संध्याकाळच्या नाश्त्याला बनवा स्ट्रीट स्टाइल आलू टिक्की, लगेच नोट करा रेसिपी

पावसाच्या दिवसात संध्याकाळचा नाश्ता दिवसाची बोरिंग दिवसालाही इंटरेस्टिंग बनवतो. तुम्हीही संध्याकाळच्या नाश्त्यासाठी एक चविष्ट रेसिपीच्या शोधात असाल तर आजची ही रेसिपी तुमच्यासाठी एक उत्तम पर्याय ठरेल. गरमा गरम चहासोबत हा पदार्थ तुमच्या संध्याकाळची रंगत आणखीन बहारदार बनवेल.

संध्याकाळ झाली की नेहमीच हलकी हलकी भूक लागू लागते. अशा वेळी काय बनवावे ते सुचत नाही. अनेकांना संध्याकाळी नाश्ता करण्याची सवय असते. अशात तुम्हीही जर संध्याकाळच्या नाश्त्यासाठी कोणती चविष्ट आणि चटपटीत रेसिपी शोधत असाल तर आज आम्ही तुमच्यासाठी आलू टिक्कीची एक अप्रतिम रेसिपी घेऊन आलो आहोत. आलू टिक्की हा एक भारतीय स्ट्रीट फूडचा एक प्रकार असून देशाच्या अनेक भागात हा पदार्थ आवडीने खाल्ला जातो.

तुम्ही अनेकदा आलू टिक्की हा पदार्थ स्ट्रीटवर खाल्ला असले मात्र तुम्ही कधी हा पदार्थ घरी बनवून पाहिला आहे का? हा पदार्थ घरी अगदी सहज बनवला जातो. संध्याकाळच्या नाश्त्यासाठी तर हा एक उत्तम पर्याय आहे. पावसाळ्यात चहाबरोबर गरमा गरम आलू टिक्की अप्रतिम लागते. जाणून घ्या आलू टिक्की बनवण्यासाठी लागणारे साहित्य आणि कृती.

हेदेखील वाचा – Shravan Recipe: श्रावणात बनवा रताळ्याचे चविष्ट कटलेट, जाणून घ्या रेसिपी

साहित्य

• 4 उकडलेले बटाटे
• 2 टेबलस्पून कॉर्न फ्लोर
• 1 टेबलस्पून आलं-लसूण पेस्ट
• 2 हिरव्या मिरच्या
• 2-3 टेबलस्पून कोथिंबीर
• 1/2 टीस्पून जिरे पूड
• 1/2 टीस्पून चाट मसाला
• 1/4 टीस्पून हळद
• 1/2 टीस्पून काश्मिरी लाल तिखट२ टेबलस्पून पुदिना
• 1/2 टीस्पून आमचूर पावडर
• तेल तळण्यासाठी
• मीठ चवीनुसार

कृती

• आलू टिक्की बनवण्यासाठी सर्वप्रथम बटाटे उकडून घ्या
• बटाटे उकडून झाले की त्यांची साल काढून त्यांना मॅश करून घ्या
• आता हे मॅश केलेले बटाटे एका भांड्यात टाका
• यानंतर यात हिरवी मिरची, बारीक चिरलेली कोथिंबीर, आले-लसूण पेस्ट, हळद, लाल तिखट, बारीक चिरलेली हिरवी मिरची टाका आणि सर्व साहित्य नीट एकजीव करा
• आता या मिश्रणात जिरे पूड, आमचूर पावडर, चाट मसाला आणि चवीनुसार मीठ घाला आणि पुन्हा सर्व साहित्य नीट मिक्स करा
• नंतर यात चिरलेली कोथिंबीर आणि पुदिना, २ टेबलस्पून कॉर्न फ्लोर घालून बटाट्याबरोबर चांगले मिक्स करा
• तुमच्याकडे कॉर्न फ्लोर नसेल तर तुम्ही त्यात तांदळाचे पीठ किंवा पोह्याचा चुरा देखील घालू शकता
• हे मिश्रण नीट मॅश करून एकत्र केले की याचे लहान लहान गोळे तयार करून त्यापासून टिक्की बनवून घ्या
• आता गॅसवर एक कढई ठेवा आणि यात तेल टाका
• तेल चांगले गरम झाले की यात तयार आलू टिक्की एक एक करून टाका आणि मध्यम आचेवर यांना छान डीप फ्राय करा
• कुरकुरीत झाले की आलू टिक्की तेलातून काढून एक प्लेटीत काढा
• अशाप्रकारे तुमची स्ट्रीट स्टाइल आलू टिक्की तयार होईल
• पुदिना किंवा सॉससोबत तयार आलू टिक्की खाण्यासाठी सर्व्ह करा