत वाढदिवस साजरा करताना दिसत आहे. स्वतःच्या वाढदिवसाचा आनंद या मुलांसोबत वाटून घेत तिने एक वेगळाच आदर्श घालून दिला आहे.

या उपक्रमाबाबत माहिती देताना जान्हवीने सांगितले की, तिने आणि तिचा मित्र अभिनेता ओम यादव याने वाढदिवसाची पार्टी देण्याऐवजी आश्रमातील १०० अनाथ मुलांसोबत वाढदिवस साजरा करण्याचा निर्णय घेतला. या मुलांच्या चेहऱ्यावरील हसू आणि त्यांच्या डोळ्यांतील आनंद हेच आपल्यासाठी सर्वात सुंदर गिफ्ट असल्याची भावना तिने व्यक्त केली.

चिमुकल्या गार्गीसाठी १ लाख ११ हजार १११ रुपयांची मदत

SMA या आजाराशी लढा देणाऱ्या चिमुकल्या गार्गीच्या उपचारांसाठी जान्हवी किल्लेकर आणि ओम यादव यांनी मिळून १,११,१११ रुपयांची मदत दिली. जान्हवीने सोशल मीडिया पोस्टच्या माध्यमातून ही माहिती दिली आहे. वाढदिवसाच्या सेलिब्रेशनवर खर्च करण्याऐवजी गरजू चिमुकलीच्या उपचारांसाठी मदत करण्याचा त्यांचा निर्णय अनेकांचे लक्ष वेधून घेत आहे.

आपल्या पोस्टमध्ये जान्हवीने गार्गीच्या उपचारांसाठी आवश्यक असलेली १० कोटी रुपयांची रक्कम लवकरच पूर्ण होण्याच्या मार्गावर असल्याचेही नमूद केले. यासाठी तिने महाराष्ट्रातील मदत करणाऱ्या सर्वांचे आभार मानले.

View this post on Instagram

Arjun Bijlani: अर्जुन बिजलानीची पत्नी नेहा स्वामीच्या टी-शर्टवरून का झाला वाद? माफी मागत दिलं स्पष्टीकरण

“त्या निरागस चेहऱ्यांवरील हसू हेच माझ्यासाठी गिफ्ट!”

सोशल मीडियावर पोस्ट शेअर करताना जान्हवीने आपल्या भावना व्यक्त केल्या. तिने लिहिले, “चिमुकल्या गार्गीसाठी ₹१,११,१११/- रुपयांची छोटीशी मदत वाढदिवसाची पार्टी रद्द करून गार्गीकडे सुपूर्त.”

पुढे तिने आश्रमातील मुलांसोबत वाढदिवस साजरा करण्याच्या अनुभवाबद्दल सांगितले. त्या निरागस चेहऱ्यांवरील हसू आणि डोळ्यांतील आनंद हेच आपल्यासाठी सर्वात सुंदर आणि महागडे गिफ्ट असल्याचे तिने म्हटले. तसेच, “एक अश्रू पुसावयास जरी जन्म कामास आला,” या ओळींचा उल्लेख करत या उपक्रमामुळे मनाला वेगळेच समाधान मिळाल्याचेही तिने सांगितले.

जान्हवी किल्लेकरच्या या कृतीमुळे तिचे सोशल मीडियावर कौतुक होत आहे. वाढदिवस साजरा करण्याची पद्धत बाजूला ठेवून गरजू मुलांना मदत करण्याचा आणि त्यांच्या चेहऱ्यावर आनंद फुलवण्याचा तिचा हा प्रयत्न अनेकांसाठी प्रेरणादायी ठरत आहे.

Sanjay Dutt: ‘आम्हाला छोटा सलमान हवा आहे..’, संजय दत्तने भाईजानकडे व्यक्त केली खास इच्छा, सलमान खानचं उत्तर चर्चेत!

Exclusive: ‘भूमिका मला महत्त्वाची वाटते, मग काम करणं सोपं होतं’, मिताली जगताप वराडकरने उलगडला अभिनयाचा प्रवास

दिपाली नाफडे — Thu, 15 Oct 2026 07:26:13 +05:30

Exclusive: स्टार प्रवाहवरील सध्या गाजत असलेली मालिका म्हणजे ‘पाठराखीण’. या मालिकेत आपल्या मुलीला सर्व चांगलं मिळावं असं मत असणारी मामी ही भूमिका साकारणारी अभिनेत्री मिताली जगताप वराडकर गेले दशकभर चित्रपट, मालिका क्षेत्रातून प्रेक्षकांच्या मनावर राज्य करत आहे. नवराष्ट्रच्या ‘माझ्यातील दुर्गा’ या सिरीजच्या निमित्ताने मितालीने अगदी मनमोकळेपणाने गप्पा मारल्या आहेत.

मितालीला सुरुवातीला कशी आहेस असं विचारल्यावर अगदी सहजपणाने म्हणाली की, ‘आयुष्यात सतत काहीतरी करत रहायचं आहे हे कायम वाटत होतं आणि आता तशी परिस्थती आहे. त्यामुळे मजा येते आहे.’

सध्या स्टार प्रवाह वरील पाठराखीण या मालिकेत तुमची भूमिका गाजत आहे….पण या सगळ्या मागे सुरुवातीचा संघर्ष कसा होता"font-weight: 400;"> यावर क्षणाचाही विलंब न करता मात्र अगदी मोजके शब्द वापरत आणि आपल्या भावना व्यक्त करत मितालीने सांगितले की, ‘मी म्हणेन माझ्या आयुष्यातील संघर्ष तुटपुंजा होता. आई-वडिलांचा आशीर्वाद होता. वडील कवी होते आणि आई शिक्षिका होती. तेव्हा आईने त्याकाळी माझ्यातील कला ओळखून भरतनाट्यम ही कला शिकायला प्रोत्साहित केलं होतं. मराठा असूनही आईवडील खूपच आधुनिक विचारांचे होते. औरंगाबादची असूनही मी जेव्हा मुंबईत येण्याचा निर्णय घेतला तेव्हा कुटुंबाचा पाठिंबा होता.

पण मुंबईत आल्यानंतर थोडा स्ट्रगल होता. मुंबईचे रस्ते, बिल्डिंग्ज यातच हरवले होते. यातून रहायचं कसं हा प्रश्न होता. जेव्हा काम शोधायला सुरूवात केली तेव्हा काही ठिकाणी असं जाणवलं की, इथे चौकट आहे. अभिनेत्री आणि नटी वेगळी असते. नटीसाठी रंगरूप, गोरेपणा असलाच पाहिजे असं अजूनही असल्याचं मला वाटतं. तुमच्या रंगामुळे कुठे ना कुठेतरी तुम्हाला बाजूला ठेवलं जाईल विचारलं जाणार नाही ही परिस्थिती आजही आहे. आजही अभिनेत्री दिसायला सुंदर असावी असा समज असल्याचं वाटतं. माझा हा संघर्ष मात्र त्याकाळीही होता असं मी म्हणेन’

Exclusive: ‘आताची स्त्री ही स्वतःसह कुटुंबाला पुढे घेऊन जाणारी आहे…’, अनघा ठाकूरचं परखड मत

या संघर्षाच्या काळात काही रियालिटी चेक मिळाले का"font-weight: 400;">यावर मिताली म्हणाली की, ‘नॅशनल अवॉर्ड मिळाल्यानंतर खूप काम करायचं आहे आणि लोक आता माझ्याकडे येऊन काम देतील असं वाटलं पण त्याच प्रकारची कामं आली. पण मला मात्र एकसुरी व्हायचं नाही हे मनात कुठेतरी पक्कं होतं. २०११ पासून जो संघर्ष सुरु झाला तो १० वर्ष सुरूच राहिला असं मला वाटतं. माझ्यासाठी एक अभिनेत्री म्हणून वेगळेपण काय देता येतं हे सर्वात जास्त महत्त्वाचं होतं. ती कामाची वाट पाहताना खूपच दमछाक झाली. रोज थकायला होत होतं पण तरीही कुठेही हार न मानता आता मात्र मी सांगू शकते की, मला जे हवं होतं ते आता घडायला लागलं आहे.’

या सगळ्या संघर्षातून तू स्वतःला कसं उर्जात्मक ठेवतेस? असं विचारल्यावर मितालीने सांगितलं की, ‘जेव्हा आपल्याला टिकून राहयंच असतं ना तेव्हा कधी कधी मनाविरूद्धही काम करावं लागतं, काही प्रोजेक्ट करावे लागतात. पण माझ्यातली अभिनेत्री समाधानी होण्यासाठी मी कायम वाट पाहिली आहे आणि ते काम माझ्याकडे येईल हा विश्वास मी कधीही डामाडौल होऊ दिला नाही. मिताली म्हणून माझा तो निर्धार आजही तसाच आहे आणि लवकरच तो पूर्ण होईल असं वाटत आहे.’

तू स्पष्टवक्ती आहेस; इंडस्ट्रीत डिप्लोमॅटिक न वागल्यामुळे कधी चांगल्या भूमिका गमवाव्या लागल्या आहेत का"font-weight: 400;">यावर मितालीने अगदी सकारात्मकतेने उत्तर दिलं, ‘मला असं वाटतं की, तुमच्या नशिबात जे लिहिलं आहे ते तुम्हाला मिळणार. त्यासाठी तुम्हाला खोटं वागायची गरज नाही. मी अजिबात सोशल नाही, मला पार्टी, गेट टुगेदर असे कार्यक्रम आवडत नाही. असं वागले तर मी खोटं वागतेय असं वाटायला लागतं त्यामुळे कामावर विश्वास ठेवते. आजूबाजूला जे चालतं ते इतरांच्या दृष्टीनेही योग्यच आहे असं मला वाटतं. पण मिताली म्हणून कदाचित मी हे करू शकत नाही’

आजकाल फॉलोअर्स बघून कास्टिंग केलं जातं तुला कितपत योग्य वाटतं"font-weight: 400;">मितालीचं उत्तर अगदी सडेतोड होतं, ती म्हणाली, ‘हे खूप चूक आहे. जे इन्फ्लुएन्सर आहेत त्यांचं मला कौतुक आहेच. लोकांना १० सेकंदात आकर्षित करण्याची क्विलिटी आहेच त्यांच्यात. पण अभिनय आणि चित्रपट बघायला यावा यासाठी ते काम किती करतात आणि हे गणित किती योग्य आहे याबाबत मला शंका आहे. त्यामुळे अभिनय माहीत नसलेल्या व्यक्तींना घ्यावं या मताची मी अजिबात नाही.’

स्वतःतली दुर्गा तुला कधी दिसली, तू भूमिका कशी निवडतेस"font-weight: 400;">मिताली अगदी शांतपणे म्हणाली की, ‘मला काम करताना काहीतरी वेगळं केलं किंवा एखाद्या भूमिकेला मी किती न्याय दिला हे माझ्यासाठी महत्त्वाचं आहे. पण तेव्हा विचार करताना नवीन डायरेक्टर असं काही असेल तर मी विचार करत नाही. भूमिकेचा विचार अधिक करते.

पूर्ण आयुष्यात मला असं वाटतं की स्वतःला ठामपणे सिद्ध करत आणि स्वतःवर आत्मविश्वास ठेऊन ते मिळविण्यासाठी मला १० वर्षांचा कालावधी लागला. हा कालावधी खूपच कठीण होता, मोठा होता आणि त्यासाठी मी थांबायला तयार होते आणि मी ते केलं याबद्दल मला बरं वाटतं.’

सुरक्षेसाठी कधी स्टँड घ्यावा लागला का"font-weight: 400;">मितालीने यावेळी आपल्या अगदी पहिल्यापासूनचा अनुभव सांगितला, ‘घर सोडून मुंबईत आले तेव्हापासून माहीत होतं की, स्वतःला सांभाळायचं आहे. तेव्हा मी तितकी आत्मविश्वासी नव्हते. पण तेव्हा मी कायम आत्मविश्वास असल्यासारखं नेहमी भासवत आले. त्यामुळे आईवडिलांनी दिलेला विश्वास सांभाळायचा आहे हे कायम मनात होतं आणि मी कायम तशीच राहिले. त्यामुळे माझ्या आयुष्यात असं काहीच घडलं नाही की मला त्रास होईल आणि यासाठी मी नेहमीच स्वतःला नशीबवान समजते.

Exclusive: ‘प्रत्येक अडचण ही आव्हान म्हणून घेते, त्यातूनच स्त्रीशक्ती कळते’, दीप्ती केतकरचा दुर्गाशक्तीवर पूर्ण विश्वास

ट्रोलिंगकडे कशा पद्धतीने पाहतेस असं विचल्यावर मिताली म्हणाली की, ‘प्रेक्षकांना पॅटर्न स्वीकारणं ना खूपदा कठीण जातं असं मला वाटतं. एखादी अभिनेत्री एखादी भूमिका करत असेल तर तीच तीच मिळण्याची वा करण्याची गरज नाही. अभिनेत्री म्हणून तुम्ही वेगळं काहीतरी दिलं तर प्रेक्षकांना आणि इतरांनाही ते आवडेल असं वाटतं. ट्रोलिंगकडे जास्त लक्ष देऊ नये असं वाटतं. पाठराखीणमध्ये मी सध्या थोडीशी ग्रे व्यक्तिरेखा करतेय आणि माझ्यासाठी ही वेगळी भूमिका आहे. प्रेक्षकांना मला सांगावं वाटतं की, हिरॉईन्सना एका चौकटीत नका ठेऊ. तर महिलांना सांगावं वाटतं की, तुम्ही कोणत्याही वयात काम करू शकता. स्वप्नं बघा, स्वतःवर प्रेम करा. हिंमत नका सोडू. तुमची स्वप्नं साकार होण्यासाठी मेहनत करा आणि पुढे जा’

स्त्री कलाकारांना आजही कोणते संघर्ष भोगावे लागतात का"font-weight: 400;">यावर मिताली म्हणाली, ‘माझ्या दृष्टीने महिलांना खूप लवकर वेगळ्या दृष्टीकोनातून पाहिलं जातं. तुम्ही कोणाबरोबर आहात, काय करताय, कोणाबरोबर जाता हे सगळं इतर कोणीही विचार करायची गरज नाही आणि प्रत्येक स्त्री चा हा संघर्ष कायम असतो असं मला वाटतं.’

याशिवाय मितालीने Gen Z बाबतही आपले विचार स्पष्ट करत अत्यंत स्मार्ट आणि क्लिअर ही पिढी असल्याचं सांगितलं. कुटुंबासह देशालाही सांभाळणारी ही पिढी असल्याचं आपल्याला वाटतं असं स्पष्ट मत मांडलं. तसंच प्रत्येकाला आपण जे मनात आणतो ते जगण्याचं आणि करण्याचं स्वातंत्र्य मिळायला हवं आणि आई हीच आपल्या आयुष्यातील दुर्गा असल्याचंही तिने जाता जाता आवर्जून सांगितलं.

Jai Jai Swami Samarth: रणजीतरूपी महिषासुराचा संहार होणार? स्वामींच्या दिव्य लीलेतून उलगडणार 4 स्त्रियांचं रहस्य; मालिकेला नवं वळण

श्वेता झगडे — Wed, 14 Oct 2026 18:19:08 +05:30

‘जय जय स्वामी समर्थ’मध्ये स्त्रीशक्तीचा जागर!

शांभवी, मधुवंती, रुही आणि तेजस्वी बनणार साडेतीन शक्तिपीठांचं प्रतीक

मालिकेला नवं वळण

Jai Jai Swami Samarth: नवरात्रीचा पवित्र उत्सव, आदिशक्तीचा जागर आणि स्वामी समर्थांच्या दिव्य लीला यांचा अनोखा संगम आता प्रेक्षकांना अनुभवायला मिळणार आहे. कलर्स मराठीवरील लोकप्रिय ‘जय जय स्वामी समर्थ’ मालिकेत नवरात्रीनिमित्त एक विशेष कथानक सादर करण्यात येणार आहे. या कथानकात चार स्त्रिया आणि महाराष्ट्रातील साडेतीन शक्तिपीठांमधील अद्भुत नातं उलगडणार असून, स्वामींच्या दिव्य संकेतांमुळे मालिकेला नवं वळण मिळणार आहे.

शांभवी, मधुवंती, रुही आणि चिमुरडी तेजस्वी या चार जणींच्या माध्यमातून स्त्रीशक्तीचा जागर दाखवण्यात येणार आहे. अन्यायाविरुद्ध उभे राहण्याची ताकद आणि प्रत्येक स्त्रीमध्ये दडलेल्या शक्तीची जाणीव करून देणारा हा विशेष भाग प्रेक्षकांसाठी आकर्षण ठरणार आहे.

Udta Teer Trailer: कॉमेडी, अ‍ॅक्शन अन् देशभक्तीचा तडका! आयुष्मान खुरानाच्या ‘उडता तीर’चा दुसरा ट्रेलर रिलीज

घटस्थापनेच्या दिवशी घडणार रहस्यमय घटना

नवरात्रीच्या घटस्थापनेनिमित्त स्वामी समर्थ शांभवी, मधुवंती, रुही आणि तेजस्वी या चौघींना एकत्र आणतात. या वेळी त्यांच्या हातून चौरंगावर कुंकू सांडते आणि त्यांच्या हातातील दिवट्या दैवी पद्धतीने प्रज्वलित होतात. या घटना नेमक्या कशाचे संकेत आहेत? स्वामींच्या प्रत्येक कृतीमागे कोणते रहस्य दडले आहे? अशा अनेक प्रश्नांची उत्तरे आगामी भागांमध्ये मिळणार आहेत. विशेष म्हणजे, स्वामी या चौघींना त्यांच्या जन्मनावांनी हाक मारत त्यांच्या मूळ अस्तित्वाची जाणीव करून देतात. त्यामागे केवळ त्यांना एकत्र आणण्याचा हेतू नसून, त्यांच्या मनात दडलेली शक्ती जागृत करण्याचा स्वामींचा संकल्प आहे.

अन्यायाविरुद्ध लढण्यासाठी जागृत होणार स्त्रीशक्ती

मालिकेच्या कथानकात शांभवी, मधुवंती, रुही आणि तेजस्वी यांच्या आयुष्याला वेगळे वळण मिळणार आहे. या चौघींच्या मनात अन्यायाविरुद्ध असलेला संताप आणि संघर्ष करण्याची इच्छा स्वामींच्या मार्गदर्शनातून अधिक प्रबळ होणार आहे. प्रत्येक स्त्रीमध्ये अन्यायाविरुद्ध लढण्याचे सामर्थ्य असते. मात्र, त्या शक्तीची जाणीव होणे गरजेचे असते, हा विचार या विशेष कथानकातून मांडण्यात येणार आहे.

रणजीतच्या आयुष्यात सुरू झाले भयावह घटनांचे सत्र

दुसरीकडे, मालिकेतील रणजीत या व्यक्तिरेखेच्या आयुष्यात रहस्यमय आणि भीतीदायक घटना घडू लागल्या आहेत. स्त्रियांवर अत्याचार करणाऱ्या रणजीतला सतत रणशिंग फुंकल्याचे आवाज ऐकू येत आहेत. मार्तंड आणि संपत यांच्या सल्ल्यानुसार त्याने स्वामींविरुद्ध युद्धाचे आव्हान स्वीकारले आहे. मात्र, त्याच्या घराच्या पायऱ्यांवर उमटलेले कुंकू कितीही पुसण्याचा प्रयत्न केला तरी पुसले जात नाही. या अनाकलनीय घटनांमुळे रणजीत आणि त्याचे सहकारी अस्वस्थ झाले आहेत. रणशिंग फुंकले गेले असून, आता एका नव्या संघर्षाला सुरुवात होणार असल्याचे संकेत मालिकेतून मिळत आहेत.

महाराष्ट्रातील साडेतीन शक्तिपीठांचे उलगडणार महत्त्व

या विशेष कथानकात स्वामी समर्थ महाराष्ट्रातील साडेतीन शक्तिपीठांचे आध्यात्मिक महत्त्व सांगणार आहेत. महाराष्ट्रातील साडेतीन शक्तिपीठांमध्ये पुढील देवीस्थानांचा समावेश होतो.

कोल्हापूरची श्री महालक्ष्मी (अंबाबाई) – आदिशक्तीचे महत्त्वपूर्ण श्रद्धास्थान.

तुळजापूरची श्री तुळजाभवानी – महाराष्ट्रातील भक्तांचे प्रमुख आराध्य दैवत.

माहूरची श्री रेणुकामाता – मातृशक्तीचे प्रसिद्ध तीर्थक्षेत्र.

वणीची श्री सप्तशृंगी देवी – अर्ध शक्तिपीठ म्हणून ओळखले जाणारे श्रद्धास्थान.

या चार देवीस्थानांच्या माध्यमातून स्वामी शांभवी, मधुवंती, रुही आणि तेजस्वी यांच्यातील शक्तीचे प्रतीकात्मक दर्शन घडवणार आहेत.

स्वामींच्या दिव्य अनुभूतीतून या चौघींच्या परड्यांमध्ये विशेष संकेत प्रकट होणार आहेत. या संकेतांचा अर्थ काय आणि त्यांचा पुढील कथानकाशी काय संबंध आहे, हे पाहणे उत्सुकतेचे ठरणार आहे.

Prapti Redkar: स्त्रीशक्ती म्हणजे नेमकं काय? प्राप्ती रेडकरने सांगितला स्वाभिमान आणि आत्मविश्वासाचा अर्थ

चार स्त्रिया की साडेतीन शक्तिपीठांचे प्रतीक?

मालिकेतील सर्वांत मोठा उलगडा म्हणजे शांभवी, मधुवंती, रुही आणि तेजस्वी या चार स्त्रिया साडेतीन शक्तिपीठांचे प्रतीक असल्याचे स्वामी सांगणार आहेत. मात्र, या चौघींचा देवीच्या विविध शक्तिस्वरूपांशी नेमका संबंध काय आहे, हे आगामी भागांत स्पष्ट होणार आहे. या कथानकातून प्रत्येक स्त्रीमध्ये देवीचा अंश असल्याची आध्यात्मिक संकल्पना मांडण्यात येणार आहे. त्याचबरोबर स्त्रीने स्वतःवरील अन्यायाविरुद्ध आवाज उठवण्याचे महत्त्वही अधोरेखित केले जाणार आहे.

रणजीतरूपी महिषासुराचा संहार होणार?

मालिकेत रणजीतच्या अत्याचारांविरुद्ध आता निर्णायक संघर्ष सुरू होण्याची शक्यता आहे. स्वामींच्या मार्गदर्शनाखाली या चार स्त्रिया रणजीतचा खरा चेहरा समाजासमोर आणणार का? त्याच्या अन्यायाला पूर्णविराम मिळणार का? रणजीतरूपी महिषासुराचा संहार नेमका कसा होणार? याची उत्सुकता प्रेक्षकांना लागली आहे. श्रद्धा, न्याय, संघर्ष आणि स्त्रीशक्ती यांचा संगम असलेल्या या विशेष कथानकात अनेक नाट्यमय घडामोडी पाहायला मिळणार आहेत.

‘जय जय स्वामी समर्थ’ कधी आणि कुठे पाहाल?

नवरात्रीच्या पार्श्वभूमीवर ‘जय जय स्वामी समर्थ – जागर शक्तीचा, महिमा स्वामींचा’ या विशेष कथानकातून स्त्रीशक्तीच्या सामर्थ्याचा संदेश देण्यात येणार आहे. स्वामी समर्थांच्या दिव्य लीला, साडेतीन शक्तिपीठांचे महत्त्व आणि अन्यायाविरुद्ध चार स्त्रियांचा संघर्ष अनुभवण्यासाठी प्रेक्षकांना आगामी भाग पाहावे लागणार आहेत.

‘जय जय स्वामी समर्थ – जागर शक्तीचा, महिमा स्वामींचा’ ही मालिका दररोज रात्री ८ वाजून १० मिनिटांनी कलर्स मराठी वाहिनीवर पाहता येणार आहे.

Prapti Redkar: स्त्रीशक्ती म्हणजे नेमकं काय? प्राप्ती रेडकरने सांगितला स्वाभिमान आणि आत्मविश्वासाचा अर्थ

अमृता यादव — Wed, 14 Oct 2026 15:35:26 +05:30

Prapti Redkar: नवरात्र म्हणजे स्त्रीशक्तीचा जागर आणि देवीच्या विविध रूपांना वंदन करण्याचा उत्सव! देवीच्या पूजेसोबतच तिच्यातील धैर्य, आत्मविश्वास आणि अन्यायाविरुद्ध लढण्याची ताकद या काळात अधोरेखित केली जाते. मात्र, खरी स्त्रीशक्ती केवळ देवीच्या आराधनेपुरती मर्यादित नसून स्वतःच्या हक्कांसाठी खंबीरपणे उभं राहण्यात आणि स्वाभिमानाने जगण्यातही आहे. झी मराठीवरील ‘सावळ्याची जणू सावली’ या मालिकेत सावलीची भूमिका साकारणारी अभिनेत्री प्राप्ती रेडकर हिचाही स्त्रीशक्तीकडे पाहण्याचा दृष्टिकोन असाच आहे. नवरात्रीच्या निमित्ताने तिने स्वसंरक्षणाचं महत्त्व सांगत प्रत्येक स्त्रीने स्वतःच्या आयुष्याची नायिका बनावं, असा खास संदेश दिला आहे.

‘स्वतःसाठी खंबीरपणे उभं राहणं, हीच खरी स्त्रीशक्ती’

स्त्रीशक्ती म्हणजे स्वतःचा स्वाभिमान जपणं आणि स्वतःसाठी योग्य भूमिका घेणं, असं प्राप्ती रेडकर सांगते. एखादी गोष्ट पटत नसेल, तर त्याविरोधात आवाज उठवणं आणि स्वतःच्या निर्णयांवर ठाम राहणं महत्त्वाचं असल्याचं तिचं मत आहे. आजच्या काळात प्रत्येक स्त्रीला स्वसंरक्षणाची माहिती असणं गरजेचं आहे. प्रत्येक मुलीने कराटे किंवा मार्शल आर्ट शिकायलाच हवं, असं नाही; मात्र संकटाच्या वेळी स्वतःचं संरक्षण कसं करायचं, याची जाणीव प्रत्येक महिलेला असायला हवी, असं ती म्हणते.

‘स्वतःच्या आयुष्याची नायिका बना’

नवरात्रीच्या निमित्ताने प्राप्तीने प्रत्येक महिला आणि मुलीला स्वतःची काळजी घेण्याचा आणि कोणत्याही परिस्थितीत खचून न जाण्याचा संदेश दिला आहे. स्वतःसोबत काही चुकीचं घडत असेल, तर त्याचा विरोध करा आणि स्वतःसाठी हिंमतीने लढा, असं ती सांगते. आयुष्यात काय करायचं, कसं जगायचं आणि कोणते निर्णय घ्यायचे, हे ठरवण्याचा अधिकार प्रत्येक स्त्रीला आहे. त्यामुळे आपल्या आयुष्याचे निर्णय दुसऱ्यांना घेऊ देऊ नका; स्वतःच्या आयुष्याची नायिका बना आणि आत्मविश्वासाने जगा, असं आवाहन प्राप्तीने केलं आहे.

मार्शल आर्टमुळे वाढला आत्मविश्वास

प्राप्ती रेडकर २०२२ पासून मार्शल आर्ट शिकत आहे. सध्या मालिकेच्या शूटिंगमध्ये व्यस्त असल्यामुळे तिचा सराव थांबला असला, तरी मार्शल आर्ट शिकण्यापूर्वी आणि त्यानंतर स्वतःमध्ये मोठा बदल जाणवल्याचं तिने सांगितलं. पूर्वी कोणी जाणूनबुजून चुकीचं वागलं किंवा धाक दाखवण्याचा प्रयत्न केला, तर तिला अस्वस्थ वाटायचं. अशा वेळी समोरच्या व्यक्तीला विरोध करण्याचा आत्मविश्वास तिच्यात नव्हता. मात्र, मार्शल आर्ट शिकल्यामुळे स्वतःसाठी उभं राहण्याची हिंमत आणि आत्मविश्वास वाढल्याचं ती सांगते.

मालाड स्टेशनवरील प्रसंगातून झाली स्त्रीशक्तीची जाणीव

स्वतःमधील स्त्रीशक्तीचा अनुभव देणारा एक प्रसंगही प्राप्तीने सांगितला. मालाड स्टेशनवर एका मुलाने मुद्दाम चुकीच्या पद्धतीने स्पर्श केल्याचं तिने सांगितलं. सुरुवातीला तो कोण होता, हे तिच्या लक्षात आलं नाही. मात्र, काही वेळाने तो पुन्हा त्याच हेतूने तिच्या दिशेने येताना दिसला. तेव्हा प्राप्तीने त्याची कॉलर पकडून त्याला जोरदार विरोध केला. त्यानंतर तो माफी मागू लागला आणि तिथून पळून गेला.

हा प्रसंग तिच्यासाठी महत्त्वाचा ठरला. कारण त्या क्षणी स्वतःमधील ताकदीची आणि अन्यायाविरोधात उभं राहण्याच्या क्षमतेची जाणीव झाल्याचं तिने सांगितलं. म्हणूनच प्रत्येक मुलीला आणि स्त्रीला किमान स्वतःचं संरक्षण करण्याइतकी माहिती असणं गरजेचं असल्याचं तिचं म्हणणं आहे.

Vidya Balan: ‘आता AI नेच मुलं जन्माला घाला!’,विद्या बालनचं वक्तव्य चर्चेत; नेमकं काय घडलं?

नवरात्र म्हणजे आनंद, उत्साह आणि एकत्र येण्याचा उत्सव

प्राप्तीसाठी नवरात्र हा केवळ देवीच्या आराधनेचा काळ नसून आनंदाने आणि उत्साहाने सण साजरा करण्याची संधीही आहे. तिच्या नानींच्या घराजवळ सार्वजनिक नवरात्रोत्सव साजरा केला जातो. या उत्सवात लहान मुलांचे खेळ, महिला आणि पुरुषांसाठी विविध स्पर्धा, गरबा, फॅन्सी ड्रेस गरबा आणि पाककला स्पर्धा असे अनेक कार्यक्रम आयोजित केले जातात. मित्रमंडळींसोबत या कार्यक्रमांमध्ये सहभागी होताना नवरात्रीचे दिवस कसे जातात, हे कळतही नाही, असं ती सांगते.

याशिवाय, विविध नवरात्र मंडळांकडून आलेल्या आमंत्रणांना प्रतिसाद देत ती आवर्जून देवीच्या दर्शनासाठीही जाते. नऊ दिवसांत देवीच्या दर्शनातून मिळणारी सकारात्मक ऊर्जा आणि उत्सवातील उत्साह तिला विशेष भावतो.

नवरात्रीच्या निमित्ताने प्राप्ती रेडकरने दिलेला संदेश प्रत्येक स्त्रीला स्वतःच्या सामर्थ्याची जाणीव करून देणारा आहे. स्वाभिमान जपणं, चुकीच्या गोष्टींना विरोध करणं, स्वतःच्या सुरक्षिततेबाबत जागरूक राहणं आणि आत्मविश्वासाने आयुष्याचे निर्णय घेणं, हीच खरी स्त्रीशक्ती असल्याचं तिच्या विचारांतून अधोरेखित होतं.

Milind Gawali: ‘जगणंसुद्धा आपल्या हातात नसतं..’, अभिनेत्री मधू कांबीकर यांच्या निधनाने मिलिंद गवळी भावूक; जुन्या आठवणींना उजाळा

Kon Honaar Crorepati: माधुरी दीक्षित आणि सोनाली बेंद्रे एकाच मंचावर! ‘कोण होणार करोडपती’च्या विशेष भागात उलगडणार अनेक किस्से

अमृता यादव — Wed, 14 Oct 2026 11:13:14 +05:30

Kon Honaar Crorepati: सोनी मराठीवरील लोकप्रिय गेम शो ‘कोण होणार करोडपती’च्या नव्या पर्वात यावेळी मनोरंजनाची रंगत आणखी वाढणार आहे. या कार्यक्रमाच्या सूत्रसंचालनाची धुरा सांभाळणारी अभिनेत्री माधुरी दीक्षित आणि लोकप्रिय अभिनेत्री सोनाली बेंद्रे एका विशेष भागात एकत्र येणार आहेत. या भागात दोघींच्या मनमोकळ्या गप्पा, चित्रपटसृष्टीतील आठवणी, वैयक्तिक आयुष्यातील अनुभव आणि आयुष्याकडे पाहण्याचा दृष्टिकोन उलगडणार आहे. ९० च्या दशकातील स्टारडमपासून ते आयुष्यातील कठीण प्रसंगांपर्यंत अनेक विषयांवर दोघी संवाद साधताना दिसणार आहेत.

‘कोण होणार करोडपती’मध्ये माधुरी-सोनालीची खास भेट

बनिजय एशियाची निर्मिती असलेल्या ‘कोण होणार करोडपती’ या कार्यक्रमाच्या नव्या पर्वाला प्रेक्षकांकडून चांगला प्रतिसाद मिळत आहे. १२ ऑक्टोबर २०२६ पासून सुरू झालेलं हे पर्व सोमवार ते शनिवार रात्री ९ वाजता सोनी मराठीवर प्रसारित होत आहे. या पर्वात माधुरी दीक्षितने पहिल्या महिला सूत्रसंचालक म्हणून सूत्रे हाती घेतली आहेत. तिच्या सहजसुंदर शैलीमुळे आणि प्रेक्षकांशी साधलेल्या संवादामुळे कार्यक्रमाची रंगत वाढली आहे.

आता या कार्यक्रमाच्या एका विशेष भागात सोनाली बेंद्रे सहभागी होणार आहे. माधुरी आणि सोनाली यांच्यातील मैत्रीपूर्ण संवादातून मनोरंजनविश्वातील आठवणींसोबतच त्यांच्या आयुष्यातील महत्त्वाचे अनुभवही प्रेक्षकांना ऐकायला मिळणार आहेत.

सोनाली बेंद्रेने सांगितली ‘हॅपी पेट्स फाउंडेशन’मागची प्रेरणा

या गप्पांदरम्यान सोनालीने ‘हॅपी पेट्स फाउंडेशन’ सुरू करण्यामागची प्रेरणा सांगितली. प्राण्यांच्या कल्याणासाठी काम करण्याची तिची इच्छा होती. मात्र, संपूर्ण प्राणी निवारा केंद्र चालवण्यासाठी आवश्यक असलेला वेळ, कौशल्य आणि व्यावसायिक व्यवस्थापन लक्षात घेता तिने वेगळा मार्ग निवडला. गरज असताना विद्यमान प्राणी निवारा केंद्रांना मदत करता यावी, या उद्देशाने तिने हे व्यासपीठ उभारल्याचं सांगितलं.

पंजाबी कुटुंबातील गमतीशीर अनुभवांचा उलगडा

गप्पांचा सूर हलकाफुलका होताच माधुरीने सोनालीला गोल्डी बेहलशी लग्न केल्यानंतर पंजाबी कुटुंबात प्रवेश करण्याचा अनुभव विचारला. यावर सोनालीने खाण्यापिण्याशी संबंधित काही मजेशीर आठवणी सांगितल्या.

तिच्या म्हणण्यानुसार, घरातील नाश्त्याचा बेत अगदी भरगच्च असायचा. नाश्ता सुरू असतानाच दुपारच्या जेवणाची चर्चा व्हायची, तर दुपारचं जेवण सुरू असतानाच रात्रीच्या जेवणाचं नियोजन केलं जायचं. सोनालीच्या या आठवणींमुळे दोघींमधील संवादाला आणखी रंग चढला.

जुही चावला की श्रीदेवी? माधुरीने दिलं मजेशीर उत्तर

या भागातील आणखी एक खास क्षण म्हणजे सोनालीने माधुरीसमोर ठेवलेला प्रश्न. ९० च्या दशकातील लोकप्रिय अभिनेत्री जुही चावला आणि श्रीदेवी यांच्यापैकी एकीची निवड करण्यास तिने माधुरीला सांगितलं.

यावर माधुरीने दोघींपैकी एकीची निवड करणं अशक्य असल्याचं सांगितलं. जुहीच्या विनोदी टायमिंगचं आणि तिच्या खळखळून हसण्याचं तिने कौतुक केलं. तर श्रीदेवीच्या अष्टपैलू अभिनयाचं आणि विविध भाषांमधील चित्रपटांतून दाखवलेल्या प्रतिभेचंही माधुरीने भरभरून कौतुक केलं.

माधुरी आणि सोनालीने सांगितले करिअरमधील रंजक किस्से

या खास भागात दोन्ही अभिनेत्रींच्या मनोरंजनविश्वातील सुरुवातीच्या प्रवासालाही उजाळा मिळणार आहे. माधुरीने चित्रपटसृष्टीशी थेट संबंध नसलेल्या कुटुंबातून येताना आलेल्या अनुभवांविषयी सांगितलं. सुरुवातीला तिच्या पालकांच्या मनात असलेल्या साशंकतेपासून ते सूरज बडजात्या आणि ज्येष्ठ चित्रपट निर्माते राजकुमार बडजात्या यांच्याशी झालेल्या भेटीपर्यंतच्या आठवणी तिने शेअर केल्या. या भेटीनंतर तिच्या कुटुंबाचा चित्रपटसृष्टीकडे पाहण्याचा दृष्टिकोन बदलल्याचं तिने सांगितलं.

दुसरीकडे, सोनालीने दहावी पूर्ण केल्यानंतर मॉडेलिंग क्षेत्रात प्रवेश कसा केला, याचा रंजक किस्सा सांगितला. एका फॅशन शोमध्ये दुखापत झालेल्या मॉडेलच्या जागी तिला ऐनवेळी संधी मिळाली. या शोमध्ये प्रथम क्रमांक मिळवल्यानंतर तिच्यासाठी मॉडेलिंगच्या क्षेत्राचे दरवाजे उघडले.

पहिला कराराचा धनादेश हातात घेतल्यावर आपण किती आश्चर्यचकित झालो होतो, हे सांगताना सोनालीने तो धनादेश तिच्या सरकारी नोकरी करणाऱ्या वडिलांच्या जवळपास दोन महिन्यांच्या पगाराइतका असल्याचं नमूद केलं. या क्षेत्रात स्वतःला सिद्ध करण्यासाठी तिने पालकांकडून तीन वर्षांची मुदत घेतली होती. यश मिळालं नाही, तर शिक्षणाकडे परत वळण्याचा आणि सरकारी नोकरी किंवा आयएएस सेवेत जाण्याचा पर्याय तिच्यासमोर होता. मात्र, तिच्या कारकिर्दीने पुढे मोठी झेप घेतली.

मायकेल जॅक्सनच्या कॉन्सर्टची आठवणही चर्चेत

माधुरीने सोनालीला मायकेल जॅक्सनच्या भारत भेटीदरम्यान त्याला भेटण्याच्या अनुभवाविषयीही विचारलं. सोनालीने सांगितलं की, सुरुवातीला ती त्याची फार मोठी चाहती नव्हती. कुटुंबीय आणि मित्रांसाठी कॉन्सर्टची तिकिटं मिळवण्याचा आनंद आणि पारंपरिक नऊवारी साडी नेसण्याची संधी यामुळे ती उत्सुक होती.

मात्र, प्रत्यक्ष कॉन्सर्टमध्ये मायकेल जॅक्सनचा दमदार वावर, नृत्यशैली आणि गायन पाहिल्यानंतर ती त्याची चाहती बनली. हा अनुभव तिच्यासाठी खास ठरल्याचं तिने सांगितलं.

कर्करोगाच्या अनुभवाबद्दल सोनालीने केलं मनमोकळं भाष्य

या भागातील भावूक क्षणांपैकी एक म्हणजे सोनालीने कर्करोगाच्या अनुभवाबद्दल केलेलं भाष्य. माधुरीने याविषयी विचारल्यानंतर सोनालीने उपचार आणि प्रकृतीत सुधारणा होण्याच्या प्रवासाबद्दल सांगितलं.

कर्करोगाकडे तिने पारंपरिक अर्थाने लढाई म्हणून पाहिलं नाही. शरीराशी संघर्ष करण्याऐवजी स्वतःकडे प्रेमाने आणि करुणेने पाहण्याचा, तसेच या अनुभवातून शिकण्याचा प्रयत्न केल्याचं तिने सांगितलं. या दृष्टिकोनामुळे कठीण काळात तिला मानसिक शांतता मिळाल्याचंही ती म्हणाली. सोनालीचा प्रामाणिकपणा आणि आयुष्यातील आव्हानांकडे पाहण्याचा दृष्टिकोन ऐकून माधुरीने तिचं कौतुक केलं.

Emraan Hashmi Accident: शूटिंगदरम्यान क्रेनमधून कार निसटली; इम्रान हाश्मी आत होता? अपघाताचा व्हिडीओ व्हायरल

माधुरीच्या नृत्याने होणार भागाचा समारोप

हास्याचे क्षण, जुन्या आठवणी, करिअरमधील रंजक किस्से आणि आयुष्याला नवी दिशा देणारे अनुभव अशा विविध रंगांनी हा विशेष भाग सजणार आहे. कार्यक्रमाच्या शेवटी माधुरी दीक्षित आपल्या लोकप्रिय ‘काहे छेड मोहे’ या गाण्यावर नृत्य सादर करून उपस्थितांना मंत्रमुग्ध करणार आहे.

माधुरी दीक्षित आणि सोनाली बेंद्रे यांच्या या खास गप्पा पाहण्यासाठी ‘कोण होणार करोडपती’ सोमवार ते शनिवार रात्री ९ वाजता सोनी मराठीवर पाहता येणार आहे. हा कार्यक्रम सोनी लिव्हवरही उपलब्ध असल्याची माहिती देण्यात आली आहे.

Marathi Actress: ‘तू सेक्स वर्कर झाली आहेस का?’ वेगळ्या पद्धतीने साडी नेसल्याने अभिनेत्री झाली ट्रोल; सांगितला धक्कादायक अनुभव

Marathi Actress: ‘तू सेक्स वर्कर झाली आहेस का?’ वेगळ्या पद्धतीने साडी नेसल्याने अभिनेत्री झाली ट्रोल; सांगितला धक्कादायक अनुभव

अमृता यादव — Wed, 14 Oct 2026 08:40:15 +05:30

ऊर्मिला निंबाळकरला मिळाल्या जीवे मारण्याच्या धमक्या

व्हिडिओ शेअर करत सांगितला अनुभव

वेगळ्या पद्दतीने साडी नेसल्याने केलं ट्रोल

Marathi Actress: मराठी अभिनेत्री आणि कंटेंट क्रिएटर ऊर्मिला निंबाळकर सध्या एका वेगळ्याच कारणामुळे चर्चेत आली आहे. ती स्वतःच्या यूट्यूब चॅनेलवरून दैनंदिन आयुष्य, फॅशन आणि आरोग्याशी संबंधित विविध विषयांवरील व्हिडीओ शेअर करत असते. याशिवाय तिने स्वतःची कंपनीही सुरू केली आहे. काही दिवसांपूर्वी ऊर्मिलाने ‘पुरुषांवर बोलू काही’ हा लाइव्ह शो सुरू केला. तिच्या या शोला महिलांकडून चांगला प्रतिसाद मिळताना दिसत आहे. मात्र, याच कार्यक्रमादरम्यान तिने नेसलेल्या साडीवरून तिला मोठ्या प्रमाणात ट्रोलिंगचा सामना करावा लागला. इतकंच नव्हे, तर तिला बलात्कार आणि जीवे मारण्याच्या धमक्याही मिळाल्याचा धक्कादायक खुलासा तिने केला आहे.
वेगळ्या पद्धतीने साडी नेसल्यामुळे ट्रोलिंग; मिळाल्या धमक्या

ऊर्मिलाने नुकत्याच शेअर केलेल्या एका व्हिडीओमध्ये तिच्यासोबत घडलेला हा प्रकार सांगितला. या व्हिडीओमध्ये तिने शोदरम्यान नेसलेल्या गुलाबी साडीतील काही फोटो दाखवले. या साडीच्या नेसण्याच्या पद्धतीवरून सोशल मीडियावर तिला अश्लील टिप्पण्या आणि धमक्यांना सामोरं जावं लागल्याचं तिने सांगितलं.

याबद्दल बोलताना ऊर्मिला म्हणाली, “ही साडी नेसल्यामुळे आणि अशा पद्धतीने साडी नेसल्यामुळे मला गँगरेप, डोमेस्टिक व्हायोलन्स आणि ‘तुझा मर्डर करू’ अशा थेट धमक्या आल्या आहेत. कमेंट्समध्ये, डीएममध्ये, यूट्यूबवर, इन्स्टाग्रामवर आणि फेसबुकवरही अशा प्रतिक्रिया आल्या. त्यामुळे मला ती पोस्ट आणि ते रील अर्काइव्ह करावं लागलं.”

‘भारतीय संस्कृतीत साडी नेसण्याच्या १०० हून अधिक पद्धती’

साडी नेसण्याच्या वेगवेगळ्या पद्धतींवरून होणाऱ्या टीकेला उत्तर देताना ऊर्मिलाने भारतीय संस्कृतीतील विविधतेचा मुद्दा मांडला. भारतात साडी नेसण्याच्या अनेक पारंपरिक पद्धती असून, प्रत्येक पद्धतीचं स्वतःचं वैशिष्ट्य असल्याचं तिने सांगितलं.

“मला याची गंमत वाटते की भारतीय परंपरेमध्ये आणि संस्कृतीमध्ये साडी नेसण्याच्या १०० हून अधिक वेगवेगळ्या पद्धती आहेत. मधुराई, सीधा पल्लू, कुर्गी, मेखला, पारसी गारा अशा अनेक पद्धती आहेत. फक्त राज्याप्रमाणेच नाही, तर महाराष्ट्रातही वेगवेगळ्या भागांमध्ये साडी नेसण्याच्या पद्धती बदलतात. सहावार, नऊवार अशा पद्धती आहेत. मधल्या काळात धोती स्टाइल, मरमेड अशा फ्युजन पद्धतीही आल्या. हेच तर साडीचं सौंदर्य आहे. तिच्यात इतकं वैविध्य आहे, म्हणून ती सुंदर आहे,” असं ऊर्मिलाने म्हटलं.

MTDC Guhagar Film City : कोकणात तयार होणार नवी ‘फिल्म सिटी’! गुहागरच्या पालशेतमध्ये प्रकल्प उभारणार; आशिष शेलार यांचे निर्देश

बनारसी कोरा सिल्कची साडी नेसण्यामागचं कारण काय?

कार्यक्रमासाठी तिने ही साडी का निवडली, याचं कारणही ऊर्मिलाने स्पष्ट केलं. ही बनारसी कोरा सिल्कची हँडलूम साडी असल्याचं तिने सांगितलं. या साडीचे रंग अतिशय सुंदर दिसतात; मात्र ती पारदर्शक आणि निसरडी असल्यामुळे नेसणं आव्हानात्मक असतं, असंही तिने नमूद केलं.

“या कार्यक्रमाच्या निमित्ताने मी प्युअर हँडलूम कोरा सिल्कची बनारसी साडी घेतली होती. या साडीची दोन वैशिष्ट्यं आहेत. ती पारदर्शक असते आणि तिचे रंग अतिशय सुंदर दिसतात. ही साडी खूप सुळसुळीत असते आणि नेसण्यासाठी कठीण असते. ती नेसणं खूप आव्हानात्मक आहे,” असं ऊर्मिलाने सांगितलं.

View this post on Instagram

Iravati Marathi Movie : नात्यांचे भावविश्व उलगडणारा ‘इरावती’ चित्रपट लवकरच प्रेक्षकांच्या भेटीला; अनुभवी कलाकारांची उत्कृष्ट सांगड

‘तू सेक्स वर्कर झाली आहेस का?’ म्हणत महिलेची टिप्पणी

साडी नेसण्याच्या पद्धतीवरून ट्रोल करणाऱ्यांना उत्तर देताना ऊर्मिलाने एका महिलेने केलेल्या टिप्पणीचाही उल्लेख केला. शरीराचा कोणता भाग दिसतो, यावरून एखाद्या महिलेच्या संस्कारांचं किंवा चारित्र्याचं मूल्यमापन करणाऱ्या मानसिकतेवर तिने प्रश्न उपस्थित केला.

ऊर्मिला म्हणाली, “आपल्या मनामध्ये असतं की आज माझ्या डाव्या बाजूची कंबर दिसली, तर तुम्हाला मी अतिशय सज्जन, संस्कारित आणि संस्कृती टिकवणारी वाटते. पण उजव्या बाजूची कंबर दाखवली, तर ‘माय गॉड!’ एका बाईने तर मला ‘तू सेक्स वर्कर झाली आहेस का आता?’ असंही म्हटलं. मला यावर इतकं हसू येत होतं की काय बोलावं तेच कळत नव्हतं. कारण तिला हे माहितीच नाही की आपल्या भारतीय इतिहासामध्ये साडी नेसण्याच्या असंख्य सुंदर पद्धती आहेत. त्यातलीच ही एक पद्धत आहे.”

ऊर्मिलाने शेअर केलेल्या या अनुभवामुळे सोशल मीडियावरील ट्रोलिंग, महिलांच्या कपड्यांवरून केल्या जाणाऱ्या टिप्पण्या आणि ऑनलाइन धमक्यांचा मुद्दा पुन्हा चर्चेत आला आहे. साडी नेसण्याच्या वेगळ्या पद्धतीमुळे एखाद्या महिलेला अशा प्रकारच्या धमक्यांना सामोरं जावं लागणं, ही बाब निश्चितच गंभीर आहे.

Exclusive: ‘आताची स्त्री ही स्वतःसह कुटुंबाला पुढे घेऊन जाणारी आहे…’, अनघा ठाकूरचं परखड मत

दिपाली नाफडे — Wed, 14 Oct 2026 07:49:58 +05:30

Exclusive: कलर्स मराठीवरील ‘मोहिनी’ या मालिकेतून प्रेक्षकांच्या भेटीला आलेली अभिनेत्री अनघा ठाकूर ही कमी कालावधीमध्येच प्रेक्षकांच्या आवडीची झाली आहे. गालावर खळी आणि आपला लाघवी अभिनय यामुळे तिची सध्या सगळीकडेच चर्चा आहे. ‘माझ्यातील दुर्गा’ या नवराष्ट्रच्या खास सिरीजच्या निमित्ताने आम्ही तिच्याशी मनमोकळ्या गप्पा मारल्या आणि तिच्या दृष्टीने दुर्गाशक्ती म्हणजे नेमके काय हे जाणून घेतले.

फायनान्शियल अनालिस्ट म्हणून कामाला सुरूवात केली आणि नंतर अशा क्षेत्रात आलीस जिथे शाश्वती नाही"font-weight: 400;"> तर कसा आहे हा प्रवास? यावर अगदी मनमोकळेपणाने हसत अनघा म्हणाली की, ‘नोकरी करत होते तेव्हा FOMO नव्हता. रुपारेल कॉलेजला होते त्यानंतर थिएटर, डान्स त्यामुळे या क्षेत्रात काही करावं असं वाटत होतं. पण कोरोना आला आणि त्यानंतर अचानक सर्व थांबलं. सोशल मीडिया तेव्हा खूप उत्साहात चालू होतं. पण त्यावेळी आपण काहीच करत नाहीये असं वाटत होतं. पोस्ट ग्रॅज्युएशन करत होतो आणि मग ऑडिशन कशी द्यायची हे सर्व डोक्यात विचार होते. यामुळे आपण काहीही करत नाही असं वाटत होतं हे मात्र नक्की. ५ वर्ष मी नोकरी केली. पण कलाक्षेत्रात काहीच करत नाही याचा नक्कीच त्रास होत होता.

पण एक गोष्ट आवर्जून सांगावी वाटते की, मी प्रचंड आशावादी आहे. नोकरी करतानाही मी कॉन्टॅक्ट शोधत राहिले. ऑडिशनची माहिती, प्रोफाईलची माहिती घेतली. सोशल मीडियावर जाऊन प्रॉडक्शन हाऊसना डीएम करून खूप प्रयत्न केले. २-३ वर्ष खूप प्रयत्न केले आणि मग जेव्हा ऑडिशन्स दिल्या त्यानंतर मला मोहिनीची भूमिका मिळाली आणि प्रयत्नांना यश आलं.’

Exclusive: ‘RK म्हणजे हिरोपासून माणूस होण्याच्या प्रवासाची गोष्ट’, सांगतोय सर्वांचा लाडका समीर परांजपे

तुझा टर्निंगपॉईंट नेमका काय ठरला आणि स्पर्धा/मैत्री अशा सर्व गोष्टी तू कशा सांभाळल्यास"font-weight: 400;">यावर गोड हसून अनघा म्हणाली की, ‘श्रावणक्वीन ही स्पर्धा हा माझ्या आयुष्याचा टर्निंगपॉईंट होता. १५-२० दिवस हातात हवे होते पण नोकरी करताना या स्पर्धेच्या ठिकाणी जाऊन राहणं शक्य नव्हतं. २५ व्या वर्षी काहीही करून भाग घ्यायचा हे ठरवलं आणि चक्क ऑफिसमध्ये सिक लिव्ह टाकून गेले होते. ४०० मुलींच्या ऑडिशनमध्ये १६ मध्ये निवड झाली आणि त्यानंतर रॅम्प वॉक, ४ इंच हिल्स घालून चालणं हे सर्व नवं होतं.

टॅलेंडेट होत्या सर्व मुली, इनसिक्युरिटीही होती ती मी नाकारणार नाही. स्पर्धा होती तेव्हा ५-६ हिल्स घालून फिजिकली थकवणारं होतं पण एक उर्जा होती आणि मनात जिंकण्याची जिद्द होती, संपूर्ण १०० टक्के माझं योगदान दिलं. शेवटचा प्रश्न होता की, आजची आधुनिक स्त्री नक्की कशी आहे हे तुमच्या शब्दात सांगा आणि स्वतःला रिलेट करून उत्तर दिलं होतं. परिक्षकांना आवडलं आणि मी विजेती झाले होते.’

सध्या मोहिनी मालिकेत तलवारबाजी, दांडपट्टा असे थरारक सीन देत आहेस, तर पडद्यावरच्या या दुर्गासाठी स्वतःला कसं तयार केलंस"font-weight: 400;">यावर अनघाने अगदी मनापासून उत्तर दिलं ती म्हणाली की, ‘टफ सिक्वेन्स, फाईट सिक्वेन्स, तलवारबाजी, दांडपट्टा, ढाली खूप वेगळा अनुभव आहे. बेसिक गोष्टीपासून याची मला तयारी करावी लागली. सध्या तर ऑक्टोबर हिटमुळे त्रासही झाला, याचा सराव करताना हाताला खूप लागलं आहे. कष्ट करायची सवय नसते. पण हे सर्व करताना मला खूप मज्जा आली आणि प्रचंड मेहनत घेतली आहे. सकाळी ९.३० ला सुरू करून ३-४ वाजेपर्यंत तेच करत होतो.

मला फार अभिमान वाटला. अंगावर काटा आला आणि त्यात एनर्जीने सुरु केलं. जिजाऊ, ताराराणी, झाशीची राणी डोळ्यासमोर आले. अशी भूमिका मला खऱ्या आयुष्यात करायला मिळावी आणि ऐतिहासिक स्त्री पात्र मला करायला मिळावं अशी खूप इच्छा आहे.’

तू पण Gen Z आहेस, नाती जपताना स्वतःचा स्वाभिमान सांभाळून आजची दुर्गा कशी आहे असं तुला वाटतं"font-weight: 400;">यावर एका क्षणाचीही उसंत न घेता अनघा म्हणाली की, ‘स्वाभिमान नक्कीच आजची मुलगी जपते. स्वतःची स्वप्न पूर्ण करण्याला आजची स्त्री नक्कीच महत्त्व देते. पूर्वीच्या महिला स्वतःला मागे ठेऊन नवरा-मुलगा पुढे जाऊ दे असं म्हणणाऱ्या होत्या. पण आताची स्त्री मी स्वतःसकट कुटुंबाला जपणारी आहे असं मला वाटतं आणि यामध्ये काहीही चुकीचं नाही. प्रत्येक मुलीला पुढे जाण्याची आणि स्वतःला सिद्ध करण्याची संधी ही मिळायलाच हवी.’

Exclusive: ‘मोहिनी’ मधील महेंद्र आणि माझ्या स्वभावात खूपच साम्य, भूमिका करणं सोपं झालं – शंतनू मोघे

मुलगी ही नेहमीच सुपरवुमन मानली गेली आहे तर तू स्वतःला सर्व गोष्टीत कसं संतुलित ठेवतेस"font-weight: 400;"> यावर अनघा म्हणाली की, ‘सुरूवातीला माझी शारीरिक आणि मानसिक खूपच दमछाक झाली. कारण सवयच नव्हती. ८-९ महिन्यापासून मी १२ तास शिफ्ट करतेय. १-२ आठवडे पायातून गोळे यायचे उभं राहून आता ती सवय झाली आहे शारीरिक आणि मानसिक दोन्ही. कामातूनच मी स्वतःला कसं सावरायचं आणि कसं संतुलन ठेवायचं हे शिकत गेले. स्वतःला जपायला वेळच नाही मिळाला सुरूवातीला. ६ महिने कोणतीही सुट्टी नाही घेतली. पण आता सगळं सोपं जातं. मोहिनी कशी आहे कळले आहे त्यामुळे आता स्वतःमधील अनघाला जपायला सुरू केली आहे. आता मला आई-बाबांना वेळ द्यायलाही जमतोय’ असं तिने अगदी मनापासून सांगितलं.

पुढे ती म्हणाली की, ‘मी सर्व नियोजन करते, योजना आखते. वर्षातून हेल्थ चेक अप हे करायला पाहिजेच. प्लानिंग आणि मॅनेजमेंट हे करायलाच पाहिजे असं मला वाटतं. मोहिनीमध्ये सुद्धा सांगितलं आहे की, आपणच सगळ्या जगाचा भार घेऊन वाहतोय तर असं करून सर्वांनी एकत्र येऊन कामं करावं आणि हे मी मोहिनी या पात्रातूनच शिकतेय.’

एक स्त्री आणि दुर्गा म्हणून इंडस्ट्रीत काय बदलावं वाटतं"font-weight: 400;"> यावर अगदी साधेपणाने अनघाने सांगितले की, ‘मी अगदीच न्यूकमर आहे. या क्षेत्रात पीएफ, मेडिक्लेम असं काहीच नाहीये. आपण रोज मालिका करतोय तर ही एकप्रकारची नोकरीच झाली असं मला वाटतं. ऑफिसमध्ये सिक्युरिटी असते. पण इथे या इंडस्ट्रीत असं काहीच नाही. बाकीचा विचारही आपल्यालाच करायचा आहे. इंडस्ट्रीत हे असायला हवं अशी इच्छा आहे. कॉर्पोरेट आणि इंडस्ट्रीमधील हा फरक आहे आणि हा बदल व्हायला हवा असं मनापासून वाटतं.’

दुर्गेचं ‘शक्ती’ रूप म्हणजे अन्याय सहन न करणे, तुझ्या आयुष्यातील असा कोणता अनुभव सांगावा वाटतो"font-weight: 400;"> यावर अनघा म्हणाली की, ‘१५ वर्षांची असल्यापासून मुंबईत एकटी राहतेय. पण कधीतरी असा अनुभव येतोच आयुष्यात. माटुंग्याला राहायला आले होते. यशवंत नाट्यगृहाच्या बाजूलाच बिल्डिंग होती. टीशर्ट ट्रॅकपँट घालूनच खाली बिस्किट आणायला गेले. पण एक माणूस बघत होता, मी तेव्हा लक्ष दिलं नाही. पण अचानक तो माणूस पाठलाग करत आला आणि त्यावेळी मी घाबरले, नशेत असलेल्या त्या माणसाला जोरात ढकललं आणि आरडाओरडा केला. तिथेच त्याला पकडून मारू शकत होते पण तेव्हा सुचलं नाही. त्यामुळे प्रत्येक मुलीने शारीरिक आणि मानसिकरित्या अत्यंत मजबूत असलं पाहिजे. आपल्याला कोणत्याही क्षणी दुर्गेचं रुप घ्यावं लागतंच असं मला वाटतं.’

तुझ्या आयुष्यात दुर्गा कोण आहे"font-weight: 400;"> यावर पटकन अनघा म्हणाली की, ‘दुर्गा बऱ्याच आहेत पण आईचं नाव घेईन कारण ती प्रचंड आशावादी आहे. ती खूप सकारात्मक आहे आणि तेच तिच्यातून माझ्यात आलंय. कमााच्या बाबतीत हयगय नाही करायची. तिचं कामावरचं प्रेम बघून मला असंच काम करायचं आहे. ती माझ्यासाठी दुर्गा आहे.’ दुर्गा होण्यासाठी काही वेगळं करण्याची गरज नाही. मस्त रहा आणि कायम स्ट्राँग रहा असा चाहत्यांना संदेश देत अनघाने या गप्पांना पूर्णविराम दिला.

Jui Gogri: आईपण, करिअर अन् कुटुंबाची जबाबदारी; मराठी अभिनेत्री जुई गोगरीने सांगितली स्त्रीशक्तीची खरी व्याख्या

अमृता यादव — Tue, 13 Oct 2026 13:06:06 +05:30

Jui Gogri: नवरात्र म्हणजे भक्ती, उत्साह आणि चैतन्याने भरलेले नऊ दिवस! या काळात देवीच्या विविध रूपांची आराधना करत स्त्रीशक्तीचा जागर केला जातो. मात्र, स्त्रीशक्तीचा उत्सव केवळ नवरात्रीच्या नऊ दिवसांपुरता मर्यादित नसून प्रत्येक दिवस स्त्रियांचाच आहे, असा महत्त्वपूर्ण संदेश अभिनेत्री जुई गोगरी हिने दिला आहे. ‘सनई चौघडे’ या मालिकेत परब कुटुंबातील साध्या, प्रेमळ आणि लाडक्या असावरीची भूमिका साकारणाऱ्या जुईने स्त्रीशक्ती, आत्मविश्वास आणि स्वतःच्या स्वप्नांसाठी लढण्याच्या महत्त्वाविषयी आपले विचार मांडले आहेत. तसेच, नवरात्रीच्या काळात सुट्टी मिळाली की गरबा खेळायला आवर्जून जात असल्याचेही तिने सांगितले.

स्वतःवर विश्वास ठेवणं, हीच खरी स्त्रीशक्ती!

स्त्रीशक्तीची व्याख्या स्पष्ट करताना जुई म्हणते की, आयुष्यातील अडचणींना सामोरं जाण्यासाठी स्वतःवर विश्वास असणं अत्यंत महत्त्वाचं आहे. स्त्री एकाच वेळी अनेक भूमिका पार पाडत असते. कुटुंबाची जबाबदारी सांभाळतानाच ती आपल्या करिअरमध्येही पुढे जाण्याचा प्रयत्न करते. वैयक्तिक आयुष्य आणि करिअर यांचा समतोल साधत स्वतःची स्वप्नं पूर्ण करण्यासाठी प्रयत्नशील राहणं, हीदेखील स्त्रीशक्तीच असल्याचं जुईने सांगितलं.

स्त्रियांनी स्वतःला कधीही कमी समजू नये, असंही ती आवर्जून सांगते. स्वप्नं कितीही मोठी असली किंवा आयुष्यात कितीही संकटं आली, तरी मेहनत आणि आत्मविश्वासाच्या जोरावर त्यांचा सामना करता येतो. स्वतःच्या क्षमतेवर विश्वास ठेवून प्रत्येक स्त्रीने आपल्या ध्येयाच्या दिशेने वाटचाल करावी, असा संदेश जुईने दिला.

कॉलेजमध्ये असताना अनुभवली स्त्रीशक्ती!

स्वतःमधील स्त्रीशक्तीची जाणीव कधी झाली, याविषयी बोलताना जुईने तिच्या आयुष्यातील एका महत्त्वाच्या प्रसंगाची आठवण सांगितली. ती म्हणाली की, कॉलेजमध्ये असताना तिच्या कुटुंबाचं नवीन घर घेण्याचं काम सुरू होतं. त्या वेळी तिने आणि तिच्या बहिणीने मिळून जुनं घर विकण्यापासून ते नवीन घर घेण्यापर्यंतच्या अनेक जबाबदाऱ्या पार पाडल्या.

त्या अनुभवामुळे कमी वयातही आपण अनेक महत्त्वाच्या गोष्टी करू शकतो आणि आपल्यात ती क्षमता आहे, याची जाणीव तिला झाली. तिच्या मते, एखादी गोष्ट करण्याचं ठरवलं, तर स्त्री ती नक्कीच करू शकते. कितीही अडचणी आल्या, तरी त्यातून मार्ग काढण्याचा विश्वास प्रत्येक स्त्रीमध्ये असायला हवा.

“सुट्टी असते, तेव्हा गरबा खेळायला नक्की जाते”

नवरात्रीच्या सणाविषयी बोलताना जुईने तिच्या घरातील परंपराही सांगितली. ती म्हणाली, “मी खरं तर जैन आहे. त्यामुळे गुजराती लोकांप्रमाणे आमच्याकडे नवरात्रीचं फार मोठं सेलिब्रेशन होत नाही. पण आमची जी कुलदेवी आहे, तिची आम्ही नऊ दिवस घरी आरती करतो. आता शूटिंगमुळे त्यासाठी फार वेळ मिळत नाही. पण जेव्हा सुट्टी असते, तेव्हा मी गरबा खेळायला नक्की जाते.”

गरबा खेळताना आपल्याला खूप छान वाटतं, असंही जुईने सांगितलं. तिच्यासाठी गरबा हा केवळ आनंदाचा भाग नसून देवीच्या आराधनेशी जोडलेला अनुभव आहे. गरब्यामुळे वातावरणात एक प्रकारची शुद्धता आणि दैवी भावना जाणवते, असं ती म्हणाली.

Adinath Kothare Upcoming Movies: आदिनाथ कोठारेची बॉलिवूडमध्ये मोठी झेप! ‘रामायण’सह दोन बिग बजेट चित्रपटांत झळकणार

“तुम्हाला जे करायचं आहे, ते ठामपणे करा!”

नवरात्रीच्या निमित्ताने प्रत्येक स्त्रीला संदेश देताना जुईने आत्मविश्वासाने जगण्याचं आवाहन केलं. ती म्हणाली, “मी नेहमी हेच सांगेन की नवरात्रीचे हे फक्त नऊ दिवस स्त्रियांचे नसतात, तर प्रत्येक दिवस स्त्रियांचा असतो. त्यामुळे छान जगा, तुम्हाला जे करायचं आहे ते करा आणि ते ठामपणे करा. ‘मला हे करायचंच आहे,’ असा विश्वास स्वतःवर ठेवा आणि त्याप्रमाणे जगा.”

जुई गोगरीचा हा संदेश स्त्रीशक्तीचा खरा अर्थ अधोरेखित करणारा आहे. स्वतःच्या क्षमतेवर विश्वास ठेवून, जिद्द आणि मेहनतीच्या जोरावर आपल्या स्वप्नांचा पाठपुरावा करणाऱ्या प्रत्येक स्त्रीमध्ये एक वेगळी ताकद असते. नवरात्रीच्या मंगलमय पर्वात जुईने दिलेला आत्मविश्वासाचा हा संदेश अनेक महिलांसाठी प्रेरणादायी ठरू शकतो.

RJ Mitte Death: ‘ब्रेकिंग बॅड’ फेम अभिनेत्याचा धक्कादायक मृत्यू; वयाच्या ३४व्या वर्षी घेतला अखेरचा श्वास

Exclusive: ‘प्रत्येक अडचण ही आव्हान म्हणून घेते, त्यातूनच स्त्रीशक्ती कळते’, दीप्ती केतकरचा दुर्गाशक्तीवर पूर्ण विश्वास

दिपाली नाफडे — Tue, 13 Oct 2026 07:34:24 +05:30

Exclusive: सन मराठीवरील ‘मी संसार माझा रेखिते’ मालिकेत मुख्य भूमिका साकारणारी अभिनेत्री दीप्ती केतकर नेहमीच आपल्या अभिनयाने सर्वांना मोहीत करते. गेले अनेक वर्ष दीप्तीने प्रेक्षकांच्या मनावर आपल्या अभिनयाने राज्य केलं आहे. ‘माझ्यातील दुर्गा’ या सिरीजच्या निमित्ताने आम्ही दीप्तीशी खास गप्पा मारल्या आणि ‘नवराष्ट्र’शी बोलताना दीप्तीने अगदी मनमोकळेपणाने उत्तरं दिली आहेत.

सन मराठीवरील ‘मी संसार माझा रेखिते’ मध्ये मुख्य भूमिका अनुप्रिया साकारताना दीप्ती तुला काय वाटतं आणि तू ही भूमिका का स्वीकारलीस"font-weight: 400;"> यावर दीप्ती म्हणाली की, ‘पहिल्या दिवसापासून ही मालिका विचारली गेली तेव्हापासून ही भूमिका मला आवडली होती. मी स्वतः गृहीणी आहे. करिअर करायचं आहे आणि कुटुंबाच्या प्रेशरमुळे करता येत नाही. मानधन पुढे बघूया असं म्हणून मी होकार दिला होता. रोज प्रत्येक सीन झाल्यावर काम छान झालंय म्हणून रात्री झोप चांगली लागते. मालिका माझी आहे आणि काम करताना मजा नाही आली तर काम का करतोय असा प्रश्न पडतो. त्या सीनमधला प्रत्येक अनुभव हा इमोशनल आहे आणि खूप मज्जा येते. मी अनुप्रिया जगतेय असं म्हणते.’

आयुष्यात तू कोणती ‘लढाई’ लढली आहेस आणि जिंकलीस असं तुला वाटतं जिथे तुला वाटतं की तुला दुर्गेचं रुप घ्यावं लागलं"font-weight: 400;">यावर अत्यंत शांतपणाने दीप्ती म्हणाली की, ‘वादळं येतात पण महाराजांच्या कृपेने किंवा देवीआईच शक्ती देते. लग्नाच्या आधी वा नंतर अशा गोष्टी होत असतात. पैशांवरून अडचण, बिझनेस वरून प्रॉब्लेम होतात. पण या सर्व अडचणी मी आजपर्यंत आयुष्यात आव्हान म्हणून घेत आले आहे. जे होतं ते चांगल्यासाठी होतं असं मला वाटतं. शक्ती देवीच देते आणि मग त्या अडचणीवर मात करता येते. आयुष्यात चढउतार तर येतच असतात पण त्यात मी कायम सकारात्मक राहते आणि मार्ग निघतो.
मुळातच मी खूपच शांत आहे आणि कोणतीही परीक्षा आली की त्यात उत्तीर्ण होऊनच पुढे जायचं हा माझा स्वभाव आहे. बराचशा अडचणी येतात आणि त्यातून बाहेर पडता येते. मानसिकरित्या शांत राहिलात ना तर त्यातून सर्व नीट होणारच हा मला विश्वास असतो’

इथे ‘ग्रुपिझम’ असतो, अडचणी येतात त्यावर तू कशी मात करतेस"font-weight: 400;"> यावर दीप्तीने अगदी सडेतोडपणे सांगितले की, ‘माझा प्रत्येक गोष्टीकडे बघण्याचा दृष्टीकोन खूप वेगळा आहे. तुम्ही स्वतःला कसे एखाद्यासमोर प्रेझेंट करता ते महत्त्वाचं आहे. आलेल्या कोणत्याही अडचणी मी संकट आहे या दृष्टीने पाहिलंचं नाही. आणि जर ग्रुपीझम आहे असं आपण मान्य केलं तर आहे, पण तुम्ही जर काम चांगलं करत असाल तर तुमच्यापर्यंत ते काम येणारच अशा मताची मी आहे. तुम्हाला तिथपर्यंत पोहचायचं आहे तर त्याप्रमाणे तुम्हाला काम करायचं आहे. तुम्ही काम करताना प्रामाणिकपणे करा आणि त्यामुळे मला कधी कामाचा त्रास झाला नाही. मी कायम कामाचा विचार केला आणि त्यानुसार काम करत गेले. तुम्ही तुमच्या कामात इंप्रूव्ह करणं हा तुमचा संघर्ष असायला हवा असं मला वाटतं’

Sun Marathi Serial: अनुप्रियाच्या आयुष्यात येणार नवं पात्र; निरंजन कुलकर्णीची मालिकेत एन्ट्री, भूमिकेमागे दडलंय रहस्य

सोशल मीडियाकडे तुझा पाहण्याचा दृष्टीकोन काय आहे"font-weight: 400;">यावर दीप्ती हसून म्हणाली की, ‘आधी मला खूप बोअरिंग वाटायचं, पण ही काळाची गरज आहे. हे मला आता पटलंय. रील पोस्ट करा असं सांगितल्यावर मला आधी वाटायचं की, हे कशाला करा. पण आता कळतंय की प्रेक्षकांना BTS पहायला आवडतं. मला खरंतर पर्सनल आणि प्रोफेशनल लाइफ वेगळं ठेवायला आवडतं. पण काळानुसार आता थोडीशी अॅक्टिव्ह झाले आहे. ट्रोलिंग पण झालंय. पण Any publicity is good publicity. काही झालं तरी प्रेक्षकांपर्यंत पोहचतंय ते ठीक आहे. अभिनेत्री असल्यामुळे काही चुकीच्या गोष्टी छापल्या जातात. पण त्याकडे दुर्लक्ष करणं महत्त्वाचं आहे, असं मला वाटतं.’

कलाकारांना चौकटीत बांधलं जातं तेव्हा राग येतो का"font-weight: 400;"> ‘आपण स्वतःला तसं बांधून घेतो. वेस्टर्न आऊटफिटमध्ये दाखवायचं आहे तर तुमचे शरीर तसं असायला हवं. फिटनेस तसा असायला हवा. पण हे माझं मत आहे. बरेचदा पात्रांसाठी चौकट असते, हे मला मान्य आहे. मला कलाकार म्हणून रिस्क घ्यायला आवडते. तुम्ही प्रयत्न करा ती चौकट मोडा. फिटनेस लेव्हलची काळजी घेणं गरजेचे आहे. तुम्हाला जर एक्सपरिमेंट करायचं असेल तर चांगल्या पद्धतीने करा असं मला वाटतं.

आपल्याला जे आवडतं ते आपण केलंच पाहिजे. आयुष्य खूप लहान आहे असं वाटतंय. आपण स्वतःला जर आनंदी आणि समाधानी ठेवलं ना तर त्याचा पुढे त्रास नाही होत. हे मी केलं नाही ते मी केलं नाही हे मनात रहायला नको. प्रत्येकाला आपल्या मर्यादा माहीत असतात. रिग्रेट राहण्यापेक्षा ती गोष्ट करून घ्यायला पाहिजे.’

स्त्री म्हणजे अष्टभुजा असं म्हटलं जातं. पण सर्व पातळीवर काम करताना शारीरिक आणि मानसिक थकवा येतोच. तू हे कशा पद्धतीने हाताळतेस"font-weight: 400;"> यावर दीप्ती पटकन म्हणाली की, ‘मालिका संपल्यावर मला कदाचित दीड महिना झोप लागेल. पण यासगळ्यात मेडिटेशन नेहमी मदत होते. सध्या मी खूपच थकतेय. दुसरं म्हणजे थकवा जाण्यासाठी म्युझिक ऐकते.

मी स्वतःला प्रिपेअर केलं आहे, माझं काम चालणारच आहे. मेंटली खूप स्ट्राँग केलंय आणि स्वतःला मी सांगते आणि ग्रेटफुल असणं खूप गरजेचे आहे. सासऱ्यांनी सांगितलं होतं की, ‘काम कधी सोडू नकोस. हे तुझं काम तुला आनंद देतं कारण ते तुझं पॅशन आहे’ त्यांना खूप अभिमान होता. माझं काम मला आवडतं, मला जर सीन चांगला नाही झाला तर रडू येतं. हे पॅशन मला मेंटली स्ट्राँग करतं. कधीकधी शरीर थकून जातं. पण आता मी काळजी घेतेय. सीनच्या मध्ये डोळे मिटून राहते. सुट्टी खूप गरजेची आहे आता मी ती मागायला लागले आहे.’

स्वतःत दुर्गा आहे हे प्रत्येक स्त्री ने कसे ओळखावे"font-weight: 400;"> यावर दीप्ती म्हणाली की, ‘कलाकार असणं हे एक ब्लेसिंग आहे. अभिनेत्री म्हणून प्रत्येक भूमिका करताना मला असं वाटतं की ही भूमिका करू शकते. अडचणी आल्या की कसं त्यातून बाहेर पडता येतं हे त्यातून कळतं. वयानुसार तुम्ही शिकत जाता. त्यातूनच आपल्याला आपल्यातील स्त्री शक्ती कळते आणि त्यानुसार ती शक्ती काम करवून घेते असं मला वाटतं’

Sun Marathi Serial: ‘मी संसार माझा रेखिते’मध्ये शनायाच्या भूमिकेत ‘या’ अभिनेत्रीची एन्ट्री; अनुप्रियाच्या संसारात येणार मोठं वादळ

मुलींनी दुर्गेचं रुप घेणं किती महत्त्वाचं आहे असं तुला वाटतं"font-weight: 400;">यावर दीप्तीने आपलं मत व्यक्त करत भावना स्पष्ट शब्दात व्यक्त केली, ‘सध्या मालिकेत जे चालू आहे ते प्रेक्षकांपर्यंत पोहचणं अत्यंत गरजेचे आहे. जे काही आपल्याला सोशल मीडियावर पहायला वा ऐकायला मिळतं तो राग आहेच आणि तो सर्व राग मी तो अॅक्शन सिक्विन्स करताना निघतो. गप्प बसणं योग्य नाही. एक स्त्री म्हणून हे करताना खूपच त्रास होतो. सीन करतानाही त्रास होतो. कुठल्याही स्त्री च्या बाबतीत हे घडूच नये. मला खूपच त्रास होतो कारण मी स्वतः एक मुलीची आई आहे. कुठेतरी हा संदेश जायला हवा. चुकीच्या गोष्टीबाबत जागरुकता येणं गरजेचे आहे. याविरुद्ध स्ट्रिक्ट कारवाई व्हायला हवी. कोणताही असा गुन्हा करताना माणसांना घाम फुटला पाहिजे, थरथली पाहिजेत.’ स्त्री शक्तीला त्रास देणाऱ्या अशा दुष्टांचा संहार आजही झालाच पाहिजे आणि त्यासाठी कायम दुर्गेच रुप घ्यावंच लागणार असं म्हणत दीप्तीने निरोप घेतला.

Navratri Special: ‘स्त्रीशक्ती म्हणजे केवळ देवीची पूजा नव्हे’; अभिज्ञा भावेने सांगितला स्त्रीत्वाचा खरा अर्थ

अमृता यादव — Mon, 12 Oct 2026 14:09:09 +05:30

Navratri Special: नवरात्रोत्सव म्हणजे आदिशक्तीचा जागर, स्त्रीत्वाचा सन्मान आणि स्त्रीशक्तीचा उत्सव. या नऊ दिवसांत देवीच्या विविध रूपांची आराधना केली जाते. मात्र, स्त्रीशक्तीचा खरा अर्थ केवळ देवीच्या पूजेपुरता मर्यादित नसून स्त्रीला समानतेने वागवणं, तिच्या विचारांचा आदर करणं आणि तिला तिच्या इच्छेनुसार आयुष्य जगण्याचं स्वातंत्र्य देणं यातही आहे. हाच महत्त्वाचा विचार ‘तारिणी’ मालिकेत कौशिकीची भूमिका साकारणाऱ्या अभिनेत्री अभिज्ञा भावे यांनी मांडला आहे.

‘स्त्रीशक्ती म्हणजे आम्हालाही समान समजा’

‘तारिणी’ मालिकेतील कौशिकी ही एक निर्भीड आणि धडाडीची मीडिया हाऊसची मालकीण आहे. स्वतःचं न्यूज चॅनल चालवणारी कौशिकी आपल्या कामातून आणि निर्णयांतून तिचं वेगळेपण दाखवते. या व्यक्तिरेखेच्या निमित्ताने अभिज्ञा भावे यांनी स्त्रीशक्ती, समाजातील स्त्रियांचं स्थान आणि स्त्रियांनी एकमेकींना समजून घेण्याचं महत्त्व यावर आपले विचार व्यक्त केले.

स्त्रीशक्तीचा अर्थ स्पष्ट करताना अभिज्ञा म्हणाल्या, “माझ्यासाठी स्त्रीशक्ती म्हणजे जेव्हा पुरुष खऱ्या अर्थाने स्त्रीचा मान ठेवतात आणि तिची शक्ती समजून घेण्याचा प्रयत्न करतात. स्त्रीशक्ती म्हणजे फक्त स्त्रियांनीच समजून घ्यायची गोष्ट नाही. पुरुषांनीही ती जपली पाहिजे. स्त्रीशक्ती म्हणजे आम्हा महिलांना आमची शक्ती दाखवायची आहे, असं नाही; तर आम्हालाही समान समजा, आम्हाला आमचं आयुष्य जसं जगायचं आहे, तसं जगू द्या, एवढंच आमचं म्हणणं आहे.”

त्या पुढे म्हणाल्या की, स्त्रीशक्तीकडे बंडखोरीच्या नजरेतून पाहण्याऐवजी समाजाने ती समजून घेण्याचा प्रयत्न केला पाहिजे. स्त्रीचा सन्मान आणि तिच्या स्वातंत्र्याचा स्वीकार हाच खऱ्या अर्थाने देवीच्या आराधनेचा महत्त्वाचा भाग असल्याचंही त्यांनी अधोरेखित केलं.

एका स्त्रीने दुसऱ्या स्त्रीला समजून घेणं गरजेचं

स्त्रीशक्तीचा विचार मांडताना अभिज्ञा भावे यांनी महिलांमधील परस्पर सहकार्याचं महत्त्वही सांगितलं. समाजात स्त्रियांना अनेक आव्हानांचा सामना करावा लागतो. अशा परिस्थितीत महिलांनी एकमेकींच्या पाठीशी उभं राहणं आवश्यक असल्याचं त्यांचं मत आहे.

याविषयी बोलताना अभिज्ञा म्हणाल्या, “मला असं वाटतं की आजच्या काळात सगळ्यात मोठी गरज आहे ती एका स्त्रीने दुसऱ्या स्त्रीला समजून घेण्याची. आपल्या विरोधात पूर्ण समाज आहे, त्यात आपणही विभागलो गेलो, तर आपलंच जगणं कठीण होऊन जाईल. त्यामुळे एकमेकींना किमान समजून घेण्याचा प्रयत्न तरी केला पाहिजे.”

एखादी स्त्री ठरावीक चौकटीबाहेर जाऊन आयुष्य जगत असेल, तर तिच्याकडे नकारात्मक नजरेने पाहिलं जातं. अशा मानसिकतेत बदल होण्याची गरज असल्याचंही त्यांनी सांगितलं. घर, व्यवसाय, शिक्षण किंवा समाजातील कोणतंही क्षेत्र असो, प्रत्येक स्त्रीला दुसऱ्या स्त्रीचं सहकार्य मिळणं महत्त्वाचं आहे, असं अभिज्ञा यांनी स्पष्ट केलं.

Marathi Movie: प्रेम, लग्न आणि नात्यांमधील ट्विस्ट! पूजा सावंत-अभिजीत खांडकेकरच्या ‘लग्न आणि बरंच काही’चा ट्रेलर प्रदर्शित

‘आव्हानांना सामोरं जाऊन जगणं, हीच स्त्रीशक्ती’

स्त्रीशक्तीचा अनुभव केवळ एखाद्या खास दिवसापुरता किंवा सणापुरता मर्यादित नसतो. तो रोजच्या जगण्यातून जाणवत असतो, असं अभिज्ञा यांना वाटतं. स्त्रीला अनेकदा प्रत्येक निर्णय घेताना विविध गोष्टींचा विचार करावा लागतो. स्वतःच्या सुरक्षिततेपासून ते सामाजिक अपेक्षांपर्यंत अनेक आव्हानांचा सामना करत ती आपलं आयुष्य जगत असते.

याबाबत अभिज्ञा म्हणाल्या, “‘देवीशक्ती’ किंवा ‘स्त्रीशक्ती’चा अनुभव प्रत्येक क्षणी येत असतो. आजच्या जगात कोणताही निर्णय घेताना पुरुषाला ज्या गोष्टींना सामोरं जावं लागतं, त्यापेक्षा जास्त आव्हानांना स्त्रीला सामोरं जावं लागतं, असं मला वाटतं. स्त्रीला खूप सगळं सांभाळून, दबकून, खूप खोलवर विचार करून आणि प्रत्येक गोष्टीचं मोजमाप करून आयुष्य जगावं लागतं. तरीही ती जगते, आम्ही जगतो, हीच माझ्यासाठी स्त्रीशक्ती आहे.”

भीती आणि अनेक विचार मनात असूनही आयुष्यात आनंद शोधत पुढे जाणं, हेच स्त्रीशक्तीचं सुंदर उदाहरण असल्याचंही त्यांनी सांगितलं.

नवरात्रोत्सव साधेपणाने साजरा करणं पसंत

नवरात्रोत्सवाच्या परंपरांविषयी बोलताना अभिज्ञा भावे यांनी आपल्या घरातील साध्या सेलिब्रेशनविषयीही सांगितलं. त्यांच्या घरी नवरात्रीत कोणतंही मोठं सेलिब्रेशन होत नाही. देवीचं दर्शन घेणं, देवीचे देखावे पाहणं आणि घरातील देवीची पूजा करणं, अशा साध्या पद्धतीने त्या हा सण साजरा करतात.

आपल्या नवरात्रोत्सवाविषयी अभिज्ञा म्हणाल्या, “तसं पाहायला गेलं तर आमच्या घरात नवरात्रीचं काही विशेष सेलिब्रेशन नसतं. देवीच्या दर्शनाला जाणं, देवीचे देखावे पाहणं असं असतं. गरबा खेळण्यात मला फारसा रस नाही. त्यामुळे नवरात्र माझ्यासाठी घरातल्या देवीची शांत, साधी आणि सोपी पूजा करण्यापुरतंच असतं. पण या सणातून मला प्रसन्नता मिळते.”

Madhu Kambikar Death: ज्येष्ठ अभिनेत्री मधु कांबीकर काळाच्या पडद्याआड, वयाच्या ७३व्या वर्षी घेतला अखेरचा श्वास

स्त्रीचा सन्मान हाच स्त्रीशक्तीच्या उत्सवाचा खरा अर्थ

नवरात्रोत्सवाच्या निमित्ताने अभिज्ञा भावे यांनी मांडलेले विचार स्त्रीशक्तीकडे पाहण्याचा महत्त्वाचा दृष्टिकोन समोर आणतात. स्त्रीशक्ती म्हणजे केवळ सामर्थ्याचं प्रदर्शन नव्हे, तर समानतेचा आदर, स्वतःच्या इच्छेनुसार आयुष्य जगण्याचं स्वातंत्र्य आणि एकमेकींना समजून घेण्याची भावना होय.

देवीची आराधना करताना आपल्या आजूबाजूच्या स्त्रियांचाही सन्मान करणं, त्यांच्या निर्णयांचा आदर करणं आणि गरजेच्या वेळी त्यांच्या पाठीशी उभं राहणं, यातूनच स्त्रीशक्तीचा खरा उत्सव साजरा होऊ शकतो. ‘तारिणी’ मालिकेतील कौशिकीच्या भूमिकेतून प्रेक्षकांसमोर येणाऱ्या अभिज्ञा भावे यांनी नवरात्रीच्या निमित्ताने हाच विचार मांडला आहे.

Aai Tuljabhavani Serial: टेलिव्हिजन विश्वात तंत्रज्ञानाचा नवा आविष्कार; ‘आई तुळजाभवानी’ मालिकेत AI-VFX मधून साकारलं देवीचं रूप

अमृता यादव — Mon, 12 Oct 2026 08:30:57 +05:30

Aai Tuljabhavani Serial: कलर्स मराठीवरील लोकप्रिय ‘आई तुळजाभवानी’ मालिकेत सध्या नवनवीन घडामोडी पाहायला मिळत आहेत. मालिकेत बालशौर्याचा नवा प्रवास उलगडणारी ‘तुळजाची बालसेना’ प्रेक्षकांच्या भेटीला आली आहे. नवरात्रोत्सवाच्या विशेष भागात आई तुळजाभवानी आपल्या भक्तांना धैर्य, एकजूट आणि संकटांचा सामना करण्याची प्रेरणा देताना दिसणार आहे. विशेष म्हणजे, यंदा AI आणि VFX तंत्रज्ञानाच्या मदतीने देवीचे दिव्य, तेजस्वी आणि भव्य रूप साकारण्यात आले आहे.

असुरिकेच्या मायावी शक्तीचे बालसेनेसमोर आव्हान

असुरिकेशी झालेल्या संघर्षात पद्मावर हल्ला झाल्यानंतर बालटोळी घाबरली आहे. ‘असुरांशी लढणं आपलं काम नाही,’ असं म्हणत ही बालसेना हतबल झालेली दिसते. दुसरीकडे, महादेवांच्या लीलेने गुहेत बंदिस्त असलेली असुरिका ब्रह्मदेवांच्या वरदानामुळे पुन्हा प्रकट झाली आहे. त्यामुळे बालरूपातील तुळजाई आणि तिच्या बालसेनेसमोर मोठे आव्हान उभे राहिले आहे.

असुरिकेने रचलेल्या मायावी लीलेत भव्य मायावी महाल, कपटी मायाजाळ आणि दैवी शक्तींचा थरार पाहायला मिळणार आहे. या संकटाचा सामना करताना तुळजाई आणि तिची बालसेना कोणती युक्ती लढवणार, हे पाहणे रंजक ठरणार आहे. अत्याधुनिक VFX तंत्रज्ञानाच्या साहाय्याने साकारलेला हा कथाभाग प्रेक्षकांना पौराणिक विश्वाचा भव्य अनुभव देणार आहे.

AI तंत्रज्ञानातून साकारले आई तुळजाभवानीचे दिव्य रूप

यंदाच्या नवरात्रोत्सवात मालिकेत आई तुळजाभवानीचे तेजस्वी आणि अलौकिक रूप पाहण्याची संधी प्रेक्षकांना मिळणार आहे. पारंपरिक आभूषणांनी सजलेली देवी, तिच्या हातातील शंख, कमळ, गदा, त्रिशूळ, तलवार आणि सुदर्शन चक्र यांची भव्यता या विशेष सादरीकरणातून अधोरेखित करण्यात आली आहे.

प्रत्यक्ष चित्रीकरणाला AI तंत्रज्ञानाची जोड देऊन देवीचे रूप साकारण्यात आले आहे. दिव्य प्रकाशकिरणांनी उजळलेली आणि प्रसन्न मुद्रेने खुललेली देवीची प्रतिमा प्रेक्षकांना जणू प्रत्यक्ष गाभाऱ्यात उभे राहून दर्शन घेत असल्याचा अनुभव देण्याचा प्रयत्न करते.

New Marathi Song: महाराष्ट्राच्या मातीतून मेक्सिकोपर्यंत! स्वॅगर बॉय आणि फ्रीबोटचं ‘नाच ना’ गाणं प्रदर्शित

देवीचे भव्य रूप साकारण्यासाठी टीमने घेतले तीन दिवस

मालिकेचे VFX दिग्दर्शक प्रदीप भगत यांच्या मार्गदर्शनाखाली VFX आणि AI तंत्रज्ञानाच्या मदतीने हे विशेष सादरीकरण तयार करण्यात आले आहे. देवीच्या रूपातील बारकावे आणि तिच्या आयुधांची भव्यता ३६० अंशांतून दाखवण्यासाठी टीमला एकूण तीन दिवस लागले.

AI तंत्रज्ञान प्रत्येक वेळी नवीन आणि वेगळी प्रतिमा तयार करत असल्याने देवीच्या रूपात एकसंधता राखणे आणि त्यातील मूळ दैवी भाव कायम ठेवणे हे टीमसमोर मोठे आव्हान होते. त्यासाठी प्रत्यक्ष चित्रीकरण, पारंपरिक 3D तंत्रज्ञान, VFX आणि AI यांचा एकत्रित वापर करण्यात आला.

Megha Dhade Daughter New Movie: मेघा धाडेच्या लेकीची मनोरंजनविश्वात एन्ट्री! थेट गणेश आचार्य यांच्या बायोपिकमध्ये मिळाली संधी

कधी आणि कुठे पाहता येणार ‘आई तुळजाभवानी’?

नवरात्रोत्सवाच्या निमित्ताने ‘आई तुळजाभवानी’ मालिकेत भक्ती, बालशौर्य आणि आधुनिक तंत्रज्ञानाचा अनोखा संगम पाहायला मिळणार आहे. देवीचे भव्य रूप आणि असुरिकेच्या मायावी शक्तींशी होणारा संघर्ष अनुभवण्यासाठी पाहायला विसरू नका ‘आई तुळजाभवानी’, रात्री ८.५० वाजता, फक्त कलर्स मराठीवर.

Exclusive: ‘महिलेने सुपरवुमन होण्याची गरज नाही, स्वतःवर प्रेम…’, अदिती सारंगधरने दुर्गेच्या नवरुपांची व्यक्त केली संकल्पना

दिपाली नाफडे — Mon, 12 Oct 2026 07:45:48 +05:30

Exclusive: झी मराठीवरील ‘सनई चौघडे’ या मालिकेत सध्या जय आणि शरू एकमेकांच्या प्रेमात पडल्याची जाणीव होत आहे आणि यामुळे सर्वात जास्त परिणाम होणार आहे तो म्हणजे जयची आई तेजस्विनीवर. ही भूमिका अदिती सारंगधर साकारत असून आई म्हणून ती नक्की या आहे आणि नवरात्रीच्या निमित्ताने आईमधील देवीचे रुप, महिलांनी नक्की स्वतःला कसं आजच्या जगात शक्तीशाली ठेवावं आणि आपल्यातील शक्ती कशी ओळखावी याबाबत अदितीने ‘नवराष्ट्र’शी खास गप्पा मारल्या आहेत.

नवरात्रीमध्ये आपण देवीच्या नऊ रूपांची पूजा करतो. तुझ्या मते एका स्त्रीमध्ये या शक्तींचे प्रतिबिंब कसे दिसते"font-weight: 400;"> असं विचारल्यावर नेहमीप्रमाणे खूप विषयांचा अभ्यास असल्यामुळे अदितीने आपले परखड मत मांडले, ती म्हणाली, ‘ज्या देवींना आपण विविध नावांनी पूजतो, तिची अनेक रूपं असतात आणि देवीची ही सर्व रुपं सौम्य, लाघवी, रागीट स्त्री मध्ये प्रत्येकाला वेगवेगळ्या रुपात नक्कीच दर्शन दिसतात. देवीची ही रुपं म्हणजे स्त्रीच्या भावना आणि या भावना वेळोवेळी बाहेर येणं गरजेचे आहे.’

पुढे अदिती म्हणाली की, ‘नवदुर्गा म्हणजे ९ रसाच्या नऊ भावना. अनेकदा या भावना महिला एक्स्प्रेस करायला कचरतात. पण मनातून ती मोकळी होणं गरजेचे आहे. पारंपरिक खेळांमध्ये खेळला जाणारा भोंडला, गरबा, दांडिया हे सर्व या भावना व्यक्त करण्यासाठी आहे. या सर्व रूपांंमध्ये तिच्या भावना दडलेल्या आहेत. पूर्वीच्या काळी महिलांसाठी घराचा उंबरठा ओलांडणं हे त्रासदायक होतं आणि या कोणत्या तरी मार्गाने तिने घराबाहेर येण्यासाठी सण निर्माण झाले. मेंटल हेल्थ आता खूप जागरूकपणाने बोलतो पण आधी ती संकल्पना नव्हती. पूर्वी जेव्हा बायका घरात बांधल्या गेल्या होत्या. हा काही तासांचा आनंद मिळाला की वर्षभर त्या हा आनंद घेऊन जगत होत्या. माझ्यासाठी ही नऊ देवीची ९ रुपं अशाच पद्धतीने प्रतिबिंबित होतात’

Sanai Chaughade: अखेर शरुच्या मनात प्रेमाची चाहूल! जय-रावीची ट्रिप ठरली कारण? मॅकसमोर शरुने दिली प्रेमाची हिंट

आई ही आपल्या मुलांसाठी दुर्गेसारखी शक्तिशाली आणि अन्नपूर्णेसारखी मायेची असते. देवीच्या या रूपांकडे तू कसे पाहतेस"font-weight: 400;"> असं म्हटल्यावर अदिती पटकन म्हणाली की, ‘आताच्या आई या अत्यंत रड्या आहेत असं मला वाटतं. कारण पूर्वी इतकी मूल सांभाळली जायची, पण हे अर्थात वाईट अर्थाने नाही. धावपळीच्या जगात आपण एकच मूल जन्माला घालतो आणि त्यामुळे प्रत्येक आई आपल्या मुलांसाठी नेहमी पझेसिव्ह असते.’

यापुढे जाऊन अदिती असंही म्हणाली की, ‘जर योग्य वयात लग्न आणि मूल झालं नाही तर भावनांचा विश्वकल्लोळ होतो असं मला वाटतं आणि त्यामुळे हा समतोल साधताना नक्कीच दमछाक होते. माझ्यातल्या दुर्गेला असं वाटतं की सनई चौघडे मालिकेतील तेजस्विनी भूमिका साकारताना, जय, गौतम आणि साक्षी ही माझी मूलं आहेत आणि ती त्यानुसार वागत आहे. सोसायटीच्या दृष्टीने चुकीचं असेल पण आईच्या दृष्टीने ते नक्कीच चुकीचं नाही.

‘आई म्हणून जगताना ही सर्व रुपं पहावी लागतात. प्रत्येक आई ही मुलाच्या बाबतीत पझेसिव्ह असते आणि सासू होणार हे लक्षात आल्यावर आनंद होतोच पण आपला मुलगा आपल्यापासून दूर जाणार हे फिलींग नक्कीच वेगळं आहे. पण प्रत्येक आईची इनसिक्युरीटीचं प्रमाण वेगवेगळं असतं. व्यक्त होण्याची पद्धतही वेगळी आहे. मी जेव्हा तेजस्विनी ही भूमिका साकारत आहे तर मला आई म्हणून ती तिच्या जागी योग्य वाटते. लोकांना ती चुकीची वाटत असली तरीही आईच्या दृष्टीने मात्र ती अत्यंत योग्य आहे. दुर्गेचं तिचं रुप कोणतं आहे ते लवकरच कळेल.’

आजच्या काळातील स्त्रीसमोर घर आणि करिअर यांचा समतोल साधण्याचे मोठे आव्हान आहे. त्याबद्दल तुझं मत काय"font-weight: 400;"> या प्रश्नावर अदिती म्हणाली की, ‘सनई चौघडेचं शूट ८-१० दिवसच शूट करते. मी मुलासाठी जो वेळ आहे तो त्याला योग्य पद्धतीने देते. कारण तो सध्या माझं प्राधान्य आहे. आता कामासाठी स्वतःला खूप जास्त प्रमाणात त्रास देऊ शकत नाही. स्वयंपाक करायला आवडतो म्हणून तो करायला जर आता जमत नसेल तर ते करण्याची आता गरज नाही वाटत.

मला सुपरवुमन बनायचं आहे या टॅगमागे स्वतःकडे दुर्लक्ष करणं हे खूपच चुकीचं आहे असं मला वाटतं. जास्तीत जास्त वेळ नवरा आणि मुलगा देण्याचा प्रयत्न करते. माझा आनंद कशात आहे हे आता जास्त महत्त्वाचं वाटतं. त्यामुळे जर माझ्याकडे पर्याय आहेत, तर घर आणि करिअर सांभाळताना चिडचिड कमी करणं, डाएट करणं, स्वतःकडे लक्ष देणं हे तितकंच महत्त्वाचं आहे आणि त्यासाठी लागणारे पर्याय मी निवडणं जास्त गरजेचे आहे असं मला वाटतं.’

‘सनई चौघडे’मुळे पुन्हा बहरली मेघना एरंडे जोशी-अदिती सारंगधर यांची कॉलेजमधील मैत्री

स्त्रीने स्वतःसाठी जगणे आणि स्वतःच्या स्वप्नांना प्राधान्य देणे किती महत्त्वाचे आहे"font-weight: 400;">यावर अदिती पटकन म्हणाली की, ‘मला हे अत्यंत महत्त्वाचं आहे असं वाटतं. पूर्वीच्या काळातली माणसं ग्रेट होती. पण ते जगले म्हणून आपण जगायला पाहिजे असं मला अजिबात नाही वाटत. आपण आपल्याला जे हवं ते करायला मोकळे आहोत. प्रत्येक महिलेने स्वतःसाठी जगणं आणि स्वतःच्या स्वप्नांना बळकटी द्यायलाच हवी.’

या नवरात्रीत महिलांना आणि त्यांच्या कुटुंबीयांना तुम्हाला कोणता संदेश द्यावासा वाटतो"font-weight: 400;">मला प्रत्येक महिलेला हेच सांगावं वाटतं की, स्वतःकडे लक्ष द्या, स्वतःवर प्रेम करायला शिकलात तर तुम्ही सर्वांना योग्य पद्धतीने सांभाळू शकता. तुम्ही जर स्वतः त्रासात असाल तर दुसऱ्यांनाही आनंदी नाही ठेऊ शकत. कुठल्यातरी व्याधींच्या रूपात आपल्या भावना बाहेर निघतात. भावनांचा निचरा न झाल्यास हे आजार होतात. त्यामुळे स्वतःवर प्रेम करा आणि नको असणाऱ्या गोष्टींना बाहेर काढून या नवरात्रीच्या निमित्ताने प्रत्येक महिलेने स्वतःची काळजी ही घ्यायलाच हवी असं मी आवर्जून सांगेन’

एका शब्दात तुझ्यासाठी मातृत्व म्हणजे काय"font-weight: 400;">– Irreplaceable, मातृत्व हे कधीच पैशाने विकत घेता येत नाही. आईची जागा दुसरी कोणीच कधीच घेऊ शकत नाही असं मला वाटतं. अदितीने आपली मतं परखडपणे आणि स्पष्ट मांडत नवरात्रीसाठी सर्वांना शुभेच्छा दिल्या आणि सनई चौघडे आवर्जून बघा हे सांगायलाही ती विसरली नाही.

Suruchi Adarkar: मुलगी झाली हो! सुरुची अडारकर-पियुष रानडे झाले आई-बाबा; घटस्थापनेच्या दिवशी दिली गुडन्यूज

अमृता यादव — Sun, 11 Oct 2026 13:43:01 +05:30

सुरुचीने शेअर केली आनंदाची बातमी

मराठी कलाकारांनी केला शुभेच्छांचा वर्षाव

डिसेंबर २०२३ मध्ये थाटला होता संसार

Suruchi Adarkar : मराठी मनोरंजनविश्वातून एक आनंदाची बातमी समोर आली आहे. लोकप्रिय अभिनेत्री सुरुची अडारकर आणि अभिनेता पियुष रानडे आई-बाबा झाले आहेत. सुरुचीने एका गोंडस मुलीला जन्म दिला असून, ही आनंदाची बातमी त्यांनी सोशल मीडियाच्या माध्यमातून चाहत्यांसोबत शेअर केली आहे. विशेष म्हणजे, घटस्थापनेच्या शुभदिनी ही गोड बातमी समोर आल्याने चाहत्यांचा आनंद द्विगुणित झाला आहे.

‘आम्हाला मुलगी झाली आहे’; सुरुचीने शेअर केली आनंदाची बातमी

सुरुची अडारकरने सोशल मीडियावर खास पोस्ट शेअर करत चाहत्यांना ही आनंदाची बातमी दिली. या पोस्टमध्ये तिने लिहिले, “खूप आनंदाने आणि अभिमानाने संपूर्ण जगाला हे कळवण्यास आनंद होत आहे की आम्हाला मुलगी झाली आहे.”

या पोस्टसोबतच सुरुचीने आपल्या भावना व्यक्त करत म्हटले, “टीममध्ये आम्ही दोघेच होतो. आता आयुष्याने आम्हाला आमचा सर्वात सुंदर सहकारी दिला आहे.” या खास शब्दांत तिने आपल्या आयुष्यात आलेल्या नव्या पाहुणीचं स्वागत केलं आहे. अभिनेत्रीच्या या पोस्टवर चाहत्यांकडून आणि मनोरंजनविश्वातील कलाकारांकडून अभिनंदनाचा वर्षाव होत आहे.

Sheetal Upare Bollywood Entry: मॉडेलिंग, अभिनय ते पटकथालेखन; आता अभिनेत्री शीतल उपारेची बॉलिवूडमध्ये एन्ट्री

मराठी कलाकारांनी केला शुभेच्छांचा वर्षाव

सुरुची आणि पियुष यांच्या घरी चिमुकल्या परीचं आगमन झाल्याची बातमी समोर येताच अनेक कलाकारांनी आनंद व्यक्त केला आहे. अभिनेत्री नम्रता संभेरावने ‘वोहाे’ अशी कमेंट करत हार्ट इमोजी शेअर केले आहेत. तर अभिनेत्री श्रेया बुगडेने, “माय बेबीज, गॉट अ बेबी. हॅपी अत्तू,” अशी कमेंट करत आपला आनंद व्यक्त केला.

याशिवाय ऐश्वर्या नारकर, अद्वैत दादरकर, शर्वरी कुलकर्णी, कश्मिरा कुलकर्णी, नंदिता पाटकर, अक्षया गुरव, पल्लवी वैद्य, मेघना एरंडे, अभिजीत खांडकेकर आणि गिरिजा प्रभू यांसह अनेक कलाकारांनी सुरुची आणि पियुष यांचं अभिनंदन केलं आहे. अभिनेता अधोक्षज कऱ्हाडेनेही, “खूप अभिनंदन. नवरात्रीच्या पहिल्याच दिवशी मुलगी झाली. आई दुर्गेचा आशीर्वाद,” अशी कमेंट केली आहे.

View this post on Instagram

डिसेंबर २०२३ मध्ये थाटला होता संसार

सुरुची अडारकर आणि पियुष रानडे यांनी डिसेंबर २०२३ मध्ये लग्नगाठ बांधली होती. आता त्यांच्या आयुष्यात चिमुकल्या परीचं आगमन झाल्याने या जोडप्याच्या आनंदात भर पडली आहे. आई-बाबा झाल्याची गोड बातमी शेअर केल्यानंतर चाहत्यांकडून या नव्या कुटुंबावर शुभेच्छांचा वर्षाव होत आहे.

Nushrratt Bharuccha Health Update: ‘पिक्चर अभी बाकी..’, अपघातानंतर नुसरतची पहिली पोस्ट चर्चेत; शस्त्रक्रियेनंतर लिहिला खास मेसेज

Exclusive: ‘वाईट प्रवृत्ती कितीही शक्तिशाली असली तरी…’, सुनील गोडसे साकारणार स्वामींच्या भूमिकेत जागर शक्तीचा

दिपाली नाफडे — Sun, 11 Oct 2026 07:16:13 +05:30

Exclusive: कलर्स मराठीवरील ‘जय जय स्वामी समर्थ’ या मालिकेत ‘जागर शक्तीचा – महिमा स्वामींचा’ या विशेष भागात स्वामी एका बाजूला स्त्रीशक्तीला संघर्षासाठी प्रवृत्त करत आहेत आणि दुसरीकडे रणजीतसारख्या महिषासुरी प्रवृत्तीला खडे बोल सुनावत आहेत. प्रेक्षकांसाठी ही मालिका म्हणजे एक पर्वणी आहे. देवीच्या नऊ रूपांचा भास व स्वामींची लीला: या विशेष पर्वात देवीच्या नऊ रूपांच्या पार्श्वभूमीवर स्वामींचा हा प्रवास उलगडताना दाखविण्यात येणार आहे. नवरात्रीनिमित्ताने स्वामींची भूमिका साकारणारे सुनील गोडसे यांच्याशी ‘नवराष्ट्र’ने खास गप्पा मारल्या आणि जाणून घेतले त्यांचे अनुभव.

हा तीव्र संघर्ष आणि मालिकेतील हा टप्पा अभिनेता म्हणून तुमच्यासाठी किती आव्हानात्मक आणि वेगळा ठरला आहे"font-weight: 400;"> असं विचारल्यावर सुनील गोडसे यांनी सांगितले की, ‘या मालिकेतील प्रत्येक भाग हा खूप महत्वाचा असतो. पण ‘जागर शक्तीचा – महिमा स्वामींचा’ हे अधिक महत्त्वाचं वाटतं कारण महिलांमधील स्त्री शक्ती जागृत करण्यासाठी, आत्मविश्वास जागा कऱण्यासाठी आपण हे भाग प्रसारित करत आहोत. अनादी काळापासून स्त्री वर जुलूम करणारे महिषासुर हे निर्माण झालेच आहेत. हा भाग माझ्याकरिता खूप महत्त्वाचा आणि वेगळा आहे’

Swami Samarth Story: श्री स्वामी समर्थांच्या आत्मलिंग पादुकांचा अद्भुत इतिहास; जाणून घ्या मठाचे धार्मिक महत्त्व

जेव्हा तुम्ही पडद्यावर हा स्त्रीशक्तीचा जागर आणि स्वामींची ही करारी भूमिका साकारता, तेव्हा प्रत्यक्ष सेटवर तो माहूर किंवा अक्कलकोटच्या लीलेचा अनुभव कसा असतो"font-weight: 400;"> यावर उत्तर देताना सुनील गोडसे म्हणाले की, ‘हा अनुभव खूपच सुंदर असतो, विशेषतः माहुर किंवा अक्कलकोट असं सांगण्यापेक्षा सेटवर पीडित महिला येतात तेव्हा सादर करताना वेगळा अनुभव येतो. आपण काहीतरी वेगळं करतोय म्हणण्यापेक्षा स्वामी आपल्याकडून करून घेत असल्याचं वाटतंय. नवरात्रीच्या निमित्ताने हा अनुभव घेता येत आहे’

स्वामींच्या भूमिकेतून प्रेक्षकांच्या भेटीला आल्यापासून तुम्हाला मिळालेला लोकांचा प्रतिसाद आणि जेव्हा चाहते तुम्हाला प्रत्यक्ष भेटतात तेव्हा होणारा भावनिक अनुभव कसा आहे"font-weight: 400;">असं विचारल्यावर सुनील गोडसे म्हणाले की, ‘अवर्णनीय हा एकच शब्द याला पुरेसा आहे. कारण मी जेव्हापासून या मालिकेत काम करायला सुरूवात केली ना तेव्हापासून बाहेर कुठेही असलो तरी प्रेक्षकांचा मला मिळणारा प्रतिसाद हा अवर्णयीन आहे. अंगावर काटा येतो, ती भूमिका करताना आम्ही तुमच्यात स्वामी बघतो असं म्हणून महिला पाया पडतात. मी जे काम करतोय त्याची पावती मिळत आहे असं वाटतं आणि या कामाचं वेगळं समाधान मिळतंय.’

नवरात्रीच्या या पर्वातून रणजीतसारख्या शक्तींचा अंत आणि विजयादशमीच्या सीमोल्लंघनाचा जो संदेश दिला जात आहे, तो आजच्या काळातील प्रेक्षकांशी कसा जोडला गेला आहे असं तुम्हाला वाटतं"font-weight: 400;"> यावर सुनील गोडसे म्हणाले की, ‘आजच्या काळातील युवकांशी तो खरंच जोडला गेलाय असं मला वाटतं. कारण ही एक खूपच महत्त्वाची गोष्ट आहे, की आपण नक्की कोणत्या गोष्टींचं सीमोल्लंघन करायचं असेल तर चांगल्या गोष्टींसाठी करून जी स्त्री शक्ती जागी होत आहे त्यामागे खंबीरपणे उभं रहायला हवं असं मला वाटतं’

अभिनेता म्हणून तो प्रवास मानसिक आणि शारीरिक पातळीवर किती कठीण आणि तितकाच ऊर्जा देणारा होता"font-weight: 400;"> ‘हा प्रवास कठीण तर नक्कीच होता पण त्याच्या दुप्पट नऊ देवींची रुपं साकारतना मला दुप्पट उर्जा मिळाली आणि प्रेक्षक मला यावर नक्की चांगला प्रतिसाद देतील अशी मला खात्री आहे आणि अगदी पुढेही काम करताना ही देवीची उर्जा मला नक्कीच उपयोगी ठरेल असा विश्वास वाटतो’ असं त्यांनी यावेळी आवर्जून सांगितलं.

रणजीतसारख्या सत्तेचा गैरवापर करणाऱ्या प्रवृत्तीविरुद्ध चार स्त्रियांना एकत्र आणून स्वामी त्यांना जो लढा द्यायला शिकवतात, तो प्रेक्षकांच्या मनावर आणि विशेषतः आजच्या पिढीवर कसा प्रभाव पाडेल"font-weight: 400;"> यावर सुनील गोडसे म्हणाले की, ‘नक्कीच चांगला प्रभाव पाडेल. कारण इथे जरी प्रतिकात्मक ४ महिला घेतल्या असल्या तरीही त्या आपल्या पिढीतील महिलांचं नक्कीच प्रतिनिधित्व करत आहेत. स्वामी जी शक्ती जागृत करत आहोत ती उर्जा प्रेक्षकांच्या मनात निर्माण होईल आणि समाज ही उर्जा चांगल्या पद्धतीने नक्कीच स्वीकारेल अशी मला खात्री आहे.’

भिऊ नकोस मी तुझ्या पाठीशी आहे… स्वामी समर्थ महाराज कधी प्रकट झाले? जाणून घ्या समर्थ कोणाचे अवतार होते

स्वामींची भूमिका करताना श्रद्धा आणि अभिनय यांच्यातील समतोल कसा साधला"font-weight: 400;"> यावर अगदी ठामपणे स्वामींवरील विश्वास दाखवत सुनील यांनी सांगितले की, ‘श्रद्धा होतीच आणि स्वामींची भूमिका करायला मिळण्याची इच्छा होती आणि ती स्वामींच्या कृपेने मिळाली आणि माझ्याकडून स्वामीच ते काम करवून घेत आहेत असं मी ठामपणे सांगेन. भावनिक म्हणाल तर प्रत्येक कलाकार हा भावनिक नसेल तर त्याला हावभावातून ते प्रेक्षकांपर्यंत पोहचवता येणार नाही. तुम्ही जेव्हा भावना प्रकट करता तेव्हा प्रेक्षक लवकर तुम्हाला स्वीकारतात आणि अशाच पद्धतीने हे आव्हान पेलल्यासारखं मला वाटतं’

वाईट प्रवृत्ती कितीही शक्तिशाली असली, तरी सत्य आणि न्यायाचा विजय होऊ शकतो, हा विचार आजच्या प्रेक्षकांसाठी किती महत्त्वाचा आहे"font-weight: 400;">यावर त्यांनी सांगितले की, ‘हा विचार खूप महत्त्वाचा असून १०० टक्के सत्य आहे. आपली महाकाव्य आहेत, त्या अभ्यासातून लक्षात येतं की, अंतिम विजय हा सत्याचाच असतो. शेवटी वाईट शक्तीचा अंत हा ठरलेला आहे आणि तो आजच्या युगातही होणार यात कोणताही वाद नाही.’

‘जागर शक्तीचा – महिमा स्वामींचा’ पाहिल्यानंतर प्रेक्षकांनी कोणता विचार सोबत घेऊन जावा"font-weight: 400;">यावर पटकन सुनील गोडसेंनी सांगितले की, ‘जागर शक्तीचा जरी असला तरीही तो खरं तर स्त्री शक्तीचा आहे. अनादी अनंत कालापासून प्रत्येकवेळी स्त्री शक्तीच जगाला तारण्यासाठी पुढे आली आहे, ती माता-भगिनी आहे आणि स्त्री शक्तीने प्रत्येकवेळी समाजाला तारून नेलंय, याबाबत माझ्या मनात तिळमात्र शंका नाही. ही स्त्री शक्ती आताच्या काळात जागृत होणं खूप गरजेचे आहे. ’

ही केवळ चार स्त्रियांची कथा नाही. ही प्रत्येक स्त्रीच्या अंतर्मनात दडलेल्या शक्तीची, आत्मसन्मानाची आणि स्वतःसाठी उभं राहण्याच्या सामर्थ्याची गोष्ट आहे! त्यामुळे हे पर्व नक्की पहा असं सांगत सुनील गोडसे यांनी प्रेक्षकांना नवरात्रीच्या शुभेच्छा दिल्या.

Mee Sansar Mazha Rekhite: आईच्या मायेचं रौद्ररूप! लेकीसाठी अनुप्रिया बनणार दुर्गा; ‘मी संसार माझा रेखिते’मध्ये महाट्विस्ट

Riddhi Vanne — Sat, 10 Oct 2026 17:40:12 +05:30

पिहूच्या कोचकडून गैरवर्तन होत असल्याचे समजताच अनुप्रिया मुलीच्या संरक्षणासाठी अन्यायाविरुद्ध उभी राहणार.

आई आणि सासूकडून धैर्याने संकटांचा सामना करण्याची शिकवण मिळाल्याचे अभिनेत्रीने सांगितले.

मी संसार माझा रेखिते’चा विशेष भाग ११ ऑक्टोबर रोजी दुपारी १ आणि रात्री ८ वाजता सन मराठीवर प्रसारित होणार.

नवरात्रोत्सवानिमित्त सन मराठीवरील ‘मी संसार माझा रेखिते’ या मालिकेत एक नवा ट्विस्ट पाहायला मिळणार आहे. मालिकेत पिहूच्या बॅडमिंटन कोचकडून तिच्याशी गैरवर्तन होत असल्याचं दिसून येत आहे. ही गोष्ट अनुप्रियाच्या लक्षात येताच ती आपल्या लेकीच्या पाठीशी खंबीरपणे उभी राहण्याचा निर्णय घेते. Mee Sansar Mazha Rekhite:
एक आई दुर्गेचं रूप

आपल्या मुलीच्या संरक्षणासाठी एक आई दुर्गेचं रूप धारण करत अन्यायाविरुद्ध कशी लढते, हे मालिकेच्या महाएपिसोडमध्ये पाहायला मिळणार आहे. अनुप्रिया कोचला धडा शिकवणार असली, तरी त्यानंतर तिच्यासमोर कोणती आव्हानं उभी राहणार, याबद्दल प्रेक्षकांमध्ये उत्सुकता निर्माण झाली आहे. या प्रोमोला प्रेक्षकांकडून चांगला प्रतिसाद मिळत असून हा महाएपिसोड ११ ऑक्टोबर रोजी दुपारी १ वाजता आणि रात्री ८ वाजता सन मराठीवर प्रसारित होणार आहे.

संपूर्ण टीमने प्रचंड मेहनत घेतली

अनुप्रियाची भूमिका साकारणारी अभिनेत्री दीप्ती केतकर म्हणाली की, ” एक आई आपल्या मुलीच्या पाठीशी कायमच खंबीरपणे उभी असते. पण वेळ आली तर ती दुर्गेचा अवतार घ्यायला पण मागे पुढे बघत नाही. असच काहीस मालिकेत पाहायला मिळणार आहे. या महाएपिसोडसाठी आमच्या संपूर्ण टीमने प्रचंड मेहनत घेतली आहे. आता पर्यंत प्रेक्षकांनी अनुप्रियाची मायाळू बाजू पाहिली पण आता तिच्या मुलीच्या संरक्षणासाठी तिची दुसरी बाजू पाहायला मिळणार आहे. ”

Dashami Marathi Movie: हातात धगधगती ज्योत, डोळ्यांत रौद्र रूप! ‘दशमी’च्या ‘चंडिका हो’ गाण्यात गौरी इंगवलेचा दमदार अवतार

समाजातील वाईट प्रवृत्ती दूर व्हाव्यात

मालिकेव्यतिरिक्त अभिनेत्रीने स्वतःच्या आयुष्यातील नवदुर्गेबद्दल सांगताना म्हणाली की, “माझ्या आयुष्यात आई आणि सासू या दोघींचंही खूप महत्त्वाचं स्थान आहे. आयुष्यात कोणताही कठीण प्रसंग आला तरी हार मानायची नाही, तर त्याला धैर्याने सामोरं जायचं, ही शिकवण मला दोघींकडून मिळाली. माझ्या स्वप्नांना त्यांनी नेहमीच पाठिंबा दिला आणि ती पूर्ण करण्यासाठी मला बळ दिलं.

प्रत्येक स्त्रीने स्वतःसाठी जगायला शिकावं

नवरात्रीनिमित्त देवीकडे मनापासून एकच गोष्ट मागावीशी वाटते की, समाजातील वाईट प्रवृत्ती दूर व्हाव्यात, प्रत्येकाने एकमेकांना समजून घ्यावं आणि आनंदाने जगावं. समाजात प्रेम, आपुलकी आणि सकारात्मकता वाढावी. याचबरोबर प्रत्येक स्त्रीने स्वतःसाठी जगायला शिकलं पाहिजे. कुटुंबाची काळजी घेताना स्वतःच्या स्वप्नांकडे दुर्लक्ष करू नये. स्वतःची ओळख निर्माण करणं आणि आपल्या आनंदाला महत्त्व देणं तितकंच गरजेचं आहे.”

Katrina Kaif London look: लंडनमध्ये कतरिना कैफचा जलवा! ट्रोलर्सची बोलती बंद, चाहत्यांनी मात्र केली ‘ही’ खास मागणी

Madhuri Dixit: दोघींची मुलं एकाच शाळेत, पण माधुरी दीक्षितने आजवर ‘या’ अभिनेत्रीसोबत केलं नाही काम! आता दिसणार एका स्क्रीनवर

Riddhi Vanne — Sat, 10 Oct 2026 13:35:17 +05:30

Madhuri Dixit And Sonali Bendre : मराठीमधला सगळ्यात मोठा शो कोण होणार करोडपती आता नव्या धगात आणि नव्या रुपात येत आहे. पहिल्यांदाच करोडपतीची संपूर्ण धुरा एका अभिनेत्रीच्या हातात दिल्या आहेत. ती दुसरी-तिसरी कोण नसून लाखो दिलों की धक धक गर्ल माधुरी दीक्षित. येत्या 12 ऑक्टोबरपासून हा शो प्रेक्षकांच्या येणार असून हा शो ती होस्ट करणार आहे. यासाठी खुद महानायक अभिताभ बच्चन यांनी माधुरी दीक्षितला या नव्या प्रवासाठी शुभेच्छा दिल्या. शोच्या पहिल्याच भागात बॉलीवूडची सुंदर अभिनेत्री सोनाली बेंद्रे येणार आहे. दोन सुंदर अभिनेत्री एकाच मंचावर येणार असल्याने प्रेक्षकांमध्ये एक उत्सुकता वाढली. Madhuri Dixit:

आजपर्यंत कधीच एकत्र काम नाही…

माधुरी आणि सोनाली यांनी अनेक सिनेमे केले. मात्र या दोघींनी कधीच एकत्र काम केलं नाही. एकत्र स्क्रिन शेअर केली नाही. ही गोष्ट दोघींनाही खटकते. सोनाली बेंद्रे सेटवर म्हणाली, “I Just Love Her! माधुरीजी जे काही करतात ते मला खूप आवडते. मी खरंच त्यांची खूप मोठी फॅन आहे. माझ्यासाठी सगळ्यात भारी गोष्ट म्हणजे माधुरी मॅमचा धाकटा मुलगा आणि माझा मुलगा दोघेही एकाच शाळेत, एकाच वर्गात आहेत. त्यामुळे आम्ही शाळेत पालक म्हणून नेहमी भेटतो. पण आता KBC च्या सेटवर भेटल्यावर आणखी छान आठवणी बनतील.”

Kon Honar Crorepati: ‘कोण होणार करोडपती’मध्ये मोठा बदल; बॉलिवूडची …

सोनालीच्या बोलण्यावर माधुरी काय म्हणाली?

माधुरी म्हणाली, “मी आणि सोनालीने खरंच आजपर्यंत एकत्र काम केले नाहीये. पण अजून उशीर झालेला नाही. आज आम्ही दोघी या मंचावर एकत्र आलो आहोत आणि हा क्षण माझ्यासाठी खूप आनंदाचा आहे.”

पुढे सोनालीने तर थेट लेखक-दिग्दर्शकांना विनंतीच केली.

ती म्हणाली, “आम्ही शाळेत भेटतो पण पडद्यावर कधीच एकत्र आलो नाही. मी माधुरीजींच्या अभिनयाची, त्यांच्या डान्सची जबरदस्त चाहती आहे. जर कोणी लेखक किंवा दिग्दर्शक आम्हाला बघत असेल तर प्लीज आम्हा दोघींसाठी एक स्क्रिप्ट लिहा. मला माधुरीजींसोबत काम करायला खूप जास्त आवडेल.”

View this post on Instagram

प्रेक्षकांना काय बघायला मिळणार?12 ऑक्टोबरपासून सुरु होणाऱ्या करोडपतीमध्ये फक्त प्रश्न-उत्तरेच नाही तर असे अनेक खास एपिसोड पण असणार आहेत. माधुरी होस्ट असल्यामुळे शोमध्ये डान्स, मस्ती आणि इमोशनल क्षण पण जास्त बघायला मिळणार आहेत.

Madhuri Dixit: फास्टेस्ट फिंगर फर्स्टचा निकाल लागताच स्टेजवर धुमाकूळ …

सोनाली बेंद्रे वाला एपिसोड हा प्रेक्षकांसाठी जणूकाही मेजवानी ठरणार आहे. दोन सुंदर अभिनेत्री पहिल्यांदाच एका मंचावर येत आहेत. दरम्यान या दोघींनी दिग्दर्शक एक खुली ऑपर दिली आहे की, प्लीज कोणीतरी एक आमच्यासाठी एक स्क्रिप्ट तयार करा.. आमच्या दोघींना एकत्र काम करायला खूप आवडेल. या दोघींच्या दिलेल्या खुल्या ऑफरला कोणता दिग्दर्शक प्रतिक्रिया देतो हे पाहणं महत्त्वाचे ठरेल.

Mohini Serial: ‘मोहिनी’मध्ये रंगणार तलवारबाजीचा थरार; समीर परांजपे आणि अनघा ठाकूरने घेतली विशेष मेहनत

अमृता यादव — Sat, 10 Oct 2026 10:20:53 +05:30

Mohini Serial: कलर्स मराठीवरील लोकप्रिय मालिका ‘मोहिनी – प्रेमाची फिल्मी कहाणी’ सध्या रंजक वळणावर आली आहे. मालिकेत प्रेक्षकांना तलवारबाजी आणि दांडपट्ट्याचा थरार पाहायला मिळणार आहे. या सीक्वेन्ससाठी कलाकारांनी पडद्यामागेही विशेष मेहनत घेतली. अभिनेता समीर परांजपे आणि अभिनेत्री अनघा ठाकूर यांनी या शूटिंगदरम्यान आलेली आव्हानं, घेतलेलं प्रशिक्षण आणि शंतनू दादाची मिळालेली मदत याबद्दल अनुभव शेअर केला. या मालिकेचे नुकतेच २०० भाग पूर्ण झाले आहेत.

तीन दिवसांचं शूटिंग, अडीच तासांची रिहर्सल!

या अ‍ॅक्शन सीक्वेन्सचं शूटिंग सलग तीन दिवस चाललं. त्याआधी फाइट मास्टर माने यांच्या मार्गदर्शनाखाली अडीच तास बेसिक रिहर्सल करण्यात आली. लाकडी तलवारी, ढाली, लाठीकाठी आणि दांडपट्टा यांसारखी ऐतिहासिक शस्त्रं हाताळण्याचा अनुभव कलाकारांसाठी वेगळा होता.

अनघा ठाकूरने सांगितलं की, क्लासिकल डान्सचा अनुभव असल्यामुळे स्टेप्सचं कोऑर्डिनेशन आणि तलवार चालवतानाचा पवित्रा समजून घेणं तुलनेने सोपं गेलं. मात्र, मुंबईतील ऑक्टोबरचा उकाडा, जड पोशाख आणि आऊटडोअर शूटिंग यामुळे हा सीक्वेन्स आव्हानात्मक ठरला. शस्त्रं हाताळताना योग्य हालचाली करणं आणि थकवा असूनही प्रत्येक स्टेप अचूक करणं आवश्यक होतं.

शंतनू दादाच्या मार्गदर्शनाचा झाला फायदा

या सीक्वेन्सच्या तयारीदरम्यान शंतनू दादाच्या अनुभवाची आणि ऊर्जेची मोठी मदत झाल्याचं समीर परांजपेने सांगितलं. पारंपरिक शस्त्रास्त्रांचं प्रशिक्षण घेताना हात-पायांच्या हालचालींमध्ये अचूक समन्वय साधणं हे मोठं आव्हान होतं. शंतनू दादाच्या अनुभवामुळे या प्रक्रियेत मदत मिळाली, असं समीरने नमूद केलं.

अनघा ठाकूरनेही शंतनू दादाच्या व्यक्तिमत्त्वाचं कौतुक केलं. त्यांच्या प्रत्येक मूव्हमधून बॉडी लँग्वेज आणि अ‍ॅटिट्यूडचं महत्त्व शिकायला मिळाल्याचं तिने सांगितलं. फाइट मास्टर माने यांच्या मार्गदर्शनाखाली ऐतिहासिक शस्त्रांची ठेवण आणि हल्ल्याचे अँगल शिकणं हा तिच्यासाठी रंजक अनुभव ठरला.

पारंपरिक युद्धकलेविषयी वाढला आदर

समीर परांजपेच्या मते, ऐतिहासिक चित्रपटासाठी पारंपरिक शस्त्रास्त्रांचं शास्त्रशुद्ध प्रशिक्षण घेणं हा खडतर पण अविस्मरणीय अनुभव होता. आधुनिक शस्त्रांच्या तुलनेत ऐतिहासिक शस्त्रं हाताळताना वेगळ्या कौशल्यांची गरज भासते. या प्रशिक्षणामुळे पारंपरिक युद्धकलेचा वारसा जपणाऱ्या कलाकारांविषयीचा आदर अधिक वाढल्याचंही त्याने सांगितलं.

Gondhal Marathi Movie: ऑस्कर २०२७ मध्ये ऐतिहासिक झेप! होम्बळे फिल्म्सच्या माध्यमातून ‘गोंधळ’ चित्रपट जगभरात प्रदर्शित होणार

काय आहे मालिकेतील रंजक वळण?

मालिकेत RK म्हणजेच समीर परांजपे याला डेंग्यू झाल्यामुळे त्याची प्रकृती खालावली आहे. मात्र, आगामी ऐतिहासिक चित्रपटाच्या शूटिंगची जबाबदारी आणि त्यावर अवलंबून असलेल्या शेकडो लोकांच्या उदरनिर्वाहाचा प्रश्न त्याच्यासमोर आहे. अशा परिस्थितीत मोहिनी त्याची काळजी घेण्यासाठी पुढे येते. महेंद्र मोहिनीच्या मदतीने RK ला तलवारबाजी आणि दांडपट्ट्याचे धडे देतो.

या भावनिक कथानकासोबतच तलवारबाजी आणि दांडपट्ट्याचे प्रसंग मालिकेत नवा थरार निर्माण करणार आहेत. कलाकारांनी घेतलेली मेहनत आणि ऐतिहासिक युद्धकलेची झलक पाहणं प्रेक्षकांसाठी विशेष ठरणार आहे.

Tanushree Dutta: ‘त्यांच्या नावावर फुटेज..’, तनुश्री दत्ताच्या नाना पाटेकरांवरील वक्तव्याने नवा वाद; रोजलीन खानचा संताप, म्हणाली..

Colors Marathi Serial: ‘मी जिंकून घेईन सारं’चे २०० भाग पूर्ण; बर्फावर अनवाणी उभी राहिली जान्हवी तांबट, सांगितला खडतर अनुभव

अमृता यादव — Wed, 07 Oct 2026 16:30:54 +05:30

Colors Marathi Serial: कलर्स मराठीवरील लोकप्रिय मालिका ‘मी जिंकून घेईन सारं’ने नुकताच महत्त्वाचा टप्पा गाठला आहे. मालिकेचे २०० भाग पूर्ण झाले असून, या प्रवासात अभिनेत्री जान्हवी तांबटने साकारलेली छवीची भूमिका प्रेक्षकांच्या पसंतीस उतरली आहे. मालिकेत छवीला सातत्याने वेगवेगळ्या संकटांचा सामना करताना पाहायला मिळतं. मात्र, प्रत्येक संकटावर मात करताना तिला तिच्या जवळच्या व्यक्तींची साथ मिळताना दिसते.

मालिकेतील काही प्रसंग कथानकाच्या दृष्टीने जितके महत्त्वाचे असतात, तितकेच ते कलाकारांसाठी पडद्यामागे आव्हानात्मक असतात. असाच एक सीन नुकताच मालिकेत पाहायला मिळाला. तात्यांकडून छवीची फेक सही घेण्यासाठी तिला चक्क बर्फाच्या लादीवर उभं करण्यात आलं होतं. पडद्यावर हा प्रसंग पाहताना प्रेक्षकांना तो कठीण वाटला असेल; मात्र हा सीन शूट करणं त्याहून अधिक आव्हानात्मक असल्याचं जान्हवी तांबटने सांगितलं.

६ ते ७ तास बर्फावर अनवाणी उभी राहिली जान्हवी

छवीची भूमिका साकारणाऱ्या जान्हवी तांबटने या अनुभवाबद्दल सांगताना शूटिंगदरम्यान आलेल्या अडचणींचा खुलासा केला. ती म्हणाली, “बर्फावर उभं राहून शूटिंग करणं माझ्यासाठी एक अत्यंत कठीण आणि आव्हानात्मक अनुभव होता. आधीपासूनच मनात थोडं दडपण होतं, कारण मला कोणतीही चप्पल न घालता अनवाणी सलग ६ ते ७ तास बर्फावर उभी राहून तो सीन करायचा होता.”

या सीनदरम्यान मध्ये-मध्ये २० मिनिटांची विश्रांती देण्यात आली होती. मात्र, एवढ्या वेळासाठी बर्फावर उभं राहिल्यानंतर मिळणारी ही विश्रांती पुरेशी वाटत नसल्याचंही तिने सांगितलं. विशेष म्हणजे, या सीनमध्ये तिचे हातही बांधलेले होते, त्यामुळे शारीरिक त्रास आणखी वाढला होता.

प्रेक्षकांना खरा त्रास जाणवावा म्हणून सुविधा नाकारल्या

जान्हवीच्या सुरक्षिततेची काळजी घेत प्रॉडक्शन हाऊसने आवश्यक ती व्यवस्था केली होती. तिच्या पायांसाठी सिलिकॉन सोलचीही व्यवस्था करण्यात आली होती. मात्र, या प्रसंगातील थंडी आणि त्रास प्रेक्षकांना खऱ्या अर्थाने जाणवावा, यासाठी जान्हवीने या सुविधांचा आवर्जून वापर केला नाही.

ती म्हणाली, “प्रॉडक्शन हाऊसने पायासाठी सिलिकॉन सोल आणि काळजी घेण्यासाठी सर्व व्यवस्था केली होती. पण प्रेक्षकांना थंडी आणि त्रासाची खरी जाणीव व्हावी म्हणून मी आवर्जून त्या सुविधा वापरल्या नाहीत.”

‘ॲक्शन’ म्हटलं की वेदना आणि भीती विसरून जाते

कलाकार म्हणून कॅमेऱ्यासमोर काम करताना मनाची भूमिका किती महत्त्वाची असते, हेही जान्हवीने सांगितलं. तिच्या मते, कॅमेरासमोर ‘ॲक्शन’ म्हटलं की शारीरिक वेदना किंवा भीती बाजूला पडते आणि कलाकार पूर्णपणे आपल्या भूमिकेत शिरतो.

“जेव्हा कॅमेरासमोर ‘ॲक्शन’ ऐकू येते, तेव्हा शारीरिक वेदना किंवा भीती सगळं काही विसरून आपण पूर्णपणे कामात आणि त्या भूमिकेत झोकून देतो,” असं जान्हवीने म्हटलं.

सहकलाकारांनी प्रयत्न केला अन् काही मिनिटांतच थांबावं लागलं

या सीनच्या शूटिंगदरम्यान सेटवर उपस्थित असलेल्या इतर कलाकारांनीही बर्फावर उभं राहण्याचा प्रयत्न केला. मात्र, त्यांना काही मिनिटांतच थांबावं लागलं. त्यानंतर जान्हवी सलग इतका वेळ बर्फावर कशी उभी राहिली, याची त्यांना कल्पना आली.

जान्हवी म्हणाली, “सेटवर जेव्हा इतर सहकलाकारांनी बर्फावर उभी राहण्याचा प्रयत्न केला, तेव्हा त्यांना काही मिनिटांतच थांबवावं लागलं. तेव्हा त्यांना समजलं की मी सलग एवढा वेळ तिथे कशी उभी राहिले.”

Vidyadhar Joshi: ‘तेव्हापासूनच गणेशोत्सवाची माती..’; गणेशोत्सवातील बदलांवर विद्याधर जोशींचं परखड भाष्य, राजकारण्यांचा केला उल्लेख

कुटुंबापासून कलाकारांपर्यंत सर्वांनी केलं कौतुक

या कठीण प्रसंगानंतर जान्हवीचं सेटवर भरभरून कौतुक करण्यात आलं. तिच्या आई-वडिलांपासून ते सेटवरील सहकलाकारांपर्यंत सर्वांनी तिचं कौतुक करत टाळ्या वाजवल्या. या कौतुकामुळे तिचा आत्मविश्वास आणखी वाढल्याचं तिने सांगितलं.

“आई-वडिलांपासून ते सेटवरील सर्व कलाकारांपर्यंत सर्वांनी माझी खूप स्तुती केली आणि टाळ्या वाजवून कौतुक केलं,” असं ती म्हणाली.

‘९९ टक्के गेम हा आपल्या माईंडसेटचा असतो’

या संपूर्ण अनुभवातून मिळालेल्या शिकवणीबद्दल बोलताना जान्हवीने सकारात्मक विचारांचं महत्त्व अधोरेखित केलं. “९९ टक्के गेम हा आपल्या माईंडसेटचा असतो. जेव्हा तुम्ही तुमच्या कामावर आणि पॉझिटिव्हिटीवर प्रेम करता, तेव्हा प्रत्येक आव्हान दुय्यम ठरतं,” असं तिने सांगितलं.

बर्फावर अनवाणी उभं राहून केलेल्या या खडतर शूटिंगच्या अनुभवाने आणि त्यानंतर मिळालेल्या कौतुकाने एक कलाकार म्हणून तिचा आत्मविश्वास अधिक दृढ झाला आहे. तसेच अभिनयाप्रती असलेलं तिचं समर्पणही आणखी वाढलं असल्याचं जान्हवीने म्हटलं आहे.

‘मी जिंकून घेईन सारं’चे २०० भाग पूर्ण झाल्याच्या निमित्ताने मालिकेतील कलाकार आणि संपूर्ण टीमचा हा प्रवास एका महत्त्वाच्या टप्प्यावर पोहोचला आहे. छवीसमोर पुढे कोणती आव्हानं येणार आणि ती त्यांचा सामना कशी करणार, याकडे आता प्रेक्षकांचं लक्ष लागलं आहे.

Aarti Solanki On Sai Tamhankar: ‘अभिनयाचा अ ही माहीत नाही तरी सुपरस्टार!’ सई ताम्हणकरसाठी आरती सोलंकीची परखड पोस्ट, नेमकं काय घडल?

Sanai Chaughade: अखेर शरुच्या मनात प्रेमाची चाहूल! जय-रावीची ट्रिप ठरली कारण? मॅकसमोर शरुने दिली प्रेमाची हिंट

Riddhi Vanne — Tue, 06 Oct 2026 16:15:23 +05:30

कोकणातील प्रवासानंतर जयला शर्वरीवरील प्रेमाची जाणीव झाली.

जय आणि रावी कामासाठी दुबईला गेल्यानंतर शर्वरीला वाईट वाटते.

जयने आपल्याला न सांगता दुबईला गेल्याने शर्वरी नाराज होते.

सध्या मराठी मालिकांमध्ये जोरदार स्पर्धा सुरु आहे. प्रत्येक चॅनल आपली मालिका टॉपला कशी येईल यासाठी प्रयत्न करतंय. यात झी मराठीच्या मालिका नेहमीच पुढे असतात. झी मराठीवरील ‘सनई चौघडे’ ही मालिका तर कमी वेळातच लोकांच्या मनात घर करून गेली आहे. शर्वरी आणि जय खानोलकर या दोघांची जोडी तर प्रेक्षकांना खूप आवडते. दोघांची मस्ती, भांडणं आणि त्यांची मैत्री हे सगळं लोकांना पाहायला मजा येते. आता या मालिकेत एक मोठं वळण येणार आहे.
कोकणात गेला आणि प्रेमात पडला

काही दिवसांपूर्वी गणपतीसाठी परब आणि खानोलकर कुटुंब कोकणात गेलं होतं. तिथे जयला शर्वरीचं एक वेगळंच रूप पाहायला मिळालं. तेव्हापासून त्याला वाटू लागलं की आपण शरूच्या प्रेमात पडतोय. पण शर्वरीला मात्र अजूनही वाटत होतं की आपण फक्त चांगले मित्र आहोत. तिला अजून प्रेमाची जाणीव झाली नव्हती. पण आता गोष्ट बदलणार आहे. आता शर्वरीला पण कळणार आहे की आपल्याला जय आवडू लागला आहे. Sanai Chaughade

जय दुबईला गेला आणि शरूचा चेहरा पडला

झालं असं की कामासाठी जय आणि रावी दुबईला निघाले. वरवर बघता ते दोघं प्रेमाचं नाटक करत आहेत, ते पण शर्वरीनेच त्यांना सांगितलं आहे. तरी पण जय दुबईला जातोय म्हटल्यावर शर्वरीला आतून वाईट वाटलं. एकदा खानोलकर कुटुंब परबांच्या घरी बसलेलं असताना जयची आई अचानक म्हणाली की “तुम्हाला दुबईला जायला उशीर होतोय, आवरा लवकर”. हे ऐकताच शर्वरीचा चेहरा एकदम पडला. जयने आपल्याला काहीच सांगितलं नाही म्हणून तिला खूप वाईट वाटलं. जय पण तिला न सांगता जातोय म्हणून थोडा नाराज होता.

Marathi TV Serial: ‘दीपज्योती’, ‘कमळी’ आणि ‘तारिणी’मध्ये मोठे ट्विस्ट; या आठवड्यात काय घडणार? प्रेक्षकांची उत्सुकता शिगेला

मॅकने पकडलं शर्वरीच्या मनातलं

आता एक नवीन प्रोमो प्रेक्षकांच्या भेटीस आला आहे. या प्रोमोमध्ये शर्वरी मॅक सोबत बसलेली असते आणि रागा-रागात ती जय आणि रावीचे फोटो डिलीट करत असते. ते बघून मॅक तिला विचारतो की काय झालं, का डिलीट करते आहेस फोटो? त्यावर शर्वरी म्हणते, “मला न सांगता तो दुबईला कसा गेला?” तिच्या या बोलण्याचा मॅकला शंका येते.

तो थेट तिला विचारतो, “ते तुला का सांगतील? तू त्याच्या प्रेमात पडली आहेस का काय?” मॅकच्या या प्रश्नाने शर्वरी एकदम गोंधळून जाते. तिच्या डोळ्यासमोर जय सोबतचे सगळे चांगले क्षण येऊ लागतात. ती लगेच म्हणते, “मी वेडी आहे का त्याच्या प्रेमात पडायला?” पण लगेच पुढे म्हणते, “पण त्याने मला विसरलेलं मला अजिबात आवडणार नाही.” तिच्या याच वाक्यावरून मॅकला कळतं की शर्वरीच्या मनात जयबद्दल नक्की काही तरी आहे.

Umesh Kamat Priya Bapat Anniversary: उमेश -प्रिया यांच्या लग्नाला १५ वर्षे पूर्ण; रोमँटिक फोटो शेअर करत केलं प्रेम व्यक्त

आता पुढे काय होणार?

मॅक हा शर्वरीचा सगळ्यात जवळचा मित्र आहे. त्यामुळे आता तो या दोघांना एकत्र आणण्यासाठी नक्की मदत करणार असं वाटतंय. प्रेक्षक पण आता आतुरतेने वाट बघत आहेत की कधी एकदा जय आणि शर्वरी एकमेकांना I Love You म्हणतात .हा सगळा धमाका 8 ऑक्टोबरच्या भागात पाहायला मिळणार आहे. त्यामुळे झी मराठीवर सनई चौघडे बघायला विसरू नका. शर्वरीला झालेली प्रेमाची जाणीव आता मालिकेला एका नव्या वळणावर घेऊन जाणार आहे.

Marathi TV Serial: ‘दीपज्योती’, ‘कमळी’ आणि ‘तारिणी’मध्ये मोठे ट्विस्ट; या आठवड्यात काय घडणार? प्रेक्षकांची उत्सुकता शिगेला

अमृता यादव — Tue, 06 Oct 2026 15:40:30 +05:30

Marathi TV Serial: ‘ दर आठवड्याला आपल्या आवडत्या मालिकांमध्ये पुढे काय घडणार, कोणत्या नात्याला नवं वळण मिळणार आणि कोणते धक्कादायक खुलासे होणार, याची प्रेक्षकांना उत्सुकता असते. यंदाच्या आठवड्यातही ‘दीपज्योती’, ‘कमळी’ आणि ‘तारिणी’ या मालिकांमध्ये महत्त्वाची वळणं पाहायला मिळणार आहेत. कुठे प्रेम व्यक्त करण्यासाठी ग्रँड प्रपोजलची तयारी सुरू आहे, तर कुठे आई-मुलीच्या नात्याभोवतीचा संघर्ष अधिक तीव्र होणार आहे. दुसरीकडे ‘तारिणी’मध्ये एका मोठ्या कटामागचा मास्टरमाइंड समोर येणार आहे. त्यामुळे या तिन्ही मालिकांचे आगामी भाग उत्कंठा वाढवणारे ठरणार आहेत.

‘दीपज्योती’मध्ये दीप करणार ज्योतीला प्रपोज?

गौरी घरी परतल्यानंतर ज्योतीने पुरुषोत्तम आणि आत्यामधील वाद मिटवण्यात महत्त्वाची भूमिका बजावली. दरम्यान, ज्योतीचं आपल्यावर लक्ष असल्याचं दीपच्या लक्षात येतं. त्यामुळे तिचं लक्ष दुसरीकडे वळवण्यासाठी दीपने खोटी गर्लफ्रेंड आणण्याचा प्लॅन आखला. मात्र मित्रांनी केलेल्या गोंधळामुळे एकीऐवजी चक्क चार मुली दीपच्या आयुष्यात आल्याचं चित्र निर्माण होतं.

यामुळे ज्योती आणि आत्या यांचा दीपचं चार वेगवेगळ्या मुलींशी काहीतरी सुरू असल्याचा गैरसमज होतो. मात्र दीपच्या मनात वेगळंच काही सुरू आहे. तो आपल्या मित्रांसमोर ज्योतीवरील प्रेमाची कबुली देतो. ज्योतीकडून नकार मिळण्याची किंवा तिच्या हातचा मार खाण्याची भीती त्याला वाटत असते.

मात्र ज्योतीच त्याला, ‘तुला कुणी आवडतंय का?’ असा थेट प्रश्न विचारते. त्यानंतर दीप धाडस करण्याचा निर्णय घेतो. आता तो ज्योतीला आपल्या प्रेमाची कबुली देण्यासाठी चक्क ग्रँड प्रपोजलची तयारी करणार आहे. दीपचं हे खास प्रपोजल कसं असेल आणि त्यानंतर त्यांच्या नात्याला कोणतं नवं वळण मिळणार, हे पाहणं उत्सुकतेचं ठरणार आहे.

‘कमळी’मध्ये सरोज-कामिनी आमनेसामने

‘कमळी’च्या आयुष्यातील संघर्ष आता नव्या टप्प्यावर पोहोचणार आहे. आतापर्यंत अनेक गोष्टी मनात ठेवून परिस्थितीचा सामना करणारी सरोज आता गप्प बसणार नाही. आपल्या मुलीच्या आयुष्याशी संबंधित असलेल्या अनेक गोष्टी तिला आठवत असून, कमळीला तिचं हक्काचं स्थान मिळवून देण्याचा निर्धार ती करणार आहे.

याच पार्श्वभूमीवर सरोज आणि कामिनी यांच्यात थेट आमना-सामना होणार आहे. सरोजच्या ठाम भूमिकेमुळे दोघींमधील संघर्ष आणखी तीव्र होणार आहे. दरम्यान, कमळीचाही लूक बदलणार असून, तिचा हा नवा लूक तिच्या व्यक्तिमत्त्वातील बदलाची नांदी ठरणार का, असा प्रश्न प्रेक्षकांना पडणार आहे.

एकीकडे सरोज आपल्या मुलीसाठी ठामपणे उभी राहणार आहे, तर दुसरीकडे कामिनीसमोरही नवं आव्हान उभं राहणार आहे. सरोजच्या आक्रमक भूमिकेला कामिनी काय उत्तर देणार? कमळीला तिचं हक्काचं स्थान मिळणार का? आणि कमळीचा बदललेला लूक तिच्या आयुष्यातील कोणत्या नव्या पर्वाची सुरुवात करणार, याची उत्सुकता लागली आहे.

Vijayendra Kumeria Divorce: ‘नागिन’ फेम अभिनेत्याचा १० वर्षांचा संसार मोडला; अखेर घटस्फोटावर केलं भाष्य

‘तारिणी’मध्ये मास्टरमाइंडचा चेहरा होणार उघड

‘तारिणी’मध्ये मागील आठवड्यात पितृपक्षाच्या पार्श्वभूमीवर खांडेकर कुटुंबात श्राद्धाचा प्रसंग पाहायला मिळाला. दरम्यान, JJ ला संपवण्यासाठी टीम तारिणीने आखलेला डाव यशस्वी होतो. JJ ला आलेला अनोळखी फोन हा टीम तारिणीने आखलेला सापळा असल्याचं तिच्या लक्षात येतं.

यानंतर युवराजला एक महत्त्वाचा फोन येतो. या रहस्यमय मास्टरमाइंडचा शोध घेण्यासाठी तो त्याला भेटण्याचा निर्णय घेतो. अखेर युवराज त्या मास्टरमाइंडला भेटतो. मात्र त्याच्यासमोर आलेला चेहरा पाहून युवराजच्या पायाखालची जमीनच सरकणार आहे.

आतापर्यंत पडद्यामागून सूत्रं हलवणारा हा मास्टरमाइंड कोण आहे, याचा मोठा खुलासा या भेटीत होणार आहे. या संपूर्ण कटामागचं कारण काय आहे? त्याचा नेमका उद्देश काय? आणि या खुलाशानंतर युवराज कोणतं पाऊल उचलणार? टीम तारिणीला या कटाची माहिती मिळणार का? या सर्व प्रश्नांची उत्तरं आगामी भागांमध्ये मिळणार आहेत.

त्यामुळे ‘दीपज्योती’, ‘कमळी’ आणि ‘तारिणी’ या तिन्ही मालिकांमध्ये येणारी ही नवी वळणं प्रेक्षकांची उत्सुकता नक्कीच वाढवणार आहेत. तेव्हा पाहायला विसरू नका आपल्या आवडत्या मालिका ‘दीपज्योती’, ‘कमळी’ आणि ‘तारिणी’ फक्त झी मराठीवर.

Umesh Kamat Priya Bapat Anniversary: उमेश -प्रिया यांच्या लग्नाला १५ वर्षे पूर्ण; रोमँटिक फोटो शेअर करत केलं प्रेम व्यक्त

Umesh Kamat Priya Bapat Anniversary: उमेश -प्रिया यांच्या लग्नाला १५ वर्षे पूर्ण; रोमँटिक फोटो शेअर करत केलं प्रेम व्यक्त

अमृता यादव — Tue, 06 Oct 2026 14:08:46 +05:30

Umesh Kamat Priya Bapat Anniversary: मराठी मनोरंजनसृष्टीतील लोकप्रिय जोडी अभिनेता उमेश कामत आणि अभिनेत्री प्रिया बापट यांच्या सुखी संसाराला १५ वर्षे पूर्ण झाली आहेत. ६ ऑक्टोबर रोजी या दोघांनी आपल्या लग्नाचा १५ वा वाढदिवस साजरा करत आहे. या खास दिवसानिमित्त उमेश आणि प्रियाने सोशल मीडियावर एकमेकांना शुभेच्छा देत काही खास फोटो शेअर केले आहेत.

‘भेट’च्या प्रीमियरमध्ये झाली पहिली भेट

उमेश कामत आणि प्रिया बापट यांची पहिली भेट २००२ मध्ये ‘भेट’ या चित्रपटाच्या प्रीमियरदरम्यान झाली होती. त्यानंतर ‘आभाळमाया’ मालिकेच्या सेटवर दोघांची मैत्री झाली. हळूहळू या मैत्रीचं रूपांतर प्रेमात झालं. जवळपास आठ वर्षे एकमेकांना डेट केल्यानंतर उमेश आणि प्रियाने २०११ मध्ये दसऱ्याच्या दिवशी लग्नगाठ बांधली.

‘१५ वर्षे झाली आणि तरीही आपण एकमेकांचीच निवड करत आहोत’

लग्नाच्या वाढदिवसानिमित्त उमेश आणि प्रियाने सोशल मीडियावर खास पोस्ट शेअर केली. या पोस्टमध्ये त्यांनी गेल्या १५ वर्षांच्या सहजीवनातील आठवणी आणि एकमेकांची साथ याबद्दल भावना व्यक्त केल्या.

‘आपल्याला लग्नाच्या १५ व्या वाढदिवसाच्या खूप खूप शुभेच्छा! या १५ वर्षांनी आपल्याला खूप काही शिकवलं आहे. आपण प्रगती केली, नवीन गोष्टी शिकलो, काही वेळा अडखळलो, मनसोक्त हसलो आणि काळाच्या प्रत्येक कसोटीवर एकमेकांची साथ घट्ट धरून ठेवली,’ अशा भावना त्यांनी व्यक्त केल्या.

पुढे त्यांनी लिहिलं, ‘असेच एकमेकांचे विश्वासू सोबती, मित्र, सहकारी, सह-निर्माते, प्रवासातील जोडीदार… आणि सर्वात महत्त्वाचे म्हणजे पती-पत्नी म्हणून सोबत राहूया. १५ वर्षे झाली आणि तरीही आपण एकमेकांचीच निवड करत आहोत.’

Sheeba Chaddha: नात्यात संवाद का महत्त्वाचा? ‘Bakaiti’च्या दुसऱ्या सीझनआधी शीबा चड्ढा यांनी सांगितल्या खास गोष्टी

ऑनस्क्रीन केमिस्ट्रीही प्रेक्षकांच्या पसंतीस

उमेश कामत आणि प्रिया बापट यांनी अनेक चित्रपट, नाटकं आणि वेब सीरिजमध्ये एकत्र काम केलं आहे. त्यांच्या ऑनस्क्रीन केमिस्ट्रीसोबतच ऑफस्क्रीन बॉन्डिंगलाही चाहत्यांची पसंती मिळते. गेल्या १५ वर्षांपासून एकमेकांची साथ देणाऱ्या या जोडीवर त्यांच्या चाहत्यांकडूनही शुभेच्छांचा वर्षाव होत आहे.

Sohla Movie Trailer: सोनाली बेंद्रेची मराठी सिनेसृष्टीत एन्ट्री; हळुवार नात्यांची गोष्ट घेऊन येतोय ‘सोहळा’, ट्रेलरने वेधलं लक्ष

Veen Doghantali Hi Tutena : समर-स्वानंदीच्या आयुष्यात येणार नवा बहर; फुलणार सुखी संसार, मालिकेत पाहायला मिळणार नवा ट्विस्ट!

अमृता यादव — Mon, 05 Oct 2026 09:17:26 +05:30

Veen Doghantali Hi Tutena : झी मराठीवरील लोकप्रिय मालिका ‘वीण दोघांतली ही तुटेना’ने अल्पावधीतच प्रेक्षकांच्या मनात आपलं स्थान निर्माण केलं आहे. मालिकेत आतापर्यंत अनेक ट्विस्ट आणि चढ-उतार पाहायला मिळाले. समर आणि स्वानंदीच्या नात्यात आलेल्या अडचणींमुळे त्यांचं नातं अधिकच घट्ट झालं आहे. आता या दोघांच्या आयुष्यात आणखी एक मोठा आणि महत्त्वाचा टप्पा येणार आहे.

समर-स्वानंदी घेणार आई-बाबा होण्याचा निर्णय?

झी मराठीने सोशल मीडियावर मालिकेचा नवा प्रोमो शेअर केला आहे. या प्रोमोमधून समर आणि स्वानंदीने आई-बाबा होण्याचा निर्णय घेतल्याचं पाहायला मिळत आहे. त्यामुळे त्यांच्या संसारात एका नव्या पर्वाची सुरुवात होण्याची शक्यता आहे.

प्रोमोमध्ये समर स्वानंदीसाठी चाफ्याचं फूल घेऊन येतो. फूल पाहून स्वानंदी त्याचा सुगंध घेत म्हणते, “या फुलाचा सुगंध घेतला की कसं प्रसन्न वाटतं. तसं गणू आजूबाजूला असताना मन प्रसन्न होऊन जायचं.”

यानंतर समर स्वानंदीला जवळ घेत आपल्या मनातील भावना व्यक्त करतो. तो म्हणतो, “नंतर आपण दोघेच असू, त्याचा अर्थ आता कळतोय. आपण दोघेच असण्यापेक्षा आपल्या दोघांचं काहीतरी असावं असं मला वाटतं. आपलं बाळ असावं वाटतं.” समरच्या या बोलण्यावरून दोघांनी आपल्या कुटुंबात एका नव्या सदस्याच्या आगमनाचा विचार केल्याचं स्पष्ट होत आहे.

Khatron Ke Khiladi 15 Winner: अविनाश मिश्राने मारली बाजी! धाडसी स्टंटच्या जोरावर ऋत्विक,ओरीला मागं टाकत पटकावली विजेतेपदाची ट्रॉफी

प्रेक्षकांकडून कौतुकाचा वर्षाव

समर-स्वानंदीच्या या निर्णयाचा प्रोमो समोर येताच मालिकेच्या चाहत्यांनीही त्यावर प्रतिक्रिया दिल्या आहेत. दोघांनी आई-बाबा होण्याचा विचार केल्याने त्यांच्या संसारात नवा बहर येणार असल्याचं प्रेक्षकांचं म्हणणं आहे. कमेंट्समधून चाहत्यांनी या निर्णयाचं कौतुक करत दोघांना शुभेच्छाही दिल्या आहेत.

१० लाखांच्या प्रकरणामुळे कुटुंबात वाद

दरम्यान, अष्टविनायक यात्रेवरून परतल्यानंतर समर आणि स्वानंदीसमोर नवं संकट उभं राहिलं आहे. मल्लिका काकूंनी स्वानंदीची आई मंदाकिनी हिने समरच्या क्रेडिट कार्डवरून तब्बल १० लाख रुपयांची खरेदी केल्याचं सर्वांना सांगितलं. ही गोष्ट समोर येताच कुटुंबाला मोठा धक्का बसला.

या प्रकरणावरून स्वानंदीने आपल्या आईला जाब विचारला. त्यामुळे स्वानंदी आणि मंदाकिनी यांच्यात वादाची ठिणगी पडली. त्यात मल्लिका काकूंनी आणखी भर घातल्याने हे प्रकरण चांगलंच तापलं.

प्रदीप रावांसमोर मोठं आव्हान

स्वानंदीचे वडील प्रदीप राव यांनी मल्लिका काकूंना १० लाख रुपये फेडण्याचा शब्द दिला आहे. आता प्रदीप राव हा शब्द कसा पूर्ण करणार? तसेच समर-स्वानंदीच्या आयुष्यात येणाऱ्या या नव्या पर्वासोबत आणखी कोणती आव्हानं उभी राहणार? हे आगामी भागांमध्ये पाहणं उत्सुकतेचं ठरणार आहे.

Asian Academy Creative Awards: ‘सुभेदार’चा डबल धमाका! अनिल कपूर ठरले सर्वोत्कृष्ट अभिनेता; चित्रपटालाही मोठा पुरस्कार

Star Pravah Serial: प्रेक्षकांच्या लाडक्या मालिकेचा अखेर निरोप; वकिलाची भूमिका साकारताना अभिनेत्याला मिळाला खास अनुभव

Riddhi Vanne — Sun, 04 Oct 2026 17:47:48 +05:30

280 एपिसोड पूर्ण

मिलिंद गवळींची पोस्ट

11 ऑक्टोबरला शेवट

सध्या टीव्हीवर नवीन मालिकांची गर्दी झाली आहे. प्रत्येक चॅनेलला आपली मालिका टीआरपीमध्ये वर राहावी म्हणून रोज नवनवीन काहीतरी करावं लागतं. प्रेक्षकांना कथा आवडली तर मालिका वर्षानुवर्षे चालते, नाहीतर काही महिन्यातच बंद होते. अशातच स्टार प्रवाहच्या एका लोकप्रिय मालिकेने प्रेक्षकांचा निरोप घ्यायचा निर्णय घेतला आहे. ही बातमी दुसऱ्या तिसऱ्या कोणी नाही तर मालिकेत मुख्य भूमिकेच्या वडिलांची भूमिका करणाऱ्या अभिनेत्यानेच दिली आहे. Star Pravah Serial:

‘वचन दिले तू मला’ चा प्रवास संपला

साधारण 11 महिन्यांपूर्वी स्टार प्रवाहवर ‘वचन दिले तू मला’ ही मालिका सुरु झाली होती. या मालिकेत अनुष्का सरकटे आणि इंद्रनील कामत हे मुख्य भूमिकेत होते. त्यांच्यासोबत प्रसिद्ध अभिनेते मिलिंद गवळी यांनी खलनायकाची भूमिका केली होती. त्यांच्या अभिनयाचं खूप कौतुक झालं होतं.आता मिलिंद गवळी यांनीच सोशल मीडियावर पोस्ट टाकून मालिका संपत असल्याचं जाहीर केलं आहे. त्यांनी एक भावुक पोस्ट लिहिली आहे.

मिलिंद गवळी काय म्हणाले?

मिलिंद गवळी यांनी इंस्टाग्रामवर लिहिलं आहे की, “कालचा शेवटचा दिवस होता, संपला ‘वचन दिले तू मला’ या मालिकेचा प्रवास. काल रात्री आम्हा कलाकारांसाठी हा प्रवास संपला. एक अध्याय संपला. 280 एपिसोड पूर्ण करून आम्ही थांबलो. जवळजवळ 11 महिन्यांचा हा प्रवास फारच भारी होता.”ते पुढे म्हणाले की ही मालिका स्टार प्रवाह आणि सेव्हन्थ सेन्स मीडियाने बनवली होती. ही कथा होती वकिलांच्या घराण्याची, जहागीरदार कुटुंबाची. या कुटुंबात मी हर्षवर्धन जहागीरदार नावाच्या एका मोठ्या वकिलाचं पात्र गेल्या 11 महिने जगत होतो.

Tu Hi Re Maza Mitwa Serial: सुरू होतेय प्रेमाची लपाछपी; अर्णव-ईश्वरीच्या नात्यात नवा ट्विस्ट, मालिकेचा नवा प्रोमो चर्चेत

या मालिकेमुळे मला खूप काही शिकायला मिळालं. भारतीय संविधान, फौजदारी कायदा, दिवाणी कायदा, करार कायदा, मालमत्ता कायदा, कुटुंब कायदा, कंपनी कायदा, कामगार कायदा, पुरावा कायदा… इतके सगळे कायदे मी या मालिकेमुळे शिकलो.त्यांनी एक किस्सा पण सांगितला. ते म्हणाले, मी ग्रॅज्युएशननंतर गव्हर्नमेंट लॉ कॉलेजला ऍडमिशन घेतलं होतं, पण मधेच सोडून दिलं.

View this post on Instagram

पण माझ्या नशिबात कायद्याचा अभ्यास होताच आणि तो या मालिकेच्या निमित्ताने झाला. माझे वडील पोलीस खात्यातून निवृत्त झाले असल्यामुळे घरात तसं वातावरण होतंच. पण खरंच खूप मजा आली ही मालिका करायला. शेवटी त्यांनी दिग्दर्शक शशांक सोळंकी, स्टार प्रवाह वाहिनी आणि संपूर्ण टीमचे आभार मानले.

Star Pravah Serial: सायलीच्या प्रयत्नांना अखेर यश! अर्जुन पुन्हा स्वत:च्या पायावर उभा राहिला; ‘ठरलं तर मग’चा नवा प्रोमो चर्चेत

वेळा बदलत गेल्या आणि आता शेवट

या मालिकेचा टाइम स्लॉट पण खूप वेळा बदलला. मालिका 15 डिसेंबर 2025 ला रात्री 9.30 वाजता सुरु झाली होती. नंतर 16 फेब्रुवारीपासून ती रात्री 10 वाजता दाखवली जाऊ लागली. मग 27 एप्रिलपासून तिला संध्याकाळी 6.30 वाजता टाकलं आणि 10 ऑगस्टपासून ती दुपारी 1 वाजता येत होती.आता 11 ऑक्टोबरला या मालिकेचा शेवटचा एपिसोड दाखवला जाणार आहे. एक चांगली मालिका प्रेक्षकांच्या मनात घर करून जात आहे, असं मिलिंद गवळी यांनी लिहिलं आहे.या मालिकेने प्रेक्षकांना वकिलांच्या घरातली कथा, त्यातले डावपेच आणि प्रेमकथा दाखवली. आता ती संपत असल्यामुळे चाहत्यांना नक्कीच वाईट वाटत आहे.

Onkar Bhojane On Milind Kawde: दिग्दर्शकांच्या आरोपांवर ओंकार भोजनेची पहिली प्रतिक्रिया; ‘त्या’ कारणामुळे प्रमोशनला नव्हता हजर

Riddhi Vanne — Sun, 04 Oct 2026 16:43:46 +05:30

वादावर पडदा:

ओंकारचं स्पष्टीकरण

प्रमोशनचा मुद्दा

Onkar Bhojane Milind Kawde Controversy: ‘महाराष्ट्राची हास्यजत्रा’ मधून घराघरात पोहोचलेला ओंकार भोजने सध्या त्याच्या नव्या सिनेमामुळे चर्चेत आहे. त्याचा ‘अफरातफरी’ हा सिनेमा लवकरच प्रेक्षकांच्या भेटीला येणार आहे. मात्र सिनेमा भेटीस येण्याआधी तो एका वादामुळे चांगला चर्चेत आलाय. या सिनेमाचे दिग्दर्शक मिंलिद कवडे यांनी ओंकारवर थेट गंभीर आरोप केला, त्यावेळी ते म्हणाले की, ओंकार एक अनप्रोफेशनल आणि सराईत खोटारडा आहे असे त्यांनी म्हटले होते. या आरोपानंतर सगळीकडे एकच चर्चा सुरु झाली होती. आता या सगळ्या वादावर दोघांनी पहिल्यांदाच एकत्र बसून उत्तर दिलं आहे. Onkar Bhojane Milind Kawde:
काय होता नेमका वाद?

‘अफरातफरी’ सिनेमाच्या प्रमोशनला ओंकार भोजने येत नव्हता. त्यामुळे दिग्दर्शक मिलिंद कवडे खूप नाराज झाले. त्यांनी एका मुलाखतीत रागाच्या भरात ओंकारबद्दल वक्तव्य केलं. ते म्हणाले होते की ओंकार खूप अनप्रोफेशनल आहे, खोटं बोलतो आणि प्रमोशनला येत नाही. त्यांच्या या वक्तव्यानंतर सोशल मीडियावर खूप चर्चा झाली. लोक ओंकारला ट्रोल करू लागले.यानंतर ओंकारने पण एका मुलाखतीत आपली बाजू मांडली होती. पण वाद काही थांबत नव्हता.आता दोघे समोरासमोर आले

अलीकडेच ‘अफरातफरी’ च्या पूर्ण टीमने एबीपी माझाला मुलाखत दिली. या मुलाखतीत खास गोष्ट म्हणजे ओंकार भोजने आणि दिग्दर्शक मिलिंद कवडे दोघेही समोरासमोर बसले होते. सगळ्यांना वाटलं होतं की आता भांडण होणार, पण तसं काही झालं नाही. मिलिंद कवडे यांनी या मुलाखतीत सांगितलं की, “मी जेव्हा ते बोललो, त्यानंतर मला ओंकारचा कॉल आला.

Onkar Bhojane: ‘महाराष्ट्राची हास्यजत्रा’ अचानक का सोडली? ओंकार भोजनेने केला मोठा खुलासा, म्हणाला- ‘माझ्यामुळे त्यांना…’

तो म्हणाला, सर तुम्हाला जो राग आला आहे तो मी समजू शकतो. मी प्रमोशनला येतोय. मी त्याला म्हटलं You are most welcome. आणि तो विषय मी तिथेच संपवला.”ते पुढे म्हणाले, “काल पण मला एका मुलाखतीत याबद्दल विचारलं. मी सांगितलं की माझ्यासाठी तो विषय संपला आहे. त्याने स्वतःहून मला कॉल केला. जरी तो कॉल चार-पाच महिन्यांनी आला असेल तरी त्याने कॉल केला, हेच महत्वाचं आहे.”म्हणजे दिग्दर्शकाने आता माघार घेतली आहे आणि वाद मिटवला आहे.

Onkar Bhojane: “ओंकार भोजने खूप अनप्रोफेशनल”; अभिनेत्याच्या …

ओंकार काय म्हणाला?

मिलिंद कवडे यांचं बोलणं ऐकून ओंकार भोजने पण शांतपणे उत्तर दिलं. तो म्हणाला, “आपल्याबद्दल भरभरून कौतुक ऐकताना नेहमीच आनंद होतो. माझ्याकडून संवाद कमी पडत असेल तर मी त्यात सुधारणा करेन. कधी कधी आपण छोट्या छोट्या गोष्टींना जास्त महत्व देतो. मला वाटतं तसं करू नये.”

ओंकारने पुढे त्याला प्रमोशन का आवडत नाही याबद्दल पण सांगितलं. तो म्हणाला, “मला सिनेमाबद्दल बोलायला आवडतं. शूटिंग कसं झालं, सहकलाकार कसे होते, कामाच्या आठवणी सांगायला आवडतात. पण आजकाल प्रमोशनच्या नावाखाली वेगळंच काहीतरी विचारतात. तू कुठल्या झोपडीतून आलास, कुठल्या सोसायटीत राहतोस, हे मला नाही आवडत. जेव्हा मी माझी कारकीर्द मोठी करेन तेव्हा मी नक्की सांगेन की माझ्या झोपडीतली दिवाळी कशी लाख मोलाची होती. पण आत्ताच्या आत्ता या गोष्टी मला नाही जमत, म्हणून मी थोडा लांब राहतो.”

ओंकारचं हे उत्तर ऐकून अनेकांना त्याची बाजू पटली आहे. त्याला फालतू चर्चेत पडायचं नव्हतं. फक्त त्याच्या कामाबद्दल बोलायचं आहे, असं त्याने स्पष्ट केलं.एकंदरीत काय तर, या दोघांमधला वाद आता संपला आहे असं दिसतंय. दोघांनीही समजदारी दाखवली आहे. आता सगळ्यांचं लक्ष फक्त ‘अफरातफरी’ सिनेमाकडे आहे. हा सिनेमा कॉमेडी असणार आहे आणि ओंकारच्या अभिनयाची सगळ्यांना उत्सुकता आहे.

Madhuri Dixit: फास्टेस्ट फिंगर फर्स्टचा निकाल लागताच स्टेजवर धुमाकूळ! माधुरींच्या चाहत्याने केला भन्नाट डान्स

Riddhi Vanne — Sat, 03 Oct 2026 13:37:10 +05:30

जळगावचे शरद राजपूत ‘फास्टेस्ट फिंगर फर्स्ट’ जिंकून हॉट सीटवर पोहोचले.

माधुरी दीक्षितचे चाहते असलेल्या शरद यांनी आनंदात ब्लेझर काढून सेटवर डान्स केला.

‘कोण होणार करोडपती’चं नवं पर्व १२ ऑक्टोबरपासून रात्री ९ वाजता सुरू होणार आहे.

सगळीकडे सध्या ‘कोण होणार करोडपती शो ची चर्चा आहे. यावेळी हा शोमध्ये अजून काहीतरी खास आहे. यंदा शोमध्ये सगळ्यांची लाडकी धक-धक गर्ल माधुरी दीक्षित शोचे सूत्रसंचालन करतीये. नव्या पर्वाचा पहिला प्रोमो समोर येताच प्रेक्षकांची उत्सुकता वाढली. पहिल्याच दिवशी जळगावामधील एक स्पर्धेक प्रथम हॉर्ट सिटवर बसणार आहे. Madhuri Dixit

जळगावचा शरद राजपूत आणि माधुरीची भेट

जळगावच्या शरद राजपूत यांना हॉट सीटवर पहिली बसायची संधी मिळाली. त्यांच्यासाठी ही फक्त एक संधी नव्हती तर स्वप्नपूर्तीच होती. कारण शरद हे माधुरी दीक्षित यांचे खूप मोठे फॅन आहेत. इतके मोठे फॅन की त्यांनी टी-शर्टवर पण माधुरीचाच फोटो प्रिंट करुन घेतला आहे. ज्यावेळेस त्यांनी फास्टेस्ट फिंगर फर्स्ट जिंकलं तेव्हा त्यांचा आनंद गगनात मावेनासा झाला. त्यांनी आनंदाच्या भरात थेट आपला ब्लेझर काढला आणि सेटवरच नाचायला लागले. नाचताना त्यांच्या टी-शर्टवरचा माधुरीचा फोटो सगळ्यांना दिसला. तो क्षण सर्वासाठी आनंदाचा ठरला. प्रत्यक्षात माधुरी उभी आहे आणि टी-शर्टवर पण माधुरी, हा योगायोगच होता. माधुरीने पण त्यांचं हसून स्वागत केलं. तिला पण त्यांचा हा अंदाज खूप आवडला. ‘ती फक्त ऐकते की ऐकवते पण?’ –

Sony Marathi: ‘कोण होणार करोडपती’ मध्ये येण्यामागचं कारण ‘धकधक गर्ल’ माधुरी दीक्षितने केलं स्पष्ट

माधुरीचा भन्नाट प्रश्न

या भागात एक खूप धमाल किस्सा पण घडला. माधुरीने शरद यांना त्यांच्या बायकोबद्दल विचारलं. त्यावर शरद लगेच हसून म्हणाले, “ती माझं सगळं ऐकते.”हे ऐकताच माधुरीने लगेच त्यांची फिरकी घेतली. ती मिश्किलपणे म्हणाली, “ती फक्त ऐकते की कधीकधी ऐकवते देखील?”माधुरीचा हा प्रश्न ऐकून अख्ख्या सेटवर एकच हशा पिकला. शरद पण लाजले आणि सगळे प्रेक्षक खळखळून हसले. माधुरीच्या या दिलखुलास अंदाजामुळेच हा शो अजून रंगतदार होणार आहे हे नक्की.

Madhuri Dixit : माधुरी झाली ‘कोण होणार करोडपती’ची होस्ट; पोस्टर पाहताच पती श्रीराम नेनेंची मोजक्या शब्दांत प्रतिक्रिया, म्हणाले…

View this post on Instagram

माधुरीच्या होस्टिंगमध्ये काय खास असणार?

या वेळचा ‘कोण होणार करोडपती’ खूप वेगळा असणार आहे. माधुरी दीक्षित पहिल्यांदाच हा शो होस्ट करत आहे. त्यामुळे तिच्या चाहत्यांसोबतच्या गप्पा, त्यांच्या भावूक कथा आणि असे धमाल क्षण आपल्याला पाहायला मिळणार आहेत. माधुरी फक्त प्रश्न विचारणार नाही तर स्पर्धकांशी मनमोकळ्या गप्पा मारणार आहे, त्यांच्या आयुष्यातल्या गोष्टी जाणून घेणार आहे. त्यामुळे प्रत्येक भाग हा काहीतरी नवीन शिकवणारा आणि मनाला भिडणारा असणार आहे.जळगावच्या शरद यांच्या सारखेच अनेक सामान्य लोक या मंचावर येऊन आपलं नशीब आजमावणार आहेत. कोण करोडपती होणार हे पाहणं उत्सुकतेचं असणार आहे.तर मग विसरू नका, ‘कोण होणार करोडपती’ चं नवं पर्व सुरू होतंय 12 ऑक्टोबरपासून. दर सोमवार ते शनिवार रात्री 9 वाजता फक्त सोनी मराठी आणि Sony LIV वर. माधुरीसोबतचा हा नवा प्रवास नक्की पाहा.

Dhaktya Sunbai Marathi Serial: अंबाबाईचं दर्शन, मनात श्रद्धा अन् हातात काम! मंदार जाधवांनी कोल्हापुरात केला शूटिंगचा श्रीगणेशा

Riddhi Vanne — Sat, 03 Oct 2026 11:49:14 +05:30

Mandar Jadhav on Dhaktya Sunbai: आपल्या अभिनयाने प्रेक्षकांच्या मनात वेगळी ओळख निर्माण करणारा प्रतिभावान अभिनेता मंदार जाधव आता झी मराठीच्या ‘ धाकट्या सुनबाई’ या मालिकेत तो वेदांत पटवर्धन ही प्रमुख व्यक्तिरेखा साकारत आहे. वेदांत हा आजच्या पिढीचा सुशिक्षित, सुसंस्कृत तरुण आहे. या भूमिकेच्या निमित्ताने मंदार पहिल्यांदाच झी मराठीसोबत काम करत असून, या नव्या प्रवासाबद्दल आणि त्याच्या व्यक्तिरेखेबद्दल त्याच्याशी साधलेला हा संवाद.‘धाकट्या सुनबाई’ मध्ये मी वेदांत पटवर्धन ही व्यक्तिरेखा साकारत आहे. Dhaktya Sunbai Marathi Serial:

झी मराठीसोबत काम करण्याची इच्छा

वेदांत हा आजच्या पिढीचा मुलगा आहे. तो सुशिक्षित, सुसंस्कृत आहे. आपल्या कुटुंबावर मनापासून प्रेम करणारा, प्रत्येकाला सांभाळून घेणारा आणि सर्वांचा आदर करणारा असा हा मुलगा आहे. वेदांतच्या व्यक्तिमत्त्वाची आणखी एक महत्त्वाची बाजू म्हणजे तो अन्याय किंवा अत्याचार कधीच सहन करत नाही. त्याच्या समोर कोणावर अन्याय होत असेल, तर तो त्याविरोधात ठामपणे उभा राहतो. अगदी आपल्या कुटुंबाच्या विरोधात जावं लागलं तरी योग्य गोष्टीसाठी तो मागे-पुढे पाहत नाही. त्यामुळे प्रत्येक आई-वडिलांना आपल्या मुलामध्ये असावा असा आणि प्रत्येक मुलीला आपला जोडीदार असा असावा वाटेल, अशी ही व्यक्तिरेखा आहे.

Exclusive: अभिनेता म्हणून आव्हानं आवडतात, ‘धाकट्या सूनबाई’ मालिकेतून मंदार जाधव पहिल्यांदाच झी मराठीवर

मला झी मराठीसोबत काम करण्याची इच्छा होती; मात्र काही कारणांमुळे ते योग्य प्रकारे जुळून येत नव्हतं. ‘धाकट्या सुनबाई’ ही मालिका कोठारे व्हिजनची निर्मिती आहे. याआधीही मी कोठारे व्हिजनसोबत काम केलं आहे. त्यामुळे जेव्हा मला या मालिकेसाठी कॉल आला, तेव्हा मी लगेच होकार दिला.

एक म्हणजे झी मराठीसोबत काम करण्याची संधी मिळत होती आणि दुसरी महत्त्वाची गोष्ट म्हणजे पुन्हा एकदा महेश कोठारे सरांसोबत काम करण्याची संधी मिळणार होती. त्यामुळे हा कॉल माझ्यासाठी खूप खास होता आणि माझा आनंद खरंच दुप्पट झाला होता.माझा नेहमीच प्रयत्न असतो की माझी प्रत्येक नवीन भूमिका माझ्या आधीच्या पात्रांपेक्षा वेगळी दिसावी. त्या व्यक्तिरेखेचा लूक वेगळा असावा, तिची देहबोली वेगळी असावी आणि प्रेक्षकांना माझ्यातील एक नवीन बाजू पाहायला मिळावी, यासाठी मी प्रयत्न करत असतो.

Dhaktya Sunbai Serial: गणेश गल्लीच्या मुंबईच्या राजाच्या चरणी ‘धाकट्या सुनबाई’चा शुभारंभ; २८ सप्टेंबरपासून मालिका

वेदांतच्या भूमिकेसाठी मी स्वतःला फिजिकली ट्रान्सफॉर्म केलं आहे. त्यासाठी मी खूप मेहनत घेत आहे. रोज जिमला जाणं, खाण्यापिण्याचं पथ्य पाळणं आणि स्वतःच्या फिटनेसवर लक्ष देणं, हे सगळं मी करत आहे. त्याचा परिणाम तुम्ही प्रोमोमध्ये पाहिला असेलच आणि मालिकेतही तो नक्कीच जाणवेल. मला प्रेक्षकांकडूनही या लूकला आणि प्रोमोला छान प्रतिसाद मिळत आहे. त्यामुळे माझी मेहनत प्रेक्षकांपर्यंत पोहोचतेय याचा खूप आनंद आहे. मला स्वतःला नेहमीच नवीन आव्हानं स्वीकारायला आवडतात आणि वेदांतच्या भूमिकेच्या निमित्ताने मी स्वतःलाच पुन्हा एकदा आव्हान देत आहे.

कलाकार खूप सपोर्टिव्ह

मालिका हा एक मोठा प्रवास असतो. या प्रवासात चांगले सहकलाकार आणि उत्तम टीम सोबत असेल, तर हा प्रवास आणखी सुंदर आणि सुखकर होतो. ‘धाकट्या सुनबाई’च्या निमित्ताने मला खूप उत्तम कलाकारांसोबत काम करण्याची संधी मिळत आहे आणि त्यासाठी मी खूप आनंदी आहे.सगळेच कलाकार खूप सपोर्टिव्ह आहेत.

आमच्यामध्ये सुरुवातीपासूनच छान केमिस्ट्री जुळून आली आहे आणि ती तुम्हाला मालिकेतही पाहायला मिळेल. आमचे दिग्दर्शक चंद्रकांत कणसे सर अतिशय छान पद्धतीने आमच्याकडून काम करून घेत आहेत. विशेषतः राधिका आणि वेदांतची जोडी प्रेक्षकांच्या पसंतीस उतरत आहे. आम्हाला मिळणारा प्रेक्षकांचा प्रतिसाद आणि त्यांचं प्रेम खूप प्रोत्साहन देणारं आहे. त्यामुळे ही केमिस्ट्री आणि हा प्रवास प्रेक्षकांनाही आवडतोय याचा आनंद आहे.

पहिल्याच दिवशी मी अंबाबाईचं दर्शन

शूटिंगच्या निमित्ताने आमचं खूप फिरणं होत असतं. ‘धाकटी सुनबाई’च्या शूटिंगसाठी आम्ही कोल्हापूर ला गेलो होतो. मालिकेचे सुरुवातीचे काही भाग आम्ही कोल्हापूरमध्ये शूट केले आहेत. पहिल्याच दिवशी मी अंबाबाईचं दर्शन घेतलं आणि तिचे आशीर्वाद घेऊन शूटिंगला सुरुवात केली. त्यानंतर कोल्हापूरमधील वेगवेगळ्या ठिकाणी आम्ही शूट केलं.

पंचगंगा नदीच्या गंगा घाटावरही आम्ही बरेच सीन शूट केले आहेत, जे प्रेक्षकांना मालिकेच्या सुरुवातीच्या काही भागांमध्ये पाहायला मिळतील. वेदांत आणि राधिकाची पहिली भेटही याच नदीच्या काठावर होते. तिथे शूटिंग सुरू असल्याची माहिती स्थानिक लोकांना समजली आणि आम्हाला भेटण्यासाठी तिथे प्रचंड गर्दी झाली होती. त्यांना भेटून आम्हालाही खूप छान वाटलं. प्रेक्षक आपल्याला नेहमी टीव्हीवर पाहतात; पण अशा निमित्ताने त्यांच्याशी प्रत्यक्ष भेटता येते, संवाद साधता येतो, हे खूप खास असतं. आमच्यासाठी तो एक कमाल अनुभव होता. एक गोष्ट मला आवर्जून सांगायची आहे.

नवनवीन भूमिका करण्याची प्रेरणा

माझ्या आयुष्यातील पहिल्या मालिकेची सुरुवात झी टीव्हीच्या ‘अल्लादिन’ या मालिकेपासून झाली होती, ज्यामध्ये मी अल्लादिनची भूमिका साकारली होती. आणि आता पुन्हा एकदा झी कुटुंबाशी जोडला गेलो आहे. मला माझ्या प्रेक्षकांचे मनापासून आभार मानायचे आहेत.

माझ्या आजवरच्या कामाला प्रेक्षकांनी नेहमीच छान प्रतिसाद दिला आहे आणि त्यांच्या या प्रेमामुळेच मला नवनवीन भूमिका करण्याची प्रेरणा मिळते. यापुढेही माझ्या कामावर आणि माझ्यावर अशीच साथ, प्रेम आणि आशीर्वाद कायम राहू दे, हीच इच्छा आहे. ‘धाकट्या सुनबाई’ या नव्या मालिकेलाही तुमचं तितकंच प्रेम आणि आशीर्वाद मिळावा. तेव्हा पाहायला विसरू नका ‘धाकट्या सुनबाई’, संध्या. ६:३० वा., फक्त आपल्या झी मराठीवर.

Jai Jai Swami Samarth: ‘जागर शक्तीचा – महिमा स्वामींचा’; नवरात्रीत रंगणार स्वामी विरुद्ध रणजीत संघर्ष

अमृता यादव — Fri, 02 Oct 2026 16:00:20 +05:30

Jai Jai Swami Samarth: नवरात्री म्हणजे आदिशक्तीचा उत्सव, स्त्रीच्या सामर्थ्याचा जागर आणि अन्यायाविरुद्ध उभं राहण्याची प्रेरणा. याच नवरात्रीच्या पार्श्वभूमीवर ‘जय जय स्वामी समर्थ’ मालिकेत एक भव्य, नाट्यमय आणि प्रेरणादायी पर्व प्रेक्षकांच्या भेटीला येणार आहे. ‘जागर शक्तीचा – महिमा स्वामींचा’ या विशेष भागांमध्ये स्वामी काही पीडित स्त्रियांना एकत्र आणून त्यांच्या मनात दडलेल्या शक्तीची जाणीव करून देणार आहेत.

रणजीतच्या अत्याचाराविरोधात चार स्त्रिया एकवटणार

या विशेष पर्वाच्या केंद्रस्थानी आहे अक्कलकोटच्या सुभेदाराचा मेव्हणा रणजीत. सत्तेचा आणि अधिकाराचा गैरवापर करत रणजीतने गावातील अनेकांवर अन्याय केला आहे. त्याच्या अत्याचाराला बळी पडलेल्या चार स्त्रियांची कहाणी या विशेष पर्वातून समोर येणार आहे.

या चौघींची परिस्थिती वेगळी असली तरी त्यांच्या वेदनेचं मूळ एकच आहे आणि ते म्हणजे रणजीतची महिषासुरी प्रवृत्ती. त्यामुळे येणाऱ्या भागांमध्ये स्वामी विरुद्ध रणजीत असा संघर्ष पाहायला मिळणार आहे.

मधुवंतीच्या आयुष्यात स्वामींचा प्रवेश

या कथेची सुरुवात होते ती स्वामींच्या एका विलक्षण लीलेने. येणाऱ्या नवरात्रीत स्त्रीशक्तीचा जागर होणार असल्याची जाणीव स्वामी आपल्या सेवेकऱ्यांना करून देतात. त्यानंतर चार स्त्रियांच्या आयुष्यातील संघर्षाची काळी बाजू उलगडू लागते.

यातील पहिली कथा आहे मधुवंतीची. अवघ्या २१ वर्षांच्या मधुवंतीचं कुंकू रणजीतमुळे पुसलं गेलं आहे. रणजीतसोबत कुस्तीत जिंकलेल्या तिच्या पतीची त्याने हत्या केली आहे. पतीच्या मृत्यूनंतर मंदिरात जाऊन न्यायासाठी आक्रोश करणाऱ्या मधुवंतीच्या आयुष्यात स्वामींचा प्रवेश होतो.

मधुवंतीला धीर देत स्वामी तिला “तुला न्याय मिळेल” असं आश्वासन देतात. मात्र, न्याय मिळवण्याचा तिचा हा प्रवास सोपा नसतो. रणजीत तिच्या दुःखातही अडथळे निर्माण करण्याचा प्रयत्न करतो. तिच्या पतीच्या मृत्यूनंतरच्या विधींमध्येही तो विघ्न आणण्याचा प्रयत्न करणार आहे. मात्र, प्रत्येक वेळी स्वामींची लीला मधुवंतीच्या मदतीला धावून येणार आहे.

‘तू विसरतो आहेस… नवरात्र येत आहे!’

मधुवंतीच्या कथेसोबतच स्वामी आणि रणजीत यांच्यातील संघर्षाची ठिणगी पडते. स्त्रियांच्या आत्मसन्मानाला आव्हान देणाऱ्या रणजीतला स्वामी ठाम शब्दांत सुनावतात.

स्त्रिया दुर्बल आहेत आणि त्या आपलं काहीच वाकडं करू शकत नाहीत, असा अहंकार रणजीतच्या मनात आहे. मात्र, स्वामी त्याला स्त्रीच्या अंतरंगात दडलेल्या देवीशक्तीची जाणीव करून देतात.

“तू विसरतो आहेस… नवरात्र येत आहे!” हा स्वामींचा इशारा रणजीतला हादरवून सोडतो. ज्यांना तो आजवर दुर्बल समजत आला, त्याच स्त्रिया आता त्याच्याविरोधात उभ्या राहणार आहेत.

Dino Morea Arrested: डिनो मोरियाच्या अडचणीत वाढ, मिठी नदी गैरव्यवहार प्रकरणी अभिनेत्याला अटक; राहत्या घरातून घेतलं ताब्यात

धमक्या, दबाव आणि सत्तेचा गैरवापर

चारही स्त्रियांना नामोहरम करण्यासाठी रणजीत आपली सर्व ताकद पणाला लावणार आहे. धमक्या, दबाव, हल्ले आणि सत्तेचा गैरवापर करून तो त्यांना घाबरवण्याचा प्रयत्न करणार आहे. मात्र, प्रत्येक संकटात स्वामी त्यांच्या पाठीशी उभे राहणार आहेत.

नवरात्रीच्या या विशेष पर्वात चार पीडित स्त्रियांचा प्रवास दुःखातून संघर्षाकडे आणि संघर्षातून आत्मसामर्थ्याकडे होताना पाहायला मिळणार आहे. या प्रवासाची परिणती विजयादशमीच्या सीमोल्लंघनात होणार आहे.

स्वामींच्या लीलेतून स्त्रीशक्तीचा जागर

या चार स्त्रियांमध्ये दडलेली शक्ती नेमकी कशी जागी होणार? रणजीतच्या अत्याचारांना त्या कशा सामोऱ्या जाणार? आणि या संपूर्ण संघर्षात स्वामींची लीला त्यांना कुठपर्यंत घेऊन जाणार? या प्रश्नांची उत्तरं ‘जागर शक्तीचा – महिमा स्वामींचा’ या विशेष भागांमध्ये मिळणार आहेत.

‘जय जय स्वामी समर्थ’ मालिकेतील हे विशेष पर्व केवळ चार स्त्रियांच्या संघर्षाची कथा नसून, स्त्रीच्या आत्मसन्मानाची आणि अन्यायाविरुद्ध उभं राहण्याच्या सामर्थ्याची गोष्ट मांडणार आहे.

Aadi Anant Marathi Movie: नात्यांच्या भावविश्वाची हसत-खेळत उलगडणार गोष्ट; अशोक सराफ-संकर्षण कऱ्हाडेंच्या सिनेमाचं पोस्टर रिलीज

Pooja Birari on Trolling: पूजा बिरारीच्या कामावर उठले प्रश्न; ‘बांदेकरांच्या प्रोडक्शन’च्या टोमण्यांवर अभिनेत्री म्हणाली…

Riddhi Vanne — Tue, 29 Sep 2026 17:15:25 +05:30

पूजा बिरारीला बांदेकरांच्या प्रोडक्शनमुळे सहज काम मिळते, अशा टोमण्यांना सामोरं जावं लागत

आपल्या घरच्या प्रोडक्शनसाठीही भूमिकेला योग्य असल्यासच काम मिळेल, असे पूजाने स्पष्ट केले.

लग्नानंतर करिअर सोपं झालं नसून जबाबदारी वाढली आहे, तसेच बांदेकर कुटुंबाकडून चांगले मार्गदर्शन मिळत

Pooja Birari on Bandekar Production : मराठी मालिकाविश्वातील लोकप्रिय अभिनेत्रीमध्ये पूजा बिरारीचं नाव नक्कीच घेतलं जात. तिचा नाराजस चेहरा, बोलके डोळे, स्मित हास्य जे प्रेक्षकांना नेहमीच आवडीचे राहिले आहे. काही महिन्यांपूर्वी पूजाने महाराष्ट्राचे लाडके भाऊजी आदेश बांदेकर यांचा मुलगा सोहम बांदेकर यांच्यासोबत लग्नगाठ बांधली. लग्नानंतर पूजा बांदेकरांच्या घरात आली आणि सगळं चित्रच बदललं. सुचित्रा बांदेकर आणि आदेश बांदेकर दोघेही आपल्या सुनेचे कौतुक करतात. मुलाखतीमध्ये किंवा कार्यक्रमात म्हणा दोघेंही पूजाबद्दल भरभरून बोलतात. पूजाही त्या घरात एकदम मिसळून गेली आहे. पूजाला मात्र लग्नानंतर ट्रोल करण्यात येतयं. लोक तिच्या प्रोफेशनबद्दला आता नाव ठेवत आहेत. Pooja Birari on Trolling:

लोक काय म्हणू लागले?

लग्न झाल्यापासून लोकांना वाटायला लागलं की आता पूजाला काहीच टेन्शन नाही. बांदेकरांचं एवढं मोठं प्रोडक्शन आहे, त्यांची ओळख आहे, त्यामुळे तिला लगेच काम मिळेल. ऑडिशन द्यायची गरजच नाही, थेट मालिकेत घेतील. सेटवर पण तिला लोकं म्हणायची, “तुला आता काय टेन्शन आहे?” या सगळ्या ट्रोलिंगवर पूजाने पहिल्यांदाच मनमोकळं उत्तर दिलं आहे. ‘इट्स मज्जा’ ला दिलेल्या एका मुलाखतीत तिने सगळं खरं सांगितलं.

Pooja Birari Pink Saree Look: पिंक साडीत पूजा बिरारीचा घायाळ करणारा …

पूजा काय म्हणाली?

पूजा म्हणाली, “हे मला सेटवर पण जाणवलंय. लोक म्हणतात तुला काय टेन्शन आहे. बांदेकरांचे एवढं मोठं नाव आहे, त्याच प्रोडक्शन हाऊस असल्याने तुला कुठेही ऑडिशन देण्याची गरंज नाही… कलाकारांना वाटतं की ही प्रोडक्शनच्या घरची सून आहे म्हणजे हिला लगेच काम मिळेल. पण प्रोडक्शनवाल्यांचं म्हणणं वेगळं असतं. ते म्हणतात हे ठरवणारे आम्ही नाही. चॅनलचं पण मत असतं. कॅरेक्टर कसं आहे, त्यात कोण बसतं हे सगळं बघून ठरतं. कोणी कोणाला नाव बघून घेऊ शकत नाही. हा फक्त लोकांचा समज आहे.”

ती पुढे म्हणाली की “जर उद्या तिच्याच घरच्या प्रोडक्शनमध्ये ऑडिशन असेल, तरी ती एकदम प्रोफेशनल सारखी जाऊन ऑडिशन देईल.”मला पण त्या ऑडिशनला पोटात गोळा येईल. माझं नीट होतंय ना? जमतंय ना? हे टेन्शन मलाही येणारच. आणि मला एक गोष्ट पक्की माहिती आहे की मला तिथे झुकतं माप मिळणार नाही. उलट जबाबदारी जास्त असेल. मला पण असं वाटतं की आपल्या प्रोडक्शनचं काम माझ्यामुळे खराब व्हायला नको. मी त्या भूमिकेसाठी योग्य असेन तर ठीक आहे, नाहीतर मला ते काम मिळणार नाही. कुठेही बळजबरी चालत नाही. आणि जरी केली तरी त्याला शेवट असतोच.” “शेवटी आपल्याला आरशात बघून स्वतःलाच उत्तर द्यावं लागतं. आमच्या घरात या बाबतीत आम्ही खूप प्रोफेशनल आहोत. एक गोष्ट मात्र नक्की, मला मार्गदर्शन खूप चांगलं मिळतं. त्या बाबतीत मी खूप नशीबवान आहे.”

Pooja Birari Gauri Avahan 2026: पूजा बिरारींचा मराठमोळा साज खुलला

घर आणि काम वेगळं

पूजाच्या या बोलण्यातून एकच कळतं की बांदेकरांचं घर जरी एक असलं तरी कामाच्या बाबतीत ते सगळे प्रोफेशनल आहेत. घरात सून आहे म्हणून मालिकेत लगेच घेणार असं काही होत नाही. काम मिळवण्यासाठी तिलाही ऑडिशन द्यावी लागते, मेहनत करावी लागते.ट्रोल करणाऱ्यांना तिने एकदम शांतपणे आणि समजूतदारपणे उत्तर दिलं आहे. लग्न झालं म्हणजे करिअर सोपं झालं असं नाही, तर जबाबदारी अजून वाढली आहे, हेच तिला सांगायचं होतं.

Onkar Bhojane: ‘महाराष्ट्राची हास्यजत्रा’ अचानक का सोडली? ओंकार भोजनेने केला मोठा खुलासा, म्हणाला- ‘माझ्यामुळे त्यांना…’

अमृता यादव — Tue, 29 Sep 2026 10:33:41 +05:30

Onkar Bhojane: सोनी मराठी वाहिनीवरील लोकप्रिय विनोदी कार्यक्रम ‘महाराष्ट्राची हास्यजत्रा’ नेहमीच चर्चेत असतो. या कार्यक्रमातील अनेक कलाकार आणि त्यांच्या व्यक्तिरेखा प्रेक्षकांच्या मनात आजही घर करून आहेत. यामध्ये अभिनेता ओंकार भोजने याचं नाव आवर्जून घेतलं जातं. ओंकारने ‘हास्यजत्रे’च्या माध्यमातून प्रेक्षकांचं मनोरंजन केलं. त्यानंतर त्याने चित्रपट आणि नाटकांमध्येही आपल्या अभिनयाची छाप पाडली.

एक काळ असा होता, जेव्हा ‘महाराष्ट्राची हास्यजत्रा’ लोकप्रियतेच्या शिखरावर असताना ओंकार भोजनेने अचानक हा शो सोडला. त्याच्या या निर्णयामुळे चाहत्यांना मोठा धक्का बसला होता. ओंकारने शो का सोडला, त्यामागे नेमकं काय कारण होतं, असे अनेक प्रश्न त्यावेळी उपस्थित झाले होते. आता ओंकारने स्वतः यामागचं कारण स्पष्ट केलं आहे.

‘तेव्हा नवीन चित्रपट येऊ लागले होते…’

नुकताच ओंकार भोजनेने ‘मित्र म्हणे’ या पॉडकास्टमध्ये ‘महाराष्ट्राची हास्यजत्रा’ सोडण्याबाबत भाष्य केलं. त्यावेळी नवीन चित्रपटांच्या ऑफर्स येत असल्यामुळे कामाचं शेड्युल सांभाळताना सतत अॅडजस्टमेंट करावी लागत होती, असं त्याने सांगितलं.

ओंकार म्हणाला की, त्यावेळी ‘हास्यजत्रे’ची टीम आताच्या तुलनेत छोटी होती. त्यामुळे वेगवेगळ्या कामांसाठी वारंवार शेड्युलमध्ये बदल करणं त्याला सोयीचं वाटत नव्हतं. सध्या टीममध्ये अनेक पर्याय असल्याने कलाकार एकमेकांशी अॅडजस्ट करून शेड्युल पुढे नेऊ शकतात, असंही त्याने स्पष्ट केलं.

‘एक कामही नीट होत नाही…’

ओंकारने सांगितलं की, या परिस्थितीबाबत तो सातत्याने शोच्या वरिष्ठांशी चर्चा करत होता. शूटिंग संपल्यानंतर रात्री प्रवास करून दुसऱ्या ठिकाणी जाऊन चित्रपटाचं शूटिंग करणं आणि त्यानंतर पुन्हा परत येणं, हे सगळं त्याला जमत नव्हतं.

त्यामुळे त्याने संबंधित सरांशी बोलून काही काळ थांबण्याचा निर्णय घेतला. हा निर्णय अचानक किंवा कोणाशीही न बोलता घेतलेला नव्हता, तर चर्चा करूनच आपण शोमधून थांबण्याचा निर्णय घेतल्याचं ओंकारने स्पष्ट केलं.

यानंतर त्याने दोन-चार चित्रपटांमध्ये काम केलं.

तीन महिन्यांच्या शोदरम्यान काय घडलं?

ओंकारने पुढे सांगितलं की, त्याच्या चित्रपटांचं काम काही काळानंतर पुढे होतं. त्याचदरम्यान त्याला आशिष पाथरे यांचा लोककलेवर आधारित एक शो येत असल्याचं समजलं.

विशेष म्हणजे, हा शो कोणत्या चॅनलवर आहे किंवा त्याचं नाव काय आहे, याचीही त्याला आधी माहिती नव्हती. शोचा टीझर प्रदर्शित झाला, त्याच दिवशी त्याला याबाबत समजल्याचं त्याने सांगितलं.

हा शो जवळपास तीन महिन्यांचा होता आणि तो पूर्ण झाल्यानंतर ओंकार पुन्हा ‘महाराष्ट्राची हास्यजत्रा’कडे वळला.

‘त्यांनी पालकांसारखं सांभाळलं’

ओंकारने यावेळी अमित फाळके आणि गणेश सागडे यांचाही उल्लेख केला. चॅनलच्या वतीने त्यांनी आपल्याला पालकांसारखं सांभाळल्याचं तो म्हणाला.

ओंकारच्या म्हणण्यानुसार, त्या काळातही दोघे त्याच्या संपर्कात होते. संबंधित शो पूर्ण झाल्यानंतर स्वतःचा वेळ घे, पण पुन्हा ये, असं त्यांनी त्याला सांगितलं होतं. त्याच्यातील क्षमता काम करत असल्याचा विश्वास त्यांनी व्यक्त केला होता.

त्यानंतर ओंकार पुन्हा ‘महाराष्ट्राची हास्यजत्रा’मध्ये सहभागी झाला. त्याच्या मते, त्याची पुन्हा झालेली एन्ट्री ही कोणत्याही मोठ्या वादामुळे किंवा नाट्यमय कारणामुळे नव्हती, तर सगळं बोलून आणि समजून घेतल्यानंतर झालेला निर्णय होता.

Drishyam 3: २ ऑक्टोबरला ‘दृश्यम 3’ पाहा अन् फ्रीमध्ये पावभाजी खा; जाणून घ्या ‘या’ ऑफरसाठी नेमकं काय करावं लागणार?

‘चित्रपट वर्क झाले नाहीत म्हणून परत आलो असं नाही’

ओंकारने आपल्या कमबॅकबाबत आणखी एक महत्त्वाची गोष्ट स्पष्ट केली. चित्रपटांमध्ये काम केलं, ते वर्क झालं नाही आणि म्हणून पुन्हा ‘हास्यजत्रे’त आलो, असं अजिबात नाही, असं त्याने सांगितलं.

त्याच्या मते, पुन्हा कार्यक्रमात येण्यामागचं खरं कारण म्हणजे त्याला कॉमेडीच्या प्रक्रियेकडे नव्याने पाहायचं होतं.

कॉमेडीला ‘सीरियस बिझनेस’ म्हटलं जातं, पण त्याचा नेमका अर्थ काय, कलाकार म्हणून आणि माणूस म्हणून या प्रक्रियेत कोणत्या गोष्टी पाळल्या पाहिजेत, याचा विचार करण्याची गरज असल्याचं ओंकारने सांगितलं.

‘कॉमेडीचा सिलेबस अपडेट व्हायला हवा’

ओंकारने पुढे कॉमेडीच्या बदलत्या प्रक्रियेबाबतही भाष्य केलं. एका ठराविक बॅचनंतर कॉमेडीचा ‘सिलेबस’ही अपडेट व्हायला हवा आणि ही प्रक्रिया पुढे नेणं गरजेचं आहे, असं त्याचं म्हणणं आहे.

इतर कामं करत असतानाही या सगळ्या गोष्टींची नोंद आपण मनात एका कोपऱ्यात करून ठेवत असल्याचं त्याने सांगितलं.

‘१०-१५ वर्षांनंतर या गोष्टींच्या नोंदी गरजेच्या’

ओंकारने भविष्यात ‘महाराष्ट्राची हास्यजत्रा’कडे कशा पद्धतीने पाहिलं जाईल, याबाबतही आपला विचार मांडला.

१०-१५ वर्षांनंतर पुन्हा एकदा ‘महाराष्ट्राची हास्यजत्रा’चं नाव घेतलं जाईल, तेव्हा कॉमेडी करताना कलाकार नेमका काय विचार करत होता, कोणत्या गोष्टी पाळल्या जात होत्या, माणूस म्हणून, कलाकार म्हणून आणि टीम म्हणून कोणत्या गोष्टी महत्त्वाच्या होत्या, याच्या नोंदी असणं गरजेचं आहे, असं ओंकारने सांगितलं.

त्यामुळे ‘हास्यजत्रा’ सोडण्याचा निर्णय केवळ चित्रपटांच्या कामासाठी घेतला होता, असं न राहता कॉमेडीच्या प्रक्रियेकडे नव्याने पाहण्याची आणि त्यातून काही शिकण्याची त्याची भूमिका होती, हे त्याच्या या वक्तव्यांतून स्पष्ट होतं

Shruti Marathe: ‘कलावंत’च्या वादनावर विद्याधर जोशींचा प्रश्न; अभिनेत्याच्या पोस्टवर श्रुती मराठेचं सणसणीत उत्तर, म्हणाली..

Shruti Marathe: ‘कलावंत’च्या वादनावर विद्याधर जोशींचा प्रश्न; अभिनेत्याच्या पोस्टवर श्रुती मराठेचं सणसणीत उत्तर, म्हणाली..

अमृता यादव — Tue, 29 Sep 2026 09:34:54 +05:30

विद्याधर जोशींनी ‘कलावंत’ पथकाबाबत काय विचारलं?

श्रुती मराठेने काय उत्तर दिलं?

श्रुतीच्या कमेंटवर विद्याधर जोशींचं उत्तर

Shruti Marathe: नुकताच गणेशोत्सव उत्साहात पार पडला. अनंत चतुर्दशीला भक्तीभावाने बाप्पाला निरोप देताना राज्यभरात विविध ठिकाणी भव्य विसर्जन मिरवणुका काढण्यात आल्या. गणेशोत्सव म्हटलं की ढोल-ताशांचा गजर आणि या तालावर थिरकणारी तरुणाई हे चित्र हमखास पाहायला मिळतं. गणरायाचं आगमन असो किंवा विसर्जन, ढोल-ताशा पथकांना मोठी मागणी असते. त्यासाठी वादक अनेक दिवस आधीपासून सराव करत असतात.
पुण्यातील प्रसिद्ध ढोल-ताशा पथकांमध्ये ‘कलावंत’ ढोलताशा पथकाचाही समावेश आहे. या पथकात मराठी मनोरंजनसृष्टीतील अनेक कलाकार सहभागी होताना दिसतात. अभिनेत्री श्रुती मराठे, सिद्धार्थ जाधव, तेजस्विनी पंडित, सौरभ गोखले यांच्यासह अनेक कलाकारांचे ढोल-ताशा वादनाचे फोटो आणि व्हिडीओ गणेशोत्सवादरम्यान सोशल मीडियावर चर्चेत असतात. पुण्यातील गणेश विसर्जन मिरवणुकीत ‘कलावंत’ पथकाच्या वादनाचे व्हिडीओ यापूर्वीही समोर आले आहेत.

दरम्यान, याच ‘कलावंत’ ढोलताशा पथकाबाबत अभिनेते विद्याधर जोशी यांनी सोशल मीडियावर काही प्रश्न उपस्थित केले. त्यांच्या पोस्टनंतर या पथकाचा भाग असलेल्या अभिनेत्री श्रुती मराठे यांनी कमेंट करत त्यांना थेट उत्तर दिलं. त्यामुळे दोन्ही कलाकारांच्या सोशल मीडिया संवादाची चर्चा रंगली.

विद्याधर जोशींनी पोस्टमध्ये काय विचारलं?

विद्याधर जोशी यांनी फेसबुकवर पोस्ट शेअर करत ‘कलावंत’ पथकातील कलाकारांच्या वादनाबाबत दोन प्रश्न उपस्थित केले. विसर्जन मिरवणुकीत हे कलाकार प्रत्यक्षात किती वेळ वादन करतात आणि सोशल मीडियावरील रील्समध्ये ज्या जोशात ते वादन करताना दिसतात, त्याच जोशात ते सतत वादन करतात का, असा प्रश्न त्यांनी विचारला.

श्रुती मराठेने दिलं थेट उत्तर

विद्याधर जोशींच्या पोस्टवर श्रुती मराठे यांनी कमेंट करत त्यांच्या प्रश्नांना उत्तर दिलं. त्यांनी सांगितलं की, पथकातील कलाकार सुमारे दीड महिना सराव करतात. गणेशोत्सवाच्या ११ दिवसांत १४ वेळा वादन केलं जातं, तर शेवटच्या दिवशी जवळपास साडेसात तासांची विसर्जन मिरवणूक असते.

‘आम्हाला वादन करायला मनापासून आवडतं’, असं सांगतानाच श्रुती मराठे यांनी वादनाबाबत शंका असल्यास पुढच्या वर्षी प्रत्यक्ष येऊन पाहण्याचं आवाहनही केलं. याचवेळी त्यांनी, ‘घरी बसून फेसबुकवर टाकून प्रश्नांची उत्तरं मिळत नाहीत’, अशा शब्दांत प्रतिक्रिया दिली.

‘माझा तुझ्यावर पूर्ण विश्वास आहे…’

श्रुती मराठे यांच्या कमेंटनंतर विद्याधर जोशी यांनीही त्यांना उत्तर दिलं. श्रुतीच्या कमेंटमधील पहिल्या तीन ओळींमध्येच आपल्या प्रश्नाचं उत्तर मिळाल्याचं त्यांनी म्हटलं.

तसंच, ‘माझा तुझ्यावर पूर्ण विश्वास आहे’, असं सांगत प्रत्यक्ष येऊन पाहण्याची गरज नसल्याचंही त्यांनी स्पष्ट केलं. वादन करणाऱ्यापेक्षा ते ऐकणाऱ्या किंवा पाहणाऱ्याला अधिक त्रास होऊ शकतो, हा आपला वैयक्तिक अनुभव असल्याचं त्यांनी नमूद केलं.

(फोटो सौजन्य- सोशल मीडिया)

Drishyam 3: २ ऑक्टोबरला ‘दृश्यम 3’ पाहा अन् फ्रीमध्ये पावभाजी खा; जाणून घ्या ‘या’ ऑफरसाठी नेमकं काय करावं लागणार?

आपले प्रश्न केवळ रील्स पाहिल्यामुळे पडले होते आणि प्रत्यक्ष वादन पाहिलेलं नव्हतं, हेही विद्याधर जोशी यांनी स्पष्ट केलं. फेसबुकवर प्रश्न विचारल्यानंतर श्रुती मराठे यांनी त्याला उत्तर दिल्याबद्दल त्यांनी त्यांचे आभार मानले. तसेच, ‘तुला माझा राग आला असेल तर ते योग्यच आहे’, असंही त्यांनी आपल्या कमेंटमध्ये म्हटलं.

सोशल मीडियावर रंगला दोन्ही कलाकारांचा संवाद

दरम्यान, श्रुती मराठे आणि विद्याधर जोशी यांच्यातील हा संवाद सोशल मीडियावर चर्चेचा विषय ठरला आहे. सुरुवातीला प्रश्न उपस्थित करणाऱ्या विद्याधर जोशींना श्रुती मराठे यांनी आपल्या पथकाच्या सराव आणि वादनाबाबत सविस्तर माहिती देत उत्तर दिलं. त्यानंतर विद्याधर जोशी यांनीही आपली भूमिका स्पष्ट करत श्रुती यांच्या उत्तराबद्दल आभार मानले.

Savani Ravindra: राष्ट्रीय पुरस्कारानंतर पार्श्वगायिका सावनी रवींद्र यांना आणखी मोठा सन्मान; ‘लता मंगेशकर पुरस्कार 2026’ प्रदान

Vishakha Subhedar On Maharashtrachi Hasyajatra: विशाखा सुभेदारने हास्यजत्रा का सोडली? अखेर सांगितलं खरं कारण

Riddhi Vanne — Mon, 28 Sep 2026 18:59:58 +05:30

२०११ ते २०२२पर्यंत सतत काम केल्यानंतर विशाखाने हास्यजत्रेतून ब्रेक घेतला.

कम्फर्ट झोनच्या बाहेर पडून वेगळ्या भूमिका करण्याची तिची इच्छा होती.

एक-दोन वर्षांनी हास्यजत्रेत परतण्याची शक्यता असल्याचं विशाखाने सांगितलं.

महाराष्ट्राची हास्यजत्रा म्हटलं की डोळ्यासमोर येतात ते सगळे विनोदी कलाकार समोर येतात. त्यामधील एक म्हणजे विशाखा सुभेदार आहे. अनेक वर्ष विशाखाने हास्य जत्रेमध्ये काम करत सगळ्यांना हसवलं. तिच्या एकेका स्किटची लोक आजही आठवण काढतात. मात्र आता तिने कार्यक्रमातून ब्रेक घेतला आहे. Vishakha Subhedar On Maharashtrachi Hasyajatra:

सुरुवातीला खूप मजा

विशाखा कुठे गेली? तिने शो का सोडला? आता तिनेच एका मुलाखतीत याचं उत्तर दिलं आहे.११ वर्ष एकच काम केलं, आता थांबावं वाटलं विशाखाने सांगितलं, मी २०११ पासून ते २०२२ पर्यंत सतत स्किटच करत होते. रोज तेच, दर आठवड्याला नवीन स्किट, नवीन पात्र. सुरुवातीला खूप मजा यायची, पण नंतर वाटलं की एकाच ठिकाणी अडकले आहे.

हास्यजत्रा का सोडली?

ती म्हणाली, “लोक आजही नाटकाला आले की विचारतात, तुम्ही हास्यजत्रा का सोडली? आम्ही तुम्हाला मिस करतो. हे ऐकून बरं वाटतं. लोक माझ्या जुन्या स्किटचं नाव घेऊन सांगतात. पण मला एक ब्रेक हवा होता. सतत तेच करत होते म्हणून थोडं थांबायचं होतं.”कम्फर्ट झोनच्या बाहेर यायचं होतंतिचं एक वाक्य खूप महत्वाचं आहे. ती म्हणाली, आपण एकदा कम्फर्ट झोनमध्ये आलो की आपण आळशी होतो. सगळं सेट असतं, पगार वेळेवर येतो, EMI भरले जातात. पण तिथेच आपली वाढ थांबते.

Shubham Karoti Marathi Play: मुलांची स्वप्नं की आई-बाबांच्या अपेक्षा? ‘शुभं करोति’मधून उलगडणार घराघरातली गोष्ट

कामातून ब्रेक घेणं म्हणजे मोठा धोका

हास्यजत्रा सोडणं तिच्यासाठी सोपं नव्हतं. कारण महिन्याचा खर्च, घराचं EMI, सगळं त्या शोवर अवलंबून होतं. एका कलाकारासाठी कामातून ब्रेक घेणं म्हणजे मोठा धोका असतो. पण तरीही तिने तो धोका घेतला.तिला वाटलं की कॉमेडीच्या बाहेर पण मी काहीतरी करू शकते. लोक मला विनोदी अभिनेत्री म्हणून ओळखतात, याचा मला अभिमान आहे. पण मला वेगळ्या भूमिका पण करायच्या आहेत. एक कलाकार म्हणून मला स्वतःला अजून तपासून बघायचं होतं.ती असं पण म्हणाली की याचा अर्थ असा नाही की मी कॉमेडी सोडली. मी अजूनही नाटकात कॉमेडीच करते. फक्त स्किटचा जो फॉरमॅट आहे, त्यातून मी थोडा वेळ बाजूला झाले आहे.

Ketaki Mategaonkar: आवाजाची जादू अन् चाहत्यांचं भरभरून प्रेम! ‘या’ अभिनेत्रींने पार केला ५ कोटी व्ह्यूजचा टप्पा

परत येणार का?लोकांचा सगळ्यात मोठा प्रश्न हाच आहे, ती परत हास्यजत्रेत येणार का?

यावर ती म्हणाली, हो, कदाचित एक दोन वर्षांनी मी परत येईन. आजही मी हास्यजत्रेचे एपिसोड बघते. तेव्हा वाटतं, अरे हा सीन मी केला असता तर? ही जागा माझी असती तर मी कसं केलं असतं? असं मनात येतं. सिनेमाच्या वेळी पण असंच होतं, दुसऱ्याची भूमिका बघून वाटतं की ही मी केली असती तर बरं झालं असतं.पण शेवटी ती म्हणाली, नशिबात जे लिहिलंय तेच मिळतं.तिने ही सगळी मनातली गोष्ट ‘सिनेविस्टा मराठी’ ला दिलेल्या मुलाखतीत सांगितली.एकूणच बघितलं तर विशाखाने शो प्रसिद्धीसाठी नाही तर स्वतःच्या वाढीसाठी सोडला. तो निर्णय धाडसी होता. पण एका खऱ्या कलाकाराला असाच निर्णय घ्यावा लागतो.

Marathi Singer: चक्क साडी नेसून नदीत पोहली, गणपती विसर्जनाचीही केली पूजा; ‘या’ मराठी गायिकेचा Video तुफान व्हायरल

अमृता यादव — Mon, 28 Sep 2026 12:18:50 +05:30

Marathi Singer: गणपती म्हटलं की सगळ्यात आधी आठवतो तो कोकण. कोकणातील गणेशोत्सवाची मजाच काही और असते. काही दिवसांपूर्वीच राज्यभरात लाडक्या बाप्पाला मोठ्या भक्तिभावाने निरोप देण्यात आला. गणेशोत्सवासाठी अनेक चाकरमानी आपल्या कुटुंबासह कोकणातील गावी जातात. यंदाही अनेक मराठी कलाकारांनी आपल्या गावी जाऊन गणेशोत्सव साजरा केला. अशातच एका मराठी गायिकेने कोकणातील गणेशोत्सवाची खास झलक चाहत्यांसोबत शेअर केली आहे. विशेष म्हणजे, गणपती विसर्जनाच्या वेळी ही गायिका चक्क साडी नेसून नदीत पोहताना दिसली.

मुग्धा वैशंपायनचा कोकणातील गणेशोत्सव

मराठी संगीतविश्वातील प्रसिद्ध गायिका मुग्धा वैशंपायन सध्या सोशल मीडियावर कोकणातील गणेशोत्सवाची झलक दाखवत आहे. मुग्धा आणि प्रथमेश लघाटे यांनी दरवर्षीप्रमाणे यंदाही गणेशोत्सव मोठ्या उत्साहात साजरा केला. गणपती विसर्जनाच्या वेळचा एक खास व्हिडीओ मुग्धाने आपल्या सोशल मीडिया अकाउंटवर शेअर केला आहे.

या व्हिडीओमध्ये मुग्धा पारंपरिक साडी नेसून नदीत मनसोक्त पोहताना दिसत आहे. विशेष म्हणजे, गणपती विसर्जनाच्या वेळी तिने आरवलीच्या नदीत पोहण्याचा आनंद घेतला. तिचा हा व्हिडीओ प्रथमेशने शूट केला आहे.

Lata Mangeshkar Birth Anniversary: वयाच्या पाचव्या वर्षी रंगमंचावर पाऊल; अभिनयाची आवड असलेल्या लतादीदी कशा बनल्या ‘स्वरकोकिळा’?

‘साडी नेसून नदीत पोहोले’, मुग्धाने सांगितला अनुभव

मुग्धाने हा व्हिडीओ शेअर करताना आपल्या या खास अनुभवाबद्दल लिहिलं आहे. विहिरीत पोहण्याची सवय असल्याचं सांगत तिने यावेळी चक्क साडी नेसून नदीत पोहल्याचं म्हटलं आहे. तसेच, हा तिच्यासाठी एक नवा अनुभव असल्याचंही तिने आपल्या पोस्टमधून सांगितलं.

मुग्धाच्या या व्हिडीओला चाहत्यांकडूनही मोठा प्रतिसाद मिळत आहे. तिच्या या अनोख्या अंदाजाची सोशल मीडियावर चर्चा रंगली असून, चाहत्यांनी कमेंट्सचा वर्षाव केला आहे.

View this post on Instagram

OTT Releases This Week: २८ सप्टेंबर ते ४ ऑक्टोबरदरम्यान OTT वर रिलीज होणार ५ नवे चित्रपट-सीरिज; पाहा संपूर्ण यादी

प्रथमेश-मुग्धाची जोडी कायम चर्चेत

मुग्धा वैशंपायन आणि प्रथमेश लघाटे हे मराठी संगीतविश्वातील लोकप्रिय जोडपं आहे. दोघांचे फोटो आणि व्हिडीओ सोशल मीडियावर नेहमीच चर्चेत असतात. दोघेही एकत्र गायनाचे कार्यक्रम करताना दिसतात.

‘सारेगमप लिटिल चॅम्प्स’च्या माध्यमातून मुग्धा आणि प्रथमेश यांनी प्रेक्षकांच्या मनात विशेष स्थान निर्माण केलं. या कार्यक्रमाच्या माध्यमातून त्यांची ओळख झाली आणि पुढे त्यांच्या मैत्रीचं रुपांतर प्रेमात झालं. त्यानंतर दोघांनी लग्नगाठ बांधली. आता दोघेही आपल्या संगीताच्या प्रवासासोबतच वैयक्तिक आयुष्यातील खास क्षण चाहत्यांसोबत शेअर करताना दिसतात.

Swarda Thigale: ‘प्रेमाची गोष्ट’ फेम स्वरदा ठिगळेच्या घरी चिमुकल्या लेकीचं आगमन; Daughters Day च्या दिवशी सांगितली गोड बातमी

अमृता यादव — Mon, 28 Sep 2026 09:16:28 +05:30

स्वरदाने शेअर केला लेकीसोबतचा खास फोटो

चिमुकल्या लेकीच्या आगमनाने आयुष्यात सुरू झाला नवा अध्याय

‘प्रेमाची गोष्ट’मधून मिळाली लोकप्रियता

Swarda Thigale: ‘प्रेमाची गोष्ट’ या लोकप्रिय मालिकेतून घराघरात पोहोचलेली अभिनेत्री स्वरदा ठिगळे आई झाली आहे. स्वरदाने सोशल मीडियावर एक खास पोस्ट शेअर करत चाहत्यांसोबत ही आनंदाची बातमी शेअर केली आहे. अभिनेत्रीने एका गोंडस मुलीला जन्म दिला असून, लेकीच्या जन्मानंतर तब्बल सात दिवसांनी तिने ही गुडन्यूज चाहत्यांना सांगितली. विशेष म्हणजे जागतिक कन्या दिनाच्या दिवशी स्वरदाने ही खास बातमी जाहीर केली.
स्वरदाने शेअर केला लेकीसोबतचा खास फोटो

स्वरदाने इन्स्टाग्रामवर एक सुंदर फोटो शेअर केला आहे. या फोटोमध्ये स्वरदा आणि तिचा पती आपल्या चिमुकल्या लेकीकडे आनंदाने पाहताना दिसत आहेत. हा फोटो शेअर करत अभिनेत्रीने आपल्या आयुष्यातील या नव्या पर्वाबद्दल भावुक पोस्ट लिहिली आहे.

“प्रत्येक दिवशी दोघांना निवडणं, हीच कहाणी गेल्या काही काळापासून आमच्या आयुष्यात सुरू होती. आता आमची कहाणी एका सुंदर अशा नवीन अध्यायाने सुरू होत आहे. या छोट्या पाहुणीमुळे आमच्या आयुष्याला एक नवीन अर्थ मिळाला आहे. २० सप्टेंबर रोजी आमच्या आयुष्यात एका गोंडस मुलीचा जन्म झाला आहे, जिच्या रूपाने आम्हाला आशीर्वाद लाभला आहे. सर्वांना डॉटर्स डेच्या खूप खूप शुभेच्छा!” असं स्वरदाने पोस्टच्या कॅप्शनमध्ये म्हटलं आहे.

चाहत्यांकडून शुभेच्छांचा वर्षाव

स्वरदाने ही गोड बातमी शेअर करताच चाहत्यांनी तिच्यावर शुभेच्छांचा वर्षाव केला. सोशल मीडिया कमेंट्समधून चाहत्यांसोबतच अनेक मराठी कलाकारांनीही स्वरदा आणि तिच्या कुटुंबाचं अभिनंदन केलं आहे. लेकीच्या आगमनामुळे अभिनेत्रीच्या आयुष्यात आनंदाचं नवं पर्व सुरू झालं आहे.

View this post on Instagram

India’s Best Dancer 5 Winner: १९ वर्षीय रितेश पालने मारली बाजी; प्रतीक उतेकरसोबत जिंकली ट्रॉफी, १५ लाखांचं बक्षीस

‘प्रेमाची गोष्ट’मुळे मिळाली लोकप्रियता

स्वरदा ठिगळेने ‘प्रेमाची गोष्ट’ या मालिकेत काम केलं आहे. तेजश्री प्रधानने मालिका सोडल्यानंतर स्वरदाने तिची जागा घेतली होती. या मालिकेतील भूमिकेमुळे स्वरदा प्रेक्षकांच्या घराघरात पोहोचली आणि तिची मोठी फॅन फॉलोइंग निर्माण झाली.

आता अभिनयासोबतच स्वरदाच्या आयुष्यात आई म्हणून एक नवी जबाबदारी आली आहे. Daughters Dayच्या खास दिवशी तिने दिलेली ही गुडन्यूज तिच्या चाहत्यांसाठीही खास ठरली आहे.

The Vvan Box Office Collection: रिव्ह्यू निगेटिव्ह, तरी प्रेक्षकांचा पैसा वसूल! ‘द वन’ने ओपनिंग डेला केली ‘इतकी’ कोटींची कमाई

Prithvik Pratap: समोर आगीच्या ज्वाळा, रात्रीचा काळोख अन् मित्रांसोबत रोड ट्रिप; पृथ्वीक प्रतापने सांगितला थरारक अनुभव

अमृता यादव — Sun, 27 Sep 2026 11:09:10 +05:30

रात्रीच्या रोड ट्रिपमध्ये दिसल्या आगीच्या ज्वाळा

जवळ गेल्यावर नेमकं काय दिसलं?

पृथ्वीकच्या व्हिडीओवर चाहत्यांच्या कमेंट्स

Prithvik Pratap: ‘महाराष्ट्राची हास्यजत्रा’ फेम अभिनेता पृथ्वीक प्रताप सोशल मीडियावर चांगलाच सक्रिय असतो. आपल्या दैनंदिन आयुष्यातील विविध घडामोडी तो सोशल मीडियाच्या माध्यमातून चाहत्यांसोबत शेअर करताना दिसतो. नुकताच त्याने आपल्या अधिकृत इन्स्टाग्राम अकाऊंटवर एक व्हिडीओ शेअर केला आहे. या व्हिडीओमध्ये त्याने रोड ट्रिपदरम्यान आलेला एक थरारक अनुभव सांगितला असून, हा व्हिडीओ सध्या चर्चेत आहे.
रात्रीच्या रोड ट्रिपमध्ये दिसल्या आगीच्या ज्वाळा

पृथ्वीक प्रताप आपल्या मित्रांसोबत रोड ट्रिपला गेला होता. रात्रीच्या वेळी डोंगर आणि वाहतं पाणी अशा परिसरातून तो आणि त्याचा मित्र पुढे जात असल्याचं व्हिडीओमध्ये दिसत आहे. याचदरम्यान पृथ्वीकला एका ठिकाणी दूरवर आगीच्या ज्वाळा धगधगत असल्याचं दिसतं.

हे दृश्य पाहून पृथ्वीक कॅमेरा त्या दिशेने करत चाहत्यांना ते दृश्य दाखवतो. “मित्रांनो, मी आणि माझा मित्र एका ठिकाणी रोड ट्रिप करत आलो. या ठिकाणी आम्हाला काहीतरी दिसलं आहे. मी दाखवतो, थांबा,” असं तो व्हिडीओमध्ये म्हणताना दिसतो.

जवळ गेल्यावर नेमकं काय दिसलं?

व्हिडीओमध्ये दूरवरून ज्वाळा पेटलेल्या दिसत असल्या तरी, त्या ठिकाणी जवळ गेल्यानंतर वेगळंच चित्र पाहायला मिळतं. पृथ्वीक आणि त्याचे मित्र नदीतून वाट काढत त्या दिशेने पुढे जातात.

“आम्ही तिथे जवळ जाऊन तिथे काय आहे ते बघणार आहोत. मित्रांनो, हा रस्ता आहे. आम्ही फक्त पुढे जाण्याचा प्रयत्न करत आहोत,” असं पृथ्वीक सांगतो.

मात्र, त्या ठिकाणी पोहोचल्यानंतर पृथ्वीक आणि त्याचे मित्र अचानक तिथून पळत परत येताना दिसतात. त्या ठिकाणी नेमकं काय होतं किंवा त्यांनी काय पाहिलं, याचा खुलासा अद्याप झालेला नाही. त्यामुळे व्हिडीओ पाहणाऱ्या चाहत्यांमध्येही उत्सुकता निर्माण झाली आहे.

View this post on Instagram

Exclusive: अभिनेता म्हणून आव्हानं आवडतात, ‘धाकट्या सूनबाई’ मालिकेतून मंदार जाधव पहिल्यांदाच झी मराठीवर

चाहत्यांच्या कमेंट्सची चर्चा

पृथ्वीकचा हा व्हिडीओ सोशल मीडियावर व्हायरल होताच चाहत्यांनी आणि नेटकऱ्यांनी विविध कमेंट्स केल्या आहेत. “नेमकं काय होतं तिकडे?”, “जागा कुठली आहे?” अशा कमेंट्स करत अनेकांनी पृथ्वीकला त्या ठिकाणाबद्दल विचारलं आहे.

तर एका चाहतीने, “मीसुद्धा किती घाबरत घाबरत बघत होते,” अशी प्रतिक्रिया दिली आहे. मात्र, पृथ्वीक आणि त्याच्या मित्रांना त्या ठिकाणी नेमकं काय दिसलं, याबाबत अद्याप कोणतीही अधिकृत माहिती समोर आलेली नाही.

KBC 18: कसाब अमिताभ बच्चन यांना भेटायला आला होता? KBC 18 मध्ये उज्ज्वल निकमांनी सांगितला 26/11 चा किस्सा

Exclusive: अभिनेता म्हणून आव्हानं आवडतात, ‘धाकट्या सूनबाई’ मालिकेतून मंदार जाधव पहिल्यांदाच झी मराठीवर

दिपाली नाफडे — Sun, 27 Sep 2026 10:16:44 +05:30

Exclusive: आतापर्यंत अनेक मालिकांमधून आपल्या अभिनयाची छाप सोडलेला अभिनेता मंदार जाधव आता झी मराठीच्या नव्या मालिकेतून प्रेक्षकांच्या भेटीला येत आहे. ‘धाकट्या सुनबाई’ या मालिकेत तो वेदांत पटवर्धन ही प्रमुख व्यक्तिरेखा साकारणार आहे. मंदार जाधवने या निमित्ताने ‘नवराष्ट्र’सह खास गप्पा मारल्या.

ही मालिका कशी मिळाली आणि भूमिकेसाठी कशी निवड झाली"font-weight: 400;">यावर मंदार अगदी मनमोकळेपणाने म्हणाला की, ‘ कोठारे व्हिजनची ही मालिका आहे आणि त्यांच्याबरोबर अगदी कुटुंबासारखे संबंध आहेत. ही भूमिका माझ्याकडे आली तेव्हा नकार द्यायचा काही प्रश्नच नव्हता. कारण त्यांच्यासह काम करताना मला फारच मजा येते आणि त्यांची काम करण्याची पद्धत खूपच चांगली आहे. त्यामुळे जराही विचार न करता लगेच होकार दिला.’

झी मराठीसह पहिल्यांदाच काम करत आहेस तर अनुभव कसा आहे"font-weight: 400;"> यावर मंदार म्हणाला की, ‘झी कुटुंबाबरोबरच माझी सुरूवात झाली खरं तर आणि त्यामुळे मला कुटुंबात परत आल्यासारखे वाटत आहे. अनेक जणांना माहीत नसेल पण झी टीव्ही हिंदीपासून माझ्या करिअरची सुरूवात झाली आणि त्यानंतर मी मराठी मालिकांमध्ये आलो. इतके वर्ष तो योग जुळून येत नव्हता. मात्र यावेळी सगळे योग जुळून आल्यासारखं वाटतंय’

Exclusive: राधिकाच्या भूमिकेतून चिन्मयी मोरेची नवी सुरुवात, ‘धाकट्या सूनबाई’ Zee Marathi वर

‘धाकट्या सूनबाई’मधील वेदांत पटवर्धन ही व्यक्तिरेखा कशी आहे आणि मंदारशी काही साम्य आहे का"font-weight: 400;"> यावर मंदार पटकन म्हणाला की, ‘वेदांत हा आजच्या पिढीचा सुशिक्षित, सुसंस्कृत तरुण आहे. आपल्या कुटुंबावर मनापासून प्रेम करणारा, सर्वांचा आदर करणारा पण तितकाच ठाम मताचा आहे. एक गोष्ट नक्की सांगेन की प्रत्येक आईला वाटेल की असा मुलगा असावा, बहिणीला असा भाऊ असवा आणि प्रत्येक गर्लफ्रेंडला हवासा वाटणारा बॉयफ्रेंड अशी ही व्यक्तिरेखा आहे. सगळ्यात महत्त्वाचं म्हणजे तो कोणावरही अन्याय वा अत्याचार सहन न करणारा आहे, अगदी कुटुंबाच्या विरोधात जावं लागलं तरीही तो त्यासाठी जायला तयार होईल.’ पुढे मंदार म्हणाला की, ‘माझ्याशी या व्यक्तिरेखेशी साम्य म्हणजे मी सुद्धा माझ्या आयुष्यात तितकाच ठाम मताचा आहे आणि स्वतःवर प्रेम करणारा आहे. इतरांसह स्वतःची काळजी घेणंही तितकंच महत्त्वाचं आहे आणि मी तसाच आहे’

ही भूमिका तुला का स्वीकारावी वाटली"font-weight: 400;"> असं विचारल्यावर मंदार म्हणाला की, ‘अभिनेता म्हणून काम करताना आव्हानं स्वीकारायला मला आवडतं. यापूर्वी मी साकारलेल्या भूमिकेपेक्षा वेदांत ही व्यक्तिरेखा वेगळी आहे. त्याचा लुक, वागणं, बोलणं सर्वच वेगळं आहे आणि या व्यक्तिरेखेसाठी मी २ महिने प्रचंड मेहनत केली आहे. वेदांत हा आताच्या Gen Z प्रमाणे आहे. त्यामुळे त्याचा लुक अगदी फ्रेश आहे. हिरोसारखा दिसावं यासाठी डाएटवर पण खूप काम करावं लागलं. प्रेक्षकांना वेदांत आपलासा वाटवा यासाठी खूप तयारी केली आहे. याशिवाय व्यक्तिरेखेला प्रत्येक कलाकार व्यक्तिगत टच देत असतो आणि वेदांतच्या या भूमिकेसाठीही मी तशीच मेहनत करतोय’

मेघनदेखील झी वर भूमिका करतोय, जेव्हा घरी कळलं तेव्हा त्यांची प्रतिक्रिया काय होती"font-weight: 400;"> यावर अगदी उत्साहाने मंदारने सांगितलं की, ‘घरी सांगितल्यावर सर्वांचीच प्रतिक्रिया खूप मस्त होती. कारण मेघन जयंतच्या भूमिकेत कमाल करतोय आणि आता दोघेही भाऊ एकाच वाहिनीवर काम करणार त्यामुळे प्रेक्षकांना आणि घरच्यांनाही काही कार्यक्रमांना आम्हाला एकत्र पाहता येईल किंवा मालिकेच्या १ तासाच्या भागातही कदाचित आम्ही कधीतरी एकत्र दिसू अशी आम्हाला दोघांना पण अपेक्षा आहे आणि त्या निमित्ताने दोघांना एकत्र काम करता येईल हा तर वेगळाच आनंद आहे’

Dhaktya Sunbai Marathi Serial: सोशल मीडियावर गाजल्यानंतर ‘या’ प्रसिद्ध इन्फ्लुएन्सरची मालिकेत एन्ट्री; पहिल्यांदाच टीव्हीवर झळकणार

प्रेक्षकांकडून तुझी काय अपेक्षा आहे"font-weight: 400;"> यावर मंदार अगदी मनापासून म्हणाला की, ‘प्रेक्षक हे आपले मायबाप आहेत. त्यांचं मनोरंजन करणं हेच आमचं काम आहे. पण एखादी गोष्ट आवडली नाही तर त्यांनी ती कोणत्याही माध्यमातून माझ्यापर्यंत पोहचवावी मी त्यात बदल करण्याचा नक्की प्रयत्न करेन आणि कायम त्यांच्या अपेक्षा पूर्ण करण्यासाठी काम करेन हे नक्की. माझी त्यांच्याकडून कोणतीही अपेक्षा नाही. फक्त त्यांनी मला भरभरून प्रेम द्यावे इतकंच मनापासून वाटतं’ ‘धाकट्या सूनबाई’ ही मालिका झी मराठीवर २८ सप्टेंबरपासून सुरू होणार आहे आणि मंदारने प्रेक्षकांना मनापासून आपली मालिका पाहण्याचे आवाहनही या मुलाखतीद्वारे केलंय.

Inspector Manju Satya Manju Wedding: सत्या-मंजूच्या लग्नसोहळ्याची खास झलक! अंतरपाटावर उमटलं चाहत्यांचं प्रेम

Riddhi Vanne — Fri, 25 Sep 2026 18:20:47 +05:30

सत्या-मंजूचा लग्नसोहळा २७ सप्टेंबरला

ज्येष्ठ नागरिकांच्या हातांचे ठसे

वैभव कदमने प्रेक्षकांच्या प्रेमाबद्दल व्यक्त केल्या भावना

‘सन मराठी’वरील लोकप्रिय मालिका ‘इन्स्पेक्टर मंजू’ मध्ये सत्या आणि मंजू यांच्या लग्नाची धामधूम पाहायला मिळणार आहे. या जोडीला महाराष्ट्रातील सर्वच वयोगटातील प्रेक्षकांकडून भरभरून प्रेम मिळत असून, सत्या-मंजूच्या लग्नाची चाहत्यांमध्येही विशेष उत्सुकता आहे. प्रेक्षकांच्या याच प्रेमाची खास आठवण या लग्नसोहळ्यात जपली जाणार आहे. हा लग्नसोहळा येत्या २७ सप्टेंबर रोजी दुपारी १ व रात्री ८ वाजता पाहायला मिळणार आहे. Inspector Manju Satya Manju Wedding:
हातांचे ठसे आशीर्वाद रुपी उमटले

सत्या-मंजूच्या लग्नातील खास अंतरपाटासाठी साताऱ्यातील समता वृद्धाश्रमातील ज्येष्ठ नागरिकांच्या हातांचे ठसे आशीर्वाद रुपी उमटले. त्यामुळे मालिकेतील या लग्नसोहळ्याला केवळ प्रेक्षकांचं प्रेमच नाही, तर ज्येष्ठांचे आशीर्वादही लाभणार आहेत. आपल्या लाडक्या सत्या-मंजूला आशीर्वाद देताना वृद्धांनी त्यांच्यावरील प्रेम व्यक्त केले.

Vanita Kharat Weight Loss: महाराष्ट्राची हास्यजत्रा’ फेम वनिता खरातने घटवलं २४ किलो वजन; फिटनेस ट्रान्सफॉर्मेशनची जोरदार चर्चा

या दोन्ही पात्रांवर ज्येष्ठ प्रेक्षकांचं खूप प्रेम

सत्याची भूमिका साकारणारा अभिनेता वैभव कदम याबद्दल सांगताना म्हणाला, “महाराष्ट्रातून सत्या-मंजू या जोडीला मिळणारं प्रेम खरंच अभूतपूर्व आहे. विशेष म्हणजे आमच्या मालिकेवर आणि या दोन्ही पात्रांवर ज्येष्ठ प्रेक्षकांचं खूप प्रेम आहे. एक कलाकार म्हणून त्यांचं हे प्रेम प्रत्यक्ष अनुभवताना मन भरून येतं. सत्या आणि मंजूचं लग्न धूमधडाक्यात व्हावं, त्यांनी एकत्र यावं, अशी आमच्या चाहत्यांची खूप दिवसांपासून इच्छा होती. त्यामुळे त्यांच्या प्रेमाखातर हे लग्न एका खास पद्धतीने पार पडत आहे.”

Tu Hi Re Maza Mitwa Serial: सुरू होतेय प्रेमाची लपाछपी; अर्णव-ईश्वरीच्या नात्यात नवा ट्विस्ट, मालिकेचा नवा प्रोमो चर्चेत

संपूर्ण टीमला मिळालेला आशीर्वाद

तो पुढे म्हणाला की, “या लग्नातील सर्वात खास गोष्ट म्हणजे आमच्या लाडक्या प्रेक्षकांच्या हातांचे ठसे या लग्नाच्या अंतरपाटावर असणार आहेत. आमच्यासाठी हे फक्त हातांचे ठसे नसून आमच्या जोडीला व संपूर्ण टीमला मिळालेला आशीर्वाद आहे. पडद्यावर सत्या-मंजूचं लग्न होत असलं तरी या लग्नात आमच्या प्रेक्षकांचाही एक सुंदर सहभाग आहे, ही भावना खूप खास आहे. लग्नातील आमचे लुक देखील आकर्षक आहेत. मुळात मालिका विश्वात पहिल्यांदा नवरी लेहेंगा परिधान करून लग्नाच्या मंडपात दिसणार आहे “

Vanita Kharat Weight Loss: महाराष्ट्राची हास्यजत्रा’ फेम वनिता खरातने घटवलं २४ किलो वजन; फिटनेस ट्रान्सफॉर्मेशनची जोरदार चर्चा

अमृता यादव — Fri, 25 Sep 2026 16:30:18 +05:30

Vanita Kharat Weight Loss: कलाकार मंडळी आपल्या फिटनेसकडे विशेष लक्ष देताना दिसतात. डाएट असो किंवा व्यायाम, फिट राहण्यासाठी अनेक कलाकार सातत्याने मेहनत घेतात. याच यादीत आता ‘महाराष्ट्राची हास्यजत्रा’ फेम अभिनेत्री वनिता खरात चर्चेत आली आहे. गेल्या काही दिवसांपासून वनिता वजन कमी करण्यासाठी मेहनत घेत असून, तिच्या फिटनेस ट्रान्सफॉर्मेशनची सोशल मीडियावरही चर्चा होत आहे.

व्यायाम आणि डाएटशी संबंधित पोस्ट वनिता सोशल मीडियावर शेअर करताना दिसते. मात्र, तिने आतापर्यंत नेमकं किती वजन कमी केलं, याची उत्सुकता तिच्या चाहत्यांना होती. आता स्वतः वनिताने याचा खुलासा केला आहे.

वनिता खरातने घटवलं २४ किलो वजन

वनिता खरातने अभिजात मराठी ओटीटीच्या ‘नक्की काय शिजतंय’ या कार्यक्रमात हजेरी लावली होती. यावेळी तिने चुलीवर कोळंबी सुक्का, पापलेट रवा आणि तवा फ्राय असे विविध पदार्थ बनवले. पदार्थ बनवतानाच वनिताने मनमोकळ्या गप्पाही मारल्या.

याच गप्पांदरम्यान तिला आतापर्यंत किती किलो वजन कमी केलं, असा प्रश्न विचारण्यात आला. त्यावर वनिताने सांगितलं की, “मी आतापर्यंत २४ किलो वजन कमी केले आहे.”

‘आज माझा चीट डे आहे…’

वजन कमी केल्यानंतरही वनिताने कार्यक्रमात चुलीवर बनवलेले कोकणी पदार्थ मनसोक्त खाल्ले. याबाबत बोलताना ती हसत म्हणाली की, “मी आता असे पदार्थ खात नाही, पण आज माझा चीट डे आहे.”

त्यामुळे वजन कमी करण्याच्या प्रवासात डाएटसोबतच अधूनमधून ‘चीट डे’ही ठेवत असल्याचं तिच्या बोलण्यातून समोर आलं.

वनिताला आवडतात मासे अन् पिठीभात

वनिता खरात कोकणातील असल्यामुळे तिला कोकणी पदार्थांची विशेष आवड आहे. तिला कोणते पदार्थ आवडतात, असा प्रश्न विचारला असता तिने मासे, पिठीभात आणि भाजलेला बांगडा आवडत असल्याचं सांगितलं.

मासे हा तिच्या आवडीचा पदार्थ असल्याचंही वनिताने यावेळी सांगितलं. वेगवेगळ्या ठिकाणी जाऊन तिने मासे खाल्ले असल्याचं तिने सांगितलं.

The Paradise Box Office: नानीच्या ‘द पॅराडाइज’ची बंपर ओपनिंग; हिंदीत ‘हनुमान अंश’चा दबदबा कायम, ‘वाइब’-‘दायरा’ची कमाई मंदावली

‘आईच्या हातचं जेवण सर्वात आवडतं’

वनिताला कुणाच्या हातचं जेवण सर्वाधिक आवडतं, असं विचारण्यात आलं असता तिने आपल्या आईचं नाव घेतलं. विविध ठिकाणी चांगलं जेवण मिळत असलं तरी आईने बनवलेलं जेवण आपल्याला सर्वाधिक आवडतं, असं तिने सांगितलं.

विशेषतः आईने बनवलेलं माशाचं सार म्हणजेच कालवण आपल्याला खूप आवडतं, असं वनिताने सांगितलं. त्यामुळे फिटनेसवर लक्ष देतानाही आपल्या आवडीच्या कोकणी पदार्थांशी असलेलं तिचं नातं कायम असल्याचं पाहायला मिळतं.

Pooja Meri Jaan: प्रेम नाकारलं अन् आयुष्यच बदललं; मृणाल ठाकूरच्या ‘पूजा मेरी जान’ची गूढ कथा काय?

Tu Hi Re Maza Mitwa Serial: सुरू होतेय प्रेमाची लपाछपी; अर्णव-ईश्वरीच्या नात्यात नवा ट्विस्ट, मालिकेचा नवा प्रोमो चर्चेत

अमृता यादव — Fri, 25 Sep 2026 15:40:41 +05:30

Tu Hi Re Maza Mitwa Serial: स्टार प्रवाहवरील लोकप्रिय मालिका ‘तू ही रे माझा मितवा’ गेल्या दोन वर्षांपासून प्रेक्षकांचं मनोरंजन करत आहे. मालिकेतील अर्णव आणि ईश्वरीची जोडी प्रेक्षकांच्या विशेष पसंतीस उतरली आहे. कथानकात सातत्याने येणारे ट्विस्ट आणि दोघांच्या नात्यातील चढ-उतार यामुळे मालिकेची क्रेझ कायम आहे. आता मालिकेत पुन्हा एकदा एक रंजक वळण पाहायला मिळणार आहे.

स्टार प्रवाहने नुकताच मालिकेचा एक नवा प्रोमो सोशल मीडियावर शेअर केला असून, या प्रोमोमध्ये अर्णव आणि ईश्वरी एकाच हॉटेलमध्ये काम करताना दिसणार आहेत. विशेष म्हणजे, दोघेही विवाहित असूनही एकमेकांना अनोळखी असल्याचं भासवताना दिसत आहेत. त्यामुळे आता त्यांच्या नात्यात प्रेमाची लपाछपी सुरू होणार असल्याचं पाहायला मिळत आहे.

अर्णवला रेस्टॉरंटमध्ये ऐकू आला ओळखीचा आवाज

प्रोमोमध्ये अर्णव एका रेस्टॉरंटमध्ये जातो. त्याचवेळी त्याला एक ओळखीचा आवाज ऐकू येतो. आत गेल्यावर त्याला ईश्वरी गाणं गाताना दिसते. ईश्वरीला पाहून अर्णवला मोठा धक्का बसतो.

इतक्यात हॉटेलचा मालक तिथे येतो आणि दोघांची एकमेकांशी ओळख करून देतो. यावेळी अर्णव आणि ईश्वरी दोघेही एकमेकांना ओळखत नसल्याचं दाखवतात. दोघेही हॉटेलमध्ये नव्याने जॉईन झालेले असल्याचं समोर येतं.

ईश्वरीने ‘राजेशिर्के’ऐवजी सांगितलं ‘देसाई’ आडनाव

एकमेकांची ओळख करून देताना ईश्वरी स्वतःचं आडनाव ‘राजेशिर्के’ न सांगता ‘देसाई’ असं सांगते. ईश्वरीच्या या वागण्याने अर्णवला आश्चर्याचा धक्का बसतो आणि ही गोष्ट त्याला चांगलीच खटकते.

मालक तिथून गेल्यानंतर अर्णव ईश्वरीला ती इथे काय करत असल्याचं विचारतो. त्यावर ईश्वरी सांगते की तिला सिंगर म्हणून नोकरी मिळाली आहे. त्यानंतर ती अर्णवला तो इथे काय करतोय, असा प्रश्न विचारते.

View this post on Instagram

एकाच हॉटेलमध्ये अर्णव मॅनेजर, ईश्वरी सिंगर

ईश्वरीच्या प्रश्नावर अर्णव सांगतो की तो सीनियर मॅनेजर म्हणून हॉटेलमध्ये जॉईन झाला आहे. त्यानंतर अर्णव तिला या हॉटेलच्या पॉलिसीनुसार नवरा-बायकोला एकत्र काम करण्याची परवानगी नसल्याचं सांगतो.

यावर ईश्वरी हळू आवाजात सांगते की तिने हॉटेलमध्ये स्वतःला सिंगल असल्याचं सांगितलं आहे, त्यामुळे तिला ही नोकरी मिळाली. एवढंच नाही तर भविष्यातही लग्न करण्याचा विचार नसल्याचं तिने सांगितल्याचं ती स्पष्ट करते. ईश्वरीचं हे बोलणं ऐकून अर्णव तिच्याकडे शॉक होऊन पाहताना दिसतो.

The Paradise Box Office: नानीच्या ‘द पॅराडाइज’ची बंपर ओपनिंग; हिंदीत ‘हनुमान अंश’चा दबदबा कायम, ‘वाइब’-‘दायरा’ची कमाई मंदावली

नव्या प्रोमोवर चाहत्यांच्या कमेंट्सचा वर्षाव

‘तू ही रे माझा मितवा’च्या या नव्या प्रोमोने सोशल मीडियावर प्रेक्षकांचं लक्ष वेधून घेतलं आहे. अर्णव आणि ईश्वरीचा नवा लुक आणि त्यांच्यातील अनोखी लपाछपी प्रेक्षकांना आवडल्याचं कमेंट्समधून दिसत आहे.

आता एकाच हॉटेलमध्ये काम करताना अर्णव आणि ईश्वरी आपलं नातं किती दिवस लपवून ठेवणार? ईश्वरीने आपलं आडनाव का बदललं? आणि या सगळ्यामुळे त्यांच्या नात्यात आणखी कोणता ट्विस्ट येणार? हे आगामी भागांत पाहायला मिळणार आहे.

Pooja Meri Jaan: प्रेम नाकारलं अन् आयुष्यच बदललं; मृणाल ठाकूरच्या ‘पूजा मेरी जान’ची गूढ कथा काय?

Jai Jai Swami Samarth: गणपती विसर्जनावेळी सावळ्याचं मोठं सत्य उलगडणार; मालिकेत नवं वळण

अमृता यादव — Fri, 25 Sep 2026 14:50:40 +05:30

Jai Jai Swami Samarth: कलर्स मराठीवरील लोकप्रिय मालिका ‘जय जय स्वामी समर्थ’मध्ये गणेशोत्सवाच्या पार्श्वभूमीवर कथानक निर्णायक वळणावर पोहोचलं आहे. गणपती बाप्पाच्या विसर्जनाच्या दिवशी सावळ्याच्या आयुष्यातील एका गूढ अध्यायाचा उलगडा होणार आहे. आजवर त्याला त्रास देणारी अस्पष्ट दृश्यं आणि भूतकाळाबद्दलचे प्रश्न आता त्याच्यासमोर स्पष्ट होणार आहेत. विशेष म्हणजे, या सत्याचा उलगडा स्वामींच्या लीलेमुळे होणार असल्याचं मालिकेच्या आगामी भागात पाहायला मिळणार आहे.

गणपती विसर्जनावेळी सावळ्याला दिसणार भूतकाळ

सावळ्याला आतापर्यंत आपल्या भूतकाळातील काही अस्पष्ट दृश्यं वारंवार दिसत होती. मात्र गणपती विसर्जनाच्या वेळी एक महत्त्वाचा क्षण घडणार आहे. बाप्पाची मूर्ती सावळ्याच्या छातीला स्पर्श करताच त्याच्या डोळ्यांसमोर पुन्हा तीच दृश्यं उमटतील. यावेळी मात्र ही दृश्यं अस्पष्ट नसून त्याचा भूतकाळ त्याच्यासमोर स्पष्टपणे उभा राहणार आहे.

या प्रसंगात सावळ्याला त्याचे खरे आई-वडील, त्यांच्यासोबत घडलेली भयंकर घटना आणि त्या घटनेमागचा चेहरा दिसणार आहे. या चेहऱ्याची ओळख होताच सावळ्याला मोठा धक्का बसणार आहे.

स्वामींच्या लीलेमागे नेमका काय हेतू?

सावळ्याला त्याचं सत्य कळावं आणि त्याच्या आयुष्याला योग्य दिशा मिळावी, यासाठी स्वामींच्या लीलेतून अनेक घटना घडत असल्याचं मालिकेत दाखवण्यात आलं आहे. सावळ्याला इराच्या सहवासात आणण्यापासून ते त्याच्यातील माणुसकी जागी करण्यापर्यंतच्या घटनांमागे स्वामींचा एक मोठा हेतू असल्याचं कथानकातून समोर येत आहे.

मात्र आता सावळ्याच्या भूतकाळातील सर्वात मोठं गुपित उलगडणार आहे. हे सत्य समोर आल्यानंतर सावळ्याच्या मनात सूडाची भावना पुन्हा जागी होणार का, की स्वामींच्या शिकवणीमुळे तो त्या भावनेवर मात करणार, हे पाहणं महत्त्वाचं ठरणार आहे.

मार्तंडच्या आव्हानामुळे अक्कलकोटमध्ये खळबळ

दरम्यान, मालिकेतील दुसऱ्या बाजूला मार्तंडने स्वामी स्थानाला दिलेल्या आव्हानामुळे सेवेकऱ्यांना मोठा धक्का बसला आहे. स्वामींच्या भक्तीला आणि प्रचितीला थेट आव्हान देत त्याने अक्कलकोटमध्ये खळबळ उडवून दिली आहे.

मार्तंडने स्वामी स्थानातील दिवा विझवून स्वामींच्या अस्तित्वालाच आव्हान दिलं आहे. या घटनेमुळे कपिलाचा विश्वास डळमळताना दिसत आहे, तर सुंदरा मात्र स्वामींवरील श्रद्धेवर ठाम राहून सर्वांना धीर देताना दिसणार आहे.

Akshaya Naik: कलेतून केली बाप्पाची सेवा; मालवणीतील मुलांसाठी अक्षया नाईकचे क्लाऊनिंग प्रयोग

बाप्पाचं विसर्जन आणि स्वामींचं आगमन

एकीकडे मार्तंडचं आव्हान, दुसरीकडे बाप्पाचं विसर्जन आणि त्याच वेळी सावळ्याच्या भूतकाळाचा होणारा उलगडा, अशा अनेक घटना एकाच वेळी घडणार आहेत. स्वामींनी विसर्जनाच्या वेळी येण्याचा शब्द दिला आहे. त्यामुळे त्यांच्या आगमनानंतर कथानकाला आणखी कोणतं वळण मिळणार, याची उत्सुकता वाढली आहे.

सावळ्याच्या आयुष्यातील हे सत्य समोर आल्यानंतर त्याच्या पुढील प्रवासाची दिशा काय असेल, मार्तंडच्या आव्हानाला स्वामी कसा प्रतिसाद देतील आणि या सगळ्या घटनांचा एकमेकांशी नेमका काय संबंध आहे, हे आगामी भागांत पाहायला मिळणार आहे.

‘जय जय स्वामी समर्थ – उत्सव बाप्पाचा, लीला स्वामींची’ ही मालिका दररोज रात्री ८:१० वाजता फक्त कलर्स मराठीवर पाहता येणार आहे.

The Paradise Box Office: नानीच्या ‘द पॅराडाइज’ची बंपर ओपनिंग; हिंदीत ‘हनुमान अंश’चा दबदबा कायम, ‘वाइब’-‘दायरा’ची कमाई मंदावली

Akshaya Naik: कलेतून केली बाप्पाची सेवा; मालवणीतील मुलांसाठी अक्षया नाईकचे क्लाऊनिंग प्रयोग

अमृता यादव — Fri, 25 Sep 2026 13:00:57 +05:30

Akshaya Naik: मालिका, ओटीटी आणि थिएटर अशा विविध माध्यमातून प्रेक्षकांचं मनोरंजन करणारी अभिनेत्री म्हणजे अक्षया नाईक. अभिनयासोबतच अक्षया सध्या एका वेगळ्या कारणामुळे चर्चेत आहे आणि ते म्हणजे तिचं क्लाऊनिंग. यंदाचा गणेशोत्सव अक्षयासाठी विशेष ठरला. आपल्या कलेच्या माध्यमातून तिने बाप्पाची सेवा करत मालवणी, मालाड येथील रेड-लाईट एरियातील मुलांसाठी क्लाऊनिंगचे प्रयोग केले.

रेड-लाईट एरियातील मुलांसाठी क्लाऊनिंग प्रयोग

अक्षया नाईक ‘Clowns Without Borders India’ या संस्थेच्या माध्यमातून सेक्स वर्कर्सची मुलं, रेड-लाईट एरियामध्ये राहणारी मुलं आणि विविध वंचित समुदायांपर्यंत नाटक आणि क्लाऊनिंग पोहोचवण्याचं काम करते.

या उपक्रमाचा उद्देश या मुलांना काही काळ त्यांच्या परिस्थितीपासून दूर नेऊन त्यांच्यासोबत संवाद साधणं आणि कलेच्या माध्यमातून त्यांना आनंदाचे क्षण देणं हा आहे.

यंदाच्या गणेशोत्सवात मालवणी, मालाड येथील रेड-लाईट एरियामध्ये काम करणाऱ्या ‘आस्था परिवार’ या NGO सोबत संस्थेने टायअप केला. यानंतर परिसरातील तीन गणपती मंडळांमध्ये जाऊन मुलांसाठी क्लाऊनिंगचे प्रयोग करण्यात आले.

Vikas Patil New Car: बर्थडेच्या दिवशी स्वतःलाच दिलं महागडं गिफ्ट; विकास पाटीलने घेतली नवी Vitara कार, किंमत आहे ‘इतकी’

‘माझी कला बाप्पाच्या सेवेत कशी आणू शकते?’

गणेशोत्सवाच्या काळात अनेक कलाकार आपली कला गणपती मंडळांमध्ये ‘सेवा’ म्हणून सादर करतात. हे पाहताना अक्षयाच्या मनातही अनेकदा प्रश्न यायचा की, आपण क्लासिकल डान्स किंवा संगीत शिकलो नसताना आपली कला बाप्पाच्या सेवेत कशी आणायची?

यंदा या प्रश्नाचं उत्तर तिला मिळालं. लोकांना हसवणं हीसुद्धा एक मोठी सेवा आहे, असं अक्षया मानते. बाप्पाच्या मंडपात उभं राहून आपल्या क्लाऊनिंगचा प्रयोग सादर करता आला, यापेक्षा मोठा आनंद दुसरा नसल्याचं तिने सांगितलं.

या संपूर्ण अनुभवाचं श्रेय अक्षयाने त्यांचे दिग्दर्शक रूपेश टिल्लू आणि सहक्लाऊन अंकिता निकरड यांना दिलं आहे.

View this post on Instagram

मशिदीसमोर गणपतीचा मंडप अन् सगळ्यांचा एकत्र सहभाग

या अनुभवातील आणखी एक विशेष गोष्ट अक्षयाने सांगितली. ज्या परिसरात हे प्रयोग झाले, तो प्रामुख्याने मुस्लिम समुदायाचा परिसर आहे. मात्र ज्या ठिकाणी प्रयोग झाला, तिथे मशिदीच्या अगदी समोर गणपतीचा मंडप होता.

‘आस्था परिवार’सोबत काम करणाऱ्या काही बुरखा परिधान केलेल्या महिला स्वयंसेवक आणि शिक्षिकाही मुलांना घेऊन गणपतीच्या मंडपात आल्या होत्या. या मुलांमध्ये वेगवेगळ्या धर्मांची आणि पार्श्वभूमीची मुलं होती. मात्र त्या क्षणी सगळे एकत्र येऊन या आनंदाचा भाग झाले.

अक्षयाच्या मते, धर्म आणि ओळख बाजूला ठेवून लोक एकमेकांच्या आनंदाचा भाग बनतात, असे अनेक छोटे क्षण आपल्या आजूबाजूला घडत असतात. लोकांना एकत्र आणण्याची ताकद ही कलेची आणि परफॉर्मन्सची खरी शक्ती आहे, असं तिला वाटतं.

Love And War Alia Bhatt: आलिया भट्टचा कॅबरे-स्टाइल ग्लॅमरस अंदाज; ‘लव्ह अँड वॉर’च्या पोस्टरने वाढवली उत्सुकता

मुसळधार पाऊस सुरू झाला, तरी प्रयोग थांबवले नाहीत

या क्लाऊनिंग प्रयोगांदरम्यान अक्षया आणि तिच्या सहकाऱ्यांसमोर आणखी एक आव्हान उभं राहिलं. अचानक जोरदार पाऊस सुरू झाला. पावसाचा आवाज इतका मोठा होता की एकमेकींचे आवाजही ऐकू येत नव्हते. त्यात माइकचीही सुविधा नव्हती.

मात्र या परिस्थितीतही त्यांनी प्रयोग थांबवला नाही. मुलांसाठी सलग तीन प्रयोग सादर करण्यात आले.

‘कला फक्त रंगमंचावर सादर करण्यासाठी नसते’

प्रयोग संपवून घरी परतताना शरीर थकलं होतं, मात्र मनात वेगळीच ऊर्जा होती, असं अक्षया सांगते. या अनुभवातून तिला पुन्हा एकदा जाणवलं की कला केवळ रंगमंचावर सादर करण्यासाठी नसते.

एखाद्याच्या चेहऱ्यावर हसू आणणं, समुदायांना जवळ आणणं आणि कोणाच्या आयुष्यात काही क्षणांचा आनंद निर्माण करणं, यासाठीही कलेचा वापर होऊ शकतो.

यंदाच्या गणेशोत्सवात आपल्या कलेच्या माध्यमातून बाप्पाच्या चरणी सेवा करता आली, हीच आपल्यासाठी सर्वात सुंदर गोष्ट असल्याचं अक्षया नाईकने सांगितलं.

Vikas Patil New Car: बर्थडेच्या दिवशी स्वतःलाच दिलं महागडं गिफ्ट; विकास पाटीलने घेतली नवी Vitara कार, किंमत आहे ‘इतकी’

अमृता यादव — Fri, 25 Sep 2026 11:31:12 +05:30

Vikas Patil New Car: मराठी मनोरंजनसृष्टीतील अभिनेता विकास पाटील सध्या त्याच्या नव्या कारमुळे चर्चेत आला आहे. विशेष म्हणजे, विकासने आपल्या वाढदिवशीच नवी Vitara कार खरेदी केली आहे. त्यामुळे वाढदिवसाच्या निमित्ताने त्याने स्वतःलाच खास गिफ्ट दिलं आहे. विकासने सोशल मीडियावर नव्या कारसोबतचे फोटो शेअर करत चाहत्यांसोबत हा आनंदाचा क्षण शेअर केला आहे.

वाढदिवशी खरेदी केली नवी Vitara कार

विकास पाटीलने आपल्या वाढदिवसाचा दिवस आणखी खास करत नवी Vitara कार खरेदी केली. त्याने सोशल मीडियावर काही फोटो पोस्ट केले असून, या फोटोंमध्ये त्याचे कुटुंबीयही पाहायला मिळत आहेत. नव्या कारसोबतचा हा खास क्षण विकासने चाहत्यांसोबत शेअर केला आहे.

मिळालेल्या माहितीनुसार, Vitara कारची किंमत साधारण १२ ते २३ लाख रुपयांच्या दरम्यान आहे. विकासने कारचे फोटो शेअर करताच चाहत्यांकडून आणि मित्रमंडळींकडून शुभेच्छांचा वर्षाव झाला.

सोशल मीडियावर फोटो शेअर

विकासने नव्या कारसोबतचे फोटो सोशल मीडियावर पोस्ट केले आहेत. या फोटोंमध्ये तो आपल्या कुटुंबासोबत दिसत आहे. वाढदिवस आणि नवीन कार अशा दुहेरी आनंदामुळे विकाससाठी हा दिवस खास ठरला आहे.

View this post on Instagram

‘तुकाराम’ चित्रपटातील भूमिका गाजली

विकास पाटील गेल्या अनेक वर्षांपासून मराठी मनोरंजनविश्वात सक्रिय आहे. ‘तुकाराम’ या चित्रपटातील त्याची भूमिका विशेष गाजली होती. या चित्रपटात त्याने संत तुकाराम महाराजांच्या धाकट्या भावाची, कान्होबाची भूमिका साकारली होती.

Rakhi Sawant On Govinda: ‘दुसऱ्याच्या बायकोला…’, गोविंदा-कोमल राणीला एकत्र पाहून राखी सावंतचा चढला पारा, अभिनेत्याला विचारला जाब

‘बिग बॉस मराठी ३’मध्येही सहभाग

विकास पाटीलने ‘बिग बॉस मराठी ३’ या लोकप्रिय रिअॅलिटी शोमध्येही सहभाग घेतला होता. या पर्वात त्याने आपल्या खेळाने प्रेक्षकांचे लक्ष वेधून घेतले आणि टॉप ५ पर्यंत मजल मारली होती.

आता नव्या Vitara कारच्या निमित्ताने विकास पाटील पुन्हा एकदा चर्चेत आला आहे. वाढदिवशी स्वतःलाच दिलेल्या या खास गिफ्टमुळे त्याच्या चाहत्यांमध्येही उत्साह पाहायला मिळत आहे.

Govinda On Rani Swarnakar: ‘माझ्याविरोधात प्लॅन आखला जातोय…’; राणी स्वर्णकारसोबतच्या अफेअरच्या चर्चांवर गोविंदाने सोडलं मौन

Dhaktya Sunbai Serial: गणेश गल्लीच्या मुंबईच्या राजाच्या चरणी ‘धाकट्या सुनबाई’चा शुभारंभ; २८ सप्टेंबरपासून मालिका

अमृता यादव — Fri, 25 Sep 2026 08:20:43 +05:30

Dhaktya Sunbai Serial: गणपती बाप्पाच्या आशीर्वादाने सुरू होणारी प्रत्येक नवी सुरुवात खास मानली जाते. याच भावनेतून झी मराठीवरील आगामी ‘धाकट्या सुनबाई’ या मालिकेचा शुभारंभ पारंपरिक प्रेस मीटऐवजी थेट गणरायाच्या चरणी करण्यात आला. गणेशोत्सवाच्या मंगलमय वातावरणात मुंबईतील प्रसिद्ध गणेश गल्लीच्या मुंबईच्या राजा गणपतीसमोर मालिकेची खास प्रेस मीट आयोजित करण्यात आली होती.

या वेळी मालिकेचे निर्माते महेश कोठारे, तसेच कलाकार मंदार जाधव, चिन्मयी मोरे आणि मुग्धा कर्णिक यांच्यासह मालिकेची संपूर्ण टीम उपस्थित होती. गणरायाचे दर्शन घेत मालिकेच्या नव्या प्रवासाला सुरुवात करण्यात आली.

राधिका आणि वेदांतची कहाणी

‘धाकट्या सुनबाई’ मालिकेत मंदार जाधव वेदांत पटवर्धन ही भूमिका साकारत आहे. वेदांत हा कुटुंबावर प्रेम करणारा, प्रत्येकाच्या पाठीशी खंबीरपणे उभा राहणारा आणि अन्यायाविरोधात आवाज उठवणारा तरुण असल्याचे मालिकेत दाखवण्यात येणार आहे.

तर अभिनेत्री चिन्मयी मोरे राधिका या भूमिकेतून पहिल्यांदाच दैनंदिन मालिकेतून प्रेक्षकांच्या भेटीला येत आहे. मालिकेत दोन कुटुंबांची गोष्ट, त्यांचे वेगवेगळे विचार आणि नात्यांमधील गुंतागुंत पाहायला मिळणार आहे. आपल्या माणसांची साथ आणि नात्यांमधील विश्वास आयुष्याला कसा अर्थ देतो, हे राधिका आणि वेदांतच्या आयुष्यातून उलगडणार आहे.

“मुंबईच्या राजाच्या चरणी सुरुवात होतेय, यापेक्षा सुंदर काय असू शकतं?”

‘धाकट्या सुनबाई’च्या माध्यमातून पहिल्यांदाच दैनंदिन मालिकेत पदार्पण करणाऱ्या चिन्मयी मोरेने या नव्या प्रवासाबद्दल आनंद व्यक्त केला. ती म्हणाली, “माझ्यासाठी हा प्रवास खूप खास आहे आणि या सगळ्याची सुरुवात मुंबईच्या राजाच्या चरणी होत आहे, यापेक्षा सुंदर आणखी काय असू शकतं!”

पुढे ती म्हणाली की, पहिल्या मालिकेसाठी झी मराठीसारखं व्यासपीठ आणि महेश कोठारे यांच्या कोठारे व्हिजनसारखं प्रोडक्शन हाऊस मिळाल्याने ती आनंदी आहे. तसेच सहकलाकार आणि मालिकेच्या टीमसोबत काम करण्याबद्दलही तिने उत्साह व्यक्त केला.

“या सगळ्यासाठी मी बाप्पाचे मनापासून आभार मानते आणि ‘धाकट्या सुनबाई’ला प्रेक्षकांचं भरभरून प्रेम मिळावं, अशी बाप्पाकडे प्रार्थना करते,” असं चिन्मयीने म्हटलं.

Onkar Bhojane On Milind Kawde: ‘नक्कीच उत्तर देईन’; ‘अफरातफरी’च्या प्रमोशनवरून वाद, मिलिंद कवडेंच्या आरोपांवर ओंकार भोजनेचं उत्तर

“२८ सप्टेंबरची आतुरतेने वाट पाहतोय”

मंदार जाधवनेही मालिकेच्या या खास शुभारंभाबद्दल आनंद व्यक्त केला. तो म्हणाला, “‘धाकट्या सुनबाई’च्या प्रेस मीटची सुरुवात मुंबईच्या राजाच्या आशीर्वादाने होत आहे, यासाठी मी खूप आनंदी आणि स्वतःला खूप भाग्यवान समजतो.”

गणेशोत्सवासारख्या मंगलमय वातावरणात मालिकेचा प्रेस लॉन्च होणं ही टीमसाठी मोठी गोष्ट असल्याचेही त्याने सांगितले. यावेळी प्रेक्षकांना प्रत्यक्ष भेटून मालिकेबद्दल सांगता आल्याचा आनंदही त्याने व्यक्त केला.

मंदार पुढे म्हणाला, “बाप्पाचा आशीर्वाद या मालिकेला मिळाला आहे, अशी भावना मनात आहे. आता आम्ही २८ सप्टेंबरची आतुरतेने वाट पाहत आहोत.”

गणरायाच्या आशीर्वादाने सुरू झालेला ‘धाकट्या सुनबाई’ मालिकेचा हा नवा प्रवास आता लवकरच प्रेक्षकांच्या भेटीला येणार आहे. राधिका आणि वेदांतची ही नवी गोष्ट प्रेक्षकांना कितपत भावते, हे पाहणे उत्सुकतेचे ठरणार आहे.

‘धाकट्या सुनबाई’ २८ सप्टेंबरपासून संध्याकाळी ६.३० वाजता, फक्त झी मराठीवर पाहता येणार आहे.

Zee Marathi Serial: मनोरंजनासोबत प्रबोधनही! ‘कृष्णाईच्या लेकी’मध्ये दारूबंदीचा लढा; गावासाठी एकवटणार महिला

Zee Marathi Serial: मनोरंजनासोबत प्रबोधनही! ‘कृष्णाईच्या लेकी’मध्ये दारूबंदीचा लढा; गावासाठी एकवटणार महिला

अमृता यादव — Thu, 24 Sep 2026 16:15:41 +05:30

Zee Marathi Serial: मनोरंजनासोबत सामाजिक प्रश्नांवर भाष्य करणाऱ्या कथा प्रेक्षकांच्या मनावर वेगळी छाप सोडतात. समाजातील वास्तव परिस्थितीची जाणीव करून देतानाच त्यावर उपाय शोधण्याची प्रेरणाही अशा कथांमधून मिळते. झी मराठीवरील ‘कृष्णाईच्या लेकी’ ही मालिका आता अशाच एका महत्त्वाच्या सामाजिक विषयाकडे प्रेक्षकांचे लक्ष वेधणार आहे.

दारूच्या व्यसनामुळे अनेक कुटुंबांमध्ये आर्थिक आणि कौटुंबिक समस्या निर्माण होतात. व्यसनाच्या आहारी गेलेल्या व्यक्तीच्या वागणुकीचा परिणाम कुटुंबातील इतर सदस्यांवरही होतो. घरातील वाद वाढणे, आर्थिक अडचणी निर्माण होणे, मुलांच्या शिक्षणावर परिणाम होणे अशा अनेक समस्या कुटुंबांना भेडसावत असल्याचे पाहायला मिळते.

या पार्श्वभूमीवर ‘कृष्णाईच्या लेकी’ मालिकेत दारूबंदीचा मुद्दा मांडण्यात येणार आहे. मालिकेतील कृष्णाई आणि तिच्या लेकी गावात दारूबंदी व्हावी यासाठी एकत्र येऊन लढा उभारताना दिसणार आहेत.

Ishwar Thakur: ‘FIR’ फेम अभिनेता ईश्वर ठाकूरची मृत्यूशी झुंज; रुग्णालयात उपचार सुरू, कुटुंबीयांनी मागितली आर्थिक मदत

दारूबंदीच्या लढ्यासाठी महिलांची एकजूट

देशातील अनेक गावांमध्ये महिलांनी एकत्र येऊन दारूबंदीविरोधात आवाज उठवल्याची उदाहरणे आहेत. दारूच्या व्यसनामुळे कुटुंबावर होणाऱ्या परिणामांना सामोरे जाताना अनेक महिलांनी आपल्या कुटुंबासोबतच संपूर्ण गावासाठी दारूबंदीचा लढा उभारला आहे.

याच सामाजिक वास्तवाची झलक आता मालिकेत पाहायला मिळणार आहे. कृष्णाई आणि तिच्या लेकी गावात दारूबंदी करण्यासाठी प्रयत्न करणार आहेत. मात्र, त्यांच्या या प्रयत्नांना यश मिळणार का, हा प्रश्न मालिकेत महत्त्वाचा ठरणार आहे.

कपट-खोटेपणावर मात करणार महिलांची एकजूट?

कृष्णाई आणि तिच्या लेकींच्या या लढ्याला विरोधही होणार आहे. त्यांच्या प्रयत्नांवर कपट आणि खोटेपणाचा प्रभाव पडणार की महिलांची एकजूट या सगळ्यावर मात करणार, हे पाहणे उत्सुकतेचे ठरणार आहे.

मालिकेतील हे कथानक केवळ मनोरंजनापुरते मर्यादित न राहता दारूच्या व्यसनामुळे निर्माण होणाऱ्या सामाजिक आणि कौटुंबिक समस्यांवरही भाष्य करणार आहे. महिलांची एकजूट, कुटुंबासाठी उभे राहण्याची त्यांची ताकद आणि सामाजिक बदलासाठी केलेले प्रयत्न या माध्यमातून दाखवले जाणार आहेत.

‘कृष्णाईच्या लेकी’ ही मालिका दररोज संध्याकाळी ७ वाजता, फक्त झी मराठीवर पाहता येणार आहे.

Ravi Prakash: खाकी वर्दीत दिसणार तेलुगू अभिनेता रवी प्रकाश; ‘दशमी’मधील ACP आसिफ मुजावरची भूमिका चर्चेत

Dhaktya Sunbai Marathi Serial: सोशल मीडियावर गाजल्यानंतर ‘या’ प्रसिद्ध इन्फ्लुएन्सरची मालिकेत एन्ट्री; पहिल्यांदाच टीव्हीवर झळकणार

अमृता यादव — Thu, 24 Sep 2026 10:15:23 +05:30

Dhaktya Sunbai Marathi Serial: झी मराठी गेल्या अनेक वर्षांपासून वेगवेगळ्या मालिकांच्या माध्यमातून प्रेक्षकांचे मनोरंजन करत आहे. आता या वाहिनीवर आणखी एका नव्या मालिकेची भर पडणार आहे. ‘धाकट्या सूनबाई’ ही नवीन मालिका २८ सप्टेंबरपासून प्रेक्षकांच्या भेटीला येणार आहे. या मालिकेत अभिनेता मंदार जाधव आणि अभिनेत्री चिन्मयी मोरे यांची जोडी मुख्य भूमिकेत पाहायला मिळणार आहे. यासोबतच सोशल मीडिया इन्फ्लुएन्सर नेहा कुलकर्णी, जी ‘नुसती उठाठेव’ या नावाने ओळखली जाते, तिचीही मालिकेत महत्त्वाची एन्ट्री होणार आहे.

नेहा कुलकर्णी पहिल्यांदाच टीव्हीवर

झी मराठीने सोशल मीडियावर शेअर केलेल्या एका प्रोमोमधून नेहा कुलकर्णीच्या एन्ट्रीची झलक पाहायला मिळाली. आतापर्यंत सोशल मीडियावर आपल्या कंटेंटमुळे लोकप्रिय झालेली नेहा आता ‘धाकट्या सूनबाई’च्या माध्यमातून पहिल्यांदाच छोट्या पडद्यावर दिसणार आहे.

या मालिकेत नेहा मुख्य अभिनेत्रीच्या धाकट्या बहिणीची भूमिका साकारणार आहे. तिच्या पात्राचं नाव ‘किमया’ आहे. त्यामुळे नेहाचा अभिनय आणि तिचं पात्र मालिकेत कसं रंगणार, याची उत्सुकता तिच्या चाहत्यांना आहे.

दोन कुटुंबांभोवती फिरणार कथा

‘धाकट्या सूनबाई’ची कथा दोन कुटुंबांभोवती फिरते. त्यांच्या वेगवेगळ्या विचारसरणी, नाती आणि त्यातून निर्माण होणारी गुंतागुंत मालिकेत पाहायला मिळणार आहे. आपल्या माणसांची साथ आणि नात्यांमधील विश्वास आयुष्याला कसा अर्थ देतो, हे राधिका आणि वेदांत यांच्या आयुष्यातून उलगडणार आहे.

Hanuman Ansh: कमी बजेटच्या ‘हनुमान अंश’चा जगभरात डंका; १२ दिवसांत ओव्हरसीजमध्ये $3.5 मिलियनहून अधिक कमाई

कोण आहे राधिका?

कृष्ण मंदिराच्या पायऱ्यांवर लहानपणी सापडलेली राधिका ही आप्पा आणि निर्मला यांची दत्तक मुलगी आहे. आप्पांनी तिला कृष्णाचा प्रसाद मानून आपल्या मुलीप्रमाणे वाढवलं आहे.

सालस, मनमिळाऊ आणि उत्साही असलेली राधिका कायम इतरांच्या मदतीसाठी पुढे असते. मात्र, घरातील गोदाक्का तिला आजही ‘परकी’ मानतात. त्यामुळे घरच्यांचं प्रेम मिळत असूनही राधिकाच्या मनात आपल्या खऱ्या घराचा आणि आपल्या माणसांचा शोध कायम आहे.

दुःखाच्या क्षणी राधिका कृष्णाशी मनमोकळेपणाने संवाद साधते आणि त्यालाच आपला सखा मानते. तिच्या आयुष्यातील हा शोध मालिकेच्या कथेला महत्त्वाचं वळण देणार आहे.

View this post on Instagram

वेदांत आहे पटवर्धन कुटुंबाचा वारसदार

दुसरीकडे वेदांत हा पटवर्धन कुटुंबातील मुलगा असून ‘आराधना’ या पूजा साहित्य, अत्तर आणि अगरबत्तीच्या व्यवसायाचा वारसदार आहे. हुशार, सुसंस्कृत आणि जबाबदार असलेला वेदांत कुटुंबाच्या परंपरांना महत्त्व देतो.

आई दमयंतीच्या शिस्तीत आणि विचारांमध्ये वाढलेल्या वेदांतच्या आयुष्यात राधिकेची भेट नवा प्रश्न घेऊन येते. माणसाची ओळख त्याच्या रक्ताने आणि कुळाने ठरते की त्याच्या मनाने? राधिकेमुळे वेदांतला स्वतःच्या विचारांकडे नव्या नजरेने पाहण्याचा प्रवास सुरू होतो.

आता राधिका आणि वेदांतच्या आयुष्यात कोणती वळणं येणार, त्यांच्या नात्यामुळे दोन्ही कुटुंबांमध्ये काय बदल घडणार आणि किमयाची भूमिका या कथेत कोणतं नवं वळण आणणार, हे मालिकेच्या आगामी भागांमध्ये पाहायला मिळणार आहे.‘धाकट्या सूनबाई’ २८ सप्टेंबरपासून झी मराठीवर प्रेक्षकांच्या भेटीला येणार आहे.

Aai Tulja Bhavani Serial: ‘त्रिदल राजदंडा’साठी बालगणेश-कार्तिकेय देणार महापरीक्षा; शक्ती, युक्ती अन् भक्तीची रंगणार चुरस

Aai Tulja Bhavani Serial: ‘त्रिदल राजदंडा’साठी बालगणेश-कार्तिकेय देणार महापरीक्षा; शक्ती, युक्ती अन् भक्तीची रंगणार चुरस

अमृता यादव — Thu, 24 Sep 2026 08:07:44 +05:30

Aai Tulja Bhavani Serial: कलर्स मराठीवरील लोकप्रिय ‘आई तुळजाभवानी’ मालिकेत सध्या प्रेक्षकांना एक अनोखा सामना पाहायला मिळत आहे. पार्वतीमातेला तिच्या तुळजाई अवतारात भेटण्यासाठी आलेल्या बालगणेश आणि कार्तिकेय यांच्यातील वाद आता एका महत्त्वाच्या वळणावर पोहोचला आहे. दोघांमध्ये श्रेष्ठ कोण, हे ठरवण्यासाठी तुळजाईने त्यांच्यासमोर तीन परीक्षा ठेवलेल्या आहेत.

शक्ती, युक्ती आणि भक्तीची परीक्षा

बालगणेश आणि कार्तिकेय यांच्यातील वाद मिटवण्यासाठी तुळजाईने शक्ती, युक्ती आणि भक्ती अशा तीन परीक्षांचे आव्हान दिले आहे. या तीन परीक्षा जो जिंकेल, त्याला दैवी ‘त्रिदल राजदंड’ मिळणार आहे.

बालतुळजाईच्या दैवी अवतारात तिच्या हातातील तेजोवलयातून शक्तीचा राजदंड, युक्तीचे चक्र आणि भक्तीचे सुवर्णकमळ प्रकट होतात. ही तिन्ही दैवी चिन्हे एकत्र येऊन ‘त्रिदल राजदंडा’चे रूप धारण करतात. या राजदंडाच्या दिव्य प्रकाशाने संपूर्ण राजवाडा उजळून निघतो.

कार्तिकेयची शक्तीची तयारी, तर गणेश शांत

या महापरीक्षेसाठी कार्तिकेय आक्रमकपणे तयारी करत आहे. अचूक लक्षभेदाचा सराव करण्यासोबतच तो गावातील बलशाली आणि शक्तिशाली सवंगड्यांनाही आपल्या बाजूने गोळा करत आहे.

दुसरीकडे बालगणेश मात्र अत्यंत शांतपणे आणि निखळ भावनेने या स्पर्धेकडे पाहत आहे. त्यामुळे शक्ती आणि शांतता यांच्यातील हा सामना नेमका कोणत्या वळणावर जाणार, याची उत्सुकता वाढली आहे.

गावातही पडले दोन गट

गणेश आणि कार्तिकेय यांच्यातील या स्पर्धेमुळे गावातील लोकही दोन गटांत विभागले गेले आहेत. तारा आणि पद्मा यांच्यातही आपल्या लाडक्या देवासाठी चुरस निर्माण झाली आहे. त्यामुळे मालिकेतील हा दैवी सामना आता गावातील वातावरणही बदलताना दिसत आहे.

मात्र, या स्पर्धेच्या आडून एक मोठं असुरी षड्यंत्रही रचलं जात आहे. शुक्राचार्य आणि भुजंग यांनी महिषासुराला मुक्त करण्यासाठी नवा डाव आखला आहे. त्यामुळे बालगणेश आणि कार्तिकेयच्या या स्पर्धेसोबतच असुरांचा कटही महत्त्वाचा ठरणार आहे.

Elnaaz Norouzi: हॉलिवूडमध्ये एलनाझ नोरौझीची दमदार एंट्री; ‘द फिक्स’मधील पहिल्याच मुख्य भूमिकेचं अमेरिकन समीक्षकांकडून कौतुक

‘त्रिदल राजदंडा’चा मानकरी कोण?

शक्ती, युक्ती आणि भक्तीच्या या तीन कठीण परीक्षा पार करून ‘त्रिदल राजदंडा’चा खरा मानकरी कोण ठरणार? बालगणेश आणि कार्तिकेय यांच्यातील या स्पर्धेचा निकाल काय लागणार? तसेच बालगणेशाच्या भक्तांना जाळ्यात ओढण्याचा असुरांचा डाव यशस्वी होणार की भगवान महादेव तुळजाईच्या भक्तांच्या रक्षणासाठी नवी लीला घडवणार, हे पाहणं महत्त्वाचं ठरणार आहे.

या सगळ्या प्रश्नांची उत्तरं मालिकेच्या आगामी भागात मिळणार आहेत. ‘आई तुळजाभवानी’ दररोज रात्री ८.५० वाजता फक्त कलर्स मराठीवर पाहता येणार आहे.

Hanuman Ansh: कमी बजेटच्या ‘हनुमान अंश’चा जगभरात डंका; १२ दिवसांत ओव्हरसीजमध्ये $3.5 मिलियनहून अधिक कमाई

Exclusive: राधिकाच्या भूमिकेतून चिन्मयी मोरेची नवी सुरुवात, ‘धाकट्या सूनबाई’ Zee Marathi वर

दिपाली नाफडे — Wed, 23 Sep 2026 14:17:28 +05:30

Exclusive: झी मराठीवर लवकरच ‘धाकट्या सुनबाई’ ही नवी मालिका प्रेक्षकांच्या भेटीला येत आहे. नात्यांमधला जिव्हाळा, माणुसकी आणि भावनांची सुंदर गुंफण या मालिकेतून पाहायला मिळणार आहे. या मालिकेत अभिनेत्री चिन्मयी मोरे ‘राधिका’ची प्रमुख भूमिका साकारत आहे. सोज्वळ, प्रेमळ आणि आपल्या माणसांच्या सुख-दुःखात खंबीरपणे साथ देणारी राधिका प्रेक्षकांच्या मनात आपली जागा निर्माण करेल, असा विश्वास चिन्मयी व्यक्त करते.

नागपूरची चिन्मयी मोरे लहानपणापासूनच अभिनय क्षेत्राशी जोडलेली आहे. आता ‘धाकट्या सुनबाई’मधून ती पहिल्यांदाच डेली सोपमध्ये प्रमुख भूमिका साकारत आहे. या नव्या प्रवासाबद्दल आणि राधिका या व्यक्तिरेखेबद्दल चिन्मयीने मनमोकळ्या गप्पांमध्ये मारल्या. ‘नवराष्ट्र’शी तिने याबाबात खास बातचीत केली आहे.

१. चिन्मयी, अभिनयाची सुरुवात कशी झाली?

मी मुळची नागपूरची आहे. माझी आई नाट्य क्षेत्रात असल्यामुळे अगदी लहानपणापासूनच माझा या क्षेत्राशी संबंध आला. मी अवघ्या १० दिवसांची होते, तेव्हा पहिल्यांदा कॅमेऱ्यासमोर आले होते. त्यानंतर हळूहळू चाइल्ड आर्टिस्ट म्हणून काम करायला सुरुवात केली. पुढे व्यावसायिक नाटकं, राज्य नाट्य स्पर्धा, फिल्म्स, शॉर्ट फिल्म्स, जाहिराती अशा वेगवेगळ्या माध्यमांमध्ये काम करण्याची संधी मिळाली. मात्र, डेली सोपचा अनुभव माझ्यासाठी पहिलाच आहे आणि त्यामुळे हा प्रवास माझ्यासाठी खूप खास आहे. मला अभिनयाची आवड होती; पण गंमत म्हणजे मला कधीच अभिनेत्री व्हायचं आहे, असं वाटलं नव्हतं. माझं स्वप्न तर पायलट होण्याचं होतं. काही कौटुंबिक कारणांमुळे ते स्वप्न पूर्ण करता आलं नाही. पण म्हणतात ना, आपल्या इच्छेप्रमाणे सगळं घडलं तर छानच असतं; पण आपल्या इच्छेविरुद्ध काही घडलं, तर कदाचित त्यात देवाची इच्छा आणि आपल्यासाठी काहीतरी वेगळं चांगलं दडलेलं असतं. आज मागे वळून पाहताना वाटतं की, कदाचित माझ्यासाठी हाच प्रवास लिहिलेला होता. अभिनयाने मला वेगवेगळ्या माध्यमांतून खूप काही शिकवलं आणि आता राधिकेच्या भूमिकेच्या निमित्ताने हा प्रवास एका नव्या टप्प्यावर आला आहे. त्यामुळे ही संधी मिळाल्याचा मला खूप आनंद आहे.

Zee Marathi New Serial: नाती, प्रेम अन् माणुसकीचा नवा अध्याय; ‘धाकट्या सुनबाई’ची झी मराठीवर एंट्री, ‘या’ दिवशी होणार मालिका सुरू

२. तुझ्या व्यक्तिरेखेचं नाव काय आहे? तिची पार्श्वभूमी आणि मालिकेत तिची भूमिका काय आहे?

माझ्या भूमिकेचं नाव राधिका आहे. राधिका अतिशय सोज्वळ, प्रेमळ आणि मनमिळावू मुलगी आहे. आपल्या आजूबाजूच्या प्रत्येकाची मनापासून काळजी घेणं हा तिच्या स्वभावाचा महत्त्वाचा भाग आहे. आयुष्यात कितीही दुःख किंवा अडचणी आल्या, तरी त्यातही सुख शोधून आनंदी राहण्याचा तिचा प्रयत्न असतो. सगळ्यात महत्त्वाचं म्हणजे, परिस्थिती कितीही कठीण असली तरी राधिका आपल्या माणसांची साथ कधीच सोडत नाही. त्यांच्या प्रत्येक सुख-दुःखात ती खंबीरपणे त्यांच्या पाठीशी उभी राहते. त्यामुळे राधिकेचा सोज्वळपणा, तिचा प्रेमळ स्वभाव आणि प्रत्येक परिस्थितीकडे सकारात्मकपणे पाहण्याची तिची वृत्ती मला तिच्यातली सगळ्यात सुंदर गोष्ट वाटते.

३. या भूमिकेसाठी तुझी निवड कशी झाली?

या भूमिकेसाठी माझी निवड ऑडिशनच्या माध्यमातून झाली. खरं सांगायचं तर, माझ्या आयुष्यात असा एक सुंदर वळण येईल आणि ते मला इथपर्यंत घेऊन येईल, याची मलाही कल्पना नव्हती. आपण याआधी ज्यांच्यासोबत काम केलेलं असतं, ते आपलं काम आणि आपल्यातला कलाकार कुठेतरी लक्षात ठेवून असतात. त्यातलेच एक म्हणजे अमित फाटक दादा. त्यांनी याआधी गजानन महाराजांची भूमिका साकारली आहे. आता त्यांच्या माध्यमातून मला राधिकेची भूमिका मिळणं, हा माझ्यासाठी खूप सुंदर योग आहे. त्यांच्या रूपाने मला महाराजांचा प्रसाद मिळाला, अशी माझी भावना आहे. त्यामुळे त्यांच्याबद्दल माझ्या मनात एक वेगळा आदर आणि आपुलकी आहे. दादांनीच प्रोडक्शनमध्ये माझं नाव सुचवलं होतं. त्यानंतर माझा फोटो पाहून मला ऑडिशनसाठी कॉल आला. मी ऑडिशन दिलं आणि त्यानंतर माझी या भूमिकेसाठी निवड झाली.

४. या भूमिकेसाठी तू कशी तयारी करत आहेस?

ही भूमिका फक्त पडद्यावर साकारायची नाही, तर राधिका म्हणून ती व्यक्तिरेखा मनापासून जगायची आहे. त्यामुळे प्रत्येक सीनच्या आधी तिच्या जागी स्वतःला ठेवून, त्या क्षणी राधिका काय विचार करेल आणि काय अनुभवेल, हे समजून घेण्याचा माझा प्रयत्न असतो. एखादा प्रसंग करताना राधिका त्या परिस्थितीत असती, तर तिची प्रतिक्रिया काय असती, तिच्या मनात काय सुरू असतं, ती त्या प्रसंगाकडे कशा पद्धतीने पाहते, हे आधी समजून घेण्याचा मी प्रयत्न करते. तिच्या भावना स्वतःला जाणवून घेऊन त्या चेहऱ्यावर, बोलण्यात आणि देहबोलीत आणण्याचा प्रयत्न करतेय.

५. प्रोमोला प्रेक्षकांचा कसा प्रतिसाद मिळाला?

प्रोमोला प्रेक्षकांचा प्रतिसाद खरंच खूप मस्त आणि माझ्यासाठी खूपच overwhelming होता. सगळ्यांनी भरभरून प्रेम दिलं आणि प्रोमोलाही माझ्या अपेक्षेपेक्षा कितीतरी जास्त प्रेम मिळालं. ‘धाकट्या सुनबाई’ येणार म्हणून प्रेक्षकांमध्ये खूप उत्सुकता आहे, हे त्यांच्या प्रतिक्रियांमधून जाणवतंय. आता राधिकेला आणि तिच्या प्रवासाला प्रेक्षक कसं स्वीकारतात, हे पाहण्यासाठी मी स्वतःही खूप उत्सुक आहे. आणि सगळ्यात जास्त उत्सुकता आहे ती म्हणजे राधिका आणि वेदांतची जोडी ऑनस्क्रीन पाहण्यासाठी! प्रेक्षकही या जोडीची आतुरतेने वाट पाहत आहेत, हे त्यांच्या प्रतिक्रिया आणि प्रेमातून जाणवतंय. आता ही जोडी आणि त्यांच्यातलं नातं प्रेक्षकांसमोर येण्याची मी स्वतः खूप आतुरतेने वाट पाहतेय. त्यांच्या प्रेमाला आणि प्रतिसादाला सामोरं जाण्याची ही उत्सुकता नक्कीच खास आहे.

New Marathi Serial: तब्बल १८ वर्षांनंतर ‘हा’ मराठी अभिनेता छोट्या पडद्यावर; ‘इच्छाधारी नागीन’मध्ये साकारणार प्रमुख भूमिका

६. सहकलाकार आणि टीमबद्दल कसा अनुभव आहे?

माझे सगळे सहकलाकार खूपच पाठिंबा देणारे आणि प्रेमळ आहेत. सगळे मला खूप सांभाळून घेतात आणि माझ्यासाठी ही गोष्ट खूप महत्त्वाची आहे. विशेषतः जेव्हा एखाद्या कलाकाराचा डेली सोपचा हा पहिलाच अनुभव असतो, तेव्हा आजूबाजूची टीम समजून घेणारी आणि साथ देणारी असणं खूप गरजेचं असतं. सगळ्यात महत्त्वाचं म्हणजे, इतकं चांगलं आणि आपल्याला समजून घेणारं दिग्दर्शक आणि टीम मिळणं हे प्रत्येकाच्या नशिबात नसतं. मला खरंच अशी टीम मिळाली आहे, यासाठी मी खूप कृतज्ञ आहे. आमचे दिग्दर्शक चंद्रकांत कणसे सर मला खूप प्रेमाने सांभाळून घेतात, शिकवतात आणि त्याचबरोबर माझी काळजीही घेतात. त्यामुळे काम शिकताना मला खूप सहज आणि आपलंसं वाटतं. प्रत्येकाकडून काही ना काही शिकायला मिळतंय आणि या सगळ्या कलाकारांसोबत काम करताना माझा स्वतःचा अभिनयाचा प्रवासही अधिक समृद्ध होतोय.

७. मंदार जाधवसोबत तुझं ट्युनिंग कसं जमलं आहे? त्याच्यासोबत काम करताना तुला काय नवीन शिकायला मिळत आहे?

मंदार आणि मी आता खूप चांगले मित्र होत आहोत आणि हळूहळू आमचे vibes सुद्धा खूप छान जुळत आहेत. तो खरंच खूप छान व्यक्ती आहे आणि त्याच्याकडून शिकण्यासारखं खूप काही आहे. को-ॲक्टर म्हणून तो खूप सांभाळून घेतो, आणि सतत पाठिंबा देतो. त्यामुळे त्याच्यासोबत काम करताना मला खूप सहज आणि आपलंसं वाटतं. ऑफस्क्रीनसुद्धा आम्ही एकमेकांचे खूप चांगले मित्र झालो आहोत. एक कलाकार म्हणूनच नाही, तर एक माणूस म्हणूनसुद्धा त्याच्याकडून मला खूप काही शिकायला मिळतं. त्यामुळे आमची छान गट्टी जमली आहे आणि एकमेकांसोबत काम करताना खूप मजा येते. मला वाटतं, ऑनस्क्रीनची केमिस्ट्री चांगली असण्यासाठी ऑफस्क्रीन एकमेकांना समजून घेणं आणि एकमेकांसोबत सहज असणं खूप महत्त्वाचं असतं.

८. प्रेक्षकांना काय सांगशील?

प्रेक्षकांना मी एवढंच म्हणेन की, आजवर तुम्ही झी मराठीच्या मालिकांवर जसं भरभरून प्रेम केलं आहे, तसंच आणि त्याहूनही जास्त प्रेम आमच्या नव्याने येणाऱ्या मालिकेवर करा. ‘धाकट्या सुनबाई’ला आपलंसं करा. या मालिकेतलं एक न एक पात्र तुम्हाला नक्कीच कुठेतरी आपलंसं वाटेल किंवा त्याच्याशी तुम्ही रिलेट कराल, अशी मला खात्री आहे. राधिका आणि वेदांतची जोडी, आमची संपूर्ण टीम आणि या मालिकेची गोष्ट तुम्हाला नक्की आवडेल.त्यामुळे ‘धाकट्या सुनबाई’च्या संपूर्ण टीमला असंच भरभरून प्रेम आणि आशीर्वाद द्या, ही मनापासून विनंती. तुमचं प्रेम आणि पाठिंबा आमच्यासाठी खूप महत्त्वाचा आहे. आम्हीही ही मालिका तितक्याच मनापासून तुमच्यापर्यंत पोहोचवण्याचा प्रयत्न करू.

चिन्मयी मोरेसाठी ‘धाकट्या सुनबाई’ ही केवळ नवी मालिका नसून अभिनयाच्या प्रवासातील एक महत्त्वाचा नवा टप्पा आहे. प्रेक्षकांचं भरभरून प्रेम मिळेल अशीच तिची अपेक्षा आहे. २८ सप्टेंबरपासून ही मालिका प्रेक्षकांच्या भेटीला झी मराठीवर येत आहे.

Sun Marathi Serial: अनुप्रियाच्या आयुष्यात येणार नवं पात्र; निरंजन कुलकर्णीची मालिकेत एन्ट्री, भूमिकेमागे दडलंय रहस्य

अमृता यादव — Tue, 22 Sep 2026 16:00:06 +05:30

Sun Marathi Serial:‘सन मराठी’वरील लोकप्रिय मालिका ‘मी संसार माझा रेखिते’ला प्रेक्षकांचा चांगला प्रतिसाद मिळत आहे. मालिकेतील अनुप्रिया प्रत्येक संकटावर मात करत स्वतःचं अस्तित्व निर्माण करताना दिसत आहे. तिच्या या प्रवासातून महिलांना नवी प्रेरणा मिळत आहे. मालिकेत नवनवीन ट्विस्ट पाहायला मिळत असतानाच आता एका नव्या पात्राची एन्ट्री होणार आहे. अभिनेता निरंजन कुलकर्णी महत्त्वपूर्ण भूमिकेत प्रेक्षकांच्या भेटीला येणार आहे.

निरंजन कुलकर्णी साकारणार बॅडमिंटन कोचची भूमिका

निरंजन कुलकर्णी ‘मी संसार माझा रेखिते’मध्ये एका यशस्वी बॅडमिंटन कोचची भूमिका साकारणार आहे. त्याची स्वतःची बॅडमिंटन अकॅडमी असून या अकॅडमीमध्ये प्रवेश मिळवण्यासाठी अनेकजण उत्सुक असतात. बाहेरून पाहताना या पात्राची एक वेगळीच प्रतिमा दिसते. मात्र, त्याच्या व्यक्तिमत्त्वाची आणखी एक बाजू असून त्यामागे एक रहस्य दडलेलं आहे.

या पात्राची ही दुसरी बाजू नेमकी काय आहे आणि त्याच्या आयुष्यात असं काय घडलं आहे, हे मालिकेच्या आगामी भागांत उलगडणार आहे.

‘ही भूमिका माझ्यासाठी खरोखरच आव्हानात्मक’

निरंजन कुलकर्णीने आपल्या भूमिकेबद्दल सांगताना म्हटलं, “सन मराठीवरील ही माझी पहिलीच मालिका आहे. त्यात ‘मी संसार माझा रेखिते’ ही प्रेक्षकांची आवडती मालिका आहे. त्यामुळे या मालिकेतील महत्त्वपूर्ण भूमिकेसाठी माझी निवड केल्याबद्दल निर्माते रवी करमकर आणि ‘सन मराठी’ वाहिनीचे मनापासून आभार.”

पुढे तो म्हणाला, “माझी ही भूमिका माझ्यासाठी खरोखरच खूप आव्हानात्मक आहे. यापूर्वी मी पौराणिक, ऐतिहासिक तसेच कौटुंबिक मालिकांमध्ये विविध भूमिका साकारल्या आहेत. प्रत्येक भूमिका साकारताना त्या व्यक्तिरेखेचा सखोल अभ्यास आणि तयारी करणं माझ्यासाठी नेहमीच महत्त्वाचं राहिलं आहे.”

Jaywant Wadkar on Lalbaugcha Raja: ‘आम्ही कोळी लोक विसर्जन करायचो…’;जयवंत वाडकरांची नाराजी, म्हणाले,’बाप्पा श्राप देतायत..’

व्यक्तिरेखेच्या अनेक बाजू उलगडणार

निरंजनने सांगितलं की, या भूमिकेसाठी त्याला विशेष तयारी करावी लागत आहे. कारण या व्यक्तिरेखेमध्ये अनेक वेगवेगळ्या बाजू आहेत. त्यामुळे या पात्राचा सखोल अभ्यास करून भूमिका साकारण्याचा प्रयत्न करत असल्याचं त्याने सांगितलं.

“मला खात्री आहे की, ही भूमिका देखील माझ्या अभिनयाच्या प्रवासात एक वेगळी ओळख निर्माण करणारी ठरेल,” असं निरंजनने म्हटलं आहे.

आता निरंजन कुलकर्णीची ही नवी भूमिका मालिकेच्या कथेत कोणता बदल घडवून आणणार आणि त्याच्या व्यक्तिरेखेमागचं रहस्य काय आहे, हे पाहणं उत्सुकतेचं ठरणार आहे.

Mahaveer Karna: सूर्यपुत्र कर्णाची गाथा मोठ्या पडद्यावर; ‘हा’ प्रसिद्ध अभिनेता साकारणार कर्णाची भूमिका, फर्स्ट लूक चर्चेत

Jui Gadkari: ‘असे फालतू व्हिडीओ बनवायला लाज वाटत नाही का?’ लग्नाच्या Fake व्हिडीओवर जुई गडकरीचा संताप; ट्रोलरला सुनावलं

अमृता यादव — Tue, 22 Sep 2026 15:23:18 +05:30

जुई गडकरीच्या लग्नाची Fake बातमी व्हायरल

AI जनरेटेड व्हिडीओ पाहून अभिनेत्रीचा संताप

‘आजच्या आज व्हिडीओ डिलीट करा, नाहीतर कोर्टात भेटू’

Jui Gadkari: सोशल मीडियावर सध्या फेक व्हिडीओ आणि AI जनरेटेड फोटो-व्हिडीओचं प्रमाण वाढताना दिसत आहे. मनोरंजन विश्वातील अनेक कलाकारांना याचा सामना करावा लागतो. कलाकारांचे फेक व्हिडीओ, AI जनरेटेड फोटो, बॉडी शेमिंग तसंच त्यांच्या खासगी आयुष्याबाबत चुकीच्या बातम्या सोशल मीडियावर पसरवल्या जातात. अनेकदा कलाकारांच्या आजारपणाबाबत किंवा निधनाबाबतही खोट्या बातम्या व्हायरल होतात.
काही दिवसांपूर्वी अभिनेता सिद्धार्थ जाधवलाही अशाच प्रकाराला सामोरं जावं लागलं होतं. त्याने संबंधित व्हिडीओ शेअर करत तीव्र शब्दांत नाराजी व्यक्त केली होती. आता मालिकाविश्वातील प्रसिद्ध अभिनेत्री जुई गडकरीसोबतही असाच प्रकार घडला आहे.

जुई गडकरीच्या लग्नाची Fake बातमी व्हायरल

जुई गडकरीने सोशल मीडियावर स्टोरी शेअर करत एका व्हिडीओबद्दल संताप व्यक्त केला आहे. एका युट्यूब चॅनेलवरून जुईच्या लग्नाबाबत खोटी माहिती पसरवण्यात आल्याचं तिने सांगितलं आहे.

या व्हिडीओमध्ये जुई एका प्रसिद्ध अभिनेत्याच्या मुलासोबत लग्न करणार असल्याचा दावा करण्यात आला होता. विशेष म्हणजे हा व्हिडीओ AI जनरेटेड असल्याचंही जुईने आपल्या पोस्टमधून स्पष्ट केलं आहे.

( फोटो सौजन्य- सोशल मीडिया)

‘आजच्या आज व्हिडीओ डिलीट करा, नाहीतर कोर्टात भेटू’

जुईने संबंधित व्हिडीओची लिंक आपल्या सोशल मीडिया स्टोरीवर शेअर केली. यासोबतच तिने व्हिडीओ तात्काळ हटवण्याचा इशाराही दिला आहे. व्हिडीओ डिलीट केला नाही तर कायदेशीर कारवाई करण्याचं तिने स्पष्ट केलं.

जुईने लिहिलं, “तुम्ही जे कुणीही असाल… प्लीज आपल्या कामाकडे लक्ष द्या. लाइक्स आणि व्ह्यूजसाठी असे फालतू व्हिडीओ बनवायला तुम्हाला लाज वाटत नाही का? तुम्हाला नीट AI पण करता येत नाहीये. अशुद्ध भाषा… सगळंच अशुद्ध!”

पुढे तिने लिहिलं, “हा व्हिडीओ जर आजच्या आज डिलीट झाला नाही तर लवकरच कोर्टात भेटुयात. ही विनंती आहे. प्लीज सर्वांनी हे चॅनेल रिपोर्ट करा आणि या व्हिडीओलाही रिपोर्ट करा.”

Zee Marathi New Serial: नाती, प्रेम अन् माणुसकीचा नवा अध्याय; ‘धाकट्या सुनबाई’ची झी मराठीवर एंट्री, ‘या’ दिवशी होणार मालिका सुरू

आता युट्यूबवरून हटवला Fake व्हिडीओ

दरम्यान, जुई गडकरीने संताप व्यक्त केल्यानंतर आता हा Fake व्हिडीओ युट्यूबवरून हटवण्यात आला आहे. त्यामुळे जुईने केलेल्या मागणीनंतर संबंधित व्हिडीओ आता उपलब्ध नसल्याचं पाहायला मिळत आहे.

कलाकारांच्या खासगी आयुष्याबाबत कोणतीही खात्रीशीर माहिती नसताना सोशल मीडियावर दावे केले जात असल्याने अनेकदा गैरसमज निर्माण होतात. जुईने संबंधित व्हिडीओविरोधात घेतलेल्या भूमिकेमुळे हा प्रकार चर्चेत आला आहे.

Veen Doghantali Hi Tutena: समर-स्वानंदीची अष्टविनायक यात्रा, मल्लिका काकूने रचला मोठा डाव; पुढे काय घडणार?

Veen Doghantali Hi Tutena: समर-स्वानंदीची अष्टविनायक यात्रा, मल्लिका काकूने रचला मोठा डाव; पुढे काय घडणार?

अमृता यादव — Tue, 22 Sep 2026 14:55:14 +05:30

Veen Doghantali Hi Tutena: ‘वीण दोघांतली ही तुटेना’ मालिकेत सध्या समर आणि स्वानंदीच्या नात्यातील गोडवा पाहायला मिळत आहे. कामाच्या धावपळीत दोघांनाही निवांत वेळ मिळावा म्हणून आजी समर आणि स्वानंदीला अष्टविनायक यात्रेला पाठवते. त्यामुळे दोघेही या यात्रेसाठी खूप आनंदी असतात. मात्र, दुसरीकडे मल्लिका काकूला त्यांचा हा आनंद काही पाहवत नाही. समर-स्वानंदीच्या यात्रेत विघ्न आणण्यासाठी ती नवा डाव आखताना दिसणार आहे.

समर अचानक यात्रेला निघाल्याचं मल्लिकाला खटकलं

समर नेहमी स्वतःला कामात झोकून देतो. त्यामुळे तो अचानक अष्टविनायक यात्रेला जाण्यासाठी तयार झाल्याचं मल्लिकाला सहन होत नाही. समर आणि स्वानंदीला एकत्र वेळ मिळणार असल्याने ती अस्वस्थ होते. आता त्यांच्या यात्रेत नेमकं कसं विघ्न आणायचं, याचा विचार मल्लिका करत असते.

त्याचदरम्यान अंशुमन एक मोठी बातमी आपल्या आईपर्यंत पोहोचवतो. अंशुमन आणि सुश्मिताने समरचं क्रेडिट कार्ड स्वानंदीच्या आईला दिलेलं असतं. या क्रेडिट कार्डवर मंदाकिनीने तब्बल १० लाख रुपयांची शॉपिंग केलेली असते. विशेष म्हणजे या खरेदीचं बिलही पेंडिंग असतं.

१० लाखांच्या बिलामुळे मल्लिकाचा मोठा डाव

हे प्रकरण समोर आल्यानंतर आता दादा आपल्याला ओरडणार आणि पुन्हा आपल्यालाच दोषी ठरवलं जाणार, अशी भीती अंशुमनला वाटत असते. मात्र, मल्लिका या परिस्थितीचा फायदा घेत मोठा डाव खेळते.

मल्लिका सुश्मिताला ताबडतोब तिच्या आई-वडिलांना घरी बोलावून घेण्यास सांगते. त्यानंतर स्वानंदीच्या बाबांकडे १० लाख रुपये व्याजासकट परत करण्याची मागणी करते. पैसे परत केले नाहीत, तर या प्रकरणाचे गंभीर परिणाम भोगावे लागतील, असा इशाराही ती देते.

Jaywant Wadkar on Lalbaugcha Raja: ‘आम्ही कोळी लोक विसर्जन करायचो…’;जयवंत वाडकरांची नाराजी, म्हणाले,’बाप्पा श्राप देतायत..’

View this post on Instagram

स्वानंदीला बाबांची काळजी वाटते

मल्लिकाने अचानक एवढ्या मोठ्या रकमेची मागणी केल्याने स्वानंदीचे बाबा हादरतात. १० लाख रुपये कुठून आणायचे, असा प्रश्न त्यांच्यासमोर उभा राहतो. ते चिंतेत असतानाच स्वानंदी त्यांना फोन करते.

फोनवर बाबांचा आवाज आणि त्यांची अवस्था पाहून स्वानंदीलाही काहीतरी गडबड असल्याची शंका येते. ती बाबांना विचारते, “बाबा, तुम्हाला बरं वाटतंय का? तुम्ही गोळ्या घेताय का? बाकी सगळं ठीक आहे ना तिकडे?”

मात्र, लेकीच्या या प्रश्नांना तिचे बाबा काहीच उत्तर देऊ शकत नाहीत. त्यामुळे स्वानंदीच्या मनातही अनेक प्रश्न निर्माण होतात. आता मल्लिकाच्या या डावामुळे समर-स्वानंदीच्या अष्टविनायक यात्रेत नेमकं काय घडणार? तसेच स्वानंदीला तिच्या बाबांवरील संकटाची माहिती मिळणार का, हे आगामी भागांत पाहणं महत्त्वाचं ठरणार आहे.

Actress Radha: ४६ कोटींच्या चेकवरून अभिनेत्री राधाचा मोठा आरोप; बहीण अंबिका आणि भावाविरोधात पोलिसांत तक्रार

Zee Marathi New Serial: नाती, प्रेम अन् माणुसकीचा नवा अध्याय; ‘धाकट्या सुनबाई’ची झी मराठीवर एंट्री, ‘या’ दिवशी होणार मालिका सुरू

अमृता यादव — Tue, 22 Sep 2026 13:05:25 +05:30

Zee Marathi New Serial: नाती, आपलेपणा, प्रेम आणि माणुसकी यांची सुंदर गोष्ट सांगणारी ‘धाकट्या सुनबाई’ ही नवी मालिका लवकरच प्रेक्षकांच्या भेटीला येणार आहे. दोन कुटुंबं, त्यांचे वेगवेगळे विचार आणि नात्यांमधील गुंतागुंत या मालिकेत पाहायला मिळणार आहे. २८ सप्टेंबरपासून दररोज संध्याकाळी ६:३० वाजता झी मराठीवर ही मालिका प्रसारित होणार आहे.

राधिका आणि वेदांतची गोष्ट

आपल्या माणसांची साथ आणि नात्यांमधला विश्वास आयुष्याला कसा अर्थ देतो, हे राधिका आणि वेदांतच्या आयुष्यातून या मालिकेत उलगडणार आहे.

कृष्ण मंदिराच्या पायऱ्यांवर लहानपणी सापडलेली राधिका ही आप्पा आणि निर्मलाची दत्तक मुलगी म्हणून वाढली आहे. आप्पांनी तिला कृष्णाचा प्रसाद मानून आपल्या मुलीप्रमाणे वाढवलं. सालस, मनमिळाऊ आणि उत्साही स्वभावाची राधिका नेहमी इतरांच्या मदतीसाठी पुढे असते.

Jaywant Wadkar on Lalbaugcha Raja: ‘आम्ही कोळी लोक विसर्जन करायचो…’;जयवंत वाडकरांची नाराजी, म्हणाले,’बाप्पा श्राप देतायत..’

मात्र, घरातील गोदाक्का आजही तिला ‘परकी’ मानतात. त्यामुळे घरात प्रेम मिळत असूनही राधिकाच्या मनात आपल्या खर्‍या घराचा आणि आपल्या माणसांचा शोध कायम आहे. आपल्या मनातलं दुःख ती कृष्णाशी मनमोकळेपणाने बोलते आणि त्यालाच आपला सखा मानते.

वेदांत कुटुंबाच्या परंपरांना महत्त्व देणारा

दुसरीकडे पटवर्धन कुटुंबातील वेदांत आहे. ‘आराधना’ या पूजा साहित्य, अत्तर आणि अगरबत्तीच्या व्यवसायाचा तो वारसदार आहे. हुशार, सुसंस्कृत आणि जबाबदार असलेला वेदांत कुटुंबाच्या परंपरांना महत्त्व देतो.

आई दमयंतीच्या शिस्तीत आणि विचारांमध्ये वाढलेल्या वेदांतच्या आयुष्यात राधिकेची एंट्री झाल्यानंतर मात्र एक नवा प्रश्न उभा राहतो. माणसाची ओळख त्याच्या रक्ताने आणि कुळाने ठरते की त्याच्या मनाने? राधिकेमुळे वेदांतला स्वतःच्या विचारांकडे नव्या पद्धतीने पाहण्याचा प्रवास सुरू होतो.

Sahal Marathi Movie: देविका दफ्तरदार यांच्या संवेदनशील अभिनयाची पुन्हा झलक पाहायला मिळणार; ‘सहल’चा पोस्टर लॉन्च

चिन्मयी मोरे आणि मंदार जाधव प्रमुख भूमिकेत

‘धाकट्या सुनबाई’ मालिकेत अभिनेत्री चिन्मयी मोरे राधिकाची भूमिका साकारत आहे. तर अभिनेता मंदार जाधव वेदांतच्या भूमिकेत दिसणार आहे. दोन्ही कुटुंबांच्या नात्यांमधून प्रेम, आपलेपणा, विश्वास आणि माणुसकीचे वेगवेगळे पैलू प्रेक्षकांसमोर येणार आहेत.

नात्यांना आणि माणुसकीला केंद्रस्थानी ठेवणारी ‘धाकट्या सुनबाई’ ही मालिका २८ सप्टेंबरपासून दररोज संध्याकाळी ६:३० वाजता झी मराठीवर पाहता येणार आहे.

Jay Jay Swami Samarth Serial: स्वामींनी दिला संकटाचा इशारा! सावळ्या-इराच्या नात्याची परीक्षा घेण्यासाठी येतोय एक मोठा धोका!

Riddhi Vanne — Fri, 18 Sep 2026 18:15:02 +05:30

इराची नवी परीक्षा

सावळ्याचं गुपित कायम

गणपतची एंट्री

“ज्योत उजळत असली तरी तिच्या भोवती काजळी जमा होतेच… आणि इरा, तुलाही या काजळीचा सामना करावा लागणार!” स्वामींच्या या गूढ इशाऱ्याने आगामी भागांमध्ये इराच्या आयुष्यात येणाऱ्या वादळाची चाहूल लागली आहे. एका बाजूला सावळ्याच्या भूतकाळाचं काळं सत्य आणि दुसऱ्या बाजूला त्याच्या आयुष्यात उमलत चाललेलं इराचं स्थान… या दोन्हींच्या गुंत्यात आता एका नव्या संकटाची एंट्री होणार आहे.
इराची परीक्षा सुरू

इराची परीक्षा सुरू होणार आहे… सावळ्याचं सत्य अजूनही गुपित आहे… आणि गणपतच्या रूपाने या नात्यावर संकटाची सावली पडली आहे! आता स्वामींची लीला कोणतं नवं वळण घेणार, हे पाहणं उत्सुकतेचं ठरणार आहे. सावळ्याला त्याच्या आयुष्याचं खरं सत्य कधी कळणार? गणपतच्या नजरेपासून इराला सावळ्या वाचवू शकेल का?

इराची आणि सावळ्याची ही वाढती जवळीक त्यांना स्वामींच्या नियोजित मार्गावर घेऊन जाणार की एका मोठ्या संघर्षाकडे"color: #0000ff;">स्वामींची’, दररोज रात्री 8:10 वा. फक्त कलर्स मराठीवर. Jay Jay Swami Samarth Serial:

भविष्यात काय घडणार?

सावळ्याच्या आयुष्यावर झालेला अन्याय जेव्हा इराला समजतो, तेव्हा त्याच्याबद्दल तिच्या मनात केवळ सहानुभूती राहत नाही, तर त्याला या परिस्थितीतून बाहेर काढण्याची तीव्र इच्छा निर्माण होते. सावळ्यालाही इराच्या सहवासाची जाणीव होऊ लागली आहे. मात्र, आपल्या आयुष्यात दडलेलं सत्य त्याला अद्याप माहीत नाही. स्वामींना मात्र भविष्यात काय घडणार आहे याची पूर्ण जाणीव आहे.

म्हणूनच इरा सावळ्याला सत्य सांगण्याचा प्रयत्न करते, तेव्हा स्वामी तिला थांबवतात. “सांगायचं असतं तर आम्ही नसतं का सांगितलं एव्हाना… त्याची वेळ अजून यायची आहे!” स्वामींच्या या शब्दांमुळे प्रश्न आणखी गडद होतो—इराला सावळ्याचं सत्य कधी सांगता येणार? आणि तो क्षण येईपर्यंत तिच्या आणि सावळ्याच्या नात्याचं काय होणार?

भूतकाळाचे धागे पुन्हा घट्ट

सुभानची एंट्री… आणि नात्यासमोर उभं ठाकणारं नवं संकट! – या सगळ्यात सावळ्याच्या आयुष्यात एंट्री होते सुभानची एक हिंसक, निर्दयी आणि गुन्हेगारी जगात रमलेला चेहरा. त्याच्या आगमनाने सावळ्याच्या भूतकाळाचे धागे पुन्हा घट्ट होतात; पण त्याहून मोठा धक्का तेव्हा बसतो, जेव्हा सुभानची नजर इरावर पडते. सुभानच्या विकृत नजरेची जाणीव होताच सावळ्या संतापतो. इराच्या सन्मानासाठी तो सुभानला थेट विरोध करतो. आणि इथेच एका मोठ्या संघर्षाची ठिणगी पडते. “ठिणगी पडली… आता द्रौपदीवरून महाभारत होणार!” असा स्वामींचा इशारा या संघर्षाची तीव्रता आणखी वाढवतो.

Lust Stories 3 Review: ४ कथा, ४ दिग्दर्शक अन् मानवी इच्छांचा वेगळाच अंदाज; ‘लस्ट स्टोरीज ३’ पाहावा का?

मात्र या कथेतला सर्वांत मोठा आणि कधीही न पाहिलेला प्रवास अजून बाकी आहे एक दरोडेखोरापासून त्याचा एक भक्तामध्ये होणाऱ्या परिवर्तनाचा! ज्याच्या हातात आजवर गुन्ह्याचं शस्त्र होतं, त्याच हातात उद्या स्वामींच्या नामाची माळ असेल का? ज्याच्या आयुष्यात हिंसा आणि दहशत होती, तिथे श्रद्धेचा प्रकाश कसा पोहोचणार? इराची साथ या परिवर्तनात किती निर्णायक ठरणार? आणि स्वामींच्या कृपेने सावळ्याला त्याच्या नियतीच्या फेर्‍यातून मुक्ती मिळणार का? अखेर इराच्या अपहरणामागे नेमकं काय सत्य दडलंय ?.

Gondhal Movie: Oscarसाठी मराठी चित्रपट ‘गोंधळ’ची निवड; विविध भाषांमधील 33 चित्रपटांना टाकले मागे

Star Pravah Serial: सायलीच्या प्रयत्नांना अखेर यश! अर्जुन पुन्हा स्वत:च्या पायावर उभा राहिला; ‘ठरलं तर मग’चा नवा प्रोमो चर्चेत

अमृता यादव — Fri, 18 Sep 2026 13:08:07 +05:30

Star Pravah Serial: ‘ठरलं तर मग’ मालिकेत सध्या सायली आणि अर्जुनच्या आयुष्यात अनेक चढ-उतार पाहायला मिळत आहेत. काही दिवसांपूर्वी अर्जुनवर जीवघेणा हल्ला झाला होता. या हल्ल्यातून तो थोडक्यात बचावला आणि त्याला रुग्णालयात दाखल करण्यात आलं होतं. आता अर्जुनच्या प्रकृतीत सुधारणा व्हावी, यासाठी सायली करत असलेले प्रयत्न आणि त्यानंतर घडणारा एक भावुक प्रसंग आगामी भागात पाहायला मिळणार आहे.

अर्जुनवर हल्ला, सायलीसमोर मोठं आव्हान

अर्जुन रुग्णालयात असताना सायलीसमोर अनेक प्रश्न उभे राहिले होते. गरोदर असतानाही सायलीने जिद्द सोडली नाही. तिने संपूर्ण प्रकरणाचा तपास स्वतः केला आणि महिपतविरोधात महत्त्वाचे पुरावे शोधून काढले. एवढंच नाही तर स्वतःची केस स्वतः लढण्याचा निर्णयही तिने घेतला.

या कठीण काळात अर्जुन रुग्णालयातूनही सायलीला शक्य ती मदत करताना दिसला.

अर्जुन पुन्हा व्हिलचेअरवर

दरम्यान, अर्जुन घरी परतल्यानंतरही त्याच्या प्रकृतीत अपेक्षित सुधारणा झालेली नसते. तो दिवसभर व्हिलचेअरवरच असतो. आपल्या नवऱ्याला पुन्हा पहिल्यासारखं ठणठणीत पाहण्यासाठी सायली निर्धार करते.

घरात बाप्पाचं आगमन झाल्यानंतर सायली देवासमोर हात जोडून प्रार्थना करते. “बाप्पा, हे पुन्हा एकदा स्वत:च्या पायावर उभे राहू देत,” अशी मनापासून इच्छा ती व्यक्त करते.

सायलीचा पेटता पदर पाहून अर्जुन उठला

आगामी भागातील सर्वात भावुक प्रसंग यानंतर घडतो. सायली जाणूनबुजून आपल्या साडीचा पदर पेटत्या दिव्याजवळ नेते आणि तिच्या पदराला आग लागते. घराच्या दरवाजात व्हिलचेअरवर बसलेल्या अर्जुनचं लक्ष सायलीच्या पेटलेल्या पदराकडे जातं.

अर्जुन सायलीला वाचवण्यासाठी जोरात ‘बायको!’ अशी हाक मारतो. मात्र, सायलीपर्यंत त्याचा आवाज पोहोचत नाही. तिला वाचवण्यासाठी अर्जुन व्हिलचेअरवरून उठण्याचा प्रयत्न करतो. स्वतःला कसाबसा सावरत तो सायलीपर्यंत पोहोचतो आणि तिच्या पदराची आग विझवतो.

अर्जुन सायलीवर चिडला, पण ती मात्र झाली आनंदी

सायलीने स्वतःला अशा धोक्यात का टाकलं, यामुळे अर्जुन तिच्यावर प्रचंड चिडतो. मात्र, सायलीच्या चेहऱ्यावर वेगळाच आनंद असतो. कारण ज्या क्षणाची ती आतुरतेने वाट पाहत होती, तो क्षण अखेर तिच्यासमोर आलेला असतो.

सायलीच्या जीवाला धोका दिसताच अर्जुन व्हिलचेअरवरून उठून स्वत:च्या पायावर उभा राहतो. त्यामुळे आपल्या प्रयत्नांना अखेर यश मिळाल्याचं पाहून सायली भावुक आणि आनंदी होते.

View this post on Instagram

Gaurav More Meets Abhijeet Sawant: ‘या क्षणाची २१ वर्षं वाट पाहिली’; गौरव मोरेची अभिजीत सावंतसोबत पहिली भेट

मुलाला स्वत:च्या पायावर उभं पाहून कल्पनाही खूश

अर्जुनला पुन्हा स्वत:च्या पायावर उभं राहिलेलं पाहून कल्पनालाही मोठा आनंद होतो. आपल्या मुलाला पुन्हा चालताना पाहून कुटुंबासाठी हा क्षण भावुक करणारा ठरतो.

सायलीच्या जिद्दीमुळे आणि अर्जुनच्या सायलीवरील प्रेमामुळे हा क्षण मालिकेतील महत्त्वाचा टर्निंग पॉइंट ठरणार आहे. आता अर्जुनच्या प्रकृतीत पुढे किती सुधारणा होते आणि सायली-अर्जुनच्या आयुष्यात पुढे कोणतं नवं संकट येतं, हे पाहणं उत्सुकतेचं ठरणार आहे.

Bandhu Marathi Movie: भजनाच्या तालावर रंगले ‘बंधू’; उपेंद्र लिमये-जितेंद्र जोशींनी घेतले गणरायाचे दर्शन

Ankita Walawalkar On Pregnancy: ‘मला स्वतःला आई म्हणून बघायचंय…’; मातृत्वाबाबत अंकितानं केलं मन मोकळं

अमृता यादव — Thu, 17 Sep 2026 16:05:19 +05:30

Ankita Walawalkar On Pregnancy: ‘कोकण हार्टेड गर्ल’ म्हणून ओळखली जाणारी अभिनेत्री आणि सोशल मीडिया स्टार अंकिता वालावलकर सध्या तिच्या वैयक्तिक आयुष्यामुळे चर्चेत आहे. अंकितानं संगीतकार कुणाल भगतसोबत लग्न केलं असून, दोघेही त्यांच्या वैवाहिक आयुष्याचा आनंद घेत आहेत. नुकतंच अंकिता आणि कुणाल यांनी आपलं हक्काचं घर घेतल्याची माहिती चाहत्यांसोबत शेअर केली. त्यानंतर आता अंकितानं मातृत्व आणि आई होण्याच्या इच्छेबाबत मनमोकळेपणाने भाष्य केलं आहे.

मातृत्वाबाबत अंकितानं केलं मन मोकळं

अंकिता वालावलकरनं नुकतीच ‘राजश्री मराठी’ला मुलाखत दिली. या मुलाखतीत तिनं भविष्यात स्वत:ला कोणत्या भूमिकेत पाहायचं आहे, याबाबत स्पष्टपणे सांगितलं. मुलाखतीदरम्यान अंकिताला प्रश्न विचारण्यात आला की, “येत्या काही वर्षांत तू स्वत:ला काय म्हणून बघतेस?”

या प्रश्नाचं उत्तर देताना अंकिता म्हणाली, “मला स्वत:ला आई म्हणून बघायचंय. माझं ध्येय खूप स्पष्ट आहे. मला स्वत:ला आई म्हणून बघायचं आहे. मला कौटुंबिक आयुष्य आधीपासूनच हवं होतं. माझे आई-वडील, कुणालचे आई-वडील आहेत. अशा वेळीच मला आई व्हायला आवडेल. त्यामुळे येत्या काही वर्षांत मी आई व्हावं, असं मला वाटतंय.”

अंकिताच्या या वक्तव्यानंतर तिच्या चाहत्यांमध्ये तिच्या मातृत्वाबाबत उत्सुकता निर्माण झाली आहे. मात्र, अंकितानं यावेळी आपण गर्भवती असल्याचं सांगितलेलं नाही. तिनं केवळ भविष्यात आई होण्याची इच्छा व्यक्त केली आहे.

Pehla Pyaar Doosri Baar: ‘पहला प्यार दूसरी बार’चा फर्स्ट लुक आऊट; लव रंजनच्या चित्रपटातून कोणते ६ कलाकार करणार डेब्यू?

मानसिक आरोग्याबाबतही व्यक्त झाली अंकिता

या मुलाखतीत अंकितानं मानसिक आरोग्य आणि आयुष्यातील कठीण प्रसंगांबाबतही भाष्य केलं. कठीण काळातून जाणाऱ्या लोकांना तिनं सकारात्मक राहण्याचा संदेश दिला.

“जे लोक कठीण काळातून जात असतील, त्यांना मला एकच सांगायचं आहे की, देवावर विश्वास ठेवून या सगळ्या गोष्टी पार करा. पुढच्या आयुष्यात काहीतरी चांगलं होतंच,” असं अंकितानं म्हटलं.

दरम्यान, मातृत्वाबाबत अंकितानं व्यक्त केलेली इच्छा सध्या चर्चेचा विषय ठरली आहे. ‘मला स्वतःला आई म्हणून बघायचंय’ या तिच्या वक्तव्यामुळे चाहत्यांमध्येही उत्सुकता निर्माण झाली आहे. मात्र, प्रेग्नन्सीबाबत कोणतीही अधिकृत घोषणा झालेली नसल्याने सध्या या वक्तव्याकडे केवळ तिची भविष्यातील इच्छा म्हणूनच पाहता येईल.

Friday OTT Release: घरबसल्या मनोरंजनाची मेजवानी! या आठवड्यात ओटीटीवर रिलीज होणार ‘हे’ सिनेमे आणि सीरिज

Aai Tulja Bhavani Serial: ‘आई तुळजाभवानी’मध्ये बालगणेशाचं आगमन; AI-VFXच्या कमाल तंत्रज्ञानाने साकारला गजमुख

अमृता यादव — Thu, 17 Sep 2026 12:30:58 +05:30

Aai Tulja Bhavani Serial: कलर्स मराठीवरील लोकप्रिय मालिका ‘आई तुळजाभवानी’ सध्या गणेश आगमनाच्या खास प्रोमोमुळे चर्चेत आली आहे. या प्रोमोमध्ये साकारण्यात आलेलं गजमुख प्रेक्षकांचं विशेष लक्ष वेधून घेत आहे. गणेशाची हलणारी सोंड आणि सोंडेच्या सहाय्याने मोदक ग्रहण करण्याचा प्रसंग अतिशय प्रभावीपणे साकारण्यात आला असून, या दृश्यामागील AI आणि VFX तंत्रज्ञानाची कमाल पाहायला मिळत आहे.

मालिकेच्या आगामी कथानकात तुळजापुरात बालगणेशाचं खट्याळ आणि गोड आगमन होणार आहे. त्यामुळे गणेशाच्या या आगमनासोबत मालिकेत पुढे कोणत्या रंजक घडामोडी घडणार, याची उत्सुकता प्रेक्षकांमध्ये निर्माण झाली आहे.

AI आणि VFX तंत्रज्ञानाचा वेगळा प्रयोग

‘आई तुळजाभवानी’ ही मालिका सुरुवातीपासूनच VFX आणि AI तंत्रज्ञानाच्या वेगळ्या प्रयोगांसाठी ओळखली जाते. AIच्या माध्यमातून व्यक्तिरेखा साकारण्यापासून ते प्रत्यक्ष कलाकार आणि AI व्यक्तिरेखांमध्ये संवाद घडवून आणण्यापर्यंत विविध तांत्रिक प्रयोग मालिकेत करण्यात आले आहेत.

पौराणिक आणि दैवी प्रसंग अधिक प्रभावीपणे साकारण्यासाठीही मालिकेत AIचा वापर करण्यात आला आहे. आता गणेश आगमनाच्या निमित्ताने तयार करण्यात आलेल्या गजमुखामुळे या तांत्रिक प्रयोगात आणखी एका नव्या अध्यायाची भर पडली आहे.

गजमुख साकारण्यासाठी बारकाईने काम

गजमुखाची रचना, त्याच्या चेहऱ्यावरील भाव आणि विशेषतः सोंडेच्या हालचाली नैसर्गिक वाटाव्यात, यासाठी मोठ्या प्रमाणावर काम करण्यात आलं. AIच्या माध्यमातून विविध रूपं तयार करून त्यातील योग्य रूपाची निवड करण्यात आली आणि त्यानंतर VFXच्या माध्यमातून त्याला जिवंतपणा देण्यात आला.

विशेष म्हणजे गणेशाने सोंडेच्या सहाय्याने मोदक ग्रहण करण्याचा प्रसंग नैसर्गिक आणि विश्वासार्ह दिसावा, यासाठी विशेष मेहनत घेण्यात आली आहे. त्यामुळे हा प्रसंग मालिकेच्या प्रोमोमधील खास आकर्षण ठरत आहे.

Devghar On Rent Marathi Movie: ‘देवघर ऑन रेंट’चा थरारक ट्रेलर रिलीज; अध्यात्म, रहस्य आणि ॲक्शनचा जबरदस्त तडका

‘ही केवळ व्यावसायिक काम नाही, तर श्रद्धेचा विषय’

मालिकेचे VFX दिग्दर्शक प्रदीप भगत यांनी या प्रयोगाबद्दल सांगितलं की, ‘आई तुळजाभवानी’ ही त्यांच्या कुलदैवतावर आधारित मालिका असल्याने हा प्रकल्प केवळ व्यावसायिक काम नसून श्रद्धा आणि भक्तीचा विषय आहे. VFX आणि AI तंत्रज्ञानाच्या माध्यमातून देवीचं तेज, दैवी स्वरूप आणि कथांचा प्रभावी अनुभव प्रेक्षकांपर्यंत पोहोचवण्याचा प्रयत्न असल्याचं त्यांनी नमूद केलं.

गणेश आगमनाचा प्रसंगही विशेष असल्याचं सांगत त्यांनी गजमुखाचं रूप जिवंत, लोभस आणि नैसर्गिक वाटावं यासाठी त्याच्या रचनेपासून सोंडेच्या हालचालींपर्यंत प्रत्येक तपशीलावर काम केल्याचं सांगितलं.

फ्लेमिंगोज VFXची तांत्रिक जबाबदारी

मालिकेच्या VFXचं दिग्दर्शन फ्लेमिंगोज VFX या निर्मिती संस्थेकडून करण्यात येत आहे. या संस्थेने यापूर्वी ‘विक्रम वेधा’, ‘राधा रमण’ यांसारख्या चित्रपटांसोबतच ‘असुर’, ‘फर्जी’, ‘ताज’, ‘सिटाडेल’ आणि ‘गन्स अँड गुलाब्स’ यांसारख्या वेबसीरिजसाठी VFXचं काम केलं आहे. ‘स्वराज’, ‘इमली’, ‘नजर’, ‘जादू है जिन्न का’ आणि ‘विद्रोही’ यांसारख्या हिंदी मालिकांमध्येही संस्थेने काम केलं आहे. मराठीतील ‘आई तुळजाभवानी’ ही त्यांची पहिली मालिका आहे.

दरम्यान, पहिल्या भागापासून आतापर्यंत ६८०हून अधिक भागांचा टप्पा गाठलेल्या ‘आई तुळजाभवानी’मध्ये VFX आणि AI तंत्रज्ञानाचा सातत्याने वापर करण्यात आला आहे. आता बालगणेशाच्या आगमनामुळे मालिकेतील आगामी भाग आणखी रंजक होण्याची शक्यता आहे.

CBFC New Board: तब्बल ७ वर्षांनंतर सेन्सॉर बोर्डाची नवी कार्यकारिणी जाहीर; बॉलिवूडसह ‘या’ मराठी चेहऱ्यांना मिळालं स्थान!

Meghna Erande Joshi: ‘यंदाचा गणेशोत्सव माझ्यासाठी स्पेशल’; बाप्पासोबतचं खास नातं सांगताना अभिनेत्री भावुक

अमृता यादव — Wed, 16 Sep 2026 12:27:37 +05:30

Meghna Erande Joshi: मराठी मनोरंजनसृष्टीतील लोकप्रिय अभिनेत्री मेघना एरंडे-जोशी यांच्यासाठी गणेशोत्सव हा केवळ सण नसून, बालपणापासून जपलेल्या आठवणी, कुटुंबाच्या परंपरा आणि बाप्पासोबतच्या खास नात्याचा अविभाज्य भाग आहे. एरंडे कुटुंबातील गणेशोत्सवापासून लग्नानंतर जोशी कुटुंबातील परंपरांपर्यंत आणि आता ‘सनई चौघडे’ मालिकेच्या माध्यमातून परब कुटुंबाचा गणेशोत्सव अनुभवण्यापर्यंत त्यांचा हा प्रवास खास आहे.

यंदाच्या गणेशोत्सवाचं आणखी एक वैशिष्ट्य म्हणजे ‘सनई चौघडे’च्या निमित्ताने मेघना यांनी पहिल्यांदाच कोकणातील गणेशोत्सवाचा अनुभव घेतला. या खास आठवणींबद्दल सांगताना त्यांनी यंदाचा गणेशोत्सव आपल्यासाठी खऱ्या अर्थाने विशेष असल्याचं म्हटलं.

“यंदाचा गणेशोत्सव माझ्यासाठी खूपच स्पेशल”

मेघना एरंडे-जोशी म्हणाल्या, “यंदाचा गणेशोत्सव माझ्यासाठी खूपच स्पेशल आहे, कारण आतापर्यंत मी फक्त एरंडे आणि जोशी हे दोनच गणेशोत्सव साजरे करत होते. पण या वर्षीपासून परबांचा गणेशोत्सवही साजरा करणार आहे.”

बालपणापासून त्यांच्या माहेरी गणेशोत्सवाची परंपरा असल्याचं त्या सांगतात. घरातील सर्वात लहान मुलगी असल्यामुळे गणपतीच्या आगमनानंतर त्यांना प्रसाद वाटण्यासारखी छोटी-छोटी कामं दिली जायची. लग्नानंतर जोशी कुटुंबात आल्यानंतर स्वयंपाकापासून गणेशोत्सवातील विविध जबाबदाऱ्या त्यांनी शिकून घेतल्या. आता गणपती स्थापनेची पूजा देखील त्यांना करता येते.

‘सनई चौघडे’मुळे पहिल्यांदाच अनुभवला कोकणातील गणेशोत्सव

‘सनई चौघडे’ मालिकेच्या शूटिंगच्या निमित्ताने मेघना यांना यंदा कोकणातील गणेशोत्सव जवळून अनुभवता आला. याआधी त्या कधीही कोकणात गेल्या नव्हत्या. मालिकेत हरतालिकेपासून गौरीपर्यंतचा गणेशोत्सव उभा करण्यात आला आहे.

“कोकणात झालेल्या गणेशोत्सवाच्या या शूटिंगमुळे माझा आनंद आणखी द्विगुणित झाला आहे,” असं मेघना यांनी सांगितलं. मालिकेत साकारण्यात आलेला हा गणेशोत्सव प्रेक्षकांना प्रत्यक्ष पाहायला मिळणार असल्याचंही त्यांनी नमूद केलं.

‘सनई चौघडे’च्या टीमला गणेशगल्लीच्या राजाच्या पाद्यपूजनासाठी नेण्यात आलं, तेव्हापासूनच त्यांच्या टीमचा गणेशोत्सव सुरू झाला. त्यामुळे यंदाचा उत्सव अधिक खास झाल्याचं त्या सांगतात.

वयाच्या सातव्या वर्षी रंगमंचावर पहिला परफॉर्मन्स

गणेशोत्सवाशी मेघना यांचं नातं त्यांच्या बालपणापासूनच जोडलं गेलं आहे. वयाच्या सातव्या वर्षी गणेश मंडळाच्या स्टेजवर त्यांचा पहिला पब्लिक परफॉर्मन्स झाला होता. तिथून सुरू झालेला त्यांचा प्रवास आता ३८ वर्षांपर्यंत पोहोचला आहे.

यंदा त्यांना जोशी गणपती, एरंडे गणपती आणि परब गणपतीची आरती करण्याची संधी मिळाली. याशिवाय ‘झी मराठी’च्या ‘उत्सव गणेशाचा’ या कार्यक्रमाला याआधी त्यांनी व्हॉइस ओव्हर दिला आहे. यंदा मात्र निवेदिता सराफ आणि हर्षदा खानविलकर यांच्यासोबत आरती करण्याची संधी मिळाल्याने हा क्षण त्यांच्यासाठी विशेष ठरला.

“ज्या ज्या गोष्टींचं मी स्वप्न पाहिलं, त्या त्या गोष्टी गणपती बाप्पाच्या आशीर्वादाने माझ्यासाठी सत्यात उतरत आहेत,” असं मेघना यांनी भावुक होत सांगितलं.

गणेशोत्सवातील प्रत्येक जबाबदारी आवडीने पार पाडतात

गणेशोत्सवाच्या काळात घरातील विविध कामं करण्याचा आनंद मेघना यांना मिळतो. नैवेद्य बनवणे, आरती म्हणणे, गणपतीच्या कथा वाचणे, पूजेची तयारी करणे, आरतीची तयारी करणे आणि पाहुण्यांना आमंत्रण देणे, या सगळ्या गोष्टी त्या मनापासून करतात.

त्यांना खास मोदक बनवायलाही आवडतात. गणेशोत्सवाच्या काळात माहेरचे आणि सासरचे पाहुणे घरी येत असल्यामुळे घरातही उत्साहाचं वातावरण असतं. हरतालिकेच्या कार्यक्रमात मंगळागौरीचे खेळ खेळण्याची आठवणही त्यांनी सांगितली.

‘बाल गणेश’साठी डबिंग केल्यामुळे गणपतीच्या अनेक कथा त्यांना हिंदी, मराठी आणि इंग्रजी भाषेत माहिती आहेत. गणेशोत्सवाच्या काळात त्या विविध कार्यक्रमांमध्ये सहभागी होतात आणि होस्टिंगही करतात.

Suriya-Jyothika: २० वर्षांनी पुन्हा लग्नाच्या बोहल्यावर सूर्या-ज्योतिका, मुलांसमोरचा खास VIDEO व्हायरल

आरतीनंतर बाप्पासोबत करतात ‘गप्पा’

गणपती बाप्पासोबतचं आपलं नातं केवळ श्रद्धेपुरतं मर्यादित नसून मैत्रीचं असल्याचं मेघना सांगतात. रात्रीची आरती झाल्यानंतर त्या काही वेळ एकट्या बाप्पासमोर बसतात.

“रात्रीची आरती झाल्यानंतर मी १०-१५ मिनिटं एकटी बाप्पासमोर बसते. तेव्हा माझ्या आणि बाप्पामध्ये गप्पा असतात,” असं त्या सांगतात. गणपतीच्या डोळ्यांमध्ये त्यांना जिवंतपणा जाणवतो आणि त्यामुळे कोणत्याही गणपतीची मूर्ती पाहताना त्यांचे डोळे त्यांना विशेष भावतात.

विसर्जनाच्या वेळी मन भरून येतं आणि पुढच्या वर्षी बाप्पाच्या आगमनाची त्या आतुरतेने वाट पाहतात.

“बाप्पांनी मला नेहमीच कठीण प्रसंगातून बाहेर काढलं”

मेघना यांच्या आयुष्यात गणपती बाप्पाला विशेष स्थान आहे. “स्वामी आणि बाप्पा हे माझे दोन इष्ट आहेत,” असं त्या सांगतात. लहानपणापासून कोणत्याही प्रोजेक्टची सुरुवात करण्यापूर्वी त्या ‘गणपती बाप्पा मोरया’ म्हणतात. शूटिंग पॅकअप करतानाही त्यांच्या टीमकडून हाच जयघोष केला जातो.

बाप्पाने अनेक कठीण प्रसंगांतून आपल्याला बाहेर काढल्याची अनुभूती असल्याचं मेघना सांगतात. मोठं संकट येण्याआधीच बाप्पा आपली मदत करतात, असा त्यांचा विश्वास आहे.

सिद्धिविनायकाचा गजरा आणि मोदकाची खास आठवण

मेघना यांनी त्यांच्या बालपणीची एक खास आठवणही सांगितली. त्यांच्या शेजारी आठवले आजी राहत होत्या. त्या सिद्धिविनायक मंदिरात मुख्य आचारी होत्या. त्या दररोज मेघना यांच्यासाठी सिद्धिविनायकाचा गजरा आणि प्रसादातील मोदक आणायच्या.

त्यामुळे पहिली ते दहावीपर्यंत त्या रोज केसांमध्ये सिद्धिविनायकाचा गजरा घालून शाळेत जायच्या आणि त्यांच्या डब्यातही सिद्धिविनायकाचा प्रसाद असायचा. ही आठवण आजही त्यांच्या मनात तितकीच खास आहे.

२०१० मध्ये लग्न झाल्यानंतर लालबागच्या राजाच्या दर्शनाला जाण्याचा योग आला नसला तरी यंदा ‘सनई चौघडे’च्या टीमसोबत लालबागच्या राजाच्या दर्शनाला जाण्याची त्यांची इच्छा आहे. २०१० पासून पवईतील गणपतींच्या दर्शनाला त्या आपल्या मुलीला घेऊन आवर्जून जातात.

गणपतीच्या दर्शनातून आपल्याला नवी ऊर्जा आणि चेतना मिळते, असंही त्या सांगतात.

“माझं आणि बाप्पाचं नातं कायम असंच राहील”

मेघना यांच्या मते, गणपती बाप्पा त्यांच्या मनातलं सगळं ऐकतात आणि पूर्णही करतात. त्यामुळे स्वतःला त्या भाग्यवान समजतात.

“माझं आणि बाप्पाचं एक वेगळं, निरागस, निखळ आणि नावखंळ असं मैत्रीचं नातं आहे आणि ते कायम असंच राहील. गणपती बाप्पा मोरया!” अशा शब्दांत त्यांनी बाप्पावरील आपली श्रद्धा व्यक्त केली.

Sambhavna Seth: बाप्पाच्या आगमनासोबत घरातला ‘तो’ आनंदही झाला पूर्ण; संभावनाने दाखवले जुळ्या मुलांचे चेहरे

यंदा ‘सनई चौघडे’च्या माध्यमातून कोकणातील गणेशोत्सव अनुभवताना मेघना यांच्या या नात्यात आणखी एका सुंदर आठवणीची भर पडली आहे. त्यांच्या बालपणीच्या आठवणी, कुटुंबाच्या परंपरा, अभिनयाचा प्रवास आणि बाप्पावरील अढळ विश्वास यामुळे त्यांच्यासाठी यंदाचा गणेशोत्सव खऱ्या अर्थाने खास ठरला आहे.

Zee Marathi Artists Ganeshotsav: बाप्पाच्या आठवणींमध्ये रमले झी मराठीचे कलाकार; सांगितल्या घरातील परंपरा अन् खास अनुभव

अमृता यादव — Tue, 15 Sep 2026 15:00:50 +05:30

Zee Marathi Artists Ganeshotsav: गणेशोत्सव हा प्रत्येकाच्या आयुष्यात आनंद, उत्साह आणि आपुलकी घेऊन येणारा सण आहे. बाप्पाचं घरी आगमन, आरती, मोदक, सजावट, कुटुंबीयांसोबतचे क्षण आणि बाप्पाच्या दर्शनातून मिळणारं समाधान, या सगळ्यांमधून प्रत्येकाच्या मनात या सणाच्या अनेक खास आठवणी जपलेल्या असतात. यंदाच्या गणेशोत्सवानिमित्त झी मराठीच्या कलाकारांनी त्यांच्या घरातील गणेशोत्सवाच्या तयारीपासून ते बाप्पासोबतच्या खास आठवणी आणि अनुभवांपर्यंत अनेक गोष्टी शेअर केल्या आहेत.

कुणासाठी बाप्पाचं घरात आगमन हा सर्वात आनंदाचा क्षण आहे, तर कुणासाठी लहानपणीच्या आठवणी आणि वर्षानुवर्षे जपलेल्या परंपरा खास आहेत. काही कलाकारांसाठी बाप्पासोबतचं नातं हे श्रद्धा आणि विश्वासाचं आहे.

विजया बाबरची गौरी आगमनाची खास परंपरा

‘कमळी’ या भूमिकेमुळे लोकप्रिय झालेली अभिनेत्री विजया बाबर हिच्यासाठी गणेशोत्सव म्हणजे कुटुंबीयांसोबतचा आनंद आणि पारंपरिक पद्धतीने सण साजरा करण्याची संधी. यंदाही त्यांच्या कुटुंबात गणेशोत्सवाची जोरदार तयारी सुरू आहे.

विजया सांगते, “माझी ताई, जीजू, दादा, वहिनी, मी आणि फॅमिली मेंबर्स असा आमचा ग्रुप आहे. डेकोरेशन, बाप्पाच्या मूर्तीचं सिलेक्शन अशा अनेक विषयांवर आमच्या चर्चा आणि आयडिया सुरू असतात. आमच्याकडे गणेशोत्सव खूप छान आणि अगदी पारंपरिक पद्धतीने साजरा केला जातो.”

गणेशोत्सवातील रात्रभर जागून केलेलं डेकोरेशन तिला विशेष आवडतं. मात्र, तिच्यासाठी गौरी आगमन आणि गौरीचं जेवण हे त्याहूनही खास असतं. गौरीच्या आगमनाच्या दिवशी पारंपरिक पद्धतीने वाजत-गाजत स्वागत केलं जातं. त्यानंतर गौरीला दागिने घालण्यापासून सजवण्यापर्यंतचा प्रत्येक क्षण कुटुंबासाठी खास असतो.

गौरीच्या जेवणाच्या दिवशी पुरणपोळी, कटाची आमटी, भात, भजी आणि गोडधोड असा खास नैवेद्य केला जातो. रात्री गौरी-गणपती जागरणात मंगळागौरीचे खेळ खेळले जातात.

गौरी जागरणाच्या दिवशी आई देवीला लेक म्हणून संबोधत गाणं म्हणते आणि तिची सासरी पाठवणी केली जाते. या क्षणाबद्दल विजया म्हणते की, “त्या वेळी आम्ही सगळेच खूप इमोशनल होतो. माझ्या अंगावर आताही सांगताना काटा येतोय.”

अदिती सारंगधरचं बाप्पासोबतचं खास नातं

‘सनई चौघडे’ मालिकेतील तेजस्विनी खानोलकरची भूमिका साकारणारी अभिनेत्री अदिती सारंगधर हिच्यासाठीही गणेशोत्सवाच्या अनेक खास आठवणी आहेत. मुलगा झाल्यानंतर घरी गणपती बाप्पाला आणण्याचा निर्णय त्यांनी घेतला होता. सुरुवातीला एका वर्षासाठी बाप्पाची स्थापना करण्याचा विचार होता; मात्र हा उत्सव तब्बल सात वर्षे सुरू राहिला.

अदिती सांगते, “बाप्पाला नैवेद्य चढवण्याचा, आपल्या हातचं बनवून लोकांना जेवायला देण्याचा, त्यांचं अगत्य करण्याचा आणि आरती म्हणतानाचं ते मंगलमय वातावरण अनुभवण्याचा आनंद काही वेगळाच होता.”

सात वर्षांनंतर त्यांनी गणपती बाप्पाचं उद्यापन केलं. सध्या त्यांच्या घरी गणपतीची स्थापना होत नसली तरी त्या मित्र-मैत्रिणींच्या घरी दर्शनासाठी जातात.

अदितीने बाप्पासोबतच्या एका भावनिक अनुभवाचीही आठवण सांगितली. नाना पाटेकर यांच्या घरी गणपती दर्शनासाठी गेली असताना बाप्पाच्या मूर्तीकडे पाहताच तिच्या डोळ्यात अश्रू आले होते. “वाटत होतं बाप्पा डोळ्यात डोळे घालून आपल्याशी संवाद साधतोय आणि सांगतोय, ‘सगळं ठीक आहे, जे काही चाललंय ते मला समजत आहे, सगळं छान होईल.’ तेव्हापासून बाप्पाशी एक वेगळं नातं निर्माण झालं,” असं ती सांगते.

मुलांसोबत मातीचा बाप्पा घडवण्याची परंपरा

गेल्या दीड-दोन वर्षांपासून अदिती आणि तिचं कुटुंबीय गणेशोत्सव एका वेगळ्या पद्धतीने साजरा करत आहेत. कुटुंबीय आणि मुलं एकत्र येऊन माती आणतात, स्वतःच्या हाताने छोटासा बाप्पा बनवतात, त्याला रंगवतात आणि सोसायटीमध्ये त्याची स्थापना करतात.

यामुळे मुलांना गणेशोत्सवाचं महत्त्व समजावं आणि लोकमान्य टिळकांनी सार्वजनिक गणेशोत्सवामागे मांडलेला ‘सर्वांचा बाप्पा’ हा विचार पुढच्या पिढीपर्यंत पोहोचावा, असा त्यांचा प्रयत्न आहे.

अदितीसाठी गणपती म्हटलं की उकडीचे मोदक, जास्वंदीचं लाल फूल, आरास आणि भरपूर आरत्या आठवतात. लहानपणी चाळीत वेगवेगळ्या घरांमध्ये आरतीसाठी जाण्याच्या आठवणीही तिच्या मनात आजही ताज्या आहेत.

निखिल दामलेला आईच्या हातचे मोदक प्रिय

‘ऋषी’ या भूमिकेमुळे ओळखला जाणारा अभिनेता निखिल दामले पुण्यातील पारंपरिक गणेशोत्सवाच्या आठवणींमध्ये रमतो. त्यांच्या घरी गणपतीची स्वतंत्र मूर्ती आणली जात नाही. घरातील चांदीच्या मूर्तीचं दरवर्षी पूजन केलं जातं.

निखिलसाठी गणेशोत्सवातील सर्वात मोठं आकर्षण म्हणजे आईच्या हातचे उकडीचे मोदक. पुण्याला जाऊन मोदक खाण्याची तो आतुरतेने वाट पाहत असतो.

गणेशोत्सवाच्या निमित्ताने मित्र-मैत्रिणी आणि नातेवाईकांच्या भेटीगाठी होतात, गप्पा रंगतात, पत्ते खेळले जातात आणि घरात आनंदाचं वातावरण निर्माण होतं, ही गोष्टही त्याला विशेष आवडते.

Maitreyaa Song: उर्मिला कानेटकर-क्रांती रेडकर पुन्हा एकत्र; ‘तुझे नाव घेता’ गाण्यात थिरकताना दिसल्या, ‘या’ दिवशी होणार रिलीज

बाबांसोबतच्या गणपती दर्शनाची आठवण

निखिलने लहानपणीची एक खास आठवणही शेअर केली. त्याचे बाबा त्याला वेगवेगळ्या गल्ल्यांमधील आणि गणेश मंडळांमधील बाप्पांचं दर्शन घडवण्यासाठी घेऊन जायचे. गर्दीतून वाट काढताना ते निखिलला खांद्यावर बसवून घेऊन जायचे.

कॉलेजमध्ये असताना निखिलने एका मंडळाच्या जिवंत देखाव्यातही सहभाग घेतला होता. मित्रांसोबत त्याने छत्रपती शिवाजी महाराजांचा पोवाडा सादर केला होता. विसर्जनाच्या दिवशी अलका टॉकीजजवळील चौकात सादर केलेला हा पोवाडा त्याच्यासाठी आजही अविस्मरणीय आठवण आहे.

गणेशोत्सवाच्या निमित्ताने या कलाकारांनी शेअर केलेल्या आठवणींमधून बाप्पासोबतचं त्यांचं भावनिक नातं, घरातील परंपरा आणि कुटुंबीयांसोबत साजरे केलेले आनंदाचे क्षण समोर येतात. प्रत्येकाची गणेशोत्सव साजरा करण्याची पद्धत वेगळी असली, तरी बाप्पावरील श्रद्धा आणि आपुलकीचा धागा मात्र सगळ्यांना एकत्र बांधून ठेवतो.

Maha Sakthi Teaser: नयनतारा साकारणार महाकालीचा रौद्र अवतार; शेवटचे 10 सेकंद ठरणार खास, ‘रामायणम्’सोबत महाक्लॅश

Marathi Actress: गुड न्यूज! ‘लक्ष्मी निवास’ फेम अभिनेत्री झाली आई; मुलासोबतचा पहिला फोटो शेअर करत जाहीर केलं लेकाचं खास नाव

अमृता यादव — Sun, 13 Sep 2026 12:45:28 +05:30

Marathi Actress Payal Pandey: मराठी मालिकाविश्वातून एक आनंदाची बातमी समोर आली आहे. छोट्या पडद्यावरील विविध मालिकांमधून अल्पावधीतच घराघरात पोहोचलेली अभिनेत्री पायल पांडे आई झाली आहे. काही दिवसांपूर्वीच पायलने एका गोंडस मुलाला जन्म दिला असून, आता तिने सोशल मीडियावर आपल्या लेकाची पहिली झलक चाहत्यांसोबत शेअर केली आहे.

पायलच्या घरी चिमुकल्या पाहुण्याचं आगमन झालं आहे. आई झाल्यानंतर अभिनेत्रीने मुलासोबतचा खास फोटो शेअर करत त्याचं नावही जाहीर केलं आहे. पायलच्या या पोस्टनंतर चाहत्यांसह मनोरंजनविश्वातील कलाकारांकडूनही तिच्यावर शुभेच्छांचा वर्षाव होत आहे.

‘दोनाचे तीन झालो…’

मुलाच्या जन्माची गोड बातमी शेअर करत पायलने एक भावुक पोस्ट लिहिली आहे. “हजारो स्वप्नं आणि न बोललेल्या प्रार्थनांच्या दरम्यान तू आमच्यापर्यंत पोहोचलास. आणि अचानक आयुष्य आमच्या कल्पनेपेक्षाही सुंदर झालं. एका नव्या अध्यायाची सुरुवात झाली, एका नव्या लयीत आमची मनं रमली आणि दोनाचे तीन झालो,” अशा आशयाचं तिने म्हटलं आहे.

पुढे तिने आपल्या लेकाचं नावही जाहीर केलं. “हा मुलगा आहे. त्याचं नाव वीर आहे. आमचा छोटासा चमत्कार, आमचा सर्वात मोठा आशीर्वाद. या छोट्याशा जीवाने आमच्या जगाला आणखी मोठं आणि सुंदर केलं,” असं पायलने आपल्या पोस्टमध्ये म्हटलं आहे.

View this post on Instagram

Gaurav Khanna-Akanksha Chamola Divorce: १० कोटींची पोटगी घेणार आकांक्षा चमोला? अभिनेत्रीची प्रतिक्रिया व्हायरल

‘वीर’साठी पायलची खास पोस्ट

आपल्या नव्या आयुष्याबद्दल बोलताना पायलने पुढे लिहिलं की, आता त्यांच्या आयुष्यात झोप न येणाऱ्या रात्री, छोट्या छोट्या हास्याचे क्षण, भरपूर मिठ्या आणि या सुंदर नव्या जगाचा आयुष्यभर शोध घेण्याचा प्रवास सुरू झाला आहे. “आमचं तीन जणांचं कुटुंब, आमची नवी सुरुवात आणि कायमचं प्रेम,” अशा भावनिक शब्दांत तिने ही पोस्ट शेअर केली आहे.

पायल पांडेच्या या आनंदाच्या बातमीने तिचे चाहतेही सुखावले आहेत. अभिनेत्रीने आपल्या लेकाचं नाव ‘वीर’ ठेवल्याचं जाहीर केल्यानंतर सोशल मीडियावर तिच्यावर शुभेच्छांचा वर्षाव होत आहे.

Haiwaan OTT Release: थिएटरनंतर ‘हैवान’ची OTTवर एन्ट्री; कोणत्या प्लॅटफॉर्मवर आणि कधी पाहता येणार अक्षय-सैफचा चित्रपट?

Marathi Serial: ‘आता पुढचे १० दिवस…’, बाप्पाच्या आगमनाने सावली-तिलोत्तमाचं नातं बदलणार? ‘सावळ्याची जणू सावली’मध्ये मोठा ट्विस्ट

अमृता यादव — Sun, 13 Sep 2026 09:36:54 +05:30

Marathi Serial: झी मराठीवरील ‘सावळ्याची जणू सावली’ ही मालिका सध्या प्रेक्षकांचं लक्ष वेधून घेत आहे. मालिकेत सतत होणारे वाद, भांडणं आणि कटकारस्थानांमुळे कथानकाला वेगळं वळण मिळताना दिसत आहे. सावलीला मेहेंदळे कुटुंबापासून दूर करण्यासाठी तिलोत्तमा, भैरवी आणि राजकुमार सातत्याने प्रयत्न करताना दिसतात. राजकुमारची दुसरी पत्नी मोनिकादेखील त्यांना साथ देत असून, ती सारंगची मुलगी ओवीलाही त्रास देताना पाहायला मिळाली आहे.

मात्र, आता मालिकेच्या कथानकात मोठा बदल होणार असल्याचे संकेत मिळत आहेत. झी मराठीने सोशल मीडियावर मालिकेचा आगामी भागाचा प्रोमो शेअर केला आहे. हा प्रोमो सध्या सोशल मीडियावर चांगलाच चर्चेत असून, गणरायाच्या आगमनामुळे मेहेंदळे कुटुंबातील वातावरण बदलताना दिसत आहे.

मोनिकामध्ये अचानक बदल

प्रोमोमध्ये ओवी आणि अबीर खेळताना दिसतात. त्याचवेळी मोनिका तिथे येते आणि ओवीचा चुकून तिला धक्का लागतो. त्यामुळे घाबरलेली ओवी मोनिकाची माफी मागत, “सॉरी काकू,” असं म्हणते. सुरुवातीला मोनिका ओवीवर हात उचलताना दिसते. मात्र, पुढच्याच क्षणी तिच्या वागण्यात अनपेक्षित बदल होतो.

मोनिका हसत ओवीला म्हणते, “सॉरी नको. काकूला ओवीचा पापा हवाय.” मोनिकाचं हे बदललेलं रूप पाहून ओवीला आश्चर्याचा धक्का बसतो. तर तिथेच असलेला अबीर म्हणतो, “बाप्पा घरी आल्यानंतर मोनिका काकू सुधारल्या आहेत.”

Haiwaan Box Office Collection: ‘हैवान’ बॉक्स ऑफिसवर फ्लॉप? दुसऱ्या दिवशी कमाईत मोठी घसरण; दोन दिवसांत ‘फक्त’ इतक्या कोटींची कमाई

तिलोत्तमाने सावलीला मारली प्रेमाची मिठी

मोनिकामध्ये झालेला हा बदल पाहून सावलीच्या डोळ्यांत आनंदाश्रू येतात. सावलीला भावूक झालेलं पाहून तिथे आलेली तिलोत्तमा तिचे अश्रू पुसते. त्यानंतर ती सावलीला म्हणते, “आता अश्रू पुसायचे आणि पुढचे १० दिवस सगळ्यांना प्रेमानं जपायचं.” एवढंच नाही तर तिलोत्तमा सावलीला प्रेमाने मिठी मारते.

तिलोत्तमाचं हे रूप पाहून सावलीदेखील भावूक झाल्याचं प्रोमोमध्ये दिसत आहे. आतापर्यंत सावलीला त्रास देणारी तिलोत्तमा अचानक तिच्याशी प्रेमाने वागताना दिसल्यामुळे मालिकेत नेमका कोणता बदल होणार, याची उत्सुकता प्रेक्षकांना लागली आहे.

View this post on Instagram

Aishwarya Narkar: “तुम्ही स्वतःच 80s च्या आहात, ओरिजनल फोटो टाका…”; ऐश्वर्या नारकरांचं भन्नाट उत्तर

गणरायाच्या आगमनाने मेहेंदळे घरात आनंद

श्री गणेशाच्या आगमनामुळे मेहेंदळे कुटुंबात आनंदाचं वातावरण निर्माण झालं आहे. कुटुंबातील सदस्यांच्या चेहऱ्यावरही आनंद पाहायला मिळत आहे. झी मराठीने हा प्रोमो शेअर करताना, “गणरायाच्या आगमनाने मेहेंदळे घरात आनंद फुलणार,” असं कॅप्शन दिलं आहे.

या प्रोमोवर नेटकऱ्यांनीही कमेंट्सचा पाऊस पाडला आहे. तिलोत्तमामध्ये झालेला हा अचानक बदल कायम राहणार का? मोनिका खरंच सुधारली आहे की यामागे आणखी काही कटकारस्थान आहे? पुढील दहा दिवसांत सावलीच्या आयुष्यात काय घडणार? याची उत्सुकता आता प्रेक्षकांना लागली आहे.

Aishwarya Narkar: “तुम्ही स्वतःच 80s च्या आहात, ओरिजनल फोटो टाका…”; ऐश्वर्या नारकरांचं भन्नाट उत्तर

Riddhi Vanne — Sat, 12 Sep 2026 18:15:43 +05:30

ऐश्वर्या नारकर यांनी ८०च्या दशकातील लूकमधील AI फोटोचा व्हिडीओ शेअर केला.

एका युजरच्या टोमणेबाज कमेंटला तितीक्षा तावडे यांनी उत्तर दिलं.

पोस्टवरील कमेंट्स आणि कलाकारांच्या प्रतिक्रियांमुळे व्हिडीओ चर्चेत आला.

सध्या इंस्टाग्रामवर सगळीकडे 80s चा ट्रेंड चालू आहे. सगळेच आपले AI फोटो बनवून टाकत आहेत. नेत्यांपासून ते मोठ्या कलाकारांपर्यंत सगळ्यांनी हा ट्रेंड केला. मग आपल्या मराठीतल्या सगळ्यांच्या आवडत्या ऐश्वर्या नारकर कशा मागे राहतील? त्यांनी पण आपले 80s लूकमधले वेगवेगळ्या स्टाईलचे फोटो बनवून एक व्हिडिओ पोस्ट केला.व्हिडिओमध्ये त्या एकदम सुंदर दिसत होत्या. 80 च्या दशकाची साडी, ती हेअरस्टाईल, एकदम रेट्रो लूक. पण या फोटोवरून पण काही लोकांनी त्यांना नावं ठेवली. आणि मग जे झालं ते एकदम चर्चेत आलं.

नेमकं काय घडलं कमेंटमध्ये?

ऐश्वर्यांच्या त्या व्हिडिओवर एका माणसाने कमेंट केली. तो म्हणाला, “तुम्ही तर खरंच 80s च्या आहात. मग तुम्ही तुमचे खरे 80s मधले फोटो का नाही टाकत"color: #0000ff;">Gen Z पोरांना टाकावे लागतात कारण ते तेव्हा नव्हते. तुम्हाला कशाला AI ची गरज?”ही कमेंट बघून सगळ्यांना थोडं वाईट वाटलं. कारण त्याच्या बोलण्याची पद्धत थोडी टोमणे मारल्यासारखी होती.

ही कमेंट बघून अभिनेत्री तितीक्षा तावडेने आधी उत्तर दिलं. ती म्हणाली, “एवढी मोठी निगेटिव्ह कमेंट करायला तुमच्याकडे इतका वेळ आहे हे बघून मला तुमची दया येते.”त्यावर तो माणूस अजूनच भडकला आणि तितीक्षाला म्हणाला, “तू कशाला मध्ये बोलतेस? Aishwarya Narkar:

Jai Jai Swami Samarth Marathi Serial: ज्याला देव मान्य नाही, त्याच्याच घरी बाप्पा! स्वामींची लीला पाहून थक्क होतील

मी तिला बोललोय.”ऐश्वर्या नारकरने दिलं सडेतोड उत्तरमग शेवटी ऐश्वर्या नारकर स्वतः कमेंटमध्ये आल्या. त्यांनी एकदम शांतपणे पण रोखठोक उत्तर दिलं. त्या म्हणाल्या, “कोणी काय पोस्ट करावं हा ज्याचा त्याचा वैयक्तिक प्रश्न आहे. हे माझं पेज आहे आणि काय टाकायचं ही माझी निवड आहे. सो चिल.”त्यांचं हे उत्तर एकदम परफेक्ट होतं. उगाच भांडण नाही, पण आपलं मत पण मांडलं.

हे उत्तर वाचून तो कमेंट करणारा माणूस थोडा नरम झाला. तो म्हणाला, “मॅडम आम्ही तुम्हाला लहानपणापासून बघतोय. मी सहज बोललो की तुम्ही तुमचे खरे फोटो टाका. तुम्हाला वाईट वाटलं असेल तर मी कमेंट डिलीट करतो.”त्यावर ऐश्वर्या पुन्हा म्हणाल्या, “प्रश्न वाईट वाटण्याचा नाहीये, प्रश्न बोलण्याच्या पद्धतीचा आहे. इतकंच.”शेवटी त्या माणसाने “ठीक आहे, मी माझी चूक सुधारतो” असं म्हणून विषय संपवला.

Entertainment News: १२ वर्षांचा अनुभव, आता स्वतःचं क्लिनिक! अभिनेत्याची गणेशोत्सवात नवी सुरुवात

चाहत्यांनी केलं कौतुक

दुसरीकडे ऐश्वर्यांच्या खऱ्या चाहत्यांनी त्यांच्या या लूकचं खूप कौतुक केलं. अनेकांनी कमेंट केली की “तुम्ही कसाही लूक केला तरी गोडच दिसता” आणि “तुम्ही आमच्या फेवरेट आहात”.ऐश्वर्या नारकर सध्या ‘आमच्या लाडक्या नाईक बाई’ या मालिकेत दिसत आहेत. त्यांचा अभिनय सगळ्यांनाच आवडतो. अशा छोट्या ट्रोलिंगने त्या मागे हटणाऱ्यातल्या नाहीत. त्यांनी दाखवून दिलं की सोशल मीडिया हे आपलं पेज आहे, इथे आपल्याला काय आवडतं ते आपण पोस्ट करणार, दुसऱ्याच्या निगेटिव्ह बोलण्याने फरक पडत नाही.

Jai Jai Swami Samarth Marathi Serial: ज्याला देव मान्य नाही, त्याच्याच घरी बाप्पा! स्वामींची लीला पाहून थक्क होतील

Riddhi Vanne — Sat, 12 Sep 2026 15:11:10 +05:30

मालिकेत गणेशोत्सवाच्या निमित्ताने नवं भावस्पर्शी वळण येणार.

इराचं अपहरण करताना सावळ्याच्या ताब्यात स्वामी समर्थही येतात.

स्वामी सावळ्याच्या घरी गणपती बसवण्याचा निर्णय घेतात; पण सावळ्याचा विरोध हे मोठं आव्हान ठरणार.

Jay Jay Swami Samarth latest Episode: कलर्स मराठीवरील जय जय स्वामी समर्थ मालिकेत अक्कलकोटमध्ये गणेशोत्सवाच्या मंगलमय वातावरणात मालिकेच्या कथानकात आता एक अत्यंत रंजक आणि भावस्पर्शी वळण येणार आहे. “उत्सव बाप्पाचा… लीला स्वामींची…” या मध्यवर्ती विचारातून गणपती बाप्पाचं आगमन केवळ एका घरात होणार नाही, तर एका दरोडेखोराच्या आयुष्यातही एका नव्या पर्वाची सुरुवात होणार आहे. पहा जय जय स्वामी समर्थ दररोज रात्री ८.१० वा. आपल्या कलर्स मराठीवर.Jai Jai Swami Samarth Marathi Serial:

स्वामी समर्थांचंही अपहरण

अक्कलकोटमध्ये दरोड्यांचा सुळसुळाट माजवणारा तरुण दरोडेखोर सावळ्या आपल्या वडिलांना सोडवण्यासाठी सावकार गोवर्धनची मुलगी इराचं अपहरण करतो. योगायोगाने इरासोबत स्वामी समर्थांचंही अपहरण होतं. मात्र, स्वामींचं हे अपहरणही त्यांच्या इच्छेनेच घडलेलं असतं. सावळ्याच्या ताब्यात राहून स्वामी त्याच्या राग, द्वेष, सूड आणि हिंसक वृत्तीवर काम करू लागतात. याच दरम्यान इराच्या मनात तिच्या घरच्या गणपतीची ओढ आहे. Jai Jai Swami Samarth Marathi Serial:

घरातच गणपतीची स्थापना

आई-वडिलांपासून दूर असतानाही गणेशोत्सव साजरा करण्याची तिची इच्छा स्वामी ओळखतात. तिच्या मनातील ही इच्छा पूर्ण करण्यासाठी स्वामी सावळ्याच्या घरातच गणपतीची स्थापना करण्याचा निर्णय घेतात. पण एक मोठा प्रश्न उभा राहतो—ज्या सावळ्याने आयुष्यात कधी देवासमोर हात जोडले नाहीत, तो आपल्या घरात गणपती बसवणार कसा?

घरात गणपती येणार

स्वामी मात्र ठाम असतात. सावळ्याला जेव्हा स्वामी सांगतात की यंदा त्याच्या घरात गणपती येणार आणि गणपतीची मूर्ती तो स्वतः घेऊन येणार, तेव्हा तो स्वामींना स्पष्ट नकार देतो. “मी दरोडेखोर आहे. माझ्या हातून देवाची पूजा होणार नाही. मी गणपती बसवणार नाही,” असा त्याचा ठाम पवित्रा असतो. स्वामी मात्र मिश्कीलपणे त्याला जणू आव्हानच देतात आयुष्यभर देवासमोर हात जोडले नाहीत, हे भूषण नाही.

Janhvi Killekar on Dahi Handi Event: दहीहंडीच्या कार्यक्रमातील ‘त्या’ चर्चेवर जान्हवी किल्लेकरचं मौन अखेर सुटलं; म्हणाली…

आता हात जोडायचे! आणि त्याहूनही गूढ संकेत देताना स्वामी सांगतात की, “घरात विघ्नहर्ता येईल तेव्हाच तुझ्या आयुष्यातलं विघ्न दूर होईल.” सावळ्या आपलं विघ्न स्वतःच दूर करण्याचा निर्धार करून स्वामींचं आव्हान स्वीकारण्यास नकार देतो. पण स्वामी सुद्धा स्पष्ट सांगतात – “तेरी जिद से ज्यादा हमारी जिद बडी है… या घरात गणपती तर बसणारच – तू स्वतःहून बसवणार!”

स्वामींच्या लीलेतून सावळ्याला एकामागून एक संकेत

इथून सुरू होते स्वामींच्या लीलेची अद्भुत अनुभूती. स्वामींच्या लीलेतून सावळ्याला एकामागून एक संकेत मिळत जातात. सावल्या गणपती घरी घेऊन येण्यासाठी होकार देईल का ? ह्यातून उठणार अनेक प्रश्न – एका दरोडेखोराच्या हातून स्वामी करवून घेतायत गणपतीची स्थापना… का? गणपतीच्या आगमनाने सावळ्याच्या आयुष्यात नेमका काय बदल होणार?

स्वामी आणि सावळ्यामधला हा केवळ जिद्दीचा सामना आहे, की एका दरोडेखोराच्या परिवर्तनाची ही सुरुवात आहे? बाप्पाच्या आगमनाने सावळ्याच्या आयुष्यातील कोणतं विघ्न दूर होणार? कारण स्वामींच्या लीलेत प्रत्येक घटना केवळ घटना नसते त्यामागे एक संकेत असतो, एक हेतू असतो आणि योग्य वेळी उलगडणारं एक सत्य असतं.

Priya Bapat and Umesh Kamat New Home: घर असावं तर असं! प्रिया-उमेशच्या घराची खास झलक सोशल मीडियावर, चाहत्यांच्या नजरा खिळल्या

“प्रारब्ध स्वामींशी जोडलेलं असेल, तर दुर्दैवाच्या फेर्‍यातून स्वामी भक्ताची सुटका करून त्याला सुदैवाशी जोडतात.” गणेशोत्सवाच्या निमित्ताने सावळ्याच्या घरात येणार आहे बाप्पा… पण त्याच्यासोबत येणार आहे श्रद्धेचा पहिला किरण, सद्बुद्धीची चाहूल आणि एका कठोर मनाच्या परिवर्तनाची सुरुवात. उत्सव बाप्पाचा… लीला स्वामींची… आणि बदल एका आयुष्याचा! गणपती बाप्पा मोरया! पाहायला विसरू नका ……

Tujhyakade Tula Magne Actress: राकेश बापटच्या नव्या मालिकेची उत्सुकता वाढली! लोकप्रिय अभिनेत्री साकारणार ‘ही’ खास भूमिका

Riddhi Vanne — Sat, 12 Sep 2026 11:19:46 +05:30

राकेश बापट ‘तुझ्याकडे तुला मागणे’ मालिकेतून कमबॅक करणार.

सायली साळुंखे ‘इरा’च्या मुख्य भूमिकेत दिसणार.

धाडसी आणि अन्यायाविरुद्ध लढणारी इराची व्यक्तिरेखा चर्चेत.

मराठी आणि हिंदी प्रेक्षकांचा लाडका अभिनेता राकेश बापट बऱ्याच दिवसांनी पुन्हा मालिकेत दिसणार आहे. स्टार प्रवाहने मालिकेचा नवा प्नोमो नुकताच प्रदर्शित करत चाहत्यांना एक मोठं सरप्राईज दिले. तुझ्याकडे तुला मागणे या सिरीयल नाव असून राकेश बापट हा मुख्य भूमिकेत दिसणार आहे. आता मात्र प्रश्न पडतो की, मलिकेमध्ये अभिनेत्री कोण राहणार याकडे? या मालिकेत लोकप्रिय अभिनेत्री सायली साळुंखे मुख्य भूमिकेत असणार आहे. ती ‘इरा’ नावाची भूमिकेत दिसणार आहे. इरा ही धाडसी, हुशार आणि स्वतःच्या पायावर उभी राहणारी मुलगी आहे. Tujhyakade Tula Magne Actress:
इरा कशी असणार?

इरा कॉलेजच्या शेवटच्या वर्षाला आहे. मनाने एकदम मायाळू गोड बोलून समोरच्याचा राग कमी करते. तिचा लहान मुलांवर खूप जीव होता. चांगल्या माणसांसाठी ती काहीही करायला तयार असते. पण कोणी तिच्या चांगुलपणाचा फायदा घेतला तर मात्र हीच शांत असलेली इरा अन्यायाविरुद्ध पेटून उठते. अशी ही इरा प्रेक्षकांना नक्की आवडेल.

सायली काय म्हणाली?

तिच्या नवीन भूमिकेबद्दल बोलताना सायली साळुंखे म्हणाली, “इरा माझ्यासाठी खूप स्पेशल आहे. स्टार प्रवाहसोबत माझं खूप जुनं नातं आहे. पुन्हा एकदा या परिवारात येतेय याचा खूप आनंद आहे. आणि सगळ्यात भारी गोष्ट म्हणजे गणपती बाप्पा येत असतानाच या मालिकेची घोषणा झाली, हा बाप्पाचाच आशीर्वाद आहे. इराच्या कॅरेक्टरला खूप सारे पदर आहेत. हिंदी मालिका केल्यानंतर मराठीत पण अशीच छान भूमिका करायची इच्छा होती. ‘तुझ्याकडे तुला मागणे’ मुळे ती इच्छा पूर्ण झाली. तर ही नवीन मालिका नक्की बघा, लवकरच फक्त स्टार प्रवाहवर”

Ranveer Singh New Brand Ambassador: ‘धुरंधर’नंतर रणवीर सिंह यांचा नवा अंदाज! बनला महागड्या गाडीचा अॅम्बेसिडर

राकेश बापटच्या भूमिकेतून प्रेक्षकांच्या डोळ्यात पाणी

मालिकेत राकेश बापट पण एका वेगळ्या भूमिकेत दिसणार आहे. तो एका सिंगल फादरची भूमिका करतोय. प्रोमोमध्ये त्याचा एक डायलॉग आहे – “ईशानचा बाबा पण मीच आणि आई पण मीच”. हा डायलॉग ऐकूनच लोकांच्या डोळ्यात पाणी आलं. त्याच्या मुलाची भूमिका म्हणजे ईशानची भूमिका बालकलाकार क्रियान पेडणेकर करणार आहे. बाप आणि मुलीच्या नात्याची ही गोष्ट असणार आहे.

मालिकेची आधीपासून चर्चा

राकेश बऱ्याच वर्षांनी मराठी मालिकेत येत आहे. त्यामुळे त्याच्या फॅन्समध्ये खूप उत्सुकता आहे. सायलीने पण आधी ‘शुभमंगल ऑनलाईन’ सारख्या मालिकेतून लोकांची मनं जिंकली होती. आता ही दोघांची जोडी कशी वाटणार हे बघायला मजा येणार आहे. एकिकडे इरा ही स्वतंत्र विचारांची मुलगी आणि दुसरीकडे एक सिंगल फादर. या दोघांची गोष्ट कशी जुळणार"color: #0000ff;">स्टार प्रवाहवर सुरु होणार आहे. सोशल मीडियावर तर आधीपासूनच या मालिकेची चर्चा सुरु झाली आहे.

Sayani Gupta: सयानी गुप्ताची आंतरराष्ट्रीय झेप; ‘आर्या’मध्ये ‘रिव्हरडेल’ फेम रॉस बटलरसह झळकणार

Tharala Tar Mag Serial: ‘ठरलं तर मग’ फेम अभिनेत्याच्या घरी लवकरच चिमुकल्या पाहुण्याचं आगमन; शेअर केली गुडन्यूज

अमृता यादव — Fri, 11 Sep 2026 13:30:54 +05:30

Tharala Tar Mag Serial: ‘ठरलं तर मग’ या लोकप्रिय मालिकेतून घराघरात पोहोचलेला अभिनेता प्रतीक सुरेश लवकरच खऱ्या आयुष्यात बाबा होणार आहे. अभिनेत्याने सोशल मीडियावर खास पोस्ट शेअर करत चाहत्यांना ही आनंदाची बातमी दिली आहे. त्यामुळे प्रतीकवर सध्या चाहत्यांसह मराठी मनोरंजनसृष्टीतील कलाकारांकडून शुभेच्छांचा वर्षाव होत आहे.

‘आई-बाबा’ म्हणून नव्या भूमिकेत एन्ट्री

प्रतीक सुरेशने सोशल मीडियावर एक खास पोस्ट शेअर केली आहे. या पोस्टमध्ये त्याने लिहिलं आहे, “आमच्या आयुष्यातील बेस्ट भूमिकांमध्ये (आई-बाबा) आम्ही लवकरच एन्ट्री घेतोय. आमच्या चिमुकल्याचं आगमन नोव्हेंबर 2026 मध्ये होणार आहे.”

या पोस्टमधून प्रतीकने त्याच्या आयुष्यातील या खास क्षणाची माहिती चाहत्यांसोबत शेअर केली. नोव्हेंबर 2026 मध्ये त्यांच्या चिमुकल्या बाळाचं आगमन होणार आहे.

Aai Tuljabhavani Serial: चातुर्मासाची पोथी अचानक गायब, अन् महालात झाली बालगणेशांची एन्ट्री; पुढे काय घडणार?

आधीच दिली होती खास बातमीची हिंट

प्रतीकने काही दिवसांपूर्वीच सोशल मीडियावर “लवकरच एक खास गोष्ट मी तुम्हा सर्वांना सांगणार आहे”, अशी पोस्ट शेअर करत चाहत्यांना एक हिंट दिली होती. त्यामुळे प्रतीक नेमकी कोणती गुडन्यूज देणार, याची उत्सुकता चाहत्यांना लागली होती. अखेर त्याने बाबा होणार असल्याची आनंदाची बातमी शेअर करत ही उत्सुकता संपवली.

View this post on Instagram

मराठी कलाकारांकडून शुभेच्छांचा वर्षाव

प्रतीकने शेअर केलेल्या या पोस्टवर चाहत्यांसह अनेक मराठी कलाकारांनी कमेंट करत त्याला शुभेच्छा दिल्या आहेत. जुई गडकरी, केतकी पालव, ऋतुजा बागवे यांच्यासह अनेक कलाकारांनी प्रतीकला त्याच्या आयुष्यातील या नव्या प्रवासासाठी भरभरून शुभेच्छा दिल्या आहेत.

Bipasha Basu: प्रोटीन पावडरमध्ये चक्क सापडल्या अळ्या; बिपाशाने तुकाराम मुंढेंकडे मागितली मदत, म्हणाली- ‘आपणच एकमेव..’

मालिकेतही अश्विनची पत्नी प्रिया गरोदर

विशेष म्हणजे, ‘ठरलं तर मग’ मालिकेच्या सध्याच्या ट्रॅकशी प्रतीकच्या खऱ्या आयुष्यातील ही बातमी काहीशी जुळताना दिसत आहे. मालिकेत प्रतीक अश्विन सुभेदार ही भूमिका साकारत आहे. मालिकेच्या कथानकानुसार अश्विनची पत्नी प्रियासुद्धा गरोदर आहे.

त्यामुळे प्रतीक ऑनस्क्रीनही बाबा होण्याच्या भूमिकेत आहे आणि आता ऑफस्क्रीनही त्याच्या आयुष्यात बाबा होण्याचा नवा प्रवास सुरू होणार आहे. मालिकेतील त्याची भूमिका आणि खऱ्या आयुष्यातील ही आनंदाची बातमी यामुळे चाहत्यांमध्येही उत्साहाचं वातावरण आहे.

नोव्हेंबर 2026 मध्ये प्रतीकच्या आयुष्यात चिमुकल्या पाहुण्याचं आगमन होणार असून, या नव्या प्रवासासाठी चाहते त्याला शुभेच्छा देत आहेत.

Aai Tuljabhavani Serial: चातुर्मासाची पोथी अचानक गायब, अन् महालात झाली बालगणेशांची एन्ट्री; पुढे काय घडणार?

अमृता यादव — Fri, 11 Sep 2026 11:40:25 +05:30

Aai Tuljabhavani Serial: गणेशोत्सवाला आता काहीच दिवस बाकी असून सर्वत्र उत्साहाचं वातावरण पाहायला मिळत आहे. याच उत्साहात भर घालण्यासाठी कलर्स मराठीवरील लोकप्रिय मालिका ‘आई तुळजाभवानी’च्या आगामी भागांमध्ये प्रेक्षकांना एक खास दैवी अनुभव पाहायला मिळणार आहे. गणेश चतुर्थीच्या निमित्ताने मालिकेत साक्षात बालगणेशाचं आगमन होणार असून, त्यांच्या खट्याळ लीला आणि गोड रूपामुळे तुळजापुरातील वातावरण चैतन्यमय होणार आहे.

चातुर्मासाच्या पोथीमुळे निर्माण झाला संभ्रम

सध्या मालिकेच्या कथानकात चातुर्मासाच्या पोथीभोवती मोठा पेच निर्माण झाला आहे. देवीच्या महालातून अचानक चातुर्मासाची दिव्य पोथी आणि स्वयंपाकघरातील नैवेद्य गायब झाल्याने देवीसह सर्वांची चिंता वाढली आहे.

याच दरम्यान देवीच्या महालात एका खट्याळ बालरूपाचं आगमन होतं. लहान-लहान पावलांनी वाड्यात फिरणारं आणि खट्याळपणे हसणारं हे बालरूप दुसरं-तिसरं कोणी नसून साक्षात बालगणेश आहेत. विशेष म्हणजे, हरवलेली चातुर्मासाची पोथी त्यांच्याच हातात असते.

बालगणेश अत्यंत गोड शब्दांत, “पुढचे अकरा दिवस या पोथीची जबाबदारी माझी!” असं सांगत देवीच्या महालात प्रवेश करतात.

तुळजापुरात बालगणेशाचं उत्साहात स्वागत

गणेश चतुर्थीच्या काळातच बालगणेशाचं आगमन होत असल्याने महालात त्यांचं वाजत-गाजत आणि भक्तिभावाने स्वागत केलं जातं. बालगणेशाचं हे गोड रूप पाहून देवी पार्वतीच्या रूपातील तुळजाभवानीही भारावून जाते.

सध्या असुरांनी मिळवलेलं ब्रह्मास्त्र निष्प्रभ करण्यासाठी तुळजाभवानीने बालरूप धारण केलं आहे. त्यामुळे बालगणेश आणि देवीचं हे बालरूप एकत्र आल्याने मालिकेत पुढील भागांमध्ये अनेक रंजक प्रसंग पाहायला मिळणार आहेत.

Mirzapur Box Office Collection: ‘कालीन भैय्या’चा दबदबा कायम! 10 सप्टेंबरला सिनेमाने केली तुफान कमाई

बालगणेशाच्या खट्याळ लीलांनी रंगणार महाल

पुढील अकरा दिवस बालगणेशाच्या आगमनामुळे महालातील वातावरण पूर्णपणे बदलून जाणार आहे. त्यांच्या खट्याळ लीला, गोड बोलणं आणि खेळकरपणामुळे कथेला एक वेगळाच रंग मिळणार आहे.

त्यातच देवीच्या बालरूपामुळे तयार झालेली बालगोपाळांची टोळीही बालगणेशाच्या या लीलांमध्ये सहभागी होणार आहे. त्यामुळे आगामी भागांमध्ये भक्ती, उत्साह आणि खट्याळपणाचा सुंदर मिलाफ पाहायला मिळणार आहे.

Bipasha Basu: प्रोटीन पावडरमध्ये चक्क सापडल्या अळ्या; बिपाशाने तुकाराम मुंढेंकडे मागितली मदत, म्हणाली- ‘आपणच एकमेव..’

चातुर्मासाच्या कथांमधून उलगडणार भक्तीचे नवे पैलू

बालगणेशाच्या आगमनासोबतच मालिकेत चातुर्मासाच्या कथा आणि भक्तीचे नवे पैलूही उलगडणार आहेत. बालगणेशाचं गोड रूप, त्यांच्या खट्याळ लीला आणि त्यानंतर घडणाऱ्या रंजक घडामोडी प्रेक्षकांसाठी खास पर्वणी ठरणार आहेत.

Tejaswini Lonari: थाटात पार पडलं तेजस्विनी -समाधान सरवणकरांच्या लेकाचं बारसं; चार अक्षरी ठेवलं राजेशाही नाव

अमृता यादव — Thu, 10 Sep 2026 09:06:04 +05:30

थाटात पार पडला तेजस्विनी लोणारच्या लेकाचा नामकरण सोहळा

चार अक्षरी ठेवलं राजेशाही नाव

फोटो सोशल मीडियावर व्हायरल

Tejaswini Lonari: प्रसिद्ध अभिनेत्री तेजस्विनी लोणारी आणि तिचे पती, शिवसेना नेते समाधान सरवणकर यांच्या घरी काही दिवसांपूर्वी चिमुकल्या पाहुण्याचं आगमन झालं. तेजस्विनीने २२ ऑगस्ट रोजी गोंडस मुलाला जन्म दिला. त्यामुळे सध्या सरवणकर कुटुंबात आनंदाचं वातावरण पाहायला मिळत आहे. आता ९ सप्टेंबर रोजी त्यांच्या लाडक्या लेकाचा नामकरण सोहळा मोठ्या थाटामाटात पार पडला. या सोहळ्यातील काही खास फोटो सोशल मीडियावर व्हायरल होत आहेत.
तेजस्विनी-समाधान यांच्या लेकाचं नाव ठरलं

तेजस्विनी लोणारी आणि समाधान सरवणकर यांनी आपल्या लेकासाठी खास आणि चार अक्षरी नाव निवडलं आहे. त्यांच्या मुलाचं नाव ‘समराज’ असं ठेवण्यात आलं आहे. आपल्या नावांशी साधर्म्य असलेलं हे नाव असल्याने चाहत्यांचंही लक्ष वेधलं जात आहे.

नामकरण सोहळ्याचे फोटो सोशल मीडियावर शेअर होताच चाहत्यांनी तेजस्विनी आणि समाधान यांच्यावर शुभेच्छांचा वर्षाव केला आहे. चिमुकल्याच्या आगमनानंतर आता त्याचं नाव काय असेल, याची उत्सुकता चाहत्यांना होती. अखेर नामकरण सोहळ्यात त्याचं नाव समोर आलं आहे.

Bigg Boss Season 20 : कॅमेऱ्यांपासून कोणतेही गुपित लपून राहत नाही! ‘बिग बॉस’मध्ये कसा समोर येतो सेलिब्रिटींचा खरा चेहरा?

डिसेंबर २०२५ मध्ये झालं होतं लग्न

तेजस्विनी लोणारी आणि समाधान सरवणकर यांनी डिसेंबर २०२५ मध्ये लग्नगाठ बांधली. लग्नानंतर काही महिन्यांतच दोघांनी आपल्या पहिल्या बाळाचं स्वागत केलं. २२ ऑगस्ट २०२६ रोजी तेजस्विनीने मुलाला जन्म दिला. त्यानंतर आता ९ सप्टेंबरला चिमुकल्या समराजचा नामकरण सोहळा पार पडला.

प्रिया सरवणकरांनी दिली होती गोड बातमी

तेजस्विनीच्या आई होण्याची बातमी समोर येण्यापूर्वी तिची नणंद आणि शिवसेना शिंदे गटाच्या नेत्या प्रिया सरवणकर यांनी सोशल मीडियावर पोस्ट शेअर करत आत्या झाल्याची गोड बातमी दिली होती. त्यानंतर तेजस्विनी आणि समाधान यांनीही आपल्या पहिल्या बाळाच्या आगमनाची माहिती चाहत्यांसोबत शेअर केली होती.

आता ‘समराज’ या नावाची घोषणा झाल्यानंतर तेजस्विनी आणि समाधान यांच्या चाहत्यांमध्येही उत्साहाचं वातावरण आहे. सोशल मीडियावर व्हायरल होणाऱ्या बारशाच्या फोटोंवर चाहते चिमुकल्याला भरभरून शुभेच्छा देत आहेत.

Sanai Chaughade Serial: ‘सनई चौघडे’मध्ये रंगणार कोकणचा पारंपरिक गणेशोत्सव; परब कुटुंब जाणार गावी, चिन्मयीने सांगितला खास अनुभव

Sanai Chaughade Serial: ‘सनई चौघडे’मध्ये रंगणार कोकणचा पारंपरिक गणेशोत्सव; परब कुटुंब जाणार गावी, चिन्मयीने सांगितला खास अनुभव

अमृता यादव — Wed, 09 Sep 2026 16:10:06 +05:30

Sanai Chaughade Serial: गणेशोत्सवाला आता अवघे काही दिवस शिल्लक राहिले आहेत. त्यामुळे महाराष्ट्रभर गणरायाच्या आगमनाची लगबग सुरू झाली असून सर्वत्र उत्साहाचं वातावरण पाहायला मिळत आहे. गणपती म्हटलं की कोकणातील गणेशोत्सवाला एक वेगळंच महत्त्व आहे. घराघरात बाप्पाचं स्वागत, पारंपरिक पूजा-अर्चा, आरती, भजन आणि गावच्या वातावरणात साजरा होणारा उत्सव हे कोकणच्या गणेशोत्सवाचं खास वैशिष्ट्य आहे. याच पारंपरिक गणेशोत्सवाची झलक आता झी मराठीच्या ‘सनई चौघडे’ या मालिकेतून प्रेक्षकांना पाहायला मिळणार आहे.

‘सनई चौघडे’मधून अनुभवता येणार कोकणचा गणेशोत्सव

मालिकेतील ‘परब’ कुटुंब यंदाचा गणेशोत्सव साजरा करण्यासाठी गावी जाणार आहे. या निमित्ताने मालिकेत कोकणातील पारंपरिक गणेशोत्सवाचे अनेक रंग पाहायला मिळणार आहेत. हरतालिकेचं पूजन, कार्यशाळेतून गणपतीचं आगमन, चार मुलींच्या हातून बाप्पाचं स्वागत, गावातील आरती, डबल बारी भजन, गौरीचं आगमन आणि पारंपरिक पद्धतीने होणारं गणपती विसर्जन असे विविध प्रसंग या विशेष ट्रॅकमध्ये दाखवण्यात येणार आहेत.

‘गणपतीच्या सुट्टीला गावी आल्यासारखं वाटलं’

या गणेशोत्सवाच्या शूटिंगचा अनुभव सांगताना शर्वरीची भूमिका साकारणारी अभिनेत्री चिन्मयी साळवीने आपला अनुभव शेअर केला. ती म्हणाली, “माझ्यासाठी हा अनुभव खूपच खास आहे. मी पहिल्यांदाच कणकवलीला गेले होते आणि मला माझ्याच गावी आल्यासारखं वाटलं. माझं गाव संगमेश्वर असल्यामुळे इथला दरवळ, शेणी-चुलीचा वास आणि गावचं वातावरण खूप आपलंसं वाटलं.”

“शूटिंगचं काम खूप होतं, पण अजिबात स्ट्रेस किंवा हेक्टिक वाटलं नाही. गणपतीच्या सुट्टीला गावी आल्यासारखं वाटलं. खूप मजा-मस्ती करत आम्ही शूटिंग एन्जॉय केलं. सध्या आम्ही परब कुटुंबाच्या गावच्या घरी आलोय. गणपतीसाठी सुट्टीचा अर्ज घेऊन चाकरमणी जसे गावी जातात, अगदी तसेच आम्ही सगळे गावी आलोय,” असंही चिन्मयीने सांगितलं.

Manjar Marathi Movie: चार मित्र, भन्नाट किस्से अन् वाढता गोंधळ; ‘मांजर’च्या टीझरने वाढवलं नावामागचं गूढ!

परब आणि खानोलकर कुटुंबात पुढे काय घडणार?

या विशेष ट्रॅकमध्ये खानोलकर कुटुंबातील काही सदस्यही सहभागी होणार असल्याचं चिन्मयीने सांगितलं. त्यामुळे पुढे मालिकेत काही रंजक घडामोडी पाहायला मिळण्याची शक्यता आहे. मात्र, याबाबत अधिक माहिती देण्यास तिने नकार दिला.

चिन्मयी म्हणाली, “यामध्ये खानोलकर कुटुंबातलेसुद्धा काही मेंबर्स आहेत, त्यामुळे पुढे खूप इंटरेस्टिंग गोष्टी पाहायला मिळणार आहेत. त्याबद्दल जास्त रिव्हील करू शकत नाही. पण प्रेक्षकांना हा ट्रॅक नक्कीच खूप आवडेल.”

कोकणच्या पावसात शूटिंगचं आव्हान

कोकणातील शूटिंगचा अनुभव सांगताना चिन्मयीने तिथल्या पावसामुळे आलेल्या अडचणींचाही उल्लेख केला. “कोकणातला पाऊस म्हणजे कधीही सुरू होतो आणि कधीही थांबतो. त्यामुळे आमचं शूटिंग थोडं हवामानावर अवलंबून होतं. टीम खूप चांगल्या पद्धतीने प्लॅनिंग करत होती. पाऊस आला तर त्यानुसार सिक्वेन्स किंवा लोकेशन बदलून शूटिंग मॅनेज केलं,” असं तिने सांगितलं.

आउटडोअर शूट असल्यामुळे दिवस मोठा असायचा. साधारण १२ ते १५ तास काम करावं लागायचं आणि काही वेळा त्यापेक्षाही जास्त वेळ शूटिंग सुरू असायचं. पावसामुळे लोकेशनवर पोहोचण्यापासून ते कंटिन्युइटी मेंटेन करण्यापर्यंत अनेक अडचणी येत होत्या. अचानक पाऊस सुरू झाल्यास टेक थांबवावा लागत होता. मात्र, संपूर्ण टीमच्या सहकार्यामुळे या अडचणी सहज पार पडल्याचं चिन्मयीने सांगितलं.

Amar Prem Katha Marathi Movie: प्रेमाची गोष्ट की भुताची कहाणी? ‘अमर प्रेम कथा’चं पहिलं पोस्टर आऊट; पोस्टरनेच वाढवली उत्सुकता!

पहाटे पाच वाजेपर्यंत रंगली धमाल

शूटिंगच्या व्यस्त वेळापत्रकामुळे फिरण्यासाठी फारसा वेळ मिळाला नाही, मात्र कामाच्या मधून कलाकारांनी भरपूर एन्जॉय केलं. विशेष म्हणजे शूटिंगच्या शेवटच्या दिवशी बीचवर शूटिंग करताना संपूर्ण टीमने खूप धमाल केली.

“तिथलं जेवण इतकं भारी होतं आणि भजन, आरती, डबल बारी ठेवली होती. त्यात तर पूर्ण युनिटने खूप एन्जॉय केलं. आम्ही अक्षरशः पहाटे पाच वाजेपर्यंत नाचलो आणि दुसऱ्या दिवशी साडेआठचा कॉल टाइम असूनही सगळे फुल एनर्जीमध्ये होते,” असा मजेशीर किस्साही चिन्मयीने सांगितला.

प्रेक्षकांना अनुभवता येणार कोकणचा उत्साह

कोकणचं निसर्गरम्य वातावरण, गावाकडची माणसं, पारंपरिक पद्धतीने साजरा होणारा गणेशोत्सव आणि त्यातील उत्साह यामुळे ‘सनई चौघडे’मधील हा गणेशोत्सवाचा ट्रॅक खास ठरणार आहे. परब आणि खानोलकर कुटुंबाच्या गावच्या मुक्कामात नेमकं काय घडणार, हे पाहणं आता प्रेक्षकांसाठी उत्सुकतेचं ठरणार आहे.

Mohini marathi Serial: RK-मोहिनीच्या प्रेमकहाणीत नवा ट्विस्ट; रिसेप्शनमध्ये दीपाची एन्ट्री, पुराव्यांवरून होणार गोंधळ

अमृता यादव — Wed, 09 Sep 2026 15:15:46 +05:30

Mohini marathi Serial: कलर्स मराठीवरील लोकप्रिय मालिका ‘मोहिनी- प्रेमाची फिल्मी कहाणी’ सध्या प्रेक्षकांचे लक्ष वेधून घेत आहे. मालिकेत लवकरच एक मोठं आणि नाट्यमय वळण पाहायला मिळणार आहे. RK आणि मोहिनी यांच्या बहुचर्चित रिसेप्शन सोहळ्यात प्रेम, रोमँटिक डान्स आणि धमाल परफॉर्मन्ससोबतच मोठा हाय-व्होल्टेज ड्रामा रंगणार आहे. विशेष म्हणजे, या सोहळ्यात दीपाची अचानक होणारी एन्ट्री कथेला वेगळंच वळण देणार आहे.

RK आणि मोहिनीचा रोमँटिक डान्स, पिंकी-बंटीचा धमाका

RK आणि मोहिनी यांच्या ग्रॅंड रिसेप्शनची तयारी जोरात सुरू आहे. दोन्ही कुटुंबीयांच्या उपस्थितीत हा भव्य सोहळा पार पडणार असून, यासाठी खास सजावट करण्यात आली आहे. पाहुण्यांची रेलचेल आणि उत्साहाचं वातावरण पाहायला मिळणार आहे.

या रिसेप्शनमध्ये RK आणि मोहिनीचा रोमँटिक डान्स प्रेक्षकांना पाहायला मिळणार आहे. त्यासोबतच शालिनी आणि महेंद्रचा सुपर क्युट डान्स परफॉर्मन्स, तर पिंकी आणि बंटीचा धमाकेदार डान्स ॲक्टही रंगणार आहे. त्यामुळे रिसेप्शनचा सोहळा मनोरंजनाने भरलेला असणार आहे.

Manjar Marathi Movie: चार मित्र, भन्नाट किस्से अन् वाढता गोंधळ; ‘मांजर’च्या टीझरने वाढवलं नावामागचं गूढ!

रिसेप्शनमध्ये दीपाची अचानक एन्ट्री

हे सगळं सुरू असतानाच रिसेप्शनमध्ये दीपाची एकाएकी एन्ट्री होणार आहे. RK आणि मोहिनी आपल्या नव्या आयुष्याला सुरुवात करण्याच्या तयारीत असतानाच दीपाच्या आगमनाने संपूर्ण वातावरण बदलणार आहे.

दीपा थेट RK आणि मोहिनीच्या नात्यावर आणि लग्नावर प्रश्नचिन्ह उपस्थित करताना दिसणार आहे. एवढंच नाही तर ती लग्नाचे पुरावे मागणार असल्याने रिसेप्शनमध्ये मोठी खळबळ उडणार आहे.

लग्नाच्या पुराव्यांवरून वाढणार संशय

दीपाच्या मागणीमुळे रिसेप्शन सोहळ्यात संशयाचं वातावरण निर्माण होणार आहे. जुन्या दस्तऐवजांपासून काही महत्त्वाच्या पुराव्यांपर्यंत अनेक गोष्टी समोर येणार असल्याची चिन्हं आहेत.

एकापाठोपाठ एक होणारे खुलासे आणि धक्कादायक माहितीमुळे RK आणि मोहिनीसमोर मोठं आव्हान उभं राहणार आहे. त्यामुळे आनंदाच्या वातावरणात सुरू झालेला रिसेप्शन सोहळा नाट्यमय वळणावर येणार आहे.

Ashok Saraf Romantic Scene: अशोक मामांसोबत रोमँटिक सीन अन् समोर निवेदिता सराफ, ‘पछाडलेला’ फेम अभिनेत्रीने सांगितला आठवणीतला किस्सा

RK-मोहिनी या संकटाचा सामना कसा करणार?

दीपाच्या एन्ट्रीनंतर RK आणि मोहिनी या परिस्थितीचा सामना कसा करणार? लग्नासंदर्भातील पुरावे नेमके काय आहेत? जुन्या दस्तऐवजांमधून कोणतं रहस्य समोर येणार? या प्रश्नांची उत्तरं मालिकेच्या आगामी भागात मिळणार आहेत.

प्रेम, नातेसंबंध आणि रहस्यांनी भरलेली ‘मोहिनी- प्रेमाची फिल्मी कहाणी’ आता या हाय-व्होल्टेज ड्रामामुळे आणखी रंजक होणार आहे. त्यामुळे RK आणि मोहिनीच्या या फिल्मी प्रेमकहाणीला आता कोणतं नवं वळण मिळतं, हे पाहणं उत्सुकतेचं ठरणार आहे.

Zee Marathi New Serial:‘चाल तिची अंगार, नजरेची तलवार…’; झी मराठीच्या नव्या मालिकेतील ‘ती’ अभिनेत्री कोण? चाहत्यांनी सांगितलं नाव

अमृता यादव — Tue, 08 Sep 2026 09:13:54 +05:30

‘धाकट्या सूनबाई’ मालिकेत उषा नाडकर्णींची एन्ट्री?

‘चाल तिची अंगार, नजरेची तलवार…’ प्रोमोची चर्चा

मेघा धाडेच्या ‘आऊ’ कमेंटने दिला मोठा हिंट

Zee Marathi New Serial: झी मराठीवर लवकरच प्रेक्षकांच्या भेटीला ‘धाकट्या सूनबाई’ ही नवी मालिका येणार आहे. या मालिकेची सध्या चांगलीच चर्चा रंगली असून, समोर आलेल्या प्रोमोजमुळे प्रेक्षकांची उत्सुकता वाढली आहे. कोठारे व्हिजन निर्मित या मालिकेत नवोदित अभिनेत्री चिन्मयी मोरे प्रमुख भूमिका साकारणार आहे. विशेष म्हणजे, चिन्मयी पहिल्यांदाच लीड अभिनेत्री म्हणून छोट्या पडद्यावर झळकणार आहे. तिच्यासोबत लोकप्रिय अभिनेता मंदार जाधव मुख्य नायकाच्या भूमिकेत दिसणार आहे.
‘चाल तिची अंगार, नजरेची तलवार…’

मालिकेतील प्रमुख कलाकारांची माहिती समोर आल्यानंतर आता आणखी एका महत्त्वाच्या व्यक्तिरेखेची झलक दाखवणारा प्रोमो झी मराठीने सोशल मीडियावर शेअर केला आहे. या प्रोमोमध्ये एका ज्येष्ठ अभिनेत्रीची झलक पाहायला मिळते. त्यासोबत कॅप्शनमध्ये लिहिलं आहे, “चाल तिची अंगार, नजरेची तलवार, Swag तिचा बाणेदार… झी मराठीवर येतेय गोष्ट दमदार!”

या प्रोमोमधील अभिनेत्री नेमकी कोण, याचा अंदाज प्रेक्षकांना लावायचा होता. मात्र, प्रोमो समोर येताच नेटकऱ्यांनी या अभिनेत्रीला ओळखल्याचं पाहायला मिळत आहे. ही अभिनेत्री दुसरी-तिसरी कोणी नसून उषा नाडकर्णी असल्याची चर्चा सुरू झाली आहे.

Asha Bhosle Birth Anniversary: गाण्यांसोबत आणखी एका कलेत पारंगत होत्या आशा भोसले; लता मंगेशकरांसोबतच्या रिहर्सलचा भन्नाट किस्सा

मेघा धाडेच्या एका कमेंटने चर्चांना उधाण

या प्रोमोवर अभिनेत्री मेघा धाडे हिनेही खास कमेंट केली आहे. मेघाने उषा नाडकर्णींसाठी प्रेमाने ‘आऊ’ अशी कमेंट केली. त्यामुळे प्रोमोमध्ये दिसणारी ज्येष्ठ अभिनेत्री उषा नाडकर्णीच असल्याच्या चर्चांना आणखी बळ मिळालं आहे.

उषा नाडकर्णी ‘धाकट्या सूनबाई’ या मालिकेत महत्त्वाची भूमिका साकारणार असल्याची चर्चा गेल्या काही दिवसांपासून सोशल मीडियावर सुरू आहे. आता झी मराठीच्या नव्या प्रोमोमुळे या चर्चांना पुन्हा हवा मिळाली आहे.

View this post on Instagram

उषा नाडकर्णींचा झी मराठीवर कमबॅक?

उषा नाडकर्णी या मराठी मनोरंजनसृष्टीतील लोकप्रिय ज्येष्ठ अभिनेत्री आहेत. त्यांच्या दमदार व्यक्तिरेखांनी त्यांनी प्रेक्षकांच्या मनात वेगळी ओळख निर्माण केली आहे. त्यामुळे ‘धाकट्या सूनबाई’मध्ये त्यांची भूमिका नेमकी कशी असेल, याची उत्सुकता चाहत्यांना लागली आहे.

दरम्यान, उषा नाडकर्णींच्या एन्ट्रीचा अधिकृत प्रोमो अद्याप समोर आलेला नसून, त्यांची भूमिका आणि व्यक्तिरेखेचं नावही अधिकृतपणे जाहीर झालेलं नाही. त्यामुळे आता झी मराठीकडून होणाऱ्या अधिकृत घोषणेची प्रेक्षक वाट पाहत आहेत.

Anshuman Vichare New House: अंशुमन विचारेचं स्वप्नातील घर पाहिलंत का? VIDEO शेअर करत पहिल्यांदाच दाखवली सुंदर झलक

Zee Marathi Serial: दीपच्या मनात प्रेमाची चाहूल, तारिणीसमोर मोठं संकट; ‘देवमाणूस’मध्येही गूढ वाढणार, ‘या’ आठवड्यात काय घडणार?

अमृता यादव — Mon, 07 Sep 2026 15:28:14 +05:30

Zee Marathi Serial: ‘झी मराठी’वरील आपल्या आवडत्या मालिकांमध्ये पुढे काय घडणार, याची उत्सुकता प्रेक्षकांना नेहमीच असते. कोणत्या पात्राच्या मनातील भावना व्यक्त होणार, कोणतं रहस्य उलगडणार आणि कोणाचं मिशन यशस्वी होणार, याकडे प्रेक्षकांचं लक्ष लागलेलं असतं. या आठवड्यात ‘दीपज्योती’, ‘तारिणी’ आणि ‘देवमाणूस-मधला अध्याय’ या मालिकांमध्ये प्रेम, संघर्ष, धाडस आणि रहस्याचे अनेक पदर उलगडणार आहेत.

‘दीपज्योती’मध्ये दीप-ज्योतीच्या नात्याला मिळणार नवं वळण

‘दीपज्योती’मध्ये दीपच्या नव्या व्यवसायासमोर स्थानिक खंडणीखोरांचं आव्हान उभं राहणार आहे. या संकटाच्या वेळी ज्योती दीपला वाचवण्यासाठी स्वतःचा जीव धोक्यात घालते. या घटनेमुळे दीपच्या आयुष्यात ज्योतीचं स्थान किती खास आहे, याची जाणीव अधिक तीव्र होणार आहे.

दरम्यान, दीप ज्योतीची रिक्षा परत मिळवून देतो. या प्रसंगामुळे दोघांच्या नात्यातील जवळीक आणखी वाढताना दिसणार आहे. दीपच्या मित्रांनाही त्याच्या वागण्यात झालेला बदल जाणवतो. ज्योतीबद्दल दीपच्या मनात प्रेम निर्माण झाल्याचं त्यांच्या लक्षात येतं. मात्र दीप अद्याप आपल्या भावनांचा स्वीकार करण्यास तयार नाही.

गोकुळाष्टमीच्या दिवशी मात्र दीपच्या मनातील भावना आणखी स्पष्ट होण्याची शक्यता आहे. त्याच्या स्वभावातील सकारात्मक बदल पाहून आत्यालाही त्याच्या आयुष्यात एखादी खास मुलगी आली असल्याचा संशय येतो. आता दीपच्या बदलामागे ज्योतीच आहे, हे आत्याला समजणार का, याची उत्सुकता आहे.

‘तारिणी’समोर मिशन पूर्ण करण्याचं मोठं आव्हान

‘तारिणी’ मालिकेत सध्या मिशनचा थरार पाहायला मिळत आहे. मुलींना शहरातील महत्त्वाच्या ठिकाणांची ओळख करून घेण्यासाठी जोड्यांमध्ये संपूर्ण शहरात पाठवलं जातं. या संधीचा उपयोग तारिणी मिशनसाठी आवश्यक असलेली महत्त्वाची माहिती पुढे पोहोचवण्यासाठी करते.

मात्र, दुसरीकडे तारिणी कुठे आहे याची चिंता केदारला सतावत आहे. त्याचवेळी मुंबईत जे.जे.ची नजर तारिणीवर पडते. तिला मुंबईत पाहिल्यानंतर तारिणी अजूनही शहरातच असल्याची जे.जे.ला खात्री पटते.

त्यामुळे तारिणीसमोरील धोका आणखी वाढणार आहे. एका बाजूला मिशन पूर्ण करण्याची जबाबदारी आणि दुसरीकडे जे.जे.ची नजर, अशा परिस्थितीत तारिणी आपलं मिशन कसं पूर्ण करणार, हे पाहणं महत्त्वाचं ठरणार आहे.

Sanjay Dutt Marathi Controversy: ‘6 वर्षे येरवडा जेलमध्ये राहिलो, तरी मराठी शिकलो नाही..’;संजय दत्तचं वक्तव्य चर्चेत

‘देवमाणूस-मधला अध्याय’मध्ये रहस्य आणखी गडद

‘देवमाणूस-मधला अध्याय’मध्ये तपासाला नवं वळण मिळणार आहे. डिंपल अजितचा फोन गुपचूप गोव्याच्या दिशेने जाणाऱ्या ट्रकमध्ये ठेवते. त्यानंतर या फोनचं लोकेशन गोव्यात ट्रेस होतं. फोन गोव्यात सापडल्यामुळे जामकरच्या मनातील संशय आणखी वाढतो.

दुसरीकडे, तेजश्री आश्रमाबाबत जामकरला महत्त्वाची माहिती देते. मात्र ही माहिती पुरेशी नसल्याचं जामकरला वाटतं. त्यामुळे या प्रकरणातील ठोस पुरावे गोळा करण्यासाठी तो तेजश्रीला प्रयत्न करण्यास सांगतो.

आता आश्रमात नेमकं काय सुरू आहे, अजितच्या फोनचं लोकेशन गोव्यात कसं पोहोचलं आणि या सगळ्यामागचं रहस्य काय आहे, याचा शोध घेताना तपास कुठल्या दिशेने जाणार, हे मालिकेच्या आगामी भागांत पाहायला मिळणार आहे.

एकीकडे दीप-ज्योतीच्या नात्यात उमलणाऱ्या प्रेमाची चाहूल, दुसरीकडे तारिणीच्या मिशनसमोर उभा राहिलेला धोका आणि ‘देवमाणूस-मधला अध्याय’मधील गूढ तपास, यामुळे ‘झी मराठी’वरील हा आठवडा प्रेक्षकांसाठी नक्कीच उत्कंठावर्धक ठरणार आहे.

Krishnavataram Global Release: श्री श्री रविशंकर आणि क्रिएटिव्हलँडची हातमिळवणी; ‘कृष्णावतारम’ ट्रायलॉजी जगभरात पोहोचणार

Colors Marathi: मंगळागौरीच्या उत्सवात जेसिकाची एन्ट्री; छवी-अनिकेतच्या नात्यात येणार नवं वादळ?

अमृता यादव — Mon, 07 Sep 2026 13:03:13 +05:30

Colors Marathi: कलर्स मराठीवरील लोकप्रिय मालिका ‘मी जिंकून घेईन सारं’मध्ये सध्या मंगळागौरीच्या विशेष भागांची रंगत पाहायला मिळत आहे. राजगुरू वाड्यात मंगळागौरीच्या उत्सवाची जय्यत तयारी सुरू असून, पारंपरिक खेळ आणि मराठमोळ्या साजामुळे घरातील वातावरण उत्साहाने भरून गेलं आहे. शांभवी, छवी आणि घरातील इतर महिलांनी नऊवारी साड्या, पारंपरिक दागिने आणि खास साजशृंगार केला आहे. मात्र, या आनंदाच्या वातावरणात आता नाट्यमय घडामोडींना सुरुवात होणार आहे.

राजगुरू वाड्यात होणार जेसिकाची एन्ट्री

मंगळागौरीच्या उत्सवादरम्यान राजगुरू वाड्यात जेसिकाची अनपेक्षित एन्ट्री होणार आहे. अभिनेत्री सानिका काशीकर ही जेसिकाची भूमिका साकारणार आहे. तिच्या एन्ट्रीमुळे मालिकेच्या कथानकाला नवं वळण मिळणार असून, पुढे कोणती समीकरणं बदलणार याकडे प्रेक्षकांचं लक्ष लागलं आहे.

जेसिकाच्या भूमिकेबद्दल बोलताना सानिका काशीकर म्हणाली, “मला वाटतं हा रोल माझ्यासाठीच लिहिला गेला आहे. कलाकाराला इतक्या शेड्सचा रोल करायला मिळणं हे भाग्य आहे. मला या कॅरेक्टरवर खूप प्रेम आहे.”

जेसिकाच्या लूकबद्दलही सानिकाने उत्सुकता व्यक्त केली. “सुरुवातीपासूनच लूक, कॉस्च्युम ते मेकअप या सगळ्याची मी वाट पाहत होते, जो अतिशय क्लासी आणि कमाल-रिच असेल,” असं तिने सांगितलं.

Ashwini Bhave: परदेशातही मराठी संस्कृतीचा जागर! कॅलिफोर्नियात अश्विनी भावेंनी घेतलं ढोल वादनाचं प्रशिक्षण

‘मॅनिफेस्टेशन डायरी’चा खास किस्सा

या मालिकेतील भूमिकेबद्दल बोलताना सानिकाने एक खास आठवणही शेअर केली. तिने सांगितलं की, या भूमिकेसाठी सकाळी ८ वाजता तिला फोन आला आणि त्याच्या काही वेळ आधीच तिने आपली ‘मॅनिफेस्टेशन डायरी’ लिहून पूर्ण केली होती.

“ज्या दिवशी मला सकाळी ८ वाजता याबद्दलचा कॉल आला, त्याच्या अगदी आधीच मी माझी ‘मॅनिफेस्टेशन’ डायरी पेन बंद करून ठेवली होती. मला तेव्हा असं वाटलं की माझं मॅनिफेस्टेशन किती लवकर पूर्ण झालं,” असं सानिकाने सांगितलं.

“मला असं वाटतं एखादी गोष्ट मनापासून मागितली की ती मिळतेच. मॅनिफेस्टेशन करावं, इच्छा पूर्ण नक्कीच होतात. मला खात्री आहे प्रेक्षकांना ही भूमिका नक्कीच आवडेल,” असंही तिने म्हटलं.

Bipasha Basu Comeback: तब्बल ६ वर्षांनी बिपाशा बसुचं कमबॅक; हंसल मेहतांच्या ‘या’ सीरिजमधून OTTवर करणार पुनरागमन

शांभवी-जेसिका मिळून छवीविरोधात रचणार कट?

एकीकडे मंगळागौरीचा उत्साह सुरू असताना दुसरीकडे मालिकेत नात्यांमध्ये नवं वादळ निर्माण होण्याची शक्यता आहे. छवीला अनिकेतसमोर आपल्या मनातील भावना व्यक्त करायच्या आहेत. मात्र, तिच्या या खास क्षणात शांभवी आणि जेसिका अडथळा निर्माण करणार का, हा प्रश्न आहे.

शांभवी छवीचा आनंद हिरावून घेण्यासाठी जेसिकाशी हातमिळवणी करणार का? दोघी मिळून छवीविरोधात कोणता डाव आखणार? त्यांच्या या कटामुळे छवी आणि अनिकेतच्या नात्यात दुरावा निर्माण होणार का? या सगळ्या संकटांचा छवी सामना कसा करणार, हे आगामी भागांमध्ये पाहायला मिळणार आहे.

७ आणि ८ सप्टेंबरला विशेष भाग

‘मी जिंकून घेईन सारं’ मालिकेचे मंगळागौरीचे विशेष भाग ७ आणि ८ सप्टेंबर रोजी संध्याकाळी ७ वाजता प्रेक्षकांना पाहता येणार आहेत. जेसिकाच्या एन्ट्रीमुळे कथानकाला मिळणारं नवं वळण आणि छवी-अनिकेतच्या नात्याची पुढची दिशा जाणून घेण्यासाठी हे विशेष भाग महत्त्वाचे ठरणार आहेत. हे भाग फक्त कलर्स मराठीवर पाहता येतील.

धैर्यला चक्कर आली अन्…; सावीने घेतला मोठा निर्णय! ‘सन मराठी’वरील मालिकेत दहीहंडीचा थरार

तेजस भागवत — Fri, 04 Sep 2026 20:16:02 +05:30

‘जुळली गाठ गं’मध्ये रंगणार दहीहंडीचा थरार; सावी फोडणार हंडी

‘सन मराठी’वरील ‘जुळली गाठ गं’ या मालिकेत एक रंजक वळण

लाडकी सावी कशी दहीहंडी फोडणार हे पहावे लागणार

Dahihandi 2026: महाराष्ट्रात सर्वत्र दहीहंडीचा जल्लोष पाहायला मिळतोय. त्याचप्रमाणे मालिकांमध्येही दहीहंडी मोठ्या उत्साहाने साजरी केली जाते. ‘सन मराठी’वरील ‘जुळली गाठ गं’ या मालिकेत एक रंजक वळण आलेलं पहायला मिळतंय. धैर्य व सावी या दोघांना घराबाहेर काढलं आहे. दोघेही घर खर्चासाठी पैशांची तडजोड करत (Entertainment) असतात. अश्यातच घराच्या आवारात दहीहंडीची स्पर्धा पार पडणार असल्याचं कळतं आणि धैर्य त्यात सहभागी होतो. धैर्य दहीहंडी फोडायला जातो, पण त्याला चक्कर येते आणि तो खाली पडतो. पण धैर्यने दिलेला शब्द मोडायचा नाही, म्हणून सावी स्वतः दहीहंडी फोडण्याचा निर्णय घेते.
दहीहंडीच्या या भागाबद्दल सावी म्हणजेच अभिनेत्री पायल मेमाणे म्हणाली की, “माझ्यासाठी हा अनुभव खूपच वेगळा आणि आव्हानात्मक होता. मला उंचीची खूप भीती वाटते आणि मी आयुष्यात कधीच हंडी फोडली नव्हती. पण सेटवर खरंच थरावर थर रचून दहीहंडी बांधली होती. मला सेफ्टी बेल्ट बांधून वर पाठवलं होतं, पण वरून खाली बघितल्यावर मी खूप घाबरले.

दहीहंडीच्या उत्साहाला AI चा तडका! Google Gemini च्या मदतीने क्षणातच बनवा सिनेमॅटिक ईमेज, सोशल मीडियावर व्हाल व्हायरल

सगळे थर खाली पडल्यावर मी वर एकटीच लटकत होते, त्यामुळे तर मला अजूनच भीती वाटली. पण आमचे दिग्दर्शक आणि तिथे आलेल्या गोविंदा पथकाने मला खूप धीर दिला. शेवटी मी ती हंडी फोडलीच. स्वतःच्या भीतीवर मात करून काहीतरी वेगळं करायला मिळालं, याचा मला खूप आनंद आहे. हा माझ्या आयुष्यातला एक खूप खास आणि कधीही न विसरता येणारा अनुभव होता.”

पुढे ती म्हणाली की, “यापूर्वी नेहमीच दहीहंडीचा तो उत्साह पाहण्यासाठी मी जायचे. पण मी कधी हंडी फोडेन हा विचार केला नव्हता. ज्या क्षणी मी अगदी शेवटच्या थरावर चढले त्या वेळी मला प्रत्येक गोविंदाबद्दल कौतुक वाटल, त्यांच्या निर्धास्तपणाला माझ्याकडून सलाम आहे. सर्व गोविंदा पथकांना इतकच सांगेन खूप धमाल करा पण स्वतःच्या जीवाला जपा. हा सण उत्सव म्हणून साजरा करूयात स्पर्धा म्हणून नको. आणि तुमची लाडकी सावी कशी दहीहंडी फोडणार आहे हे पाहायला विसरू नका. सन मराठीवर रोज रात्री ८:३० वाजता.”

Raja Shivaji TV Premiere: रितेश देशमुखचा ‘राजा शिवाजी’ आता टीव्हीवर येणार; हिंदी-मराठीत पाहता येणार चित्रपट

kamali Serial: शिक्षणाच्या बाजाराविरोधात युवा शक्तीचा अंतिम वार ;८ सप्टेंबरला कमळी आणि रितेश सरपोतदार येणार आमनेसामने विद्यार्थ्या

Chaitanya Pisal — Fri, 04 Sep 2026 20:00:29 +05:30

शिक्षण हा प्रत्येक मुलांच्या / विद्यार्थ्याच्या आयुष्यातील महत्त्वाचा टप्पा असतो. चांगले शिक्षण, नोकरी उद्योगाची योग्य संधी आणि उज्ज्वल भविष्याचं स्वप्न प्रत्येक विद्यार्थी पाहतो. मात्र, आजच्या वास्तवात शिक्षणाच्या वाढत्या खर्चापासून विद्यार्थ्यांसमोर विविध अडचणी आहेत, अनेक प्रश्न चर्चेत आहेत. झी मराठीने ‘कमळी’ मालिकेच्या निमित्ताने हाच मुद्दा प्रभावीपणे प्रेक्षकांसमोर मांडण्याचा प्रयत्न केला आहे.

‘पाऊल पुढे पडलंय… जमलंय!’ या नव्या विचारधारेतून पुढे जाणाऱ्या, आपल्या हक्कांसाठी आणि स्वप्नांसाठी ठामपणे उभ्या राहणाऱ्या नव्या पिढीची गोष्ट झी मराठीच्या कथांमधून पाहायला मिळत आहे. याच विचाराला साजेसं उदाहरण म्हणजे कमळीचं विद्यार्थी आंदोलन. गेल्या दोन आठवड्यापासून कमळी शिक्षणाच्या बाजाराविरोधात विद्यार्थी आंदोलन करत असून, विद्यार्थ्यांच्या प्रश्नांना वाचा फोडण्यासाठी ती ठामपणे उभी आहे.

कमळीचं हे आंदोलन आता निर्णायक टप्प्यावर पोहोचलं आहे. येत्या ८ सप्टेंबर ला या आंदोलनाची अंतिम लढत पाहायला मिळणार असून, कमळी आणि रितेश सरपोतदार आमनेसामने येणार आहेत. आतापर्यंत आंदोलनाच्या माध्यमातून कमळीने विद्यार्थ्यांचे प्रश्न मांडले. मात्र, आता हेच प्रश्न ती थेट रितेश सरपोतदारांसमोर मांडणार आहे.

Ankur Wadhave: ‘चला हवा येऊ द्या’ फेम कलाकाराची मल्याळम इंडस्ट्रीत एन्ट्री! थेट ममुट्टींसोबत करणार स्क्रीन शेअर

तिच्या प्रश्नांना रितेश सरपोतदार काय उत्तर देणार? रितेश सरपोतदारांचा खरा चेहरा विद्यार्थ्यांसमोर कसा येणार? याची उत्सुकता निर्माण झाली आहे. गेल्या दहा दिवसांपासून सुरू असलेल्या या विद्यार्थी आंदोलनामुळे मालिकेच्या कथानकाला वेगळी दिशा मिळाली आहे. केवळ मालिकेतील संघर्ष म्हणून न पाहता, आजच्या विद्यार्थ्यांच्या प्रश्नांशी जोडलेला हा विषय प्रेक्षकांना आपल्या आजूबाजूच्या वास्तवाची आठवण करून देतो.

शिक्षणासारख्या महत्त्वाच्या विषयावर तरुणाईने प्रश्न विचारणं, आपलं मत मांडणं आणि बदलासाठी पुढे येणं, हीच नव्या पिढीची ताकद या कथेतून अधोरेखित होते. कमळीच्या रूपातून युवा शक्तीचा आत्मविश्वास दाखवतं, स्वतःच्या भविष्याचा विचार करताना समाजातील महत्त्वाच्या प्रश्नांवरही आवाज उठवणारी कमळीआजच्या तरुण पिढीचं प्रतिनिधित्व करते.

Priyanka Chopra Jonas: प्रियांका चोप्राची ग्लोबल फॅशनविश्वात मोठी झेप; पॅरिसमधील LVMH Prize मध्ये मिळाली खास जबाबदारी

आता या आंदोलनाला अंतिम टप्पा ८ सप्टेंबरला गाठला जाणार आहे. कमळीविरुद्ध रितेश सरपोतदार हा थेट सामना मालिकेला नेमका कोणत्या वळणावर पोहोचणार? हे पाहणं उत्सुकतेचं ठरणार आहे. तेव्हा बघायला विसरू नका ‘कमळी’ दररोज रात्री ९ वा. सदैव तुमच्या झी मराठीवर.

Sangram Samel: “आयुष्यातील पहिले गुरु आई-बाबाच!” शिक्षक दिनानिमित्त अभिनेत्याचं मन जिंकणारं वक्तव्य

Riddhi Vanne — Fri, 04 Sep 2026 16:37:34 +05:30

आई-बाबा हेच माझे पहिले गुरु, असे संग्राम समेळ म्हणाला.

बाबांकडून लढण्याची जिद्द, तर आईकडून प्रेम आणि माणसं जपण्याची शिकवण मिळाली.

प्रत्येक व्यक्तीकडून काहीतरी शिकता येतं, असा संग्रामचा अनुभव.

Sangram Samel on Teachers’ Day: प्रत्येक व्यक्तीच्या आयुष्यात असा एक गुरु असतो, जो केवळ शिकवत नाही तर नकळत आपल्याला घडवतही असतो. ‘सन मराठी’वरील ‘सौभाग्यवती वृंदा मोहन’ मालिकेतील अभिमन्यू म्हणजेच अभिनेता संग्राम समेळने वयाच्या अवघ्या तिसऱ्या वर्षी कलाक्षेत्रात पाऊल ठेवले. लहान वयापासून अभिनय करताना त्याला आयुष्यात भेटलेल्या अनेक व्यक्तींकडून काही ना काही शिकायला मिळालं. याच गुरुंची आठवण सांगत शिक्षक दिनानिमित्त संग्रामने त्यांच्याप्रती कृतज्ञता व्यक्त केली. Sangram Samel:

“प्रत्येक परिस्थितीला सामोरं कसं जायचं हे शिकवलं.”

शिक्षक दिनाच्या शुभेच्छा देताना संग्राम म्हणाला, “अभिनयाचं बाळकडू मला आई-बाबांकडूनच मिळालं, त्यामुळे कलाक्षेत्रातील माझे पहिले गुरु तेच आहेत. लहानपणापासून अभ्यास सांभाळत मी अभिनय केला आहे. जसजसा मोठा होत गेलो, तसतसं बाबांनी या क्षेत्रात कसं टिकून राहायचं आणि प्रत्येक परिस्थितीला सामोरं कसं जायचं हे शिकवलं.

आईकडून प्रेम करायला आणि माणसं जपायला शिकलो, तर बाबांकडून लढण्याची जिद्द मिळाली. आयुष्यातील प्रत्येक व्यक्ती आपल्याला काहीतरी शिकवत असते. सेटवरील स्पॉटबॉयपासून ते आपल्या सहकलाकारांपर्यंत, प्रत्येकाकडून काहीतरी शिकता येतं. शरीरात कितीही थकवा असला तरी चेहऱ्यावर हसू ठेवून काम करणं मी त्यांच्याकडून शिकलो. माझ्या बायकोने मला संयम ठेवायला आणि प्रत्येक गोष्ट शांतपणे समजून घ्यायला शिकवलं.”

कलाक्षेत्रात आईसारखी माया करणारी व्यक्ती

कलाक्षेत्रात संग्रामला आईसारखी माया देणारी व्यक्ती म्हणजे अभिनेत्री हर्षदा खानविलकर. ‘मुलगी पसंत आहे’ या मालिकेत दोघांनी एकत्र काम केलं असून त्यांचं नातं त्याही आधीपासूनच जिव्हाळ्याचं आहे. तिच्याबद्दल बोलताना संग्राम म्हणाला की, “हर्षदा ताई तिच्या सगळ्या लेकरांवर खूप प्रेम करते. तिच्या बद्दल एक गोष्ट सांगायची झाली तर, आपण एखाद्याला सहज म्हणतो की घरी पोहोचल्यानंतर फोन कर, पण आपण स्वतः कधी कधी ते विसरतो. मात्र हर्षदा ताई स्वतः फोन करून ‘पोहोचलास का?’ हे आवर्जून विचारते. अगदी नाईट शूट असेल आणि ती माझ्यासोबत नसेल, तरी पहाटे चार साडेचार वाजता फोन करून माझी चौकशी करते.

Priyanka Chopra Jonas: प्रियांका चोप्राची ग्लोबल फॅशनविश्वात मोठी झेप; पॅरिसमधील LVMH Prize मध्ये मिळाली खास जबाबदारी

तिच्याकडून प्रत्येक व्यक्तीवर भरभरून प्रेम करायला शिकलो. कुणीतरी आपल्यावर प्रेम करतं यापेक्षा आपण कुणावर प्रेम करतो आणि त्यातून आपल्याला समाधान मिळतं, ही गोष्ट मी तिच्याकडून शिकलो. शिक्षक दिनानिमित्त तिच्यासोबत वेळ घालवायची संधी मिळाली, तर तिला परदेशात फिरायला घेऊन जाणं मला नक्कीच आवडेल.”

सौभाग्यवती वृंदा मोहन’ या मालिकेत रंजक वळण

सध्या ‘सौभाग्यवती वृंदा मोहन’ या मालिकेत रंजक वळण आलं आहे. वृंदा मोहनच्या शोधात असून तिचा हा शोध तिला कुठे घेऊन जाणार, हे पाहणं उत्सुकतेचं ठरणार आहे. अभिमन्यूच मोहन आहे का, हा प्रश्न सध्या प्रेक्षकांना सतावत आहे. वृंदा मोहन आपल्या शोधात यशस्वी होणार का आणि या शोधातून कोणतं सत्य समोर येणार, हे पाहणं रंजक ठरणार आहे. ही मालिका दररोज रात्री ९:४५ वाजता सन मराठी वाहिनीवर प्रसारित होते.

Love And War Movie: ‘लव्ह अँड वॉर’चं शूटिंग अखेर पूर्ण! रणबीर-आलिया-विकीच्या सिनेमाची आता ‘ही’ तयारी सुरू

Tarini Upcoming Twist: तारिणी बनली दहशतवादी? “कितनी जाने लेनी है?” म्हणत दिला धक्कादायक इशारा; मालिकेत नवा ट्विस्ट

अमृता यादव — Thu, 03 Sep 2026 12:49:12 +05:30

Tarini Upcoming Twist: मराठी मालिकाविश्वात सध्या ‘तारिणी’ मालिकेची चांगलीच चर्चा रंगली आहे. मालिकेत एकामागोमाग एक रंजक ट्विस्ट पाहायला मिळत असून, आता कथेत आणखी एक थरारक वळण येणार आहे. तारिणी ‘ऑपरेशन तिरंगा’साठी काही दिवसांपूर्वी अमृतसरला गेली असून, या गुप्त मिशनदरम्यान ती एका दहशतवादी संघटनेत घुसली आहे. सध्या ती या संघटनेत ‘सलमा’ या नावाने वावरत आहे.

तारिणी स्पेशल क्राइम युनिटमध्ये काम करत आहे. ‘ऑपरेशन तिरंगा’ची माहिती मोजक्याच अधिकाऱ्यांना असल्याने तारिणी नेमकी कुठे गेली आहे, ती कधी परतणार आहे, याची तिच्या कुटुंबीयांना कोणतीही कल्पना नाही. विशेष म्हणजे, तिच्या युनिटलाही तारिणीच्या या गुप्त मिशनची माहिती नसल्याचं पाहायला मिळत आहे.

दहशतवादी संघटनेत तारिणीची घुसखोरी

‘ऑपरेशन तिरंगा’अंतर्गत तारिणीने दहशतवादी संघटनेत प्रवेश केला आहे. या संघटनेकडून मोठ्या जीवितहानीचा कट रचला जात असल्याचं समोर आलं आहे. हा कट उधळून लावण्यासाठी तारिणी स्वतःचा जीव धोक्यात घालून ‘सलमा’ म्हणून संघटनेत वावरत आहे.

नुकताच झी मराठीने मालिकेचा नवा प्रोमो शेअर केला आहे. या प्रोमोमध्ये तारिणीच्या गुप्त मिशनमधील थरारक प्रसंग पाहायला मिळत आहेत.

Kalpana Iyer: ‘रम्बा हो’ गर्लचा इंडस्ट्रीवर संताप; वयाच्या सत्तरीतही कल्पना अय्यर मागतायत काम, नक्की काय घडलं?

View this post on Instagram

शत्रूच्या सेफहाऊसमध्ये डिव्हाइस लावण्याचं मिशन

प्रोमोमध्ये तारिणीचे वरिष्ठ अधिकारी तिला एक डिव्हाइस देतात. “हे डिव्हाइस शत्रूच्या सेफहाऊसमध्ये प्लँट कर, म्हणजे आपल्याला रेग्युलर अपडेट्स मिळत राहतील,” असं ते तिला सांगतात.

तारिणी हे डिव्हाइस दहशतवादी संघटनेच्या सेफहाऊसमध्ये लावते. मात्र, डिव्हाइस लावत असताना तिच्या हातून एक वस्तू खाली पडते. त्या आवाजाने तेथील एका महिलेचं लक्ष तिच्याकडे जातं. ती तारिणीला, “सलमा यहाँ क्या कर रही हो?” असा सवाल करते.

तारिणी प्रसंगावधान राखत, “नींद नहीं आ रही थी,” असं उत्तर देते. त्यामुळे तिच्यावरचा संशय तूर्तास दूर होतो.

दरम्यान, तारिणीच्या ऑफिसमध्येही हालचाली सुरू असतात. एक महिला अधिकारी वरिष्ठांना माहिती देते की, “सर, जीपीएस ट्रॅकर आणि ऑडिओ डिव्हाइस अॅक्टिव्ह झालेला दिसत आहे.” त्यामुळे तारिणीच्या मिशनमधील महत्त्वाची माहिती आता तिच्या वरिष्ठांपर्यंत पोहोचणार आहे.

Asim Riaz vs Vishal Aditya Singh: ‘इंजेक्शनने फक्त बॉडी बनते..’; असीम रियाझला विशाल सिंगचं सडेतोड उत्तर, पोस्ट करत म्हणाला…

‘किती जणांचे जीव घ्यायचे?’; तारिणीने घेतला निर्धार

प्रोमोमध्ये पुढे दहशतवादी संघटनेचा प्रमुख तेथील महिलांना उद्देशून बोलताना दिसतो. तो त्यांना कौमसाठी अभिमान बाळगण्यास सांगतो. त्याचवेळी बसलेल्या महिलांपैकी एक कमी वयाची मुलगी त्याला थेट विचारते, “आप बस कहिए जनाब, कितनी जाने लेनी है?”

हे शब्द ऐकताच तारिणीच्या मनात संताप आणि निर्धार निर्माण होतो. ती मनोमन म्हणते, “मी यांचे इरादे सफल होऊ देणार नाही.”

आता तारिणी दहशतवाद्यांचा हा कट कसा उधळून लावणार? तिची खरी ओळख ‘सलमा’ म्हणून वावरणाऱ्या लोकांसमोर उघड होणार का? या जीवघेण्या मिशनमध्ये तारिणीला कोणत्या संकटांचा सामना करावा लागणार? या सगळ्या प्रश्नांची उत्तरं मालिकेच्या आगामी भागांत मिळणार आहेत.

नव्या प्रोमोमुळे ‘तारिणी’च्या कथानकातील थरार आणखी वाढला असून, ‘ऑपरेशन तिरंगा’चा हा नवा अध्याय प्रेक्षकांसाठी किती धक्कादायक ठरतो, हे पाहणं उत्सुकतेचं ठरणार आहे.

Home Minister: पैठणीचं भव्य होर्डिंग अन् ‘होम मिनिस्टर’चं नवं पर्व; अनोख्या उपक्रमाची सोशल मीडियावर चर्चा

अमृता यादव — Wed, 02 Sep 2026 14:50:47 +05:30

‘होम मिनिस्टर’च्या नव्या पर्वाची अनोखी सुरुवात

२० फूट उंच पैठणीच्या होर्डिंगने वेधलं लक्ष

कोल्हापुरातील वहिनींसोबत रंगणार खास भाग

Home Minister: महाराष्ट्रातील महिलांचा लाडका कार्यक्रम ‘होम मिनिस्टर’ पुन्हा एकदा प्रेक्षकांच्या भेटीला आला आहे. गेल्या २० वर्षांपासून महाराष्ट्राच्या घराघरात पोहोचलेल्या या कार्यक्रमाने यंदाही अनोख्या अंदाजात नव्या पर्वाची सुरुवात केली आहे. महाराष्ट्राच्या संस्कृतीशी असलेलं नातं जपत नव्या शक्यता आणि नव्या वाटांकडे आत्मविश्वासाने वाटचाल करण्याचा संदेश झी मराठी आपल्या कार्यक्रम आणि उपक्रमांच्या माध्यमातून देत आहे. याच विचाराला पुढे नेत ‘होम मिनिस्टर’नेही एक अनोखा उपक्रम साकारला आहे.
पैठणीच्या भव्य होर्डिंगने वेधलं लक्ष

‘होम मिनिस्टर’च्या नव्या पर्वाच्या सुरुवातीला नेहमीच्या फ्लेक्सऐवजी कापसे पैठणी यांनी साकारलेल्या पैठणी साडीचा तब्बल २० फूट उंच आणि ४० फूट रुंद होर्डिंग तयार करण्यात आलं आहे. या होर्डिंगसाठी खास पैठणी साडीचा वापर करण्यात आला आहे.

महाराष्ट्राच्या समृद्ध परंपरेचं प्रतीक असलेल्या पैठणीला अशा अनोख्या पद्धतीने जाहिरातीचा भाग बनवण्याचा हा पहिलाच प्रयत्न असल्याचं सांगण्यात येत आहे. या अनोख्या उपक्रमाला सोशल मीडियावरही चांगला प्रतिसाद मिळत आहे. कार्यक्रमाचे सूत्रसंचालक आदेश बांदेकर यांनीदेखील या संकल्पनेचं कौतुक केलं आहे.

Dwidha Movie Review: दोन पिढ्यांचं अंतर, वचनाची परीक्षा अन् भावनांचा गुंता; निलेश नाईक यांचा ‘द्विधा’ चित्रपट कसा आहे?

२० वर्षांचा ‘होम मिनिस्टर’चा प्रवास

गेल्या दोन दशकांपासून ‘होम मिनिस्टर’ हा कार्यक्रम महाराष्ट्रातील महिलांच्या आयुष्यातील अनुभव, कर्तृत्व आणि त्यांच्या रोजच्या जगण्यातले खास क्षण प्रेक्षकांसमोर आणत आहे. आदेश बांदेकर यांच्या खास शैलीतील सूत्रसंचालनामुळे कार्यक्रमाने प्रेक्षकांच्या मनात वेगळं स्थान निर्माण केलं आहे.

या २० वर्षांच्या प्रवासात ‘होम मिनिस्टर’ने जवळपास २५ लाख किलोमीटरचा प्रवास केला असून, आतापर्यंत सुमारे ७,५०० पैठणी साड्या महिलांना देण्यात आल्या आहेत.

कोल्हापुरातील वहिनींसोबत रंगणार खेळ

दरम्यान, या आठवड्यात ‘होम मिनिस्टर’मध्ये भाऊजी कोल्हापुरातील वहिनींची भेट घेणार आहेत. यावेळी विविध खेळ आणि गमती-जमतींसोबतच भाऊजी वहिनींच्या आयुष्याचा प्रवास, त्यांच्या अनुभवांबद्दल आणि काही खास गोष्टींबद्दल जाणून घेणार आहेत.

‘होम मिनिस्टर’ सोमवार ते शनिवार दररोज संध्याकाळी ६ वाजता झी मराठीवर प्रेक्षकांच्या भेटीला येतो.

Psycho Ranga Movie: रहस्य, थरार अन् दमदार कलाकारांचा मेळ; ‘सायको रंगा’चा थरार अनुभवायला सज्ज व्हा! ‘या’ दिवशी होणार रिलीज

Madhuri Pawar: ‘कोण करतंय, का करतंय काहीच..’, गेल्या ३ वर्षांपासून माधुरी पवारला होतोय त्रास; केला धक्कादायक खुलासा

अमृता यादव — Wed, 02 Sep 2026 09:32:50 +05:30

माधुरी पवारने व्हिडीओ शेअर करत केला धक्कादायक खुलासा

सायबरकडे तक्रार, मात्र पुरावा नाही

माधुरी पवारची मुख्यमंत्र्यांकडे मदतीची मागणी

Madhuri Pawar: अभिनेत्री आणि नृत्यांगना माधुरी पवारने सोशल मीडियावर एक व्हिडीओ शेअर करत गेल्या तीन वर्षांपासून आपल्याला होत असलेल्या त्रासाबाबत धक्कादायक खुलासा केला आहे. सोशल मीडियावर चुकीच्या आणि अपमानास्पद कमेंट्स, फॅन पेज हॅक होणे, विकिपीडिया पेज डिलीट होणे आणि वर्किंग नंबरवर कॉल बॉम्बिंग करण्यात येत असल्याचा दावा माधुरीने केला आहे. या सगळ्यामुळे मानसिक त्रासासोबतच आपल्या सुरक्षिततेचीही चिंता वाटत असल्याचे तिने म्हटले आहे.
‘माझ्या प्रेक्षकांपर्यंत व्यवस्थित पोहोचता येत नाहीये’

माधुरीने व्हिडीओमध्ये सांगितले की, सोशल मीडियामुळे तिला कमी वेळात प्रेक्षकांपर्यंत पोहोचता आले. मात्र, आता याच सोशल मीडियाच्या माध्यमातून तिच्याबाबत वेगळेच प्रकार घडत असल्याने तिला प्रेक्षकांपर्यंत व्यवस्थित पोहोचता येत नसल्याचे तिने म्हटले.

काही दिवसांपूर्वी आपल्या पोस्टवर अतिशय घाणेरड्या कमेंट्स येत असल्याबाबत आपण एक बाईट पोस्ट केली होती, असेही माधुरीने सांगितले. मात्र, हा प्रकार गेल्या तीन वर्षांपासून सुरू असल्याचा दावा तिने केला आहे.

‘कुणीतरी माझं फॅन पेज हॅक केलं’

माधुरीने पुढे सांगितले की, तिचे विकिपीडिया पेज दिसत नाही. तसेच तिच्या काही फॅन पेजेसना हॅक करण्यात आले असून त्यातील काही पेजेस हटवण्यात आल्याचेही तिने म्हटले आहे.

इतकंच नाही तर तिच्या वर्किंग नंबरवर ‘कॉल बॉम्बिंग’ करण्यात आल्याचा दावाही तिने केला. सतत फोन वाजत राहणे आणि त्याचा कोणत्याही कामासाठी उपयोग न होणे, यामुळे आपल्याला नाहक त्रास सहन करावा लागत असल्याचे माधुरीने सांगितले.

Box Office: ‘Hanuman Ansh’चा बॉक्स ऑफिसवर धुमाकूळ! यशच्या ‘Toxic’ला दिली टक्कर, कमावला तब्बल 2600% नफा

‘कोण करतंय, का करतंय काहीच कळत नाही’

या सर्व प्रकारामागे नेमकं कोण आहे आणि हे का केलं जात आहे, याची आपल्याला काहीच माहिती नसल्याचे माधुरीने स्पष्ट केले.

या सगळ्यामुळे आपल्याला वेगळ्या प्रकारचा मानसिक त्रास सहन करावा लागत असल्याचेही तिने सांगितले. बाहेर जातानाही सुरक्षिततेची चिंता वाटते. ‘कोण काय बोलेल? कोण मध्येच काही करेल का?’ असे अनेक विचार सतत मनात येत असल्याचे माधुरीने व्हिडीओमध्ये सांगितले.

View this post on Instagram

सायबरकडे तक्रार, मात्र अद्याप पुरावा नाही

माधुरीने या प्रकरणी सायबरकडे तक्रार केल्याचे सांगितले. मात्र, या प्रकारामागे कोण आहे, याबाबत अद्याप कोणताही पुरावा सापडला नसल्याचे तिने म्हटले आहे.

‘हे सतत होत चाललंय, हे थांबतच नाहीये,’ असं म्हणत तिने संबंधित यंत्रणांकडून मदतीची अपेक्षा व्यक्त केली आहे.

मुख्यमंत्र्यांसह नेत्यांकडे मदतीची मागणी

माधुरीने आपल्या व्हिडीओच्या माध्यमातून महाराष्ट्राचे मुख्यमंत्री देवेंद्र फडणवीस, उपमुख्यमंत्री एकनाथ शिंदे आणि राज ठाकरे यांच्याकडे मदतीची मागणी केली आहे. आपल्या परिस्थितीची दखल घेऊन योग्य ती मदत आणि संरक्षण मिळावे, अशी तिची विनंती आहे.

तिने सुनेत्रा पवार यांच्याकडेही मदतीची मागणी केली आहे. गेल्या तीन वर्षांपासून हे प्रकार सुरू असून प्रेक्षकांना याबाबत आता माहिती होत असल्याचे माधुरीने म्हटले आहे.

‘मला न्याय आणि सुरक्षिततेसाठी तुमच्या मदतीची गरज आहे’

माधुरीने हा व्हिडीओ शेअर करताना आपल्या पोस्टमध्येही आपली व्यथा मांडली. ‘मला न्याय आणि सुरक्षिततेसाठी तुमच्या मदतीची गरज आहे,’ असे तिने म्हटले आहे.

आपल्याबद्दल चुकीच्या आणि अपमानास्पद कमेंट्स करून सतत टार्गेट केले जात असल्याचा तसेच बदनामी करण्याचा प्रयत्न होत असल्याचा दावा तिने केला आहे. आपले विकिपीडिया पेज डिलीट करण्यात आल्याचे आणि सोशल मीडिया अकाउंट्स हॅक करण्याचे प्रयत्न सुरू असल्याचेही तिने नमूद केले.

‘एक मुलगी म्हणून ही परिस्थिती माझ्यासाठी मानसिकदृष्ट्या खूप त्रासदायक आणि भीतीदायक आहे,’ असे म्हणत माधुरीने या प्रकारामागे कोण आहे, याची योग्य चौकशी व्हावी आणि आपली प्रतिष्ठा व सुरक्षितता जपली जावी, अशी अपेक्षा व्यक्त केली आहे.

Hunkar The Roar: १७ वर्षांच्या मुलीच्या एका आरोपाने हादरली शक्तिशाली व्यवस्था; ‘हुंकार: द रोअर’चा थरारक टीझर!

Aarti Solanki: ‘बाप्पाला अक्षरश: हवेत लटकवून ठेवणं…’; गणेशमूर्तींच्या बदलत्या ट्रेंडवर आरती सोलंकी संतापली, पोस्ट व्हायरल

अमृता यादव — Tue, 01 Sep 2026 13:26:17 +05:30

Aarti Solanki: गणेशोत्सवाची चाहूल लागली की बाप्पाच्या आगमनाची तयारी सर्वत्र सुरू होते. गणेशोत्सवाला आता अवघे काही दिवस बाकी राहिले आहेत. मोठमोठ्या सार्वजनिक गणेश मंडळांचे आगमन सोहळे सध्या पाहायला मिळत आहेत. या आगमन सोहळ्यांचे व्हिडीओ सोशल मीडियावर तुफान व्हायरल होत आहेत.

मात्र, यंदा ‘बॅलन्सिंग गणेशमूर्ती’ सर्वाधिक चर्चेचा विषय ठरल्या आहेत. या मूर्तींबाबत नेटकऱ्यांमध्ये संमिश्र प्रतिक्रिया पाहायला मिळत आहेत. काहींनी या अनोख्या मांडणीचं कौतुक केलं आहे, तर काहींनी त्यावर नाराजी व्यक्त केली आहे.

याच बदलत्या ट्रेंडवर अभिनेत्री आरती सोलंकी हिने नाराजी व्यक्त केली आहे. गणपती बाप्पाचं रूप मुळातच सुरेख आणि देखणं असताना त्यांना वेगळ्या रूपात घडवण्याची गरज काय, असा सवाल अभिनेत्रीने उपस्थित केला आहे.

‘बाप्पाला वेगळ्या रूपात घडवण्याची काय गरज?’

आरती सोलंकीने सोशल मीडियावर एक स्टोरी शेअर करत गणेशमूर्तींच्या बदलत्या स्वरूपावर आपलं स्पष्ट मत मांडलं आहे. “अरे, हे काय चालवलंय? गणपती बाप्पाचं रूप मुळातच सुरेख, देखणं… अगदी गोड असताना बाप्पाला वेगळ्या रूपात घडवण्याची काय गरज?” असा सवाल तिने केला आहे.

मंडपात देखावा करण्यापेक्षा बाप्पाचं पारंपरिक स्वरूप जपण्याला अधिक महत्त्व दिलं पाहिजे, असंही आरतीने आपल्या पोस्टमधून म्हटलं आहे. “मंडपात देखावा हवा तो करा… खरंतर त्याचीही गरज नाही. पण मंडळांच्या स्पर्धेत वाढ झालीये, तर काय करणार?” असं म्हणत तिने मंडळांमधील वाढत्या स्पर्धेवरही भाष्य केलं आहे.

‘बॅलन्सिंगच्या नावावर बाप्पाला हवेत लटकवणं योग्य आहे का?’

सध्या चर्चेत असलेल्या बॅलन्सिंग गणेशमूर्तींबाबत आरतीने विशेष नाराजी व्यक्त केली. “सगळ्यात वाईट गोष्ट म्हणजे बॅलन्सिंगच्या नावावर बाप्पाला अक्षरश: हवेत लटकवून ठेवणं हे योग्य आहे का? वाईट वाटतं बाप्पासाठी…” असं तिने आपल्या पोस्टमध्ये म्हटलं आहे.

गणेशोत्सव आणि बाप्पाचं स्वरूप पारंपरिक असावं, असं मतही अभिनेत्रीने व्यक्त केलं. “सण आणि बाप्पा हा पारंपरिक हवा. स्वत:च्या मुलांना फॅन्सी ड्रेस स्पर्धेत तयार करतात, तसं बिचाऱ्या बाप्पाला सजवत आहेत,” असं म्हणत तिने या बदलत्या ट्रेंडवर नाराजी व्यक्त केली.

पोस्टच्या शेवटी आरतीने बाप्पाकडेच एक मिश्किल पण स्पष्ट मागणी केली आहे. “माफ करा बाप्पा… तुम्ही बुद्धीचे देवता आहात, आता याल तर सगळ्यांना चांगली बुद्धी द्या!” असं तिने म्हटलं आहे.

(फोटो सौजन्य -सोशल मीडिया)

Chinchpokli Cha Chintamani: गणपतीच्या उत्साहाला न्युकेलियाची अनोखी मानवंदना; ‘आला रे आला’ गाण्याची खास झलक सादर

आरती सोलंकीची पोस्ट चर्चेत

आरती सोलंकीची ही पोस्ट सोशल मीडियावर चांगलीच चर्चेत आली आहे. गणेशोत्सवातील बदलते ट्रेंड आणि मंडळांमधील वाढती स्पर्धा यावर अभिनेत्रीने व्यक्त केलेल्या मतावर नेटकऱ्यांकडून विविध प्रतिक्रिया उमटत आहेत.

गणेशोत्सवाच्या पार्श्वभूमीवर आरती सोलंकीने मांडलेलं हे स्पष्ट मत सध्या चर्चेचा विषय ठरत असून, तिच्या पोस्टमुळे गणेशमूर्तींच्या बदलत्या ट्रेंडवर पुन्हा एकदा चर्चा सुरू झाली आहे.

Raqesh Bapat: ‘नवरी मिळे हिटलरला’नंतर राकेश बापट पुन्हा छोट्या पडद्यावर; स्टार प्रवाहच्या नव्या मालिकेत साकारणार ‘ही’ दमदार भूमिका

Raqesh Bapat: ‘नवरी मिळे हिटलरला’नंतर राकेश बापट पुन्हा छोट्या पडद्यावर; स्टार प्रवाहच्या नव्या मालिकेत साकारणार ‘ही’ दमदार भूमिका

अमृता यादव — Tue, 01 Sep 2026 11:40:33 +05:30

राकेश बापटच्या वाढदिवशी स्टार प्रवाहचं खास गिफ्ट

राकेश बापटच्या नव्या मालिकेबद्दल चाहत्यांमध्ये उत्सुकता

अभिमान सरदेसाईच्या भूमिकेत दिसणार राकेश बापट

Raqesh Bapat: मराठी मनोरंजनविश्वातील लोकप्रिय अभिनेता राकेश बापटच्या चाहत्यांसाठी एक खास आनंदाची बातमी आहे. ‘नवरी मिळे हिटलरला’ मालिकेच्या तुफान यशानंतर राकेश बापट आता पुन्हा एका नव्या मालिकेतून प्रेक्षकांच्या भेटीला येणार आहे. विशेष म्हणजे, राकेशच्या वाढदिवसाच्या दिवशीच स्टार प्रवाहने त्याच्या नव्या मालिकेची घोषणा करत त्याला खास गिफ्ट दिलं आहे.

‘तुझ्याकडे तुला मागणे’ मालिकेत राकेश बापटची दमदार भूमिका

स्टार प्रवाहची आगामी मालिका ‘तुझ्याकडे तुला मागणे’ लवकरच प्रेक्षकांच्या भेटीला येणार असून, या मालिकेत राकेश एक अत्यंत प्रभावी आणि बहुआयामी भूमिका साकारणार आहे. राकेशच्या पात्राचं नाव अभिमान सरदेसाई असून, तो एक यशस्वी उद्योजक आणि राजकीय नेता असल्याचं समोर आलं आहे.

अभिमान सरदेसाई हे व्यक्तिमत्त्व प्रामाणिक आणि स्वच्छ प्रतिमा असलेलं आहे. व्यवसाय क्षेत्रात स्वतःचा ठसा उमटवण्यासोबतच राजकारणातही आपली वेगळी ओळख निर्माण केलेली व्यक्ती राकेश या मालिकेत साकारणार आहे. त्यामुळे या भूमिकेत राकेश बापटचा एक वेगळा अंदाज प्रेक्षकांना पाहायला मिळणार आहे.

View this post on Instagram

Govinda: फॅमिली फोटोत गोविंदा का नाही? कृष्णा अभिषेकसोबत सुनीता आहुजांनी साजरी केली राखी, ‘तो’ फोटो व्हायरल

‘नवरी मिळे हिटलरला’नंतर राकेश बापटची नवी इनिंग

राकेश बापटची लोकप्रियता आणि त्याचा दमदार अभिनय पाहता, ‘तुझ्याकडे तुला मागणे’ ही नवी मालिका प्रेक्षकांच्या पसंतीस उतरते का, हे पाहणं महत्त्वाचं ठरणार आहे.

स्टार प्रवाहने शेअर केलेल्या प्रोमोमध्ये राकेश ‘सिंगल फादर’च्या भूमिकेत दिसत आहे. ‘ईशानचा बाबा ही मीच आणि आई सुद्धा मीच,’ असं तो म्हणतोय.

या मालिकेची नेमकी कथा काय असेल?तसेच मालिकेत अजून कोणते पात्र असतील अभिमान सरदेसाईच्या आयुष्यात कोणते चढ- उतार येणार,याची उत्सुकता आता प्रेक्षकांना लागली आई. त्यामुळे राकेशची ही नवीन भूमिका चाहत्यांसाठी नक्कीच लक्षवेधी ठरणार आहे.

Badshah Divorce: अवघ्या ५ महिन्यांत मोडलं दुसरं लग्न; रॅपर बादशाहने केली घटस्फोटाची घोषणा, म्हणाला, “हा निर्णय एकमेकांबद्दल…”

Hrita Durgule: शाळेचा गणवेश, दोन वेण्या आणि खट्याळ हसू, हृता दुर्गुळेचा नवा लूक पाहिलात का?

Riddhi Vanne — Mon, 31 Aug 2026 18:35:38 +05:30

हृता दुर्गुळेचा ‘आली मोठी शहाणी’मधील हटके लुक

शाळेच्या युनिफॉर्ममधील पोस्टरने वेधलं लक्ष

सारंग साठ्येसोबत हृताची मजेशीर जोडी

मराठी प्रेक्षकांची लाडकी अभिनेत्री म्हणजे हृता दुर्गुळे. ‘दुर्वा’ पासून तिचा प्रवास सुरू झाला आणि ‘फुलपाखरू’ आणि ‘मन उडू उडू झालं‘ या मालिकांनी तिला थेट घराघरात पोहोचवलं. मालिका झाल्या, आता ती सिनेमे, वेब सिरीज, नाटक सगळीकडेच चमकतेय. ‘अनन्या’, ‘कन्नी’, ‘आरपार’ मधली तिची कामं लोकांना खूप आवडली होती.
सध्या ती ‘अगं आई अहो आई’ या वेब सिरीजमुळे चर्चेत आहे. झी ५ वर ही सिरीज आली आहे. यात तिच्यासोबत रेणुका शहाणे आणि निर्मिती सावंत आहेत. या सिरीजला चांगला प्रतिसाद मिळत असतानाच हृताने तिच्या पुढच्या सिनेमाची बातमी दिली आहे आणि त्यामुळे चाहते एकदम खुश झाले आहेत.Hrita Durgule:

पोस्टरमध्ये ती शाळेच्या युनिफॉर्ममध्ये

तिच्या नव्या सिनेमाचं नाव आहे ‘आली मोठी शहाणी’.हृताने स्वतः तिच्या इन्स्टाग्रामवर या सिनेमाचं पहिलं पोस्टर टाकलं आहे. पोस्टर बघूनच खूप धमाल वाटतेय. कारण यात हृता एकदम वेगळ्या रूपात दिसतेय.पोस्टरमध्ये ती शाळेच्या युनिफॉर्ममध्ये आहे. पांढरा शर्ट, टाय, दोन घट्ट वेण्या आणि चेहऱ्यावर एक निरागस पण खट्याळ हसू. अगदी शाळेतल्या चुणचुणीत मुलीसारखी दिसतेय ती.

Jui Gadkari post: ‘आमची म्हातारी आज ७०ची झाली असती…’ सायलीची पूर्णा आजीच्या आठवणीत भावूक पोस्ट

तिच्यासोबत अभिनेता सारंग साठ्ये आहे. त्याच्या कानावर जास्वंदीचं फूल आहे आणि तो हृताचे कान धरताना दिसतोय. हा फोटो इतका गमतीशीर आहे की बघताच हसू येतं. सिनेमा कसला असेल याची उत्सुकता या एका पोस्टरने वाढवली आहे.

View this post on Instagram

२ ऑक्टोबर २०२६ ला सिनेमागृहात

पोस्टर टाकताना हृताने एक छान कॅप्शन लिहिलं आहे. ती म्हणाली, लहान असो किंवा मोठा, आपण सगळेच बाप्पाकडे काहीतरी मागत असतो. आणि बाप्पा पण मोठ्या मनाने आपल्याला देतो. हा सिनेमा पण तसाच आहे, आपल्याच घरातली, हलकीफुलकी आणि गोड गोष्ट आहे असं तिने सांगितलं.आता सगळ्यांना प्रश्न पडलाय हा सिनेमा कधी येणार?तर ‘आली मोठी शहाणी’ हा सिनेमा २ ऑक्टोबर २०२६ ला सिनेमागृहात येणार आहे.

हृताच्या या नव्या लूकने तर सगळ्यांची मनं जिंकली

या सिनेमाचं दिग्दर्शन आनंद गोखले यांनी केलं आहे.या सिनेमात फक्त हृता आणि सारंगच नाहीत तर अजून बरेच ओळखीचे चेहरे आहेत. ऋजुता देशमुख, मैत्रयी दाते, सुहिता थत्ते, गुरू ठाकूर, विशाखा नाईक, प्रशांत कुलकर्णी असे बरेच चांगले कलाकार यात दिसणार आहेत.एकंदरीत, शाळेच्या आठवणींना उजाळा देणारा आणि पोट धरून हसवणारा असा हा सिनेमा असेल असं वाटतंय. हृताच्या या नव्या लूकने तर सगळ्यांची मनं जिंकली आहेतच.

Mrunmayee Deshpande: स्पर्धकांच्या आत्मविश्वासासाठी मृण्मयी काय करते? ‘सारेगमप’च्या सूत्रसंचालनामागचा सांगितला खास दृष्टिकोन

अमृता यादव — Mon, 31 Aug 2026 16:10:12 +05:30

Mrunmayee Deshpande: मराठी मनोरंजनसृष्टीतील बहुआयामी आणि गुणी अभिनेत्री म्हणून मृण्मयी देशपांडेची ओळख आहे. अभिनयासोबतच नृत्य, लेखन, दिग्दर्शन आणि सूत्रसंचालन अशा विविध क्षेत्रांत त्यांनी आपली वेगळी छाप पाडली आहे. ‘कुंकू’, ‘एका पेक्षा एक’, ‘जोडीचा मामला’, ‘अप्सरा आली’ यांसारख्या मालिका आणि कार्यक्रमांमधून प्रेक्षकांच्या भेटीला आलेल्या मृण्मयी सध्या ‘सा रे ग म प’च्या सुरेल मंचाचं सूत्रसंचालन करत आहेत.

संगीताची विशेष आवड असलेल्या मृण्मयींसाठी ‘सा रे ग म प’ हा केवळ एक रिअॅलिटी शो नसून, पुन्हा एकदा झी कुटुंबात परतल्यासारखा अनुभव आहे. या कार्यक्रमाच्या निमित्ताने जुन्या आठवणींनाही उजाळा मिळत असल्याचं त्यांनी सांगितलं.

‘झी कुटुंबात घरी परतल्यासारखं वाटतं’

‘सा रे ग म प’च्या मंचावर सूत्रसंचालनाची पुन्हा संधी मिळाल्याबद्दल मृण्मयी देशपांडे यांनी आनंद व्यक्त केला. त्या म्हणाल्या, “मला स्वतःला गाणी ऐकायला फार आवडतात. ‘सा रे ग म प’मध्ये सूत्रसंचालन करणं माझ्यासाठी झी कुटुंबात घरी परत आल्यासारखं आहे. झी मराठीवर मी अनेक मालिका आणि कार्यक्रम केले आहेत.”

‘कुंकू’ मालिकेनंतर ‘एका पेक्षा एक’, ‘जोडीचा मामला’, ‘अप्सरा आली’ आणि अनेक रिअॅलिटी शोचा प्रवास त्यांनी केला. त्यामुळे ‘सा रे ग म प’शी जोडले जाणं हा त्यांच्यासाठी अविस्मरणीय आणि सुरेल प्रवास असल्याचं मृण्मयींनी सांगितलं.

‘स्पर्धकांच्या आवाजातील बदल पाहणं खूप महत्त्वाचं’

‘सा रे ग म प’मधील स्पर्धकांच्या प्रवासाबद्दल बोलताना मृण्मयी म्हणाल्या की, प्रत्येक स्पर्धकाचं एक वेगळं स्वप्न आणि संघर्ष असतो. स्पर्धेच्या सुरुवातीपासून शेवटपर्यंत त्यांच्या आवाजात होणारा बदल, वाढलेला आत्मविश्वास आणि स्टेजवर परफॉर्म करण्याची कला पाहणं खूप महत्त्वाचं असल्याचं त्यांनी सांगितलं.

त्यांच्या मते, आजच्या काळात केवळ चांगलं गाणं पुरेसं नसून व्यक्तिमत्त्व विकासही तितकाच महत्त्वाचा आहे. स्पर्धकांमध्ये हा बदल पहिल्या दिवसापासून फिनालेपर्यंत हळूहळू विकसित होताना दिसतो आणि हा संपूर्ण प्रवास अतिशय मजेशीर असतो.

‘गुरुजींसोबतचा तो क्षण अविस्मरणीय’

‘सा रे ग म प’मधील अविस्मरणीय क्षण सांगताना मृण्मयींनी गुरुजी म्हणजेच सुरेशजींसोबतचा अनुभव शेअर केला. त्या म्हणाल्या की, गुरुजी गात असताना सेटवरील सगळेजण त्यांच्या सोबत नाचत होते. प्रत्यक्ष त्यांच्या आवाजात गाणी ऐकण्याची संधी मिळणं हा ‘सा रे ग म प’मधील त्यांच्या आयुष्यातील खास क्षण असल्याचं त्यांनी सांगितलं.

‘संगीत सगळ्यांना जोडून ठेवतं’

मृण्मयींच्या मते, संगीत हा असा धागा आहे जो सगळ्यांना एकत्र बांधून ठेवतो. नव्या पर्वातून मराठी संगीतापासून दुरावलेले प्रेक्षक पुन्हा संगीताशी जोडले जातील, असा विश्वास त्यांनी व्यक्त केला.

जुन्या गाण्यांचं नव्या पद्धतीने सादरीकरण आवडणाऱ्या प्रेक्षकांसाठीही हे पर्व खास असणार आहे. जुन्या गाण्यांचा पुनःप्रत्ययाचा आनंद देतानाच नव्या पिढीच्या आवाजाला व्यासपीठ मिळणार आहे.

‘स्पर्धकांचा आत्मविश्वास वाढवणं ही माझी जबाबदारी’

सूत्रसंचालक म्हणून स्पर्धकांना आत्मविश्वास देण्याची आपली भूमिका महत्त्वाची असल्याचंही मृण्मयींनी सांगितलं.

त्या म्हणाल्या, “स्पर्धक स्टेजवर येताना नेहमीच थोडे तणावात असतात. मी बराच वेळ स्पर्धकांसोबत असते, आम्ही गप्पा मारतो. कधी कधी गात असताना एखाद्या स्पर्धकाची नजर आपल्यावर पडते आणि आपण त्यांचं गाणं एन्जॉय करतोय, त्यांच्या गाण्याला मनापासून दाद देतोय, ही गोष्ट त्यांचा आत्मविश्वास वाढवण्यासाठी खूप महत्त्वाची असते.”

स्पर्धकांना सतत आनंदी आणि आत्मविश्वासपूर्ण वाटत राहावं, ही आपली जबाबदारी असल्याचं मृण्मयींनी सांगितलं.

‘रिअॅलिटी शो कलाकारांसाठी महत्त्वाचं व्यासपीठ’

‘सा रे ग म प’ने अनेक उत्तम गायकांना व्यासपीठ दिलं आहे. रिअॅलिटी शोच्या महत्त्वाबद्दल बोलताना मृण्मयी म्हणाल्या की, तळागाळात अनेक कला दडलेल्या असतात. टेलिव्हिजनच्या माध्यमातून या कलाकारांना मोठ्या प्रेक्षकवर्गासमोर आपली कला सादर करण्याची संधी मिळते.

Nepal Flood: ‘लोक ३०० किमीपर्यंत वाहून गेले..’, नेपाळच्या महापुरातून बचावली अभिनेत्री, सांगितला अंगावर काटा आणणारा अनुभव

“मी स्वतः याचं मोठं उदाहरण आहे. ‘कुंकू’ मालिकेनंतर माझं आयुष्य खूप चांगल्या पद्धतीने बदललं,” असंही त्यांनी सांगितलं.

मोठ्या स्पर्धकांचे सूर बऱ्याच काळापासून ‘सा रे ग म प’मधून ऐकायला मिळालेले नाहीत. त्यामुळे दर्जेदार गाणी त्यांच्या मूळ स्वरूपात ऐकण्याचा आणि संपूर्ण सेट सुरांनी भरून जाण्याचा आनंद आपण घेत असल्याचं मृण्मयींनी सांगितलं.

‘सा रे ग म प’चं हे नवं पर्व नव्या पिढीचा आवाज, त्यांची विचार करण्याची पद्धत आणि संगीताकडे पाहण्याची बदललेली दृष्टी प्रेक्षकांसमोर घेऊन येणार आहे.

Drishyam 3: अजय देवगणने घेतलं तब्बल येवढं कोटी मानधन? ‘दृश्यम ३’मधील कलाकारांची फी ऐकून बसेल धक्का!

Tejaswini Pandit: ‘त्यांच्या संस्कारांचं दप्तर..’, आईच्या ७०व्या वाढदिवशी तेजस्विनी पंडित झाली भावूक, पोस्ट करत म्हणाली…

अमृता यादव — Mon, 31 Aug 2026 09:17:23 +05:30

आईच्या ७०व्या वाढदिवशी तेजस्विनी पंडित भावूक

सोशल मीडियावर शेअर केली पोस्ट

आई वडिलांच्या निधनानंतरचा संघर्ष केला व्यक्त

Tejaswini Pandit: मराठी अभिनेत्री तेजस्विनी पंडित हिची आई आणि मराठी सिनेसृष्टीतील ज्येष्ठ अभिनेत्री ज्योती चांदेकर यांचं १६ ऑगस्ट २०२५ रोजी निधन झालं. त्यांच्या निधनाने मराठी मनोरंजनसृष्टीला मोठा धक्का बसला होता. वयाच्या ६९व्या वर्षी ज्योती चांदेकर यांनी अखेरचा श्वास घेतला. चित्रपट, नाटक आणि मालिकांमध्ये आपल्या अभिनयाची छाप उमटवणाऱ्या ज्योती चांदेकर यांनी ‘ठरलं तर मग’ या मालिकेतूनही प्रेक्षकांची मनं जिंकली होती.

गेल्या दोन वर्षांपासून त्या स्टार प्रवाहवरील ‘ठरलं तर मग’ या मालिकेत पूर्णा आजीची भूमिका साकारत होत्या. त्यांच्या निधनानंतर मालिकेतही मोठी पोकळी निर्माण झाली. आईच्या निधनाने तेजस्विनी पंडित हिलाही मोठा धक्का बसला होता. आता आईच्या ७०व्या वाढदिवसानिमित्त तेजस्विनीने सोशल मीडियावर एक भावूक पोस्ट शेअर करत आपल्या भावना व्यक्त केल्या आहेत.

‘आई गेल्यापासून सोशल मीडियावर मोजकंच व्यक्त होता आलं…’

तेजस्विनीने आपल्या पोस्टच्या सुरुवातीलाच लिहिलं, “Random post नाहीये. आई गेल्यापासून सोशल मीडियावर मोजकंच व्यक्त होता आलं. किंबहुना, नाहीच व्यक्त होता आलं. May be this the last time I am explicitly expressing myself about my parents on this platform…”

पुढे तिने लिहिलं, “आज आईचा ७०वा वाढदिवस असता. जोरात celebrate करायचा प्लॅन होता… असो.”

आई-वडील नेहमी ‘शिकत राहिलं पाहिजे, शेवटच्या श्वासापर्यंत शिकण्याची वृत्ती पाहिजे’, असं सांगायचे, अशी आठवणही तेजस्विनीने या पोस्टमधून सांगितली.

View this post on Instagram

‘आई-वडील गेल्यावर मुलांना एकट्याने मोठं व्हायला शिकावं लागतं’

तेजस्विनीने आई-वडिलांच्या निधनानंतरच्या आयुष्याबद्दलही मन मोकळं केलं. ती म्हणाली, “आई-वडील बनल्यावर मूल वाढवायला कुणी शिकवत नाही, ते अपसूक येतं. दुर्दैवाने, आई-वडील गेल्यावर मुलांना एकट्याने मोठं व्हायला अपसूक येत नाही, ते शिकावं लागतं.”

पुढे ती म्हणते, “एक एक पाऊल पुढे टाकावंच लागतं. अनेक गोष्टी स्वीकाराव्या लागतात. चार खोल्यांच्या घरात एकट्याने परतावं लागतं. झोप येत नसेल, थकवा आला असेल तर डोक्यावरून हात फिरवायला कुणी येणार नाही, हे गृहीत धरावं लागतं.”

‘आमचे आई-बाबा दोघेही अचानक गेले’

आई-वडिलांच्या निधनाबद्दल बोलताना तेजस्विनीने त्यांच्या जाण्याची वेळ किती कठीण होती, हेही सांगितलं. “आमचे आई-बाबा दोघेही ‘अचानक’ गेले. अचानक या शब्दाचीच भीती वाटेल इतके अचानक. Because after losing parents at an early age, nothing feels the same, no achievement feels like one!” असं तिने लिहिलं.

“बाबांना जाऊन ११ वर्षे झाली आणि आईला जाऊन एक वर्ष,” अशी माहितीही तिने आपल्या पोस्टमधून दिली.

‘Grief eventually fade होईल, पण हा loss कधीच जात नाही’

तेजस्विनीने पुढे लिहिलं, “May be grief will eventually fade but this kind of loss never leaves.” आई-वडिलांना गमावल्यानंतर व्यक्तीच्या आत काहीतरी कायमचं बदलतं, असंही तिने म्हटलं आहे.

“तुम्ही आत्तापर्यंत होता त्याच्यापेक्षा खूप बदलून जाता. Something shifts inside of you. You carry the weight most people don’t understand,” असं ती म्हणते.

आई-वडील गेल्यानंतर आयुष्य आणि त्यातील अनुभवच आपले पालक होतात. ते चांगलं-वाईट सगळं शिकवतात, असंही तेजस्विनीने म्हटलं आहे.

Twinkle Khanna: तुकाराम मुंढेंच्या कारवाईचा ट्विंकल खन्नावर परिणाम; डिंपल कपाडियासोबत घरातच बनवतेय पनीर

‘Move on नाही, move forward…’

आई-बाबांच्या आठवणींसोबत पुढे जाण्याचा निर्धार व्यक्त करत तेजस्विनीने लिहिलं, “But maybe now I have to be ready. Not to move on… to move forward.”

“त्यांच्या आठवणींचं बोट धरायचं, आयुष्याच्या शाळेत पुन्हा भरती व्हायचं आणि त्यांच्या संस्कारांचं दप्तर घेऊन पुढच्या परीक्षेसाठी शिकायला बसायचं,” अशा शब्दांत तिने आपल्या भावना व्यक्त केल्या.

शेवटी आई-बाबांना उद्देशून तेजस्विनीने लिहिलं, “So आई-बाबा… आम्ही शिकत राहू. तुमच्यासारखंच. शेवटच्या श्वासापर्यंत. Let healing and grief co-exist!”

“तुमचे संस्कारच आमची सगळ्यात मोठी कमाई आहे. तुम्ही शारीरिकदृष्ट्या दूर गेले असाल आमच्यापासून, पण तुमच्या विचारांचा वारसा इथेच आहे. आमच्यासोबत,” असं म्हणत तेजस्विनीने आई-वडिलांप्रती आपल्या भावना व्यक्त केल्या.

Mahima Mhatre: तूला जपणार आहे’च्या सेटवर घडला भयंकर अपघात; ८ महिन्यांनी महिमाने काढली नाकावरची पट्टी, सांगितला थरारक प्रसंग

Mahima Mhatre: तूला जपणार आहे’च्या सेटवर घडला भयंकर अपघात; ८ महिन्यांनी महिमाने काढली नाकावरची पट्टी, सांगितला थरारक प्रसंग

अमृता यादव — Sun, 30 Aug 2026 16:00:02 +05:30

Mahima Mhatre: मराठी मनोरंजनसृष्टीतील अभिनेत्री महिमा म्हात्रे सध्या ‘तूला जपणार आहे’ या मालिकेमुळे प्रेक्षकांच्या पसंतीस उतरत आहे. मालिकेतील ‘मीरा’ या व्यक्तिरेखेमुळे तिने प्रेक्षकांच्या मनात खास स्थान निर्माण केलं आहे. मात्र, गेल्या काही महिन्यांपासून महिमा नाकावर आणि कपाळावर पट्टी लावून मालिकेचं शूटिंग करत होती. त्यामुळे चाहत्यांच्या मनातही अनेक प्रश्न निर्माण झाले होते.

सोशल मीडियावरील कमेंट्समध्ये चाहते तिला वारंवार विचारत होते की, नाकावर पट्टी का आहे? नेमकं काय झालं? अखेर महिमाने या सर्व प्रश्नांची उत्तरं दिली आहेत. अभिनेत्रीने स्वतःसोबत घडलेला धक्कादायक अपघात सांगितला. हा प्रसंग सांगताना ती भावुक झाली आणि तिला अश्रू अनावर झाले.

“आज मी नाकावरची पट्टी काढतेय…”

महिमाने सोशल मीडियावर शेअर केलेल्या व्हिडीओमध्ये म्हटलं, “गेले काही महिने मी नाकावर अन् कपाळाला पट्टी लावून शूटिंग करतेय. सगळेच मला विचारत आहेत, नेमकं काय झालं होतं आणि इतके महिने तुम्ही पट्टी लावून का शूट करताय? त्या सगळ्या प्रश्नांची उत्तरं आज मी तुम्हाला देणार आहे.”

पुढे ती म्हणते, “मध्यंतरी मी मालिकेत दिसत नव्हते, तेव्हासुद्धा प्रेक्षकांनी मला खूप मनापासून मिस केलं. माझ्या सगळ्या चाहत्यांसाठी आज एक आनंदाची बातमी आहे, कारण आज मी ही नाकावरची पट्टी काढतेय.”

आता उपचार पूर्ण झाल्यानंतर लवकरच ती मालिकेच्या एपिसोडमध्ये पूर्वीप्रमाणे दिसणार असल्याचंही महिमाने सांगितलं.

अथर्वचा जीव वाचवण्यासाठी घोड्यावर स्वार झाली होती मीरा

मालिकेत मीरा ही धाडसी व्यक्तिरेखा दाखवण्यात आली आहे. त्यामुळे आतापर्यंत महिमाने अनेक अॅक्शन आणि कठीण सीन्स केले आहेत. असाच एक सीन तिच्यासाठी आयुष्यभर लक्षात राहणारा ठरला.

महिमा सांगते की, मीरा अथर्वचा जीव वाचवण्यासाठी घोड्यावर स्वार होऊन त्याला हॉस्पिटलमध्ये घेऊन जाते, असा सीन शूट करण्यात येत होता. यासाठी संपूर्ण टीम उत्सुक होती. मैदानात शूटिंग सुरू झाल्यानंतर सुरुवातीचे दोन-तीन शॉट्सही व्यवस्थित पार पडले.

मात्र, शेवटचा शॉट घेत असताना अचानक घोडा प्रचंड वेगाने धावू लागला.

Mirzapur: The Movie: ‘मिर्झापूर द मूव्हीला मिळालं ‘हे’ सर्टिफिकेट; पंकज त्रिपाठीच्या सिनेमाचा रनटाइम किती? जाणून घ्या

घोडा उधळला अन् दोघेही खाली पडले

महिमाच्या म्हणण्यानुसार, ती आणि अथर्व दोघेही घोड्यावर होते. शॉट कट झाल्यानंतर अचानक घोडा उधळला. तिने घोड्याला नियंत्रित करण्याचा प्रयत्न केला, लगाम खेचला; मात्र घोडा काही केल्या थांबत नव्हता.

“त्या क्षणाला मला काहीच समजलं नाही. मी घोड्याला कंट्रोल करण्याचा प्रयत्न केला, लगाम खेचला; पण काही केल्या तो घोडा कंट्रोल होत नव्हता. शेवटी आम्ही दोघंही पडलो,” अशी आठवण महिमाने सांगितली.

दोघेही खाली पडल्यानंतर सेटवरील सर्वजण त्यांच्याकडे धावत आले. सुरुवातीला दुखापत फार गंभीर नसावी असंच सर्वांना वाटलं. मात्र, काही क्षणांतच महिमाच्या नाकातून रक्तस्राव सुरू झाला.

“अचानक नाकावर रक्ताची धार लागली. त्याक्षणी मला जाणवलं की काहीतरी मेजर झालंय,” असं महिमाने सांगितलं.

दोन-तीन दिवस रुग्णालयात होती महिमा

अपघातानंतर महिमाला तातडीने रुग्णालयात नेण्यात आलं. तिथे तिच्या दुखापतीचं गांभीर्य लक्षात आलं. अभिनेत्रीच्या कुटुंबीयांनाही याची माहिती मिळताच ते रुग्णालयात पोहोचले.

“मला लगेच हॉस्पिटलला नेलं. तेव्हा मला समजलं की खूप लागलंय. मला संपूर्ण माझं आयुष्य डोळ्यासमोर दिसत होतं. माझे सगळे कुटुंबीय हॉस्पिटलला आले,” असं ती म्हणाली.

महिमा दोन-तीन दिवस रुग्णालयात होती. त्यानंतर डॉक्टरांनी तिला विश्रांतीचा सल्ला दिला. काही दिवस ती शूटिंगपासूनही दूर होती.

Bharti Singh Gets Emotional on Raksha Bandhan: राखी बांधताना भारती झाली भावुक; पापाराझीच्या गिफ्टने अश्रू अनावर

सात-आठ दिवसांत पुन्हा शूटिंगला सुरुवात

उपचार सुरू असतानाही महिमाने काम थांबवलं नाही. अपघातानंतर अवघ्या सात-आठ दिवसांनी ती पुन्हा सेटवर परतली.

“अपघात झाल्यावर पुन्हा एकदा उठून उभी राहिले आणि शूटिंगला गेले. सात-आठ दिवसांनी पुन्हा सेटवर गेले आणि शूट सुरू केलं. पट्टी लावून का होईना, मी काम केलं. माझी औषधं सुरू होती, ट्रिटमेंट सुरू होती,” असं महिमाने सांगितलं.

या काळात प्रोडक्शन हाऊसनेही तिला मोठा पाठिंबा दिला. कुटुंबीय, प्रेक्षकांचं प्रेम आणि प्रोडक्शनच्या सहकार्यामुळेच आपण पुन्हा कामावर परतू शकले, असं तिने सांगितलं.

चेहऱ्यावर व्रण झाल्यामुळे लावावी लागत होती पट्टी

अपघातानंतर महिमाच्या चेहऱ्यावर व्रण झाला होता. हा डाग आणखी गडद होऊ नये आणि त्यावर थेट सूर्यप्रकाश पडू नये, यासाठी ती नाकावर पट्टी लावत होती.

“अपघात झाल्यावर चेहऱ्यावर एक व्रण आला होता. त्यामुळे तो डाग अजून डार्क होऊ नये, तसेच सूर्यप्रकाश त्याला लागू नये यासाठी मी काळजीने ती पट्टी नाकावर लावत होते. जर पट्टी काढली असती, तर गोष्टी अजून बिघडल्या असत्या,” असं महिमाने स्पष्ट केलं.

तब्बल आठ महिने पट्टी लावून शूटिंग करणं तिच्यासाठी सोपं नव्हतं. मात्र, प्रेक्षकांनी दिलेल्या प्रेमामुळे आणि पाठिंब्यामुळे तिने हा कठीण काळ धैर्याने पार केला.

शेवटी चाहत्यांचे आभार मानताना महिमा म्हणाली, “हे जितकं सोपं वाटतंय तितकं नक्कीच नव्हतं. तुम्ही मला खरंच सपोर्ट केलात, त्यासाठी मनापासून थँक्यू! तुम्हा सगळ्यांमुळे मला खूप आधार मिळाला.”

Akshaya Gurav Divorce: ८ वर्षांचं नातं संपलं! ‘आई कुठे काय करते’ फेम अक्षया गुरवचा घटस्फोट; घटस्फोटावर पहिल्यांदाच केलं भाष्य

अमृता यादव — Sun, 30 Aug 2026 10:41:59 +05:30

घटस्फोटावर अक्षया गुरवचं पहिल्यांदाच भाष्य

विभक्त झाल्यानंतरही मैत्री कायम

८ वर्षांच्या संसारानंतर भूषण वाणीसोबत घेतला वेगळं होण्याचा निर्णय

Akshaya Gurav Divorce: मराठी मनोरंजनसृष्टीतील लोकप्रिय अभिनेत्री अक्षया गुरव गेल्या काही दिवसांपासून तिच्या वैयक्तिक आयुष्यामुळे चर्चेत आहे. ‘आई कुठे काय करते’ या मालिकेतून घराघरात पोहोचलेल्या अक्षया गुरवने दिग्दर्शक भूषण वाणीसोबतच्या नात्याबाबत पहिल्यांदाच भाष्य केलं आहे. राजश्री मराठीला दिलेल्या मुलाखतीत अक्षयाने घटस्फोटाच्या वृत्तावर मौन सोडलं असून, दोघे विभक्त झाल्याच्या वृत्ताला दुजोरा दिला आहे.
अक्षया आणि भूषण वाणी यांच्या घटस्फोटाची बातमी समोर आल्यानंतर त्यांच्या वैयक्तिक आयुष्याबाबत मोठ्या प्रमाणात चर्चा झाली होती. सुरुवातीला या सगळ्या चर्चांमुळे अक्षयाला हे स्वीकारणं कठीण गेलं. मात्र, कालांतराने या विषयावर आपल्याला बोलावंच लागेल, असं तिला वाटलं.

याबाबत बोलताना अक्षया म्हणाली, “जेव्हा माझ्या घटस्फोटाची बातमी समोर आली, तेव्हा अनेकांनी ही बातमी प्रसारित केली होती. या सगळ्यामुळे माझ्या वैयक्तिक आयुष्याबद्दल जोरदार चर्चा झाली. सुरुवातीला मला हे सगळं पटलं नाही. पण नंतर कुठेतरी वाटलं की, मला या गोष्टीवर कधीतरी बोलावंच लागेल. जे काही लोकांनी वाटलं आहे, पाहिलंय.. तर हो! ही गोष्ट खरी आहे.”

Samay Raina: समय रैना पुन्हा अडचणीत! ‘इंडियाज गॉट लेटेंट’मधील बिहारी-कश्मीरी कमेंटवरून सोशल मीडियावर संताप

विभक्त झाल्यानंतरही मैत्री कायम

अक्षयाने घटस्फोटाबाबत स्पष्टपणे सांगतानाच भूषण वाणीसोबतचं नातं आता कोणत्या स्वरूपाचं आहे, हेही सांगितलं. दोघेही आजही चांगले मित्र असल्याचं तिने म्हटलं. तसंच दोघेही एकाच क्षेत्रात काम करत असल्याने भविष्यात एकत्र काम करण्याची संधी मिळाली, तर त्यांना नक्कीच आवडेल, असंही अक्षयाने सांगितलं.

“आम्ही दोघे आजही खूप चांगले मित्र आहोत. आम्ही दोघंही एकाच क्षेत्रातले आहोत. त्यामुळे पुढे जर अशी वेळ आली, तर आम्हाला एकत्र काम करायला आवडेल. आपण आयुष्यात गोष्टी ‘लेट गो’ करायला शिकलं पाहिजे,” असं अक्षया म्हणाली.

‘Toxic’ Box Office Collections Day 4: नकारात्मक प्रतिक्रियांनंतरही ‘टॉक्सिक’ची घोडदौड; चौथ्या दिवशी बॉक्स ऑफिसवर मोठा विक्रम

“तुम्ही कोणालाही थांबवू शकत नाही”

नात्यांमध्ये एखाद्या व्यक्तीला पुढे जायचं असेल, तर तिला थांबवण्यात अर्थ नसतो, असा महत्त्वाचा संदेशही अक्षयाने दिला. आपल्या जवळच्या व्यक्तीने दिलेला सल्ला तिने यावेळी सांगितला.

“माझ्या जवळच्या व्यक्तीने मला सांगितलं होतं की, प्रेमात माणसाने नेहमी नि:स्वार्थी असलं पाहिजे, स्वार्थी नाही. त्यामुळे एखाद्याला आपल्या आयुष्यातून कायमच निघून जायचं असेल, तर आपण त्याला जाऊ द्यायचं. त्याला थांबवण्यात काहीही अर्थ नाहीये,” असं अक्षया म्हणाली.

पुढे ती म्हणाली, “मग ती मैत्री असो, कुटुंब असो किंवा नवरा-बायकोचं नातं असो… तुम्ही कोणालाही थांबवू शकत नाही. यादरम्यान खूप त्रास होतो. मी रडलेय… पण आपलं आयुष्य इथेच थांबत नाही.”

“दु:ख चेहऱ्यावर दिसतं, कलाकार असल्याने लक्ष ठेवावं लागतं”

वैयक्तिक आयुष्यातील भावनिक चढ-उतारांचा परिणाम चेहऱ्यावर दिसतो, असंही अक्षयाने सांगितलं. मात्र, कलाकार असल्याने कामाच्या ठिकाणी स्वतःला सावरावं लागतं. त्यामुळेच ती आपलं वैयक्तिक आणि व्यावसायिक आयुष्य वेगळं ठेवण्याचा प्रयत्न करते.

“बरं, दु:ख चेहऱ्यावर दिसतं. कलाकार असल्याने त्याकडे लक्ष ठेवावं लागतं. म्हणूनच मी माझं वैयक्तिक आयुष्य आणि प्रोफेशनल आयुष्य वेगळं ठेवते. आता पुढे बघुयात, आयुष्य कुठे घेऊन जातंय,” असं म्हणत अक्षयाने आपल्या आयुष्याकडे सकारात्मकतेने पाहण्याचा निर्धार व्यक्त केला.

अक्षयाच्या या स्पष्ट वक्तव्यानंतर तिच्या आणि भूषण वाणी यांच्या नात्याबाबत सुरू असलेल्या चर्चांना पूर्णविराम मिळाला आहे. विभक्त झाल्यानंतरही दोघांनी मैत्री कायम ठेवली असून, भविष्यात कामाच्या निमित्ताने एकत्र येण्याची शक्यता असल्याचं अक्षयाने स्पष्ट केलं आहे.

Jai Jai Swami Samarth Special Episode: रक्षाबंधनानिमित्त पाहायला मिळणार स्वामींच्या कृपेची अनोखी कथा!

Riddhi Vanne — Sat, 29 Aug 2026 15:10:41 +05:30

रक्षाबंधन-नारळी पौर्णिमेनिमित्त विशेष कथा

बाजी समुद्रात बेपत्ता; कांता चिंतेत

स्वामी समर्थांच्या चरणी कांताची आर्त हाक

कलर्स मराठीवरील जय जय स्वामी समर्थ मालिकेत रक्षाबंधन आणि नारळी पौर्णिमेच्या निमित्ताने मालिकेत प्रेक्षकांसाठी काही भागांची विशेष कथा सादर होणार आहे. श्रद्धा, ममता, आक्रोश आणि स्वामीभक्ती यांचा अनोखा संगम असलेल्या या कथेत स्वामी समर्थांची आणखी एक अद्भुत लीला अनुभवायला मिळणार आहे.

कांताला एकच आशा उरते

पैशांची चणचण असल्यामुळे भर पावसात मासेमारीसाठी समुद्रात गेलेला बाजी परतत नाही आणि त्याच्या आईवर, कांतावर दुःखाचा डोंगर कोसळतो. बाजीशिवाय जगात आपलं असं कोणीच नसलेल्या कांताला एकच आशा उरते स्वामी समर्थ! आपल्या मुलाला परत मिळवण्यासाठी ती स्वामींच्या चरणी येते. पहा जय जय स्वामी समर्थ दररोज रात्री ८.१० वा. आपल्या कलर्स मराठीवर. Jai Jai Swami Samarth Special Episode:

स्वामींकडून असलेली अपेक्षा

मात्र स्वामीस्थानाच्या उंबरठ्यावरच कांताचा कपिलासोबत वाद होतो आणि हा वाद इतका विकोपाला जातो की परिस्थिती हाताबाहेर जाते. कांताच्या मनात समुद्राबद्दल निर्माण झालेला राग, मुलाच्या विरहाचं दुःख आणि स्वामींकडून असलेली अपेक्षा यामुळे तिच्या मनात प्रचंड संघर्ष सुरू होतो.

कांताचा स्पष्ट नकार

अशातच स्वामी कांताला एक आगळंवेगळं काम सांगतात नारळी पौर्णिमेसाठी समुद्राला अर्पण करण्याचा नारळ सजवण्याचं! मात्र ज्या समुद्राने आपला मुलगा हिरावून घेतला, त्याच समुद्राला नारळ अर्पण करण्यास कांता स्पष्ट नकार देते. स्वामी आणि कांतामध्ये या हट्टाची अनोखी जुगलबंदी रंगते. दरम्यान, कांताला वारंवार बाजीचा आवाज ऐकू येऊ लागतो…“आई, माझ्यासाठी एवढं कर ना…”

Orry and Samay Raina: समय रैनाच्या शोमध्ये ओरीचा राडा? भर कार्यक्रमात दिली धमकी, नेमकं काय घडलं?

स्वामी समर्थांची अशी लीला

हा आवाज तिच्या मनाचा भास आहे की त्यामागे खरंच काही गूढ संकेत दडले आहेत? कांताच्या हातून नारळ सजवला जाईल का? आणि तिच्या या कठीण प्रवासात कपिला कोणते अडथळे निर्माण करणार? नारळी पौर्णिमेचा दिवस उजाडतो. पण अक्कलकोटमध्ये समुद्रच नाही, मग कांताच्या हातून नारळाचं विसर्जन कुठे आणि कसं होणार? याच प्रश्नाचं उत्तर देताना स्वामी समर्थांची अशी लीला घडते, जी पाहून भक्तांच्या अंगावर रोमांच उभे राहतील. आणि त्यानंतर… कांताच्या आयुष्यात घडणारं एक अनपेक्षित वळण तिच्या श्रद्धेला नवी दिशा देणार आहे.

Ram Kapoor-श्रेया यांच्या किसिंग सीनवरून वाद; आरोपांवर अभिनेत्याने अखेर सोडलं मौन, म्हणाले की…

स्वामी समर्थ खरंच कांताची हाक ऐकतील का? बाजीचा आवाज कांतापर्यंत का पोहोचतोय? समुद्र आणि स्वामी समर्थ यांच्यात नेमकं काय नातं आहे? कांताला दिलेल्या नारळामागचं स्वामींचं गूढ काय आहे? आणि रक्षाबंधनाच्या या पवित्र पर्वावर स्वामी समर्थांच्या हातावर कोण बांधणार आहे प्रेम, विश्वास आणि रक्षणाची राखी? या सर्व प्रश्नांची उत्तरं जाणून घेण्यासाठी पाहा ‘जय जय स्वामी समर्थ’चा नारळी पौर्णिमा आणि रक्षाबंधन विशेष कथा भाग सलग चार विशेष भाग! पहा जय जय स्वामी समर्थ दररोज रात्री ८.१० वा. आपल्या कलर्स मराठीवर.

Aai Tuljabhavani: तुळजाई भावाला देणार जगातली सर्वात मौल्यवान भेट, रक्षाबंधन स्पेशल

दिपाली नाफडे — Thu, 27 Aug 2026 11:40:25 +05:30

कलर्स मराठीवरील आई तुळजाभवानीत रक्षाबंधन स्पेशल

आई तुळजा भावाला काय देणार विशेष भेट

रक्षाबंधनासाठी खास भाग

Aai Tuljabhavani: कलर्स मराठीवरील आई तुळजाभवानी मालिकेत सध्या ‘आई तुळजाभवानी’, ‘चातुर्मास पर्व’ दाखविण्यात येत आहे. याचदरम्यान रक्षाबंधन विशेष भाग पाहायला मिळणार आहे. ज्यात तुळजाई तिच्या भावाला, जगातली सर्वात मौल्यवान वस्तू भेट देणार आहे. आता ही गोष्ट काय असेल याची उत्सुकता सगळ्यांना लागून राहिली आहे. रक्षाबंधनाचा पवित्र सण अवघ्या काही दिवसांवर येऊन ठेपला असून, तुळजाईच्या गावात या सणाचा मोठा उत्साह पाहायला मिळत आहे.
सणाच्या या मंगलमयी वातावरणात एका बाजूला रायबाच्या घरात सणाची लगबग सुरू आहे, तर दुसरीकडे महालात छोटी तुळजा आणि तिचा समवयस्क विश्वासू सोबती हरी यांच्या नात्यातली खट्याळ जुगलबंदी सुरू आहे. हरीने तुळजाकडे जगातली सर्वांत मौल्यवान वस्तू मला भिक्षा म्हणून दे…सोने नको, चांदी नको, हिरे -माणिक तर अजिबात नको. असा धोशा गेले काही दिवस लावला असून हे एक कोड आहे, ते तू ओळखायचं असे आव्हान तुळजाला दिले आहे. या कोड्याचे उत्तर या रक्षाबंधन विशेष भागात मिळणार आहे.

Aai Tuljabhavani Serial: ‘आई तुळजाभवानी’मध्ये ‘दिव्य स्वस्तिकाचा निर्णायक महिना’; चार दुष्ट विकारांविरुद्ध रंगणार दैवी महासंग्राम

या भागात नेमके काय दिसणार

भक्तीचा वाढता प्रसार आणि भक्तांची अढळ श्रद्धा पाहून तिकडे महिषासुर संतापला असून, त्याने पातळदेवीमार्फत देवीच्या भक्तांवर हल्ला करण्यासाठी आपल्या मायावी असुरांना पाठवले आहे. जे भुजंगाच्या साथीने गावात हाहाःकार माजवतात. यात भुजंगच्या वारुळावरील घावाने असा कोणता चमत्कार घडतो, ज्याने संपूर्ण गाव हादरून जाते? सखूला वाचवताना नागराज स्वतःचा जीव धोक्यात घालतो, पण त्याच्या या त्यागाची किंमत काय? तुळजा विराट नागदेवीच्या रूपात का अवतरते असे अनेक प्रश्न निर्माण करणारा हा अत्यंत नाट्यमय कथाभाग या विशेष भागात उलगडणार आहे. विशेष म्हणजे याच कथाभागात तुळजाईला हरीच्या कोड्याचे उत्तर मिळते.

या अद्वितीय अद्भुत अलौकिक भक्त उद्धाराच्या प्रवासात छोटी तुळजा आपल्या पाठीशी खंबीरपणे उभ्या राहणाऱ्या भावाला जगातील सर्वात मौल्यवान आणि पवित्र भेट देणार आहे. हा भावूक आणि रोमहर्षक क्षण आई तुळजाभवानीच्या प्रेक्षकांसाठी विशेष अनुभूती ठरणार आहे.

रक्षाबंधन स्पेशल

जगभरात २८ ऑगस्टला रक्षाबंधनाचा हा पवित्र सण साजरा केला जाणार आहे. मालिकांमध्येही या निमित्ताने वेगवेगळ्या कथा पहायला मिळतात. आई तुळजाभवानी मालिका ही प्रेक्षकांची अत्यंत जिव्हाळ्याची मालिका आहे. सध्या चालू असणाऱ्या चातुर्मास पर्वात लहानपणीचे आईचे रूप दाखविण्यात येत असल्याने प्रेक्षकांना अधिक खिळवून ठेवले आहे आणि आता नक्की कोणती भेट आई तुळजाभवानी आपल्या भावाला देणार याची उत्सुकताही ताणली गेली आहे.

Aai Tuljabhavani Marathi Serial : आई तुळजाभवानीचा अलौकिक विवाह सोहळा ; अनोख्या केळवणाची उत्सुकता शिगेला

Dwidha Marathi Movie : ‘द्विधा’ चित्रपटातून उलगडणार भाऊ-बहिणीच्या नात्यातील खास बॉन्डिंग ;’आदि-श्रावणी’ची केमिस्ट्री चर्चेत

Ankita Karangutkar — Wed, 26 Aug 2026 18:15:51 +05:30

‘द्विधा’ चित्रपटातून उलगडणार नातं

भाऊ-बहिणीच्या नात्यातील खास बॉन्डिंग

‘आदि-श्रावणी’ची केमिस्ट्री चर्चेत

Dwidha Marathi Movie : भांडणं, मस्ती, एकमेकांची खेचणं आणि गरजेच्या वेळी खंबीर साथ… भाऊ-बहिणीचं नातं हे नेहमीच खूप खास असतं. लहानपणापासून हा बॉन्ड नेहमी खास असतो. रोजचा दंगा, खट्ट्याळपणा, एकमेकांसोबत भांडण आणि प्रसंगी एकमेकांसाठी ढाल बनून उभं राहणं… या नात्यात जेवढा हट्टीपणा असोत तितकीच त्याला भावनिक जोडही असते. रक्षाबंधनाच्या या पवित्र आणि सणाच्या काळात भाऊ-बहिणीच्या याच हळव्या आणि सुरेख नात्याचा जपणारा आणि त्यातील खट्ट्याळपणा उलगडणारा ‘द्विधा’ हा मराठी चित्रपट प्रेक्षकांच्या लवकरच भेटीला येणार आहे. ( Dwidha Marathi Movie )
Zee 5 ने Jio Studios अन् Golden Ratio Films च्या ‘घमासान’ चा ट्रेलर केला प्रदर्शित; प्रतीक गांधी-अर्शद वारसी मुख्य भूमिकेत

चित्रपटाच्या माध्यमातून उलगडणार

चित्रपटामध्ये अभिनेता निमिष कुलकर्णी अभिनेत्री मानसी कुलकर्णी मुख्य भूमिकेत असणार आहेत. निमिष हा ‘आदित्य’ आणि मानसी ‘श्रावणी’ ही व्यक्तिरेखा साकारली आहे. कथानकात दोघेही आत्येभाऊ-बहिणीच्या भूमिकेत पाहायला मिळणार आहेत. लहानपणापासून एकत्र वाढलेल्या या दोघांमधील जिव्हाळा, आपुलकीचं नातं, विश्वासाचे धागे आणि आठवणींची प्रसंग चित्रपटाच्या माध्यमातून उलगडणार आहे. त्यांच्यातील गोड खट्याळ नातं प्रेक्षकांना आपलंस करणार एवढं नक्की. त्यांचा संवाद, मजेशीर नोकझोक आणि संकटाच्या वेळी एकमेकांना मिळणारी खंबीर साथ थेट प्रेक्षकांच्या हृदयाला भिडणारी ठरणार आहे.

ऑन-ऑफस्क्रीन केमिस्ट्री

पडद्यावर दिसणारी ही केमिस्ट्री फक्त पडद्यापुरती मर्यादित राहिलेली नाही तर या दोन्ही कलाकारांनी ऑफस्क्रीनही तितकाच दंगा केलेला आहे. त्यांच्यातील हा सहज संवाद आणि मित्रत्वाचे नातं प्रेक्षकांना म्हणून आपलंस करणार आहे. त्यामुळे चित्रपटातील बरेच प्रसंग यातून अधिक जिवंत होणार आहेत.

कधी होणार प्रदर्शित

कौटुंबिक नात्यांमधील प्रेम, गोड आठवणी आणि भावनांची सुंदर गुंफण अनुभवण्यासाठी प्रेक्षकांना फार वाट पाहावी लागणार नाही. हा ‘द्विधा’ चित्रपट येत्या ४ सप्टेंबर रोजी चित्रपटगृहांमध्ये प्रदर्शित होत आहे. या रक्षाबंधनाला आपल्या लाडक्या भावंडांसोबत ‘आदि आणि श्रावणी’ची हा चित्रपट बघायला मिळणार आहे. त्यामुळे संपूर्ण कुटुंबाला घेऊन हा चित्रपट बघायला जाण्याची मज्जाच काही वेगळी असणार आहे. खास रक्षाबंधनाच्या काळात हा चित्रपट प्रदर्शित होणार असल्याने बहिण भावाचं नात उलघडण्यासाठी जा तुम्हाला तुमच्या नात्याची आठवण नक्की येईल.

Abhishek Bachchan ETPL: अभिषेक बच्चनने केला European T20 Premier League चा श्रीगणेशा; मैदानावरून शेअर केला खास फोटो

Sony Marathi: ‘कोण होणार करोडपती’ मध्ये येण्यामागचं कारण ‘धकधक गर्ल’ माधुरी दीक्षितने केलं स्पष्ट

दिपाली नाफडे — Wed, 26 Aug 2026 15:06:39 +05:30

माधुरी दीक्षित पहिल्यांदाच मराठी रियालिटी शो मध्ये

सोनी मराठीवर करणार कोण होणार करोडपतीचं सूत्रसंचालन

नक्की काय आहे कारण, माधुरीने केला खुलासा

Sony Marathi: भारतीय सिनेसृष्टीतील लोकप्रिय अभिनेत्रींपैकी एक असलेली माधुरी दीक्षित जेव्हा हॉटसीटवर स्पर्धक म्हणून नव्हे, तर सूत्रसंचालक म्हणून विराजमान होते, तेव्हा उत्सुकता निर्माण होणं साहजिकच आहे आणि याच उत्सुकतेचं उत्तर आहे ‘कोण होणार करोडपती’! या लोकप्रिय प्रश्नमंजुषा कार्यक्रमाच्या सूत्रसंचालकपदी माधुरी दीक्षितची निवड झाल्याची घोषणा झाल्यापासूनच प्रेक्षकांमध्ये कमालीची उत्सुकता पाहायला मिळत आहे. सोशल मीडियावरही तिच्या या नव्या भूमिकेची जोरदार चर्चा रंगली आहे. ‘कोण होणार करोडपती’मध्ये सहभागी होण्याची संधी मिळवण्यासाठी Sony LIV ॲप किंवा WhatsApp द्वारे +91 85919 75331 वर नोंदणी सुरू झाली आहे.
Kon Honar Crorepati: ‘कोण होणार करोडपती’मध्ये मोठा बदल; बॉलिवूडची मराठमोळी अभिनेत्री सांभाळणार सूत्रसंचालनाची धुरा, प्रोमो व्हायरल

माधुरी दीक्षित नव्या अवतारात

नोंदणी सुरू झाल्यामुळे माधुरी दीक्षितला एका नव्या अंदाजात पाहण्याची प्रेक्षकांची प्रतीक्षाही आता सुरू झाली आहे. मात्र, माधुरीसाठी ‘कोण होणार करोडपती’चा भाग होण्यामागचं कारण केवळ हा खेळ नाही, तर या खेळाशी जोडलेली माणसं, त्यांच्या कथा आणि त्यांची स्वप्नं आहेत. याबद्दल सांगताना माधुरी म्हणते, “मला सगळ्यात जास्त उत्सुकता होती ती स्पर्धकांच्या कथा आणि त्यांच्या स्वप्नांमधून त्यांच्याशी जोडून घेण्याची. ‘कोण होणार करोडपती’ हा केवळ प्रश्नांची उत्तरं देऊन पैसे जिंकण्याचा कार्यक्रम नाही, तर स्वतःच्या स्वप्नांवर विश्वास ठेवण्याचा, आत्मविश्वासाने पुढे जाण्याचा आणि स्वप्नं पाहण्याचं धाडस करण्याचा एक अनुभव आहे.”

Madhuri Dixit : माधुरी झाली ‘कोण होणार करोडपती’ची होस्ट; पोस्टर पाहताच पती श्रीराम नेनेंची मोजक्या शब्दांत प्रतिक्रिया, म्हणाले…

माधुरीसाठी वेगळी संधी

अनेक दशकांपासून अभिनेत्री, नृत्यांगना आणि परफॉर्मर म्हणून आपल्या अभिनयाने आणि नृत्याने प्रेक्षकांना भुरळ घालणाऱ्या माधुरी दीक्षितसाठी हा कार्यक्रम प्रेक्षकांशी एका वेगळ्या पद्धतीने जोडून घेण्याची संधी घेऊन आला आहे.

या नव्या भूमिकेबद्दल बोलताना ती पुढे म्हणते, “‘कोण होणार करोडपती’मधून प्रेक्षकांना माझी एक अधिक सहज आणि उत्स्फूर्त बाजू पाहायला मिळेल, असं मला वाटतं. अभिनेत्री म्हणून आपण एका व्यक्तिरेखेत शिरतो; पण इथे मी फक्त स्वतः असणार आहे. माझ्यासमोर बसलेल्या स्पर्धकांशी गप्पा मारता येतील, त्यांच्या कथा ऐकता येतील आणि त्यांना अधिक जवळून जाणून घेता येईल. माझ्यासाठी हा कार्यक्रम केवळ प्रश्न आणि उत्तरांपुरता मर्यादित नाही. प्रत्येक स्पर्धकासोबत जोडलेली त्यांची स्वप्नं, भावना, हास्याचे क्षण आणि अचानक येणारे आश्चर्याचे प्रसंग या सगळ्यामुळे हा अनुभव खास होतो. मला संवाद साधायला आवडतं, त्यामुळे या खऱ्या आणि अनपेक्षित संवादांचा अनुभव घेण्यासाठी आणि स्पर्धकांसोबत तसेच प्रेक्षकांसोबत हे खास क्षण शेअर करण्यासाठी मी खूप उत्सुक आहे.”

माधुरी दीक्षितच्या सूत्रसंचालनाने ‘कोण होणार करोडपती’मधील प्रत्येक क्षण, प्रत्येक कथा आणि प्रत्येक स्वप्न एका सुंदर उत्सवात रूपांतरित होण्यासाठी नक्कीच सज्ज आहे. लवकरच फक्त सोनी मराठी आणि Sony LIV वर हा कार्यक्रम प्रेक्षकांना पाहता येणार आहे.

Marathi Serial: शांभवीचा डाव उलटणार? अनिकेत-छवीच्या घरवापसीने ‘मी जिंकून घेईन सारं’मध्ये मोठा ट्विस्ट

अमृता यादव — Wed, 26 Aug 2026 13:10:23 +05:30

Marathi Serial: कलर्स मराठीवरील लोकप्रिय मालिका ‘मी जिंकून घेईन सारं’ सध्या रंजक वळणावर पोहोचली आहे. अनिकेत आणि छवीच्या आयुष्यात एकीकडे प्रेमाचे क्षण फुलत असताना दुसरीकडे शांभवीचे कटकारस्थान सुरूच आहे. मात्र, आता अनिकेत आणि छवीच्या घरवापसीने शांभवीसमोर नवे आव्हान उभे राहणार आहे.

बाईआजी अनिकेत आणि छवीच्या पाठीशी ठामपणे उभ्या राहिल्याने दोघांनाही मोठा आधार मिळाला आहे. बाईआजींनी त्यांची बाजू घेतल्याने शांभवीच्या मनातील संताप आणखी वाढला आहे. अनिकेत आणि छवी पुन्हा राजगुरूंच्या घरात प्रवेश करणार असल्याने घरातील नात्यांचे आणि सत्तासमीकरणाचे चित्र बदलणार आहे.

शांभवीचे कटकारस्थान सुरूच

अनिकेत आणि छवी घराबाहेर असताना शांभवीने आपले डावपेच सुरू ठेवले आहेत. बाईआजींना त्रास देण्यापासून ते कियाराच्या खोट्या दुःखाचा फायदा घेण्यापर्यंत ती विविध प्रकारे आपले मनसुबे साध्य करण्याचा प्रयत्न करत आहे.

राजगुरू कंपनीच्या अकाउंट्सवर लक्ष ठेवून बाईआजींच्या नातवांना एकामागून एक घराबाहेर काढण्याचा तिचा डाव आहे. अनिकेतनंतर आता कियारालाही लक्ष्य करण्याचा विचार तिने कामिनीजवळ व्यक्त केला आहे. एवढेच नव्हे तर अनिकेतच्या दुखापतीचा फायदा घेत वत्सलाला छवीविरोधात भडकवण्याचा प्रयत्नही शांभवी करत आहे.

Toxic Movie Review: यशचा दमदार डबल रोल अन् खिळवून ठेवणारा सस्पेन्स, कसा आहे ‘टॉक्सिक’?

अनिकेत-छवीच्या हाती लागणार शांभवीचं गुपित?

दरम्यान, अनिकेतने राजनाथच्या फोनचे लोकेशन ट्रॅक केले आहे. या शोधमोहिमेदरम्यान अनिकेत आणि छवीला शांभवीच्या भूतकाळाशी संबंधित काही महत्त्वाचे धागेदोरे मिळण्याची शक्यता आहे. तिच्या काळ्या भूतकाळाचा भक्कम पुरावा त्यांच्या हाती लागल्यास शांभवीसाठी परिस्थिती आणखी कठीण होणार आहे.

या सगळ्या तपासादरम्यान अनिकेत आणि छवीमध्ये प्रेमाचे क्षणही पाहायला मिळणार आहेत. पावसातली सायकल राईड, चहा आणि भुट्ट्याच्या निमित्ताने दोघांच्या नात्यातील जवळीक वाढताना दिसणार आहे.

शांभवीचा डाव तिच्यावरच उलटणार?

शांभवी कियाराला आपल्या जाळ्यात ओढून राजगुरूंचे साम्राज्य उद्ध्वस्त करण्याचे स्वप्न पाहत आहे. मात्र, अनिकेत आणि छवी आता तिचे खरे रूप बाईआजींसमोर आणण्यासाठी सज्ज झाले आहेत. त्यातच शकुंतलाची सुटका आणि शांभवीच्या गुन्हेगारी पार्श्वभूमीचा पर्दाफाश करण्याचा निर्धार त्यांनी केला आहे.

आता अनिकेत-छवीच्या हाती लागलेला पुरावा शांभवीच्या संपूर्ण खेळाचा पर्दाफाश करणार का? की परिस्थिती हाताबाहेर जात असल्याचे लक्षात येताच शांभवी आणखी मोठा डाव खेळणार? हे पाहणे उत्सुकतेचे ठरणार आहे.

Kuku Kohli Died: वयाच्या ७७ व्या वर्षी घेतला अखेरचा श्वास, कशी झाली होती अरूणा इराणींबरोबर भेट; Love Story जन्मभर दिली साथ

Exclusive: मीराची सुट्टी अन् गौतमची एंट्री! ‘प्रेमाला कंडिशन्स अप्लाय’मध्ये ऑफिसच्या समीकरणांना लागणार नवं वळण

अमृता यादव — Wed, 26 Aug 2026 15:53:37 +05:30

Premala Conditions Apply: Zee 5 वरील ‘प्रेमाला कंडिशन्स अप्लाय’ ही मालिका सध्या आधुनिक नातेसंबंध, कॉर्पोरेट जीवनशैली आणि आजच्या पिढीच्या अपेक्षांची रंजक मांडणी करत प्रेक्षकांच्या पसंतीस उतरत आहे. मालिकेत आता एक मोठा ट्विस्ट पाहायला मिळणार आहे. ऑफिसची बॉस ‘मीरा’ प्रसूती रजेवर (मॅटर्निटी लीव्ह) जात असून तिच्या जागी ‘गौतम’ची नवी एन्ट्री होत आहे. या बदलाच्या पार्श्वभूमीवर मीरा आणि गौतम यांनी आपल्या भूमिका, ऑफिसचे वातावरण आणि आजच्या पिढीतील नात्यांवर ‘नवराष्ट्र’शी मनमोकळा आणि Exclusive संवाद साधला.

‘मीरा’चे मातृत्व, करिअर अन् बॉसची भूमिका

प्रसूती रजेवर जाण्याविषयी बोलताना मीराने स्पष्ट केले की, ती फक्त काही काळासाठी रजेवर जात असून नोकरी सोडत नाही. शहरी भागातील महिलांसाठी मातृत्व आणि करिअर या दोन्ही गोष्टी समान महत्त्वाच्या आहेत. त्यामुळे प्रसूती रजेनंतर ती पुन्हा कामावर रुजू होणार आहे.

बॉस म्हणून स्वतःच्या स्वभावाबद्दल सांगताना ती म्हणाली की, ती कामाच्या ठिकाणी कडक असली तरी सहकाऱ्यांच्या बाबतीत अत्यंत संवेदनशील आहे. ऋषी आणि अनन्या या ज्युनिअर्सनी आपली नोकरी गमावू नये आणि त्यांची काळजी घेतली जावी, म्हणूनच ती शिस्त पाळते. तिच्या मनात कोणताही छुपा हेतू नसून ती केवळ कामाला प्राधान्य देते. ओटीटी आणि आधुनिक वातावरणामुळे घर आणि नोकरीचा समतोल साधणे सोपे झाले आहे.

Aai Tuljabhavani Serial: ‘आई तुळजाभवानी’मध्ये नवं वळण! बालतुळजा आणि हरीची पहिली भेट; बहीण-भावाच्या नात्याची रंगणार दिव्य लीला

‘गौतम’चा परफेक्शनिस्ट स्वभाव अन् नवी एन्ट्री

मीरा रजेवर गेल्यानंतर गौतम या नव्या पात्राचा शोमध्ये प्रवेश होतो. या भूमिकेबद्दल गौतमने सांगितले की, ट्रेलर पाहिल्यानंतर आणि टीमशी चर्चा केल्यानंतर त्याला या मालिकेचा भाग होण्याची इच्छा झाली.

गौतम ही एक अत्यंत परफेक्शनिस्ट आणि शिस्तबद्ध व्यक्तिरेखा आहे. कपड्यांची घडी असो किंवा बोलण्याची पद्धत, गौतम प्रत्येक गोष्टीत परफेक्ट. सर्वात महत्त्वाचे म्हणजे, स्वतःची चूक कधीच मान्य न करणारा आणि कधीही ‘सॉरी’ न म्हणणारा असा त्याचा स्वभाव आहे. तो ऑफिसमधील सहकाऱ्यांना बदलण्यासाठी आणि त्यांची जागा दाखवण्यासाठी आला आहे, स्वतः बदलण्यासाठी नाही.

Tujhya Aaila Teaser: ‘शिवी नाय, खेळाचं नाव हाय ते!’ सुजय डहाके यांच्या ‘तुझ्या आयला’चा टीझर रिलीज; ‘या’ दिवशी होणार प्रदर्शित

‘नो डेटिंग’ नियम अन् नात्यांमधील भावना

ऑफिसमधील ‘नो डेटिंग’ नियमांबद्दल गौतमने आपले मत मांडले. ऑफिसमध्ये शिस्त राखण्यासाठी नियम बनवले जातात; परंतु माणसांमधील आकर्षण आणि प्रेम नियमांनी रोखता येत नाही. ५० वर्षांपूर्वी लोक प्रेमासाठी नियम मोडायचे आणि आजही मोडावे लागतात. काळ बदलला तरी प्रेम, सहचर्य आणि नात्यांमधील मूळ मानवी भावना तीच राहते, असे त्याने स्पष्ट केले.

Aai Tuljabhavani Serial: ‘आई तुळजाभवानी’मध्ये नवं वळण! बालतुळजा आणि हरीची पहिली भेट; बहीण-भावाच्या नात्याची रंगणार दिव्य लीला

अमृता यादव — Tue, 25 Aug 2026 14:45:39 +05:30

Aai Tuljabhavani Serial: कलर्स मराठीवरील लोकप्रिय मालिका ‘आई तुळजाभवानी’मध्ये आता भक्ती, भावनिक क्षण आणि रंजक घडामोडींचा सुंदर संगम पाहायला मिळणार आहे. ब्रह्मास्त्राच्या संकटापासून रक्षण करण्यासाठी देवी तुळजाने बालिकेचे रूप धारण केले आहे. त्याचवेळी वैकुंठात श्रीहरींच्या आनंदाश्रूतून एका तेजस्वी बाळकाचा जन्म झाला असून, त्याचं नाव ‘हरी’ आहे.

आता नियतीच्या संकेताने बालतुळजा आणि हरी यांची महालात पहिली भेट होणार आहे. त्यामुळे मालिकेच्या आगामी भागांमध्ये बहीण-भावाचं हे दैवी नातं प्रेक्षकांना पाहायला मिळणार आहे.

बालतुळजा आणि हरीची गोड खोडी

तुळजा आणि हरी एकत्र आल्यानंतर वाड्यात आनंदाचं वातावरण निर्माण होणार आहे. मात्र, हरीच्या खोडकर लीला बालतुळजेची परीक्षा घेताना दिसतील. दोघांमधील गोड खोड्या, आव्हानं आणि भावंडांमधील नात्याचे खास क्षण आगामी भागांमध्ये पाहायला मिळणार आहेत.

हरी नक्की कोण आहे आणि त्याचा महालात येण्यामागे नेमकं काय कारण आहे, याचा शोध बालतुळजा कसा घेणार, याकडे प्रेक्षकांचं लक्ष लागलं आहे.

Himanshi Khurana On Asim Riyaz: धर्मांतराच्या वादावरून असीम-हिमांशी आमनेसामने, ‘CCTV, रेकॉर्डिंग’चा उल्लेख करत अभिनेत्रीचा पलटवार

सखूच्या भक्तीने चेलप्पाचा डाव उधळला

दरम्यान, मालिकेत पाताळदेवीच्या आज्ञेने चेलप्पा आत्याचं रूप घेऊन देवीभक्त सखूला मानसिक त्रास देत आहे. मात्र, बालतुळजेने नागपंचमीची कथा सांगून सखूच्या मनात भक्ती आणि विश्वासाची नवी ज्योत निर्माण केली.

सखूच्या खऱ्या भक्तीने प्रसन्न होऊन नागराजांनी तिला साक्षात दर्शन दिलं. त्यामुळे चेलप्पाची मायावी शक्ती काही काळासाठी क्षीण झाली आहे.

Kangana Ranaut Abhijeet English: १२वी पास कंगना की अमेरिकेतून परतलेला अभिजीत दिपके? कोणाची इंग्रजी भारी? अभिनेत्रीने दिला पुरावा

ब्रह्मास्त्रही बालतुळजेपुढे निष्प्रभ

दुसरीकडे, शुंभाने सोडलेलं ब्रह्मास्त्र बालिकेच्या रूपातील तुळजेवर निष्प्रभ ठरलं आहे. त्यामुळे शुंभाचा डाव फसला. आता तुळजा आणि हरीच्या भेटीमुळे मालिकेच्या कथानकाला नवं वळण मिळणार आहे.

बालतुळजा आणि बाळ हरी यांच्या आगमनाने ‘आई तुळजाभवानी’मध्ये भक्ती आणि मनोरंजनाचा अनोखा संगम पाहायला मिळणार आहे.

Tarini Serial: ‘तारिणी’ने रचला नवा इतिहास! अटारी-वाघा बॉर्डरवर शूटिंग करणारी ठरली पहिली मराठी मालिका

अमृता यादव — Mon, 24 Aug 2026 14:30:43 +05:30

‘ऑपरेशन तिरंगा’साठी ‘तारिणी’ थेट अटारी-वाघा बॉर्डरवर

शूटिंगचा शिवानी सोनारचा अनुभव चर्चेत

देशसेवेची भावना पडद्यावर साकारताना शिवानी सोनार भावुक

Tarini Serial: ‘झी मराठी’वरील लोकप्रिय मालिका ‘तारिणी’ दमदार कथानकामुळे प्रेक्षकांचे लक्ष वेधून घेत आहेत. सध्या देशाची सुरक्षा, गुप्त मोहिम आणि कर्तव्याला सर्वाधिक प्राधान्य देणारी ‘तारिणी’ मालिका सध्या एका महत्त्वाच्या मिशनवर पोहोचली आहे. आतापर्यंत अनेक गुंतागुंतीच्या प्रकरणांचा तपास करून सत्य समोर आणणाऱ्या तारिणीसमोर आता देशाच्या सुरक्षेशी संबंधित मोठं आव्हान उभं राहिलं आहे. ‘ऑपरेशन तिरंगा’ या विशेष मोहिमेसाठी तारिणी अमृतसरला पोहोचली असून, या कथानकाच्या निमित्ताने मालिकेने भारत-पाकिस्तान सीमा असलेल्या अटारी-वाघा बॉर्डरवर शूटिंग करत एक विशेष टप्पा गाठला आहे.
Tarini Serial: देशाच्या सुरक्षेसाठी जीव धोक्यात घालणार ‘तारिणी’; अमृतसरमध्ये रंगणार गुप्त मोहिमेचा थरार

‘ऑपरेशन तिरंगा’साठी तारिणीची नवी ओळख

एका गूढ संदेशापासून तारिणीच्या नव्या मोहिमेला सुरुवात होते. अमृतसरमध्ये पोहोचल्यानंतर तिचा संपर्क बीएसएफच्या वरिष्ठ अधिकाऱ्यांशी येतो. भारताविरोधात रचल्या जात असलेल्या एका मोठ्या कटाची माहिती तारिणीला मिळते. या कटामध्ये शत्रू देशातील काही महिलांचा सहभाग असल्याचा संशय व्यक्त केला जातो.

या कटाचा छडा लावण्यासाठी तारिणीला आपली खरी ओळख लपवून काम करावं लागणार आहे. तपासादरम्यान मिळालेल्या माहितीच्या आधारे ती संशयित सलमापर्यंत पोहोचते. या प्रकरणामागचं महत्त्वाचं रहस्य समोर आल्यानंतर तिच्यासमोर मिशनमधील सर्वात मोठं आव्हान उभं राहतं.

देशाच्या सुरक्षेसाठी तारिणीला स्वतःची ओळख बाजूला ठेवून ‘सलमा’ ही नवी ओळख स्वीकारावी लागणार आहे. प्रत्येक पाऊल धोक्याचं असलेल्या या मोहिमेत कोणत्याही क्षणी तिची खरी ओळख उघड होण्याची शक्यता आहे.

Kamli-Tarini Serial: ‘कमळी’ आणि ‘तारिणी’मध्ये रंगणार अन्यायाविरुद्धची लढाई; नायिकांसमोर उभी राहणार नवी आव्हानं

शिवानी सोनार म्हणाली, “हा अनुभव आयुष्यभर विसरणार नाही”

तारिणीची भूमिका साकारणारी अभिनेत्री शिवानी सोनार हिने अटारी-वाघा बॉर्डरवरील शूटिंगचा अनुभव शेअर केला. ती म्हणाली, “तारिणीने मला आजवर खूप काही दिलं आहे आणि अटारी-वाघा बॉर्डरवर शूट करण्याचा हा अनुभव मी आयुष्यभर विसरणार नाही.”

शूटिंगदरम्यान आपली भेट कल्याणी नावाच्या एका तरुण बीएसएफ अधिकाऱ्याशी झाल्याचंही शिवानीने सांगितलं. कल्याणीला तिची भूमिका आणि ‘तारिणी’ मालिका आवडत असल्याचं तिने सांगितलं. या भेटीचा क्षण आपल्यासाठी खूप भावनिक असल्याचं शिवानीने नमूद केलं.

“आपल्या कामातून देशासाठी काहीतरी योगदान देऊ शकतो, अशी इच्छा माझ्या मनात नेहमीच होती. पण माझ्या कामामुळे ते शक्य होईल का, याची मला कल्पना नव्हती. ‘तारिणी’मुळे मला ही संधी मिळाली, यासाठी मी मनापासून कृतज्ञ आहे,” असं शिवानी म्हणाली.

‘तारिणी’च्या संपूर्ण टीमचे मानले आभार

शिवानीने तिला ही भूमिका दिल्याबद्दल देवाचे आणि संपूर्ण टीमचे आभार मानले. ‘झी मराठी’, एरिकॉन टीम, शर्मिष्ठा राऊत, तेजस देसाई, भीमराव मुडे, पीयूष, लेखक आणि विशेषतः प्रल्हाद कुडतरकर यांचेही तिने आभार व्यक्त केले.

“त्यांनी माझ्यावर विश्वास ठेवला आणि तारिणीची ही भूमिका मला साकारण्याची संधी दिली. भारत-पाकिस्तान सीमा अटारी-वाघा बॉर्डरवरचा प्रत्येक क्षण माझ्यासाठी कायमच खास राहील,” असं शिवानीने सांगितलं.

तारिणीसमोर आता कोणतं आव्हान?

‘ऑपरेशन तिरंगा’च्या माध्यमातून देशाला सुरक्षित ठेवण्याची मोठी जबाबदारी आता तारिणीसमोर आहे. या धोकादायक मोहिमेत तिची खरी ओळख गुप्त राहणार का? तारिणीला या मिशनमध्ये कोणाची साथ मिळणार? आणि भारताविरोधातील कटाचा ती कसा पर्दाफाश करणार? या प्रश्नांची उत्तरं आगामी भागांमध्ये उलगडणार आहेत.

‘ऑपरेशन तिरंगा’चे विशेष भाग सोमवार ते शुक्रवार रात्री ९.३० वाजता ‘झी मराठी’वर पाहता येतील.

Tejaswini Lonari: लेकाच्या आगमनानंतर तेजस्विनी लोणारीची पहिली पोस्ट चर्चेत; समाधानसोबतच्या खास आठवणी शेअर करत म्हणाली…

अमृता यादव — Mon, 24 Aug 2026 11:48:58 +05:30

Tejaswini Lonari: मराठी अभिनेत्री तेजस्विनी लोणारी आणि तिचे पती समाधान सरवणकर नुकतेच आई-बाबा झाले आहेत. २२ ऑगस्ट रोजी तेजस्विनीने एका गोंडस मुलाला जन्म दिला. हि आनंदाची बातमी समोर आल्यानंतर चाहत्यांकडून तेजस्विनी आणि समाधानवर शुभेच्छांचा वर्षाव होत आहे. आता आई झाल्यानंतर तेजस्विनीने सोशल मीडियावर पहिली पोस्ट शेअर केली आहे.

तेजस्विनीने या पोस्टमध्ये तिच्या आणि समाधानच्या आयुष्यातील बाळाच्या आगमनापूर्वीचे काही खास क्षण शेअर केले आहेत. या फोटोंमधून त्यांच्या प्रेमळ आठवणींची झलक पाहायला मिळते. त्यासोबतच अभिनेत्रीने या खास प्रवासाबद्दल आपल्या भावना व्यक्त केल्या आहेत.

“फक्त आम्ही दोघंच…”

ही पोस्ट शेअर करत तेजस्विनीने लिहिलं, “फक्त आम्ही दोघंच… आणि आमच्या दोघांच्या मध्ये वाढत होती एका छोट्याशा, पण खूप मोठ्या प्रेमकहाणीची सुरुवात. आमचा हा खास दिवस… आमचा प्रवास, आमचं प्रेम, आमची कुटुंबं आणि आमचं आयुष्य आणखी सुंदर बनवण्यासाठी येणारं ते छोटंसं जीव… या सगळ्याचा आनंद साजरा करणारा.”

तिने पुढे लिहिलं, “आता हे फोटो पाहताना हा क्षण आणखी खास वाटतोय… कारण त्यावेळी आम्ही फक्त दोघंच होतो. आम्ही लवकरच भेटणार असलेल्या आमच्या छोट्या मुलाची स्वप्नं पाहत होतो. मात्र, त्याच्या येण्याने आमच्या मनात प्रेम किती वाढणार आहे, याची आम्हाला अजिबात कल्पना नव्हती.”

View this post on Instagram

Aasha Singh Jaiswal Passes Away: मनोरंजनसृष्टीवर शोककळा; ९०च्या दशकातील प्रसिद्ध अभिनेत्री आशा सिंह जायसवाल काळाच्या पडद्याआड

“दोघांपासून तिघांपर्यंतचा हा प्रवास…”

तेजस्विनीने आपल्या पोस्टच्या शेवटी या नव्या नात्याबद्दल भावना व्यक्त करत म्हटलं, “दोघांपासून तिघांपर्यंतचा हा प्रवास… आमच्या आयुष्यातील सर्वात सुंदर अध्याय आहे.” तिची ही भावुक पोस्ट सध्या सोशल मीडियावर चर्चेत आहे. चाहत्यांसह अनेक कलाकारांकडूनही या नव्या पालकांना शुभेच्छा दिल्या जात आहेत.

तेजस्विनी आणि समाधान यांच्या आयुष्यात चिमुकल्या पाहुण्याचं आगमन झाल्याने त्यांच्या कुटुंबात आनंदाचं वातावरण आहे. अभिनेत्रीने शेअर केलेल्या या खास आठवणींमधून त्यांच्या आयुष्यातील हा सुंदर बदल किती खास आहे, याचीच झलक पाहायला मिळते.

Miss Universe India 2026: १९ वर्षीय काझिया लिझ मेजो ठरली ‘मिस युनिव्हर्स इंडिया’; टॉप-५मध्ये महाराष्ट्रासह या राज्यांच्या सुंदरी

Avadhoot Gupte: अवधूत गुप्तेंची ‘सारेगमप’मध्ये दमदार कमबॅक! नव्या पिढीच्या सुरांचा घेणार वेध

Riddhi Vanne — Sat, 22 Aug 2026 16:39:03 +05:30

अवधूत गुप्तेंचं ‘सारेगमप’मध्ये परीक्षक म्हणून पुनरागमन

नव्या पिढीतील आवाज आणि संगीतशैलीवर विशेष भर

सोशल मीडियामुळे बदललेल्या संगीतविश्वावर अवधूत गुप्तेंची भूमिका

Avadhoot Gupte: मराठी संगीतविश्वातील लोकप्रिय गायक, संगीतकार आणि परीक्षक अवधूत गुप्ते पुन्हा एकदा ‘सारेगमप’च्या मंचावर परीक्षकाच्या भूमिकेत परतले आहेत. अनेक वर्षांपासून प्रेक्षकांच्या मनात स्थान निर्माण केलेल्या ‘सारेगमप’च्या या नव्या पर्वात नव्या पिढीचे नवे आवाज, त्यांची संगीताकडे पाहण्याची बदललेली दृष्टी आणि सोशल मीडियामुळे बदललेलं संगीतविश्व पाहायला मिळणार आहे. यानिमित्ताने त्यांनी नव्या पिढीचं संगीत, सोशल मीडियाचा प्रभाव, स्पर्धकांचं मार्गदर्शन आणि त्यांच्या संगीतप्रवासाबद्दल मनमोकळेपणाने संवाद साधला.
१. ‘सारेगमप’ हा अनेक वर्षांपासून प्रेक्षकांचा आवडता संगीत रिअॅलिटी शो आहे. या नव्या पर्वात प्रेक्षकांना काय नवीन आणि खास पाहायला मिळणार आहे?

‘सारेगमप’मध्ये खूप काही नवीन आणि खास पाहायला मिळणार आहे. नवीन टॅलेंट, नवीन चेहरे, नवीन आवाज आणि नावीन्य असलेली नवी पिढीच पाहायला मिळेल, असं म्हणायला हरकत नाही. आताची पिढी खूप स्मार्ट आहे. त्यांचं जीवनमान त्यांच्या पद्धतीने बदललं आहे. ही पिढी खूप फास्ट आहे. नव्या पिढीचं संगीत आत्मसात करण्याचं माध्यम, संगीत उपभोगण्याचं माध्यमही बदललं आहे. आता सोशल मीडिया आणि इतर माध्यमांमधून नव्या पिढीला गाणी मिळत असतात आणि ती त्यांना आकर्षित करत असतात. अशा पिढीचं गाणं आपण यावेळेस ‘सारेगमप’ मध्ये ऐकणार आहोत. त्यांना समजून घेण्याचा प्रयत्न करणार आहोत आणि हेच या सीझनचं सगळ्यात मोठं नावीन्य असेल, असं मला वाटतं.

२. अनेक वर्षांत तुम्ही अनेक नवोदित गायकांचा प्रवास जवळून पाहिला आहे. आजच्या स्पर्धकांमध्ये तुम्हाला कोणता वेगळेपणा जाणवतो?

अनेक वर्षांचा अनुभव असला तरी माझ्यासाठी गाणं म्हणजे संगीताचे जे सात सूर आणि ताल आहेत, जे कधीच बदलत नाहीत. मात्र त्यामागचा भाव बदलत असतो. हा बदलणारा भाव सध्याच्या समाजाचं प्रतिबिंब दाखवत असतो. आजची जी पिढी आहे ती आधीच्या पिढीपेक्षा खूप वेगळी आहे एकदम स्पष्ट मतांची, स्पष्टवक्ती . ज्याला नमस्कार करावासा वाटतो, त्यालाच ही पिढी नमस्कार करते. हल्लीची पिढी खूप विचार करते. समोरच्या माणसाच्या पात्रतेप्रमाणे वागते.

३. आज सोशल मीडियामुळे गायकांना स्वतःची ओळख निर्माण करणं सोपं झालं आहे. अशा काळात ‘सारेगमप’सारख्या व्यासपीठाचं महत्त्व काय आहे, असं तुम्हाला वाटतं?

‘सारेगमप’ची संपूर्ण टीम शिक्षणापेक्षा संस्कार देण्याचा जास्त प्रयत्न करत असते. म्हणायचं झालं तर सगळंच आज इंटरनेटवर अगदी सहज उपलब्ध आहे. गाण्यातील राग म्हणा, यमन म्हणा, त्यासाठी आता ऑनलाइन बरीच माहिती उपलब्ध आहे. फुकट नऊ-दहा लोक तुम्हाला एका युट्युब सर्चच्या माध्यमातून शिकवताना दिसतात. पण परीक्षक म्हणून आमचं काम नुसतं गाण्याचं शिक्षण देणं नाही, तर त्याचे संस्कार स्पर्धकाला देणं हे आहे. मी ठामपणे म्हणेन, नुसतं शिक्षणापेक्षा संस्कार देणं हे कायम ‘सारेगमप’ने केलं आहे. हे संस्कार सध्याच्या सोशल मीडियाच्या जमान्यात तर फार महत्त्वाचे झाले आहे.

कारण आज सोशल मीडियाचा वापर करून एखाद्या चांगल्या गायकाने एखादी चांगली कलाकृती करून सोशल मीडियावर टाकली, तर त्याला किती लाईक्स आले आहेत यावर तो स्वतःची पात्रता ठरवतो, जे अत्यंत चुकीचं मत आहे. कदाचित तो सर्वोत्कृष्ट गायक असेल आणि त्याला प्रोत्साहनाची गरज असेल. पण सोशल मीडियाच्या कमर्शियल गोष्टींमुळे त्याचा टिकाव जरी लागत असेल, तरी त्याला थांबवून सांगणं महत्त्वाचं आहे की सोशल मीडिया हा निकष नाही.

या उलट जो एखादा गायक वेगवेगळे गिमिक्स करून सोशल मीडियावर प्रसिद्ध होतोय, त्याला जास्त लाईक्स मिळत आहेत. पण तो चांगला गायक नसेल, तर अशा गायकाचे मार्क इथे, ‘सारेगमप’च्या मंचावर आरसा दाखवल्यासारखे कमी होणार. त्याच्या गायनात जे सोनं आहे, ते त्याला आपल्या सगळ्यांसमोर चमकवून दाखवावं लागणार. हा मोठा फरक आहे सोशल मीडिया आणि ‘सारेगमप’च्या मंचामध्ये.

४. परीक्षक म्हणून तुम्ही स्पर्धकांना मार्गदर्शन करता. त्यांना गुण देताना आणि सल्ला देताना तुम्ही कोणत्या गोष्टींना सर्वाधिक महत्त्व देता?

परीक्षक म्हणून माझा निकष कधीच बदलणार नाही. पहिलं म्हणजे सूर आणि ताल, दुसरं म्हणजे काव्याची जाण, शब्दांचा अर्थ समजून घेतला आहे की नाही याची परीक्षा आणि त्यामुळे येणारी भावुकता. या चार गोष्टी सगळ्यात जास्त महत्त्वाच्या आहेत. गाणं गातानाच गायकाचं प्रेझेंटेशनही खूप महत्त्वाचं असतं. कारण गाणं प्रस्तुत करताना ते समोरच्याला पण समजावून सांगता आलं पाहिजे. त्याचे भाव हे समोरच्यालाही फील झाले पाहिजेत आणि हे सर्वाधिक महत्त्वाचं आहे.

५. मराठी संगीत सतत बदलत आणि नव्या रूपात पुढे येत आहे. या नव्या पर्वात त्या बदलाचं प्रतिबिंब कसं दिसेल, असं तुम्हाला वाटतं?

आम्ही परीक्षक म्हणून जुन्या आणि नव्याचा एक मिलाप करण्याचा प्रयत्न करत आहोत. स्पर्धकांचं खरं संगीत, खरं टॅलेंट हे प्रेक्षकांसमोर आणणं, जे खरोखर टॅलेंटेड आहेत त्यांना प्रोत्साहन देणं हे जरी परीक्षकांचं काम असलं, तरी नव्या माध्यमांसमोर जायला आजच्या पिढीला तयार करणं ही देखील एका परीक्षकाची जबाबदारी आहे, अशा मताचा मी आहे. त्यामुळे माझा फोकस या सीझनला या गोष्टीवरसुद्धा असेल की सोशल मीडिया ला किंवा इतर नवीन माध्यमांना स्पर्धकांनी त्यांचं संगीत कशा प्रकारे मांडायला हवं. त्यासाठी काही मार्गदर्शन करण्याचा आम्ही परीक्षक म्हणून जरूर प्रयत्न करू.

६. प्रत्येक स्पर्धकाची स्वतःची एक गोष्ट आणि संघर्ष असतो. गाण्याइतकाच त्यांचा हा प्रवासही महत्त्वाचा असतो का?

प्रत्येक स्पर्धकाचा नक्कीच एक वेगळा संघर्ष असतो आणि गाण्याइतकाच त्याच्या जीवनाचा प्रवासही अतिशय महत्त्वाचा असतो. प्रत्येक गायकाचा, स्पर्धकाचा प्रवास हा प्रेरणादायी असतो. प्रत्येकाची ही जी गोष्ट असते, ती अनेक घरात बसलेल्या गायकांना प्रेरणा देऊन जाते. म्हणून हा प्रवास खूप महत्त्वाचा असतो आणि तो स्पष्ट सांगितला गेला पाहिजे.अर्थात, मधल्या काही काळामध्ये बऱ्याच वाहिन्यांवर अशा प्रसंगांचं इतकं उदात्तीकरण केलं गेलं की ते बऱ्याच घरांमध्ये हास्यास्पद ठरलं. तर अशा गोष्टींचा समतोल सांभाळण्याचा मी नक्कीच प्रयत्न करेन, एक परीक्षक म्हणून.

७. तुमच्या संगीत प्रवासात तुम्ही अनेक चढ-उतार पाहिले आहेत. तुमच्या अनुभवातून आजच्या स्पर्धकांना कोणता महत्त्वाचा सल्ला द्याल?

Tejaswini Lonari: चाहत्यांना गोड सरप्राइज! तेजस्विनी लोणारीच्या घरी आला ‘छोटा पाहुणा’, पोस्टने वेधलं लक्ष

मी सगळ्या स्पर्धकांना त्यांच्या पुढील करिअरसाठी शुभेच्छा देईन, भरभरून आशीर्वाद देईन. सगळ्यांनी आपल्या करिअरमध्ये अतिउच्च शिखर सर करावं. पण सल्ला देण्याबद्दल जर सांगायचं झालं तर एवढंच सांगेन… “वक्त से पहले और नसीब से ज्यादा किसी को नहीं मिलता,” ही म्हण कायम लक्षात ठेवावी. मला मोठा गायक व्हायचंय, मला खूप उंची सर करायचीये, मला खूप पैसे कमवायचेत, मला खूप नाव कमवायचं, असं ठरवून कधीच चालू नये. आपण कायम जे आहोत, त्याच्यापेक्षा एक पाऊल दरवेळेस पुढे जातोय की नाही, एवढाच विचार करावा आणि जे काही मिळेल त्याबद्दल देवाचे आभार मानावेत,

८. या पर्वातून प्रेक्षकांनी आणि संगीताची आवड असलेल्या तरुणांनी कोणती प्रेरणा घ्यावी, असं तुम्हाला वाटतं?

संगीताची आवड असलेल्या तरुणांनी प्रेरणा ही घ्यावी की आपण जर रियाज केला, गाणं शिकलो, गाण्यावर काम केलं, तर आपणही या स्पर्धकांसारखे एक दिवस मोठ्या मंचावरती गायक म्हणून जाऊ शकतो आणि आपलंही करिअर घडू शकतं. त्यांच्यासाठी हा एक चांगला राजमार्ग उपलब्ध आहे, याचा त्यांनी जरूर विचार करावा.यासोबतच मराठी भाषा पुढे जातेय, ही प्रेरणा घेऊन सर्वांनीच आपापलं कार्य चालू ठेवावं. आपल्या नव्या पिढीवर चांगले संस्कार देण्याचं काम सकारात्मकरीत्या, विश्वासाने चालू ठेवावं, अशी प्रेरणा प्रेक्षकांनी घ्यावी, असं मला मनापासून वाटतं.

Salman Khan Gym Fire: सलमानच्या जिममध्ये आगीचा थरार! अग्निशमन दल घटनास्थळी, मोठी अपडेट समोर

‘सारेगमप’च्या या नव्या पर्वातून नव्या पिढीचा आवाज, त्यांची विचार करण्याची पद्धत आणि संगीताकडे पाहण्याची बदललेली दृष्टी प्रेक्षकांसमोर येणार आहे. अवधूत गुप्ते यांच्या अनुभवाची आणि नव्या पिढीला समजून घेण्याच्या दृष्टिकोनाची या प्रवासाला विशेष साथ मिळणार आहे. तेव्हा पाहायला विसरू नका ‘सा रे ग म प’ २२ ऑगस्टपासून शनि – रवि रात्री ९.३० वा. सदैव तुमच्या झी मराठीवर.

Marathi Serial: ‘Mohini – Premachi Filmy Kahaani’मध्ये हाय-व्होल्टेज ड्रामा! प्रतापरावचा सुडबुद्धीचा डाव, मोहिनीवर थेट गोळीबार!

Riddhi Vanne — Fri, 21 Aug 2026 17:30:37 +05:30

‘मोहिनी – प्रेमाची फिल्मी कहाणी’मध्ये मोठा ट्विस्ट.

प्रतापरावकडून मोहिनीवर गोळीबाराचा हल्ला.

RK आणि महेंद्रच्या डोळ्यांसमोर घडली धक्कादायक घटना.

कलर्स मराठीवरील ‘मोहिनी – प्रेमाची फिल्मी कहाणी’ मालिकेत सध्या कथानकाने धक्कादायक वळण घेतले आहे. मोहिनी आणि RK यांच्या नात्यातील तणावाच्या पार्श्वभूमीवर अमरापूरमध्ये मोठे संकट उभे राहिले आहे. प्रतापरावने केलेल्या जीवघेण्या हल्ल्यात मोहिनीवर गोळी झाडली जाते. ही घटना RK आणि महेंद्रच्या डोळ्यांसमोर घडल्याने मालिकेतील तणाव आणखी वाढला आहे. आता मोहिनीचे पुढे काय होणार आणि या हल्ल्यामागे नेमका काय कट आहे, याकडे प्रेक्षकांचे लक्ष लागले आहे.
‘मोहिनी – प्रेमाची फिल्मी कहाणी’ या मालिकेत रंजक वळण

कलर्स मराठीवरील ‘मोहिनी – प्रेमाची फिल्मी कहाणी’ या मालिकेत सध्या अत्यंत थरारक आणि रंजक वळण आले आहे. मोहिनी आणि RK यांच्या नात्यात एकापाठोपाठ एक वादळे येत असतानाच, अमरापूरमध्ये एका भयंकर संकटाने अचानक डोकं वर काढलं आहे. प्रतापरावने केलेल्या जीवघेण्या हल्ल्यात मोहिनीवर थेट गोळी झाडली आहे. Marathi Serial:

RK आणि महेंद्रच्या डोळ्यांसमोर घडलेल्या या घटनेमुळे सर्वांचेच धाबे दणाणले असून मालिकेचे कथानक आता अत्यंत धक्कादायक वळणावर येऊन पोहोचले आहे. मालिकेत पुढे काय घडणार जाणून घेण्यासाठी पहा ‘मोहिनी – प्रेमाची फिल्मी कहाणी’ दररोज संध्याकाळी ७:३५ वाजता फक्त कलर्स मराठीवर.

प्रतापरावचा सुडबुद्धीचा भयानक प्लान

अमरापूरच्या संघर्षात शालिनी, कार्तिकी आणि पिंकीच्या सुटकेच्या प्रयत्नात प्रतापरावचा सुडबुद्धीचा भयानक प्लान समोर आला आणि त्यातूनच मोहिनीवर हा प्राणघातक हल्ला झाला. गोळी लागल्याने मोहिनीची जगण्याची धडपड सुरू झाली असून, आता तिच्या नशिबात नेमकी सातजन्मांची साथ लिहिली आहे की सात महिन्यांतच या संसाराचा शेवट होणार, या प्रश्नाने प्रेक्षकांची उत्सुकता शिगेला पोहोचवली आहे. या भीषण प्रसंगातून मोहिनी सुखरूप बाहेर पडेल का? मोहिनीच्या या अवस्थेनंतर RK मधील चांगुलपणा जागा होऊन तो प्रतापरावविरोधात कोणते मोठे पाऊल उचलणार? पुढे काय वळण घेणार, हे पाहणे औत्सुक्याचे ठरणार आहे.

Ashok Saraf: मराठी चित्रपटसृष्टीचे ‘मामा’ अशोक सराफ यांचा नागपुरात नागरी सत्कार; मुख्यमंत्र्यांनी केला गौरव

मोहिनी ही सात जन्मांची साथ कशी निभावणार?

कथेच्या पाठीमागच्या घटनांचा विचार केल्यास, RK आणि मोहिनीच्या अनपेक्षित लग्नानंतर अनेक नाट्यमय घडामोडी घडल्या आहेत. मालिकेत RK कसा मोहिनीला सात महिन्यांत सोडायला सांगतो आणि मोहिनी ही सात जन्मांची साथ कशी निभावणार? RK तिला कसा त्रास देणार आणि मोहिनी या सगळ्या परिस्थितीला कशी सामोरी जाणार? हे पाहणे प्रेक्षकांसाठी रंजक ठरणार आहे.

Marathi Movie : नोटांचा पाऊस, पैशांच्या मागे धावणारी माणसं अन्..; ‘अफरातफरी’चा मोशन पोस्टर पाहिलात का?

लग्नानंतर मिळालेल्या अपमानांचा आणि RK च्या रागाचा सामना करत मोहिनी कसं घरच्यांचं मन जिंकणार? मोहिनी येत्या भागांमध्ये कोणतं मिशन हाती घेणार आहे? तर दुसरीकडे दीपाच्या कारस्थानांचा पर्दाफाश कसा आणि कधी होणार? हे बघणे उत्सुकतेचे असणार आहे. ‘मोहिनी – प्रेमाची फिल्मी कहाणी’ दररोज संध्याकाळी ७:३५ वाजता फक्त कलर्स मराठीवर